Finweek - Afrikaans 22-jun-17

die minister van finansies, Malusi Gigaba, het belowe om op 12 Junie tydens ’n perskonferensie te verduidelik watter ingrypings die regering beoog om die uitdagings wat die ekonomie in die gesig staar, aan te pak. Die mediasessie is egter op die nippertjie “uitgestel” en terwyl ek hier op 13 Junie skryf, moes ’n nuwe datum nog aangekondig word. Dit lyk wel of Gigaba se snelkursus in die ekonomie en binnewerking van kredietgraderingsagentskappe vrugte afwerp – die tesourie het verseker dat enige ingrypings binne die bestaande begrotingsraamwerk sal plaasvind. Indien Gigaba enige raad nodig het, kan hy gerus kers opsteek by die Reserwebank se president, Lesetja Kganyago, wat die volgende (begrotingsvriendelike) wenke het: ▪ Die goedkoopste vorm van stimulus is om sake- en verbruikersvertroue te herstel Weens die huidige fiskale beperkings…

suid-Afrika spog met Afrika se mees geïndustrialiseerde ekonomie, maar het geen werkgeleenthede vir miljoene van sy jeug nie. Met die ekonomie in ’n tegniese resessie is dit onwaarskynlik dat dié krisis binnekort sal eindig tensy drastiese beleidsmaatreëls in werking gestel word om groei te stimuleer. In werklikheid is daar dus baie min om hierdie Jeugmaand te vier, aangesien miljoene jongmense na die onderkant van die ekonomiese piramide verplaas is, met geen vooruitsigte om werk te kry of om entrepreneurskap na te volg nie. Vanjaar se jeugfeesviering vind plaas teen die agtergrond van ’n krimpende ekonomie en stygende werkloosheid, wat waarskynlik sal lei tot sluiting van besighede en ’n vermindering van beleggings namate maatskappye koste besnoei. Die werkloosheidsyfer het in die eerste kwartaal vanjaar tot ’n 13-jaarhoogtepunt van 27,7% gestyg, wat…

terwyl politici hulle met die politiek van die maag besig hou, het diegene wat verder van die trog is, hul eie “maagpolitiek” om oor bekommerd te wees. Tog is min mense bewus van die ander nasionale en nie-amptelike krisis wat aan die ontwikkel is – pogings tot “saadkaping” in ’n tyd van groot voedselonsekerheid. Voedselsekerheid, tesame met ander slagspreuke soos Nasionale Ontwikkelingsplan (NOP), het stil-stil uit die “politieke taal” verdwyn en plek gemaak vir nuwe modewoorde soos radikale ekonomiese transformasie, wit monopoliekapitaal en die nuwe politieke onding – staatskaping. Dié modewoorde, wat in werklikheid na egte probleme verwys, word gerieflik misbruik om die mense te verdeel en om die aandag af te trek van ander ewe dringende kwessies. Twee wetsontwerpe wat tans in die parlement bespreek word, kan die wesenlike…

“As daar ooit ’n tyd vir eenheid was, is dit nou. Dit is baie jammer dat ons die afgelope paar weke energie moes bestee aan Helen Zille se twiet van 16 Maart.” – Mmusi Maimane, DA-leier, se kommentaar ná Helen Zille om verskoning gevra het vir ’n omstrede twiet waarin sy die “voordele van kolonialisme” uitgewys het. Zille het ingestem om uit te tree uit alle aktiewe DA-poste, maar sal aanbly as premier van die Wes-Kaap. Maimane het gesê sy rol is om die party te laat groei deur Suid- Afrikaners van alle rasse te verenig, en om die ANC uit die kussings te lig “om ons land te red”. Hierdie projek was nooit dringender as nou nie. ’n Korrupte kabaal het die staat gekaap vir die doeleindes van persoonlike…

v ir baie mense is toegang tot elektrisiteit nie so eenvoudig soos die druk van ’n skakelaar nie. In Kenia, Uganda en Tanzanië het slegs een derde van die inwoners toegang tot elektrisiteit – die oorblywende twee derdes gebruik lampolie om hul huise te verlig, volgens Chad Larson, medestigter van die onafhanklike sonkragmaatskappy, M-KOPA. Larson het telefonies vanaf Nairobi aan finweek verduidelik dat die sakemodel waarmee hy en sy medestigters, Nick Hughes en Jesse Moore, in 2010 vorendag gekom het, sonkrageenhede aan klante in dié drie lande in Oos-Afrika voorsien. M-KOPA verkoop sonkragstelsels aan huiseienaars volgens ’n afbetalingsplan, wat deur middel van die M-Pesa- mobiele geldstelsel geskied. Klante betaal ’n deposito van $30, gevolg deur 400 daaglikse betalings van $0,50, verduidelik Larson. “Nadat die afbetalingstydperk verstryk het, besit hulle hul…

’nModerne sittende leefstyl en mense wat al hoe vetter word, kan daartoe lei dat die kinders van vandag glad nie so gesond soos die 65-jariges van vandag gaan wees wanneer hulle dié ouderdom bereik nie, toon skokkende bevindinge van ’n wêreldwye gesondheidsopname. Dié verslag, wat deurThe Economist Intelligence Unit (EIU) uitgebring is en wat in opdrag van die wetenskap- en tegnologiegroep, Merck, gedoen is, beweer dat moderne leefstylverwante probleme reeds gesondheidsprobleme onder kinders veroorsaak, insluitend vetsug wat toenemend voorkom. Die menings van opvoeders en ouers in Duitsland, Suid-Afrika, Indië, Brasilië en Saoedi-Arabië is ingewin, terwyl respondente meen dat die kinders van vandag “in die algemeen” gesond is, en 58% van opvoeders glo dat vandag se kinders nie so gesond soos huidige 65-jariges gaan wees wanneer hulle dié ouderdom bereik nie.…