Innehållsförteckning för 30-mar-17 från Finweek - Afrikaans

ek is ’n groot aanhanger van The West Wing, Aaron Sorkin se politieke dramareeks vir televisie met Martin Sheen as die fiktiewe, superslim Amerikaanse president, Josiah (Jed) Bartlet. Bartlet is ’n president so na elke liberaal se hart en in die loop van sewe seisoene los hy basies die wêreld se dreigendste probleme op. In die laaste seisoen kom Bartlet se presidentskap tot ’n einde en is die fokus op die veldtog vir die verkiesing van ’n nuwe president. Die nuwe kandidaat van die Demokratiese Party word vroeg reeds ingelig dat, sou hy wen, hy in werklikheid net die eerste 100 dae van sy ampstermyn sal hê om dinge gedoen te kry. Daarna verskuif die fokus na die middeltermynverkiesing, wat sy eie kompromieë en bedinging verg om mag te verower…

“JY KAN NIE AL DIE GELD OP DRANK EN VROUE UITGEE EN DAN VRA VIR HULP NIE.” − Jeroen Dijsselbloem, Nederlandse minister van finansies en hoof van die eurosone se ministers van finansies, het onder skoot gekom nadat hy in ’n onderhoud met die Duitse koerant Frankfurter Allgemeine Zeitung gesê het die Europese lande wat in die knyp is, het geld gemors. Gdens ft.com gesê alle EU-regerings moet hul beloftes gestand doen en die EU se begrotingsreëls oor die beperking van skuld en tekorte nakom. “Dit is nog te gou om die laaste sakramente aan dié lopie te bedien.” − Chris Beauchamp, hoofbemarkingsontleder by IG, se kommentaar aan ft.com nadat die S&P 500 op 21 Maart met 1,2% teruggesak het, die eerste daling van meer as 1% sedert Oktober. Sommige…

Vorige aanbevelings KOOP VER KOOP HOU Die aandeelprys van die sukkelende platinumprodusent, Lonmin, verkeer onder druk, met die skokkende uittog van die hooggeagte bedryfshoof, Ben Moolman, op 6 Maart en ’n swak handelsverklaring vir die eerste kwartaal wat Lonmin se ellendes vererger het. In sy produksieverslag vir die drie maande tot einde Desember – die eerste kwartaal van sy 2017- finansiële jaar – sê Lonmin dat wegblyery, ’n swak verhouding met die vakbonde by K3, sy grootste skag, en veiligheidsonderbrekings ’n negatiewe uitwerking op produksie- en bedryfskoste gehad het. Eenheidskoste van R12 296 per platinumgroepmetaal-ons (PGM) toon ’n toename van 12,3% jaar-op-jaar en is steeds meer as die groep se teikenstrek van tussen R10 800 en R11 300. Die maatskappy werk tans op verliesmakende vlakke, met ’n gemiddelde randmandjieprys van…

as ek jou dalk moes vra watter bateklas jy dink oor die afgelope 10 jaar die beste in Suid-Afrika gepresteer het, wat sou jou sê? Want ek is redelik seker jy sou nie raai dat dié bateklas genoteerde eiendom is nie. En as ek jou dan vra wat jy dink die geannualiseerde totale opbrengs vir hierdie bateklas is in vergelyking met die totale opbrengs van die JSE se indeks vir alle aandele (Alsi) is ek ook seker dat jy nie sal kan raai dat dit 14,87% vir genoteerde eiendom is en 10,53% vir die Alsi is nie. Genoteerde eiendom het ook aansienlik beter gevaar as effekte, met ’n geannualiseerde opbrengs van 8,14% oor die afgelope 10 jaar. Histories het genoteerde eiendom se prestasie ook ’n relatief lae korrelasie met die…

tony Williams onthou die bord wat in sy ma se skoonheidsalon in Los Angeles gehang het toe hy ’n kind was. Dit het gelees: “Onthou, dames, julle moet genoeg hare hê vir die styl wat julle kies. Ons is skoonheidsdeskundiges, nie towenaars nie.” Sy ma se plat-op-die-aarde-uitkyk was vir Williams ’n riglyn toe hy in 1999 burgemeester word van Washington DC, hoofstad van Amerika. Hy is gekritiseer dat hy te veel geld aan die rykes bestee eerder as regstreeks aan dienste vir die armes, byvoorbeeld deur parke op te knap en aansporings te bied aan maatskappye wat Washington toe trek. Sy antwoord was dat hy aan sulke dinge geld moet bestee om investering te trek wat die ekonomie sal laat groei, wat weer belastinggeld inbring wat investering in dienste vir…

Onverskrokke maar sonder oordaad Ainslie se beskrywing van Dumile se werk is vandag nog net so juis as in 1967 toe hy gesê het: “Dumile het die onverwerkte materiaal van sy lewe in Soweto gevat . . . en dit op ’n manier verwerk wat sy vermoë laat blyk het om onverskrokke die toppunt van menslike uitsigloosheid en wreedheid te vergestalt sonder om sentimenteel te raak of dit oordadig voor te stel. Sy oorspronklikheid het gelei tot ’n nuwe benadering in die tekenkuns in Suid-Afrika en ek het nog nie iemand teëgekom wat die woestheid sowel as die kalmte in Dumile se werk ewenaar nie.” Dumile het die VSA gereeld besoek en ná tien jaar in Londen is hy na Los Angeles. Hy het hom kort daarna in New York…

die plaaslike geldeenheid bly ondanks die aard van die rand en sy sensitiwiteit vir politieke ontwikkelings standvastig te midde van sowel internasionale as plaaslike politieke en beleidsonsekerheid. Nóg die verstewiging nóg die verswakking van die rand verloop gladweg en die plaaslike geldeenheid was die laaste paar jaar wisselvallig en het beleggers se risikoafkeer en reaksie op ander eksterne verrassings weerspieël. Die rand het in die jaar tot dusver teenoor ’n reeks groot geldeenhede verstewig – onder meer met meer as 7% teenoor die Amerikaanse dollar. Mens sal dalk lus wees om die onlangse randsterkte te benut en vir daardie oorsese vakansie te begin pak, maar neem die volgende faktore – wat die rand in enige rigting kan stoot – in ag voordat jy vertrek. Die Trump-geval Daar word wild bespiegel…

die ekonomieë van lande wat basiese natuurwetenskap bestudeer, groei vinniger, sê Klaus Jaffe, koördineerder in die sentrum vir strategiese studies aan Simón Bolívar-Universiteit in Venezuela. Uit hul bestudering van Wêreldbankdata oor bruto binnelandse produkte en natuurwetenskaplike publikasies in arm en middelinkomste-lande het Jaffe en sy span bevind dat wetenskaplike produktiwiteit in basiese natuurwetenskap – waaronder fisika, chemie en materiaalwetenskappe – in die daaropvolgende vyf jaar ’n sterk verband met lande se ekonomiese groei toon. vVerreweg die meeste skole het nie wetenskaplaboratoriums nie, volgens syfers wat die departement van basiese onderwys in 2015 uitgereik het. In syfers: 86% van die land se 23 589 gewone staatskole het nie ’n wetenskaplaboratorium nie. “In die meeste plattelandse en township- skole word natuurwetenskap, waar ervaringsonderrig verkieslik is, uit ’n handboek onderrig.” In die meeste…

met trae ekonomiese groei, beleggings wat aanhou daal en sakevertroue wat gedemp is, staan ons in Suid- Afrika steeds op die punt om ons beleggingsgraadkredietwaardigheid vir die eerste keer in 17 jaar te verloor. En ten spyte van wydverspreide persepsies dat ’n afgradering tot rommelstatus reeds in die plaaslike finansiële markte opgeneem is, waarsku baie ontleders dat daar ’n beduidende impak op die waarde van binnelandse aandele, effekte en die rand sal wees. Daar sal ook pynlike gevolge vir die sakegemeenskap wees. “Enige maatskappy wat verhoudinge met ’n internasionale vennoot het, sal geraak word, want die mense sal vertroue in ons land verloor en hul geld uitneem,” sê Gillian Saunders, hoof van raadgewende dienste vir Grant Thornton South Africa. “Geld wat die land binnekom, sal as hoë risiko beskou word…

met meer as 7,9 miljoen kliënte, is die laekostebank Capitec bestendig besig om sy markaandeel te vergroot. Capitec het nou 3,6 miljoen kliënte wat die bank as hul primêre bank gebruik, wat hom ’n markaandeel van 22,4% gee, teenoor Desember 2013 se aandeel van 14%. Sy aandeelprys het ’n soortgelyke trajek gevolg en het sedert die begin van 2014 met ’n enorme 290% gestyg. Die maatskappy het 15,1% aan beleggers uitgekeer sedert die begin van vanjaar en 40,8% oor die afgelope 12 maande, aldus Bloomberg. Maar as belegger, is die huidige toename in Capitec se aandeelprys volhoubaar of eenvoudig oordrewe? Hoewel hy deurlopend inbreuk maak op transaksiebankwese, is ongesekureerde lenings steeds ’n belangrike pilaar vir sy sake en as inkomstebron. Weens die swak toestand van die ekonomie, hoë inflasie, ’n…

YORK TIMBER Bome gooi steeds skadu oor die mark York Timber het weer eens ’n beter netto batewaarde (NBW) gepubliseer, dié keer 12% hoër tot 837 sent per aandeel, terwyl die aandeel laer op ongeveer 286 sent per aandeel verhandel, al is dit sowat 20% hoër in die afgelope jaar. Ek het al voorheen geskryf hoe dié NBW hoofsaaklik groeiende bome is, met ander woorde, toekomstige verdienste, maar die mark is steeds skepties en prys die aandeel heelwat laer as die NBW York Timber het weer eens ’n beter netto batewaarde (NBW) gepubliseer, dié keer 12% hoër tot 837 sent per aandeel. GRAND PARADE INVESTMENTS Goedkoop, maar steeds riskant Grand Parade Investments se resultate toon dat Burger King nou begin geld maak. Die Baskin Robbins- en Dunkin’ Donuts-handelsmerk brei stadig…

terwyl ek hier skryf, is die geskiedenis daagliks herskryf deurdat dit tot 14 Maart vanjaar die langste tydperk sedert 1995 was waarin die S&P 500-indeks op die grondslag van opeenvolgende verhandeling nie ’n daling van 1% of meer beleef het nie. Hulle sê wanneer dinge goed verloop, moet jy daaraan meedoen, en al bied dit nie juis ’n antwoord op die baie vrae wat beleggers vandag het nie, is dit ’n goeie voorbeeld van wat mens nié noodwendig moet doen nie. Soms is dit beter om na die versigtige stem in jou kop te luister en nie die res van die trop te volg nie. Ek sê beslis nie dat die mark ’n hoogtepunt bereik het nie, en ek bly onseker oor die onderwerp, maar ek stel voor dat mens…

"ek dink nie enige ontwikkelende land kon dit al regkry nie,” sê Tembinkosi Bonakele, mededingingskommissaris, trots oor die foon vanuit die kommissie se kantoor in Pretoria. Hy gesels met finweek oor die onlangs aangekondigde vervolging van 18 plaaslike en internasionale banke wat van ’n gekonkel met valuta beskuldig word. “Met dié saak sluit ons by die wêreld se elitewetstoepassers aan as dit by mededinging kom,” sê hy. “Dit is goed vir ons as ’n mededingingsowerheid, ons span en die land.” Bonakele sê die kommissie het baie hard gewerk aan die saak en voeg by: “Dit was nie ’n maklike ondersoek nie, dit is uiters noulettend gedoen.” Op finweek se vraag hoe hy gereageer het op rolspelers in die private sektor en politici wat die onafhanklikheid van die kommissie of die…

drie reuseafbeeldings van president Wladimir Poetin van Rusland wat ’n baie swanger Donald Trump liefkoos, het inwoners van New York vanjaar op Valentynsdag begroet. Die selfvoldane trek op Trump se gesig terwyl hy sy swanger magie vashou; Poetin se sagte soen op die skouer – die kunswerk was beslis uitdagend. Die kordaatstuk was die werk van die mense van die nuwe toepassing Hater, wat jou verbind met mense wat dieselfde dinge haat. Die illustrasie van Trump en Poetin het verskyn langs Hater se embleem van ’n onderstebo hart en ’n hekkiemerker met die maatskappy se slagspreuk: “Liefde deur haat”. Volgens Hater sê byna 80% van sy gebruikers dat hulle Trump haat. Hater is op 8 Februarie vanjaar ingestel, maar teen Valentynsdag het hy al 200 000 gebruikers gehad. Sy gebruikerstal…

die nag voordat Dick Costolo as Twitter se bedryfshoof oorgeneem het, het hy getwiet: “More is my eerste volle dag as Twitter se bedryfshoof. Taak #1: Ondermyn uitvoerende hoof, konsolideer mag.” En binne een jaar was hy die uitvoerende hoof. Nie omdat hy sy voorganger ondermyn het nie, maar omdat hy humor gebruik het om wonderlike verhoudinge in die onderneming te smee en deur ’n goeie kommunikeerder te wees. Lag is ’n wonderlike mag by die werk. Daar is uitgebreide navorsing wat die voordele om humor op kantoor te gebruik, bewys: ▪ Talle studies toon dat werknemers wat dikwels saam met hul kollegas lag, laer stresvlakke het (volgens sommige studies verlaag dit ook jou hartslag en jou bloeddruk), en hulle is bereidwilliger om met mekaar saam te werk. Daar is…

Rick G. Rosner@dumbassgenius Angela Merkel het ’n doktorsgraad in kwantumchemie. Donald Trump spel “tap” verkeerd. Nie juis veel moontlikheid vir gedagtewisseling nie. Samantha Jones@LaniBlahnik Al hierdie rooftogte en inbrake, maar hoekom dink niemand daaraan om Zuma te steel nie? Darrel Bristow-Bovey@dbbovey Ek sal liewers my been afsaag en my eie murg met ‘n strootjie uitsuig as om die @sterkinekor-webwerf weer te besoek. John Lyon@JohnLyonTweets Ek het nou die ouderdom bereik waar om in die spieël te kyk amper is soos om na die nuus te kyk. Ek weet daar sal nuwe verwikkelinge wees waarvan ek nie hou nie. Shit Academics Say@AcademicsSay Daar is twee soorte mense: dié wat die Oxford-komma gebruik, dié wat dit nie doen nie en dié wat dit behoort te doen. VeryBritishProblems@SoVeryBritish “Dit is beslis ’n opsie”…

a anhangers van fietssport wil alles van die byeenkoms weet terwyl die wedren sy gang gaan. Hoe vinnig ry die naelryers? Wie doen die minste werk in ’n wegbreekpoging? Gaan die wind die peloton laat opbreek? En hulle wil dit in reële tyd weet, veral as dit kom by die wêreld se voorste fietsren, die legendariese Tour de France. Die veeleisende Tour de France, wat beskou word as die grootste jaarlikse sportbyeenkoms ter wêreld, wat oor drie weke aan 190 lande gebeeldsend word, spog met miljarde TV-kykers, tien tot 12 miljoen toeskouers langs die pad en 397 miljoen lewende-aksie-kykers. Die digitale era Die Tour de France se organiseermaatskappy, Amaury Sport Organisation (ASO) het die uitdaging wat ’n digitale era bied, geïdentifiseer en het besef dat die wyse waarop hy sy…

KOOP VER KOOP HOU Vorige aanbevelings NFEMOM is die Absa New Funds Momentum-beursverhandelde fonds (ETF) wat aandele in die ETF kies deur ’n eenvoudige momentum-metodologie te gebruik. Koop dus die wenner op suiwere prysbeweging. Toe dit aanvanklik bekend gestel is, het die ETF ’n driemaande-terugbliktydperk gehad wat ek as te kort beskou het, maar laat verlede jaar is die metodologie verander en ’n 12-maandeterugbliktydperk word nou gebruik, wat ek ook gebruik. Ek het ’n selfbestuurde momentum-ETF in 2007 met die Top40 begin gebruik, alvorens ek dit uitgebrei het om ook die Mid-kapitaal-indeks aan die begin van 2013 in te sluit. Ek het dit verlede jaar herstruktureer om konsentrasie-risiko te vermy en het die portefeulje uitgebrei om 15 aandele in te sluit. Die stelsel het goed gewerk, met ’n jaar van…

die wêreld het in Januarie 2014 ietwat anders gelyk. Destyds het rentekoerse reeds ’n jaar lank sywaarts beweeg, met die moontlikheid van verhogings op die horison. Die rand het teen tussen R10 en R11 teenoor die dollar verhandel; oliepryse was heelwat meer as $100 per vat en die FTSE-JSE-indeks van alle aandele het ’n prys-verdienste- verhouding (p/v) van sowat 18 gehad. (Daarteenoor het die mark nou ’n p/v van 19,9 en is die gemiddelde p/v op lang termyn sowat 14.) Wat het julle gesê? Die punt van ons boodskap in Januarie 2014 was dat die mark duur gelyk het en dat risikovlakke gestyg het, en daarom sou minder portefeuljerisiko waarskynlik vir nuwe beleggers beter gewees het. Suid-Afrika was op pad na ’n nasionale verkiesing en is saam met nog vier…

’n Groter regulatoriese las op banke – waaronder Basel III se kapitaalvereistes, kredietregu- lasies wat op die beskerming van verbruikers gemik is, en die regulatoriese raamwerk genaamd Twin Peaks – kan groter bestendigheid in die banksektor meebring, maar sal dit ook moeiliker maak om lenings te kry en tot die koste van sake bydra. Suid-Afrika sal na verwagting in die tweede helfte van vanjaar na ’n Twin Peaks-model van finansiëledienste-regulering oorskakel wat regulatoriese en toesigpraktyke sal verskerp, groter omsigtigheid in die banksektor sal meebring, en min ruimte vir ’n herhaling van bedenklike bankoptrede sal laat, sê Andy Bates, leier vir Afrikafinansiële dienste van EY. “Banke sal die noukeurige ondersoek verwelkom – hulle wil seker maak dat hul sake in orde is. ’n Belangrike kenmerk van die volgende paar jaar sal…

in 2014, nadat sy tevergeefs na ’n produk vir haar bebaarde wederhelfte gesoek het, het Monique Fleming gedoen wat menige vir hul geliefdes sal doen. Sy het self ’n baardbalsem aanmekaar geslaan vir die baard wat haar man begin kweek het. Waar sy van die res verskil, is egter dat haar tuisgemaakte produk gou ’n volwaardige “Bring die baard terug”-beweging geword het – en tot ’n baie besige kleinhandelsonderneming in Parktown- Noord, in Johannesburg, gelei het. Wat het jy gedoen voordat jy jou eie onderneming begin het? Ek het jare lank in die korporatiewe sektor gewerk, totdat ek nege jaar gelede die groot stap gedoen het om my droom as entrepreneur uit te leef. Ek het ’n kleinsakeonderneming begin om haarverlengings te doen en toe besef ek sal altyd vir…

in New York, die stad waar die Suid-Afrikaanse kunstenaar Dumile Feni tien jaar lank in ballingskap deurgebring het, is daar deesdae min te sien van sy werk. Sy grootste openbare nalatenskap in dié stad was ’n muurskildery wat hy in 1990, kort voor sy dood, gemaak het. Dié skildery op die gebou van Pathfinder Press in Greenwich Village het portrette deur ander kunstenaars ingesluit van politieke figure soos Martin Luther King, Malcolm X en Fidel Castro, en Dumile Feni was verantwoordelik vir die een van Nelson Mandela. Die skildery is ses jaar later verwyder toe onderhoud aan die gebou nodig geword het. Feni se verblyf in die buiteland was grootliks ’n stryd om oorlewing. Van 5 tot 7 Mei neem die Londense Grosvenor Gallery die werk van Dumile Feni terug…