Innehållsförteckning för February - May 2024 från Baba & Kleuter

REDAKTEURSBRIEF Omdat my kinders groot en elk al met een been uit die huis is, vra mense my soms of ek nie moeg is vir skryf oor swangerskap, babas en kinders nie. Die antwoord is nee. Dis dan die belangrikste onderwerp op aarde: nuwe lewe en al die omwentelinge wat daarmee gepaardgaan. Mode, skoonheid en celebs – die hoekstene van vele ander tydskrifte – kan onmoontlik so bevredigend wees. Soms dink (dommerige) mense ook omdat ’n groot deel van die tydskrif oor kinders gaan dat die inhoud ”kinderagtig” is. Nee man, kinders grootmaak is ’n ernstige saak! Dit hou ouers nagte wakker, en ons doel hier by Baba & Kleuter is om te help, of dit nou letterlik is met slaapraad vir knieserige babas, of figuurlik met raad oor boetie…

VOORBLADKOMPETISIE ONS IS AANLYN!Sociale media Volg ons op sosiale media vir gereelde kompetisienuus: #CoverStarSearch Vir die volledige bepalings en voorwaardes, gaan na bladsy 97. Om ‘n pasgeborene in te skryf, epos ‘n foto na coverstar@ypbmagazine.com Die baba kan enige geslag wees. Maak seker die foto is duidelik. Onthou om die kind se naam, ouderdom en waar julle vandaan kom in te sluit, en kontakbesonderhede. Ouderdomsperk: tot 3 maande SKRYF IN VAN: 1 JANUARIE – 30 APRIL 2024 Om ‘n dogtertjie in te skryf, epos ‘n foto na coverstar@ypbmagazine.com Maak seker die foto is onlangs, duidelik en van goeie gehalte. Onthou om die kind se naam, ouderdom en waar julle vandaan kom in te sluit, asook kontakbesonderhede. Ouderdomsperk: 48 maande SKRYF IN VAN: 1 MEI – 31 AUGUSTUS 2024 VINNIGE, STRELENDE…

WYS VIR ONS As jy wil hê jou kinder- of ooievaarspartytjie moet op hierdie blad verskyn, stuur gerus ’n e-pos met foto’s van ’n goeie gehalte en ’n kort beskrywing van die partytjie na sharing@ypbmagazine.com…

1. EET VIR EEN ’n Glas laevetmelk, ’n vrug, ’n porsie groente, ’n sny brood en ’n hoenderboudjie per dag ekstra gee in die tweede en derde trimester ál die bykomende energie wat jy nodig het. 2. GEREELDE PEUSELHAPPIES Naarheid of duiseligheid is soms die gevolg van lae bloedsuiker. Peusel aan vars vrugte of groente, ongegeurde jogurt of heelgraanbeskuitjies om jou bloedsuiker meer konstant te hou. 3. JA! VIR OMEGA 3’S Dis nodig vir die ontwikkeling van jou baba se brein en oë. Eet een tot twee keer per week seevis soos snoek, bottervis, makriel, ansjovis, sardiens, sardyne, salm of haring, of gebruik ’n aanvulling. Kies vis met ’n lae kwikinhoud soos geblikte tuna (in water), garnale, salm en snoek. Vermy marlyn, haai, swaardvis en koningmakriel. 4. KRUIE IS NIE…

OGGENDNAARHEID Oggendnaarheid kan al teen ses weke inskop en is gewoonlik teen 16 weke verby. Die oorsaak is waarskynlik ’n kombinasie van hormone, die senustelsel en emosies. Beskou dit as ’n teken dat die plasenta goed vasgeheg is en sy werk doen. BEPROEF DÍT ■ Eet of drink gemmerkos of -drankies. ■ Eet of drink iets soggens voor jy opstaan. ■ Vermy sterk geure. ■ Vermy sigaretrook. ■ Eet sodra jy effens honger is. ■ Doen iets wat jou aandag van jou naarheid aftrek (sing help soms!). ■ Vermy vetterige kos. Koolhidraatryke kos help weer. ■ As dit erg is, vra jou dokter vir hulp. SOOIBRAND Wanneer die suur spysverteringsappe uit die maag opstoot en in jou slukderm beland, kry ’n mens sooibrand. Dit ontstaan wanneer die eenrigting-sluitspier wat kos…

TEEN SY EERSTE VERJAARDAG HET JOU BABA SLEGS 15-17% VAN SY TEENLIGGAAMPIES GEBOU Dis nie moontlik om jou baba se leefwêreld kiemvry te hou nie, en volgens navorsing is dit gelukkig ook nie nodig nie. Volgens die sogenaamde higiënehipotese het babas wat kleintyd min blootstelling aan bakterieë en virusse gehad het, ’n groter kans om later in hul lewe allergieë, asma en ander outo-immuuntoestande te ontwikkel. Dit beteken egter nie alle kieme is altyd naby jou baba welkom nie, hoofsaaklik omdat wetenskaplikes nie heeltemal seker is presies watter kieme dit is wat die immuunstelsel ’n hupstoot kan gee nie. Die ander uitdaging van vroeë blootstelling aan kieme is dat jou baba nie dadelik die vrugte daarvan sal pluk nie. Dit is eers later in sy lewe dat hy beter sal…

Jy het jou hart en siel gestort in die skep van die fraaiste babakamer in die Suidelike Halfrond. Maar het jy al mooi oor jou kleinding se veiligheid gedink? Sommer gou gaan die engeltjie wat nou lê en droom in die wiegie waaroor jy ure getob het, in ’n woelige kruipertjie ontaard. Is jy en jou huis reg vir ’n “bodemdiertjie”? Volg ons raad en sorg so dat jy ongelukke in die huis vermy. 1. Moenie wag tot jou kind mobiel is en dan gou ’n plan probeer maak nie. Dis te laat. Besluit doelbewus om jou huis veilig te kry voor die rakkertjie begin rondseil. Dis skokkend maar waar dat die algemeenste oorsake van dood en beserings by klein kinders meestal in die huis of op die erf is,…

Slaap is ’n belangrike deel van ’n gesonde leefstyl. Dit is nodig vir fisieke herstel en neurologiese verwerking en is dus kritiek vir kinders se l iggaamlike en breinontwikkeling. Die Nasionale Slaapstigting beveel aan dat babas onder drie maande 14 tot 17 uur en ouer babas 12 tot 15 uur per dag slaap. Peuters het 11 tot 14 uur nodig en kleuters 10 tot 13 uur, terwyl volwassenes sewe tot nege uur behoort te slaap. Te min slaap kan kinders se breinontwikkeling, emosionele regulering en algemene gesondheid aantas en kan ook die rede wees vir hiperaktiewe gedrag en aandaggebrek. Kinders wat te min slaap, eet en drink meer en het ’n groter kans om oorgewig te wees. Die verband tussen min slaap en hoër liggaamsmassa geld almal, van peuters tot…

JOU KUNSVLYT JY HET NODIG ■ karton van ontbytgraanboks (soos ’n hawermoutboks)■ skuimpapier (opsioneel)■ gom van ’n goeie gehalte■ verskillende items om op die boekie te plak■ skêr■ gaatjiedrukker■ ringetjie GAAN SÓ TE WERK Gebruik die karton as blaaie vir die boek. Ons het die blaaie ook ’n interessante tekstuur gegee deur dit met sagte skuimpapier te bedek. Soek in die huis of jou naaldwerkkas na verskillende teksture om op die blaaie te plak. Jy kan dit helderkleurig maak soos in ons voorbeeld, of natuurlike items in die boek byvoeg, soos sand of ’n stukkie boombas. Druk ten laaste ’n gaatjie in die boonste hoek van elke bladsy en maak die blaaie met ’n hakie aan mekaar vas.…

Middellynkruising – of soos sommige terapeute kortweg sê ”midlynkruising” – is ’n term wat jy nog baie op jou kleinding se grootwordpad gaan hoor by sy juffrou, sportafrigter, terapeut en selfs by speelgoedbemarkers. Maar wat beteken hierdie gonswoord en hoe raak dit jou kind? Daar is baie wat jy kan doen om seker te maak jou baba en peuter bereik hul middellynkruising-mylpale. Dis een van die belangrike boublokkies van vaardighede wat jou kind moet baasraak om gereed vir die grootskool te wees. WAT IS MIDDELLYNKRUISING? Die menslike liggaam word in ’n linker- en regterkant verdeel deur ’n denkbeeldige middellyn wat strek van jou kroontjie, deur jou neus tot tussen jou voete, verduidelik Amy Rode, ’n arbeidsterapeut van Stellenbosch. ”Middellynkruising is die oorsteek van hierdie denkbeeldige lyn.” Amy beklemtoon dat middellynkruising…

E-pos jou vrae aan SHARING@YPBMAGAZINE.COM Vrae kan ongelukkig nie persoonlik beantwoord word nie. ONS KENNER V My seuntjie is twee jaar oud. Hy skree vreeslik wanneer hy soggens skool toe moet gaan. Hy eet niks by die huis of by die skool nie. Hy gooi sy kos tuis uit en by die skool deel hy dit uit. Hy bly tans by my ma en sy pa is glad nie betrokke nie. Hy kom goed oor die weg met my verloofde. Hoe kan ek hom help? A LENMARIE STANTON ANTWOORD: Skeiding is ’n sterk en deurlopende tema in die lewe van babas en kleuters. Hulle is geneig om angstig te raak as hul ouers gaan werk of selfs net na ’n ander kamer toe gaan. Dis natuurlik dat jong kinders angstig…

1. Die kompetisie se inskrywings is oop vanaf 22 September 2023 tot 31 Augustus 2024. Geen laat inskrywings word aanvaar nie. Sien bl. 8 en 9 vir meer inligting oor die drie verskillende kategorieë se sluitingsdatums. 2. Deur in te skryf, stem jy in om gebonde te bly aan die bepalings en voorwaardes van die kompetisie. 3. Deelnemers moet die ouer of wettige voog van die kind wees. Die tydskrifte behou die reg voor om bewyse van die verwantskap aan te vra. As dit bewys is dat daar geen verwantskap is tussen the kind en die persoon wat die foto gestuur het, gee die persoon vrywaring aan die tydskrifte teen enige eis van ’n derde party indien die kind as ’n wenner gekies word. 4. Jy word outomaties vir albei…

The Baby Shoppe het alles wat jy nodig het vir jou baba. Hulle hou groot handelsmerke soos Joie, Belecoo, Mastela, Angelcare, Tommee Tippee en nog baie meer aan. The Baby Shoppe is ’n plattelandse babawinkel wat al sedert 1973 bestaan en hulle ken dus hul storie, wat help dat jy die beste diens en mededingende pryse daar kry. Alles is in die winkel self te koop, of aanlyn by thebabyshoppe.co.za. Ons groei saam met jou gesin, stap vir stap. Om in te skryf: Stuur jou gunsteling-foto na sharing@ypbmagazine.com. Onthou om jou kind se naam, van, ouderdom, kontakbesonderhede en posadres in te sluit.…

HULLE KAN GENEES LIEFSTE NICU-OUERS ’n Mens hoor die stories en steeds dink jy altyd “dit sal nie met my gebeur nie”, maar sou jy en jou baba julself nou in die NICU (baba-waakeenheid) bevind, is hierdie brief vir julle. Terwyl ons tweelingseuns in die NICU was, het ek suksesstories gesoek. Ek het dit broodnodig gehad om te weet dat ander ouers en kinders hierdeur is en aan die ander kant uitgekom het. Omdat ek weet hoe belangrik dit vir my was, deel ek graag ons wonderwerkverhaal. Ek kan skryf oor die diagnose en die verskillende mediese struikelblokke wat ons gehad het, maar al wat julle werklik hoef te weet, is dat ons op 12 weke uitgevind het ons verwag ’n tweeling. Ons het ook op dié dag uitgevind Samuel…

BAK VOL GROEN KRAG Spinasie en avokado is vol kankerwerende voedingstowwe. GENOEG VIR VIER MENSE BESTANDDELE ■ 2 e (30 ml) B-well Canola-olie■ 1 k (250 ml) melk■ 4 k (4x250 ml) spinasie■ 1 middelslag-avokado■ 2 middelslag-piesangs■ 1½ k (325 ml) bevrore pynappel■ ½ mango■ 1 e (15 ml) chiasaad■ 1 e (15 ml) geroosterde klapper of pampoensaad■ 2 t (10 ml) chiasaad■ ½ k (125 ml) aarbeie, bloubessies of frambose GAAN SO TE WERK 1. Plaas die eerste 8 bestanddele in ’n voedselverwerker. 2. Meng aanvanklik stadig en skraap die kante van die bak ’n paar keer om seker te maak dat alles goed ingemeng is. Sodra die mengsel dik en romerig is, kan jy die spoed verhoog. 3. Verdeel die mengsel tussen vier bakke en sprinkel die laaste…

EK WAS DEUR ALLES BONATUURLIK RUSTIG EN KALM. EK HET AL ’N KALMTE BEGIN ERVAAR DIE AAND VOOR DIE GEBOORTE. EK WEET DIT IS DIE HERE WAT BY MY WAS. Meer as ’n jaar later is die verlies nog nie makliker nie. Chloe Barnard van George het op 9 Desember 2023 haar eerste verjaardag gevier, maar iemand was nie daar nie: haar tweelingsussie, Aimee. Dit was ’n dag vol gemengde emosies vir ma Elizma (34) en pa Jacques (38). “Met elke mylpaal wat Chloe behaal, wonder ek hoe dit sou wees as Aimee hier was. En hoe vreeslik Emily (5) die twee sou geniet het. Sy is so ’n goeie ousus; die tweetjies is baie lief vir mekaar.” Daarom kan Elizma haar net indink hoe dit sou gewees het met…

WERKBOEK VOL WYSHEID Conscious Birth: Inner Wisdom for Modern Mothers deur Theoni Papoutsis, ’n gesoute doula, hipnogeboorte-praktisyn en lewensafrigter van Johannesburg, bevat tegnieke vir swangerskapsjoga, bewustheid en nog baie meer. Aan die einde van hierdie werkboek sal jy: ■ ’n Deeglike begrip van kraam en die geboorteproses hê, ■ Ten volle voorbereid wees op wat om tydens swangerskap en geboorte te verwag, ■ Weet wat om te doen as jou geboorte nie volgens plan verloop nie, ■ Geboorte as ’n natuurlike proses verwelkom eerder as ’n mediese gebeurtenis of siekte, ■ Konstruktiewe maniere leer om die vrees vir pyn te bestuur, ■ Die inherente vermoëns verstaan van hoe jou liggaam ontwerp is om jou baba te laat groei, te koester en aan hom die lewe te skenk, en ■ Gelei…

E-pos jou vrae aan SHARING@YPBMAGAZINE.COM Vrae kan ongelukkig nie persoonlik beantwoord word nie. ONS KENNERS Tydens my keisersnee het ek ’n pyn in my nek en skouer gekry. My ginekoloog het gesien ek het seer en gesê dit is lug wat opskuif. Ek het ’n paar dae ná die prosedure nog steeds ’n steekpyn in my nek en skouer gehad. Wat veroorsaak dit? DR. JP DU BUISSON ANTWOORD: Die pyn wat jy beskryf het, ontstaan weens irritasie van jou diafragma (mantelvlies), en die sondaar is waarskynlik eerder bloed as lug. Bloed word uiteraard in die buik gemors terwyl die keisersnee plaasvind. Interessant genoeg word party vroue meer as ander aangetas. Dis wat ons ’n verwysde pyn noem, en mantelvlies-irritasie verwys gewoonlik na die regterskouer. Ons sien ook hierdie verwysde pyn…

Jy dink dalk dat jou kinders nooit sal wees soos die buurvrou se stout woelwaters nie, dat jou baba beslis nie van die soort sal wees wat heeltyd huil, in jou bed slaap of jou hele program omverwerp nie; en beslis sal jy nie een van daardie ma’s wees wat haar baba van die bed af laat val of erger, in die motor klim en die baba in die huis vergeet nie. Dalk is jy reg. Maar die kans is ook goed dat jy – soos soveel ma’s voor jou – uiteindelik sal besef dat ouerskap onvoorspelbaar is en dat perfekte ouers en babas nie bestaan nie. Veral die eerste paar onseker ouerskapsmaande is ’n teelaarde vir verkeerde besluite en oordeelsfoute. Namens al die ouers wat reeds daar was –…

Mary Poppins het die medisyne makliker laat afglip met ’n lepel vol suiker, maar vir hedendaagse ma’s is dinge nie altyd so eenvoudig nie. Lees hier hoe jy verskillende soorte medisyne moet toedien – en hoe om dit sommer woeps-waps gedoen te kry. STROPE MET ’N INSPUITING Sonder die naald natuurlik! Hierdie metode gee jou maksimum beheer. Trek die korrekte hoeveelheid medisyne in die spuit op. Druk die spuit tussen jou baba se tandvleis en wang in sodat sy nie sommer die medisyne kan proe en uitspoeg nie en spuit dit stadig by haar mond in. As jou baba ouer as ’n jaar is en teëstribbel, kan jy dié metode probeer: Plaas die spuit met die regte hoeveelheid medisyne langs jou op die tafel. Hou jou kind op jou skoot…

Dit kan uitdagend wees om met klein babas te speel. Hulle is nog min wakker en beskik nie oor enige ware vermoë om te speel nie. Hierdie 20 speletjies is ideaal in baba se eerste ses maande en gee ook jou aapstert se ontwikkeling ’n hupstoot. Geniet dié spesiale tyd saam met jou baba. 0-3 MAANDE MAAK GEREELD OOGKONTAK Sit tyd opsy om betekenisvolle oogkontak met jou baba te maak. Oogkontak help om ’n hegte band met jou baba te vestig en leer hom van kleins af die fyner kunsies van nie-verbale kommunikasie. SPEEL NABOOTSSPELETJIES Dis vir jou baba wonderlik as jy sy geluide en gesigsuitdrukkings naboots. Vir hom beteken dit jy gee aandag en hy maak saak. DOEN STREKKE Nadat jou baba maande lank in die fetale posisie in…

Het jy geweet? Kinders kan hulle teen 18 maande dikwels self uittrek, maar sal hulle eers teen omtrent drie jaar oud self begin aantrek. Dis te kostelik hoe jou peuter die een dag skaars kan praat en die volgende dag byna ’n hele tesourus probeer opsê. Maar ’n toenemende woordeskat is maar net een van die mylpale wat jy tussen een en twee jaar oud van jou japsnoet kan verwag ... Onthou egter dat mylpale nie rigied nagestreef moet word nie, waarsku die Kaapse arbeidsterapeut Susanne Hugo. “Elke kind is anders en ontwikkel teen hul eie pas.” Kom ons kyk dus na die belangrikste mylpale vir een- tot tweejariges: emosioneel, fisiek en spraakgewys. Lekker lag Kinders kan van een jaar oud af ook ’n sin van humor wys en jy…

JY HET NODIG ■ 250 ml (1 k) hawermout■ 125 ml (½ k) meel■ 125 ml (½ k) water MAAK SO 1. Meng die hawermout en meel saam en voeg die water bietjie vir bietjie by tot jy gelukkig is met die dikte en tekstuur. Jy kan meer of ’n bietjie minder water nodig hê. Voeg nog meel by as dit te pap is. 2. Gee die deeg vir jou kind en laat haar toe om dit met vormpies uit te druk of te versier. Die resep is genoeg vir ’n bal wat omtrent so groot soos twee vuiste saam is. Dis ’n goeie hoeveelheid vir een kind, maar maak dubbeld aan as jy of ’n maatjie saamspeel.…

ONSEKER OOR SKOOLKEUSE? Dié Johannesburgse laer- en preprimêre skool help sorg dat jou kind ’n uitstekende en holistiese opvoeding kry. By Jan Celliers Laerskool en Preprimêr hoef jy nie bekommerd te wees nie. Dis ’n onafhanklike skool in Parkview, Johannesburg, wat die holistiese ontwikkeling van leerders vooropstel en oor ’n afgeronde leerplan beskik wat akademiese, sport-, kuns- en kultuuraktiwiteite insluit. Die skool spog met hoogs gekwalifiseerde en ervare onderwysers wat onderwys van gehalte verskaf. Kritiese denke, kreatiwiteit en probleemoplossingsvaardighede word bevorder en die skool is uitstekend toegerus met geriewe soos biblioteke, laboratoriums, rekenaarlokale en sportgeriewe. Die keuse is eintlik maklik: Kontak Jan Celliers Laerskool en Preprimêr gerus vir nog inligting. Daar is Saterdag 9 Maart ’n ope dag. Stuur ’n e-pos aan Bernice du Toit by bemarking@jancelliers.co.za vir nog inligting,…

DIE OOM MET DIE DENIMBAADJIE DRAAI NA MY EN VRA: ‘WAAR IS DIE KIND SE MA?’ Dit gebeur onlangs dat ek en Lillie-Marie ons op die O.R. Tambo-lughawe bevind. Dis nie die eerste keer dat sy vlieg nie en selfs nie eens die eerste keer dat ek en sy alleen vlieg nie. Waar ons deur sekuriteit beweeg, kry ons ’n verbaasde kyk van ’n vroulike sekuriteitswag. Met my dogtertjie op die een arm, my skootrekenaar vasgeklem onder die ander en ’n doeksak en rekenaarsak oor die onderskeie skouers lyk ek seker nie soos iemand wat alles onder beheer het nie. “Where’s her mother?” vra sy besorg terwyl haar oë van Lillie-Marie na my en weer terug na Lillie-Marie beweeg. Ek verduidelik met ’n groot glimlag dat net ek en my…

VOORBLAD WENNER BESKRYF STEFAN SE PERSOONLIKHEID Die lewe is vir Stefan een groot avontuur. Hy is ’n bedrywige seuntjie wat op sy gelukkigste is agter ’n stuurwiel of in sy pa, Henno, se arms. Hy speel eerder buite as binne en gaan nêrens sonder sy hasie, Bollie, nie. Hy geniet pannekoek, melktert, sagte driehoekkasies, volroomjogurt en spookasem. Hierdie mamma het gehoop hy hou van honde, maar dis katte wat Stefan van pure opwinding laat skree. VERTEL ONS MEER VAN JUL FAMILIE Met sy blou oë lyk Stefan soos sy pappa, maar hy’s so vriendelik soos sy mamma. Hy is tot dusver albei grootouers se enigste kleinkind en draai hulle maklik om daardie klein pinkie. Ná my kraamverlof het my skoonma na hom omgesien terwyl ek by die werk was. Hy…

VOLTOOI ONS PRETTIGE VRAELYS! 1. WEES EERLIK: HOE VOEL JY AS JY AAN DIE MOONTLIKHEID VAN NOG ’N BABA DINK? A Jy wil onder jou bed inkruip en nooit ooit weer uitkom nie!B Jy hou van die idee, maar is onseker of jy werklik aan die eise van twee kinders kan voldoen.C Jy wil dadelik in die kar klim om nuwe gordyne vir die babakamer te koop. 2. AS JOU SKOONMA WIL WEET WANNEER DIE VOLGENDE EEN OP PAD IS ... A Vra jy dadelik wanneer sy beskikbaar is as oppasser, want jy beplan ’n romantiese ete saam met manlief om werk van die saak te maak.B Kyk jy gou rond of manlief haar gehoor het. Jy hoop nie so nie, want jy wil eers jou lyf terugkry voor nog…

Vooraf WAT MET JOU LYF GEBEUR Jou serviks begin sag word en gaan effens oop. Kontraksies is kort, matig en ongereeld. Dit voel soos ligte rugpyn of menstruasiepyn laag in jou buik. ANDER TEKENS ■ Meer vaginale afskeiding ■ Skielike gewigsverlies ■ Knaende rugpyn HELP JOUSELF Moenie enigiets uitputtends aanpak nie. Rus soveel jy kan en fokus op diep asemhaling. Eet klein, energieryke happies. Drink baie water. VIR JOU MAAT Jy kan baie doen om die amperma ontspanne te hou. Moedig haar aan om rustig te wees. Maak seker die hospitaaltas is gepak en dat jy die pad soontoe ken. Moenie jaag of paniekerig word nie. Stadium 1 VROEË KRAAM 0-6 CM WAT MET JOU LYF GEBEUR Die serviks word dunner en is wyer oop. Kontraksies is vyf tot 20…

VEL Jou nuwe babatjie word nie juis vuil nie en hoef nie elke dag gebad te word nie. Louwarm water en ’n sagte waslap is in die eerste week of wat genoeg. Maak seker jy was jou baba se nekkie goed omdat melk neig om in die vetrolletjies saam te pak (nou weet jy waar om te gaan soek as jy iets suurs ruik). Druk haar lyfie eerder met ’n handdoek droog pleks daarvan om te vryf. As ekstra bederf kan jy die handdoek op koue winteraande vooraf vinnig in die tuimeldroër warm maak. MELKKORS Dit verwys na die wit, skilferagtige kors wat soms bo-op die kopvelletjie vorm. Dis eintlik niks om jou oor te bekommer nie. Smeer ’n paar druppels olyfolie aan en kam die skilfers sagkens met ’n…

BOEKE VIR NOOD Archie’s Archives voorsien ouers wie se babas in die NISE (intensiewe sorg vir babas) opgeneem is, van ’n pak kinderboeke. Tiffini Hein, medestigter van Archie’s Archives, verduidelik dat die inisiatief gebore is uit haar en haar man, Richard, se ervaring met hul babaseuntjie, Archie. Hy het gely aan neonatale Marfansindroom, ’n seldsame toestand wat binne maande tot sy sterfte gelei het. “Ons was in die greep van hartseer toe Richard gesê het genoeg is genoeg – ons kon nie toelaat dat Archie se ervaring van die wêreld twee hartseer mense in ’n hospitaal is nie. Ons begin toe vir hom lees. Danksy boeke kon ons ons eie klein wêreld daar in die NISE betree en dit het enorme vertroosting verskaf. Dit was ’n wonderlike bindingservaring en het…

Jy het deeglik navorsing gedoen en weet dat jou kind twee glase melk, vier eetlepels gaar vleis en vyf groente en vrugte per dag nodig het. Maar hoe gemaak as jou kind net droë ontbytkos eet, weier om aan vleis te raak en die een groente as meer “jig” as die ander beskryf? Hoe kry jy die voedingstowwe in jou kind se lyfie as hulle sekere kosse nie wil eet nie? ’n Ma wat omgee, se instink is om met haar kinders te baklei of hulle te dwing om te eet, maar die uiteinde kan slegter wees as waarop jy gehoop het. Die oplossing vir hierdie groot probleem is gelukkig makliker as wat jy dink! PENWORTEL OF BANGWORTEL Die eerste stap is om te probeer agterkom hoekom jou kind sekere…

Dis die soort storie wat so vreemd is dat dit waar móét wees. Gerda het vir haar eenjarige dogter ’n verjaardagpartytjie gereël, natuurlik met koek en tee vir die mammas. Groot was haar skok toe een ma ’n baba in haar arms druk en koers kies – net om baba laatmiddag eers te kom haal. ”En sy’t nie één ekstra bottel of ’n doek saamgestuur nie!” vertel Gerda. Sy’s natuurlik nie die enigste slagoffer van ander ouers se slegte maniere nie. ’n Blitsbesoek aan sosiale media wys daar’s toenemende kommer hieroor. Ouers wat swak sportmangees langs die sportveld toon, ouers wat ongeskik is met ander ouers en onderwysers ... die lys is lank. Die vrees bestaan natuurlik dat dit tot ’n nuwe geslag ongeskikte kinders sal lei. DIE VREES BESTAAN…

ANTWOORDE OP VRAE E-pos jou vrae aan SHARING@YPBMAGAZINE.COM Vrae kan ongelukkig nie persoonlik beantwoord word nie. ONS KENNER My dogtertjie is drie en ’n half jaar oud. Moet sy al met ’n mes en vurk kan eet? Sy sukkel nogal en ek sien sy raak dan gefrustreerd en vat sommer die kos met haar hand. Van watter ouderdom af behoort sy met ’n mes en vurk te begin regkom? LIZANNE DU PLESSIS ANTWOORD: Wanneer jou dogtertjie leer om met ’n mes en vurk te eet, is sy besig om ’n vaardigheid te ontwikkel wat bilaterale integrasie genoem word. Bilaterale integrasie is die vermoë om albei kante van die liggaam gelyktydig en gekoördineerd te gebruik, soos wanneer ons ’n bal vang, ’n botteldop losskroef of ’n ritssluiter optrek. Bilaterale integrasie is…