Innehållsförteckning för October 2021 - January 2022 från Baba & Kleuter

Ek het gister vergeet om my kind by die skool te gaan haal. Dis nou al 24 uur later en ek voel nog steeds soos ’n luis. Dit was ’n besige dag in ’n besige week in ’n besige maand –dis eintlik al verduideliking wat ek kan aanbied. Die vergete kind is darem al amper 16 en kon ’n boodskap stuur en die skool is naby. Sy is dus 20 minute later as gewoonlik afgehaal. Ai, die onvergenoegde gesiggie toe ek om die hoek gejaag kom. Al die ander kinders se ouers was betyds en dis nie lekker om alleen op straat te staan en wag nie. Die sekuriteitswag het tot al die hek gesluit en geloop. Met groot drama – hangskouers en ’n lang gesig – is ek vertel…

WEN ’N GESKENK VAN BIO-OIL TER WAARDE VAN R900 Agt gelukkige lesers kom in aanmerking vir ’n geskenk van Bio-Oil. Bio-Oil se reeks spesialisvelsorgolies vir littekens en rekmerke gee jou vel voor en ná jou swangerskapsreis presies wat jy nodig het om te rek en dan pragtig te herstel. Bio-Oil Skincare Oil en die nuwe Bio-Oil Skincare Oil (Natural) is lig, nie-vetterig en word maklik geabsorbeer. Pamperlang jou vel van boep tot baba! Om in te skryf: Stuur ’n foto van goeie gehalte na sharing@ypbmagazine.com. Stuur jou gunstelingfoto na sharing@ ypbmagazine.com. Onthou om jou kind se naam, van, ouderdom, kontakbesonderhede en posadres in te sluit.…

Volgens die mediese webtuiste msdmanuals.com is daar verskeie oorsake vir abnormale vorming van ledemate. Dit sluit in ’n oorgeërfde afwyking of ontwrigting wat tydens ontwikkeling van die ledemaat plaasgevind het. Een so ’n ontwrigting is vrugband-sindroom, waar die dun, weefselagtige stringe in die baarmoeder om die ontwikkelende ledemaat vasdraai en bloedtoevoer soontoe laat afneem. Ander ontwrigtende faktore sluit in infeksies of skadelike stowwe. Dis ongelukkig baie moeilik om vas te stel wat presies die oorsaak van die afwyking is.…

REUTERINA KAN HELP – DIS KLINIES BEVESTIG Dis al in meer as 200 kliniese proewe bevestig dat die Reuterina®-reeks ’n rol speel in die voorkoming en behandeling van ’n verskeidenheid ongesteldhede wat verband hou met ’n wanbalans in die ingewande se flora. Besoek reuterina.co.za vir meer inligting oor die produkte. REUTERINA SE PRYS VIR 2022 SE VOORBLADSTERRE Elk van die ses #coverstarsearch wenners ontvang ’n prys van Reuterina ter waarde van R1 000 en verskyn op die voorblad van Baba & Kleuter of ons sustertydskrif Your Pregnancy & Baby. BY BABY CITY KAN JY ELKE DAG LAE PRYSE GENIET Baby City bied ’n wye verskeidenheid gehaltehandelsmerke, alles onder een dak. Met lae pryse elke dag is dit geen wonder nie dat Baby City Suid-Afrika se top inkopiebestemming vir babaprodukte is.…

WYS VIR ONS As jy wil hê jou kinder- of ooievaarspartytjie moet op hierdie blaaie verskyn, stuur gerus ’n e-pos met foto’s van ’n goeie gehalte en ’n kort beskrywing van die partytjie na sharing@ypbmagazine.com…

“Miljoene mikrobes word elke dag, met elke sluk, na die dermkanaal van jou baba gestuur.” Borsvoeding help om jou baba se ingewande ná sy geboorte met voordelige bakterieë te vul. Dis omdat miljoene van hierdie piepklein mikrobes met elke slukkie melk na baba se dermkanaal gestuur word. Borsmelkbakterieë speel verskeie rolle in jou baba se dermkanaal. Dit verminder die voorkoms en erns van infeksies, verbeter die dermversperring deur die hoeveelheid slym wat as ’n skild dien te verhoog, lei die immuunstelsel op om goeie bakterieë van slegtes te onderskei, produseer anti-inflammatoriese stowwe wat die derms laat floreer, verbrand energie wat bepaal hoeveel vet jou baba berg, en breek suiker en proteïene af. Die bakteriese samestelling van jou borsmelk word weer beïnvloed deur hoe jy die lewe geskenk het, asook deur…

Moets • HOU DOP WAT JY EET. Jou dieet kan deurslaggewend wees. Die regte kossoorte – soos hope gesonde groente en vrugte, komplekse koolhidrate met heelgraan, bruinrys en heelgraanmeel, asook oliebevattende kos soos vis, neute en sade – sal jou liggaamsgewig gebalanseerd hou en jou hormone op hul plek sodat jy makliker swanger kan raak. Jou liggaam het die regte voedingstowwe nodig om jou en die nuwe lewe in jou te onderhou, gesond te hou en normaal te laat ontwikkel. Kyk of jou dieet mank gaan aan vitamiene, minerale of kilojoules. • GEBRUIK JOU LYF. Matige oefening het baie voordele: Dit voorkom ernstige buierigheid en veroorsaak minder bloedverlies tydens menstruasie. Matige oefening twee tot drie keer per week bevorder vrugbaarheid by vroue van enige gewigsgroep. • LAG BAIE. Maak dit…

Dit is belangrik om tydens jou swangerskap met ’n oefenroetine voort te gaan, of jy nou gek oor oefening was voor jy swanger geraak het of nie. Stap hou talle voordele vir jou liggaam in. Dit gee oefening aan die meeste van jou gewrigte, ligamente en spiere. Dit verhoog jou hartklop tot ’n gesonde vlak wat jou fikser maak en jou hart gesonder hou. Dit het nie dieselfde stamp-impak op gewrigte wat voluit hardloop het nie. Dis ook ’n goeie manier om jou gedagtes helder te kry en van stres ontslae te raak. Voor jy wegspring is dit belangrik, soos met enige oefening, om dit eers met jou dokter te bespreek. As dit jou dokter se goedkeuring wegdra, sal ons eenvoudige program jou help om stapintensiteit op te bou terwyl…

V Ek is volgens my ginekoloog 12 weke swanger. Ek verstaan nie hoe hy dit uitwerk nie, want ek het ’n ander datum in gedagte gehad. Tel ek die dae vandat ek laas seks gehad, geovuleer of gemenstrueer het? Hoe kan ek uitwerk presies hoe ver swanger ek is? A DR. JP DU BUISSON ANTWOORD: Swangerskapsduurte word bereken vanaf die eerste dag van jou laaste normale maandstonde. Die gemiddelde swangerskapsduurte is 280 dae, oftewel 40 weke. Dié berekening sluit egter ’n paar aannames in, soos dat jou siklus 28 dae lank is en dat jy op dag 14 geovuleer het. Vroue het gemiddeld ’n siklusduurte van 28 dae. Jou laaste maandstonde word gebruik in die berekening omdat ’n mens dit uiteraard makliker kan bepaal as die dag van ovulasie. As…

EK SOEK TYD VIR MYSELF! Monica de Beer van Kaapstad vertel sy wou nooit haar baba by haar ma of skoonma los nie. “Ek het gevoel of ek haar dan afskeep. Ek het later geleer dat ek tyd vir myself en my verhouding met my man nodig het.” WENK Jy sal beter na jou baba kan omsien as jy self meer energie het, beter slaap en gelukkig is. EK MOET TERUGGAAN WERK TOE “Ek het aan die begin omtrent elke oggend gehuil as ek my baba moes aflaai,” vertel Chantel Eckhard van Roodepoort. “Ek het so sleg gevoel dat ek daardie hulpelose bondeltjie by iemand anders moes los. Dit was absolute hel.” WENK Werk is een van die hoofredes waarom vroue skuldig voel. Jy voel skuldig as jy by die…

Dis vir alle babas goed om in die loop van die dag in verskillende posisies geplaas te word. Daarvan is magietyd sekerlik die belangrikste. Sorg dat jou wakker baba gereeld vir kort rukkies op sy maag neergesit word. Dit verlig nie net die druk op die plat dele van die skedel nie; dit maak ook die nek en romp sterker. Hierdie spiere is belangrik want dit help jou baba rol en sit, en later ook kruip en om eendag op die skoolbanke regop te sit en ’n potlood vas te hou. Jou baba moet natuurlik altyd in ’n motorstoeltjie reis, maar moenie dat die motorstoeltjie dubbeldiens doen nie. Probeer dus dat sy nie tuis ook daarin sit nie. Wissel die plekke en maniere waarop sy sit af.…

Babas groei op hul beste wanneer hulle goed slaap, want dis wanneer ’n glukose- en vetvoorraad neergelê word wat as brandstof dien vir hul vinnige groei en ontwikkeling. Slaaptyd is ook wanneer hulle begin aanpas by die lewe buite die baarmoeder en hul slaap-wakker-siklus vorm. Jy sal agterkom dat jou nuwe baba snags meer aktief is as bedags omdat hy nog nie geleer het dat die nag vir slaap bedoel is nie. Dié besef kan eers op ses tot agt weke deurdring wanneer die hormoon melatonien vrygestel word, wat lei tot ’n ritme van slaap in die nag, wakker wees in die dag. Ma en baba het die eerste paar maande tyd nodig om ’n roetine van voed, slaap en binding vas te stel. ’n Patroon sal geleidelik ontwikkel namate…

PIESANGROOM • 6ryp piesangs • 60 ml (¼ k) klapperroom • knippie fyn kaneel 1 Sny die piesangs in skywe van sowat 1 cm dik. Pak dit in ’n enkellaag op ’n bakplaat en vries sowat 2uur tot ferm. 2 Verwerk die bevrore piesang, klapperroom en kaneel saam in ’n voedselverwerker tot glad. Sit dadelik ’n porsie voor en vries die res vir later. AARBEIJOGURT-YSIES • 250 ml (1 k) bevrore aarbeie • 250 ml (1 k) natuurlike volroomjogurt 1 Pols al die vrugte en jogurt saam in die voedselverwerker. 2 Giet in oulike vormpies en vries oornag. AVOKADOROOMYS • 1ryp avokado • 60 ml (¼ k) room of klapperroom • 30 ml (2 e) esdoringstroop • sap van 1lemmetjie of ½ suurlemoen 1 Plaas al die bestanddele in die voedselverwerker en pols tot goed gemeng. Skep in ’n…

PADDA KIES KOERS Padda is moeg daarvoor om heeldag net te sit en kwaak. Hy wil rondreis en die wêreld sien. Maar sal hy ooit weer veilig tuis kom? ’n Opwindende interaktiewe avontuur vir dapper klein reisigers met loergaatjies en ’n uitvou-verrassing aan die einde. Die boek is ’n genot vir peuters. Dit ontwikkel geletterdheidsvaardighede en ruimtelike woordeskat. Padda se groot avontuur deur Carly Gledhill, R140, Macmillan Children’s Books. PAPPA MAAK ALLES PRET Niki Daly is ’n Suid-Afrikaanse kultuurskat. As jy nog nie sy boeke ken nie, begin deur hierdie een aan te skaf. Op Pappa se skouers vertel die bekoorlike storie van ’n pa en seun wat die roete skool toe in ’n spesiale uitstappie verander met ’n baie spesiale manier waarop hulle mekaar groet. Dit sal ’n gunsteling-boek…

WEN ’N GUESSDAMESHORLOSIE TER WAARDE VAN R2 895! Die horlosie het ’n goue kissie, metaalkettingbande en ’n wyserplaat gemaak van goud in reliëf. GUESS is bekend vir klassieke, ikoniese handelsmerke en beklee ’n posisie as modeleier. Horlosies van GUESS met hul glansende wysers en gedetailleerde armbande is werklik uitsonderlike stukke. GUESS bied sofistikasie en informele elegansie, met style wat gedra kan word by die werk of oor naweke. Dis gemaklik om te dra en sag op die oog... GUESS bied horlosies vir elke geleentheid. Gaan na guesswatches.com of bel Treger Brands by 011 089 6000.…

Toe my man, Viljee, vroeg in 2020 van Mosambiek na Angola verplaas is, het ons geweet daar wag ’n groot uitdaging op ons. Luanda is een van die duurste stede ter wêreld vir uitgewekenes. Die werkomgewing is meedoënloos en die leefstyl allesbehalwe gerieflik. Tog was ons opgewonde oor die geleentheid: Dit was vir hom ’n loopbaanbevordering (hy is ’n aankoper) en daar was die vooruitsig om met ’n gesin te begin. Een van die grootste voordele vir my as nie-werkende ekspat-vrou is juis die voorreg om heeltyds by die huis te wees. Ons is vir die eerste keer in 2017 deur ’n SA maatskappy Mosambiek toe gestuur en is dus steeds Suid-Afrikaanse burgers. Met twee tasse is ons in Februarie 2020 Kaap toe om gou ’n paar logistieke dinge af…

HOE HET ZIALI SE GEBOORTE VERLOOP? Ziali is op 23 Februarie 2021 om 18:30 normaal in die Pretoria-Ooshospitaal gebore. Ek was die dag baie kalm, maar my man, Gerhard, was vreeslik op sy senuwees omdat hy eers van Pretoria af Broederstroom toe moes ry om my te kom oplaai en toe weer Pretoria-Oos toe moes jaag. Ziali het ’n volle 3,54 kg geweeg en was 51 cm lank. Sy is ons derde baba, maar ek was steeds tot teen die einde nie seker of ek werklik in kraam was nie. Sy is op 41 weke en drie dae gebore. Ons was skaars ’n uur by die hospitaal, toe is sy gebore. Perfek geskape, met lang, donker hare. Ons het net die aand van haar geboorte in die hospitaal geslaap en…

WENNER 1 Die wenner (seuntjie) verskyn op die voorblad van Your Pregnancy & Baby February & March 2022. WENNER 2 Die wenner (seuntjie) verskyn op die voorblad van Baba & Kleuter Februarie-Mei 2022. WENNER 3 ‘n Pasgeborene verskyn op die voorblad van Your Pregnancy & Baby June & July 2022. WENNER 4 ‘n Pasgeborene verskyn op die voorblad van Baba & Kleuter Junie-September 2022. WENNER 5 Die wenner (dogtertjie) verskyn op die voorblad van Your Pregnancy & Baby October & November. WENNER 6 Die wenner (dogtertjie) verskyn op die voorblad van Baba & Kleuter Oktober 2022-Januarie 2023.…

“Hoe weet jou kinders dat jy hulle liefhet?” “Goed-genoeg ouerskap” is ’n term wat in die 1960’s geskep is deur die Britse pediater Donald Winnicot. Dis destyds gebruik om ’n ouer te beskryf wat haar kind beslis goed versorg, maar nie spring om elke probleempie op te los nie. In ’n neutedop beteken dit dat jy in jou kind se basiese behoeftes voorsien as dit kom by fisieke versorging, emosionele sekuriteit en aanvaarding. In hul eerste vyf jaar is kinders die meeste afhanklik van hul ouers se fisieke en emosionele beskerming en versorging. Ouerskap wat in dié tydperk “goed genoeg” is, gee aan kinders ’n gevoel van sekuriteit, wat op sy beurt weer belangrik is vir die ontwikkeling van gesonde emosies en selfbeeld. As jou kind se selfbeeld teen vyf…

Nie net ons spysvertering- en immuunstelsel baat by ’n goeie balans van voordelige bakterieë nie – hulle woon ook op ons vel. Elke oppervlak van jou liggaam is bedek met mikroskopiese organismes, meestal bakterieë. Hierdie organismes skep hul eie piepklein ekostelsel wat ‘n mikrobioom genoem word. Die teenwoordigheid van voordelige organismes help jou gesond bly omdat jou vel die eerste verdedigingsmeganisme teen aanval van buite is. Probiotika voed die vel se mikrobioom, wat dit help om te floreer en groei. So neem die goeie bakterieë toe tot hulle mans genoeg is vir die minder gawe kieme. Die uiteindelike wenner is jou gesondheid. Kom ons kyk na ander toestande wat ook baat by probiotika kan vind.…

Kliniese toetse toon dat Reuterina® drops ’n voordelige uitwerking op ’n verskeidenheid gesondheidstoestande het. Dis spesifiek vir babas onder twee jaar oud geformuleer en is beskikbaar as ’n gerieflike drup. Beskikbaar by Clicks, Dis-Chem, takealot.com, One-Cart en uitgesoekte, onafhanklike apteke landwyd. Reuterina® Vit D-druppels bevat 400 IU vitamien D , wat ’n rol speel in die absorp- 3 sie van kalsium en fosfate deur die liggaam. Hierdie druppels kan daagliks gebruik word om immuniteit te ondersteun en aan te help. Beskikbaar by Clicks, Dis-Chem, takelot.com, OneCart en uitgesoekte, onafhanklike apteke landwyd.…

Hier’s hulp! Preemie Connect is ’n ondersteuningsgroep vir gesinne wie se baba vroeg gebore is. Kry daar emosionele ondersteuning van ander wat werklik verstaan wat julle deurmaak. Van tyd tot tyd verskaf hulle ook sorgpakkette in hospitale wanneer die pandemieregulasies dit toelaat. Die pakkies is vol benodigdhede vir ma en baba, want kom ons wees nou eerlik - niemand is gereed vir ’n vroeë baba nie! Preemie Connect verteenwoordig ouers se belange by die Global Alliance for Newborn Care. Reik uit na hulle op sosiale media: @PreemieConnect, of stuur epos na preemieconnectsa@gmail.com. BLINK IDEE VIR BABAS Thula Baba Basket is die breinkind van Lisa Swanepoel van George in die Wes-Kaap, ’n ma van vyf wat nog tyd kry om haar oor ander ook te ontferm. Dit behels ’n veilige plek…

ATTOETS GEDURENDE DIE MOEILIKSTE DEEL van jou oefensessie. Jy is veronderstel om te kan praat sonder om na jou asem te snak, maar moet ook nie volkome op jou gemak wees nie. GEBRUIK DIE GRAAD VAN VOELBARE INSPANNING (rate of perceived exertion of RPE) op ’n skaal van 1 tot 10. Die meeste van jou stapsessies moet tussen 3 (stadig stap) en 7 (vinnig genoeg dat jy dit nie vir meer as 30 tot 40 minute kan volhou nie) wees. WEES OP DIE UITKYK VIR GEVAARTEKENS. Hou op as jy pyn, bloeding, lighoofdigheid, flouheid, skielike swelling, gebrek aan normale fetusbeweging, ’n abnormale vinnige hartklop of buitengewone moegheid ervaar. DOEN DIE PRA…

AGGE NEE, AKNEE! Swangerskap kan sommige vroue se aknee vir ewig oplos. As die oorsaak van jou aknee polisistiese ovariumsiekte of ’n androgene (manlike) hormoonpatroon is, kan dit tydens jou swangerskap herstel. Nog goeie nuus is dat dit dan ook gewoonlik nooit terugkeer nie. As die aknee egter die gevolg van familiële metaboliese sindroom is, sal die aknee ná ’n ruk terugkeer. Sommige vroue sal weer ná swangerskap weens androgenisasie (vermanliking) met aknee begin sukkel. Gee drie tot ses maande ná die bevalling kans – dan kan ’n hormoonprofiel gedoen word om te kyk of anti-androgene soos Diana of Jasmine voorgeskryf moet word. REKMERK, STREKMERK? Swangerskap stel groot eise aan jou vel, want jy sit vinnig gewig aan. Dr. Paul Skoll, ’n plastiese chirurg van Kaapstad, sê ’n rekmerk is…

Een van die kommerwekkende gevolge van ma’s se strewe na volmaaktheid en gepaardgaande skuldgevoelens is dat dit tot nageboortelike depressie kan bydra, sê die sielkundige Ilze van der Merwe-Alberts. “Daarom is dit belangrik om ’n steunstelsel te hê en iemand op wie jy kan staatmaak en by wie jy raad kan vra.” “Dis so belangrik dat vroue besef daar is nie iets soos ’n perfekte ouer nie,” sê Anne. “Dis ’n kringloop. As jy ontspanne is, help dit jou baba om ook te ontspan en positief te ontwikkel. Dit laat jou weer ontspan. “’n Gespanne ma wat met skuldgevoelens worstel, se baba sal ook veeleisend en gespanne word – wat weer tot nuwe skuldgevoelens kan lei.”…

17 November ... is Wêrelddag vir Vroeggebore Babas. As jy graag die storie van jou ervaring met jou vroeggebore baba met ander wil deel, kom in aanraking met Ferring Pharmaceuticals, wat bewusmaking hieroor wil bevorder. Enige en alle stories is welkom. Dalk was jy self ’n vroeggebore baba of dalk werk jy met vroeë babas? Deel jou kennis. Stuur jou storie na projectfamily@ ferring.com. ALLES WAT JY OOR JOU VROEË BABA WIL WEET Prematurity – Adjusting Your Dream deur prof. Welma Lubbe is van onskatbare waarde as jy die ma van ’n vroeggebore baba is. Lees en leer meer by littlesteps.co.za en koop die boek daar teen R350. SKOON LUG Met Covid-19 wat al ’n anderhalfjaar woed is ons almal intens bewus van ventilasie en hoe belangrik skoon lug is.…

Hier is wenke vir die tye wanneer slaap ’n stryd word. NAGVOEDING Melk uit en vra jou man of ’n oppasser om een van die nagvoedings waar te neem sodat jy ’n paar uur se ononderbroke slaap kan kry. Dit kan die wêreld se verskil maak. SL A AP SELF ’n Goue stukkie raad is om te slaap wanneer jou baba slaap. Los eers al die ander dinge wat jou aandag nodig het en maak slaap ’n prioriteit. As jy nie kan slaap nie, rus dan ten minste. JA VIR HULP Leer om ja te sê as iemand hulp aanbied, en leer ook om te vra vir die hulp wat jy nodig het. Mense is gretig om te help as daar ’n nuwe baba in die huis is. Wasgoed, inkopies,…

• ’n Paar minute magietyd elke dag is noodsaaklik om die spiere sterk te maak wat jou baba vir kruip nodig het. • Laat jou baba op haar maag lê en strek na speelgoed wat reg voor haar lê. • Laat jou baba op haar maag lê met haar gewig op haar elmboë. • Help jou kleinding om van ’n sittende posisie na ’n kruipposisie te beweeg deur albei haar arms regs of links van haar op die vloer te plaas. Help haar deur haar bekken saggies te stoot. • Laat haar in ’n handeviervoet-posisie vorentoe en agtertoe wieg. • Laat jou baba met albei hande op tromme of balle slaan terwyl sy met jou ondersteuning sit of staan. Hierdie speletjie help om die maagspiere te aktiveer en hulle sterk…

ANNE JANSE VAN RENSBURG, PRETORIA: My vriendinne het altyd gedink ek maak vir myself net meer werk, maar ek het graag meel op my tweeling se tafeltjie gegooi waarin hulle heerlik kon speel (en mors!). CHRISTA PAULSEN, BLOEMFONTEIN: Ek maak net my kas met potte of panne vir my dogtertjie oop en sy geniet dit gate uit! MARISKA DE WITT, POLOKWANE: Ek onthou nog hoe my ma altyd vir ons allerhande diere uit wasgoedpoeierbokse en foeliehouers gebou het. Dit was wonderlik. Vandag doen ek dit ook. ZINTA DE VILLIERS, PRETORIA: Ek trek ’n tou deur ’n klompie leë toiletpapierrolletjies en maak ’n klomp blink goeters daaraan vas wat ’n lekker geraas maak. Kleintjies speel te heerlik daarmee. ANNATJIE PRETORIUS, RANDFONTEIN: Ek gee my kleintjie ’n houtskinkbord en hy vul dit…

V Ek het onlangs uitgevind dat my nuwe bure se een kind verdrink het. Hulle het ’n heining om die swembad gehad, maar nie ’n net nie en die kind het oorgeklouter. Dis so hartseer en het my laat dink aan wat ek kan doen om my eie kinders te beskerm. Wat moet ek oor waterveiligheid weet? My kinders kan al amper swem. A RENÉ ANTWOORD: Baie kinders wat elke jaar verdrink, kan eintlik swem. Al kan jou kinders swem, bly die gevaar daar dat hulle kan verdrink. Moet nooit aanneem dat jou kind veilig is nie. Kinders verdrink vinnig en nie veel water is nodig nie; ’n kind kan selfs in net 2 cm water verdrink. Hou altyd ’n ogie oor jou kind as julle naby water is. Kinders…

Die Amerikaanse rubriekskrywer Lenore Skenazy het haar ’n klompie jare gelede die woede van koerantlesers op die hals gehaal toe sy skryf hoe sy haar toe negejarige seun alleen op New York se moltreine laat ry het. Die ontsteltenis van lesers het haar genoop om ’n beweging te begin wat sy Free Range Kids genoem het. Die beweging het hom beywer vir ’n samelewing waarin kinders die kans gegun word om kanse te waag en van jongs af onafhanklik op te tree. Sy het ook ’n boek met die titel Free-range Kids geskryf wat in 2021 bygewerk en heruitgegee is. Sy glo kinders moet soms misluk ten einde te leer. “Ons wil nie hê ons kinders moet van ’n fiets afval nie. Maar ons wil hê hulle moet leer hoe…

Dit het eintlik begin toe ek en my tuinman mekaar verkeerd verstaan het. Ek het bedoel hy moet ’n paar plantjies bymekaarplant sodat die fyn wit blommetjies later in blomtyd ’n mooier, dramatieser vertoning kan lewer. Toe plant hy die saailinge in netjiese, klein sirkeltjies. Feetjieteaters, het ek my twee japsnoete oortuig. Sodat elke feetjie op ’n plantjie kan sit en mooi kan sien wanneer hul feetjiemaatjies snags in die maanlig dans en konsert hou in die sirkel in die middel. Vóór die feetjiesirkels al was my twee dol oor ons posseël van ’n voortuin. Daarvoor het die malse geure van die laventel, ment, rose en jasmyn gesorg – ook die sagte groen gras, voëlbadjie en die witklippie-en-baksteenpaadjie wat ek en die oudste een middag self ontwerp en gepak het.…

“Dit was natuurlik baie moeilik om die nuus met almal te deel. Jy dink nie so iets sal ooit met jou gebeur nie.” Weens Covid-protokol was Nicole Esau (35) alleen in die spreekkamer toe die ginekoloog op die sonar sien dat haar jongste ’n gestremdheid het. Hoewel klein Zaria se twee armpies volledig gevorm het, het haar regterhand glad nie ontwikkel nie. Die dokter het gevra dat haar man, Ludwig (42), hom by hulle aansluit voor hy die skokkende nuus met hulle gedeel het. Nicole was reeds 28 weke swanger toe hulle van die handjie uitvind. “Daar is soveel dinge wat deur jou gedagtes gaan wanneer jy slegte nuus kry. Ons wou weet wat so iets kon veroorsaak, maar die antwoorde was min. Die ginekoloog het verduidelik dat dit moontlik…

BY BABY CITY KAN JY ELKE DAG LAE PRYSE GENIET Baby City bied ’n wye verskeidenheid gehalte-handelsmerke, alles onder een dak. Met daaglikse lae pryse is dit geen wonder nie dat Baby City Suid-Afrika se topinkopiebestemming vir babaprodukte is. Gaan na babycity. co.za om die hele reeks te sien. STREEL, VOED EN LIEFKOOS JOU KIND SE VEL MET EPI-MAX BABY & JUNIOR ’n Strelende, veeldoelige, versagtende bevogtiger vir babas en kinders wat sag genoeg is om as room of seep-plaasvervanger te dien vir normale of droë vel, asook vir ekseem en psoriase. Epi-max Baby Bum Barrier Cream beskerm, herstel en hou sensitiewe deeltjies van die vel in stand en kan gebruik word om nattigheid wat tot luieruitslag kan lei, af te weer. Die reeks is geskik vanaf geboorte en kan…

Salm-SOSATIES BESTANDDELE • 2salmfilette, vel verwyder • 2suurlemoene, in dun skyfies gesny • 30 ml (2 e) olyfolie • 10 ml (2 t) sesamsaad • 5ml (1 t) fyn komyn • 1ml (¼ t) brandrissievlokkies • sout en peper na smaak • 8hout-sosatiestokkies, ’n uur in water geweek om aanbrand te keer METODE 1 Sny die vis in blokkies van sowat 2 x 2 cm en ryg afwisselend met die suurlemoenskyfies aan die stokkies. Hou eenkant. 2 Meng die olie, sesamsaad, komyn en rissievlokkies en drup oor die sosaties. Geur met die sout en peper. 3 Braai ’n paar minute aan elke kant op matige kole tot die vis opaak is. Dit sal altesaam sowat 8 minute duur. 4 Sit voor met koolslaai of ’n groenslaai. Begin met GROENTE BESTANDDELE • 1heel broccolikop, gewas en in stukke gebreek • 1rooi…

Voor jou en jou kleinding se liggaam optimaal kan werk, is ’n gesonde spysverteringstelsel noodsaaklik. Meer as 500 verskillende soorte bakterieë is hard aan die werk in die spysverteringskanaal. Presies hoeveel en wat hul eienskappe is, verskil van plek tot plek. Elke mens op aarde het ’n unieke derm-mikrobiotaprofiel (mikrobiota is ’n gemeenskap mikroörganismes in jou derm) wat in die vroeë kinderjare gevorm word. Hierdie omgewing, of bioom, bly egter nie konstant nie, maar word aanhoudend beïnvloed deur faktore soos dieet of siektes, om maar net twee te noem. Dr. Anton Janse van Rensburg van Johannesburg sê dat baie aspekte van ons moderne lewe ongelukkig nie die bioom in ons derms gesond help hou nie. “Antibiotika, rook, stres, anti-inflammatoriese middels, teensuurmiddels vir die maag en die afwesigheid van gegiste voedsel…

Probiotiese aanvullings voor en ná geboorte kan moontlik die voorkoms van asma, allergie en ekseem by kinders verminder, sê prof. Bengt Björkstén, ’n professor in allergievoorkoming en kindergeneeskunde aan die Karolinska-instituut in Stockholm, Swede. Wetenskaplikes het opgemerk dat daar ’n verskil is tussen die maagdermflora by allergiese en nieallergiese kinders. Volgens ’n teorie wat bekend staan as die higiëne-hipotese, is babas wat in superhigiëniese hospitale gebore word en dan na skitterende skoon huise teruggaan, meer geneig om allergieë te ontwikkel. Die teorie is dat jong kinders in die moderne lewe te min aan kieme blootgestel word en dat dit tot toestande soos allergieë en outoimmuun-siektes kan lei, verduidelik Bengt. Omdat ’n kind se liggaam dus nie soveel bakterieë as in die verlede hoef te beveg nie, begin hul immuunstelsel onskadelike…

As jou kind antibiotika neem, is dit ’n goeie idee om hom ook ekstra probiotika te gee. Dit is omdat antibiotika die balans van organismes in die dermkanaal verander en sodoende kan sekere skadelike bakterieë die oorhand kry. Dit kan weer tot maagontsteking of diarree lei, of jou kind se maag kan opgeblaas en seer wees. Vra jou dokter vir probiotika wanneer sy antibiotika voorskryf. Vra ook wanneer jy daarmee moet begin, want dit kan die doeltreffendheid van antibiotika belemmer as dit tegelykertyd toegedien word.…

Wanneer ’n baba voor 37 weke van swangerskap gebore word, word dit as ’n vroeë geboorte beskou. Dit kan veroorsaak word deur mediese toestande soos ’n infeksie, ’n plasenta wat laag lê of geskeur het, jou water wat vroeg gebreek het, ’n besering wat jy in jou maag opgedoen het of afwykings by die fetus. Nog ’n groot oorsaak is hoë bloeddruk wat deur die swangerskap veroorsaak is en tot preëklampsie lei. Meerlinge kom ook graag vroeër omdat die ruimte in die baarmoeder knap raak. As jy voorheen vroeg begin kraam het, is die kans groter dat dit nou weer sal gebeur. Nog ’n rits risikofaktore sluit in dat jy ’n steek in jou serviks gekry het, progesteroon moes neem, vantevore miskrame gehad het, veelvuldige aborsies ondergaan het, as daar…

Jy is ademloos van verwondering oor daardie lieflike bondeltjie in die bababed, maar skielik ervaar jy ’n warboel emosies. Daar is trots, vreugde, oorweldigende liefde – maar ook vrees en skuldgevoelens. En jy’s nie alleen nie. Ma’s oor die wêreld heen worstel met dieselfde gevoelens. Niemand kan stry nie: Om ’n ma te word, is een van die wonderlikste gebeurtenisse, maar dis ook een van die stresvolste en moeilikste fases in jou lewe. Die sielkundige Ilze van der Merwe­Alberts van die Bella Vida-sentrum in Bryanston sê as ’n ma die lewe aan ’n baba skenk, word skuldgevoelens sommer terselfdertyd gebore. “Die meeste skuldgevoelens berus egter op wanpersepsies en daarom moet jy perspektief behou en objektief na jou situasie en kwelkwessies kyk.” Daar is geen twyfel dat ma’s (eintlik vroue in…

Dis nie ongewoon om ’n nuwe baba te sien wat ’n vreemde kopvorm het nie, veral as die mensie nie baie hare het nie. Soms kan die kop baie lank lyk en ander kere weer afgeplat of selfs asimmetries. ’n Pasgeborene se skedel is in die eerste plek sag omdat dit die natuur se manier is om jou en hom met die bevalling te help. ’n Baba se skedel moet natuurlik ook vinnig kan groei om vir die groeiende brein plek te maak. Vreemde kopvorms kan weens baie redes ontstaan, soos eksterne drukking in die baarmoeder en drukking tydens kraam, of die feit dat ’n pasgeborene nie veel beweeg nie en dalk sy nekkie pal in een posisie hou sodat daar altyd drukking op dieselfde deel van die skedel is.…

V Ek wil my vroeggebore baba baie graag borsvoed, maar weet nie of dit sal werk nie. Kan ’n preemie aan die bors drink? Of moet ek maar uitmelk en bottel gee? Sal ek dan later kan voed? Ek het so baie vrae, want dit voel of alles anders werk wanneer dit by ’n vroeë baba kom. A PROF. LISANNE DU PLESSIS ANTWOORD: Vroeggebore babas het ’n spesiale behoefte aan hul ma se borsmelk. Die melk wat ‘n vroeë baba se ma produseer, is uniek vir haar kleinding se behoeftes aangepas omdat dit meer proteïene en ander voedingstowwe bevat as die melk van die ma van ’n voltermynbaba. As jou baba voor 30 weke gebore is, is dit moontlik dat sy suigrefleks nog nie ten volle ontwikkel het nie. Jy…

JY HET NODIG • 250 ml (1 k) hawermout • 125 ml (½ k) meel • 125 ml (½ k) water MAAK SO 1. Meng die hawermout en meel saam en voeg die water bietjie vir bietjie by tot jy gelukkig is met die dikte en tekstuur. Jy kan meer of ’n bietjie minder water nodig hê. Voeg nog meel by as dit te pap is. 2. Gee die deeg vir jou kind en laat haar toe om dit met vormpies uit te druk of te versier. Die resep is genoeg vir ’n bal wat omtrent so groot soos twee vuiste saam is. Dis ’n goeie hoeveelheid vir een kind, maar maak dubbeld aan as jy of ’n maatjie saamspeel.…

“Babas met kwaai atopiese ekseem is knieserige kinders wat sleg slaap” Daar is nie net een soort ekseem nie. Medici onderskei tussen hoofsaaklik sewe soorte velontsteltenisse waarvan atopiese ekseem (of atopiese dermatitis) die algemeenste is. Dié oorerflike toestand (die woord atopies verwys na ’n persoonlike of familiegeneigdheid om ekseem, hooikoors of asma te kry) verswak die skansfunksie van die vel en laat allergene toe om die vel binne te dring. Dit veroorsaak dan ontsteking, rooiheid en ’n gejeuk, verduidelik dr. Dagmar Whitaker, ’n dermatoloog van Kaapstad. “Met atopiese ekseem ontbreek ’n proteïen genaamd filaggrin, wat normaalweg deel uitmaak van die vel se samestelling. Dit is een van die redes waarom die vel nie bestand is teen allergene (stowwe wat ’n allergiese reaksie veroorsaak) nie,” sê sy. Ander soorte ekseem sluit…

SOSIALE EN EMOSIONELE ONTWIKKELING Kan jou kind van haar ouers skei, onafhanklik take verrig, reëls gehoorsaam en maklik maatjies maak? Hoe speel sy met maats? Sal sy aan geleenthede soos atletiekbyeenkomste of aktiwiteitsdae deelneem, selfbeheersing toepas en aktief in die klas by koöperatiewe leer en spel betrokke wees? Die terapeut sal oplet of jou kind take onafhanklik kan uitvoer, ’n taak kan deurvoer, vir ’n redelike tydperk stil kan sit en konsentreer en bereid is om te waag. Het sy selfvertroue? Kan sy oor emosies gesels en sekere gevoelens benoem? Kan sy uitdagings aanvaar en die maak van ’n fout met gemak hanteer? Die terapeut sal ook kyk hoe sy haar omgewing en take organiseer en hoe sy op opdragte reageer. “As jou kind sleg vaar in die toetse, kan…

Dis normaal om benoud oor die onbekende te voel. Grootskool is ’n groot stap en die blote gedagte kan sommige kinders (en ouers) oorweldig. Die paar dae wat daardie eerste skooldag voorafgaan, bied die volmaakte geleentheid om oor gevoelens te praat en oor hoe om sekere emosies te hanteer. Doen dit speels, hou dit lig en gee praktiese raad. DOEN DIT VOORAF 1 MAAK SAAM ’N “EK GAAN SKOOL TOE!”-BOEK. Hierin kan julle saam die storie skryf en prentjies teken waarin mamma verduidelik hoe ’n skooldag verloop en wat die verskillende elemente daarvan is, soos: aankoms, groet juffrou en maatjies, klaswerk, pouse, ’n kosblik vol verrassings, buitespel, verdere klaswerk, en so aan. So sal jou kind baie meer voorbereid wees op die onbekende en haar eerste skooldag met meer selfvertroue…

• Moet nooit kinders alleen in die bad laat nie. Ignoreer die telefoon en deurklokkie, of neem jou kind saam. • Gebruik ’n glyvrye matjie in die bad. • Toilette moet met ’n veiligheidsknippie toe gehou word. • Maak baddens, emmers en plasswembadjies leeg as julle klaar is en moet dit nie laat rondstaan nie. • Sorg dat jou visdammetjie ook beveilig is. • Sorg dat kinders nie toegang tot die jacuzzi het nie. • As julle naby ’n rivier, vlei of dam woon, moet die tuin omhein wees. • Gebruik altyd reddingsbaadjies op ’n boot. • Hou jou kinders dop op die strand en moenie swem waar daar nie lewensredders is nie. • As jou kinders bedags by ’n oppasser bly, moet sy kan swem, die veiligheidsmaatreëls verstaan en…

JY HET NODIG • ’n Verskeidenheid bottels met skroefdeksels • ’n Groot stuk hout • Gom • Syfervorms, twee van elk MAAK SO 1 Plak die deksels onderstebo op die houtblad vas. 2 Plak ’n syfer op elke deksel. 3 Plak ’n syfer op die ooreenstemmende bottel. 4 Jou kind moet die syfermaats herken en dan die regte bottel aan die regte deksel vasdraai. Baie dankie aan die Clamber Club vir dié idee. Gaan na clamberclub.com.…