Innehållsförteckning för 24-Aug-17 från Finweek - Afrikaans

sê maar ek is optimisties, maar ek dink Mosebenzi Zwane, veelbetreurde minister van mineraalhulpbronne en Gupta-bondgenoot, verdien ’n bietjie lof. Die man het dalk onbedoeld iets reggekry wat opposisiepartye, ANC-andersdenkendes, die burgerlike samelewing en #GuptaLeaks nie kon doen nie. Kom ek verduidelik. Sedert Bill Clinton in die Amerikaanse presidentsverkiesing van 1992 verklaar het “Dit gaan oor die ekonomie, onnosel”, weet politici in demokrasieë wêreldwyd dat loopbane deur die kiesers se ekonomiese werklikhede gebou, en vernietig, word. Ek is seker James Carville, Clinton se veldtogbestuurder in 1992 wat die nou beroemde frase uitgedink het, sal die stand van Suid-Afrika se ekonomie net een kyk gee en voorspel dat die Jacob Zuma-kamp in Desember nie ’n kat se kans sal hê nie. Dit lyk vanselfsprekend dat mense sal stem teen ’n leier…

Coronation het die afgelope drie jaar gesukkel, met plaaslike markte wat sywaarts beweeg het, asook weens swak fondsprestasie nadat geld uit hul fondse gevloei het en bates onder bestuur gedaal het. Die aandeelprys, wat laat in 2014 ’n hoogtepunt van bo 10 000c behaal het, het teruggesak tot sowat 6 000c tot 7 000c en lyk reg om te koop. Die voorveronderstelling hiervoor is dat bates onder bestuur sal begin groei en opbrengste sal verdien wat die mark oortref, en dus prestasieverdienste genereer. Hul internasionale fondse begin ook presteer. Niks is seker nie, maar ons vertrou Coronation het gehaltefondsbestuurders wat ten minste na hul vorige vlakke van glorie sal terugkeer, en beter winste sal volg. Teen ’n dividendopbrengs van byna 6,4% word jy goed betaal om die aandeel te hou,…

d ie kleinhandelaar Woolworths, wat klere, kruideniersware en huisware verkoop, is vanjaar swaar getref deur moeilike handelstoestande tuis en in Australië, met wesensverdienste per aandeel vir die 52 weke tot 25 Junie wat na verwagting tussen 5% en 10% laer sal wees. Die groep sê in ’n handelsverklaring sy ondernemings vir klerasie en algemene handelsware in Suid-Afrika, asook David Jones in Australië, was besonder futloos, met verkoopsgroei van onderskeidelik 1,4% en 1%. Groei in voedselverkope in Suid-Afrika het in dié tydperk steeds die mark geklop, met verkope 8,6% hoër. Woolworths se resultate word op 24 Augustus verwag. Op die grafieke: Die aandeelprys het van ’n hoogtepunt van 10 800c in November 2015 skerp gedaal en verhandel nou teen 5 855c, byna die laagste vlak in drie jaar. As deel van…

ADVANCED HEALTH Die nuweling sukkel Advanced Health se regte-uitgifte was eenvoudig ’n mislukking, met minder as 62% van die aandele wat deur beleggers opgeneem is. Dit laat hom met ’n ernstige probleem, want hy het ’n tekort aan kontant en sal dus nie sy planne kan uitvoer nie. Dié maatskappy het met heelwat belofte genoteer, maar daghospitale is ’n idee wat nie in Suid-Afrika gewild word nie, hoewel dit beslis in Australië posgevat het. Plaaslik moet hulle meeding teen die groot gevestigde hospitaalgroepe wat nie pasiënte sommer gaan prysgee nie. Tot dusver delf Advanced Health die onderspit in dié stryd. SOVEREIGN FOOD INVESTMENTS Wag en kyk wat gebeur Na ’n lang en uiteindelik ’n suksesvolle stryd teen die oornamepoging van Country Bird, stel Sovereign Foods nou ’n denotering van die…

Markkapitalisasie: R15 miljard Waarde van bates: R18,7 miljard Fokus: Kleinhandel Geografiese blootstelling: Suid-Afrika (79%), Namibië, Brittanje, Spanje Lening-tot-waarde-verhouding: 23% (sal ná Spaanse transaksie na verwagting 31,7% wees) Skuld verskans: 95% (gemiddelde termyn: 3,4 jaar) Dividendopbrengskoers: 7,96% IRESS-saamgestelde ontledersgradering: een koop Dié REIT het sedert 2004 ononderbroke uitkeringsgroei aangeteken. Uitkeringsgroei vir die jaar tot 31 Maart vanjaar was 7,1%, en groei van 7% tot 8% word vir die huidige jaar verwag. Plaaslik val die klem steeds op kleinhandel. Kleinhandeleiendomsbates verteenwoordig 91% van Vukile se regstreekse portefeulje, met kleinhandelleegstand op 3,6% teen die jaareinde. Vukile se belang in Atlantic Leaf bied blootstelling aan logistiek, nywerheidspakhuise en kleinhandelparke in Brittanje. Daar is geen leegstand nie en die uitkeringsgroei vir die 2017-boekjaar het met 21% gestyg. Spanje is ’n sleutelgroeiterrein vir Vukile. Die maatskappy…

die bestuurskrisis by Eskom is kommerwekkend en laat mens wonder wie die uitvoerende besluite gaan neem, veral belangrike besluite oor primêre energieverkryging. Die Suid-Afrikaanse steenkoolbedryf se houding is basies om hom sterk te hou in die aangesig van die situasie. Daar is egter geen onduidelikheid oor die probleme nie. “Toe ons met Eskom begin praat, het die uitvoerende hoof twee keer verander,” het Norman Mbazima, adjunk-voorsitter van Anglo American Suid-Afrika, gesê. Die maatskappy is besig om sowat 25 miljoen ton per jaar (mtpj) van binnelandse steenkool te verkoop aan ’n nuwe konsortium in swart besit, Seriti Resources, ’n maatskappy waarby Mike Teke, voormalige voorsitter van die Kamer van Mynwese, betrokke is. “Toe het die voorsitter ook verander,” het Mbazima gesê, met verwysing na die byna duiselingwekkende omset in Eskom se…

1. EERS BOOR HY BrandsEye is voortdurende besig om vermeldings te soek, bymekaar te maak en te bêre gegrond op voorafbepaalde kriteria oor aanlyn, sosiale, druk- en uitsaaimedia heen. 2. ALGORITMES SIF EN KIES Gesofistikeerde masjienleeralgoritmes evalueer elke vermelding om relevansie en die ontdekking van nuttige metadata te verseker. 3. DIE SKARE BEVESTIG DIE SENTIMENT EN ONDERWERPE ’n Statistiese lukrake keuse van menings sorg vir ’n 99%-vertrouevlak met ’n 1,75% kans op ’n fout. Dit word in die groep se skarebronplatform, die Crowd ingevoer. Die Crowd sal die sentiment wat in die menings vervat is akkuraat verifieer en gradeer, sowel as die onderwerpe wat daardie sentiment aandryf. 4. UITEINDELIK VISUALISEER DIE MAATSKAPPY DIE DATA Data word “lewendig gemaak” in ’n pasgemaakte koppelvlak met ’n wye verskeidenheid ontledingsgereedskap.…

die Onafhanklike Kommunikasie-owerheid van Suid-Afrika én die Mededingingskommissie is bekommerd oor Suid-Afrika se hoë datakoste. En dis hoog tyd. Van die 48 Afrika-lande op ResearchICTAfrica.net se ranglys vir die vasteland vir die eerste kwartaal van 2017, was Suid-Afrika die 22ste op die lys van duurste lande om 1GB data te koop. Al Suid-Afrika se taaiste mededingers op die vasteland, insluitend Egipte (eerste), Ghana (vierde), Nigerië (agtste) en Kenia (vyftiende) is hoër op die lys. Ons armste buurman, Mosambiek, is tweede op die ranglys. 1GB se data kos daar $2,27 in skrille kontras met Suid-Afrika se $7,49. Verbruikers weet dit reeds geruime tyd. Die radiopersoonlikheid, Thabo “Tbo Touch” Molefe het verlede jaar met ‘n Twitter-veldtog, #DataMustFall, begin, wat viraal versprei het. Hy is gevolglik uitgenooi om die parlementêre portefeuljekomitee oor telekommunikasie…

Suid-Afrika se openbare gesondheidsektor ly, soos iedereen weet, onder gebrekkige hulpbronne en sukkel met nypende personeeltekorte en verouderde toerusting, vervalle infrastruktuur en beperkte toegang tot ondersteunende inligting en data by gesondheidsorgpunte. Nadat hulle in omgewings soos dié moes praktiseer (in Suid-Afrika en ander ontluikende lande) het twee Suid-Afrikaanse medici, Yaseen Khan en Mohammed Dalwai, besef dat om pasiënte doeltreffend te behandel en medisyne akkuraat voor te skryf, mediese praktisyns toegang tot plaaslik relevante kliniese riglyne en logistieke inligting nodig het. Dié visie het gelei tot die vestiging van The Open Medicine Project SA (TOMPSA) deur Khan en Dalwai in 2013 – ’n organisasie sonder winsoogmerk wat hoofsaaklik mobiele tegnologie gebruik om toegang tot moderne en relevante kliniese steun vir mediese praktisyns te bied. TOMPSA het ’n aantal toepassings vir plaaslike…

Naspers* toets tans sy langtermynweerstandslyn van Maart 2015, en opwaartse momentum kan verlangsaam. Naspers het op 14 Augustus met spronge opwaarts gestyg nadat hy op 11 Augustus gedaal het ná ’n skerp val in Tencent se aandeelprys, wat ontwikkel het weens die Chinese owerhede se ondersoek na Tencent se beweerde kubersekuriteitsoortredings. Naspers* besit 34,4% van die Hongkong-genoteerde internetgroep Tencent, ’n belang ter waarde van sowat $135 miljard. Dit is meer as Naspers se markwaardasie van $93 miljard ten tyde van die skryf hiervan op 15 Augustus. Sommige beleggers het egter kommer begin uitspreek oor die onderwaardering van Naspers se ander ondernemings, insluitende MultiChoice, Rusland se Mail.Ru, en verskeie van sy ander e-handelsondernemings. Naspers moet sy Tencent-belang ontknoop om waarde vir aandeelhouers te ontsluit, meen party beleggers. Hoe om hom te…

Vals nuus het die modewoord in die politiek geword sedert die Amerikaanse president, Donald Trump, verlede jaar verkies is. Maar die snelle verspreiding van doelbewuste vals inligting het ook finansiële markte onder druk geplaas wat beleggingsbesluite vir instellings sowel as individue moeilik maak. Die manipulasie van aandeelpryse vir wins bestaan al sedert aandelemarkte aanvanklik eeue gelede geskep is, maar in die afgelope paar jaar het die opkoms van sosiale media die tendens teen ’n gevaarlike tempo laat toeneem. Mense maak al hoe meer gebruik van Facebook, Twitter en anonieme webtuistes op die internet as hul hoofbron van nuus en is dus kwesbaar vir onakkurate of doelbewus vervalste inligting wat hul menings en besluitneming bepaal. Ontledings deur die Amerikaanse maatskappy, Buzzfeed, het getoon dat die voorste 20 vals stories oor die…

met politieke, sosiale en tegnologiese ontwrigting die nuwe wêreldorde, het meer as 500 fondskopers onlangs by die Nedgroup Investment Summit 2017 in Johannesburg vergader om idees uit te ruil oor hoe om ’n toenemend onvoorspelbare beleggingsterrein te verken. Hier is die vyf beste wenke van verskeie van die wêreld se voorste fondsbestuurders wat gedurende die besprekings na vore gekom het: 1. Hersien die basiese beginsels: risiko en beloning Abax Investments se portefeuljebestuurder, Rashaad Tayob, het ’n storie vertel van ’n groot internasionale soewereine welvaartfonds wat hom verlede jaar genader het met die gedagte om in die Suid-Afrikaanse effektemark te belê. Ná ’n markontleding het Tayob die kliënt meegedeel dat effekte op daardie tydstip teen opbrengste van 10% verhandel het en goeie opbrengste gelewer het. Hy was egter verbaas toe die…

Om in aandele te belê, het ’n unieke voordeel bó ander bateklasse, wat in my ervaring selde begryp en byna nooit bespreek word nie. Aandele kan in waarde toeneem op ’n manier wat beleggings in ander bateklasse, soos effekte en eiendom, nie kan nie. Die rede hiervoor is eenvoudig: maatskappye hou ’n deel van die wins wat hulle genereer terug om opnuut in die onderneming te belê. Kyk jy na maatskappye in die vernaamste indekse, soos die S&P 500 of die FTSE 100, sal jy sien maatskappye betaal gemiddeld sowat die helfte van hul verdienste in dividende uit. Die verdienste wat nie uitgekeer word nie word in die onderneming belê. Geen ander bateklas bied dit nie. As jy effekte besit, ontvang jy ’n rentebetaling, maar dit word nie outomaties in…

Genoteerde eiendom is ’n omvattende term wat vir alle genoteerde eiendomsmaatskappye gebruik word, ongeag of hulle eiendomsbeleggingstrusts (REITs) is of nie. Groot omvang, likiditeit, goeie korporatiewe bestuur en konserwatiewe skuldvlakke is tipies van REITs. Die grondliggende rede vir hul bestaan – om inkomste op te lewer – is egter wat hulle onderskei. “ ’n REIT is ’n maatskappy wat inkomsteskeppende eiendom besit. Sy hoofbron van inkomste moet eiendom wees en hy keer gewoonlik die meeste van sy voorbelaste inkomste aan beleggers uit,” sê Petersen. Nie net moet plaaslike REITs genoteer wees en ’n risikokontroleringskomitee hê nie, maar hulle moet ook minstens R300 miljoen se eiendom besit. Die skuld moet onder 60% van die bruto batewaarde gehou word, en 75% van die inkomste moet verdien word uit huurgeld of uit eiendom…

die wooneiendomsmark bly ondanks die land se ekonomiese en politieke probleme taamlik standvastig. Dit is egter nie verbasend nie dat die verbruikersentiment flou is en dat dit die residensiële mark se vertoning beïnvloed. Volgens Absa bly eiendomme langer op die mark – gemiddeld nou 15 weke, teenoor 11 weke verlede jaar. Vrapryse daal en Absa sê 92% van huise verkoop nou onder die vraprys, teenoor 88% verlede jaar. Huisleningaansoeke het met 1% gedaal. Tog is 74% van mense wat vir Absa se indeks van huiseienaarsentiment uitgevra is, nog positief oor die plaaslike residensiële eiendomsmark. “Die meeste verbruikers, driekwart van hulle, meen steeds dit is beter om te koop as om te huur,” sê Carel Grönum, uitvoerende bestuurder van Absa se huisleningsafdeling. Dit is beduidend dat 78% positief oor eiendom as…

1. Kies jou ideale skarefinansiering platform. Daar is verskeie skarefinansieringsplatforms, elk met sy voordele en nadele. Kickstarter is verreweg die grootste beskikbare platform, maar sy beleid is “alles of niks” – as jy nie jou mikpunt bereik nie, verbeur jy jou skenkings. Ander opsies is byvoorbeeld IndieGoGo, Fundable, GoFundMe, WeFunder en AngelList. 2. Skep ’n webtuiste. Hoewel jou skarefinansieringsblad aanvanklik jou vernaamste fondsinsamelingsinstrument sal wees, is dit die moeite werd om ook ’n webtuiste vir die bekendstelling van jou produk/konsep te skep. Dit is omdat skarefinansiering ’n tydsbeperking het – jy het ’n sekere tydperk om die nodige fondse in te samel, waarna jou skarefinansieringsblad toegemaak word. Jou webtuiste is dan die vernaamste plek vir jou voortgesette bemarking en kommunikasie. 3. Maak ’n video. Video kan ’n uiters doeltreffende verkoopshulpmiddel…

BrandsEye het die Amerikaanse presidentsverkiesing begin ontleed kort nadat hy die uitkoms van die Verenigde Koninkryk se Brexit-referendum korrek voorspel het. Volgens die maatskappy was dit duidelik dat tradisionele meningsopnames nie daarin geslaag het om die geweldige ongelukkigheid met die waargenome heersende bestel en die intensiteit van mense se emosie vas te vang nie. BrandsEye het sosialemediadata, in besonder van Twitter, in Julie 2016 bymekaar begin maak. “Terwyl vroeë menings nie ’n groot impak op die uiteindelike stemgedrag het nie, help dit om die dataversameling en etikettering te verfyn,” verduidelik die groep. Groot hoeveelhede data is ingesamel, geografies geplaas en ontleed vir sentiment. Data van buite die VSA is uitgesluit. Meer as 37,6 miljoen gesprekke van meer as 4 miljoen skrywers is vir ontleding versamel. BrandsEye se geografiese plasingsalgortimes kon…

enkele maande gelede, terwyl ons ’n gemeenskaplike vriend se verjaarsdag in ’n Chinese restaurant gevier het, het ek en ’n vriendin oor boeke gesels. Ek was in ekstase oor ’n wetenskapfiksieverhaal van William Gibson wat ek besig was om te lees en Robyn het my vertel wat sy alles onlangs gelees het. Die wêreld gee regtig nie genoeg aandag aan weten-skapfiksieskrywers nie. Terwyl ons gesels het, het Robyn gesê dat die wêreld regtig nie genoeg aandag gee aan weten-skapfiksieskrywers nie. Ek het saamgestem. En net verlede week lees ek toe ’n boeiende stuk genaamd “Better Business through Sci-Fi”, geskryf deur Nick Romeo, op The New Yorker se webwerf. Dit het die verhaal van SciFutures vertel, ’n maatskappy wat deur Ari Popper gevestig is. Vyf jaar gelede, terwyl hy ’n marknavorser…

1 Anglo American se uitvoerende hoof, finansiële hoof en tegniese direkteur is almal burgers van ▪ Suid-Afrika ▪ Amerika ▪ Australië 2 Vul in die woord wat uitgelaat is: OESO staan vir Organisasie vir Ekonomiese en Ontwikkeling 3 Reg of verkeerd? Die hooggeregshof in Pretoria het onlangs die Openbare Beskermer se remediërende stappe om die Reserwebank se mandaat te verander, ter syde gestel. 4 In watter wedloop het Caster Semenya tydens die onlangse Wêreldatletiekkampioenskap die goue medalje gewen? 5 Wie is Zimbabwe se presidentsvrou? 6 Reg of verkeerd? Die Amerikaanse eilandgebied van Guam is in die Indiese Oseaan geleë. 7 In watter land is die stad Edinburg geleë? 8 Reg of verkeerd? Die voorbladstorie in die vorige uitgawe van finweek (die uitgawe van 10-23 Augustus) was oor die uitwerking van…

Edward Lando @edwardlando ’n Fout wat baie mense begaan, het ek gevind, is om te dink dis te laat as dit nog heel vroeg is. tasneem jhetam @Fantazzo Suid-Afrika is ’n administratiewe nagmerrie. Wil jy van witbrood na volkoring oorskakel? Bring asseblief ’n bewys van waar jy bly en twee gewaarmerkte afskrifte van jou identiteitsdokument. Karin Richards @Richards_Karin As jy ’n rustige lewe verlang, kan jy nie ’n Grindrod-aandeelhouer wees nie. WSM @TheJaundicedEye Dit is verregaande van @Julius_S_Malema om vir asemklikkertoetse in die parlement te vra. Hoe kan mens dié verveling verdra, tensy jou sinne deur alkohol verdoof is? Lesego Semenya @LesDaChef Wanneer alles verby is, moet ons ’n Nasionale Orde van die Kremetart aan die persoon gee wat aanvanklik die Forwardknoppie vir die Gupta-e-posse geklik het. C’est la vie…

die vooruitsig van die soveelste reddingsboei vir Eskom sal ongetwyfeld die ou argument laat herleef dat die staatsbeheerde kragverskaffer se monopolie verbreek moet word om sy mededingendheid en korporatiewe beheer te verbeter. ’n Einde aan Eskom se monopolie sal meebring dat nuwe rolspelers tot die kragopwekkingsbedryf toetree en belastingbetalers onthef word van die las om vir verdere reddingspakkette op te dok, wat meesal veroorsaak word deur wanbestuur, korrupsie en Eskom se oorheersing van die mark. Eskom het die afgelope maande deurgeloop onder bewerings van korrupsie en kaping deur die omstrede Guptafamilie, wat meegebring het dat die voormalige uitvoerende hoof Brian Molefe en voorsitter Ben Ngubane in onguns by die staatsonderneming weg is. Matshela Koko, wat daarna tydelik as uitvoerende hoof waargeneem het, i s weens beweerde korrupsie geskors en gaan…

Wat die fondsbestuurder sê: Investec Managed Fund se filosofie was nog altyd om in groeiaandele te belê, of om aandele met positiewe verdienste-aanpassings te koop en aandele met negatiewe verdienste-aanpassings te verkoop, sê Gail Daniel, fondsbestuurder. “Ons hou waarde in gedagte, maar is nie obsessief daaroor nie. Ons verkies om goedkoop aandele met positiewe verdienste-aanpassings te koop,” sê Daniel. “Terwyl die idee van goedkoop dikwels as ’n absolute feit voorgehou word, is dit ook subjektief en hang van die interpretasie af.” Volgens Daniel maak die makro-ekonomiese omgewing saak. “ ’n Positiewe oplossing vir die moeilike plaaslike politieke situasie sal beslis baie bemoedigend wees,” sê sy. “Intussen het inflasie egter gedaal en die Reserwebank het rentekoerse verlaag en sal dit waarskynlik weer doen. Aandelemarkte reageer omtrent altyd positief op rentekoersverlagings.” Die…

met die ekonomie in ’n resessie en huishoudings onder druk vind Shoprite, met sy kernfokus op die laer- en middelinkomstemark, weer byval. Dié kleinhandelaar, wat ook buite Suid-Afrika ’n suksesvolle teenwoordigheid opgebou het, sê in ’n handelsverklaring hy het sy omset vir die 12 maande tot einde Junie met 10,4% tot sowat R140,7 miljard opgestoot. Die groep maak sy resultate op 22 Augustus bekend. Op die grafieke: Nadat hy die boonste tendenslyn van sy langtermyn- opwaartse kanaal deurbreek het, het Shoprite gekonsolideer en groot weerstand op 21 450c per aandeel teëgekom. Sy trotsering van ’n vier jaar lange afwaartse kanaal het mens laat dink sy aandeelprys sal opskiet, maar die laer top wat die indeks van relatiewe sterkte (RSI) oor drie maande gevorm het, is ’n waarskuwingsteken. Dié rigtinglose beweging…

daar is ’n geykte gesegde dat “die lewe gaan oor die reis, nie die bestemming nie”. Na my onlangse artikel Hoeveel jy nodig het om gerieflik af te tree, (beskikbaar by http://bit.ly/2toLBVE) het talle lesers my genader met die volgende vraag: Hoe weet ek of ek op die regte spoor is? Baie van dié besorgde lesers het verwys na die aanvanklike inkomstevlak van 75% tot 80% van hul salaris in hul laaste werkjaar waarvoor hulle gedurende aftrede voorsiening moet maak. Hierdie inkomstevervangingsverhouding moet gebruik word as ’n voldoende beginpunt om te bereken hoeveel jy nodig het om af te tree sodat jy jou bestaande lewenspeil kan handhaaf. Dié syfer kan egter deur so baie veranderlikes geraak word dat dit uiters moeilik is om die werklike bedrag te bereken. Hoewel dié…

op langtermyn is die bateklas wat die beste opbrengs skep, ekwiteite. Die meeste lewende annuïteite sluit daarom ekwiteite in die portefeulje in om beter as inflasie te presteer. Dit stel die portefeulje egter bloot aan die risiko van korttermynvolatiliteit wat ’n probleem skep wat bestuur moet word. Só doen jy dit. Dit is welbekend dat die suksesvolle tydsberekening van die mark (koop en verkoop om voordeel te trek uit korttermynmarkbewegings) op lang termyn onmoontlik is. “Tyd in die mark” is daarom belangriker as “tydsberekening” in die mark. “Tyd in” die mark beteken egter dat mens deur die onvermydelike stygings en dalings in die mark vas moet staan, wat ’n probleem skep vir afgetredenes wat inkomste trek uit hul kapitaal. Kom ons sê ’n portefeuje mik na ’n opbrengs van inflasie+4%…

Markkapitalisasie: R61,6 miljard Waarde van bates: R84,1 miljard Fokus: Hoofsaaklik kleinhandel en kantore, asook nywerheid en logistiek Geografiese blootstelling: Suid-Afrika, Pole, Brittanje, Duitsland, Australië Lening-tot-waarde-verhouding: 39,8% Skuld verskans: 83% (gemiddelde termyn: 2,6 jaar) Dividendopbrengskoers: 8,18% IRESS-saamgestelde ontledersgradering: twee hou; een koop Dié JSE-genoteerde, gediversifiseerde REIT vergroot steeds sy buitelandse blootstelling, wat einde Februarie 19,5% van die batewaarde verteenwoordig het. Hy het in Julie ’n tweede ontwikkelingsperseel vir studentebehuising in Australië verkry wat, soos sy eerste, naby die Universiteit van Melbourne is. Redefine hoop om dit teen ’n inkomsteopbrengskoers van sowat 10% te ontwikkel. “Die vraag-en-aanbod-dinamiek van studentebehuising is in Redefine se guns. Die ontwikkeling sal teen ’n opbrengskoers van meer as die finansieringskoste gedoen word en sal sy verdienste in 2019 ’n hupstoot gee,” sê Metope se Hook. Andrew Konig,…

Die hoofoogmerk met ’n vaste koers is om die rentekoers op ’n verbandlening vir ’n bepaalde tydperk tot ’n sekere vlak te beperk. Die vlak van die vaste koers verskil volgens die tydperk waarvoor dit vasgesluit word, asook die leningsbedrag en die lening-tot-waarde-verhouding. Volgens Absa is die voordeel van ’n vaste koers dat die verbandleningkoers nie sal styg wanneer rentekoerse styg nie. Dit help huishoudings om die negatiewe uitwerking te hanteer van rentekoerse wat vinnig styg, en maak dit vir hulle moontlik om met die terugbetalings op hul verbandlening by te hou en keer dus dat banke eiendomme terugneem. Die nadeel is egter dat ’n vaste verbandleningkoers moontlik vir ’n gedeelte van die vaste koers se kontraktermyn bo die veranderlike koers sal wees en dat kliënte vir die volle tydperk…

VANDEESWEEK: die Suid-Afrikaanse maatskappy BrandsEye is besig om vinnig wêreldwyd uit te brei. Dié maatskappy, met sy hoofkantoor in Kaapstad, open eersdaags kantore in Londen, Dubai en in Amerika. BrandsEye gebruik soekalgoritmes, skare-opsporing en masjienlering om data uit aanlyn gesprekke te myn om toekomstige gebeure te voorspel. Die groep, wat reeds die uitkoms van die Brexit-stem en die afgelope Amerikaanse verkiesing korrek voorspel het, wys dat betekenisvolle, berekenbare insigte verkry kan word deur die deeglike analise van aanlyn interaksies. BrandsEye se stigter Craig Raw verduidelik hoe die maatskappy die toekoms suksesvol voorspel. Wat het jy gedoen voordat jy jou eie besigheid begin het? Ek het eintlik bitter min tyd aan ander goed bestee behalwe om my eie besighede te bestuur. Voor BrandsEye het ek die digitale agentskap Quirk opgebou, wat…

stadsbeplanners in sowel ontluikende as ontwikkelde ekonomieë gebruik al hoe meer tegnologie om logistieke probleme op te los en algehele bewoonbaarheid te verbeter. In snelontwikkelende stede, soos Johannesburg en Nairobi, werk beplanners met vinnige verstedeliking, verouderende infrastruktuur en ’n groeiende middelklas wat probleemvrye dienslewering vereis. Met vinnige internetverbindings nou ’n noodsaaklike kenmerk van enige slimstadontwikkeling (dit word al hoe meer die vierde nutsdiens ná water, gas en elektrisiteit) is dit nie verbasend nie dat baie stadsontwikkelaars en -beplanners die konsep van slimstede implementeer. Slimstede benut ’n breë, gesofistikeerde netwerk van gekoppelde toestelle (die Internet van Dinge) om ’n stad of gemeenskap se bates beter te koördineer en te bestuur. Plaaslik is daar ongetwyfeld groeiende belangstelling in die konsep as ’n manier om omgewingsvolhoubaarheid te bevorder, burgerlike doeltreffendheid en dienslewering te…

vooruitskouing is niks nuuts nie. Dis ’n natuurlike vermoë wat in ons wese ingeprogrammeer is. Selfs die grotbewoners het belangrike aanwysers gebruik; hulle het ’n toename in miere se aktiwiteit gebruik as aanduiding dat onweer op pad is. Vooruitskouing in ’n organisasie gebeur wanneer pogings aangewend word om onreëlmatige verandering so vroeg as moontlik raak te sien en om die moontlike gevolge van daardie verandering te visualiseer. Sommige mense verwar vooruitskouing met voorspellings. Voorspelling is ’n goeie tegniek om toe te pas wanneer aan die korttermyntoekoms gedink word. Vooruitskouing gaan egter oor veel meer as om akkurate voorspellings te probeer maak. Vooruitskouingsmiddels en -tegnieke is ’n belangrike maar klein komponent van goeie hulpmiddels vir vooruitskouing. Die toekoms is vir baie jare as ’n reguit lyn gesien – vandaar die voorspellings…