Innehållsförteckning för 06-jul-17 från Finweek - Afrikaans

ek wens deels dat dit al Desember was. Met dié dat geen ekonomiese wonderwerke verwag word voordat die ANC se toekomstige leiers verkies is nie, is die gedagte daaraan om die volgende ses maande bloot water te trap, ietwat neerdrukkend. Ten minste sal die ANC se nasionale beleidskonferensie, wat op 30 Junie (kort ná hierdie uitgawe se druktyd) begin, ’n aanduiding gee van wat dalk in Desember op die verkiesingskonferensie sal gebeur. Alles is reg vir ’n dramatiese konfrontasie tussen die twee hooffaksies: dié wat die Zumakamp ondersteun, met Nkosazana Dlamini-Zuma, die president se gewese vrou, tans as leier en radikale ekonomiese transformasie as beleidstandpunt; en dié wat Cyril Ramaphosa ondersteun – wat ook verandering voorstaan, maar meer oorhel na die nasionale ontwikkelingsplan as die land se oplossing om groei…

as jy jou ’n aanlyn ontmoetingsdiens vir geld en besigheid kan voorstel, sonder die selffoto's wat met die gebruik van toepaslike filters verbeter word – sal dit FinFind wees. Dié innoverende aanlyn platform bring klein en mediumondernemings (KMO’s) wat op soek is na finansiering in verbinding met finansieringsverskaffers wat ooreenstem met hul spesifieke finansiële behoeftes – hetsy dit toelaes, skuld of ekwiteit is. Dit is die KMO-sektor se bekendste geheim dat die verkryging van aanvangsfinansiering ’n groot probleem is – soos Darlene Menzies, FinFind se uitvoerende hoof, vinnig uitgevind het toe sy in 2004 besluit het om haar eie besigheid te begin. “Ek het ’n hele paar keer misluk voordat ek ’n skaalbare finteg [finansiële tegnologie] onderneming kon bou,” sê Menzies aan finweek toe sy praat oor die inspirasie agter…

e xxaro Resources het sy netto skuld tot sowat R1,3 miljard gehalveer in sy 2016-boekjaar danksy veel beter steenkool- en ysterertspryse. Dus kan die nuus dat hy beplan om sy 43,66%-aandeel in die Amerikaans genoteerde titaanoksiedmaatskappy, Tronox, te verkoop, meebring dat aandeelhouers ’n stewige dividend verwag. Riaan Koppeschaar, finansiële direkteur vir Exxaro, sê dit is inderdaad deel van die plan; nog ’n element is dat daar baie ander gebruike is vir die kontant, onder meer ’n rits kapitaalprojekte wat die steenkoolprodusent reeds beplan en waarvan party nog nie amptelik bekend gemaak is nie. “Die steenkoolspan is besig om ’n paar ander geleenthede op mynbouvlak te bekyk, maar dit is nog te vroeg om dit bekend te maak,” sê Koppeschaar. “Dit is ’n mengsel van nuwe projekte in die groep en…

Sibanye se aandeelprys daal steeds. Dis nou bykans 70% laer as sy hoogtepunt in Augustus 2016 en ongeveer 30% laer as die vlak waarteen dit in Desember verhandel het voordat hy die verkryging van die Amerikaanse platinum-/ palladium-mynmaatskappy, Stillwater Mining, aangekondig het. Sibanye se aandeelprys daal steeds. Dis nou bykans 70% laer as sy hoogtepunt in Augustus 2016. Hierdie afname het party ontleders laat glo dat hy op sy huidige vlak onderwaardeer is, met Seeking Alpha wat die aandeel op 26 Junie as “ ’n sterk koop” gradeer het. Seeking Alpha glo die mark is uitermatig bekommerd oor die premie wat Sibanye vir Stillwater betaal het en het die toename in die platinumprys sedertdien verdiskonteer. Met die skryf hiervan op 27 Junie, sou produksie ook weer by sy Cookegoudmyn naby…

dis 1985. ’n Boeing van die Suid- Afrikaanse Lugdiens het so pas in Switserland neergestryk. Dit is met goud gevul. Die apartheidsregering staar ’n groot skuldkrisis in die gesig, vererger deur president P.W. Botha se onlangse Rubicontoespraak. Die land skuld talle buitelandse banke geld wat hy nie kan terugbetaal nie. Staatskuld het in die eerste helfte van die 1980's met 50% toegeneem, en die banke het op betaling aangedring. Die destydse direkteur-generaal van die tesourie, Chris Stals, raam dat die regering genoeg Amerikaanse dollars het om ’n paar weke te kan oorleef. ’n Klein Switserse bank kry snuf in die neus oor die vrag van die Boeing en probeer die vliegtuig en sy kosbare vrag konfiskeer as betaling vir wat die Suid-Afrikaanse regering hom skuld. “Gedurende die loop van die…

nou wag ons, wéér, op politici en agbare mans en vroue wat hulle as leiers voordoen om óns, Suid-Afrikaners, bo hul eie eiebelang en gierigheid te kies. Hulle doen dit selde. Dié keer wag ons dat Baleka Mbete, speaker van die nasionale vergadering, oor die lot van die jongste mosie van wantroue in die president besluit; ’n besluit wat waarskynlik sterk beïnvloed sal word deur die ANC se beleidskonferensie, wat einde Junie gehou word (ná die ter perse gaan van hierdie uitgawe van finweek). Die konferensie sal die eerste platform wees waar die slagordes vir die ANC-faksies opgestel sal word. Leiersambisies sal onvermydelik die swaarste weeg. Lindiwe Sisulu, ANC-swaargewig, het voor die geleentheid reeds gemaan dat die konferensie “nie as ’n soort faksieoorlog moet dien nie, pleks van om die…

die adjunkminister van finansies, Sfiso Buthelezi, het aangedring op ’n debat oor die meriete van inflasieteikenstelling in Suid- Afrika en sê dat hoewel die beleid miskien goed was toe dit 17 jaar gelede ingestel is, dit miskien nie meer help as die ekonomie in ’n resessie gedompel is nie. Sy opmerkings gedurende ’n paneelbespreking by die Gordon Institute of Business Science (GIBS) sal kommer ontlok oor moontlike veranderings aan die monetêre beleid nadat die openbare beskermer, Busisiwe Mkhwebane, die finansiële markte op 20 Junie laat skrik het met haar voorstel dat die land se Grondwet verander moet word om die Reserwebank se inflasieteikenstellingsmandaat te wysig. “Ons het die 3%- tot 6%-inflasieband onder ander ekonomiese toestande bepaal [...] dink julle nie dat ons weens dié moeilike ekonomiese toestande weer daarna moet…

politieke risiko en beleidsonsekerheid in Suid-Afrika het nog nooit sedert die koms van demokrasie so hoogty gevier soos nou nie. Maar die onstuimigheid waarmee plaaslike beleggers nou te kampe het, sluit aan by ’n ontwrigtende internasionale neiging wat klaarblyklik bestem is om lank die “nuwe normaal” te wees. Verlede jaar is ontwikkelde markte soos Amerika en Europa, dekades lank ’n veilige toevlug, ontwrig deur onverwagse verkiesingsuitslae en politieke gebeure wat dié markte net so riskant soos ontluikende markte maak, indien nie erger nie, meen ontleders. ’n Tradisionele wêreldorde wat op voorspelbare leierskap, stewige internasionale instellings en verwagte kiesersgedrag berus, het vanjaar verder verbrokkel – wat beleggingsbesluite ál moeiliker en duurder maak, vir maatskappye sowel as individue. Globalisering is onder skoot en ontnugterde kiesers stem vir leiers wat minder geneë is…

l angtermynaandeelhouers in Sasol het ’n moeilike tydjie agter die rug. Die aandeel verhandel sowat 40% onder die hoogtepunte van 2014, hoofsaaklik weens die daling in Brent-ruoliepryse. Sasol is uiters gevoelig vir Brentruolie se bewegings, met inbegrip van die rand-dollar-wisselkoers en uiteindelik die randprys van dié kommoditeit. Volgens Reuters is verskansingsfondsbestuurders pessimisties oor oliepryse se vooruitsig, want lande buite die Organisasie van Petroleumuitvoerlande (Opul) se olieproduksie neem toe en dreig om die doeltreffendheid van Opul se produksiebeheer te kelder. Terwyl kommer toeneem dat die besnoeiing van produksie waarop Opul ooreengekom het nie daarin sal slaag om pryse te steun nie, het Brent-ruolie in Junie tot sewemaandelaagtepunte gedaal en Amerikaanse ruolie tot sy laagste vlakke sedert September 2016. Sasol, ’n internasionale geïntegreerde chemikalie- en energiemaatskappy, verhandel die afgelope twee jaar in…

ek hou nie van skansfondse nie. Hulle maak my senuweeagtig. My rol as adviseur vir my kliënte vereis egter van my ’n oop ingesteldheid teenoor alle beleggingsopsies. My senuweeagtigheid oor skansfondse spruit uit ons beleggingsfilosofie, waarin die klem op kapitaalbewaring val, en die skouspelagtige wyse waarop sekere skansfondse deur die jare ineengestort het. Hulle kan ook ongelooflik duur wees. Wanneer onvoorsiene gebeure of beduidende wisselvalligheid voorkom, word daar gewoonlik êrens ter wêreld ’n skansfonds uitgewis (beleggers in dié fondse verloor dan hul hele belegging). Die afgelope dekade was vir plaaslike skansfondse interessant nadat die skansfondsregulasies in Augustus 2007 gepubliseer is. Sedert 2015 word skansfondse ná die instelling van kleinbeleggerskansfondse (RIHF’s) en gekwalifiseerdebelegger- skansfondse (QIF’s) as produkte gereguleer. Beleggers in QIF’s word in die Raad op Finansiële Dienste (RFD) se kennisgewing…

nOomblik nadat ek by DJ Fresh gaan sit het, skater ek van die lag. Fresh is nie net bekend vir sy dinamiese stem oor die lug nie, maar ook vir sy aansteeklike lag. Nou 44, het die man wat ons aan die radio vasgenael hou, eers met YFM toe 5FM en nou met Metro FM, sy handelsmerk en loopbaan verder ontwikkel as wat sy ouers kon gedroom het. Hierdie dinamiese man met sy groot teenwoordigheid, is gebore en getoë in Botswana, maar is vandag een van Suid-Afrika se topvermaaklikheidsterre. Afgesien van ’n uitstaande radioloopbaan is hy ’n produktiewe internasionale klub- -platejoggie, ’n gesogte televisiepersoonlikheid, ’n sensasie op sosiale media en ’n suksesvolle sakeman. Hy is fiks van die gimnasium en van boks, en met ’n imposante getatoeëerde lyf trek Fresh…

Senn het die wêreld van bankwese in 1951 betree en het in 1980 die uitvoerende hoof van UBS geword, ’n pos wat hy tot sy aftrede in 1996 beklee het. In die boek, beskryf Van Vuuren Senn se verhouding met Suid- Afrika as “diep persoonlik” en sy steun vir die apartheidstaat as “onwrikbaar”. Hy voer aan dat Senn se getroue steun ideologies sowel as winsgedrewe kon gewees het en haal uit nuusberigte van 1985 aan. “As ek in Suid-Afrika gewoon het, sou ek ook nie bereid gewees het om die leisels oor te gee nie . . . vir my is ‘een mens een stem’ nie wêreldgodsdiens nie,” het Senn na bewering gesê. Van Vuuren skryf dat Senn in die artikel erken dat hy aanvanklik geskok was deur die stelsel…

sakeleiers het finansiële kapitaal die afgelope 50 jaar as hul kosbaarste hulpbron beskou. Vandag is finansiële kapitaal nie meer ’n skaars hulpbron nie. Bain & Company se Macro Trends Group skat dat internasionale finansiële kapitaal oor die afgelope drie dekades meer as verdriedubbel het en nou op sowat 10 keer wêreldwye bruto binnelandse produk (BBP) staan. Namate kapitaal gegroei het, het die prys gedaal. Vir groot maatskappye is die nabelastingskoste van lenings naby die inflasiekoers, wat beteken dat die reële leningskoste nagenoeg nul is. Enige winsgewende groot onderneming kan die kapitaal verkry om toerusting te koop, produkontwikkeling te finansier en selfs nuwe ondernemings te bekom. Leierskapspanne moet hul geld noukeurig bestuur, maar die vaardige toewysing van finansiële kapitaal is nie meer ’n bron van mededingende voordeel nie. Strategie in die…

Michael Jordaan @MichaelJordaan Wat jy sien, hang meestal af van wat jy soek. Tom Eaton @TomEatonSA Grootste bedreigings vir die Proteas by Lord’s volgende week: Jimmy Anderson Stuart Broad Faf se nuwe baba Adam Liaw @adamliaw Hoekom boeke lees oor ouerskap as die beste opleiding is om net ’n klomp klein speelgoed op die vloer te gooi en dit 50 keer per dag op te tel? Ami Kapilevich @biobot 05:00 deur hadidas wakker gemaak. So word ordentlike mans geradikaliseer. Showerthoughts @rShowerThoughts Met die opkoms van selfbestuurmotors is dit net ’n kwessie van tyd voordat ons ’n country-liedjie kry waar die kêrel se vragmotor hom ook verlaat. osiame molefe @o_siame Aangetrek vir die gimnasium en toe teruggekruip in die bed. Hulle sê nie verniet dis ’n droomliggaam nie. Barry @Barry_Beans Ek…

p SG het nie die memo ontvang dat sake in Suid-Afrika stagneer nie. Op sy algemene jaarvergadering (AJV) van 23 Junie het hy aangekondig twee noterings is op pad, dat hy in uitbreidingsmodus bly en op die uitkyk is na hoëgroeigeleenthede in Suid-Afrika. Op 26 Junie het die landbou- en brandstofhandelaar Kaap Agri, waarvan PSG se landbougroep Zeder 39,8% besit, op die JSE genoteer en omstreeks November vanjaar gaan Curro se tersiêre afdeling Stadio sy buiging op die beurs maak. Piet Mouton, uitvoerende hoof van PSG, het gepraat oor die sukses wat PSG met maatskappye soos Curro, Capitec, Zeder en die finansiëledienstegroep PSG Konsult behaal het en bygevoeg die beleggingsafdeling PSG Alpha is daar om die volgende groeibelegging uit te snuffel. “Ons is langtermynbeleggers en het nie ’n vaste uittreepunt…

rooibos Bpk. se besturende direkteur, Martin Bergh, sê hy het “nooit in sy wildste drome” verwag dat dié teeprodusent van anti-mededingende optrede beskuldig sou word nie. ’ ’n Dag nadat die Mededingingskommissie die maatskappy laat in Junie by die Mededingingstribunaal aangekla het weens beweerde misbruik van markoorheersing, het Bergh gesê hy het regsadviseurs geraadpleeg en hy glo nie dat Rooibos Bpk. aan dié soort gedrag skuldig is nie. Hy sê die teeprodusente het ’n “dieper begrip” nodig van wat die kommissie beweer dat hy verkeerd gedoen het. Rooibos Bpk., die grootste verwerker van rooibostee in Suid-Afrika, word daarvan beskuldig dat hy rooibosteeboere oorreed het om nie met rooibosteeverwerkers waarmee hy meeding, sake te doen nie. Die kommissie se ondersoek het begin nadat hy in 2015 ’n klag van ’n rooibosteeverwerker…

INDLUPLACE PROPERTIES Meenthuis-komplekse in Indluplace se huurarea van Honey Park. Ek het al voorheen oor hierdie aandeel geskryf. Nadat ek ’n bietjie navorsing gedoen het, het ek besef dat ek werklik van dié onderneming se sakeplan hou. Die belangrike verskil tussen Indluplace en party van sy mededingers is dat hy met residensiële eiendom sake doen en eenhede besit wat hy aan huurders verhuur. Na die jongste transaksie (met die Buffet Group, waarvolgens Indluplace 2 914 residensiële eenhede met 3 400 m2 gepaardgaande kleinhandelsruimte vir ongeveer R1,4 miljard verkry het), het hy ongeveer 8 000 huureenhede met kleinhandelsruimte daarby. Die aantreklikheid hiervan is dat talle mense nie hul eie eiendom kan koop nie of dit nie wil koop nie. Voeg hierby die moeilike ekonomiese tyd, en talle moontlike eiendomsbesitters is nie…

GLENCORE Transaksie nie ’n slegte idee nie Met al die gepraat dat steenkool as energiebron dood is, het Glencore aangebied om Australian Coal & Allied Industries vir $2,675 miljard kontant van Rio Tinto te koop. Dit lyk miskien snaaks en baie mense het dit ’n slegte idee genoem. Die werklikheid is egter dat hoewel die gebruik van steenkool miskien afneem, dit nog lank nie dood is nie en ons gaan nog dekades lank steenkool gebruik. Dit rym met ’n opmerking wat ek altyd maak, waar ek sê dat tendense veel stadiger en oor langer tydperke uitspeel as wat ons ooit verwag. Dink net aan die kaping van ons nasionale tesourie. Ons is in Desember 2015 daarvan bewus gemaak toe die destydse minister van finansies, Nhlanhla Nene, in die pad gesteek…

wanneer ons oor die afgelope paar jaar kyk na die Suid-Afrikaanse beleggingsomgewing, is dit beslis geen geheim dat ons erger as ’n wipplank op en af beweeg het nie. Die politieke omgewing het só vyandig geword dat internasionale beleggers geloof begin verloor het in ons finansiële stelsels, wat eers daartoe gelei het dat ons tot rommelstatus afgradeer is en nou met verdere afgraderings wat op ons wag. Daar is talle menings en voorspellings aangaande ons huidige situasie wat strek van die uiters pessimisties tot die betreklik optimisties. Daar is soveel geraas wat ons omring dat dit maklik is om ons langtermyndoelwitte uit die oog te verloor. Korttermynontwrigtings soos politieke onsekerheid en markonbestendigheid, om nie te praat van die druk van ’n krimpende ekonomie nie, het beleggers laat soek na hoofsaaklik…

n Jiulie skop vanjaar se belastingseisoen af, wanneer miljoene Suid-Afrikaners hul opgawes vir persoonlike inkomstebelasting by die Suid-Afrikaanse Inkomstediens (SAID) moet indien om aangeslaan te word. Die sperdatum is die derde week van November In hul 2016-verslag oor belastingsyfers dui die SAID en die tesourie aan dat meer as 19 miljoen individue vir persoonlike inkomstebelasting geregistreer is, maar dat slegs 6,6 miljoen na verwagting vanjaar opgawes sal indien. Teen die einde van verlede jaar se belastingseisoen was meer as 6,4 miljoen mense aangeslaan op ’n bedrag van R1,3 duisendmiljard in belasbare inkomste, waarvan die SAID sowat R389,3 miljard ingevorder het. Persoonlike inkomstebelasting is die enkele grootste bron van inkomste vir die Suid- Afrikaanse regering, maar dit beteken nie dit is maklik of aangenaam om jou opgawe in te vul nie.…

d ie Berekende propaganda-navorsingsprojek. Wat ’n mondvol! Ek het dié projek, wat by die Universiteit van Oxford se Internet-instituut gevestig is, raakgeloop in ’n konsepdokument getitel Computational Propaganda, wat hy onlangs gepubliseer het Die navorsers omskryf berekende propaganda as die gebruik van algoritmes, outomatisering en menslike organisering, insameling en aanlyn aanbieding van inhoud om misleidende inligting doelbewus oor sosiale medianetwerke heen te versprei. Suid-Afrika se plaaslike weergawe sou die aantygings teen die Gupta-familie en die Britse skakelfirma, Bell Pottinger, wees aangaande elemente wat “betaalde Twitter” genoem is. “Een persoon, of ’n klein groepie, kan ’n oormag politieke botte [webrobotte] op Twitter gebruik om die illusie van grootskaalse konsensus te skep,” sê die verslag. “Regerings gebruik politieke botte wat gebou is om soos werklike mense te lyk en op te tree,…

1 Watter plaaslike bank is volgens Lafferty Group se 2017-studie om die gehalte van banke wêreldwyd te vergelyk, as die wêreld se beste bank aangewys? 2 Die hoofstad van Portugal is: ■ Caracas ■ Praag ■ Lissabon 3 Tronkbewaarders het onlangs gereël dat vermaak vir die aangehoudenes verskaf word deur skraps geklede vroue wat vir hulle gedans het. In watter provinsie is die tronk? 4 Hoe lank gelede het J.K. Rowling die eerste Harry Potter-boek geskryf? 5 Wie is Travis Kalanick? ■ Die voormalige uitvoerende hoof van Uber ■ Die Amerikaanse visepresident ■ Die uitvoerende hoof van Metrofile 6 Waar of onwaar? ’n Geoloog bestudeer die vaste stowwe en vloeistowwe waaruit ons planeet bestaan. 7 Watter kleur hoed het Koningin Elizabeth II gedra met haar onlangse toespraak voor die Britse…