Innehållsförteckning för May 21, 2015 från Finweek - Afrikaans

Kontak Finweek, Posbus 785266, Sandton 2146, (011) 217-3053 (tel) of terugvoer@finweek.co.za STUUR U FINANSIËLE VRAE AAN ONS BY TERUGVOER@FINWEEK.CO.ZA RASSEVOOROORDEEL VERSTERK RENE DU PREEZ SKRYF OP FINWEEK.COM: Dit lyk nie vir my of die artikel “Jonk, swart en kwaad” in die uitgawe van 8-14 Mei nuwe lig op die situasie werp nie. Ons weet die jeug loop die ergste deur onder ’n ekonomiese afswaai, ons weet die swart jeug begin vanaf ’n swakker grondslag as die meeste ander, ons weet ook die regering doen nie sy deel om onderwysgeleenthede, entrepreneurskap en werkskepping te bevorder nie. Waaraan ek moeilik sluk, is die mentaliteit van “ek wil ’n stuk van die koek hê” wat ook uit dié artikel duidelik blyk. Dit gaan nie daaroor om iets te vat wat iemand jou skuld nie.…

7% Die regering bied ’n verhoging van 7% aan staatsdienswerkers, meer as die verwagte inflasiesyfer van 4,8% vir vanjaar, ten einde ’n staking te probeer afweer. Werkers sal na verwagting op 15 Mei stem oor die aanbod, wat ’n verhoging van 28,5% vir mediesefondsbydraes en ’n behuisingstoelae van R1 200 insluit. Die werkers eis ’n salarisverhoging van 10%. $179,4 miljoen Die rekordprys (R2,2 miljard) wat ’n naamlose bieër op 11 Mei by ’n veiling van Christie’s in New York vir ’n skildery deur Picasso betaal het. Die skildery, Les Femmes d’Alger (Version ‘O’) was laas in November 1997 op die mark, toe dit luidens ’n berig in The New York Times vir $31,9 miljoen aan ’n versamelaar van Saoedi-Arabië verkoop is. ’n Brons-beeldhouwerk deur Alberto Giacometti is by die Christie’s-veiling…

SIDECAR In Amerika bedrywig Jare lank al deel mense ritte werk toe in die vorm van saamryklubs, maar soms is dit moeilik om mense te vind wat naby aan jou werk saam met wie jy kan ry. Met Sidecar word jy en ’n paar ander mense verbind aan mense in jou omgewing wat na soortgelyke liggings gaan. Die program help mense ongeag van wat die doel van die rit is. Dis soos ’n saamryklub na die werk, die gholfbaan of jou gunsteling-kuierplek, en jy hoef nie te wonder hoe om die koste te verdeel nie. POSHMARK In Amerika bedrywig Soms het mense klere in hul kas wat nog in ’n baie goeie toestand is, maar wat hulle nie meer wil dra nie. Poshmark laat kopers toe om hul klere binne…

Met dié dat die wêreldbevolking al hoe ouer word en al hoe meer mense na die middelklas oorskuif, wat die vraag na gesondheidsorgprodukte en -dienste vergroot, kan beleggers nie ’n fout maak deur in die sektor te belê nie – of kan hulle? Gesondheidsorg is nou die wêreld se grootste bedryf, met waarde en koste drie keer so groot soos dié van die banksektor, volgens McKinsey. Dié wat die waarde van beleggingsblootstelling aan gesondheidsorg- en farmaseutiese maatskappye uitbasuin, redeneer dat gesondheidsbesteding altyd ’n prioriteit sal wees en dat demografiese tendense – waaronder verouderende bevolkings en die toename in chroniese siektes en welvarendheidskwale – dié vraag eenvoudig sal vergroot. Die skeptici redeneer dat die sektor wêreldwyd hoogs gereguleerd is en dat nuwe reëls, soos nuwe patentprosesse vir die registrasie van medisyne,…

Daar is ’n groeiende vermoede dat Suid-Afrika se laaste groot goudmyn, South Deep aan die Wes-Rand, ’n groot teleurstelling gaan wees nadat Gold Fields erken het dat die myn, net soos met sy vorige eienaars die geval was, nie produksiebeloftes gestand gaan doen nie. Sedert sy vroegste ontwikkeling tot sy huidige posisie kon die afsetting nie die skatte oplewer wat sy eienaars verwag en wat vir die projek voorsien is nie. In die proses het die myn miljarde rande in beleggings opgevreet en twee dekades later is “die myn” steeds net “ ’n projek”. JCI, wat destyds ’n tak van die uitgebreide Anglo American was, het South Deep begin. Dit is daarna oorgeneem deur wyle Brett Kebble toe hy JCI saam met sy Western Areas bestuur het. Die helfte van…

DIE ONLANGSE HANDELSVERSLAG, ontknoping van Megatron en Ellies se aankondiging van ’n nuwe regte-uitgifte ter waarde van R200 miljoen is almal aanduidings van ’n maatskappy wat diep in die moeilikheid is. Die dag ná die aankondiging het die aandeel sowat 20% laer verhandel teen 100c, met die prys van die regte-uitgifte op 110c. Die maatskappy het onderskrywing sowel as ’n onderneming om die regte vir sowat 75% van die uitgif te op te neem – hulle sal dus ’n groot hoeveelheid van die geld kry, indien nie alles nie. Toe die maatskappy die regte-uitgifte in Januarie vir om en by R115 miljoen gedoen het, het ek gesê ek is nie seker of dit voldoende sou wees nie, en nou moet ons weer vra of hierdie bykomende R200 miljoen wel genoeg…

SWAK RESULTATE VIR EERSTE KWARTAAL Plaaslike goudmynmaatskappye het onlangs hul resultate vir die eerste kwartaal uitgereik, en ons moet erken dit lyk maar treurig. Daar is faktore om in ag te neem soos dat Suid-Afrikaanse mynbou diep en dus duur is, maar die werklikheid is dat hul algehele koste per ontginde fynons omtrent dieselfde as die goudprys is, wat geen speling laat nie. As ons buitelands kyk, sien ons dat al die groot maatskappye (Barrick, Newmont en Goldcorp) se koste laer is, met Barrick onder $900 (R10 750) per ons. As jy goudaandele wil koop, is die nie-Suid-Afrikaanse myne beter, tensy jy die hefboomwerking wil hê. BETAAL VIR BETER BESTUUR Spar en Mr Price* het albei ’n baie belowende handelsverslag uitgereik, wat ons laat wonder of die verbruiker werklik so…

finweek BLOKKIESRAAISEL NO. 184 Verskaf deur Gerda Engelbrecht Dwars 1 Groter getalle (6) 5 Belet (7) 10 Kerkinstrument (5) 11 ’n Magneetpunt (9) 12 Verkiesing (7) 13 Selfsugtigheid (7) 14 Nietemin (5) 16 Kenner van die samelewing (9) 19 Tennis-assistent (9) 20 Vers (5) 22 Voortsukkel (7) 25 Sperdatum (7) 27 Uitmekaar ken (9) 28 Filmrolletjie (5) 29 Stout kind (7) 30 Gepoleerde (6) Af 2 Weer meedeel (9) 3 Moeilikheid (5) 4 Afknouerig (9) 5 Snaar-instrumente (5) 6 Dokter wat X-strale neem (9) 7 Insamel (5) 8 Heeltemal inhoudloos (7) 9 Uitvoerende hoof van Eskom (van) (6) 15 Geurige struik (9) 17 Stadsjapie (9) 18 Uitgeteer (9) 19 ’n Virtuele geldeenheid (7) 21 ’n Internetsoekenjin (6) 23 Betaal (5) 24 Kaartjiekantoor (5) 26 “Genoeg!” (5) Vorige oplossing (183) Dwars:…

Deep Fried Man @DeepFriedMan Gelukkig het die DA se eerste swart leier ’n maklike naam om uit te spreek, maar net ingeval: Moe Sie Maai Money. Sister’s Chant @OyaAmore “Advies vir @MmusiMaimane as nuwe #DAleier?” Moenie iemand probeer soen nie. Dit werk nie goed uit nie. #VraHelen Nudmiso Mbatha @NdumisoMbatha Die EFF en DA het leiers in hul 30’s, terwyl die ANC nog geleenthede aan pensioentrekkers gee. Keith M @EffingTory #greece se #ebay-rekening is opgeskort. #grexit Anthony Clark @SmallTalkDaily Een van die besigste inkopiedae van die jaar (Moedersdag) en Woolies V&A probeer die Edgars-truuk – lang toue, met kasregisters gesluit en personeel wat ronddrentel. Kabelo MG @KabeloMG @JohnPerlman ALLE tradisies is belaglik. Hoe slim is dit vir ’n Skotse man om ’n romp te dra sonder ’n onderbroek?…

SIMPHIWE B. M. NGWANE SKRYF PER E-POS: Die uittreksel uit Maya Fisher-French se nuwe boek, Creating a financially savvy kid, wat in die uitgawe van 8-14 Mei verskyn het, het my aan my oorlede ma laat dink. Fisher-French skryf dat dit in sommige kinders se aard is om te spaar – hulle het nie regtig iets waarop hulle geld wil uitgee nie en hulle hou van die gedagte om hul geld te sien groei. Vir ander kinders is geld iets wat hul sak brand en hulle is nie tevrede voor die laaste sent uitgegee is nie. Dié stukkie het my aan my eie kleintyd laat terugdink. My verhouding met geld was soos dié van eersgenoemde kind – om te spaar het vir my natuurlik gekom. Ek was tevrede met my…

Ons kruie in die motor aan deur die druk verkeer in Abuja. By ’n vulstasie staan ’n lang string motors tot ver onder in die pad, selfs tot om die hoek. Van die bestuurders het uitgeklim en staan in die bakkende son teen hul motors aangeleun. Party wag al ure lank, ander selfs langer: hulle het die hele nag tougestaan. My motorbestuurder het verlede week 18 ure lank gewag om te kan vol maak en hy sê die meeste vulstasies waar hy verby ry op soek na brandstof se hekke is toe, óf omdat hulle niks het om te verkoop nie óf omdat hulle nie sonder hoër pryse wil verkoop nie. As gerugte in omloop kom dat ’n tenkwa daardie nag by ’n sekere vulstasie gaan aandoen, is daar een…

Beleggers se aptyt vir Redefine-aandele neem toe, en die najaag van opbrengs is gunstig vir Redefine Properties. Sy aandeelprys is sedert November verlede jaar sowat 25% hoër. Dit beteken ook die maatskappy staan op die drumpel van die JSE se Top-40-indeks – hy is tans nommer 42 op die insluitingslys vir die Alsi 40 wat die JSE onlangs uitgereik het. Redefine, die tweede grootste eiendomsmaatskappy op die JSE wat markwaarde betref, is ’n intern bestuurde, gediversifiseerde eiendomsbeleggingstrust (Reit) wat inkomste-genererende bates van R56 miljard beheer. Dit het in die sesmaandetydperk tot 28 Februarie met sowat R5 miljard toegeneem. Sy markkapitalisasie het gedurende die halfjaar met ’n aansienlike 25,3% tot R45,6 miljard toegeneem, waarvan 23% nou internasionale eienaarskap verteenwoordig, met opmerklike beleggingsinvloei uit Europa. Daardie invloei – met byna 140 miljoen…

Mokgokong is nie net ’n direkteur van ’n aantal genoteerde maatskappye, waaronder AfroCentric Incestment Corporation, wat hoofsaaklik op die gesondheidsorgsektor konsentreer, die farmaseutiese groep Adcock Ingram en die kleinhandelreus Shoprite, nie, maar dien ook in die direksies van ’n aantal private maatskappye. Een daarvan is die bemagtigingsmaatskappy Community Investment Holdings (CIH), wat sy in 1995 saam met Joe Madungandaba, uitvoerende hoof, gestig het en waarvan sy die uitvoerende voorsitter is. Sy sê al is sy ’n swartbemagtigingspeler, het sy nog nooit gevoel sy het aanspraak op bemagtigingstransaksies wat vir haar as swart vrou op ’n skinkbord aangebied moet word nie. Sy het eerder sulke geleenthede gaan soek en het hard gewerk om hulle te benut. “CIH is nou in ses sektore: gesondheidsorg, logistiek, energie, infrastruktuurontwikkeling, mynbou en IKT. Dit is…

Nog ’n probleem wat Google geïdentifiseer het, is dat die profiel van internetgebruikers in Afrika geweldig baie van dié in Europa, Amerika en die Verre Ooste verskil. Laasgenoemde lande se gebruikers verkry deur verskeie toestelle toegang tot die internet – van fone tot tablette en skootrekenaars – maar in Afrika geskied verbindings hoofsaaklik (en soms uitsluitlik) deur selfone. Mckend sê dít is beduidend vir enigiemand wat inhoud in Suid-Afrika ontwikkel. “Dit beteken dat ons nie meer van volwasse internetmaatskappye kan verwag om te bepaal hoe ons ons nuwe internetgebruikers gaan hanteer nie – ons moet dit self doen, want ons bevolking is mobiel – en dit is anders,” sê Mckend. “En dit gebeur in werklikheid nou. Dis nie iets wat ondernemings of inhoudprodusente kan bekostig om te ignoreer nie. Baie…

DIÉ GEÏNTEGREERDE EIENDOMSONTWIKKELAAR gemik op die onderkant van die mark het uitstekende resultate aangekondig en al die verwagtinge wat die mark en kommentators vroeër oor die aandeel geskep het, meer as geregverdig. Vir die finansiële jaar tot die einde van Februarie was inkomste 18,7% hoër, bedryfswins 58% hoër en wesensverdienste per aandeel 32% hoër op R1,09. Daarbenewens bly die maatskappy se pyplyn bestendig op R19 miljard. Ben Pierre Malherbe, uitvoerende hoof, sê die maatskappy het baat gevind by die groot fokus op die lewering van dienste voor die plaaslike verkiesings volgende jaar, momentum wat noodsaaklik is in die openbare-private samewerking wat so belangrik is om die maatskappy se behuisingsontwikkeling aan die gang te kry. Die aandeelprys het oor die afgelope ses maande met 68% verbeter, en oor die afgelope twaalf…

■ OM TE BELÊ SONDER ’N PLAN ’n Goed ontwerpte finansiële plan is ’n belangrike beginpunt om finansiële vryheid te bereik. As jy nie weet waar jy heengaan nie, hoe gaan jy daar kom? ’n Onafhanklike finansiële adviseur kan jou help om ’n werkbare plan op te stel wat by jou persoonlike finansiële doelwitte en behoeftes pas. ■ OM IN DIE VERKEERDE PRODUK OF FONDS TE BELÊ ’n Verstommende keuse van fondse en produkte is beskikbaar. Verskillende produkte het verskillende belastingstrukture, en verskillende fondse het verskillende doelwitte. ■ OM VAN INFLASIE TE VERGEET Tyd kan die waarde van jou geld wegvreet, sodat jy op die ou end met dieselfde hoeveelheid geld minder kan koop – dit is wat inflasie beteken. Deur jou geld reg te belê, kan jy opbrengste behaal…

Lucas Moloi kan boeke skryf oor sakesiklusse. Dié chroniese entrepreneur en skrywer het al gesien hoe sy onderneming tot asemrowende hoogtes styg, net om weer oor ’n kort tydperk in te plof. Op die ouderdom van 25 het Moloi begin bou aan ’n onderneming wat binne ’n jaar miljoene rande werd was. Voor hy 30 bereik het, het hierdie entiteit, die Junto Group, feitlik sy laaste stuiptrekkings gegee. Nie net is hy ban As konsultantfirma het Junto advies gegee oor veiligheid, gesondheid, asook omgewings- en gehaltebestuur (SHEQ). Die onderneming het goed gevaar, maar het die pad byster geraak toe Moloi hom in die mark vir luukse motors en eiendom begewe het. Dié oorhaastige beleggings het kontant opgevreet en amper die hele groep meegesleur op die pad na bankrotskap. Tog is…

KAIZER M. NYATSUMBA, UITVOERENDE HOOF VAN DIE FEDERASIE VAN STAAL EN INGENIEURSBEDRYWE VAN SUIDER-AFRIKA, SKRYF PER E-POS: Dankie vir jul artikel oor die Suider-Afrikaanse Metale- en Ingenieursweseindaba en “Vervaardiging in SA: Plan sal gemaak moet word” in die 8-14 Meiuitgawe van jul tydskrif. In die vyfde paragraaf van die artikel lui jul berig ongelukkig dat “Nyatsumba se aansporing van lede-organisasies om tydens loononderhandelinge self eise te stel het ’n stortvloed van kritiek ontketen, met vakbonde wat hom in die hoofstroommedia oor die kole haal”. Dit is feitelik verkeerd. Ek het dit nie in die onderhoud gesê nie. Ek het wel gesê dat Seifsa se ledeverenigings besluit het om die onderhandelings van 2014 met hul eie lys van eise aan te pak, vir die eerste keer in die geskiedenis van die…

DIE VRAAG NA DIEREPROTEÏEN STYG WEENS BEVOLKINGSGROEI, GLOBALISERING EN DIE GROEIENDE MIDDELKLAS IN ONTWIKKELENDE LANDE, VERAL CHINA. DIE KONSULTANTGROEP DALBERG HET ’N DIEPGAANDE ONDERSOEK NA DIE IMPLIKASIES EN KOSTE VAN DIE GROTER VRAAG NA VLEIS GEDOEN. ELKE PERSOON in die tien lande met die grootste vleisverbruik eet gemiddeld meer as 113 kg vleis per jaar. Teen 2050 sal die vraag na VEE in Afrika suid van die Sahara en in Suid-Asië byna verdubbel van 200 kalorieë per persoon per dag in 2000 tot sowat 400 in 2050. 1/2 China verbruik nou die helfte van die wêreld se varkvleis. x2 China se vleisverbruik het tussen 1990 en 2002 verdubbel. Met die groter welvaart streef ontwikkelende lande na dieselfde vlakke van verbruik as ontwikkelde lande. Die VN voorspel dat vleisverbruik teen 2050…

Die griepseisoen in Suid-Afrika het pas begin. Dis gewoonlik die tyd van die jaar wanneer mens begin wonder hoeveel waarde vir geld jou mediese fonds bied. Volgens navorsing deur Healthbridge, ’n maatskappy wat tot die transformasie van die sakekant van die gesondheidsorgsektor verbind is, sal die bedrag in die meeste pasiënte se mediese spaarrekening vanaf Mei tot die einde van die jaar bestendig afneem, met sowat 60% van die eise in Desember wat nie deur mediese fondse gedek word nie. Dit beteken dat pasiënte teen Desember self vir meer as twee derdes van hul mediese uitgawes moet betaal. Volgens Naiefa Rashied, ekonomiedosent aan die Universiteit van Johannesburg (UJ), is die kies van ’n mediesefonds-pakket wat vir jou en jou gesin reg is, nie iets wat gedoen moet word sonder ’n…

DISCOVERY VITALITY ▶ Afslag op kos en gesondheidsorg • Tot 25% geld terug op HealthyFood-items by Pick n Pay en Woolworths en HealthyCare-items by Clicks en Dis-Chem. ▶ Fiksheid • Tot 25% af op gesondheid- en fiksheidstoestelle en -klere by Sportman's Warehouse en Totalsports. • Spaar tot 80% op jou maandelikse gimnasiumgelde by Virgin Active of Planet Fitness; kry tot 50% af op ’n keuse van drafen fietsrygeleenthede; kry 25% geld terug met Vitality Fit. ▶ Reis • Tot 35% af op plaaslike en internasionale vlugte van British Airways, Emirates, kulula.com en Qantas, en tot 35% af op vakansieakkommodasie. ▶ Fliekkaartjies • Kyk flieks goedkoper by Sterk-Kinekor. Kinders kyk flieks voor 19:00 gratis as hul ouers ’n gesondheidspeiling voltooi het. ▶ Geld terug • Kry geld terug as jy by…

ZAMBEZI PLATINUM HET TOE NORTHAM PLATINUM SE 31,4%-SEB-VENNOOT GEWORD IN ’N HOËPROFIELTRANSAKSIE TER WAARDE VAN R6,5 MILJARD, WAT OOK R4 MILJARD SE UITBREIDINGSKAPITAAL VIR NORTHAM VERKRY HET. Oor of dit ’n donker tyd vir Lazarus Zim se Afripalm Resources was toe hy ’n g root g ede e lte v an Northam Platinum in 2012 moes verkoop, is hy tjoepstil: “Ek het nooit die deur by Afripalm toegemaak nie. Ek was nog altyd daar,” sê Zim. Tegnies gesproke was Zim nooit weg nie. Die kantoor waar hy sit en gesels, is steeds by die keuradres in Sandton wat eens Afripalm Resources gehuisves het, die firma wat om en by 2007 met Mvelaphanda Resources saamgespan het om 26% in Northam te bekom in een van die sektor se bekendste SEB-transaksies. Marktoestande…

■ HOE LAAT BEGIN JY JOU DAG? Normaalweg om 08:00. Al werk sy uit haar tuiskantoor in Pretoria, gaan sy meestal uit en ontmoet mense, want dis ’n wesenlike deel van haar werk. “As ek die hele week in die kantoor is, beteken dit dat ek nie enige werk gedoen het nie. My werk is om strategie te rig, en ek doen dit deur met mense te praat en te hoor wat in die mark beskikbaar is.” ■ BESTUURSTYL: Mokgokong is nie ’n mikrobestuurder nie, en as dít wel vir haar nodig is, beteken dit dat sy nie deur die regte span omring word nie. “Mense moet hoor die eerste keer as jy praat; ons moet daaroor praat, vrae vra as hulle nie verstaan nie. Maar daar is mense vir…

PRUDENTIAL INFLATION PLUS FUND Prudential Inflation Plus Fund is ontwerp om inflasie met ’n netjiese marge van vyf persentasiepunte per jaar te klop, soos gemeet aan die verbruikersprysindeks (VPI). Dié fonds kan ’n kombinasie van vaste inkomste, aandele en genoteerde eiendom (asook kontant) gebruik om dit te doen, maar dis onwerp om wisselvalligheid te verminder deur hoofsaaklik vaste-inkomste-instrumente te gebruik. MORNINGSTARTOEKENNINGS 2014: BESTE FONDS MET OMSIGTIGE TOEWYSING FONDSINLIGTING FONDSPRESTASIE PORTEFEULJESAMESTELLING Wat die fondsbestuurder sê MICHAEL MOYLE, FONDSBESTUURDER, sê die fonds het sy groot posisie in nominale staatseffekte einde verlede jaar verklein voor die lopie wat in Januarie op internasionale effektemarkte plaasgevind het. Nominale effekte verteenwoordig tans 15% van die portefeulje nadat dit nader aan 20% was. “Effekte[pryse] het sedert Januarie gestyg. Ons het egter verlede jaar besluit om ons blootstelling…

Medestigter van Gradidge-Mahura Investments ’N Uitdaging vir groei-georiënteerde kleinhandelsbeleggers in Suid-Afrika is die gebrek aan geleenthede vir beleggings in die plaaslike mark, veral met die tradisionele bateklasse wat op die oomblik almal duur lyk. Die gevolg is dat groeibeleggers eintlik net twee opsies het: die buiteland of alternatiewe bateklasse. Wat alternatiewe betref, is verskansingsfondse en private aandele die twee moontlike opsies wat beleggers kan oorweeg. As ’n besigheid is ons egter nog nie oortuig van die meriete van verskansingsfondse as ’n bateklas nie. Hulle bly duur, en hulle voldoen nie aan hul waardeproposisie van konsekwente beskerming van kapitaal in wisselvallige markte nie. Daar is ook die moontlikheid dat ’n enkele rampspoedige gebeurtenis ’n hele fonds kan uitwis. Ons het wel oor die afgelope paar jaar private ekwiteit in kliëntportefeuljes geïnkorporeer…

“DIE BEPALENDE FAKTOR vir my was nog altyd my aptyt vir risiko. Ek was nog altyd betrokke by ondernemings waar ek in ’n idee glo en dit tot die einde deurvoer. As ek elke sent moet investeer, sal ek, en ek het ook. Maar wanneer sake verkeerd loop, loop hulle verskriklik verkeerd. Ek het geleer hoe om ’n onderneming op te bou, maar het nooit geweet hoe om dit te bewaar nie, en dit is die rede waarom ek meer as een keer misluk het. Ek is nog nooit gementor nie en het die sakewêreld op eie ingewing betree,” sê Lucas Moloi, uitvoerende hoof van die Junto Group. Aan die begin van sy loopbaan het Moloi werk as arbeider in ’n vervaardigingsmaatskappy gekry waar hy vinnig opgang gemaak het en…

Afrika se grootste vastelyntelefoongroep, Telkom, wat nog nie aan Suid-Afrika se voorskrifte oor breedgebaseerde swart ekonomiese bemagtiging (BGSEB) voldoen nie, het stilletjies op ’n alternatiewe model hiervoor besluit. Wanneer Telkom aan die eienaarskappilaarindeks gemeet word, voldoen hy nie volkome aan die land se BGSEB-regulasies nie. Die beste voorbeeld van sy besluit om ’n alternatiewe model te probeer, is miskien sy plan om meer as R100 miljoen te belê in ondernemings- en verskaffersontwikkeling met die bekendstelling van sy FutureMakers-program wat op 7 Mei aangekondig is. “Ons wil entrepreneurs aanspoor, bemagtig en inspireer om hul ambisies verder te laat strek en om hul sake-idees ’n werklikheid te maak,” het Telkom se uitvoerende hoof, Sipho Maseko, gesê. “Deur ondernemingsgeleenthede in IKT (inligting-en-kommunikasietegnologie) uit te brei, kan ons werk skep, toegang tot tegnologie verbeter…