Innehållsförteckning för 20-Apr-17 från Finweek - Afrikaans

goeie nuus laat my nie dikwels bedruk voel nie, maar om vandeesweek te lees dat Amerika 15 miljoen werksgeleenthede kon skep sedert die einde van die finansiële krisis, en werkloosheid sedert laat 2009 gehalveer het, laat ’n bitter smaak in my mond. Die jongste Amerikaanse indiensnemingsyfers toon ’n werkloosheidskoers van 4,5% en traer groei in werkskepping, asook kommer oor lustelose loongroei – maar dít klink na lekker probleme om te hê. Amerika se ekonomiese ommekeer kan grootliks aan fiskale en monetêre beleidsbesluite toegeskryf word: ’n toename in staatsbesteding, al het dit beteken groter tekorte is opgeloop, ’n verlaging in rentekoerse tot byna nul persent en die inpomp van miljarde dollars in die ekonomie deur die kwantitatiewe verruimingsprogram. Daarteenoor was Suid-Afrika se storie in onlangse jare een van werkverliese, negatiewe BBP-groei…

I-Drop het ’n suiwerings- eenheid geplaas in Bapedi Primary School in Diepkloof, Soweto. Omdat I-Drop se stelsel kan beheer hoeveel water voorsien word, kon hulle bereken hoeveel gefiltreerde water hulle kan bied terwyl die marginale koste beheer word. Die leerders gebruik dié daaglikse toewysing gratis. Hulle sien tans ’n daaglikse toename by Bapedi en hoop om uiteindelike tussen 400 liter en 500 liter water per dag by dié skool weg te gee. “Daar is mense wat nie R1 per liter kan bekostig nie. Selfs al sal ons 5-liter-bottels minder kos as ’n brood, bly dit vir party mense ’n kwessie,” sê Steere. Dié inisiatief is een van die maniere waarop I-Drop metodes verken om mense te bereik wat niks kan bekostig nie, verduidelik Steere. Sover is die projek ’n groot…

s taatskaping, iets wat opnuut gevrees word in Suid-Afrika sedert president Jacob Zuma se afdanking van Pravin Gordhan as minister van finansies, is nie iets vreemds in die wêreld nie. Daar is talle lande wat regeer en uitgebuit word deur die een of ander vorm van ’n mafiabewind nadat sekere belangegroepe beheer oor bepaalde magsinstrumente (soos die weermag, polisie – veral die geheime polisie – die tesourie en die regstelsel) verkry het. Trouens, ons is omring deur lande wat aan staatskaping onderhewig was en steeds is. Zimbabwe, wat ’n florerende ekonomie met onder meer oorskot-voedselprodukie gehad het, is so verarm deur staatskaping dat dele van die bevolking honger ly. Toe die oomblik van waarheid vir ’n bankrot tesourie aanbreek, was dit onaanvaarbaar vir president Robert Mugabe se regering om te…

*Bridge Fund Managers is ’n gemagtigde finansiëledienste-verskaffer (FSP 29834). Wat sê die fondsbestuurder? Eiendom het baie voordele as bateklas; ’n lae korrelasie met ander finansiële bates, hoë en stabiele kontantvloei, en inflasiebeskerming deur langtermyninkomste- en kapitaalgroei, sê Ian Anderson, Bridge Global Property Income Feeder Fund se fondsbestuurder. Dié fonds, wat voorheen die Grindrod Global Property Income Feeder Fund geheet het, belê in genoteerde eiendomsmaatskappye en bied globale diversifikasie met sy aandelebesit in Amerika, Europa, Brittanje, Australië en Suid-Afrika. Volgens Anderson bied die fonds Suid-Afrikaanse beleggers ook ’n randverskansing omdat dit in Amerikaanse dollars sake doen. Bridge Fund Managers stel portefeuljes aktief saam wat hy Betalers en Groeiers noem. “Deur hom op sekuriteite toe te spits wat dividende betaal én groei en deur in staat te wees om dié sekuriteite aan…

Die voedsel- en klerehandelaar Pick n Pay sê hy het “goed gevorder” met sy regrukstrategie, wat bedoel is om winsmarges tot ’n volhoubare vlak te verhoog. In ’n onlangse handelsverklaring sê die groep hy verwag ’n toename in wesensverdienste per aandeel (WVPA) van tussen 15% en 20% op ’n jaargrondslag vir die 42 weke tot 26 Februarie, danksy beter kostebeheer, verbeterings in sy voorsieningsketting en hoër produktiwiteit in sy winkels. Die groep verwag om omsetgroei van 7% aan te teken, ’n weerspieëling van “ ’n moeilike handelsomgewing naas ’n mate van interne ontwrigting weens winkels wat opgeknap en toegemaak is”. Groeiplanne is onder meer om sy produkreeks in al sy Pick n Pay- en Boxer-winkels te verbeter en so ook sy aanbod aan klante wat klerasie, aanlyn en dienste betref.…

myndienstemaatskappye word dikwels beskou as voëls van dieselfde vere as hul klante: beduidende kommoditeitsprysrisiko en hoogs sikliese verdienste. Tog is daar ’n handjie vol diensteverskaffers wat stabiele verdienste gedurende die moeilikste kommoditeitsiklusse kan genereer. Ons beskou Master Drilling as een van die enkeles. Master Drilling is ’n internasionale booroplossingsaak wat hom toespits op styggangboorwerk. Hy is in Desember 2012 genoteer en het R430 miljoen deur die proses verkry. Dié kapitaal is gebruik om kapasiteit uit te brei deur nuwe styggangboormasjiene te ontwerp en te bou. Sedertdien het die maatskappy bestendige verdienstegroei gedurende die ergste kommoditeitsiklusse gelewer, waartydens totale verdienste van die JSE se hulpbronindeks met 70% gedaal het. 80% van sy inkomste uit styggangboorwerk, ’n metode om ’n skag meganies tussen twee vlakke te boor. Master Drilling genereer 80% van…

d ie onheilspellende vraag of die regering sal voortgaan met ’n duur kernbouprogram ongeag die bekostigbaarheid daarvan het die fokus van kommer geword dat Suid- Afrika se geskiedenis van gesonde finansiële bestuur ondermyn sal word deur die besluite van president Jacob Zuma se nuwe kabinet. Die Fitch-graderingsagentskap het dié gevaar beklemtoon toe hy Suid-Afrika se kredietgradering op 7 April tot rommelstatus verlaag het. Fitch het gewaarsku die program sal onder die nuwe ministers van finansies en energie waarskynlik vinniger vorentoe beweeg. Dit sal verdere finansiële waarborge vereis wat swaar sal weeg op die regering se balansstaat. Fitch glo politieke verskille oor die inwerkingstelling van planne om kernkrag in die land uit te brei, het die skielike afdanking van die destydse minister van finansies, Nhlanhla Nene, in Desember 2015 voorafgegaan, en…

hy is steeds ’n Mini en kan steeds as sulks herken word, maar nou is hy net ’n groter en meer gesofistikeerde weergawe van sy naamgenoot, die klein Austin Seven Countryman van die jare 1960 wat ten beste nie hoër as die wiele van ’n swaar vragmotor was nie. Al is hy nou minder oulik en rats as sy voorganger, is hierdie MINI Countryman nog speels, veelsydig en prakties. En dit vind aanklank by alleenlopers sowel as by gesinne, en selfs dié wat nie Miniaanhangers is of -liefhebbers is wat lede van ’n Mini-klub is nie. Groter nuwe Mini Die eerstegenerasie-Mini Countryman wat in 2010 van stapel gestuur is, was die eerste Mini met vier deure, ’n groot agterklap, vyf sitplekke en opsionele alwielaandrywing. Hy was dalk aansienlik groter as…

v ra mense uit oor die gevare van Twitter en hulle sal dalk wys op onlangse uitlatings deur ’n vooraanstaande Suid- Afrikaanse politikus as bewys dat die gevare veel groter as die voordele is. Maar sulke waarskuwings keer baie ander mense, vernaamlik die president van Amerika, nie om gereeld te twiet nie: Twitter-gebruikers skep meer as 500 miljoen twiete per dag en in die laaste kwartaal van verlede jaar het dié platform sowat 2 miljoen nuwe gebruikers gekry. Dié vloedgolf inligting hou vermoedelik waarde in. Ongelukkig vir aandeelhouers sukkel Twitter om dié groei na wins om te skakel: in die laaste kwartaal van verlede jaar was sy inkomstestyging net 1%. Maar omdat hy die openbare sentiment op ’n baie granulêre vlak vasvang, kry hy belangstelling van wetenskaplikes sowel as entrepreneurs…

m ike Teke, voorsitter van Masimong Group Holdings, het nie ’n gebrek aan ambisie nie. Masimong Group se belang van 25% in Seriti Resources, die maatskappy wat pas R2,3 miljard aangebied het vir Anglo American se termiesesteenkool- myne wat tot Eskom verbind is, kan die begin van iets beduidends in Suid-Afrikaanse mynbou wees. “Ons wil iets werklik groots in die liga van Anglo opbou. Ons wil ’n mynboukampioen skep,” het Teke in ’n onderhoud met finweek in sy Illovo-kantoor gesê. Saam met Teke in Seriti is Sandile Zungu, Thebe Investment Corporation en Community Investment Holdings Project. Zungu belê al sedert 2003 in plaaslike mynbou toe hy as hoof van African Vanguard Resources vir R1,3 miljard ’n belang van 26% in Harmony Gold se Doornkop South-projek gekoop het. Zungu het later…

ekonomieë in Suider-, Oos- en Wes-Afrika sal waarskynlik voordeel trek uit groter internasionale belegging in die komende jare, nadat 63% van die maatskappye in The Economist Corporate Network (ECN) se oorsig van besigheidsvooruitsigte in Afrika (AfBOS) vir vanjaar aangedui het hulle is van plan om hul beleggingbesteding in hierdie streke te verhoog. Die AfBOS, wat in Desember verlede jaar ’n opname gedoen het onder meer as 150 senior bestuurders wat verantwoordelik is vir hul maatskappye se kommersiële bedrywighede in Afrika, vind dat hierdie belegging grootliks gebruik sal word vir die digitalisering van besighede oor die volgende vyf jaar. “Die belangrikheid van moderne tegnologie vir beter bedryfsdoeltreffendheid, verkope en kliëntediens word erken deur maatskappye met bedrywighede in Afrika; 52% van die bestuurders sê hul maatskappye sal oor die volgende vyf jaar…

i nternasionale tegnologiegroep Datatec se aandeelprys het skerp gestyg ná ’n aankondiging dat hy ’n aanbod van meer as $800 miljoen ontvang het – byna die waarde van die groep se markkapitalisasie – vir ’n groot deel van sy Westcon-Comstor-besigheid. Datatec, met bedrywighede in meer as 60 lande in Noord- Amerika, Latyns-Amerika, Europa, Afrika, die Midde-Ooste en die Asië-Stille Oseaan-gebied, bestaan uit drie kernsake-eenhede: Westcon-Comstor, ’n tegnologieverspreider van sekuriteits-, samewerkings-, netwerk- en datasentrumoplossings; Logicalis, wat internasionale tegnologieoplossings en bestuursdienste bied; en konsultant- en finansiële dienste. In die tussentydse resultate tot einde Augustus verlede jaar was Westcon verantwoordelik vir 75% van groepinkomste. (Sien ook bladsy 21.) In ’n handelsverklaring van 7 April waarsku Datatec beleggers dat wesensverdienste per aandeel in die jaar tot einde Februarie na verwagting meer as 50% laer…

DATATEC Geld kom in Datatec het ’n tweeledige aankondiging uitgereik. Eerstens was daar ’n baie swak handelsverslag, met wesensverdienste per aandeel (WVPA) na verwagting 50% laer, en tweedens die nuus dat hy ’n “groot” belang in sy Amerikaanse onderneming Westcon gaan verkoop. Dit is noemenswaardig dat hy Westcon op $800 miljoen waardeer, so te sê Datatec se totale markkapitalisasie. Dit het die aandeelprys laat styg, ofskoon die sluitingsprys heelwat laer as die intradaghoogtepunte was. Dit sal interessant wees om te sien wat die maatskappy met die geld uit die transaksie doen. Duidelik sukkel die aandeelprys, al verhandel die aandeel teen ’n diskonto op sy potensiële waarde. TONGAAT HULETT Voel die druk Tongaat Hulett* was die afgelope tyd onder druk; hy het tot onder R120 per aandeel gedaal, byna weer tot…

o p 26 Maart het die eerste MotoGP-wedren (motorfietse) vir 2017 plaasgevind. Diegene wat nie met die sportsoort vertroud is nie, moet één naam onthou: Marc Màrquez, vyfmalige wêreldkampioen. Al het hy die afgelope paar jaar die renbaan oorheers, het mense verwag – soos in die geval van die twee vorige wedrenne op die Katar-renbaan – dat hy nie goed sou vaar nie. Die rede is eenvoudig dat dié renbaan nie hom of sy motorfiets (Honda) se rystyl pas nie. Net soos verskillende MotoGP-renjaers verskillende rystyle het, so ook het fondsbestuurders verskillende style. Ongeveer twee weke gelede (uitgawe van 6 April) het ek gesê hoe beleggers in verskillende temas, soos die rand, of kommoditeitsklasse kan belê. So ook kan verskillende beleggingstyle beskou word as ’n tema waarin jy kan belê.…

hinkst, wat deur Haroon Meer en sy span in 2010 begin is, is ’n sagteware- sekuriteitsmaatskappy wat sagteware bou en hardewareprodukte oral in die wêreld verkoop. Maar om werklik te verstaan wat die span by Thinkst doen, kan dit help om ’n wêreld te verbeel wat jy waarskynlik in ’n spioenasieriller sal vind: kuberinbraak in maatskappynetwerke, die ontwikkeling van hoëtegnologietoerusting en die opleiding van “departement van verdediging”- agtige organisasies. Vandag is Thinkst se besigheid oral in Amerika en Europa versprei. Meer sê: “As jy die internet vandag gebruik, gebruik jy ’n maatskappy wat ons sagteware gebruik, insluitende baie van die groot ouens in Silicon Valley. Ons is baie gelukkig om ’n klomp goeie kliënte te hê.” “As jy die internet vandag gebruik, gebruik jy ’n maatskappy wat ons sagteware gebruik.”…

veranderings aan inkomstebelastingwetgewing het belang-rike gevolge vir enigeen wat bates aan ’n trust oorgedra het. Trustees en krediteure van trusts moet kennis neem dat enigeen wat met ingang van 1 Maart bates aan ’n trust oorgedra het sonder om betaling vir die bates te ontvang, moontlik rente daarop moet begin hef as hulle nie vir skenkings-belasting aanspreeklik wil wees nie. Iemand wat bates aan ’n trust oordra sonder om billike betaling daarvoor te ontvang, kan die bates óf skenk en dan skenkingsbelasting van 20% van die markwaarde van die bates betaal, óf die bates aan die trust verkoop op ’n leningsrekening teen ’n rentekoers wat die trust aan enige nieverwante uitlener, soos ’n bank, sou moes betaal. Dit het algemene praktyk geword dat mense bates aan ’n trust verkoop eerder…

Enjin: 2 liter, 4 silinder, TwinPower Turbo 0-100 km/h: 7,4 s Topspoed: 224 km/h Krag/Wringkrag: 141 kW/280 Nm Transmissie: Sport, outomaties, 8-gang Brandstof/tenk: Petrol/51 liter Brandstofverbruik (aanspraak, gekombineer): 6,5 liter/100 km C02-emissie: 149 g/km Bagasieruimte: 450 liter Grondvryhoogte: 165 mm Draaisirkel: 11,4 m Veiligheid: Ses lugsakke Waarborg/diensplan: 5 jaar/100 000 km Prys: R509 500 (BTW ingesluit, CO2-belasting uitgesluit); Intreevlak- Countryman model: R422 000…

die afgelope weke is beleggers op hol gejaag deur drie woorde: “Radikale ekonomiese transformasie” het die slagspreuk geword van voorstanders van die onlangse kabinetskommeling, wat sommige finansiële markte laer laat spiraal en tot Standard & Poor’s en Fitch se afgradering van Suid-Afrika se skuld tot rommelstatus gelei het. President Jacob Zuma sê sy nuut saamgestelde kabinet, waardeur 10 ministers en 10 adjunkministers geraak is, sal radikale ekonomiese transformasie (RET) aanvoor. Die graderingsagentskappe beskou dit as ’n teken dat Suid-Afrika se ekonomiese beleid grootliks sal verander, ’n vooruitsig wat beleggers senuagtig maak en vrese laat ontstaan oor ’n uittog van kapitaal, stygende rentekoerse en moontlik ’n resessie. Sedert die kabinetskommeling word RET druk bespreek. Die skeptici sê RET is ’n populistiese slagspreuk, ontwerp om ’n piepklein regerende elite en hul meelopers…

p an African Resources het ’n plan gelos om deur ’n aandeeluitgifte geld in die mark te verkry – ’n besluit wat deur markwisselvalligheid bepaal is, al is baie daarvan, soos randswakheid, positief vir maatskappye met inkomste in dollar. Pan African het gevolglik besluit om Uitkomst, ’n termiesesteenkool- myn in die Utrecht-omgewing van KwaZulu-Natal, te laat vaar net 12 maande nadat hy dit vir R148 miljoen by Shanduka Group gekoop het. Pan African het vroeër vandeesmaand aangekondig dat hy Uitkomst vir R275 miljoen in aandele en kontant aan Coal of Africa sal verkoop. Die aandele sal waarskynlik gou verkoop word, want Pan African het nie ’n handelsbeperking daarop nie; die kontant sal waarskynlik gepomp word in Elikhulu, wat Pan African se toekoms verteenwoordig. Elikhulu is ’n bogrondse goudafsetting wat Pan…

Die meeste mediese fondse beskou die sektor vir KMMO (klein, medium- en mikro-ondernemings) as riskante besigheid. Met hul kleiner aantal personeellede maak dit nie finansiële sin om ’n pasgemaakte KMMO-aanbod te skep nie. TOT NOU. “Ons glo KMMO’s is die lewensaar van ons ekonomie, en hulle moet toegang tot mediese hulp hê wat gesonde, produktiewe werknemers verseker sonder om die bank te breek,” sê Charlie Matroshe, hoof van Fedhealth se gespesialiseerde KMMO-eenheid. Fedhealth se aanbod vir korporatiewe gesondheid sluit in verskeie eksklusiewe voordele en programme, veral: ? Korporatiewe gesondheidsdae op die KMMO se perseel ? Susters-op-die-perseel, waar ’n gekwalifiseerde verpleegster die besigheid op ’n gereelde grondslag besoek om die personeel te help om enige potensiële gesondheidsrisiko’s te evalueer en behandel ? ’n Toegewyde KMMO-diensspan Met die oog op die KMMO-mark…

Dinge gebeur vinnig wanneer graderingsagentskappe die land en banke begin afgradeer. Laasweek het ek geskryf oor Capitec en hoe ek hou, maar teen my aggressiewe aandeelprys van R720 sal begin koop. Daardie uitgawe (13 April) was skaars op die rak, of Capitec se prys staan op R720. Maar ek het nie gekoop nie omdat hierdie nie ’n mark is om aggressief in te wees nie. Met moeilike jare vorentoe vir die ekonomie kan ons verwag dat swak lenings by Capitec sal toeneem en sy verdienste sal knou; dit beïnvloed die verwagte prys-verdienste-verhouding (p/v) en verlaag dus my koopprys. Die bank bestuur risiko egter uitmuntend en is klaar versigtiger met nuwe lenings – ’n tendens wat ek verwag sal voortduur. Wat ek beslis nié sal doen nie, is om Capitec te…

so, ja, ons is rommel. Standard & Poor’s het ons buitelandse skuld (dit is sowat 10% van ons lenings) afgegradeer tot rommelstatus en ons plaaslike skuld ’n kerf bokant rommel gelos. Tegnies het ons twee rommelgraderings nodig om as ’n land as rommel beskou te word; en toe het Fitch plaaslike en buitelandse skuld afgegradeer, dus is rommelstatus nou amptelik. Dit plaas die land in ’n baie moeilike situasie met nuwe regeringskuld wat meer gaan kos en ’n swakker rand wat inflasie aanmoedig, tesame met waarskynlik laer BBP en potensieel hoër rentekoerse; dit lyk alles baie moeilik vir die ekonomie. Die plaaslike banke is ook afgegradeer, want hulle kan nie hoër gegradeer wees as hul soewereine staat nie, en met die skryf hiervan op 7 April is die Fini15-indeks sowat…

Die skrikwekkendste aspek van die digitale era: Deesdae kan jy aanlyn gaan en feitlik enige onderwerp bestudeer, by die beste onderwysers op die gebied in die wêreld. Jy kan hul boeke lees, na hul video’s kyk en hul klasse bywoon. Jy kan uitvind oor die mees buitengewone studieveld waarin jy dalk belangstel. In ’n era waar dit alles maklik beskikbaar is, bekommer dit my dat ons sowaar ons tyd mors om te fokus op wat Bono vir aandete gehad het. Daar is ’n bekende vergelyking van Aldous Huxley teenoor George Orwell en die twee distopieë wat hulle vir ons voorspel het. Terwyl die meeste mense bang is vir ’n Orwelliaanse toekoms waar openlike sensuur ons lewens oorheers, is ek bekommerd oor die hedonistiese alternatief wat Huxley voorspel het, waar ons…

die Turing-toekenning, wat dikwels die Nobelprys van die rekenaarbedryf genoem word, is verlede jaar toegeken aan die man wat die krediet kry vir die uitvinding van die wêreldwye web. Die Association for Computing Machinery (ACM) het die Brit sir Tim Berners-Lee vereer en hy het ’n prys van $1 miljoen by Google gekry. Hy het erkenning gekry vir sy baanbrekerswerk met die web in 1989 terwyl hy by die Europese Organisasie vir Kernnavorsing (CERN) gewerk het. Berners-Lee het die basiese boublokke van die internet, soos HTML (die taal van webbladsye), die kommunikasieprotokol HTTP, en die URL-naamskema ontwerp. Hy het ook die eerste internetblaaier met oopbronprogrammatuur geprogrammeer. “Die eerste webwerf is in 1991 ingestel. Al klink dit nie lank gelede nie, is dit moeilik om mens die wêreld voor sir Tim…

GibraltarZA @GibraltarZA Ek wil regtig Astoria vergeet! Laat my voel soos ’n groot kokaïen-kokkedoor wat so pas ’n ton strooisuiker gekoop het. Frank Underwood @FrankUnderwocd Dit is een ding om saam met die skip te sink, maar ’n ander ding om te volhard dat die Titanic in werklikheid ’n duikboot is en alles goed en wel is. Swayam Maharaj @Swayam_Maharaj Cyril Ramaphosa verbeur nooit ’n geleentheid om ’n geleentheid te verbeur nie. Haji Mohamed Dawjee @Sage_Of_Absurd Ek sal GRAAG wil weet watter houvas Zuma op die #ANCWC het benewens hul knaters in ’n fles wat hy in die brandpoel op Nkandla anker. Tom Eaton @TomEatonSA Mosie van wantroue beplan vir 18 April om 14h00. 500 000 wanhopige twiets beplan vir 18 April om 14h30. Ferial Haffajee @ferialhaffajee Hoekom beskerm ’n…