Innehållsförteckning för 15-jun-17 från Finweek - Afrikaans

vanjaar was sover beslis nie goed vir ons nie, met die nuus dat Suid-Afrika amptelik in ’n resessie is, net nog iets op ’n lang lys probleme. As dit voel of ons al veel langer in ’n resessie is, is jy reg; sedert 2011 hou die groei in die bruto binnelandse produk (BBP) al nie by met die bevolkingsgroei nie, wat beteken dat ons al ’n ruk lank op ’n per capita-grondslag armer word. Sake kan natuurlik altyd vererger: die jongste oorkoepelende BBP-syfers weerspieël nog nie die afdanking van Pravin Gordhan en die daaropvolgende graderingsverlagings na riskante status nie. Hoe kom ons uit dié gemors? Uit die oogpunt van fiskale beleid is daar geen speelruimte nie. Soos Mariam Isa op bladsy 14 berig, beteken die ekonomiese inkrimping dat die belastinginkomste…

“WAT ONS NOU HET, IS DAT GEEN BESLUITE GENEEM WORD NIE.” − Hulme Scholes, direkteur van die regsfirma Malan Scholes oor die lang verwagte mynbouhandves tydens die Junior Indaba in Johannesburg. Scholes, wat in ’n regsaak gewikkel is om die handves, wat groot onsekerheid in die sektor veroorsaak en investering negatief beïnvloed, hy na berig word gesê. “ONS MEEN ’N MILJOEN WERKSGELEENTHEDE KAN IN ONS SEKTOR GESKEP WORD. WAT ONS NODIG HET VAN DIE REGERING IS POLITIEKE BESTENDIGHEID EN ’N DUIDELIKE STRATEGIE OM DIE ONLANGSE AFGRADERINGS ONGEDAAN TE MAAK.” “ONS HET INDERDAAD NODIG OM ’N PAAR MOEILIKE GESPREKKE TE VOER, BEGINNENDE BY SAOEDIARABIË EN ANDER GOLFSTATE WAT EKSTREMISTIESE IDEOLOGIEË FINANSIER EN AANBLAAS.” − Philippa Rodseth, uitvoerende direkteur van die Vervaardigingskring, nadat Statistieke SA data uitgereik het wat toon die vervaardigingsektor…

e en van die opmerkings oor die beleggersaktivisme waarmee BHP te kampe het – die maatskappy het sy Australiese oorsprong herbevestig deur verlede maand weg te doen met ‘Billiton’ in sy naam – is dat hy die mark ontstig het deur sy progressiewe dividendbeleid te laat vaar. Dié groep, wat uit Melbourne werk en die grootste mynmaatskappy ter wêreld is, het sy dividend in Februarie 2016 oorgeslaan, die eerste keer in 15 jaar, en gesê hy gaan wegbeweeg van die uitkeerbeleid om ’n deel van sy verdienste aan aandeelhouers terug te gee. ’n Progressiewe dividendbeleid behels dat die uitkering minstens in ooreenstemming met die aandeel se verdienstepersentasie styg, maar teen die agtergrond van die regstelling in hulpbronpryse het die groep gevoel hy stel hom te veel bloot deur voortdurend stygende…

die skokkende ekonomiese inkrimping van 0,7% in die eerste kwartaal van vanjaar het Suid-Afrika in ’n tegniese resessie laat beland en verydel enige hoop om genoeg werksgeleenthede te skep om die voorgesette styging in die werkloosheidskoers te keer – wat in dieselfde tydperk ’n hoogtepunt vir 13 jaar van 27,7% bereik het. Op 6 Junie is berig dat die uitset in alle sleutelsektore van die ekonomie, afgesien van mynbou en landbou, wat net ’n tiende van die totaal verteenwoordig, gedaal het. Dit dui daarop dat die groei vir die tweede opeenvolgende jaar sal stagneer en vergroot die gevaar van verdere verlagings van kredietgraderings. Die ekonomie het in die laaste kwartaal van verlede jaar met 0,3% ingekrimp, sodat die land tegnies in ’n resessie is nadat die ekonomie verlede jaar met…

Vorige aanbevelings KOOP VER-KOOP HOU Dit het begin vanjaar gelyk of Vodacom se langtermyn-stygkanaal druk ondervind toe dié aandeel sewe maande lank in die kanaal se onderste deel was. ’n Styging deur 15 665 sent per aandeel het die korttermyn-konsolidasie beëindig en tot die stygfase van ’n onder-na- -bo-patroon gelei. Die beleggersentiment het gou verander nadat Vodacom in Mei aangekondig het dat hy ’n belang van effektief 34,9% in Safaricom van Kenia verkry in ’n aandeeltransaksie met Vodafone, sy moedermaatskappy, van sowat R35 miljard by die aankondiging, en die aandeel het weer na die stygkanaal opgeskiet. Die transaksie laat sy internasionale bedrywighede meer as verdubbel en maak hom ’n sterker speler op die vasteland, berig TechCentral. Shameel Joosub, uitvoerende hoof van Vodacom, sê die verkryging van 35% van Safaricom, wat…

om meer inkomste te pers uit elke eenheid wat verkoop word, is een manier om jou wins op te stoot. Die wins sal ook styg as die vraag na ’n maatskappy se produk of diens toeneem. Fokus ons egter op eersgenoemde, is ’n baie doeltreffende manier om winste, of marges, te verhoog, iets genaamd vertikale integrasie, die meeste maatskappye se droom. Die idee klink dalk eenvoudig, maar om dit reg te kry is moeilik. Dit gaan daaroor dat jou proses insette vereis wat deur derde partye gelewer word. Jy betaal hulle, dus maak dié partye wins deur aan jou te lewer. Wat daarvan as jy daardie insette self kan lewer en jy dus die wins daarop maak? Neem die onlangse geval waar Steinhoff die Amerikaanse beddegoedprodusent Sherwood gekoop het. Verlede…

jyhet waarskynlik al gehoor van ’n opbrengs op belegging, maar het jy al gehoor van ’n beleggingsmaatstaf wat die interne opbrengskoers genoem word? Die opbrengs op belegging (OOB), wat soms die opbrengskoers genoem word, is die persentasie wat ’n belegging oor ’n spesifieke tyd styg of daal. In teenstelling, meet die interne opbrengskoers (IOK) die werklike opbrengs wat ’n belegger se geld in ’n portefeulje behaal. Die IOK-berekening neem al die gelde, die termyn van die belegging, en bykomende beleggings en onttrekkings in ag en bereken dan die groei van die belegging op ’n betekenisvolle manier. Dit stel beleggers in staat om te bepaal of hul portefeuljes wel die vereiste opbrengste gaan behaal sodat hulle hul leefstyldoelwitte sal bereik. Die IOK-berekening kyk na ’n portefeulje se opbrengs op ’n jaargrondslag…

dit is geen wonder die miljardêrsakeman Vivian Reddy het soveel beroemde vriende in hoë poste nie. Die Durbanse entrepreneur is sjarmant en hardwerkend, eienskappe wat hom ongetwyfeld in sy loopbaan van dekades lank goed te pas gekom het. In sy gesprek met finweek vanuit sy luukse kantoor in Sandton vertel die selfgemaakte miljardêr geesdriftig van sakereise saam met oudpresident Nelson Mandela en besing hy die lof van sy jongste onderneming, die Oceans Umhlanga-gemengdegebruikontwikkeling van R4 miljard in KwaZulu-Natal. Eiendomsontwikkeling is ’n nuwe rigting vir Reddy, ná dekades van sukses in die elektrisiteitsleiding- en -verspreidingsbedryf. Toe hy in die 1970’s “met net R500 en ’n bakkie” ’n elektriese maatskappy onder sy eie naam op die been gebring het, het hy gou teen die uitdagings van die apartheidsbestel te staan gekom en…

Om alles op te pak en van Johannesburg na Kaapstad te trek, is in baie opsigte nogal ’n duur storie. Dit sluit in die feit dat salarisse in die Kaap neig om gemiddeld laer as in Gauteng te wees. Maar verreweg die grootste aanpassing vir Hoëvelders is die eiendomspryse in Kaapstad. Om deur die een skouhuis na die ander te gaan stap, kan ’n ontstellende ervaring wees, en jy sal jou daarvoor moet gereed maak as jy nie oorrompel wil wees deur die pryse nie. Tensy jy bereid is om ver uit die stad te gaan woon, sal jy baie meer in Kaapstad moet betaal om minder te kry. Vir die meeste mense sal die agent se kommissie vir die verkoop van jou huis in Johannesburg en oordragkoste vir die…

Vandeesweek kan jy ’n eksemplaar van die boek Get Up! Stand Up! Personal Journeys Towards Social Justice deur die uitgesproke menseregteaktivis Mark Heywood wen. Jy kan in aanmerking kom vir die trekking om die boek te wen deur die aanlyn weergawe te voltooi van hierdie vasvra, wat vanaf 12 Junie op fin24.com/finweek beskikbaar sal wees. Sterkte! 1 Waar of onwaar? Suid-Afrika is tans in ’n tegniese resessie. 2 Watter buurland het onlangs ’n verkiesing gehou? ▘ Lesotho ▘ Namibië ▘ Malawi 3 Noem die Golfstaat wat in die spervuur is weens sy beweerde steun vir terreur. 4 Waar of onwaar? Skole in die Wes-Kaap is gesluit weens die ernstige storm wat die streek op 7 Junie getref het. 5 Watter staatsdepartement het byna R1 miljoen uitgegee op ’n ontbyt wat…

enkele jare gelede het ek vir finweek ’n fokusgroepsessie bygewoon. Die tydskrif was besig om sy handelsmerk te herontwikkel en het ’n uiteenlopende groep mense genooi om kommentaar te lewer oor inhoud wat aangebied moes word. Die gesprek het na beleggingsopsies vir jong beroepslui verskuif: moes jongmense hul maandelikse spaargeld in eiendom, aandele, of iets anders belê? Die fasiliteerder het ’n stillerige jong vrou gevra wat sy dink. Haar antwoord, en die gevolge daarvan vir menige jong Suid-Afrikaner soos sy, het my verbluf: Ek belê in duur klere, want ek moet vir ’n potensiële huweliksmaat wys ek is welvarend. Met ander woorde: Ek koop handelsname, want ek wil my sosiale status verbeter. Ekonome so lank terug soos Adam Smith (1723- 1790) het besef mense koop luukse goedere nie net vir…

die evolusie in digitale tegnologie in kombinasie met die gewildheid van sosiale media het daartoe gelei dat baie mense doelloos van die een mediaplatform na die ander beweeg. Hierdie betekenislose rondswerwing lei tot ’n verlies aan produktiewe tyd en is negatief vir die kuns van verbale kommunikasie. Dit het ook ’n negatiewe uitwerking op visuele prestasievaardighede, volgens dr. Sherylle Calder, stigter van EyeGym.com, ’n opleidingsplatform vir visuele intelligensie. “Ons leef in ’n tydperk van afleiding, waar deurlopende blootstelling aan die internet op slimfone ’n negatiewe uitwerking het op mense se visuele motoriese vaardighede. Ons werk oor die afgelope vyf tot ses jaar het bevind dat dít ’n drastiese afname in atletiese vermoëns sowel as in kinders se lees- en konsentrasievaardighede tot gevolg het. Dit raak besigheid ook, maar dit is…

Beleggers wat opbrengs nastreef, moet miskien op Anglo American let, wat sy dividend na verwagting sal hervat wanneer hy sy halfjaarsyfers in Julie of Augustus vanjaar bekendmaak. Doen hy dit wel, sal dit amptelik die einde wees van ’n onstuimige tydperk van sowat 18 maande vir die Britsgenoteerde groep, wat bates verkoop en sy loonstaat duisend kere ligter gemaak het in ’n poging om die ineenstorting van hulpbronpryse die hoof te bied. Volgens Goldman Sachs sal die nuwe tydperk ingelui word wanneer Anglo sy beleggingsgraadgradering terugkry. Hy het dié gradering in Februarie verlede jaar ingeboet toe Moody’s ’n siening van hoër risiko aan sy herstruktureringspogings gekoppel het. “Uitdagende marktoestande sal die pas waarin die portefeulje verander waarskynlik vertraag,” het die graderingsagentskap gesê, maar kort daarna het die hulpbronmarkte op verrassende…

Wat die fondsbestuurders sê Dié fonds is geskik vir beleggers wat ook internasionale blootstelling vir hul portefeuljes wil hê, maar wat nie die aptyt het vir die aandelemark of hoë-ekwiteit-multibatefondse nie, sê Seugnet de Villiers, beleggingsontleder by Nedgroup Investment. De Villiers sê die beleggingsfilosofie van Chartwell Investment Partners, wat die fonds namens Nedgroup bestuur, bestaan uit vyf sleutelbeginsels: naamlik waarde, teenstelling, onder na bo, onafhanklike navorsing en langtermynoogpunt. “Eerstens is Chartwell Investment Partners waardebeleggers,” sê De Villiers. “Hulle probeer om gebruik te maak van die mark se emosies om sekuriteite wat op die beurs verhandel word teen diskontopryse te koop.” Tweedens is hulle onafhanklike denkers. “Daarom kan die portefeulje se sektorgewigte en individuele beleggings verskil van die konsensusmening. Hulle is nie indeksgevoelig nie.” Vir sover dit die “onder-na-bo-benadering” betref, sê…

telkom, wat vroeër gesukkel het, het op 5 Junie sterk resultate aangemeld; die groep se inkomste vir die jaar tot einde Maart het met 9,8% tot byna R41 miljard, en die dividend met 56% tot R4,22 per aandeel, gestyg. Die syfers toon die regrukstrategie, wat personeel oor drie jaar van 21 000 tot 12 500 verminder het, het begin werk. Die syfers toon die regrukstrategie, wat personeel oor drie jaar van 21 000 tot 12 500 verminder het, het begin werk. Sipho Maseko, uitvoerende hoof, wat in 2013 aangestel is ná ’n onrustige tydperk met vyf uitvoerende hoofde in sewe jaar, sê Telkom het “beduidende vordering gemaak in ’n moeilike bedryfsomgewing wat gekenmerk is deur regulatoriese onsekerheid, groter mededinging en ’n swak ekonomiese omgewing”. Die uitstaande prestasie is deels aangedryf…

d ie JSE het ’n belangrike ratverandering ondergaan met net 38% van die top100-aandele (volgens markkapitalisasie) wat bokant hul eie 200-daagse eksponensiële bewegende gemiddelde (EBG) lê. Dit vergelyk met sowat 50% die afgelope twee maande. Dit is ook opvallend dat die sterkste aandele so ver teruggesak het dat hulle betreklik naby aan hul 200-daagse EBG lê. Naspers, die sterkste aandeel, met slegs 15,6%, word gevolg deur Adcock Ingram met slegs 11,8%. Ook opvallend is dat hulpbronaandele, wat nie so lank gelede nog koning gekraai het onder die sterkstes, uit die lys verdwyn het met die uitsondering van die Mondiuitgiftes, Sappi en Glencore. Trouens, onder die toptien- swakste aandele oorheers die hulpbronmaatskappye met Lonmin teen sowat 57% steeds boaan die lys, gevolg deur Sibanye (52%), DRDGold (40%), Harmony (30%), Implats (25%),…

dit voel dalk of Suid-Afrikaanse maatskappye taamlik onlangs eers hul plaaslike en buitelandse bates begin skei het, maar in werklikheid het Liberty 36 jaar gelede al (in 1981) in Londen as Liberty International genoteer. Dit gebeur egter die laaste jare meer. Steinhoff en Old Mutual, waarvan die primêre notering reeds in Frankfurt en Londen is, is die jongste maatskappye wat die ontknoping van hul plaaslike bates voorgestel het. Einde Mei het 97 van die 386 JSE-genoteerde maatskappye dubbele noterings gehad. Dit is ’n verbasende een uit elke vier en sluit die meeste van die grootste genoteerde maatskappye in. Volgens markkapitalisasie hel die JSE skerp na dubbelgenoteerde maatskappye oor. Volgens Prejelin Naggan, hoof vir primêre markte van die JSE, is 75 buitelandse maatskappye op die JSE genoteer. Van die dubbelgenoteerde maatskappye…

Google se soekenjin teken meer as 500 m. kunsverwante soektogte per maand aan. einde 2015 se kant het ek na Westdene in Johannesburg verhuis. Een van die eerste dinge wat my van my nuwe voorstad opgeval het, was hoeveel graffiti daar oral in die buurt te sien was. Dit was egter nie sommer die “handtekeninge” deur kwaaijongens met ’n kannetjie spuitverf nie, maar volledige kunswerke. Ek het bevoorreg gevoel om in ’n buurt te kon intrek wat duidelik ’n waardering het vir visuele kuns. In daardie eerste paar weke het ek gretig probeer om soveel van die muurskilderwerk moontlik te ontdek en ek het gou ’n gunsteling gehad – ’n muurskildery deur ’n kunstenaar genaamd Veronika, naby die hoek van Tweede Laan en Monmouthweg. Die werk toon ’n gorilla se…

met minstens twee elektroniese skerms wat op enige gegewe oomblik hul aandag vereis en ritse boodskappe wat nog onbeantwoord is, is kantoorwerkers vandag op ’n mallemeule. Ondanks die beloftes van produktiwiteit en doeltreffendheid wat die tegnologie kwansuis sou inhou, vind talle bekwame beroepslui dat hulle deesdae meer verswelg voel as ooit tevore. Werkplekghoeroes en bestuurskundiges skryf dit gewoonlik toe aan die al vinniger pas van ons lewens en ons werk, en die onophoudelike eise wat ons mobiele toestelle aan ons stel. Vandag se werkers word inderdaad met konnektiwiteit en slim toestelle bewapen, maar weet klaarblyklik nie hoe om ’n volhoubare balans tussen hul digitale werkslewe en alledaagse geluk te bewerkstellig nie. In antwoord hierop wend groot firmas, veral in Amerika, hulle toenemend na die eeue oue beoefening van aandagtigheid (“mindfulness”).…

die Suid-Afrikaanse regering het pogings deur ander lidlande van die Suider-Afrikaanse Ontwikkelingsgemeenskap (SAOG) “stelselmatig ondermyn” om beter beskerming aan beleggers te bied, soos in die geval van Suid-Afrika. Suid-Afrika het hulle verlede jaar oorreed om 2006 se SAOG-Protokol oor Finansies en Belegging in ooreenstemming te bring met Suid-Afrika se nuwe Wet op die Beskerming van Beleggings, wat buitelandse beleggers minder beskerming bied. Peter Leon, ’n Suid-Afrikaanse beleggingsprokureur, het tydens ’n onlangse seminaar in Johannesburg beskryf hoe die 2006 SAOGProtokol, wat in 2010 van krag geword het, rofweg dieselfde omvattende beskerming aan buitelandse beleggers gebied het as die oorspronklike bilaterale beleggingsverdragte (BBV’s) wat Suid-Afrika met 13 eurolande en Switserland aangegaan het. Dit sluit in beskerming teen die onteiening of nasionalisering van eiendom sonder ’n openbare doel, behoorlike regsproses en spoedige vergoeding…

Daar is egter goeie rede vir die heroorweging van die maatskappy, veral omdat hy aan die einde van die eerste kwartaal kontant van $1,5 mjd. aangeteken het. nadat hy sy beste waardasie sedert sy notering in die middel van 2015 bereik het, het South32 se aandele onder regstelling gekom en was hulle prys tussen April en Junie sowat 18% laer. Dit is waarskynlik weens ’n verswakking in mangaanpryse, ’n mineraal wat die maatskappy in die Noord-Kaap ontgin, in die eerste kwartaal. Daar is egter goeie rede vir die heroorweging van die maatskappy, veral omdat hy aan die einde van die eerste kwartaal kontant van $1,5 miljard aangeteken het. Sowat $500 miljoen hiervan is spesiaal bestem vir ’n aandeleterugkoopprogram, waarvan ’n deel ter waarde van net meer as $100 miljoen reeds…

dit is ’n aankondiging wat menige goed bedoelende ouer al na asem laat snak het: “Pa, ma, ek wil ’n musikant word.” Dit lyk egter asof ouers se vrees dat hul skeppend georiënteerde kind permanent op die broodlyn, of in hul gastekamer, gaan eindig, ongegrond kan wees. Data wat die Suid-Afrikaanse kultuurwaarnemingsgroep Saco onlangs saamgestel het, dui daarop dat die skeppende ekonomie ongeveer R90 miljard, of 2,9%, tot die land se BBP bydra – gelykstaande met internasionale gemiddeldes, wat luidens ’n 2015-studie deur die professioneledienstemaatskappy EY op 3% staan. Saco, ’n projek van die departement van kuns en kultuur, is ’n nasionale dinksentrum wat op die monitering, kartering, meting en evaluering van Suid-Afrika se kulturele en skeppende ekonomie fokus. Die skeppende ekonomie, wat geag word die somtotaal te wees van…

Vorige aanbevelings RISKANTE KOOP VER-KOOP HOU Die kontrakdienstegroep CSG is in ’n moeilike omgewing bedrywig, soos uit Adcorp se verskriklike resultate blyk. Maar CSG laat dit werk, met onlangse resultate wat aandui dat die dividend onveranderd bly, en wesensverdienste per aandeel effens kleiner is. Die inkomste vir die jaar tot einde Maart was 37% hoër; die bedryfskapitaal lyk goed; en die kontantomskakeling is sterk, terwyl die kontant uit bedrywighede van R72 miljoen tot net meer as R100 miljoen gestyg het. Die maatskappy is by personeeloplossings, geriefsbestuur en sekuriteitsdienste vir groot maatskappye in Suider-Afrika betrokke. Moeilike omstandighede sal maak dat meer maatskappye dié dienste uitkontrakteer en CSG kan ’n paar kontrakte bykry. Die risiko is kliënte wat hul deure sluit. Moeilike omstandighede sal maak dat meer maatskappye dié dienste uitkontrakteer en…

SPAR Internasionale ondernemings kort stoom Resultate stroom in en vir plaaslike kleinhandelaars is hulle taai. Spar het ’n styging van 10,2% in die wesensverdienste per aandeel verklaar, maar sy onderneming in Switserland verloor geld en die bedryfsmarge het van 3% ’n jaar gelede tot 2,5% in dié stel resultate gedaal. Die kwessie hier is die nuwe buitelandse ondernemings, want Suid-Afrika het ’n bedryfsmarge van 3,1% aangeteken, Ierland net meer as 2% en Switserland ’n verlies. Die maatskappy werk daaraan om te sorg dat die Switserse onderneming se prestasie verbeter. Die maatskappy sal waarskynlik wel daarmee slaag en dit sal die wins aanhelp. Met ’n derde van die inkomste nou in buitelandse geldeenhede sal die invloed daarvan gou duidelik word. Dit sal tot die wins bydra wanneer die rand swak is…

daar is min goed wat die gewone Suid-Afrikaanse man so trots maak as sy vermoë om te braai. Mans sal om ’n braaivuur staan, elk met ’n tjoppie in die hand en elk met sy eie moetie saam met sout en peper. Een sal verkies om sy tjop die vorige aand al voor te berei sodat die geure kan intrek, terwyl sy maat die speserye aanbring net voordat hy sy tjop op die kole gooi. Hoewel elkeen sy voorkeurmetode het, is nie een van die metodes verkeerd nie. Wanneer dit kom by die noodsaaklikheid vir inkomste-onttrekkings aan ’n kliënt se persoonlike portefeulje, is daar ook verskillende strategieë. Die twee gewildste metodes is: 1. Maak voorsiening vir inkomsteonttrekkings en pas die portefeulje dienooreenkomstig aan Met die instelling van dié strategie, word…

Daar is ondanks die toenemende aantal maatskappye met dubbele en afsonderlike noterings steeds ruimte vir meer Suid- Afrikaanse maatskappye om hul plaaslike bedrywighede te ontknoop. “Daar word lankal oor Naspers bespiegel,” sê Jean Pierre Verster van Fairtree Capital, “en of dit toepaslik is dat hy net in Johannesburg genoteer is met dié dat Naspers teen ’n beduidende afslag op sy belang in die Hongkong-genoteerde Tencent en sy ander som-van-die-dele-bates verhandel. Dit maak vir hom sin om van sy bates afsonderlik te noteer en om nog ’n notering in die buiteland te kry en waarde te ontsluit.” Nog maatskappye met beduidende buitelandse bates wat alleen kan staan, is Aspen en Imperial. Laasgenoemde het gesê dat hy met ’n interne skeiding van sy ondernemings besig is. “Dit kan twee noterings beteken met…

v an ’n klein en beskeie begin in ’n geleende wit kerktent in 2005 het die McLaren-sirkus gegroei tot een van die grootste en min oorblywende reisende sirkusse in Suid-Afrika. Dié sirkus het alles, van grootvoethansworse tot uiters waaghalsige sweefstokartieste wat deur die lug vlieg en selfs motorfietsryers wat in ’n koepel by mekaar verbyjaag. Dit is ook een van die min sirkusse wat nog dieresterre het, van luislange uit Birma tot Bengaalse tiere en selfs donkies en poedels. David McLaren, wat die sirkus in 2005 begin het toe hy 21 jaar oud was, het met ons gepraat oor sy reis en ervarings in hierdie nomadiese vermaaklikheidswêreld. Wat het jy gedoen voordat jy die McLaren-sirkus begin het en hoe het dit gebeur dat jy jou eie sirkus begin het? As…

min mense sal stry dat groot verdelings in die Suid-Afrikaanse samelewing voorkom. Dit word veroorsaak deur vrees, agterdog en maatskaplike onttrekking. Dit is alles elemente wat die vorming van maatskaplike samehorigheid teëwerk, sê Gillian Eagle, professor in sielkunde aan die Universiteit van die Witwatersrand. Vakkundiges beskryf maatskaplike samehorigheid as “die behoefte aan ’n gedeelde moraliteitsgevoel en gemeenskaplike doel, aspekte van maatskaplike beheer en maatskaplike orde, die bedreiging wat inkomste- en welvaartsongelykhede tussen mense, groepe en plekke vir maatskaplike solidariteit inhou, die vlak van maatskaplike interaksie tussen gemeenskappe of families, die gevoel om tot ’n plek te behoort”. Eagle bespreek maatskaplike samehorigheid teen die agtergrond van misdaad, vrees en voortgesette traumatiese stres in die land in ’n artikel wat in 2015 in die South African Journal of Science gepubliseer is. Sy…

Stealthy Wealth @stealthy_wealth Vandag is dit so koud dat ek selfs aktiewe bestuurders met hul hande in hul eie sakke sien. Marc Davies @MarcDDavies Bathabile: Toelae-krisis? Watter toelae-krisis? Zille: Rassisme? Watter rassisme? Molefe: Bedank? Watter bedanking? Zuma: Paleis? Watter paleis? Tom Eaton @TomEatonSA Kyk, ons is miskien in ’n #resessie, maar ten minste skep ons steeds werk in bankwese, eiendom en papierversnippering in Dubai. City of Joburg @CityofJoburgZA #GuptaLeaks solank dit wat lek nie jou kraan is nie, sal ons jou nie veroordeel nie. #spaarwater Charl du Plessis @CharlduPlessc Kantore vir binnelandse sake moet kroeë hê. Dit sal wonderlik wees as jy ten minste ’n bier kan drink terwyl jy die res van jou lewe toustaan. Leo Messi @messi10stats Onderhoudvoerder: “Oor drie weke is jy 30 jaar oud. Wat beteken…