Innehållsförteckning för 30-nov-17 från Finweek - Afrikaans

dit was ’n perfekte Johannesburgse vroegsomersaand in Soweto; die straat aan die gons met mense wat ná werk huis toe keer; die belofte van ’n laataand-donderbui in die lug. Cyril Ramaphosa sou sy ekonomiese plan vir Suid-Afrika voorlê in ’n saal vol ondersteuners en swaargewigsakelui, onder wie Stephen Koseff van Investec, Johan Burger van FirstRand en Colin Coleman van Goldman Sachs. Ramaphosa kon nie ’n vriendeliker gehoor kry nie. Die atmosfeer was gelaai; baie mense het gesing en gedans en nie geskroom om hul anti-Zumagevoelens te wys nie. By Ramaphosa se aankoms het mens byna gewens dat hy eenvoudig die formaliteite sou oorslaan en ons almal lekker sou laat saamsing en huis toe laat gaan – ons vertroue herstel in hoe wonderlik Suid-Afrika is. Maar hy het sy “New Deal”…

Long4Life het ’n kort maar interessante lewe gehad en het in Julie 838c bereik toe die netto batewaarde (NBW) van kontant sowat 500c was. Long4Life* het ’n kort maar interessante lewe gehad en het in Julie 838c bereik toe die netto batewaarde (NBW) van kontant sowat 500c was. Teen ongeveer 424c sien ons ’n beter prys. Met die nuwe aandele wat vir Holdsport uitgereik is, is die kontant-NBW per aandeel sowat 170c (die presiese syfer is onbekend, omdat daar nog besluit moet word oor hoeveel kontant vir die Inhle Beveragesverkryging gebruik sal word). Afgesien van kontant is die ander bates Sorbet, Inhle Beverages en Holdsport. Die eerste twee is kleiner transaksies, terwyl Holdsport die grote is en meestal met aandele vereffen is. Ek het nooit van Holdsport gehou nie, maar…

As die buiteland jou keuse is, bied ons ’n groot hoeveelheid goeie raad. dit is ’n merkwaardige en opwindende uitgawe van Fondsfokus in die heersende klimaat van beleidonsekerheid wat voor ons lê. Ons is op die spreekwoordelike kruispunt tussen ’n geïnspireerde vryemark en oorheersing deur radikale politieke en ekonomiese populisme (die tipiese Marxisme). Buitelandse belegging bly tans die voorkeurbatebestemming van die meeste slim beleggers. Die weegskaal kan egter Suid-Afrika se kant toe swaai as die Cyril Ramaphosa-faksie die botoon voer in die komende ANC-leierskapsverkiesing. As die buiteland jou keuse is, bied ons ’n groot hoeveelheid goeie raad. Stanlib se Joao Frasco wys hoe jy te werk moet gaan vir blootstelling aan buitelandse bates; Investec se Philip Saunders in Londen bied uitstekende insig oor hoe jy in die huidige stadium van…

Dit beteken jy moet genoeg in die vreemde valuta belê om te betaal vir die lewenskoste vir jou aftrede in die vreemde land. wanneer jy besluit om te belê, moet jy jou einddoel in gedagte hou sodat jy nie van stryk gebring word deur korttermynkwessies wat voortdurend gebeur nie, soos wisselkoersveranderinge of kabinetskommelinge. Doelwitgegronde belegging, dit wil sê waar ’n belegger spesifieke doelwitte identifiseer en op hulle fokus, het die kollig geplaas op laste, nie net bates en verpligtinge nie, wanneer dit kom by belegging. Beleggers plaas gewoonlik te veel fokus op relatiewe prestasie ten opsigte van die verkeerde verwysingspunte, met ander woorde met die fokus op indekse of eweknieë as hul maatstaf. Maar daar is deesdae ’n verskuiwing van fokus deur finansiële adviseurs en diensverskaffers in die rigting van…

politieke onsekerheid en swak ekonomiese groei kan, of kan dalk nie, voortgaan om Suid-Afrika se beleggingsmarkte met verloop van tyd te affekteer. En omgekeerd kan wêreldmarkte voortgaan om geleidelik te styg. Om sin te maak van hierdie en ander teenstellende tendense is dikwels moeilik. Dit is waar ’n multibateklas- laerisikoportefeulje soos die Old Mutual Stable Growth Fund na vore tree, spesifiek vir diegene wat inflasie wil klop terwyl hulle kapitaalwaarde behou én ’n matige inkomste verdien. Dit verwyder die dilemma om te besluit hoeveel om in aandele, vaste rente, kontant, eiendom of in die buiteland te belê. Bestuur deur John Orford en Alida Jordaan, het die Old Mutual Stable Growth Fund 74,8% positiewe maande op sy kerfstok sedert sy ontstaan in Julie 2001, met ’n maksimum onttrekking van slegs 3,9%.…

ons is hoopvol dat die volgende twee of drie jaar baie beter vir Suid-Afrikaanse beleggers sal wees, veral diegene wie se aftreebesparings grootliks in effektetrusts belê is. Tans is baie mense dalk geneig om te glo dat met die JSE wat nuwe hoogtepunte bereik, hulle heelwat beter daaraan toe is as wat hulle drie of vyf jaar gelede was. Nie so nie, blyk uit ’n ontleding van die effektetrustbedryf se driejaarvertoning. In reële terme (wanneer inflasie in ag geneem word) is talle beleggers slegter daaraan toe as wat hulle etlike jare gelede was. Daar is nie te ontkom aan die laegroeistrik waarin ons ons bevind nie, ten minste nie voordat ’n verligte politieke bestel en politieke sekerheid bereik is nie, gesteun deur ’n dramatiese verbetering in huishoudelike en internasionale sakevertroue.…

dat meneer Mark, soos die befaamde Warren Buffett in navolging van Benjamin Graham, vader van waardebelegging, na ’n aandelemark verwys, ’n wispelturige en buierige persoonlikheid is, word sekerlik tans deur Kumba Iron Ore bevestig. Nie net is hy die sterkste aandeel onder die top- 100- grootste aandele op die beurs nie, maar sy sterk lopies sedert sy laagtepunt in Januarie 2016 beteken dat hy in minder as twee jaar al ongeveer 1 150% gestyg het. Wat musiek in die ore van sy grootste aandeelhouer, Anglo American, se topbestuur moet wees. Die prestasie om boaan die lys van sterkste aandele te staan, het Kumba bereik ondanks kommentaar van ontleders dat ysterertspryse toenemende druk gaan ervaar weens nuwe produksie wat op die mark verskyn. Dat hierdie verslae wel ’n belangrike invloed het,…

beleggers het hul aptyt vir kleinen middelkapitalisasie-aandele verloor omdat die rand slae kry, Suid-Afrika se ekonomiese en politieke vooruitsigte al hoe meer verswak en die groot randskansaandele herstel. Daar is egter beleggingsgeleenthede buite die JSE se Top40. Die Top40-aandele op die JSE verteenwoordig sowat 80% van sy markkapitalisasie, maar hulle is net 40 van die sowat 400 JSE-genoteerde aandele, sê Keith McLachlan, fondsbestuurder van Alpha Wealth Prime Small & Mid Cap Fund. Klein- en middelkapitalisasiemaatskappye verteenwoordig ’n reuseaantal genoteerde maatskappye. As mens dus net in die Top40 belê, “ignoreer jy ’n groot deel van die mark en jy het dalk ’n gekonsentreerde en onewewigtige portefeulje in die Top40-omgewing”. Beleggers moet verder as die Top40 kyk, maar moet ’n paar belangrike dinge in ag neem. Eerstens is klein- en middelkapitalisasie- aandele…

die bou van sosiale netwerke klink dalk maklik, maar baie vaardighede is nodig is om doelgerigte netwerke te bou. Baie sake-eienaars vind die gedagte van “netwerk” nogal skrikwekkend. Party skram selfs heeltemal daarvan weg en maak die verskoning dat hulle “introverte” is. TJ Malamule, professionele spreker en handelsmerk- en sakestrateeg, sê netwerke is elke entrepreneur se ruilmiddel. “Onthou, jou netwerk is gelyk aan jou netto waarde.” Jy kan die beste produk of diens hê, maar as jy nie goeie verhoudinge met mense het nie, sal hulle nie jou produk of diens koop nie. Mense doen sake met mense van wie hulle hou en wat ’n indruk op hulle gemaak het. Hulle dink jy is genoeg “werd” om in hul netwerk te wees. Hoe groter jou netwerk, hoe meer geleenthede skep…

enkele maande gelede het ek die Computer History Museum in Mountain View, Kalifornië besoek. Dié museum, waar meer as 90 000 items uitgestal word, is aan die rekenaaromwenteling gewy – van die oorsprong daarvan in die 20ste eeu tot vandag se selfbestuurvoertuie. Om al die ingrypende veranderings in tegnologie van die afgelope drie dekades te sien, was merkwaardig. Die uitstalling oor mobiele rekenaarverwerking het dinge na my mening die beste saamgevat met van die vroegste skootrekenaars uit die 1980’s tot ’n hedendaagse iPhone. Wat die uitstalling ook duidelik gewys het, was dat die ingeligtes aan die begin van die omwenteling reg was oor die transformerende invloed van rekenaars, maar byna vir seker verkeerd was oor juis hoe dit ons sou beïnvloed. Nou staan ons aan die vooraand van nog ’n…

Mode- en voedselkleinhandelaar Woolworths het twee moeilike jare ervaar, met sy aandeelprys ongeveer 46% laer sedert die hoogtepunt van Oktober 2015. Hy was die afgelope 12 maande een van die swaks presterende kleinhandelaars op die JSE en was ver agter mededingers soos TFG, Truworths, Mr Price, Shoprite en Spar. In ’n handelsverklaring vir die 20 weke geëindig 12 November, het Woolworths gesê dat hy steeds moeilike handelstoestande in Suid-Afrika én Australië, sy groot markte, ondervind. In Suid-Afrika het Woolworths Fashion, Beauty and Home se verkope oor die tydperk met 0,7% gestyg, terwyl verkope in vergelykbare winkels met 2,4% gedaal het. Kleinhandelruimte het met ’n netto 4,2% gegroei. Woolworths Food in Suid-Afrika het beter as die mark gegroei, het hy gesê met ’n toename van 9,3% in inkomste in vergelyking met…

STEINHOFF Nog probleme Steinhoff was weer die teiken van aantygings van twyfelagtige rekeningkunde, en dit het hulle weer ure geneem om ’n ontkenning op Sens uit te reik. Selfs al is Steinhoff onskuldig pla dit my dat daar so baie negatiewe aantygings teen die maatskappy is. Gevolglik het ek geen belangstelling om die aandeel te koop nie. PURPLE GROUP Hou duim vas EasyEquities is nou drie jaar oud. Ek onthou dat hy ’n driejaar-teiken van 100 000 rekeninge gehad het, so hy is effens agter. Weens koste het die afdeling ’n verlies van byna R26 m. aangeteken Die resultate van Purple Group, wat EasyEquities besit, toon ’n verlies, hoewel dit hoofsaaklik weens die herwaardasie van Real People is, ’n oorgeërfde bate wat nie onlangs ’n kerndeel van die groep was…

’n Beduidende kenmerk van die Old Mutual Global Equity Fund* se bekroonde kwantitatiewe span in Londen is dat hy nie makro-voorspellings doen nie en ook nie probeer om waarde toe te voeg tot sy indeks ten opsigte van land- en sektorposisies nie. Negentig persent van sy alfa kom van die kies van aandele binne sektore en 10% van die kies van sektore self. Dit werk uitstekend vir die fonds, wat reeds die afgelope vyf jaar die voorloper in die Suid-Afrikaanse globale aandelesektor is. Leon Kok het met die bekroonde hoof van globale aandele by Old Mutual, Ian Heslop, gesels: Wat is jou brandpunt? Die sleutel tot sukses vir ons is tweeledig. Eerstens, moenie probeer voorspel as jy dit nie hoef te doen nie, want selfs as jy ’n veranderlike reg…

Talle sal meen dat Naspers te duur is omdat dit teen ongeveer 140 keer sy historiese verdienste verhandel. as multibestuurder het ek die uitwerking van die stygende prys van Naspers* se aandeelprys op fondsbestuurders se beleggingsopbrengste gesien. Party bestuurders het vroeg in- en uitgeklim, veral toe die aandeelprys ’n hoogtepunt bereik het en bestuurders wins geneem het. Dié bestuurders het daarna weer van die aandele gekoop teen hoër vlakke. Talle bestuurders soek na wat hulle as “waarde” in ’n aandeel beskou. Waarde-aandele is daardie aandele wat goedkoper gekoop word as tot waar sy ware waarde, volgens die bestuurder, kan groei. Talle sal meen dat Naspers te duur is omdat dit teen ongeveer 140 keer sy historiese verdienste verhandel. Om te vergelyk, die JSE se Aandeelbeswaarde Indeks (Swix) verhandel teen ongeveer…

Skokke en resessies is 25% en 50% van die tyd die hoofoorsake, terwyl strenger krediettoestande met meer as twee derdes die ware vernietigers van bulmarkte is. nadat internasionale beleggers regdeur die huidige marksiklus vir makrorisiko’s bang was, het hul kommer nou sterk na waardasies verskuif. Mens hoor voortdurend van buitensporige waardasies op die Amerikaanse aandelemark, asof ander aandelemarkte immuun teen ernstige verkope van Amerikaanse aandele sal wees, en praatjies van effekteborrels. Dit is interessant dat die geskiedenis toon dat waardasies selde die hoofoorsaak van aandeelbeermarkte is. Trouens, net een geval sedert die 1920’s – die ineenstorting van 1987 – kan só genoem word. Skokke en resessies is 25% en 50% van die tyd die hoofoorsake, terwyl strenger krediettoestande met meer as twee derdes die ware vernietigers van bulmarkte is. Is…

As jy in inkomste- en groeifondse belê het, is daar belangrike kwessies wat jy in gedagte moet hou terwyl jy aftrede nader. Sorg dat die onttrekkingskoers toepaslik is Studies het getoon dat as jy die eerste tien jaar van jou aftrede kan deurmaak met jou reële kapitaal onaangeraak, is die kanse goed dat jy jou lewenstandaard in die tweede helfte van aftrede gaan handhaaf. Die tabel regs toon hipotetiese opbrengsverwagtinge teenoor onttrekkingskoerse. Die uitgeligte syfers in die middelste ry toon die aantal jare wat jy oor het alvorens jy jou aftreekapitaal begin verbruik (inflasie gestel op 6%). Soos ons vroeër uitgelig het, verwag baie afgetredenes opbrengste van ongeveer 12,4% en onttrekkings van 5% tot 7,5% omdat hulle glo dat hul kapitaal gerieflik vir hul volle aftreetydperk gaan hou. Hulle is…

siboniso Nxumalo, medehoof van Old Mutual Investment Group se Global Emerging Marketsboetiek, het in Oktober ’n goeie punt gemaak vir voortgesette belegging in uitgesoekte ontwikkelendemarktefondse. Die kern van sy boodskap is dat terwyl verskeie vooraanstaande ontwikkelende markte (OM’s) geskud is deur politieke onsekerheid, korrupsie, geldwassery, afpersing en groot afgraderings in onlangse jare, hulle ook uitstekende waardekolle gebied het. Ek stem met hom saam. Nxumalo het spesifiek Brasilië genoem en daarop gewys dat OM’s op langer termyn beter as ontwikkelde markte presteer het. Een bekommernis wat ek egter het, is ’n potensieel gevaarlike aanname dat as verskeie OM’s opspraakwekkend herstel het, Suid-Afrika in staat is om dieselfde te doen. Ek is nie so seker nie. Om die waarheid te sê, ek sal dit glo wanneer, soos Brasilië en Suid- Korea, Suid-Afrika…

Long4Life, nuwe maatskappy van Brian Joffe, voormalige uitvoerende hoof van Bidvest, het in April met ’n mate van opgewondenheid genoteer en hy het intussen Holdsport en Sorbet gekoop. Dié wat negatief is, sê beleggers koop oor sy kontant en Joffe se vermoë om transaksies te sluit, maar dat dit nie genoeg rede is om te belê nie. “Holdsport was afsonderlik genoteer en as ons toe nie daarvan gehou het nie, hoekom sal ons nou daarvan hou?” vra een. Daarteenoor het Joffe ’n skerp belegger en identifiseerder van waarde geblyk te wees, en met kontant beskikbaar is hy in ’n goeie posisie om enige beleggingsgeleentheid wat ontstaan, ten beste te benut. “Dit is vir beleggers wat vertroue het in wat die bestuur doen met die geld wat hy het – hy…

1 Waar of onwaar? Berigte het verskyn wat beweer dat Brian Molefe nou lid van die Suid-Afrikaanse 2 Wie is koningin Elizabeth II se eggenoot? ■ Koning Charles ■ Prins Albert ■ Prins Philip 3 Op watter datum val Swart Vrydag vanjaar? 4 Waar of onwaar? Soos in ’n vorige uitgawe van finweek berig (uitgawe van 16 November), is Yoco is ’n produsent van organiese sjokolade. 5 Watter land is die gasheer van die 2023 Rugby-Wêreldbeker? 6 Waar of onwaar? Emmerson Mnangagwa is die voormalige visepresident van Uganda. 7 In watter Wes-Europese land het koalisiesamesprekenings onlangs misluk en die land in politieke onsekerheid gedompel? 8 Waar of onwaar? DStv beplan om volgende jaar die beeldsending van ANN7 te staak. 9 Van watter stad is die wenner van Idols Seisoen 13,…

Vinny Lingham @VinnyLingham As jy ’n blaaskans van kriptogeldverhandeling wil hê, kan ek sterk aanbeveel dat jy in jou aftyd enkele laerrisikobedrywighede probeer, soos roulette, blackjack en dobbelsteenspel. Prophet Cynic @CynicHarare Mugabe is skielik ’n ware Zimbabwiër; ’n volwassene met verskeie grade wat ledig by die huis sit. Man’s Not Barry Roux @AdvBarryRoux Brian Molefe se prestasies van 2017 - Eskom se uitvoerende hoof - ANC-LP - Eskom se uitvoerende hoof (weer) - Kolonel in die weermag Voor Desember gaan hy Bafana Bafana se afrigter wees, want blykbaar weet hy als. Ben Karpinski @followthebounce Dié agterlyn van die Bokke is soos Malusi Gigaba. Dra die regte klere, maar is nie opgewasse vir die taak nie. Sarah Britten Pillay @Anatinus Woolies het ’n smulhappie geproduseer wat soos satire klink: organiese rou…

Fintegs benodig die risikobestuur en ander agterkantoorvermoëns van gevestigde banke as hulle ’n erkende en nakomingsregsidentiteit wil opbou. finansiële tegnologieë (fintegs) bied ’n wonderlike vennootskapsgeleentheid aan Afrika se banke, veral om baie van die kontinent se endemiese kontantbestuur- en likiditeitsuitdagings te takel. Fintegs bestaan ook dikwels in ’n regs-, wetgewende en nakomingsniemandsland. Fintegs benodig die risikobestuur en ander agterkantoorvermoëns van gevestigde banke as hulle ’n erkende en nakomingsregsidentiteit wil opbou. Hulle klein grootte en vestigingsgeaardheid beteken ook dat fintegs toegang tot die groot en gevestigde kliëntebasis van banke benodig. Fintegs is spesifiek relevant vir Afrika se banke wat betref die ontwikkeling van digitale antwoorde vir baie van Afrika se tradisionele bankuitdagings. Dit sluit in: Wetgewing – Elke Afrikaland het sy eie bank, uitvoerbeheer- en algemenesakereëls en wetgewing wat uitdagings bied…

die selfoongroep Vodacom het onlangs ’n 4,6%-styging in inkomste vir die ses maande tot einde September aangemeld, met wesensverdienste per aandeel (WVPA) net 1,1% hoër op 445c. Hy het sy tussentydse dividend tot 390c verlaag (teenoor verlede jaar se 395c), wat sy aandeelprys met byna 5% laat terugsak het. Die daling is deels weens die uitreiking van nuwe aandele om te betaal vir die verkryging van ’n 35%-aandeel in Safaricom in Kenia. Nog ’n uitdaging is die gebrek aan beskikbare spektrum in Suid-Afrika, wat dit duurder maak om data te verskaf. Op die grafiek: Nadat hy nie daarin kon slaag om in Augustus deur die boonste helling van sy langtermyn-stygkanaal te breek nie, huiwer Vodacom nou op die onderste lyn van die kanaal. ’n Negatiewe uitbreking kan binnekort bevestig word…

konsentrasierisiko is een van die grootste risiko’s wat ’n aktiewe belegger in die gesig staar. Partykeer is dit maklik om te bestuur, maar ander kere is dit nie die geval nie. Ek benadruk dit dat dit meestal ’n probleem vir aktiewe beleggers is; ’n passiewe belegger wat ’n beursverhandelde fonds het, besit outomaties ’n breë spektrum van aandele oor verskeie bedrywe, streke en tot ’n mindere mate bateklasse heen (omdat eiendom waarskynlik ingesluit sal word). Plaaslik het aktiewe beleggers in die Top40 egter met ernstige konsentrasierisiko te doen met Naspers* wat meer as 20% van die Top40 beslaan, terwyl Richemont** ’n verdere 10% beslaan. Dit is wonderlik wanneer hierdie aandele se pryse styg, maar wanneer hulle draai, kan dinge aaklig word. Dit is waarom ek plaaslik ’n gelykwigtige ETF verkies.…

beleggers is dalk al moeg om dieselfde ou waarskuwing te hoor van “vermy ’n korttermynsiening” of “ignoreer die markgeraas” wanneer hulle beleggingsbesluite neem. Daar is egter goeie rede waarom batebestuurders daarop aandring om dié beginsel te herhaal: al die data toon dat om na die toppresterende fondse oor te skakel op grond van hul korttermynvertoning een van die beste maniere is om die langtermynwaarde van jou portefeulje te vernietig. Ewe gevaarlik is om jou belegging te verkoop wanneer die fonds op kort termyn onderpresteer. Ongelukkig toon die data ook dat dié gedrag oorheersend onder plaaslike beleggers is. Die meegaande grafiek toon hoe Suid- Afrikaanse beleggingsbewegings die vorige jaar se eenjaar- relatiewe vertoning van ’n tipiese konserwatiewe gebalanseerde fonds volg (die fondsvertoning word deur die blou lyn aangedui). Dit toon duidelik…

“Die probleem ontstaan wanneer mense ophou om die prys van die bate met enige onderliggende ekonomiese realiteit te verbind. As jy die storie glo, is geen prys te hoog nie.” op talle maniere is die virtuele geldeenheid, bitcoin, soos elektroniese Monopoly-geld, sê Jacques Plaut, portefeuljebestuurder by Allan Gray. “Behalwe dat die prys in die afgelope vyf jaar 300 keer gestyg het.” Ten tyde van hierdie skrywe kon ’n mens een bitcoin vir $7 400 verruil. “Beteken dit dat ’n bitcoin ’n intrinsieke waarde van $7 400 het? Aan die een kant, ja: enige bate is soveel werd soos waarvoor jy dit kan verkoop. Aan die ander kant, nee: markpryse verander, veral in die geval van bitcoin, en by tye toon dit geen ooreenkoms met intrinsieke waarde nie.” Daar kan aangevoer…

“Die portefeulje teiken ’n reële opbrengskoers (ná inflasie) van 4% per jaar vir enige aanskuiwende tydperk van drie jaar, terwyl kapitaal in enige aanskuiwende tydperk van 12 maande bewaar word.” aan die vooraand van wat in die voorsienbare toekoms dalk, of dalk nie, ’n beter politieke omgewing vir Suid-Afrika sal wees, bly beleggingsmarkte in onsekerheid vasgevang. Die probleem is nie nuut nie. Die JSE se indeks van alle aandele het wel in November ’n algehele hoogtepunt bereik; tog bly plaaslike sake- en verbruikersvertroue op noemenswaardige laagtepunte. En teen dié agtergrond is die vraag: Wat moet versigtige beleggers doen? Errol Shear van Sasfin Asset Managers sê die geheim is om niks lafs te doen nie, jou beleggings eenvoudig te hou, nie al jou geld op een kaart te verwed nie, die…

ek het lesers onlangs gewaarsku dat hulle moet waak daarteen om konstant teen die stroom op te swem in die beleggingswêreld (sien http://bit.ly/2zSDraP). Dit laat my dink aan die grappie van die man wat eendag op die N1-snelweg gery het, toe sy vrou hom skielik oor sy selfoon bel om hom te waarsku dat sy pas oor die radio gehoor het dat daar blykbaar op dieselfde snelweg ’n motor is wat in die verkeerde rigting ry en chaos veroorsaak. Heel ongeduldig antwoord hy haar dat dit nie net een motor is nie, maar honderde van hulle. Ek wil myself nie weerspreek nie, maar soms moet jy stroomop swem om waarde te vind. In dié geval verwys ek na die algemene kleinhandelsektor wat op die JSE genoteer is. Ek twyfel of…

as jy ’n gediversifiseerde portefeulje wil hê met blootstelling aan die finansiële, bank-, verbruikersprodukte-, versekerings-, nywerheids-, infrastruktuur-, media- en sportsektor is Remgro dalk net die een vir jou. Remgro se aandeelbeleggingsportefeulje sluit in belange in Mediclinic International, Rand Merchant Insurance Holdings (RMI), Rand Merchant Bank Holdings (RMBH), FirstRand, Distell, RCL Foods en Grindrod. Gesondheidsorg, met ongeveer 29% van die groep se intrinsieke netto batewaarde (NBW), verteenwoordig die grootste deel van Remgro se portefeulje. Gesondheidsorg Gesondheidsorg, met ongeveer 29% van die groep se intrinsieke netto batewaarde (NBW), verteenwoordig die grootste deel van Remgro se portefeulje. Mediclinic se markwaarde het in die afgelope finansiële jaar meer as 40% gedaal, en Mediclinic het gevolglik die grootste negatiewe bydrae tot Remgro se NBW gelewer. Dit is te wyte aan eenmalige koste rakende die oorname…

in Saoedi-Arabië stel die regering voor dat ’n utopiese stad aan die kus van die Rooisee ontwikkel word as deel van die koninkryk se Visie 2030-inisiatief. Daar word in die vooruitsig gestel dat Neom, ’n kombinasie van die Latyns neo (nuut) en die Arabies mustaqbal, wat die toekoms beteken, ’n groter stad as Dubai gaan wees. Die stad se leuse is “Die wêreld se mees ambisieuse projek”. Dit gaan waarskynlik meer as $500 miljard kos en dit sal ’n liberale internasionale handelsentrum, ’n sakekern met gevorderde vervaardigings-, biotegnologiese en mediabedryf wees. Dit gaan waarskynlik meer as $500 miljard kos en dit sal ’n liberale internasionale handelsentrum, ’n sakekern met gevorderde vervaardigings-, biotegnologiese en mediabedryf wees. Soos sy webtuiste verklaar, sal Neom ’n “vooruitstrewende gemeenskap wees wat die toekoms van die…