Innehållsförteckning för 29-Mar-18 från Finweek - Afrikaans

Daar is ’n ou gesegde dat as Amerika nies, Suid-Afrika verkoue kry. Ons is daarom gelukkig dat die Amerikaanse ekonomie een van die langste tydperke van uitbreiding in sy geskiedenis ondervind, want dit help om die uitwerking te verklein van baie van die selfgemaakte ekonomiese terugslae wat ons die laaste jare ervaar het. Dit lyk beslis of Amerika volstoom loop. Dit was op ’n onlangse besoek aan Seattle opvallend hoeveel winkels en restaurante werknemers soek om aan te stel, wat wys hoe ’n werkloosheidskoers van 4,1%, die laagste vlak sedert 2000, lyk. Belangrike aandelemarkte verhandel naby rekordvlakke; rentekoerse is steeds op histories lae vlakke; en dit lyk of daar min kommer bestaan dat die ekonomie sal oorverhit. Tog is alles nie net maklik in die land van Donald Trump nie,…

Minderheidsaandeelhouers in Exxaro Resources het verlede jaar ’n oorwinning in die kleine gevier toe hulle die maatskappy se bestuur verplig het om die struktuur van ’n SEBtransaksie (swart ekonomiese bemagtiging) te verander. In ruil vir die ondersteuning van die transaksie, het Exxaro se uitvoerende hoof, Mxolisi Mgojo, en die voormalige uitvoerende hoof, Sipho Nkosi, ingestem om veranderings aan te bring sodat hulle nie die struktuur beheer nie waarvolgens die grootste enkele blok van die maatskappy se aandele besit word. Die transaksie het ’n meerderheid van 75% vereis en het dit net-net behaal met 77,6%. Dus was daar ’n algehele sug van verligting. Die misnoeë prut egter stilletjies voort. Ontleders het tydens Exxaro se jaareinde-aanbieding vroeër vandeesmaand gevra wat die transaksie se voordele was. En toe die maatskappy ambisieuse planne onthul…

Ek besit Metrofile al ’n klompie jare lank om twee belangrike redes: hy betaal ’n stewige dividend en is in ’n uiters defensiewe bedryf. Die aandeelprys was onder druk en die jongste resultate nie waffers nie, met inkomste 20% hoër, die dividend gelyk en wesensverdienste per aandeel (WVPA) 3,8% laer. Dié syfers loop almal verkeerde kant toe. Die dividend beteken egter ons kry ’n raps meer as 8% opbrengs bloot om die aandeel te besit en die kerngedagte dat die veilige bewaring van dokumente defensief is, bly waar. Die maatskappy behoort teen inflasie te kan groei, of byvoorbeeld 5% plus BBP en dan ’n mate van organiese groei te ervaar, wat sowat 10% groei per jaar sal beteken. Die dividend beteken egter ons kry ’n raps meer as 8% opbrengs…

Die tegnologiemaatskappy EOH, wat eens ’n liefling van die aandelebeurs was en deur aktiewe verkrygings opgebou is, gly sedert September 2016 terug en het in dié tydperk nagenoeg 70% van sy waarde verloor. Vooruitsig: EOH se daaltendens duur voort in die grafiek. Die aandeelprys het weer skerp gedaal ná sy aankondiging dat wesensverdienste per aandeel (WVPA) uit voortgesette bedrywighede vir die ses maande tot Januarie na verwagting tussen 20% en 25% op ’n jaargrondslag laer sal wees. Die resultate word op 28 Maart uitgereik. In ’n poging om die onderneming reg te ruk, het EOH ’n hersamestelling aangekondig wat die maatskappy in twee onafhanklike ondernemings sal verdeel, elk met sy eie identiteit, groeistrategie, bemarkingsbenadering, sakemodel en kultuur. BRON: Sharenet EOH het ook ’n vennootskap aangekondig met die bemagtigingsmaatskappy LeBashe Investment…

Kom ons begin met ’n eenvoudige eksperiment. Neem een tandestokkie uit ’n pakkie en breek dit middeldeur. Probeer dan om die res van die tandestokkies met een slag te breek. Nie so maklik nie, nè? Die mag van diversifisering werk dieselfde. In die beleggingswêreld beteken diversifisering die verspreiding van kapitaal oor verskillende aandele, beleggingsmediums en bateklasse. Talle beleggers meen dat die beste manier om inflasie te klop, is om in eiendom te belê – terwyl ander meen dat as jy bereid is om lank genoeg te wag, aandele jou beste keuse is. As iemand wat aandeel- en effektetrustportefeuljes bestuur, word ek dikwels gevra watter belegging die beste is – om aandele regstreeks te koop of om in effektetrusts te belê? My antwoord is eenvoudig: daar is ’n tyd en plek…

Suid-Afrika se ekonomie het ongetwyfeld vir meer as ’n dekade lank onderpresteer wat sy intrinsieke potensiaal betref. Dit het spesiale optrede van plaaslike portefeuljebestuurders geverg om namens hul kliënte vas te staan. Verlede jaar was geen uitsondering nie, gegewe die enorme politieke teenwinde. Een portefeulje wat egter regtig goed gevaar het, was die Old Mutual Balanced Fund. Dié fonds het ’n topkwartielvertoning oor een, twee, drie, vier en vyf jaar tot einde Desember 2017. Mettertyd het die fonds opbrengs van hoër as sy prestasieteiken bereik. Die prestasieteiken is die Verbruikersprys-indeks (VPI) + 4% tot 5% per jaar ná gelde. Die fonds is blootgestel aan alle bateklasse. Dit het ’n bevestigde groei- -inslag sonder uitermatige risiko en is geskik as ’n alleenstaande aftreebelegging. “Ons het goed aan ons kliënte se verwagtings…

Min goed-onderleë ontleders (indien enige) sal die langtermynprestasie-eienskappe van Orbis Investment Managment afmaak. Twee van sy fondse is konsekwent bo aan die spektrum en word onder die wêreld se bestes gereken. Hierdie fondse verdien beleggers se aandag. Die Orbis Global Equity Fund spog sedert Januarie 1990 met ’n jaarlikse opbrengskoers van 12,5% in Amerikaanse dollar, teenoor die FTSE Wêreldindeks se 7,4%. Die Orbis Global Balanced Fund spog met ’n jaarlikse 11,1% sedert 2013. Die patroon kwyn nie, met onlangse sterk uitprestasie deur die fondse relatief tot hul maatstawwe. “In aandelemarkte het ons redelike sterk meewinde gesien wat absolute opbrengste oor die algemeen versterk het,” sê Allan Gray se Tamryn Lamb, hoof van verbruikersverspreiding en Orbis in Suid-Afrika. Orbis is Allan Gray se buitelandse beleggingsvennoot. “Ons doelwit is om vir kliënte…

Die korttermyn- ekonomiese vooruitsig het ongetwyfeld verbeter sedert Cyril Ramaphosa aan bewind gekom het. Hy is ’n goeie mens, is sakevriendelik en ek bewonder sy toewyding om korrupsie trompop te loop en goeie regeringsbestuur en fiskale dissipline deur die hele openbare sektor te herstel. Ek het egter grootskaalse bedenkinge oor hoeveel hy kan vermag. Ek het verlede kwartaal verwys na die onmoontlike uitdagings van die Argentynse president, Mauricio Macri, wat ’n aaklige ekonomiese gemors van sy populistiese voorgangers Néstor Kirchner en Cristina Kirchner geërf het. Die struikelblokke voor Ramaphosa is vergelykbaar. (Sien http://bit.ly/2jAEB06.) Die redes is redelik eenvoudig. Ramaphosa is die president van ’n intrinsiek Marxistiese, sakevyandige organisasie, wat alles sal doen om te sentraliseer en die maksimum mag te gryp. Ek glo nie dat die skurke in die regering…

Een probleem is “regulatoriese kaping” deur ondernemings in staatsbesit waar die onderneming veel meer regulatoriese en beleidsvermoë het as die staatsdepartement wat veronderstel is om die beleid te bepaal wat die onderneming moet toepas, sê ’n voormalige kabinetslid. Die ondernemings in staatsbesit het dikwels ook groter invloed as die sektorreguleerders, wat dan oorskadu word, sê hy. “Pleks van ’n nasionale beleid vir die onderneming in staatsbesit is daar uiteindelik ondernemingsbeleid vir die onderneming.” As voorbeeld wys hy daarop hoe stadig Eskom hernubare energie aanvaar. Volgens die oudkabinetslid tree sommige reguleerders op asof hulle in ’n vakuum reguleer. Hy wys daarop dat daar ’n paar jaar gelede uitgevind is dat die Hawensreguleerder van Suid-Afrika vir Transnet toegelaat het om van die laagste tariewe ter wêreld te hef om minerale uit te…

BELANGRIKSTE DING WAT JY BY JOU PA GELEER HET: “Die belangrikste ding is eerlikheid. Moet nooit gesteelde goedere verhandel nie. Moet nooit enigiets koop wat jy dink dalk verdag is nie. Moet nooit ’n klant – of enigiemand om die waarheid te sê – mislei nie. Dis nie nodig nie. En ook om verskaffers te respekteer. Die grootste ding was egter die werksetiek. Jy weet: My pa het dikwels in Desember – die besige tye – in die winkel geslaap. Daar was ’n matras en my ma het vir hulle kos gevat. Hulle sou saans tienuur ophou en soggens vieruur begin.” INTERESSANTSTE DRANKTENDENS: “Ek het nooit gedink dat die hoofmark só gesofistikeerd sou wees en internasionale handelsmerke sou najaag en dat internasionale handelsmerke gedrink en internasionale tendense in só groot…

Ons almal hoop om lang en gelukkige lewens te lei. En ons gun dit vir ander mense ook. Wanneer daar dus ’n mediese deurbraak is wat ons in staat stel om die lyding van andere te verlig, sal amper almal saamstem dat so ’n middel algemeen beskikbaar gestel moet word aan diegene wat dit die meeste nodig het. Opiaatmisbruik laat 42 000 Amerikaners jaarliks sterf. Opiate is ’n klas medisyne wat gewoonlik voorgeskryf word om pyn te verlig, maar baie pasiënte ontwikkel verslawings wat lei tot die onwettige gebruik van voorskrifmedisyne of selfs goedkoper alternatiewe, soos heroïne. Opiaat-misbruik het oor die afgelope dekade bestendig bly toeneem en is nou die oorsaak van meer as twee derdes van alle sterftes weens dwelmoordosisse. Hoe om dié stygende neiging te beëindig en te…

David Brown, uitvoerende hoof van MC Mining (MCM) – voorheen Coal of Africa – sê hy is deesdae baie gelukkiger. “Daar was ’n algehele verandering in die maatskappy. Bykans al die erfeniskwessies is opgelos en as ons nog ’n kontantgenereerder kan verkry, sal ons selfonderhoudend wees,” het hy in ’n onderhoud met finweek gesê. Die erfeniskwessies was, in ’n neutedop, onwinsgewende steenkoolmyne, groot skuld en ’n oorvloed aandele nadat die maatskappy keer op keer finansiering by aandeelhouers verkry het. Die meeste niekernmyne is verkoop, die skuld – hoofsaaklik aan Rio Tinto – is iets van die verlede, en daar was ’n aandeelkonsolidasie van 20:1. ’n Naamsverandering was die kersie op die koek. Brown het ook afgesien van groot ambiseuse planne vir ’n kookssteenkoolmyn van $500 miljoen in Limpopo en het…

Ofskoon Exxaro Resources R20 miljard vir steenkoolbeleggings in die volgende vyf jaar opsy gesit het, kyk hy sedert 2011 ook verby steenkool na die toekoms. Hy voer tans gesprekke oor moontlike verkrygings op die gebied van hernubare energie, water en voedselsekerheid. Mxolisi Mgojo, uitvoerende hoof, het vroeër vandeesmaand gesê die maatskappy het kontant bewillig om dié nuwe sakegeleenthede te ondersoek. Exxaro het min besonderhede oor moontlike teikens verskaf, wat beleggers onseker gemaak het. Hy het wel laat val dat minder as R1 miljard vir investering opsy gesit is. (Lees ook bladsy 10.) Nadat Exxaro in Augustus verlede jaar uit sy langtermyn- daalneiging weggebreek en in Januarie sterk weerstand op 17 000 sent per aandeel teëgekom het, is sy aandeelprys vroeër in Maart geknou weens kommer oor die groep se diversifiseringstrategie.…

Gelde: gereelde lesers sal weet ek haat dit. Nie die feit dat dit bestaan nie – om vir ’n professionele diens te betaal is heeltemal billik – maar waarvan ek niks hou nie is hoe hulle hul koste en hul buitensporige tariewe bereken. In dié uitgawe wil ek fokus op ’n koste wat meestal misgekyk word en skreiend onregverdig is: platformkoste. Op ’n manier het die wêreld se finansiëledienstebedryf dit reggekry om persentasiegegronde platformgelde te vra, bereken op die waarde van jou beleggingsportefeulje. Dus groei jou platformkoste namate jou portefeulje groei. Toegegee, baie platforms sal die persentasiekoers verminder namate die waarde toeneem, maar die vraag is eenvoudig: Kos dit hulle regtig meer om data te hou van ’n R50 000-portefeulje as die data van ’n R20 000-portefeulje? Albei portefeuljes is…

Die jaar het gewis goed weggespring. Plaaslike marksentiment, aangevuur deur die “Cyril Lente”, het sedert die vorige uitgawe van Fondsfokus in November 2017 merkbaar verbeter, ofskoon markprestasie self taamlik gemeng was. Natuurlik is als nie maanskyn en rose nie. In dié uitgawe wys ons op ontstellende kwessies wat ’n positiewe langertermynvooruitsig vertroebel en waarsku ons beleggers trouens teen ’n oorgewigposisie in Suid-Afrikaanse aandele. Die rand wat nou so sterk is, bied ’n uitstekende geleentheid om buitelandse blootstelling aan te vul. Aan die positiewe kant het reële BBP luidens Old Mutual Multi-Managers se syfers in die derde kwartaal van verlede jaar met ’n jaarkoers van 3,1% gegroei, teenoor 0,6% vir die voljaar in 2016 en 1% verlede jaar. Dit was grootliks danksy die landbousektor se lewendige vertoning in die algemeen. Ook…

’n Fonds wat met verloop van tyd sy man gestaan het en wat gereed is om voordeel te trek uit ’n positiewer mark-omgewing wat die afgelope maande uit Suid-Afrika se vernuwingsgees spruit, is die Old Mutual Financial Services Fund. Bank- en finansiële aandele het meestal goed herstel ná die Nenegate-skandaal in Desember 2015 en het indrukwekkende winste gelewer met die koms van die onlangse politieke en ekonomiese herstel. “Die laaste kwartaal van 2017 het sonder twyfel indrukwekkend geëindig vir die finansiële sektor,” sê medeportefeuljebestuurder van die fonds by die Old Mutual Investment Group (OMIG), Neelash Hansjee. “Cyril Ramaphosa se oorwinning in Desember by die ANC se verkiesingskonferensie het die sektor ’n enorme hupstoot gegee, veral banke. Dit het ’n positiewe leierskapsuitkoms beteken met sake- en verbruikersvertroue wat waarskynlik sal verbeter.”…

Met meer as ’n kwart van Truworths se 100-jarige bestaan aan die stuur van die maatskappy het Michael Mark sy goeie en slegte tye beleef. Dié maatskappy beleef tans beslis nie goeie tye nie. In die ses maande tot einde Desember het Truworths ’n 3%-afname in verwaterde wesensverdienste per aandeel aangeteken op ’n 1%-toename in kleinhandelverkope tot R10,3 miljard, terwyl produkpryse met 2% afgeneem het. Dit is nie ’n goeie resultaat nie, maar min of meer in ooreenstemming met die bedryf. Maar toon die groep sy ouderdom? Dit is beleër deur ’n horde vlugvoetige, risikotolerante, jong nuwelinge wat markaandeel gryp en Truworths vind dat sy lot onomkeerbaar aan dié van die ekonomie verbind is. Of dit is omdat Truworths stadig in sy hoë ouderdom beweeg of omdat dit net onmoontlik…

Solly praat met groot respek van sy pa en veral van sy pa se bemarkingsvermoëns, wat hy as “briljant” bestempel. Hy onthou hoe sy vrou, Nicky, vir hom gesê het om na ’n tweedehandse winkel in Soutrivier te kom toe hulle eenkeer in Kaapstad vakansie gehou het. By die winkel het een van die eienaars vir hom ’n vinielplaat nog in sy omslag gewys. “Op die omslag het gestaan: ‘Solly Kramer’s Treffers’. En dit het al die treffers van die 1960’s en 1970’s gehad. En agterop het dit iets gesê soos: ‘Hou jou partytjie saam met Solly Kramer’s. Ons bied ys en glase en al die alkohol… ’ “My pa was ongelooflik. Hy het al daardie soort snaakse dinge uitgedink wat hy gedoen het. En hy was briljant daarmee om…

Mense neig om ’n ietwat geromantiseerde beeld van entrepreneurs te hê. In hulle geestesoog beskou mense entrepreneurs as waaghalsig, dapper, vreesloos en besig om hope geld te maak. Individue wat hulle eie besighede begin, word “entrepreneurs” genoem. Dit is egter nie heeltemal waar nie. Baie entrepreneurs begin vir hulself werk uit nood eerder as dat hulle ’n droom volg. Baie maatskappye wêreldwyd sal ook meer “entrepreneuries” word om dieselfde rede. Die Vierde Nywerheidsomwenteling het ’n vloedgolf ontwrigtende tegnologie opgelewer wat besig is om sakemodelle te verander en het in dié proses maatskappye gedwing om meer entrepreneuries te word ten einde te oorleef. Gorkhan Ahmetoglu, mede-stigter van Meta Profiling en dosent in sakesielkunde aan die University College London, sê innovering en die skep van “entrepreneuriese ekostelsels” binne maatskappye is nie meer…

Hlamalani Mongwe @HlamalaniMongwe Verduidelik asseblief aan my in leketaal: Sê Halley dat hy Shaun miskien hof toe gaan sleep omdat sy kliënt nie in die hof wil verskyn nie en Shaun sleep sy kliënt hof toe nadat die hof gesê het dat sy kliënt in die hof moet verskyn omdat hy sy dag in die hof opeis? Evita Bezuidenhout @TannieEvita ’n Leuen wat vertel word as jy in Gucci uitgevat is, word ’n Gigaba genoem. Mike Blackburn ZA @blackburnmike Hierdie hele Gupta-burger-ding… Die regering behandel ons soos stommerikke. En dit is inderdaad waar omdat ons hulle weer in 2019 sal instem. Belinda Bozzoli @belbozz Listeriose: ’n Ernstige siekte wat jy kry as jy besmette kos eet. Misteriose: ’n Onbekende siekte wat elke keer binne minute toeslaan nadat ’n Zuptaminister voor…

“KYK OP NA DIE STERRE, NIE AF NA JOU VOETE NIE.” Stephen Hawking Britse fisikus – Britse fisikus Stephen Hawking, wat op 14 Maart in die ouderdom van 76 jaar oorlede is, het hierdie raad aan sy drie kinders, Lucy, Robert en Tim, gegee en in 2010 in ’n onderhoud met ABC se Diane Sawyer daaroor gepraat, volgens Time.com. Hawking, wat sy idees oor die ruimte, tyd en die heelal vir die gewone publiek toeganklik gemaak het, het ook gesê: “Werk gee jou betekenis en ’n doel, daarsonder is die lewe leeg.” En: “As jy gelukkig is om liefde te vind, onthou dit is daar en moet dit nie weggooi nie.” “SOMS GROEI HIERDIE MAATSKAPPYE SO VINNIG EN KRY HULLE SOVEEL GOEIE PUBLISITEIT DAT HULLE VERSOT WORD OP HULSELF, EN…

Capitec is ’n groot suksesverhaal, met sy aandeelprys meer as 50 000% hoër sedert hy in Februarie 2002 begin verhandel het. In 2017 het Lafferty Group hom as die beste bank ter wêreld aangewys – vir die tweede agtereenvolgende jaar. Vooruitsig: Nadat Capitec in Januarie in ’n verslag van Viceroy Research beskryf is as ’n woekeraar wat wanbetalings te laag aangee en dié navorsingsfirma geëis het dat die bank onder kuratorskap geplaas word, het Capitec van ’n hoogtepunt van 110 000 sent per aandeel skerp gedaal tot 70 500 sent. Aandeelhouers het begin vlug, maar bedaar ná die Reserwebank bevestig het dat Capitec solvent en goed gekapitaliseer is en oor voldoende likiditeit beskik. BRON: Sharenet Wat die grafieke sê: Capitec het weens die enorme afverkoop van sy aandele uit sy…

BANKE Standard Bank aan die voorpunt Standard Bank se resultate het my verwagtinge oortref, met wesensverdienste per aandeel (WVPA) 15% op en die dividend 17% hoër. Die koste-tot-inkomste-verhouding het inderdaad tot 55,7% verbeter, terwyl slegte skuld gelykmatig vertoon het op 0,86%. Ek sê gereeld dit is onwaarskynlik dat die groot banke se koste-totinkomste-verhouding veel verder as die huidige hoë 50’s kan verbeter, maar dié resultate toon dit kan minstens die middel-50’s haal. FirstRand se resultate het die groot vier banke se verslagdoening afgerond, met WVPA 7% hoër terwyl die dividend met 9% toegeneem het. Slegte skuld was op 0,87%. Soos voorheen die geval was, is sy koste-tot-inkomste-verhouding verreweg die beste van die plaaslike groot banke op 51,7%, grootliks aangehelp deur WesBank en RMB op onderskeidelik 41,6% en 46,7%. Aandeelpryse in…

Dat Allan Gray onlangs vir die sesde keer die Raging Bull-toekenning ontvang het as Suid-Afrika se bes presteerende effektetrustbestuurder, was geen verrassing nie. Dit is ’n indrukwekkende batebestuurder, wat ongelooflike prestasie bo die maatstaf genereer, en uiters passievol is oor die bewaring van sy kliënte se belange. Die maatskappy se aangewese bedryfshoof, Rob Formby, sê hy het geen voorneme om sake op sy kop te keer nie en dat alles vir praktiese doeleindes soos gewoonlik sal voortgaan. Hy sal Rob Dower eersdaags opvolg. Die groep se oorsprong dateer terug na die Allan Gray Raad wat in 1973 deur Allan W B Gray gestig is. Hul eerste kliënt is ’n jaar later gewerf, en in 1989 is Orbis Investment Management begin. Hulle is in 1992 in SA geïnkorporeer en die naam…

In Maart begin die nuwe belastingjaar, wat beteken beleggers kan nou die opbrengs op hul belastingvrye belegging maksimeer deur dit met die toegelate R33 000 vir 2018-’19 aan te vul. Belastingvrye beleggings is in Maart 2015 ingestel en dus nou al drie jaar lank tot beleggers se beskikking. Hoewel dit wat beleggingshorison betref ’n relatiewe kort lewensduur is, kan ons duidelik sien hoe beleggers voordeel trek uit die belastingbesparing wat dié beleggingsvoertuie bied. Van al Prudential se belastingvrye effektetrusts is die Prudential Enhanced SA Property Tracker Fund en die Prudential Balanced Fund die gewildste keuses by beleggers. Een van die redes waarom die eiendomsfonds so gewild is, is sy potensiaal vir ’n relatief hoër belastingbesparing en die feit dat hy die opbrengs wat op lang termyn op ’n portefeulje moontlik…

Die nasionale tesourie het ’n verhoging in die perke vir buitelandse beleggings deur kollektiewe beleggingskemas (KBS’e), beleggingsbestuurders en langtermynversekeraars van 35% tot 40% aangekondig, sowel as ’n verhoging van 5% tot 10% vir belegging in die res van Afrika. Dit is hierdie toelae wat KBS-bestuurders gebruik vir hul fondse wat buitelandse blootstelling het, en dit sluit in randgedenomineerde toevoerfondse. Dit verduidelik waarom bestuurders verplig word om hul toevoerfondse vir nuwe beleggings te sluit wanneer die toelae oorskry word. Dit is belangrik om daarop te let dat hierdie verandering aan die perk vir buitelandse beleggings ook onmiddellik lei tot ’n verandering in Regulasie 28 van die Wet op Pensioenfondse; dié regulasie bepaal die perke op batetoewysing vir individuele aftreefondse. Gevolglik sal die maksimum buitelandse blootstelling vir ’n Regulasie 28-fonds tot 30%…

Onder apartheid is baie ondernemings in staatsbesit as “beskutte werkverskaffing” vir wit mense geskep, sê ’n voormalige direkteur van só ’n onderneming. “Ek is nie oortuig dat dit veel verander het nie.” Die ouddirekteur sê baie ondernemings in staatsbesit betaal groter salarisse as die private sektor en dat dié kontrakte dikwels nie behoorlik aan prestasie gekoppel is nie. Brian Molefe, voormalige uitvoerende hoof van Transnet en Eskom, en Hlaudi Motsoeneng, voormalige bedryfshoof van die SAUK, is twee bekende gevalle wat koerantberigte met hul gerieflike kontrakte oorheers het. Toe Molefe in September 2015 as die uitvoerende hoof van Eskom aangestel is, was sy salaris drie keer soveel as die vorige uitvoerende hoof s’n en 41% meer as sy salaris as die uitvoerende hoof van Transnet. Eskom het in 2015-’16 ’n wins…

Wat is jou bestuurstyl? Ek dink ek het meer ontspanne geword namate ek ouer geword het. Ek dink ek is ferm en reguit, maar ek probeer hard om regverdig en bemagtigend te wees. Ek stel en verwag hoë vlakke van prestasie. Ek glo in persoonlike ontwikkeling en toewyding, en ek moedig my personeel aan om te streef na groter dinge vir hulle en hul gesinne. In al jou jare by Truworths, wat was die opwindendste gebeurtenis, transaksie of mylpaal? Die skep van ons sakefilosofie in die vroeë 1990’s, die ontwikkeling van die filosofie en om te sien hoe dit ons deur die jare gedra het. En die slegste en hoe het jy daarop gereageer? Die Australiese onderneming Sportsgirl in die 1990’s. Ons het goeie bestuurslede aangewend en professionele adviseurs gebruik.…

Solly Kramer senior het aan die begin van die vorige eeu uit Litaue na Suid-Afrika gekom en omstreeks 1915 ’n tabakwinkel in Markstraat in die Johannesburgse middestad geopen. Dié winkel was die voorganger van wat in die vroeë 1930’s die eerste Solly Kramer’s-drankwinkel sou word en wat uiteindelik deur Solly senior se seuns, Norman en Barney, bestuur is. Die twee broers het die konsep vir die oorspronklike winkel ontwikkel en in 1962 ’n tweede een in Rosebank geopen. In die 1970’s het hulle die Solly Kramer’shandelsmerk aan die groothandelprodusent Stellenbosch Boerewynmakery (SBW) verkoop wat dit later aan die destydse Suid-Afrikaanse Brouerye (SAB) verkoop het. Norman is in die transaksie aangestel om voort te gaan om die Solly Kramer’shandelsmerk te bestuur. SBW en SAB het albei sowat 15 winkels landswyd gehad.…