Innehållsförteckning för 17-Mar-16 från Finweek - Afrikaans

david Lipton, wat tweede in bevel is van die Internasionale Monetêre Fonds (IMF), het vandeesweek nogal opspraak verwek toe hy gewaarsku het oor die toenemende risiko dat die internasionale ekonomie kan “ontspoor”. Ekonomiese herstel is swak en onegalig, en onbestendige finansiële markte en lae kommoditeitspryse help ook nie, het Lipton aan ’n gehoor in Washington in Amerika gesê. Hy het regerings aangemoedig om alles in hul vermoë te doen (insluitend die vermindering van belasting en ’n toename in infrastruktuurbesteding) om groei te stimuleer. Lipton het drie belangrike oorgangsfaktore uitgelig wat tot die onsekerheid in wêreldmarkte bydra: ■ Hoe sal China se ekonomiese oorgang – waar die uitvoer van vervaardigde goedere afneem ten gunste van sektore wat hulle op huishoudelike vraag toespits – patrone van wêreldhandel en belegging verander? (Onlangse Chinese…

In vandag se finansieel moeilike omgewing is maatskappystralers ietwat van ’n gruwel, veral in die wêreldwye mynbousektor, wat duisende werksgeleenthede verloor het. Dit is dalk waarom die eienaarskap daarvan baie aandag trek. ’n Voorbeeld is die ooreenkoms van Mick Davis, voormalige uitvoerende hoof van Xstrata, om ’n beperkte tydperk nadat hy die maatskappy ná die samesmelting met Glencore verlaat het, nog toegang tot sy straler te behou. Dit is as ’n slim set beskou – ’n tipiese aanduiding dat Davis op die bopunt wou bly. En dit was nie toevallig dat een van die eerste prominente besluite deur Mark Cutifani nadat hy in 2013 die leisels by Anglo American oorgeneem het, was om die maatskappy se private Gulfstream G550-straler van $50 miljoen te verkoop nie, veral omdat aandeelhouers die maatskappy…

Dit lyk asof Sasol binnekort deur ’n groot weerstand teen 50 000c per aandeel gaan breek – én uit sy 16-maandekonsolidasie tussen 35 400c per aandeel en 50 000c per aandeel sal ontsnap. Die prestasie van Sasol, die produsent van brandstof en chemikalieë uit steenkool en aardgas, word sterk beïnvloed deur internasionale oliepryse en die rand-dollar-wisselkoers. Planne deur die Organisasie van Petroleumuitvoerlande (Opul) en nie-Opullande om byeen te kom om die moontlikheid van die vaspenning van produksie teen huidige vlakke te bespreek, ondersteun die Brent-ruolieprys, wat op 7 Maart die eerste keer vanjaar tot meer as $40 per vat herstel het. Die herstel in die olieprys het gelei tot ’n skerp styging in Sasol se aandeelprys, wat sedert die begin van die jaar met 13% verbeter het. Terwyl Opul-lidlande Saoedi-Arabië,…

daar is ’n opvatting dat beermarkte draai wanneer dinge op hul donkerste lyk. Dat dít pas met sommige kommoditeite gebeur het, blyk onder meer uit die dramatiese herstel van Kumba Iron Ore se aandeelprys. Ystererts het self verras deur te midde van duistere voorspellings stewig te styg. Almal het gepraat oor wêreldwye oorproduksie terwyl die ekonomie van China, die belangrikste koper, nie net afkoel nie, maar dat ’n verskuiwing plaasvind van belegging in infrastruktuur na verbruik en dienste. Die groot probleem wanneer probeer word om ’n ommekeer te voorspel, is dat sake soms geruime tyd donker kan bly. Om die probleem te oorkom, word ’n verskeidenheid van tegnieke gebruik. Een wat nogal suksesvol was, is om op te let wanneer ’n mark of aandeel nie langer op slegte nuus reageer…

die kans dat Suid-Afrika se ekonomiese en politieke vooruitsigte verbeter, neem toe, maar dit gaan nie vlot verloop nie. Dít is volgens die uitvoerende hoof van Old Mutual Emerging Markets,Ralph Mupita. Leon Kok het met hom gesels: Wat was die bemoedigendste aspek van jul vergadering met die regering? ’n Gemeenskaplike begrip aan beide kante dat ’n geleentheid hom voorgedoen het om die ekonomie weer op ’n volhoubare en inklusiewe groeitendens te plaas. Wat veral na vore getree het, was die kragtige konsensus oor die dringendheid en rigting van die stappe wat gedoen moet word, en ’n toenemende gevoel van bereidwilligheid om alles moontlik te doen om ons reputasie as ’n veilige beleggingsbestemming te herstel. Is daar voldoende besef hoe ernstig ‘Nenegate’ was, wat tot die intuimeling van die aandelebeurs, ’n…

die gevaar van ’n verlaging van die kredietgradering is iets wat beleggers en Suid-Afrika in die geheel bly kwel. Sommige mense is bang dat baie buitelandse beleggers hulle aan die land sal onttrek, wat dit al hoe moeiliker sal maak om die tekort op die lopende rekening te finansier. Terwyl geen twyfel bestaan dat van die geld die land sal verlaat nie, sal die gevolge – as die afgradering wel gebeur – meer subtiel wees. Wat belangrik is, is dat ’n verlaging na subbeleggingsgraad nie noodwendig ’n Armageddonscenario sal veroorsaak en tot geweldige verkope van rand-staatseffekte sal lei nie. Suid-Afrika se staatseffekte is drie jaar gelede by Citibank se baie invloedryke wêreldindeks van staatseffekte (WGBI) ingesluit, wat tot groot invloei gelei het toe beleggers wat die WGBI volg, blootstelling aan…

die portefeuljebestuurder, Chris Freund, het onlangs tien jaar aan die stuur van gebalanseerde strategie by Investec gevier. In die afgelope dekade is die wêreld- finansiële krisis, die ineenstorting van kommoditeitspryse en krisisse in ontluikende markte ervaar, maar die tydperk het talle beleggingsgeleenthede gebied. Die span se ervaring van veelvoudige siklusse word ook weerspieël in sy gradering as nommer een oor tien jaar (Alexander Forbes, Large Manager Watch, tien jaar tot 31 Desember 2015). Prestasie was uitsonderlik oor die afgelope tien jaar. Waaraan kan dit toegeskryf word? Om eerste oor tien jaar te staan, moet jy bereid wees om anders te wees. Ons is nie in die geheim tot indekse gebonde nie en gee nie om om hoë portefeuljes uit oortuiging te bestuur nie. Ons het die selfvertroue om onbestendigheid te…

giles Peppiatt, direkteur van kontemporêre Afrika-kuns van Bonhams in Londen, was pas in Kaapstad en Johannesburg op “een van sy vier jaarlikse besoeke” aan die land. Dié besoek het hy saamgeval met ’n bedrywige tydjie op die Kaapse kunstekalender – onder meer die Cape Town Art Fair en die Zeitz MOCAA gala-ete. Voordat hy terug is Londen toe vir Bonhams se lenteveiling van Suid-Afrikaanse kuns wat op 16 Maart aangebied word, het finweek in Johannesburg met hom gesels. In die buiteland is Bonhams waarskynlik die grootste afslaer van Suid-Afrikaanse kuns, met transaksies van meer as R1 miljard wat die afgelope nege jaar beklink is. Dis hoeka Bonhams wat spog met die rekord vir agt van die tien duurste Suid-Afrikaanse skilderye wat nog op veilings van die hand gesit is –…

drie eeue gelede, op 24 Junie 1716, het ’n baie belangrike brief uit Amsterdam in Kaapstad aangekom; ’n brief wat volgens John X. Merriman twee eeue later die toekoms sou rig van wat Suid-Afrika sou word. Dié brief afkomstig van die raad van die Verenigde Oos-Indiese Kompanjie (VOC) het versoek dat die Beleidsraad in Kaapstad oorweging moes skenk aan die ekonomiese behoeftes van dié klein en brose koloniale nedersetting. Die VOC wou veral weet of die Beleidsraad meer Europese immigrasie na die Kaap sou aanbeveel, en of meer slawe eerder soontoe gestuur moes word. ’n Jaar later het sewe lede van die Beleidsraad gereageer. Ses het slawerny as die beste keuse aanbeveel. Die rede was eenvoudig: slawe kon goedkoper arbeid as Europese loonarbeiders bied. En omdat alle landbouprodukte aan die…

aspen Pharmacare het oor die afgelope jaar ongeveer 20% van sy pryswaarde verloor vergeleke met ’n toename van 1,6% in die JSE se Indeks van Alle Aandele oor dieselfde tydperk. Aspen, wat in 1997 in ’n huis in een van Durban se voorstede begin is, is die naasgrootste genoteerde mediese maatskappy op die JSE, met ’n markkapitalisasie van meer as R142 miljard. Aspen het ’n teenwoordigheid in bykans 50 lande, bedryf geriewe by 18 persele op ses vastelande, en het meer as 8 000 mense in diens. In die ses maande tot einde Desember 2015, kon Aspen sy bedryfswins met 41% tot bykans R6,1 miljard verhoog, ondanks dat netto inkomste met 3% gedaal het. Wesensverdienste per aandeel (WVPA) was egter 23% laer op 418,8 sent, hoofsaaklik weens ’n verlies van…

dié plaaslike en plaaslik genoteerde entiteit het ’n internasionale groep bedrywighede, maar het die afgelope sowat 12 maande vanweë die aard van sy sake (logistiek en voertuiginvoer en -verspreiding, kleinhandelonderdele en voertuigverwante finansiering) beleggers se guns verloor. Makrofaktore knou die beleggersentiment vir die groep, wat meer as die helfte van sy inkomste uit plaaslike bedrywighede kry. Die tussentydse resultate vir die ses maande tot Desember verlede jaar toon die vaardigheid van die bestuur onder leiding van Mark Lamberti, uitvoerende hoof. Terwyl die rand op ’n jaargrondslag met 24% teenoor die dollar gedaal het, kon die afdeling vir voertuiginvoer en -verspreiding en handelaarskappe danksy vooruitdekking en voorraadaanvulling teen gunstiger koerse steeds sy bedryfswins met 15% vergroot. Die hele groep se inkomste vir die halfjaar het met 6% tot ’n rekord van…

suid-Afrika en die res van die vasteland is nie op die radar van internasionale fondsbestuurders nie. “Ongelukkig het ons in ons internasionale fonds geen blootstelling aan Suid-Afrika nie,” het die Foord-direkteur Mike Soekoe by Glacier by Sanlam se jaarlikse beleggingseminaar gesê. “Ons voel nie gemaklik genoeg om geld in Afrika te belê nie. Ons verkies die meer ontwikkelde wêreld,” het hy gesê. Hy het gesê Suid-Afrikaanse ondernemings self, soos Aspen en Steinhoff, maak seker dat hulle ’n al hoe groter persentasie van hul verdienste in die buiteland kry. Dit, sê hy, is die gevolg van talle plaaslike faktore, insluitende beleidsonsekerheid, arbeidswetgewing en dubbele tekorte. Suid-Afrikaanse beleggers wat in die grootste Suid-Afrikaanse maatskappye en die meeste aandelefondse belê, kry buitelandse blootstelling sonder om in die buiteland te belê weens die maatskappye…

prudential verwag dat die huidige moeilike marktoestande sal voortduur, maar ons is oortuig dat ons multibateportefeuljes goed geposisioneer is om aan hul risiko- en opbrengsmandaat te voldoen. Toestande vir Suid-Afrikaanse beleggers is moeilik: kommer oor swak internasionale groei het finansiële markte omgekrap, wat risikoafkeer verhoog het en kommoditeitspryse en geldeenhede in opkomende markte afgedruk het. Die voorspelde plaaslike BBP-groei van minder as 1% vir vanjaar, tesame met stygende rentekoerse en inflasie, behels meer risiko vir beleggings in aandele en beleggings met ’n vaste inkomste. Hoe posisioneer Prudential in so ’n omgewing sy multibateportefeuljes, soos die gebalanseerde en inflasieplusfonds, om te verseker dat hulle hul risiko- en opbrengsteikens vir kliënte nakom? Dit is in dié omstandighede geen verrassing nie dat ons die maksimum buitelandse blootstelling in hierdie fondse hou. Ons is…

oor alle beleggingsmarkte heen is die grootste kwelling vandag die hoë vlak van ongestadigheid (markrisiko) sedert die wêreldwye finansiële krisis van agt jaar gelede. Aanduidings is boonop dat dit nie gou gaan verdwyn nie. Tog kan markongestadigheid, as dit slim bestuur word, uiters voordelig wees vir beleggers. Dit is bewys deur die Old Mutual Investment Group se Managed Volatility-fonds, wat deur die Customised Solutions-boetiek bestuur word en sedert sy ontstaan in Desember 2009 ’n geannualiseerde opbrengs van 17,7% gegenereer het. Die geannualiseerde driejaaropbrengs tot Desember was 13%. Die portefeulje, bes moontlik die beste risiko-aangepaste een in die land, se mikpunt is om die FTSE/JSE-aandeelhouersgeweegde indeks (Swix) met nagenoeg 2% per jaar oor aaneenlopende tydperke van drie jaar te klop en terselfdertyd aansienlik minder wisselvallig as die maatstaf te wees. Die…

wanneer die uitvoerende hoof van Schwab, die Amerikaanse finansiële reus, moet besluit of hy iemand wil aanstel, neem hy die persoon dikwels uit vir ontbyt. Voor die tyd reël hy dan met die restaurantbestuurder om die kandidaat se bestelling moedswillig op te mors. “Ek doen dit omdat ek wil sien hoe die persoon reageer,” het Walt Bettinger onlangs aan The New York Times gesê. “Dit help my om te verstaan hoe hulle teenspoed hanteer. Raak hulle ontsteld, gefrustreerd, of is hulle vol begrip? Die lewe is so, en die sakewêreld is so. Dit is net ’n ander manier om in hul harte eerder as hul koppe te kyk.” ’n Voormalige senior staatsamptenaar in Suid-Afrika het ook daarvan gehou om saam met kandidate te eet en op verskeie dinge te let…

Eiendom het gesukkel sedert sy hoogtepunt verlede jaar, maar Hyprop bly een van die meer defensiewe nisspelers in die bedryf. Hierdie eiendomsbeleggingstrust is hoofsaaklik bedrywig in die duurder winkelsentrums in Suid-Afrika, met verdere blootstelling in die res van Afrika en Oos-Europa. Een van die probleme met eiendomsaandele is die premie tot netto batewaarde (NBW). Hyprop het ’n aangemelde NBW van 9 433c, met die aandeel wat sowat 20% hoër as dié vlak verhandel – ’n billike eerder as ’n goedkoop premie. Die dividendopbrengs is net meer as 5%, weer nie goedkoop nie maar redelik. Hyprop het gehaltebates wat die moeilike handelstoestande wat voorlê na verwagting betreklik goed sal weerstaan. Hierdie moeilike tydperk behoort nie te problematies te wees nie, terwyl dit in die res van Afrika en in ’n mindere…

SA BANKE Slegte skuld het afgeneem Die syfer wat my aandag getrek het in die resultate van die drie groot banke wat dit al bekend gemaak het, is wanbetalings – of eenvoudig gestel: slegte skuld. By Nedbank het die wanbetalings van 0,79% tot 0,77% verbeter en by Standard Bank van 1% tot 0,87%, terwyl Barclays Africa van 1,02% tot 1,05% gestyg het. Afgesien van Barclays dui alles daarop dat al neem die druk op die verbruiker toe, verbeter die wanbetalingskoers meestal – en aan die laer kant van die wanbetalingsbestek op lang termyn. Privaatsektor-krediet in Suid-Afrika het in Januarie met 8,54% toegeneem – dus is daar nie minder krediet ter sprake nie, al was ’n styging van 8,54% verlede jaar taamlik laag, met die hoogste styging van 10,18% in Desember.…

ons gaan al baie jare lank gereeld Hermanus toe vir ’n gesinsvakansie, en ons ry nog altyd dieselfde pad om daar te kom. Aangesien dit die nasionale pad is, het ons nog altyd aanvaar dit is die beste pad is om daar te kom. Alternatiewe roetes het ons nooit eers oorweeg nie. Dit is mos hoe ons altyd gery het, en daar sou nooit enige rede wees om dit te verander nie, het ek gedink. Maar verlede Desember, sommer so op die ingewing van die oomblik, het ons besluit ons gaan net vir ’n verandering met die kuspad ry, en wat ’n verrassing was dit nie! Residensiële ontwikkelings langs die nasionale pad het hierdie roete oor die afgelope paar jaar baie stadiger gemaak, maar die kusroete was asemrowend mooi en…

fondsfokus maak lank reeds voorbrand vir die goeie metodologie van gebalanseerde portefeuljes vir die gemiddelde individuele belegger, wat deur stormwinde in die gesig gestaar word. Risikobestuur is belangrik, en gebalanseerde fondse is oor die algemeen goed gediversifiseer en streef na bestendige langtermyn-kapitaalgroei. Dit spreek boekdele dat almal in die batebestuursbedryf met wie ons die afgelope kwartaal onderhoude gevoer het, dié metodologie ondersteun. Dit is waarop verskeie batebestuursdeelnemers in hierdie uitgawe fokus. Graham Tucker, portefeuljebestuurder van die Old Mutual Balanced Fund, stel die saak vir sy fonds; Richard Carter, hoof van produkontwikkeling vir Allan Gray, vertel vir ons van sy beleggingshuis se nuwe Tax-Free Balanced Fund; en Chris Freund neem sy tien jaar as hoof van die Investec se gebalanseerde strategie in oënskou. Ons skryf ook oor die Old Mutual Volatility…

die portefeuljebestuurder van dié fonds, Vanessa van Vuuren, het by vanjaar se Raging Bulltoekennings die sertifikaat vir die beste kleinermaatskappy-aandelefonds in Suid-Afrika gekry. Ons het Vanessa ’n paar vrae oor haar Small Cap Fund van Sanlam Investment Management (SIM) gevra. Hoekom is die kleinkapitalisasieomgewing ’n opwindende terrein? Ons beleggingsomgewing bevat baie aandele – met meer as 200 aandele buite die JSE se Top 40 (die Alt-X en beginners ingesluit) wat ontleed en nagevors kan word. Vanweë likiditeitsbeperkings, mandaatbeperkings en beperkte toegewyde aandag deur beleggingsbanke en gepubliseerde navorsingsgroepe skep dit ’n uitstekende geleentheid om beleggingsgeleenthede waarvan die prys verkeerd is, te identifiseer. Baie van die maatskappye in dié omgewing is nog jonk en hul sakemodel ontwikkel vinnig, wat geleenthede skep om namens ons kliënte in ’n vroeë fase te belê en…

een van die beste opsies in die huidige beleggingsklimaat vir die gemiddelde kleiner belegger is waarskynlik ’n uitstekende gebalanseerde fonds. En jy kan moeilik ’n fout maak met die Old Mutual Balanced Fund, ’n mediumrisiko-fonds wat deur Graham Tucker bestuur word. Dit is 22 jaar gelede begin en het nou R16 miljard onder bestuur, met geannualiseerde opbrengs van 10,9% oor vyf jaar en 8,9% oor drie jaar. Dié syfers is op ’n enkelbedragbelegging gegrond en is ver voor die sektorgemiddelde. Die portefeulje is goed gediversifiseerd, met tans sowat 33% se blootstelling aan plaaslike aandele, 27% aan buitelandse aandele, 12% aan plaaslike effekte en 25% aan plaaslike kontant. Die fonds se oogmerk is om op lang termyn reële welvaart van sowat 4% tot 5% per jaar ná gelde bied. Tucker erken…

ons is die laaste maande oorstroom deur negatiewe nuus. Dit spruit hoofsaaklik uit die debakel met die ministers van finansies, onvanpaste politieke en ekonomiese bestuur in Suid-Afrika, dalende internasionale olie- en kommoditeitsmarkte saam met vrese oor Chinese deflasie en verswakkende ontluikendemark-ekonomieë. Dit kan ongetwyfeld vanjaar en aanstaande jaar slegter gaan. Die situasie kan egter ook verbeter. Die kommentaar van institusionele beleggers is nie té gedemp nie en die meeste vooraanstaande fondsbestuurders soek steeds die beste beskikbare beleggingsgeleenthede om aantreklike langtermyn-opbrengs op kapitaal te behaal. Ian Liddle, voorsitter van Allan Gray, sê: “Ons kan nie tou opgooi en as verskoning gebruik dat dit onvoorsiene gebeure was nie.” Hy is heeltemal reg. En een van die beste beleggings vir die gemiddelde plaaslike belegger is ’n goed bestuurde plaaslike gebalanseerde fonds van hoë…

Hou dit spesifiek. CV’s is dikwels generies; maak seker jy vra kandidate uit oor hul spesifieke prestasies by vorige werkgewers, sê Esté Buchholz, senior spesialis: mensekapitaal by Deloitte. As die kandidaat byvoorbeeld “Sterk ontledingsvaardighede” op sy CV noem, moet jy vra hoe dit gedemonstreer is. Die kandidate moet ook kan aantoon watter verskil hulle in hul maatskappy gemaak het. Ewekniebeoordeling. Op senior vlak word kollegas dikwels gevra om kandidate te help evalueer. Laat lede van jou span toe om met die kandidaat in wisselwerking te tree en let op die terugvoer wat hulle gee – hulle sien dalk net iets raak wat jy misgekyk het. Stel hulle op die proef. Wanneer jy nie heeltemal seker is van ’n kandidaat nie, kan ’n praktiese evaluering ’n goeie manier wees om iemand…