Innehållsförteckning för 13-sep-18 från Finweek - Afrikaans

niemand kan vir ewig wegkruip nie. In ’n onderhoud met finweek in die uitgawe van 5 Julie het Christo Wiese, voormalige voorsitter van Steinhoff, gebeure beskryf in die aanloop tot die dag in Desember waarop nuus oor onreëlmatighede by die maatskappy bekend geword het. En natuurlik die nuus van die voormalige uitvoerende hoof, Markus Jooste, se bedanking. Wiese het aan finweek se medewerker Marcia Klein gesê talle pogings is in daardie stadium aangewend om by Jooste terugvoering te kry. Jooste was die bepaalde naweek Duitsland toe om Bruno Steinhoff se verjaardagvieringe by te woon, maar het belowe hy kom kantoor toe wanneer hy terug is en sou dan “al die nodige ouditbewyse” hê om verwarring uit die weg te ruim. Op Maandag 4 Desember het Jooste per SMS bedank. Wiese…

Sommige maatskappye, soos South32, het meer as genoeg kontant, maar nie Harmony Gold nie – ’n heel ander soort organisasie wat likiditeit betref. Ontleders meen hy sal dalk ekwiteit moet gebruik om sy volgende groot oorgang te finansier. Harmony Gold het van sy begin in die 90’s ’n strategie gevolg om myne te koop wat ander maatskappye nie winsgewend kon bestuur nie. Met ’n innoverende laekostebenadering tot mynbou het hy jare lank uitstekend gevaar. Hy was in ’n stadium een van die wêreld se grootste goudprodusente. Daar was egter ’n beperkte hoeveelheid ou myne beskikbaar in Suid-Afrika. Nou doen hy iets wat hy nooit voorheen aangepak het nie: die bou van ’n nuwe myn, Golpu, in Papoea-Nieu-Guinee, ’n enorme goud-en koperertsliggaam wat hy deel met, Newcrest Mining, sy vennoot in…

Die private tersiêre onderwysgroep Stadio het in Oktober verlede jaar uit die private onderwysgroep Curro ontknoop. Hy bly egter in die PSG-groep. Aan die begin van September het Stadio aangekondig sy inkomste vir die ses maande tot Junie 2018 het tot R301 miljoen gestyg (van R34,6 miljoen af in die ooreenstemmende tydperk van die vorige jaar). Die maatskappy het gesê hy bly toegespits op die groei van sy geregistreerde hoër onderwys instellings en sit sy “verkryging van nog gepaste hoëronderwysinstellings” voort. Sy getal ingeskrewe studente het die afgelope jaar met 10% tot 27 777 toegeneem. Teen Augustus het dit verder gestyg, tot 29 156. Sy getal ingeskrewe studente het die afgelope jaar met 10% tot 27 777 toegeneem. Teen Augustus het dit verder gestyg, tot 29 156. Geen dividend is…

algemene kommentaar oor Suid-Afrika se ekonomiese en markvooruitsigte was die afgelope ruk pessimisties, maar daar is beduidende geleenthede aan die oopgaan, volgens Johann Els, die hoof van ekonomiese navorsing by die Old Mutual Investment Group. Hy meen dat daar dalk te veel pessimisme die rondte doen, en dink dat ’n meer positiewe hervormingsprogram en ’n nuwe vlaag van optimisme ’n groot verskil sal maak. Die SA ekonomie bly swaarkry. Wat is die vooruitsigte? Die jaar het optimisties begin, maar die euforie het vinnig getaan. Dis hartseer, maar wat nou gebeur is niks nuut nie. Die trajek van reële BBP-groei sedert die 1950’s en vroeë 1960’s is afwaarts vanaf hoogtepunte van 6% tot 7% tot huidige vlakke van 1,2% tot 1,3%, wat slegs onderbreek is deur opeenvolgende kommoditeitsiklusse. Ons het ekonomiese…

ten spyte van die onlangse breedweg teleurstellende opbrengste van Suid-Afrikaanse bates, spesifiek aandele, toon ons ontleding by Prudential dat baie bates tans gewaardeer is om belowende inflasiekloppende opbrengste op mediumtermyn te lewer. Beleggers het daarom goeie rede om nie hulle heil in kontant te soek nie, maar om eerder geloof te hê in gediversifiseerde portefeuljes soos gebalanseerde fondse. Plaaslike aandele het swakker as hul langertermyngemiddeldes oor die afgelope drie jaar tot 30 Junie 2018 gevaar, en swakker gevaar as plaaslike effekte en kontant. Suid-Afrikaanse aandele het slegs 4% per jaar gelewer en Suid-Afrikaans genoteerde eiendom slegs 0,9%, vergeleke met 7,8% van Suid-Afrikaanse effekte en 7,3% van Suid-Afrikaanse kontant, terwyl inflasie 5,3% was. Die gedempte beleggingsprestasie het opbrengste van multibatefondse onder hulle verwagte langertermyngemiddelde gedompel. Beleggers sal weet dat dié opbrengste…

beleggers wat hul buitelandse blootstelling wil vergroot kan na Coronation se voorste wêreldfondse kyk. Hulle wissel van die ‘maak-vas-jou-sitplekgordel’-Global Emerging Markets Fund tot die ‘rainy-day’-Global Strategic USD Income Fund. Die Kaapstadgevestigde beleggingsfirma is welbekend in beleggingskringe vir sy 25 jaar lange geskiedenis van die skepping van alfa in wêreldmarkte. Al sy internasionale fondse word bestuur kragtens dieselfde langtermyn-, waardegedrewe beleggingsfilosofie en fokus gewoonlik op vyfjaar-horisonne. Dié fondse bevat bates wat verhandel teen aansienlike afslag teenoor sy waardasie van hul onderliggende langtermynwaarde. ’n Spangegronde benadering word nagestreef, in plaas daarvan om op spesialissilo’s staat te maak waar beleggingsbesluite in ’n vakuum geneem word. Die hele beleggingspan (wat die Suid-Afrikaanse en wêreldmarkte dek) werk saam in ’n oopplankantoor en is gedurig in aanraking met mekaar en besig om beleggingsinligting uit te ruil.…

einde Augustus was daar verder slegte nuus vir MTN. Die sentrale bank van Nigerië beweer dat MTN dividende onwettig van Nigerië na Suid-Afrika gestuur het en dring daarop aan dat MTN $8,1 miljard moet terugbring. Die land dring ook aan op ’n belastingbetaling van sowat $2 miljard. Hou in gedagte dat MTN se Nigeriese boete in 2015 sowat $5 miljard was; dit is dus groot geld. MTN ontken enige misdryf, en in teenstelling met in 2015 het hulle ten minste ’n Sens-aankondiging betyds uitgereik. Wat ek wil bespreek, is egter nie MTN nie, maar eerder handelaars wat afgeleide instrumente* (hefboomfinansiering) gebruik en die risiko van enkelaandele. Ek het die rubriek geskryf die oggend toe die MTN-nuus aangekondig is, en die aandeel het toe 22% laer as die vorige dag se…

frances van Hasselt het gootgeword op ’n sybokhaarbok-plaas in Prins Albert, en het nog altyd ’n noue verwantskap met sybokhaar gehad, én ’n visie om eendag uitsonderlike plaaslike produkte te ontwikkel. Vandag is Frances V.H. Mohair Rugs se handgeweefde sybokhaartapyte wêreldwyd. Die maatskappy het ’n volledige plaaslike voorsieningsketting en vier ook tradisionele vakmanskap in plattelandse dele van die land. Hoe het jy by die modebedryf betrokke geraak? Nadat ek ’n nagraadse kwalifikasie in internasionale betrekkinge voltooi het, het ek ’n paar jaar in Hongkong gewerk. Tydens dié tydperk is ek blootgestel aan mode op ’n skaal wat nog nooit vantevore gesien het nie. Vasbeslote om ’n loopbaan in die tekstielbedryf te volg, het ek daarin geslaag om ’n internskap by Li & Fung in hulle ontwerp-en handelspan te kry. Nadat…

wat sou jy sê as ek jou die volgende drie uitkomstes kon bied: 1) ’n toename in staatsinkomste tot die mate dat ’n basiese inkomstetoelaag (Big) bekostig kan word; 2) ’n Aansienlike afname in inkomste-ongelykheid; en 3) ’n volhoubare oplossing vir die grondkrisis. En dit alles met slegs een beleidsingryping. Fantasties, sal jy sê, maar naïef en, om die waarheid te sê, absurd. Daar is geen beleid wat ons van weet wat dié reuse sosiale uitdagings opeens kan takel nie. Ek sou byvoeg dat dié beleid dit veel makliker sou maak om infrastruktuur te skep, van verwaarloosde geboue ontslae te raak, die BBP per capita aansienlik te verhoog, en maatskaplike samehorigheid te bevorder. Moenie jou laf hou nie, sal jy antwoord. Om dit te vermag, sou ek verder byvoeg, sal…

Wat die fondsbestuurder sê: Die Aylett Equity Prescient Fund spog met meer as 40 aandelebeleggings in verskeie wêreldstreke. Die meeste van die fonds se besit is in Afrika, 5% is in ontwikkelde Asiese lande, en die res is in Amerika en die Verenigde Koninkryk. Aandele word nie geëvalueer deur ’n wisselende tikker nie, maar deur wat hulle kragtens eiendomsertifikate verteenwoordig. “Ons soek goeie besighede wat goed bestuur word en teen ’n diskonto op hul intrinsieke waarde verhandel,” sê fondsbestuurder Walter Aylett. Hy sê ook die opbrengste wat die fonds uit beleggings verkry, word nie deur die uittreeprys bepaal nie, maar deur die prys wat jy betaal. Die fonds aanvaar ’n taamlik hoë risiko in sy beleggings – en moet volgens sy mandaat ’n minimum van 80% in aandele belê, terwyl…

bidvest Group, wat in 1988 deur Brian Joffe gestig is en in 1990 op die JSE genoteer is, het inkomste van R77 miljard vir die jaar tot 30 Junie 2018 verdien vergeleke met R71 miljard in die vorige jaar, met ’n handelswins van R6,5 miljard (R6 miljard in die vorige jaar). Bidvest besit, of het ’n beduidende aandelebelang, in meer as 300 maatskappye. Hy het met ’n stewige opwaartse tendens handel gedryf wat in Mei 2016 ’n absolute hoogtepunt van 37 900 sent per aandeel bereik het toe Bidcorp uit Bidvest ontknoop is. Voor die ontknoping, was Bidvest op een na Suid-Afika se grootste maatskappy volgens inkomste. Ná die ontknoping het Bidvest se aandeelprys tot 2009 se laagtepunt van 11 000 sent gedaal. Vooruitsig: Die aandeelprys is stadig besig om…

daar is toenmende kommer oor die finansiële tol wat belastingtoevlugsoorde wêreldwyd van ekonomieë en hul begrotings eis. Narvorsing wys dat hulle ongeveer 10% van wêreld-ekonomiese uitset verberg en die rykdom van bykans een derde van individue met ’n netto waarde van meer as $45 miljoen insluit. Dié ramings is moontlik konserwatief want minstens 366 maatskappye in die Global Fortune 500-indeks bedryf een of meer filiale in belastingtoevlugsoorde, volgens ’n 2017-verslag van die Institute on Taxation and Economic Policy, ’n dinkskrum wat in Washington gesetel is. Die omvang van bates wat in dié belastingtoevlugsoorde gehou word, kan meer as $21 000 miljard beloop. Ontledings van navorsingsfirmas in Denemarke en Amerika wys dat 11 belastingstoevlugsoorde verlede jaar alleen $616 miljard in korporatiewe wins geabsorbeer het, soos wat maatskappye wetlike skuiwergate gebruik het…

markte is in die kruisvuur en nou is nie die tyd om kant te kies nie. Die beleggingsomgewing vereis dat beleggers besighede identifiseer wat die beste in hul klas is, eerder as om internasionale aandeleportefeuljes proaktief te posisioneer vir ’n bepaalde markuitkoms. Dit is tans belangriker as ooit om te verseker dat ’n belegging in ’n bepaalde onderneming suiwer op grond van sterk fundamentele faktore is, en nie ’n poging om die potensiële voordele vas te sluit van spesifieke makro-beleggingsregimes wat klaarblyklik oor alle markte heen vuur nie. Dit raak ál moeiliker om te probeer verstaan wat internasionale finansiële markte aandryf en hoe verskillende bateklasse gevolglik optree. Die belangrikste verandering en dryfkrag vir die finansiële markte vir die jaar tot dusver was die onttrekking van likiditeit. Groot sentrale banke het…

om oor die laaste paar jare ’n opbrengs op beleggings in Suid-Afrika te kry was ’n formidabele uitdaging vir beleggers. Dit het daartoe gelei dat baie migreer het tot beursverhandelde fondse (ETF’s). Soortgelyk was dit belangrik om koste laag te hou. ETF’s probeer die opbrengste van verskillende sekuriteite of indekse navolg, terwyl hulle op beurse verhandel net soos aandele. Hulle vinnige groei het individuele beleggers die vermoë gegee om vinnig in en uit ’n verskeidenheid fondse te beweeg wat enigiets navolg van kommoditeite tot effekte. Duisendmiljarde bates in ETF’s is nou genoteer in ’n voortdurend toenemende aantal beurse wêreldwyd en het gelei tot ’n groeiende getal nuwe strategieë. Batebestuurders se houding jeens ETF’s het beduidend gedurende die afgelope dekade verander namate hulle meer selfversekerd geword het met die verhandeling van…

SASOL Groot verandering Sasol* se resultate vir die 12 maande tot Junie vanjaar verskaf die jongste inligting oor die Lake Charles Chemicals Project (LCCP) wat reeds 88% voltooi is en nog binne die opwaarts aangepaste begroting is. Sasol beplan om die eerste drie vervaardigingseenhede in die tweede helfte van 2018 in bedryf te stel, en die res in die tweede helfte van 2019. LCCP is ’n groot verandering vir Sasol, met baie van sy skuld nou in Amerikaanse dollar en etaan wat nou ’n groot insetkoste verteenwoordig. Die maatskappy het ook die verwagte interne opbrengskoers (IOK) vir die projek aangepas, met verskillende sienings wat ’n IOK van 5,2% tot 8,9% bied. Laasgenoemde is die maatskappy se hoër verwagting, en veronderstel ’n laer prys vir etaan van die Golf van Mexiko,…

Finansiële beplanners versoek angstige Suid-Afrikaners om te wag en nie paniekerig oor hul beleggings te raak nie. Dít, ondanks die geraas en bespiegeling oor hoe die regering se nuwe grondhervormingsbeleid sal verloop, die jongste skerp daling in die rand en kommer oor die ekonomie in ’n resessie is. Daar was ’n taamlike vloei van geld uit die land sedert die ANC einde verlede jaar op sy verkiesingskonferensie besluit het om ’n beleid van grondonteiening sonder vergoeding na te streef. Daar is selfs aanduidings dat mense dit oorweeg om hul eiendom te verkoop en die geld in die buiteland te belê. Beleggers moet – soos altyd – in onseker tye wag en by hul langtermyn-strategie bly – wat lang termyn resultate sal lewer, sê beplanners “Hou op om op die negatiwiteit…

mense kom daagliks teen “kopkrappers” te staan – begrotings, kosteverminderings, produkverbeterings, die evaluering van risiko’s en kritiese besluitneming. Die tyd om oplossings te vind en om die regte besluite te neem, word al korter. Die lewe beweeg al hoe vinniger. Baie mense vrees kopkrappers omdat hulle vasgevang voel. “Ons word in ons denke vasgevang wanneer ons dieselfde relaas en rol moet herhaal sonder om dit krities te evalueer,” sê Bev Hancock, besturende direkteur van die Kamva Leadership Institute. Ons is vasgevang in dink-en gedragspatrone wat blinde kolle veroorsaak. Dit neem egter taamlik lank vir mense om te besef dat hulle siel uitgesuig is en dat hulle bloot outomaties optree. Wanneer jy dit wél besef, veroorsaak dit kwesbaarheid en ongerief – die brein het gewoond geraak om nie te veel energie…

Sven Henrich @NorthmanTrader Om die langste bulmark in die geskiedenis te vier sonder om tien jaar van kunsmatige aansporings en ingrypings te noem, is soos om Lance Armstrong se Tour de France-rekord sonder opkikkers te noem. Sbu Mpungose @SbuMpungose Excel is só uitputtend. Ek voel of ek koningsgroot beddegoed stryk. Lester Kiewit @lesterkk Britse joernaliste wat in die Tuynhuystuin wag, skrik hulle boeglam toe die middagkanon skiet. The Stoic Emperor @TheStoicEmperor Dis maklik om te kritiseer wat bestaan en moeilik om te skep wat nie bestaan nie. Svenn Amish @amishschool ’n Simpel vis het 35 miljoen jaar gelede uit die water gekruip en danksy hom het ons personeelvergaderings. Natasha Collier @crownjuul Dinge het begin skeefloop toe hulle besluit het gedigte hoef nie meer te rym nie. The Motley Fool @themotleyfool…

or leierskap sê die Oostenryks-gebore konsultant en skrywer Peter Drucker: “Doeltreffende leierskap gaan nie oor toesprake of gewildheid nie; leierskap word bepaal deur resultate, nie eienskappe nie.” Die regering van voormalige president Jacob Zuma het Suid-Afrika in diep waters gedompel. Die land het nou ferm leierskap nodig om uit die moeras te ontsnap – op nasionale, provinsiale en plaaslike vlak – maar ook in die sakewêreld, by skole en universiteite en van tradisionele leiers. President Cyril Ramaphosa het die hoop vir ’n beter Suid-Afrika laat opvlam, maar die uitdagings is enorm. Suid-Afrikaners se grootste nagmerries sluit in die skrikwekkend hoë werkloosheidsyfer, grootskaalse korrupsie, minderwaardige onderwys (dikwels in gebiede waar goeie onderwys juis die kringloop van armoede sou kon beëindig) en wetteloosheid. Ons wil graag optimisties bly dat die land en…

south32 het hom in die internasionale mark vir gediversifiseerde mynbouhulpbronne gevestig as ’n aandeel hoog in beleggingsopbrengs en laag in riskante samesmeltings-en verkrygingsaktiwiteite. Die maatskappy se verrassende kontantaanbod van $1,3 miljard vroeër vanjaar vir Arizona Mining, wat in Toronto genoteer is, is ’n uitsondering op die reël, maar het nogtans gemaak dat sommige ontleders ’n hoë groeityd vir alle mynbouaandele verklaar het. ’n Onlangse verslag van Macquarie, die Australiese bank, steun blykbaar die gedagte dat Graham Kerr, uitvoerende hoof van South32, gemakliker met South32 as ’n groeiaandeel raak, in die lig van die balansstaat en bestuursvermoë wat in die groep, met sy hoofkantoor in Perth, geskep word. Volgens die bank, wat verlede maand met Kerr beraadslaag het, kan die kapitaaluitgawe van $850 miljoen vir die ontwikkeling van Arizona Mining se…

Ons was al hier. In Oktober 2015 het die Nigeriese owerhede MTN met sowat $5 miljard beboet. Nou het twee verdere betalings van $8,1 miljard en $2 miljard die maatskappy binne dae van mekaar getref. Die regering eis ’n belastingbetaling van $2 miljard en die sentrale bank eis dat die maatskappy dividende van $8,1 miljard moet terugbetaal wat hy landuit geneem het. Ek het destyds in 2015 van my MTN-aandele ontslae geraak, gegrief deur sowel die boete as die maatskappy se onvermoë om betyds met aandeelhouers te kommunikeer. Ten minste het die maatskappy dié keer reg gedoen en voor markopening ’n Sens-boodskap uitgestuur. Is dié dinge MTN se fout? Of is dit, soos party aanvoer, bloot magsvertoon deur die Nigeriese sentrale bank? Dit maak nie saak nie. Die netto uitwerking…

algemene markvooruitsigte die afgelope kwartaal was bra gemeng. Verskillende sienings bly opduik. Ek was egter verheug om te verneem die oorheersende siening onder waarnemers in Singapoer, Bangkok en Seoel is dat groei in Asië op koers is om tot minstens 2022 stewig te bly. Plaaslik het ek met Khaya Gobodo, nuwe besturende groepdirekteur van Old Mutual Investment Group gesels. Hy waarsku teen skadelike paranoia in ons land. Hy sê ofskoon president Cyril Ramaphosa hom tans in ’n ingewikkelde politieke situasie bevind, verstaan hy terdeë dat bruto vaste kapitaalinvestering en sakevertroue kernaandrywers van ekonomiese groei is en is vasbeslote om dit op te stoot tot by vlakke wat laas tussen 2003 en 2010 behaal is. Gobodo meen dit is haalbaar, maar dat dit gepaard moet gaan met sterk regering in vennootskap…

aftredebesparing is een van kliënte se grootste uitdagings. Maar ongelukkig spaar die meeste te min. Volgens syfers van die nasionale tesourie kan slegs 6% van Suid-Afrikaners gemaklik aftree – ’n syfer wat die afgelope 25 jaar onveranderd was. Dit is noodsaaklik om meer te spaar, en dit is belangrik dat kliënte in toepaslike oplossings moet belê om hul doelwitte te bereik. Groeibates is nodig om inflasie te oortref Om oor ’n lang tydperk beter as inflasie te vaar, is die sleutel tot die bou van langtermynwelvaart. Kliënte moet hulself dus soveel as moontlik aan groeibates blootstel, wat hulle die beste geleentheid bied om hul langtermyndoelwitte te bereik. Beleggers wat hul kapitaal wil aanwend in aftreebeleggings, soos uittree-annuïteite en bewaringsfondse, moet ook regulasie 28 van die Wet op Pensioenfondse se vereistes…

dit klink vanselfsprekend dat Suid-Afrikaners blootstelling moet hê aan ’n leidende ontluikendemark-fonds in dollar. Ontluikende markte se rol in wêreldgroei moenie onderskat word nie – met of sonder China. Ontluikende markte, China uitgesluit, het verlede jaar 32% van die reële wêreldgroei in Amerikaanse dollar verteenwoordig, terwyl China alleen nog 27% bygedra het. Daarteenoor het Amerika 16% bygedra. Die fonds word bestuur deur Chetan Sehgal, senior besturende direkteur en direkteur vir portefeuljebestuur van Franklin Templeton Emerging Markets Equity, en staan onder toesig van Manraj Sekhon, beleggingshoof van Franklin Templeton Emerging Markets Equity. Terwyl die span se benadering waardegerig is, volg hulle ’n kernbeleggingstyl van die koop van aandele in maatskappye met volhoubare verdienstepotensiaal wat teen ’n afslag op hul wesenlike waarde verhandel. Die span streef gewoonlik daarna om opbrengs te behaal…

ek is bly dat beleggers uiteindelik begin besef hoe noodsaaklik dit is om optimale blootstelling aan die buitelandse markte te hê. Ons slaan dié trom nou al etlike jare. Die meeste geloofwaardige batebestuurders meen dat Suid-Afrikaanse beleggers 30% tot 50% van hul portefeuljes in die buiteland moet hou. Die belangrikste rede is dat dit uit ’n ekonomiese oogpunt nie goed met Suid-Afrika gaan nie (en dit gaan nog lank die geval wees weens die Zupta-bedreiging). Ek skat dit sal tien tot 15 jaar duur om dit reg te stel en dit sal slegs gebeur as die regering ’n veel stewiger greep op die vereistes vir sterk groei kry. Die negatiefste faktore is die regering se onvermoë om strukturele en ekonomiese hervorming aan te dryf; sy onvermoë om onsekerheid oor beleid…

’n mens hoor dikwels dat mense sê iemand is soos ’n groot vis in ’n klein dammetjie, of soos ’n klein vissie in ’n groot dam. Ek het dit letterlik in my eie visdam by die huis ervaar. Ek het ’n paar koivisse gekoop en hulle in my piepklein visdammetjie gesit. Gou het hulle nogal groot (en met groot bedoel ek omtrent 4 cm tot 5 cm lank) vergeleke met die grootte van die dammetjie geword, maar een was effens groter as die res (omtrent 6 cm lank) en hy het rondgeswem asof hy die dammetjie besit. Ná ’n ruk het ek besluit om die dam groter te maak, en het sommer ook ’n paar groter koivisse gekoop. Die nuwe koivisse was gemiddeld omtrent drie keer so groot soos die…

Die woorde “grondonteiening sonder vergoeding” het ’n nagmerrie-scenario vir baie Suid-Afrikaners opgeroep. Daar is vrese dat ’n baie werklike gevaar bestaan dat hul land nou dieselfde vernietigende pad sal volg as wat Zimbabwe amper tweede dekades gelede ingeslaan het. Robert Mugabe se politiek dienstige strategie om ontevrede burgers aan te moedig om kommersiële plase in hoofsaaklik wit besit oor te neem (wat hy versnelde grondhervorming genoem het) het Zimbabwe se landbou-ekonomie basies vernietig. Ná ’n lang tydperk van hiperinflasie is die ekonomie nou die helfte so groot as in 2000, daar is ’n werkloosheidskoers van 90% en die land worstel met $9 miljard se buitelandse skuld. Hy het nie sy eie geldeenheid nie. Daar is bykans geen kans dat Suid-Afrika se groter, internasionaal geïntegreerde en meer gesofistikeerde ekonomie in dié…

1. In die eerste naweek van September het ’n brand die nasionale museum in Rio de Janeiro vernietig. In watter jaar is die museum gestig? ■ 1808■ 1818■ 1901 2. Reg of verkeerd? Aan die einde van Augustus het die Sentrale Bank van Nigerië MTN gelas om meer as $9 miljard terug te betaal, wat die telekommunikasiemaatskappy na bewering onwettig gerepatrieer het. 3. Wie is die voorsitter van die kommissie van ondersoek na bestuur en administrasie by die Suid-Afrikaanse Inkomstediens? 4. Theresa May se onlangse besoek aan Suid-Afrika was die eerste keer in etlike jare dat ’n dienende Britse premier die land besoek. Wanneer het so ’n besoek laas plaasgevind? ■ 2009■ 2011■ 2012 5. Op 3 September hét ‘n regter twee Reutersjoernaliste skuldig gevind aan die oortreding van ’n…