Innehållsförteckning för 1-Feb-18 från Finweek - Afrikaans

dis moeilik om nie opgesweep te raak in die Cyril-euforie nie. Die rand het vir die eerste keer sedert 2015 deur R12 teenoor die dollar gebreek, staatseffekte se opbrengskoerse het gedaal, en die gemiddelde daaglikse invloei na aandele is op rekordhoogtepunte, volgens Bloomberg-data. Goldman Sachs skryf dit toe aan die “markvriendelike uitslag” van die ANC se nasionale verkiesingskonferensie, waar Cyril Ramaphosa geseëvier het, en meen dat Suid-Afrika vanjaar se “groot ontluikendemark-storie” is, met “ ’n erg onderwaardeerde” plaaslike krediet- en valutamark vergeleke met ander ontluikende lande. Die beleggingsbank voorspel vir vanjaar groei van 2,8% vir Suid-Afrika – aansienlik hoër as die Suid-Afrikaanse Reserwebank se opwaarts aangepaste 0,9%. Lesetja Kganyago, president van die Reserwebank, het op die Wêreld- Ekonomiese Forum (WEF) in Davos aan Bloomberg gesê hy is vol vertroue dat…

*Dié platform is onafhanklik. Die PSG Balanced Fund word op verskeie verskillende beleggingsplatforms aangebied, elkeen met sy eie stelle minimum enkelbedrae. Die enkelbedrae sal dus afhang van die platform én die beleggingsproduk op die platform wat die belegger kies. Op die PSG Wealth-platform, is die minimum beleggingsbedrag vir ’n debietorder R500. Die minimum bedrag vir ’n enkelbedragbelegging tussen verskillende beleggingsprodukte verskil. Wat sê die fondsbestuurder? Talle beleggers is bekommerd oor waar toekomstige opbrengste vandaan sal kom. Plaaslik bly politieke onsekerheid, finansieel uitgeputte ondernemings in staatsbesit en swak BBP-groei groot bekommernisse, sê Paul Bosman, fondsbestuurder. Wêreldwyd is die dominante tema dat die langdurige era van tegemoetkomende monetêre beleid in ontwikkelde markte geleidelik besig is om tot ’n einde te kom. “Hoewel ons hierdie kommernisse verstaan, word ons nie deur enige enkele…

Elke keer wat die rand in die afgelope twee dekades ineengestort het, het Suid- Afrikaners haastig geld na die Amerikaanse dollar verskuif. Mense het sulke transaksies in 2001 teen meer as R13 teenoor die dollar gedoen, teen sowat R11 in 2008 en teen byna R18 laat 2015 en vroeg 2016. Maar ná elke randineenstorting het die geldeenheid bestendig versterk – en dís waar ons op die oomblik is. Die rand word sterker en kan selfs verder styg, met R10 teenoor die dollar nie onmoontlik in die volgende jaar of drie nie. Die rand word sterker en kan selfs verder styg, in die volgende jaar of drie R10/$ Moet nooit vergeet dat die rand ná die 2001-ineenstorting binne vier jaar tot minder as R6 teenoor die dollar versterk het nie. Moet…

Die reëls oor belastingvrye spaarrekeninge bepaal dat onttrekkings van opgelope besparings nie vervang kan word nie, en dat enige bydraes (selfs al kom hulle uit die bedrae wat vroeër onttrek is) aan die jaarlikse en leeftydlimiet onderworpe sal wees. Die tesourie sê in sy verslag oor die hervorming van nieaftreebesparing dat die rede waarom onttrekkings só hanteer word, verband hou met navorsing wat toon dat individue dikwels met selfbeheersing sukkel, wat tot impulsiewe aankope ten koste van besparing kan lei. Die doel met dié beperking – om te keer dat onttrekkings vervang word – is om die gebruik van kort- tot mediumtermyn-spaargeld vir impulsiewe aankope te ontmoedig. “Dit sal mense ten minste aanmoedig om twee keer te dink voordat hulle hul spaargeld uit die rekeninge onttrek en help om enige…

met bykans 70% van die 100 grootste aandele op die JSE, soos gemeet aan hul markkapitalisasies, wat bokant hul 200-daagse eksponensiële bewegende gemiddeldes (EBG) lê, kan daar geen twyfel wees nie dat die JSE ’n bulmark van formaat beleef. Dit word ook weerspieël deur die JSE se algehele indeks wat ’n stewige 22% bokant sy eie EBG verhandel. Dit is opvallend dat hulpbronaandele steeds ’n belangrike rol vervul in die opwaartse tendens van die mark met Assore en Kumba voor in die koor. Anglo American, wat vandeesmaand die eerste keer sedert vroeg in 2012 bokant R300 verhandel het en onder meer ’n stewige dividend van Kumba gaan kry, vaar ook goed. Hy word gevolg deur Tharisa, PPC en African Rainbow Minerals. Daar is tans ’n algemene eenstemmigheid onder ekonome en…

ek het al voorheen oor skuld geskryf, maar ek wil weer daaroor gesels aangsien dit belangrik is vir ’n maatskappy se groei. Dit kan ook tot sy ondergang lei. As skuld omsigtig en binne bestuurbare vlakke gebruik word, sal skuld ’n maatskappy wel laat groei. As jy byvoorbeeld geld teen 10% kan leen en ’n nuwe winssentrum kan koop of uitbou om ’n opbrengs van 12% te lewer, is jy op die wenpad. En dit sal nog beter gaan wanneer die skuld eers vereffen is. Onlangs is die mark geskok deur Viceroy Research, wie se diepgaande verslag oor Steinhoff vroeg in Desember tot nóg aandeelverkope gelei het. Daar was ook spekulasie oor watter maatskappy volgende onder skoot sou kom. Die aandag is toe gevestig op aandele met groot skuld juis…

“Ons glo ons kan die beste gefokusde korttermyn- ongesekureerde uitlener ter wêreld wees. Eenvoud kan moeiliker wees as iets kompleks.” die voorsiening van korttermyn-, ongesekureerde lenings kan ’n morsige storie wees. Daar word nie net van ’n maatskappy verwag om die etiese mynveld van vinnige finansieringsvoorsiening aan die ekonomies gemarginaliseerdes te navigeer nie (waarskynlik diegene wat dit die minste kan bekostig), maar dit vereis ook ’n baie dapper benadering tot risiko. Dit is daarom verbasend dat die word “konserwatief” die een is wat die meeste deur die mikro-uitlener Finbond se uitvoerende hoof, dr. Willem van Aardt, gebruik word om die onderlinge bank se benadering tot uitleen te beskryf. Van Aardt het Finbond in 2003 gestig as ’n verbandtussenganger-, skuldkonsoliderings- en oorbruggingsfinansierings- en kredietoplossingsmaatskappy wat pasgemaak is vir die vereistes van…

die werkomgewing verander. Vaardighede wat ’n dekade gelede waardevol was, lyk deesdae minder waardevol en word vervang deur nuwe tendense en tegnologieë. Elke paar weke verskyn ’n nuwe berig oor die bedreiging van outomatisasie en hoe dit miljoene werkgeleenthede gaan vernietig. ’n YouTube-video van ’n robot wat oor hindernisse spring, bevestig dat die onvermydelike nie ver weg is nie. Die antwoord, dink baie mense, is om soos rekenaars te word. Studente word aangemoedig om loopbane in WTIW – wetenskap, tegnologie, ingenieurswese en wiskunde – te volg. Grade in die geesteswetenskappe of die sosiale wetenskappe word as minder gesog beskou. Ons weet dat die beste betaling steeds dié is vir werk waar ’n goeie kennis van wiskunde nodig is. In Suid-Afrika is dit van besondere belang, aangesien die geslags- en rassesamestelling…

Vir plaaslike finansiële instellings van alle grootte, is die tameletjie van voldoening een van die belangrikste hindernisse om besigheid te doen. En meer spesifiek, voldoening aan die Wet op die Finansiële Intelligensiesentrum (Fica) van 2001. Dié wet is ingestel om finansiële misdade soos geldwassery, belastingontduiking en finansiering van terrorisme te beveg. Terwyl Fica Suid-Afrika in ooreenstemming met soortgelyke wetgewing in ander lande gebring het, het dit ook ’n swaar administratiewe las geplaas op finansiëledienstespelers wat reeds min tyd tot hulle beskikking het. Om aan Fica se streng identifikasie-, sifting- en optekeningbeleide te voldoen, moes maatskappye tradisioneel hulle kliënte per hand aan boord kry. Vir kleiner kliënte spesifiek, kan dié proses langdurig én duur wees. Dis juis hier wat DocFox sy verskyning gemaak het as ’n begin- fintegfirma wat ’n groot…

g rowthpoint Properties is een van die grootste eiendomsbeleggingstrusts op die JSE, met ’n portefeulje van 467 eiendomme in Suid-Afrika in die kleinhandel-, kantoor- en nywerheidsektore. Hy besit ook 50% van die V&A Waterfront, en 58 eiendomme in Australië deur ’n belang van 65,5% in Growthpoint Properties Australia. Growthpoint-aandele het in 2015 sowat 40% se waarde verloor en tot 1 795 sent gedaal nadat hy nie deur sy algehele hoogtepunt van 3 050 sent van Januarie 2015 kon breek nie. In 2016 het hy sy primêre stygtendens voortgesit en 18 maande lank in ’n driehoek gekonsolideer. Hy het intussen die meeste verliese verhaal. Op die grafiek: Growthpoint verhandel sedert 2016 in ’n simmetriese driehoek. Hy het in Januarie positief deur die boonste helling daarvan gebreek en kan dit by 2…

finansiële beplanners kan aan weinig redes dink om nie in belastingvrye spaarrekenings (TSFA’s) te belê nie. Die voordele is duidelik. Lizl Budhram, advieshoof by Old Mutual Personal Finance, sê egter as jy van plan is om meer as die jaarlikse perk van R33 000 of die lewenslange perk van R500 000 te spaar, is ’n belastingvrye spaarrekening dalk nie geskik vir jou spaarbehoeftes nie. Die Suid-Afrikaanse Inkomstediens (SAID) sal belasting van 40% hef op alle bydraes wat R33 000 per jaar oorskry. “Maar selfs in sulke gevalle, sal dit heel waarskynlik nog voordelig wees om die belastingvrye spaarrekening vir die eerste R33 000 van jou jaarlikse spaarbedrag te gebruik,” raai sy aan. Dit beteken dat die TFSA slegs “ongeskik” is wanneer jy reeds jou jaarlikse of lewensperk bereik het om…

BANKWESE Oppas Capitec Michael Jordaan het aangekondig dat hy en sy vennote later vanjaar ’n nuwe onderlinge bank, Bank Zero, bekend gaan stel. Dit bring die getal nuwe banke in 2018 op vier te staan: Discovery* (hoofsaaklik op Investeckliënte toegespits), TymeDigital en die herbekendstelling van Postbank. Die vraag is, hoe pas Capitec* in dié prentjie? TymeDigital, Zero en moontlik Postbank het hoofsaaklik Capitec-kliënte in hul visier (meer aan die transaksie-front). Maar dit is altyd moeilik om van ’n gevestigde speler ontslae te raak. Hy het reeds sy kliënte, die voetspoor en die wins. Die ander sal hard moet werk om dit uit Capitec se greep los te wikkel, dus pla dit my nie nou nie. Maar ek hou soos altyd hierdie spasie dop om te sien of daar oor die…

kaapstad is op die punt om die wêreld se eerste groot stad sonder water te word, maar sy penarie is nie uniek nie. Twee jaar gelede het ’n kwaai droogte die Brasiliaanse metropool São Paulo tot op die rand van ineenstorting gebring, met watertekorte wat tot gevegte, diefstal en die plunder van noodwatervragmotors in sommige woongebiede gelei het. Die watervlak in die stad se hoofreservoir het tot net 5% gedaal. Inwoners het water in blikke opgegaar en dit het gelei tot die verspreiding van die dengue-virus, wat deur muskiete oorgedra word. Stadsamptenare het daarin geslaag om ’n volslae ineenstorting te voorkom voordat die reën uiteindelik gekom het, maar omdat São Paulo ’n bevolking van 21 miljoen het – meer as vyf keer soveel as Kaapstad – en die grootste metropool…

Beste sake-advies wat jy nog ooit ontvang het? Om geloof in God te hê en om te glo dat jy groot dinge kan bereik! (Ongeag wat die doemprofete en leunstoelkritici sê). Henry Ford het gesê: “As jy dink jy kan, kan jy! As jy dink jy kan nie, kan jy nie!” Hoe handhaaf jy ’n werk- lewensbalans? Ek geniet wat ek by Finbond doen terdeë. Dit is nou vir my ’n prioriteit om tyd vir my gesin te maak en ek dissiplineer myself om gereeld te lees en te oefen. Watter boek lees jy op die oomblik? The Leadership Playbook deur Nathan Jamail. Sakeboeke wat die grootste impak op my sakefilosofie gehad het, is Good to Great deur Jim Collins, Failing Forward deur John C. Maxwell, The Outsiders: Eight Unconventional…

die meeste mense voel verfris ná ’n welverdiende somervakansie en is reg om die jaar soos ’n marathon aan te pak... net om teen Maart agter te kom dat hulle nog 40 kilometer het om af te lê. Baie mense verval gou in die gewoonte om lang ure te werk wat hulle fisiek, geestelik en emosioneel uitput. Hulle vergeet van hulle Nuwejaarsvoornemens om gesonder te eet, meer te oefen en meer gereeld rustye te neem. Herman Veitch, sakeleierskap- en lewensafrigter by Quantum Flow Coaching, sê jy kan jou energievlakke bestuur deur aan te hou om daaraan te oefen, soortgelyk aan die manier waarop jy vir ’n marathon sal oefen. Die meeste mense kan nie ’n marathon teen volspoed aflê nie; hulle moet ’n pas bepaal waarteen hulle dit wel kan…

David Shapiro @davidshapiro61 Weet nie wie is die ongelukkigste nie – Arsenal-ondersteuners of bitcoin-beleggers nie. Bitcoin is die helfte werd wat dit ’n maand gelede was. Ja, ja, jy wen nog as jy baie lank gelede gekoop het. Dis soos om ’n Arsenal-oorwinning van meer as ’n dekade gelede te vier. Chris Vick @chrisvick3 Die ANC sê hy wil Zuma nie “verneder” deur hom te herroep nie. Hoe “verneder” jy iemand wat reeds met sy vriende se dogters geslaap het, sy ampseed verbreek het, ons soewereiniteit verkwansel het en die een oog vir die steel van miljarde gesluit het? Liezl van der Merwe @Liezl_vdMerwe Daar is ’n paar goed in die wêreld wat nie vir my sin maak nie... soos piesang op pizza. Sjokolade-sous op biefstuk. Aarbeie in slaai. Vlugte…

Van alle belangrike buitelandse beleidskwessies waarmee die ANC hom op sy nasionale konferensie in Desember kon besig hou, was daar skynbaar net een wat die party se aandag vasgegryp het: om Suid-Afrika se ambassade in Israel tot ’n blote skakelkantoor af te gradeer. In werklikheid het slegs sowat 150 van die 4 700 afgevaardigdes die kommissie oor internasionale betrekkinge bygewoon waar die besluit geneem is, sê Zev Krengel, adjunkpresident van die Suid-Afrikaanse Joodse Raad van Afgevaardigdes (SAJBD), wat teenwoordig was. Hy het aan die SA Jewish Report gesê daar was nie werklik debatvoering nie. Die besluit was “bewimpel” en is “deurgedruk” omdat die ANC deur die drukgroep BDS, wat hom vir boikotte, disinvestering en sanksies teen Israel beywer, “gekaap” is, sê hy. Geen of min aandag is gegee nie aan…

t rencor is ’n beleggingsbeheermaatskappy en sy belangrikste bate is ’n belang van 48% in Textainer, ’n skeepshouermaatskappy wat in New York genoteer is. Trencor het teruggesak nadat hy in Junie 2014 ’n algehele hoogtepunt van 8 475 sent per aandeel getoets het. Hy het skerp geval en geleidelik 70% van sy aandeelpryswaarde verloor. Die beertendens het in 2016 vererger toe aandeelhouers gewaarsku is dat ’n groot kliënt, Hanjin Shipping Company van Suid-Korea, bankrot gespeel het. Trencor het uiteindelik sleutelsteun by 2 500 sent gekry en geleidelik verliese in sy groot daaltendens verhaal. Trencor het onlangs uit sy langtermyn-beertendens gebreek en my aanvanklike oogmerk bereik om sy groot weerstandstendenslyn (vet, swart tendenslyn) te toets. Op die grafiek: Trencor het ’n positiewe uitbreking uit sy groot daaltendens bo 4 500 sent…

net soveel aandag en navorsing moet gebruik word om die fondsbestuurders te kies wat jou beleggings hanteer, as om aandele te kies en te koop. Om tussen die goeie en slegte bestuurders te onderskei, is nie maklik nie en indien dit deeglikg gedoen word, word dit al hoe moeiliker met al hoe meer kollektiewebelegging-skemas wat elke jaar ingestel word, sê Albert Louw, hoof vir sakeontwikkeling van STANLIB Multi-Manager. Daar is byvoorbeeld sowat 400 maatskappye op die JSE genoteer, maar daar is duisende effektetrusts om uit te kies. Terwyl adviseurs gemaklik is daarmee om aandeelkeuses aan ’n batebestuurder uit te kontrakteer en hul vaardighede in die ontleding van finansiële behoeftes erken, het hulle nie altyd waardering daarvoor dat bestuursnavorsing ’n spesialisgebied is nie. STANLIB Multi-Manager meen dat die fundamentele insig van…

Belastingvrye spaarrekeninge is steeds beleggings, en soos met alle ander beleggings gaan daar risiko’s met jou keuse gepaard, sê Gerald Mwandiambira, waarnemende uitvoerende hoof van die Suid-Afrikaanse Spaarinstituut (Sasi). “Al is dit kleinhandelprodukte, is dit tog wys dat ’n finansiële beplanner ’n risikoprofiel opstel om jou risikoaptyt te bepaal en jou in die regte produk te laat belê.” Hy sê hul ervaring toon dat mense wat ’n belastingvrye spaarrekening benut, mense is wat reeds ander spaarbeleggings het en wat meer beleggingskennis het. “Hulle weet hoe kragtig die belastingvrye voordeel is,” sê Mwandiambira. “Ons merk op dat die finansiële geletterdheid oor die produkte in die algemeen toeneem en dat dit baie suksesvol in die intreevlakmark is waar mense vir die eerste keer begin spaar. Meer kan egter gedoen word om mense…

ek het al voorheen gesê as jy ’n suksesvolle portefeulje wil bestuur, moet jy dieselfde beginsels volg as die ou diamantdelwers, wat sorgvuldig deur ’n pan vol klippies moes sif om uiteindelik met daardie immer ontwykende blink klippie beloon te word. Elke beleggingskundige het sy eie “delwerspan”. Party verkies miskien ’n meer waardegedrewe benadering en sal deur maatskappye sif om dié te vind wat volgens waardemodelle onderwaardeer is. Ander verkies miskien ’n meer tegniese of selfs kwantitatiewe siftingsproses. Ek gebruik dikwels die term “konsensusvoorspellings” wanneer ek oor aandele skryf en wil dié begrip kortweg omskryf voordat ek verder gaan. Ontleders wat almal hul eie siftingsprosesse volg, sal hul navorsing oor maatskappye laat saamvoeg om as ’n konsensusmening te versprei, wat ’n baie nuttige hulpmiddel is wanneer jy ’n aandeleportefeulje saamstel.…

dit lyk of Lonmin se uitvoerende hoof, Ben Magara, ongeveer driekwart deur 2017 die skrif aan die muur gesien het. Hy het besef dat die platinumprys nie vinnig genoeg gaan verbeter om die maatskappy te red nie (iets waarop hy altyd gereken het) en het toe die onderneming se sake begin herwaardeer. Wat uit Lonmin se sake-oorsig na vore getree het, was ’n waardedaling van $1 miljard – genoeg om sy intrinsieke waarde te verlaag tot benede die drempel van $1,1 miljard wat sy leners vereis. Gelukkig vir hom het Neal Froneman van Sibanye-Stillwater reeds vroeër besef dat Lonmin se waagstuk met die platinumprys nie sou slaag nie. Dis nie duidelik wie vir wie genader het nie, maar tydens Lonmin se resultate vir die volle jaar vroeër vandeesmaand het Magara…

I n 2012 moes Nickolaus Bauer, ’n joernalis van eNCA, vir die Mail & Guardian ’n storie gaan doen oor Ponte City in Hillbrow, die hoogste woonstelblok in Afrika. Na afloop daarvan het hy die storie én ’n huurkontrak gehad. ’n Week later was sy vriend, Michal Luptak, op Nick se daknatmaakpartytjie in nommer 5101. Ook Luptak is deur Ponte se joie de vivre betower. Luptak, of Loopy soos hy genoem word, teken toe ’n huurkontrak vir nommer 5201, destyds teen sowat R37/m2. As nuwe intrekkers in Hillbrow is die twee getref deur die gevoel van polarisasie wat hulle ervaar het. Hulle wou alles behalwe beskou word as “die wit ouens wat ingetrek het, op die boonste verdieping bly en niks hier doen nie”. In Oktober 2012 stig Bauer en…

1 In watter Suider-Afrikaanse land is twee groot diamante onlangs gevind? 2 Waar of onwaar? Amazon se nuwe kruidenierswarewinkel word Amazon Go genoem. 3 Wie is die president van Liberië (en ook ’n voormalige sokkerspeler)? ▪ George Weah ▪ Nana Akufo-Addo ▪ John Sharp 4 Wie is die ANC se sekretaris-generaal? 5 Steinhoff het onlangs ’n belang in ’n ander maatskappy vir R7,1 miljard verkoop. Watter onderneming is dit? ▪ Pepkor ▪ Steinhoff Africa Retail ▪ PSG Groep 6 Waar of onwaar? Noord- en Suid-Korea gaan tydens die komende Winter- Olimpiese Spele onder een vlag deelneem. 7 Watter land se vlag het nie geel in nie? ▪ Albanië ▪ Mauritius ▪ Duitsland 8 Waar of onwaar? Soos in finweek se uitgawe van 18 Januarie genoem is, is die Munching Mongoose…