Innehållsförteckning för 13-Apr-17 från Finweek - Afrikaans

moenie paniekerig voel oor die afgradering tot rommelstatus nie, sê Malusi Gigaba, nuwe minister van finansies. Wel, ek voel paniekerig. En nie net omdat Gigaba so vriendelik is met die Gupta-familie en bra wisselvallig presteer het in sy vorige ministeriële joppies by openbare ondernemings en binnelandse sake nie. Ek kan eenvoudig nie sien hoe hy beleggersvertroue sal herstel nie, om nie eens te praat van verseker dat die kantoor van die hoofverkrygingsbeampte – wat onder meer staatstenders ondersoek, soos daardie agterdogwekkende Gupta-Eskom-steenkooltransaksies – doeltreffend funksioneer nie. Ek voel hoofsaaklik paniekerig omdat ek voorsien dinge gaan vererger. Vra die Brasiliane, wat eens as ’n model vir Suid-Afrika voorgehou is vir werkskepping en die uitwissing van ongelykheid en armoede. Ooreenkomste is daar baie – ’n oplewing in hulpbronpryse in die eerste dekade…

d aar is goeie redes waarom al hoe meer beleggers hul aandele wil verkoop – of minstens hul blootstelling aan aandele wil verminder – en eerder kontant wil hou. Eerstens is daar natuurlik die gebeure van die afgelope paar weke wat uitgeloop het op die beleggingsafgradering wat die beleggingslandskap vir baie jare sal beïnvloed. Politieke en ekonomiese onstabiliteit is van groot belang vir beleggers. Nog ’n rede is dat aandele nie presteer nie (die JSE se indeks van alle aandele was verlede jaar slegs 2,6% hoër) en effekte lyk oor die algemeen duur, ’n aanduiding dat daar in die nabye toekoms dalk nie goeie groei in aandeelpryse sal wees nie. Beleggers sê meer en meer dit sal vir hulle beter wees met hul geld in die bank. En oor die…

Ek besit dié aandeel al bykans ’n dekade lank en dit is op een na my beste aankoop ooit. Hoewel ek die aandeel steeds besit en daarvan hou, is my aggressiewe verdere aankoopsone tans teen ongeveer R720 per aandeel, gegrond op my graderingsmetode wat die gemiddelde prys-verdienste-verhouding (p/v) teenoor die verwagte p/v bereken. (Sien finweek van 30 Maart of kyk by http://bit.ly/2n4iZxT.) Capitec se onlangse resultate het alle verwagtinge oortref, met wesensverdienste per aandeel 18% hoër, terwyl die bank met meer as 100 000 kliënte per maand groei. Hy is ook strenger met die uitleen van geld aangesien 69% van leningsaansoeke afgewys is (of voornemende kliënte het die voorwaardes verwerp omdat hulle te streng is), vergeleke met 58% in die vorige jaar. Die bank het ook die beste opbrengs op…

n i’n onlangse artikel, Wanneer is die prys reg? (uitgawe van 30 Maart), het ek gesê hoe ek bepaal hoeveel ek behoort te betaal vir ’n aandeel waarvan ek hou. ’n Groot deel van die proses gaan oor toekomstige verdienste, oftewel groei in wesensverdienste per aandeel (WVPA). Om dít te kan bereken is ’n kritiek belangrike deel van ’n belegger se gereedskapskis. Vir seker verwag ons groei van ’n maatskappy waarin ons belê, maar in sommige gevalle het ons fyner besonderhede nodig wat betref wat daardie groei waarskynlik sal wees. So, hoe bepaal ons dit? Werk met ontleders se konsensussienings Wat baie van die groot aandele betref (sowat die eerste 100 in terme van markkapitalisasie), kan ons konsensusdata kry as ons makelaar dit verskaf. Konsensusdata is presies wat dit sê…

ek het by vorige geleenthede al die term “gevaarloon” gebruik as ’n konsep wat veral soldate goed ken. Gevaarloon is ekstra betaling in ruil vir hul bereidheid om onder meer in uiters gevaarlike gebiede diens te doen. Dié soort betaling klink dalk baie aantreklik, maar dit is uiters belangrik dat soldate bewus bly van die gevaarlike prys wat met ’n gevaarloon gepaardgaan. Hulle moet bereid wees om hul eie lewe vir ’n paar duisend rand ekstra per maand op te offer. In die beleggingswêreld ken ons ook gevaarlone, of risikopremies, en al sal dit nie noodwendig jou lewe eis nie, is dit beslis iets waarvan jy altyd bewus moet wees, veral wanneer jy jou persoonlike aandeleportefeulje saamstel. Die beroemde wiskundige Benoit Mandelbrot het dit die beste geïllustreer toe hy gesê…

veree nvoudigde toegang tot beleggingsfinansiering in Afrika is nodig om groei op die vasteland te stimuleer. Hoewel die fundamentele faktore in vername lande in Wes- en Oos-Afrika asook Afrika suid van die Sahara aansienlike groei en beleggingsgeleenthede toon, is toegang tot betroubare finansiering dikwels ’n struikelblok vir buitelandse en plaaslike beleggers. Daar is verskillende vorme van finansiering, insluitend private ekwiteit en waagkapitaal. Volgens die Preqin Special Report on Private Equity in Emerging Markets is 12% van alle privaatekwiteit-beleggers in ontluikende markte in Afrika. Dit is meer as in Sentraal- en Oos-Europa met 7%, maar minder as in Latyns- Amerika (13%) en die Midde-Ooste (17%) asook ontluikende Asië (50%). Plaaslike en streeksbanke is nog ’n bron van finansiering. Afrika het ’n geleentheid om sy deel van belegging te verhoog deur deursigtige…

wêreldwyd is die model van finansiële ontwikkeling grootliks gegrond op ’n Westerse vorm. Voordele word aan ’n werknemer voorsien wat deel is van ’n “kernfamilie”, in ’n gemeenskap waar ’n groot deel van die infrastruktuur, verspreiding van welvaart en bates (vaste bates sowel as maatskaplik), verseker dat mense met die “regte preservering” aan die einde van hul werkslewe gerieflik kan aftree. Hierdie benadering was en is relevant in ’n spesifieke konteks, maar soos talle in die bedryf besef, is dit nie ’n geval van een oplossing vir alle probleme nie, maar om die bedryf só in te stel dat dit al die fundamentele vrae oor sy rol in ’n veranderende gemeenskap beantwoord. Twee verwante vrae is van belang. Eerstens, as ons na konteks-spesifieke probleme of uitdagings kyk, verskil hulle in…

Opvoeding: Mwela het ’n BComm van Bond-universiteit en ’n MBA van Milpark Business School. “My ouers het gesorg dat ons die bes moontlike opvoeding kry; al sewe van ons [broers en susters] het ’n graad.” Onaangename struikelblok: Dat sy graad 4-onderwyser gesê het hy leer stadig. “Ek was jonk en daarom het ek haar geglo. Ek dink baie onderwysers verstaan nie hul invloed op jong lewens nie. Ek het daardie stigma tot matriek saamgedra.” Wat was onverwags? “Om ’n onderskeiding vir my verhandeling te kry.” Beste sakeadvies: “Jy het nie al die antwoorde nie, maak nie saak hoe senior jou pos in ’n onderneming is nie.” Bestuurstyl: Mwela bestuur deur “rond te loop” en by sy span betrokke te wees. Hy het ’n skerp humorsin en innemende beskeidenheid, lag maklik…

d aar is geen tekort aan skouspelagtige foute in die sakewêreld nie. Van Kodak, wat die tegnologie ontwikkel het vir een van die eerste digitale kameras (en ’n selfoonprototipe), maar verkies het om te konsentreer op sy tradisionele filmprodukte totdat dit heeltemal vernietig is deur selfone, tot Anglo American, wat op die hoogtepunt van die kommoditeitsopblomtydperk besluit het om die Brasiliaanse ysterertsprojek Minas-Rio te koop. Met die groot bedrae wat betrokke is as die verkeerde besluit geneem word, kan die gevolge rampspoedig wees. Bestuurders stel belangrike besluite dikwels uit om elke moontlike stukkie inligting te bespreek, te ontleed en te herkou om seker te wees hulle doen die regte ding. Maar uitgerekte besluitneming is ook duur. In die huidige omgewing verorber die vinniges die stadiges. Daar kan enorme geleentheidskoste daaraan…

o rganiese groei en internasionale vennootskappe beteken Afrika se dinamiese plaaslike landbouondernemings ontwikkel vinnig nuwe markte vir Afrika se voedselprodukte oral op die vasteland. Die vasteland het ’n aantal voordele wat sy vermoë verbeter om meer voedsel te produseer en toegang tot nuwe markte te verkry, al kom hy taamlik laat eers by grootskaalse voedselproduksie en -uitvoer uit. Die wêreldbevolking neem toe terwyl inkomstes styg. Dit is besig om diëte te verander, wat die vraag na voedsel wêreldwyd verhoog. Afrika se bevolking en inkomstes groei ook, wat beteken die volume en verskeidenheid van voedsel wat verbruik word neem toe namate die middelklas in belangrike streke oral op die vasteland groter word. Dit gebeur als in ’n tyd wanneer in vervoer en logistiek geïnvesteer word, gesteun deur wetgewing wat bedag is…

t erwyl ’n tweede verlaging van die land se soewereine kredietgradering dreig – ’n dubbele slag wat die rand ongetwyfeld nóg slae sal gee – kan dit die moeite werd wees om die voor- en nadele van die onlangse oplewing van randskansaandele, veral die mynbouaandele, te bekyk. Daar het reeds ’n bietjie aktiwiteit voorgekom by die mynboumaatskappye wat inkomste in dollar geniet, soos die JSE-genoteerde goudmynmaatskappye en in mindere mate die maatskappye wat die platinumgroep-metale ontgin. Vanweë die hefboomwerking wat ’n swakker geldeenheid op sommige aandele het, kan nog stygings egter voorkom by maatskappye soos Lonmin, waarvan die voorbelaste verdienste na raming met 120% kan styg elke keer as die geldeenheid met 10% verswak, volgens Goldman Sachs. Daarop volg Anglo American Platinum (Amplats), waarvan die voorbelaste verdienste met só ’n…

Imperial Holdings bedryf twee hoofafdelings: Imperial Logistics, wat verbruikersen nywerheidslogistiek bied; en Motus, sy voertuiginvoer-, verspreidings-, verhurings-, naverkoopsonderdeel- en voertuigverwante finansiëledienste-bedrywighede asook handelaarskappe. Motus is blootgestel aan die Suid-Afrikaanse ekonomie, veral voertuigverkope en -verhuring. Hy is die eksklusiewe invoerder en verspreider van 16 motorhandelsmerke, onder meer Hyundai, Kia en Renault. Sy verhuuronderneming bestaan uit Tempest en Europcar. Die 13%-afname in nuwevoertuig-verkope in Suid-Afrika, “dalende sakevertroue, brose verbruikerwelstand en hoër inflasie wat persoonlike verbruikersbesteding bedruk het”, het swaar op verdienste geweeg in die ses maande tot einde Desember, het Imperial gesê. Sy bedrywighede in die res van Afrika is geraak deur lae oliepryse en ’n kleiner vraag na kommoditeite. Imperial het daarin geslaag om sy inkomste jaar-tot-jaar met 2% in die tussentydse tydperk tot R61,3 miljard te verhoog, terwyl wesensverdienste per…

STRYD OM DIE TESOURIE Fokus op die langer termyn In die effens meer as 15 maande sedert sy eerste aanslag het president Jacob Zuma nou die tesourie in sy sak nadat hy vir Pravin Gordhan en Mcebisi Jonas as onderskeidelik minister en adjunkminister van finansies in die pad gesteek het, en ons het ons eerste rommelgradering op buitelandse skuld van Standard & Poor’s. Plaaslike markte en die rand het ’n groot afverkoop beleef. Banke is die swaarste getref, hoewel die uitwerking swakker was as in Desember 2015. Die rede vir die matiger reaksie is eenvoudig: die mark het dit verwag. Destyds, toe die eerste poging gefnuik is, het ek geskryf ons moet ons portefeuljes dienooreenkomstig aanpas. Ek vermoed baie beleggers het dié advies geïgnoreer – ons noem dit resente sydigheid,…

m et die voorbereiding van hierdie uitgawe van Kollektiewe Insig getiteld Opbou van die Finansiële Sektor in Afrika het ek besef hoe ons Afrikamarkte altyd “raam” deur dit as beleggingsbestemmings te bespreek eerder as ’n verhandelingsplek waar binnelandse kapitaal en beleggingsgeleenthede bymekaar kan kom. Uit eerstehandse ervaring van die oproep om hoe ons dink, leer en kennis ontwikkel te dekoloniseer, is ek gretig om die oorgang te maak. Finansiële markte vervul in wese steeds dieselfde menslike behoefte: sedert die eerste landboumarkte waar ’n boer sy produkte vir andere boere s’n kon verruil, het mense ’n plek nodig waar hulle kan bymekaarkom en goedere prys en ruil. ’n Formele mark dra by om dinge regverdig te hou en verlaag die koste van inligting wanneer ons kapitaal verruil vir ’n aandeel in…

markte in Afrika het ’n moeilike twee jaar agter die rug, gekenmerk deur ’n minder toegeeflike monetêre beleid in Amerika, negatiewe sentiment teenoor ontluikende markte en die nagevolge van die skerp daling in hulpbronpryse tussen 2013 en 2015. Beleggersentiment teenoor ontluikende markte het die afgelope paar maande egter verbeter en baie hulpbronpryse het verstewig. Hoewel die fundamentele strukturele aandrywers van ekonomiese groei op die vasteland onaangetas bly, is ’n gebrek aan finansiering, veral op die gebied van infrastruktuur, ’n uitdaging. Die daling in hulpbronpryse en verlangsaming in ekonomiese groei in Afrika het druk geplaas op sowel staatsfinansiering as finansiering deur die internasionale private sektor. Nadat regstreekse investering in Afrika sedert 2000 stelselmatig toegeneem het, het Chinese maatskappye hul getal nuwe projekte sedert 2013 skerp ingekort. Daarby het handelsbanke hul finansiering…

afrika het 400 maatskappye met meer as $1 miljard in inkomste en 700 maatskappye met meer as $500 miljoen in inkomste. Oor die afgelope vyf jaar is skuldtransaksies ten bedrae van $110,2 miljard óf in Afrika-skuldmarkte geplaas, óf deur Afrikamaatskappye in internasionale markte geplaas, die meeste daarvan volgens PricewaterhouseCoopers in Amerikaanse dollar. As dit alles in ag geneem word, is die korporatiewe leningsmark in Afrika suid van die Sahara (Suid-Afrika uitgesluit) na raming meer as $150 miljard werd. Hoewel hierdie syfer met die eerste oogopslag verrassend of selfs indrukwekkend, lyk, dui dit ook op ’n yslike tekort aan finansiering. Die Internasionale Finansieringskorporasie skat die kredietgaping vir klein en mediumgrootte ondernemings (KMO’s) in Afrika suid van die Sahara is tussen $70 miljard en $90 miljard. Dit impliseer dat bankvoorskotte aan hierdie…

Die vlak van belastingvoldoening versleg weens “negatiewe mediadekking” en kritiek deur mense buite die Suid-Afrikaanse Inkomstediens (SAID) oor die afgelope 18 maande, het Tom Moyane, kommissaris van die SAID, op 3 April gesê. Moyane het by ’n aanbieding oor die voorlopige belastinginkomste vir die 2016-’17-boekjaar gekla dat die belastingmoraliteit deur kwynende vertroue in die belastingstelsel ondermyn word. “Ons kan dit nie bekostig nie. Belastingbetalers se vertroue in die SAID se missie is noodsaaklik om goeie fiskale burgerskap te verseker en aan te moedig,” het hy gesê. “Dié soort opmerkings is uiters betreurenswaardig. Ek versoek weer dat diegene wat besorg is, regstreeks met die SAID praat.” Regter Bernard Ngoepe, belastingombudsman, ondersoek die SAID om uit te vind of “sistemiese probleme” die skuld moet kry vir die afgelope jaar se talle openbare…

die ANC erken dat pogings om die uitsaaiwese mededingender te maak, drasties misluk het en dat ’n nuwe strategie nodig is om MultiChoice se wurggreep te verbreek. Die regerende party is ook diep besorg oor die toestand waarin die SAUK is en wil in die hele sektor van inligtingskommunikasietegnologie (IKT) groter mededinging sien. Só lui ’n ANC-besprekingsdokument getiteld Towards die Fourth Industrial Revolution wat gepubliseer is ter voorbereiding van die party se nasionale beleidskonferensie wat einde Junie plaasvind. Die verslag lui dat pogings om mededingers te lisensieer om MultiChoice die stryd aan te sê “futiel” was en stel voor dat lisensiëringsvoorwaardes vir betaal-TV-rolspelers hersien moet word. “Die huidige regulatoriese regime, wat ingestel is toe die subskripsiemark klein was en ’n taamlike onbeduidende deel van die totale gehoor gehad het, moet…

Vandeesweek het ons ’n eksemplaar van Theuns Eloff se Turning Point: South Africa at a Crossroads om weg te gee. Om ’n kans te staan om dié boek te wen, moet jy die aanlyn weergawe van hierdie vasvra voltooi waartoe jy vanaf 10 April by fin24.com/finweek toegang kan kry. 1 Watter stad is Suid-Afrika se wetgewende hoofstad? ▪ Kaapstad ▪ Bloemfontein ▪ Durban 2 Waar of onwaar? Botswana het onlangs ’n aardskudding ervaar. 3 Vir hoe lank het Suid-Afrika ’n beleggingsgraadgradering gehad voor die onlangse afgradering deur Standard and Poor’s? 4 Waar of onwaar? Sfiso Buthelezi is die land se nuwe minister van finansies. 5 Noem die Britse oorsese gebied wat aan die suidpunt van Spanje geleë is. 6 Waar of onwaar? Die minister van finansies het die regering se…

Gee die gees ’n Vrou in ’n taxi leun vorentoe en tik die drywer liggies op die skouer om hom ’n vraag te vra. Die drywer gil, verloor beheer oor die taxi en tref amper ’n bus. Sy taxi klim die sypaadjie en mis naelskraap ’n winkelvenster. Daar’s ’n paar oomblike doodse stilte, toe draai die drywer om en sê: “Is alles wel? Ek’s jammer maar ek het my boeglam geskrik!” Die vrou vra om verskoning en sê: “Ek het nie geweet ’n tikkie op jou skouer sal jou só laat skrik nie!” Die drywer antwoord: “Nee, nee, ék moet om verskoning vra. Dis vandag my eerste dag as taxibestuurder. Ek het voorheen 20 jaar lank ’n lykswa bestuur!” Elke hond prys sy stert ’n Hond sit saam met sy…

i n die huidige wêreld waar ambisieuse nuwe besighede binne ’n paar maande ewe skielik hul verskyning maak en dan weer net so vinnig verdwyn en waar ou gevestigde korporasies binne ’n jaar deur ratse nuwe ondernemings omvergewerp word, is daar nie meer so ’n ding soos ’n bloudruk vir sakesukses nie. Entrepreneurs kan nie meer net staatmaak op genoeg beginkapitaal en marknavorsing nie, en groot maatskappye ontdek dat ’n benadering van “besigheid soos gewoonlik” kan noodlottig wees. Nuwe en ietwat “onkonvensionele” benaderings tot sake-ontwikkeling en -strategie word tans dus wêreldwyd uitgedink. Een van die treffendste van hierdie benaderings is die idee van ontwerpdenke, wat gewild geword het onder maatskappye, hoofsaaklik in Amerika, wat sinoniem geword het met innovasie. ’n Goeie voorbeeld is IDEO, ’n internasionale ontwerp- en raadgewende firma…

president Jacob Zuma se besluit om finansminister Pravin Gordhan af te dank, het meegebring dat die kredietgraderingsagentskap Standard & Poor’s (S&P) Suid-Afrika se langtermyn- buitelandse skuld tot rommelstatus afgegradeer het, met vooruitsigte negatief. Die langtermyngradering van die plaaslike geldeenheid is van BBB tot BBB- verlaag, wat dit ’n kerf bo rommelstatus laat. S&P meen Zuma se uitvoerende veranderings stel fiskale en groei-uitkomste in gevaar. “Die negatiewe vooruitsig weerspieël ons siening dat politieke risiko vanjaar hoog sal bly en dat beleidsveranderings moontlik is, wat fiskale en groei-uitkomstes meer kan benadeel as wat ons tans voorsien,” sê die agentskap in ’n verklaring. Die vorige keer toe Suid- Afrika ’n gradering van laer as beleggingsgraad gekry het – BB, twee kerwe onder beleggingsgraad in 1994 – het dit byna vyf en ’n half…

n Opvallende verskynsel die afgelope tyd is die groeiende aantal verslae wat gepubliseer word waarin die vraag gestel word of aandelemarkte, en veral dié van New York, die wêreldleier, besig is om ’n borrel te ontwikkel. Dit kan, word gewaarsku, vorentoe heelwat pyn veroorsaak vir diegene wat so gretiglik Amerikaanse aandele koop. Die JSE is self ook steeds nêrens heen op pad nie, hoewel hy tradisioneel nie veel oorspronklikheid aan die dag lê nie tensy hy hom bleek skrik vir iets soos die Nene-krisis. Hoe wyd die markte loop, blyk daaruit dat die MSCI-wêreldindeks die een nuwe hoogtepunt ná die ander bereik. Hy het met sowat 18% gestyg sedert sy laagtepunt in Desember voordat hy effens teruggesak het. Ook aan die invloedryke Dow Jones-nywerheidsindeks, wat wêreldwyd gevolg word, is daar…

finweek publiseer Kollektiewe Insig kwartaalliks namens die Suid-Afrikaanse beleggingsgemeenskap. Die menings wat hierin uitgespreek word, is nie noodwendig dié van die uitgewer nie. Alle regte word voorbehou. Geen deel van dié publikasie mag gereproduseer of uitgesaai word sonder die vooraftoestemming van die uitgewer nie. Sameroeper Anne Cabot-Alletzhauser Hoof van die Alexander Forbes-navorsingsinstituut Redaksionele advieskomitee Delphine Govender Beleggingshoof, Perpetua Investment Managers Petri Greeff Hoof van Spesiale Projekte, RisCura Patrice Rassou Aandele-hoof, Sanlam Investment Management Heidi Raubenheimer Fakulteitslid, Universiteit van Stellenbosch Bestuurskool Di Turpin Onafhanklike konsultant Nerina Visser ETF-strateeg en -adviseur Steve Watson Bemarkingsdirekteur: Beleggings, Investec Asset Management…

a frika se finansiële sektor was sover onwillig om in groot mate by infrastruktuurinvestering betrokke te raak omdat die tipe projekte oor sulke lang tydperke plaasvind, maar wat is nodig om dié bateklas behoorlik te ontsluit, gegewe dat sulke investering betroubare opbrengs bied? Finansiële stelsels in Afrika (Suid-Afrika uitgesluit) is ondanks bemoedigende vordering die afgelope dekade steeds van die mins ontwikkelde ter wêreld, met ’n tekort aan diverse finansiële instellings. Dit is die ernstige gebrek aan langtermynfinansiering wat ekonomiese groei terughou, en dit blyk veral uit infrastruktuur, wat volgens die African Development Bank (AfDB) se berekeninge in die volgende tien jaar $93 miljard se finansiering per jaar sal benodig. Daarvan word 40% (oftewel $36 miljard per jaar) net vir die kragsektor vereis. Sonder universele toegang tot elektrisiteit en beter paaie,…

n Oorsig van Afrika – met die klem op die vasteland se spoorweginfrastruktuur – bied ’n skerp herinnering aan sy koloniale verlede, en veral die mate waarin die ontwikkeling van die infrastruktuur gefokus het op uitvoer na die res van die wêreld, eerder as om aandag te skenk aan vervoer op die vasteland self. Nie net is die meeste spoorlyne geleë tussen die gebiede waar mynbedrywighede gedoen word en die uitvoer- hawens nie, maar baie van hierdie spoorlyne kan ook nie met mekaar verbind word nie, want daar is verskille in spoorwydtes en ander spesifikasies sodat hulle nie met mekaar versoenbaar is nie. Die voormalige “donker vasteland” ervaar tans beduidende infrastruktuurontwikkeling – veral die fisieke soort. Terselfdertyd vind tegnologiese ontwikkeling oral op die vasteland plaas, met verskaffers van telekommunikasie en…

amasi Mwela het ’n taamlik beduidende – en beslis nie alledaagse nie – langtermyndoelwit vir sy maatskappy. “Ek wil hê Fundi moet ’n eenstopwinkel wees vir alles wat met onderwys te doen het.” Hy mik hoog, maar as daar iemand is wat dit waarskynlik sal regkry, is dit Mwela. Hy het al aansienlik gevorder om die grondslag daarvoor te lê. Fundi, wat vroeër as Eduloan bekend gestaan het, is ’n private onderneming wat in sy bestaan van 20 jaar al meer as 800 000 studentelenings ter waarde van ’n R5 miljard verskaf het. Dis egter nie meer net ’n leningsverskaffer nie. Daarvoor sorg Mwela. Hy het ’n diepgesetelde passie vir opvoeding. En hy tree daadwerklik op en dra sy energie oor aan die mense rondom hom en inspireer hulle. Die…

JD Breytenbach @mynamejd Die gids hoe om in Suid-Afrika te belê: 1. Koop 2. Bid 3. Skrik 4. Koop op daling 5. Haal Buffett aan en word ’n langtermynbelegger as dit nie werk nie Ryan Cummings @Pol_Sec_Analyst Wees eerlik, ’n #kabinetskommeling was die enigste manier waarop Zuma werkgeleenthede kon skep. Mr. Missing @chestermissing Jy besef daar is moeilikheid wanneer Cosatu probeer om ’n bejaarde swart man in die pad te steek. Charl du Plessis @CharlduPlessc Hemel. Binnekort gaan die enigste mense wat Zuma nie in die pad wil steek nie Manyi, Esethu en ANN7 wees. Stuart Theobald @rationalhill “Hoe het jy bankrot gespeel?” vra Koos. “Twee maniere,” antwoord Piet. “Geleidelik en toe skielik.” Terry Bell @telbelsa Vraag: Wanneer die staatsboot, verrot deur korrupsie, begin sink, moet ons die rotte wat…