Innehållsförteckning för 08 October 2015 från Finweek - Afrikaans

Suid-Afrika het sy gradering behou as die aantreklikste land in Afrika om in te belê, maar in die wêreld het hy in 2015 van 33 tot 41 gedaal, volgens Rand Merchant Bank se jongste aantreklikheidsindeks. Dié indeks, wat 183 jurisdiksies dek, bereken die aantreklikheid van lande gegrond op twee belangrike veranderlikes: ekonomiese bedrywighede (gegrond op BBP teen koopkragpariteit om die grootte van die mark te toon, asook voorspelde ekonomiese groeikoerse) en die bedryfsomgewing (wat hoe maklik dit is om sake te doen, weerspieël). Suid-Afrika “staan steeds sy man as die aantreklikste beleggingsbestemming in Afrika, ondanks die feit dat sy telling daal weens ’n effens swakker sake-omgewing en wankelrige groeivooruitsigte,” het die verslag gemeld. Egipte is op een na die aantreklikste land op die vasteland, vier plekke hoër as in 2014,…

Attacq het sy bategrondslag in die twee jaar sedert sy notering van R12,7 miljard tot R23,3 miljard verdubbel. Vir sy volle boekjaar tot 30 Junie vanjaar het hy sy batewaarde met 26,2% opgestoot, sy portefeulje met 45,1% tot meer as 565 000 m2 en netto huurinkomste met 47,6% tot R954,1 miljoen. As ’n kapitaalgroei-eiendomsfonds word sy prestasie egter volgens groei in netto batewaarde per aandeel (NBWPA) gemeet. Die maatskappy het vir aandeelhouers 20,6%-groei in netto batewaarde en 17,9%-groei in aangepaste NBWPA aangeteken, syfers wat twyfel oor die maatskappy se ambisieuse ontwikkelings uit die weg kan ruim. Morné Wilken, uitvoerende hoof van Attacq, skryf die sterk vertoning toe aan gesonde inkomstegroei in Attacq se kernportefeulje, die prestasie van MAS Real Estate Inc. en sy voortgesette lewering van ontwikkelings in sy pypleiding,…

Maatskappye soos Datacentrix, EOH, AdaptIT, Pinnacle Holdings en Gijima teken sedert die draai van die eeu skitterende groei aan deur op plaaslike en party internasionale kliënte se uitkontraktering van sommige inligtingtegnologiefunksies staat te maak. Om aan die voorpunt te bly en kliënte van die jongste tegnologie te bedien, is nie maklik nie – soos wolkverwerking (waar kliënte hul data weg van die perseel af stoor ten einde minder lokale verwerkings-en bedienervermoë te beset) aan Datacentrix bewys het. Die maatskappy investeer nietemin in die vergroting van dié eenheid ten einde voor te berei vir die dag wanneer programontwikkelaars, groot maatskappye en selfs kleiner ondernemings begin besef dit is goedkoper en veiliger om hul data weg van die perseel af te stoor. “Soos met enige ontwikkelingstegnologie neem dit uit ’n ondernemingsoogpunt ’n…

Mark Bowman, besturende direkteur van SABMiller Africa, het, voor Anheuser-Busch se aankondiging dat hy SABMiller wil oorneem, by die Gordon Institute of Business Science oor die maatskappy se uitbreiding gepraat. Afrika is ’n “geldige beleggingsgeleentheid” op die lang termyn, sê Bowman. Die vraag na bier op die vasteland kan verhoog word: In Suid-Afrika is jaarlikse bierverbruik 58 liter per capita, teenoor 9 liter op die res van die vasteland. Daarbenewens toon Afrika konsekwente vlakke van bevolkingsgroei, ekonomiese groei en verstedeliking. “Vanuit die perspektief van vinnig bewegende verbruiksgoedere kan jy dít net nie veronagsaam nie,” sê hy. PLAASLIKE MARKINSIGTE HET GEHELP OM DIE BESIGHEID OOR DIE HELE VASTELAND UIT TE BREI. 1. Ander sakemodel “Jy weet nooit of die logistiek in Afrika ’n probleem of ’n geleentheid is nie,” sê Bowman.…

VOLKSWAGEN: KOSTE KAN HAND UITRUK Nuusberigte oor VW se skelmstreke met uitlaatgastoetse is die nuusblaaie vol, en sy aandeelprys het gevolglik met ongeveer 20% gedaal. Dus is daar talle mense wat wil weet of dit miskien ’n koopgeleentheid is. Ek sê nee, eenvoudig omdat daar gans te veel onsekerheid bestaan en niemand in dié stadium weet hoe groot die probleem is en wat dit die voertuigmaker uit die sak gaan jaag nie. BP se Deepwater Horizonbesoedeling, wat in 2010 in die golf van Mexiko plaasgevind het, is ’n goeie voorbeeld van hoe ’n aangeleentheid kan hand uitruk. Destyds is daar gemeen dat dit BP ongeveer $2 miljard sou kos, maar dit het vinnig tot $40 miljard die hoogte ingeskiet en ná die hofbeslissing het dit uiteindelik tot meer as $70…

Pasop vir die New Yorkse aandelebeurs. Hy staan op vlakke van waar daar in die verlede internasionale beermarkte van formaat gevolg het. Daar is pas weer ’n waarskuwing in dié verband gerig deur professor Robert Shiller van die Yale-universiteit in Amerika. Shiller, ’n Nobelpryswenner wat al as een van die wêreld se top-100 ekonome aangewys is, het ’n internasionale reputasie weens die akkuraatheid van sy voorspellings. Shiller is die skrywer van die bekende werk Irrational Exuberance, wat in Maart 2000 verskyn het toe die dotcom-borrel op sy toppunt was. Hy maak van ’n hele aantal aanwysers gebruik, maar sy “geheime wapen” wat hom nog nooit in die steek gelaat het nie, is die “Cyclically Adjusted Price-Earnings ratio”, algemeen bekend as CAPE. Dit is gegrond op ’n spesiale prys-verdiensteveelvoud wat nie…

Verlede maand het Cell C se moedermaatskappy, Oger Telecom, wat uit Doebai werk, bevestig dat hy op die uitkyk is na kopers vir sy 75%-aandeel in die selfoonmaatskappy. Goldman Sachs is aangestel om met die proses te help. Cell C, wat in 2001 as die derde selfoonnetwerkoperateur in Suid-Afrika bekendgestel is, het nog nooit ’n netto wins verdien nie. ’n Handelswaarskuwing wat Telkom op 28 September uitgereik het om aandeelhouers in te lig dat hy in ongespesifiseerde gesprekke gewikkel is wat sy aandeelprys kan beïnvloed, het bespiegelings laat opvlam dat hy Oger se aandeel in Cell C probeer koop. Bloomberg berig dat Telkom R18 miljard daarvoor aangebied het, beduidend minder as die R22 miljard wat Oger blykbaar wil hê. Vroeër vandeesmaand het Jacqui O’Sullivan, Telkom se woordvoerder, gesê daar is…

GESTEELDE MEESTERWERKE $30 m. Die waarde (R415 miljoen) van twee Picasso-werke wat aan sy stiefdogter Catherine Hutin-Blay terugbesorg is. Volgens haar was die werke gesteel. Die Russiese miljardêr Dmitry Rybolovlev, wat die skilderye – albei portrette van Hutin-Blay se ma, Jacqueline Roque (Picasso se tweede vrou) teruggegee het, sê hy het die werke in 2013 in goeie trou gekoop en was onbewus van die geskil oor eienaarskap. GELD VERLOOR IN NIGERIË R965 m. Soveel het Tiger Brands volgens Business Day op sy belegging in die Nigeriese verkoper van meelblom, pasta en rys Dangote Flour Mills afgeskryf. Tiger Brands het in 2012 byna twee derdes van dié groep vir R1,6 miljard gekoop. Die groep het op 25 September gesê Peter Matlare tree in Desember uit as uitvoerende hoof, wat die aandeelprys…

Suid-Afrika is bekend om sy sonskyn, vuvuzelas, safari’s en Madiba. Dis in wêreldterme ’n klein land aan die punt van die uitgestrekte Afrika-kontinent wat elke jaar miljoene toeriste lok. Dis darem nie al waarvoor die nasie, wat ook om die eerste hartoorplanting en die omskakeling van steenkool na brandstof bekend is, geag word nie. Suid-Afrika het deur die jare meer met innovasie en nuwe idees bereik as wat verwag sou kon word. Produkte uniek aan die land oorrompel die wêreld. Suid-Afrika worstel met ekonomiese inkrimping, skuldbelaste vebruikers en flou werkskepping. Dis maklik om mens teen dié monsters van negatiwiteit vas te staar en te vergeet van die innovasie en nut wat Suid-Afrika na die wêreld gebring het. Finweek bekyk ’n aantal konsepte en produkte wat Suid-Afrika oorsee goed te pas…

LAND MET ’N OOGOPSLAG 2014 Dis nie moeilik om te verstaan waarom Nigerië Afrika se gewildste onderwerp is nie – met groei wat in die volgende twee dekades na verwagting 8% per jaar sal bereik, is dit ’n mark wat nie geïgnoreer kan word nie. Muhammadu Buhari het Goodluck Jonathan in April as president ontsetel – die eerste keer dat Nigerië ’n dienende president uit die amp gestem het. Buhari se verkiesingslagspreuk van skoon regering en oorlog teen verkwisting en korrupsie gaan met hoë verwagtinge gepaard. Hy het die militêre oppergesag in Junie afgedank omdat hulle nie Boko Haram beteuel het nie, en het ondersoeke ingestel na sleutelamptenare in die vorige regering wat van korrupsie verdink word. Dit is noodsaaklike stappe om vertroue op te bou in ’n land wat…

Die meeste mense neem aftreeprodukte uit met die hoop dat hul spaargeld ná aftrede voldoende maandelikse inkomste sal bied, maar onstuimige finansiële markte en inflasie wat hoër as beplan is, kan ’n verwoestende uitwerking op selfs die mees getroue spaarder se aftreeplanne hê. Liberty het besef dat verbruikers in ’n onseker ekonomie ’n behoefte aan sekuriteit het, en het ’n uittree-annuïteit en bewaringsfonds geskep wat beleggers se inkomste ná aftrede waarborg. Liberty se Agile-produk word as die eerste in sy soort in Suid-Afrika beskou. Dit bied aanpasbaarheid volgens die sekerheid wat ’n kliënt oor aftree-inkomste wil hê. ’n Persentasie van die geld kan toegewys word aan die Exact Income Fund, wat gewaarborgde inkomste ná aftrede bied, en Liberty se ander beleggingsfondse, wat soos tradisionele uittree-annuïteit e werk. “Sommige mense sal…

Is jy op die hoogte van al die jongste nuus? Kom ons vind uit! As jy al die antwoorde reg kry, staan jy ’n kans om Govan Mbeki se boek Learning from Robben Island te wen. Die boek bevat alles wat Mbeki in die gevangenis geskryf het vir die opvoeding van sy medegevangenes, sowel as al sy historiese, politieke en ekonomiese ontledings. Om in aanmerking te kom om die boek te wen, doen die vasvra op finweek.com. BLOKKIESRAAISEL Verskaf deur Gerda Engelbrecht Af 1 Sowat (8) 2 Ministerie van finansies (8) 3 Laat insluk (5) 4 Skor (7) 5 Krag om te werk (7) 6 Ondeurdag (9) 7 Die eerste dag van die week (6) 8 Krimpvarkie se wapen (6) 14 In die geheim (9) 16 ’n Mynmaatskappy met sy…

OM HIER TE WEES EN SY SUKSESSE TE SIEN, GEE MENS ’N IDEE VAN WAT NIGERIË NOG ALLES MOET DOEN. Soms moet mens Nigerië verlaat om dit duidelik te sien en sy vordering te bepaal. Ek skryf op die agtersitplek van ’n motor op ’n hoofpad in Noord-Ethiopië – wat beteken dis ’n brief óór Nigerië, maar nie uit Nigerië nie. Selfs die pad waarop ons ry, vertel die verhaal van twee lande: Waar ons in Nigerië waarskynlik van slaggat na slaggat sou hop terwyl ons die volgende “polisiekontrolepunt” vol vrees afwag, bied Ethiopië ’n gladde pad sonder versperrings, afgesien soms van ’n kalf of donkie. Sedert ek ’n week gelede van Abuja af hierheen gekom het, word ek gedurig aangenaam verras deur die land se oënskynlik gesonde ontwikkeling en…

“DIE VOLKSWAGENSKANDAAL MAAK DINGE NET ERGER: SWAK VRAAG VIR CHINESE JUWELIERSWARE, KLEINER ENJINS, STADIGER GROEI IN VOERTUIGVERKOPE, EN AL HOE MEER SKROOT.” Dit is moeilik om te weet hoe die Volkswagen-skandaal die platinumprys sal raak, maar die reaksie is tot dusver minder hewig as wat mens sou verwag. Sowat 44% van platinum word gebruik vir die vermindering van skadelike motoruitlaatgasse, hoofsaaklik dieselmotors. Oorskakeling na petrolenjins is nie noodwendig slegte nuus nie, want hul vervaardiging gebruik meer palladium. “Elke 1%-daling van dieselpenetrasie in Europa is gelyk aan ’n vermindering van 17 000 onse in die vraag na platinum en ’n styging van 20 000 onse vir palladium,” sê Andrew Byrne, ’n ontleder by Barclays Capital. “Ons basiese veronderstelling dat dieselpenetrasie in 2022 tot 43,9% sal daal, beteken dus dat die vraag…

SABMILLER Vat jou goed en trek Ferreira DEUR SIMON BROWN ONS HET SABMILLER en die Anheuser-Busch-transaksie voorheen bespreek. Maar wat moet aandeelhouers doen? Daar is drie moontlike uitkomste. Die moontlike aanbod word gekanselleer en die aandeelprys val, moontlik heelwat, want baie van SABMiller se aandeelprysstygings oor die afgelope paar jaar was op grond van gerugte van ’n moontlike aanbod. As dit heeltemal van die tafel af is, sal die prys waarskynlik meer as die 20% verloor wat hy gestyg het ná bevestiging van die gerugte. Die ander twee opsies het betrekking op ’n ooreenkoms teen huidige prysvlakke of dalk 10% hoër; dis wat ek verwag. Huidige houers van die aandele kan dus ’n moontlike, hoewel beskeie, styging verwag omdat die aandeel so goed doen. Die ander opsie sou ’n ernstige…

NUWE REEKS OOR KLEINSAKE Franchise is ’n beproefde sakekonsep wat deur die skeppers van ’n handelsmerk of besigheid verkoop word aan mense wat hul eie onderneming wil begin sonder die herrie van duur foute wat gemaak kan word. Die franchisegewer, of eienaar van die sakekonsep, verkoop die idee en sakemodel aan ’n ander persoon, die franchisenemer, vir ’n aanvanklike bedrag en gereelde tantieme. Party van die groter franchises in Suid-Afrika is onder meer Pick n Pay Family Supermarkets, Spur Steak Ranches, KFC, McDonald’s, Nando’s en Mugg & Bean. Om ’n franchise op die been te bring behels gewoonlik dat die franchisenemer ’n kapitaalbedrag moet betaal, waarvan die grootste deel uit sy eie sak moet kom. Die franchisenemer word dan opgelei in die metodes wat die franchisegewer gebruik, byvoorbeeld vir bemarking,…