Finweek - Afrikaans 26-Apr-18

onlangs het ons ’n navraag van ’n lae-inkomste-verdiener ontvang. Kom ons noem hom Dawid. Aan die einde van 2015 het Dawid besef hy moet vir sy aftrede begin spaar. Hy het gedoen wat almal aanbeveel: hy het ’n finansiële beplanner gaan sien, wat ’n uittreeannuïteit met ’n aanvangspremie van R318 per maand vir hom uitgeneem het. Nou is Dawid spyt oor wat hy gekoop het. Met rede, want hy het sover R9 000 in premies betaal, maar sy belegging is R8 663 werd. Gelde het R1 024,65 beloop – ’n yslike 11,4% – terwyl sy “bonus” R718,81 was. Die finansiële verskaffer sê die beraamde jaarlikse koste sal tot 3,3% oor die termyn van die annuïteit daal en dat Dawid belê moet bly om voordeel te trek uit die reële langtermynopbrengs…

die ingewikkelde debat oor grondonteiening sonder vergoeding kan uiteindelik in twee vrae opgesom word: Moet grond sonder vergoeding onteien word? En indien wel, wie moet die onteiende grond besit? Die media het al baie aandag aan die eerste vraag geskenk en fokus dikwels op hoe dié beleid buitelandse belegging sal afskrik. Die tweede vraag is egter die een wat per slot van rekening die sukses of mislukking van enige poging tot herstel en welvaartskepping sal bepaal. Die twee voorstanders van ’n beleid van grondonteiening sonder vergoeding – die ANC en EFF – het uiteenlopende standpunte oor die tweede vraag: Die ANC het dit duidelik gestel dat eiendom in private besit moet wees, terwyl die EFF dit herhaaldelik en kragtig gestel het dat die staat die bewaarder van alle grond moet…

“Ander is nie eens boere nie. Hulle het nie eens ’n kat nie.” - Doctor Radebe, ’n voormalige DA-raadslid in Vrede, lewer kommentaar in ’n onderhoud met The New York Times oor die lys, wat inderhaas saamgestel is, van beoogde bevoordeeldes van die omstrede Vrede-melkplaasprojek, waaruit 100 ontluikende boere kastig voordeel moes trek. Volgens die projek is grond in staatsbesit ingevolge ’n gratis 99-jaarhuurkontrak in 2013 aan die Gupta-gekoppelde Estina verhuur. Die Gupta-onthullings het in 2017 getoon hoe minstens R30 miljoen, wat deur middel van die plaas aan die Guptas betaal is, gebruik is om in 2013 vir die familie se Sun City-troue te betaal, het news24.com berig. Die Valke het die saak sedertdien ondersoek en mense is gearresteer. “ABSOLUTE BOG EN HEELTEMAL IRRASIONEEL.” − Só het advokaat Paul Kennedy…

een van die maatskappye wat die meeste bevoordeel is deur ’n onlangse uitspraak van die hooggeregshof oor die beginsel van “een keer bemagtig, altyd bemagtig” is DRDGold, gevolg deur Sibanye-Stillwater en in die suiwer platinumsektor Impala Platinum (Implats). Luidens ’n verslag deur Leon Esterhuizen en Arnold van Graan, ontleders by Nedbank Corporate and Investment Bank, het DRDGOLD tans regstreekse swart ekonomiese bemagtiging van 11%, al sê die bank gou dat sy berekening gegrond is op “geredelik beskikbare regstreekse aandeelbelange, asook aandeeleienaarskapskemas vir werknemers”. As die hooggeregshof besluit het dat vorige bemagtigingsooreenkomste nie relevant is nie – wat mynboumaatskappye sou gedwing het om dit te vermeerder tot 26%, die bepaalde teiken van aandeeloordrag ingevolge die Mynbouhandves wat DRDGOLD sê hy bereik het – sou die verwatering van DRDGOLD se aandeelhouders 16%…

Fondsbestuurder se insigte: Die Discovery Balanced Fund belê in ’n mengsel van bates soos ekwiteit, effekte, kontant en eiendom wat beleggers in staat stel om voordeel uit diversifikasie te trek. “Ons beoog om die fonds binne ’n gespesifiseerde risikoband te hou en om terselfdertyd die groeipotensiaal te maksimaliseer,” sê Chris Freund, Investec se portefeuljebestuurder van die Discovery Balanced Fund. “Ons soek aandele teen ’n redelike prys met verwagtinge van positiewe, volhoubare verdienstegroei.” Die kies van aandele oorweeg makro-ekonomiese toestande en of daar ’n omvattender aanvaarding van die beleggingsgeleentheid deur beleggers sal wees, verduidelik hy. Ingevolge die beleggingsbeleid, sluit die kernbeginsels die lewering in van reële opbrengste met die verloop van tyd en belegging in maatskappye waar die verwagte toekomstige wins opwaarts hersien word en teen redelike waardasie verhandel, sê Freund.…

Bowler Metcalf was voorheen een van die lieflinge op die JSE, maar die afgelope paar jaar was moeilik vir sy kern-plastiekbesigheid sowel as sy ondeurdagte belegging in Softbev. Die maatskappy het Softbev uiteindelik laat gaan; en hy verwag om minstens R233 miljoen te ontvang wat hy by sy bestaande kontant van ongeveer R152 miljoen sal voeg. Met ’n markkapitalisasie van slegs R840 miljoen beteken dit sowat 45% is kontant, en aandeelhouers kan deel daarvan as ’n spesiale dividend ontvang. Sy kernbesigheid is die vervaardiging van plastiek en plastiekvormstukke vir verbruikersprodukte, met Johnson & Johnson, Distell en Woolworths as kliënte. Met ’n groot hoop kontant, sonder die verliesmakende drankbesigheid en met sy huidige verhandeling op ’n historiese prystot- verdiensteverhouding van ongeveer 8,4% en ’n dividendopbrengs van 4,5%, bied die aandeel groot…