Innehållsförteckning för 27-sep-18 från Finweek - Afrikaans

enigeen wat net ’n dag op Twitter deurbring, sal weet dit is nie ’n veralgemening om te sê dat almal in die land gedurig vir als kwaad nie. Dit is hoekom ek ’n spesifieke stelling uit Ian Sinton se getuienis voor die Zondo-kommissie oor staatskaping so verfrissend vind. Sinton se getuienis het Suid-Afrikaners (ook) die harnas ingejaag – met reg. Sinton, voorheen voldoeningshoof by Standard Bank, het getuig hoe Mosebenzi Zwane, destydse minister van mineralebronne, die bank getakel het oor sy besluit om die Gupta-familie se rekeninge te sluit. Zwane het na bewering gedreig hy sal die land se bankwette verander om dit vir banke onwettig te maak om rekeninge te sluit. Hy het ook daarna verwys dat die regering bank-lisensies toeken – wat as ’n bedekte dreigement beskou is…

suid-Afrika kan dalk wel in die ekonomiese oorlog wat president Donald Trump teen Amerika teen sy vernaamste ekonomiese teenstanders verklaar het, ’n “onskuldige omstander” wees en nie ’n strydende party nie, soos minister Rob Davies van handel en nywerheid gereeld kla. Tog kan en moet Suid-Afrika optree om die moontlike gevolge van ’n wêreldwye handelsoorlog, wat nou ook Iran insluit, te probeer temper. Davies het ses maande gelede begin kla dat Suid-Afrika indirekte skade ly weens die handelsoorlog wat Trump hoofsaaklik teen China ontketen het. Die “artikel 232”-invoertariewe van 25% op staal en 10% op aluminium wat Amerika ingestel het, was hoofsaaklik teen China en ander groot ekonomieë gemik, het hy gesê. Suid-Afrika het egter in die kruisvuur beland. Davies het Amerika probeer oortuig om Suid-Afrika kwyt te skeld en…

Die Mededingingskommissie het middel September aanbeveel dat Sibanye-Stillwater se planne om die sukkelende Lonmin (vir net meer as $380 miljoen) uit te koop, onderhewig aan sekere voorwaardes, goedgekeur word. Sibanye-Stillwater is op die oomblik die grootste individuele produsent van goud in Suid-Afrika en is ook een van die tien grootste goudprodusente ter wêreld. Indien die Mededingingstribunaal die Lonmin-transaksie goedkeur, sal dit op een na die wêreld se grootste platinumprodusent asook een van die wêreld se grootste bronne van platinum-groepmetale (PGM’e) skep. Belangrike bates in die Lonmin-oorname is sy konsentrators, smelters en affineerderye. Sibanye-Stillwater se uitvoerende hoof, Neal Froneman, het daarop gewys dat, ná die voorgestelde transaksie, die maatskappy ’n “leidende myn-na-markprodusent in Suid-Afrika” sal wees. Sibanye-Stillwater het ook reeds Aquarius Platinum, en Anglo Platinum se Rustenburgse bedrywighede verkry. Sibanye-Stillwater, met…

twee onlangse verwikkelinge het my weer laat dink oor ’n bateklas wat ek nog nooit van gehou het of in belê het nie – goud. Die teorie is dat wanneer die wêreld tot ’n einde kom, goud die enigste bate van waarde sal wees, maar ek het altyd aangevoer dat water en pampoensaad nuttiger sal wees in ’n post-apokaliptiese wêreld. Boonop, toe die wêreldwye finansiële krisis van 2008-’09 ons getref het, het goud geval van net meer as $1 000 per ons tot minder as $700, want mense het eenvoudig alles verkoop. Die punt is dat wanneer markte daal en krediet verdwyn, mense bates in kontant moet omskep. Toe die wêreldwye finansiële krisis van 2008-’09 ons getref het, het goud geval van net meer as $1 000 per ons tot…

amerikaanse markte het onlangs die langste styglopie in die geskiedenis aangeteken deur sedert Maart 2009, toe dié lopie begin het, nog nie ’n enkele daling van meer as 20% te ervaar nie. Dit is ’n verbluffende stukkie statistiek. Beleggers op die JSE het hiervan min gesien. Oor die afgelope vier jaar het ons mark slegs sowat 10% bygevoeg en is dus aansienlik agter markte in Amerika. Dit is egter uiters belangrik om te onthou dat, nes elke beermark deur ’n bulmark gevolg word, dit eweneens waar is dat elke bulmark deur ’n beermark gevolg word. Dit laat twee vrae ontstaan. Wanneer gaan die Amerikaanse bulmark eindig? En tweedens, wat gebeur as dit gouer eerder as later eindig? Wat as dit ons meesleur en plaaslike beleggers in ’n beermark laat beland…

die toekoms van werk en die werkplek self, verander deesdae baie vinnig. State of the American Workplace, ’n verslag van die prestasiebestuursadviesmaatskappy Gallup, toon dat tot 43% van Amerikaanse werknemers ten minste ’n deel van hul tyd weg van die kantoor af werk. Dit gebeur al hoe meer. In Suid-Afrika begin al meer maatskappye die neiging te aanvaar. Hulle skep “warm lessenaars”, sodat mense wat van die huis af, of van elders anders af werk, soms die kantoor besoek – of soms glad nie eers nie. Natuurlik kan nie alle werknemers afstandswerk doen nie, maar werkers in sektore soos konstruksie, professionele dienste, die gasvryheidsbedryf en selfs gesondheidswerk bestee maar min tyd in ’n kantoor. Graeme Codrington, toekomskundige by TomorrowToday Global, sê daar is voldoende navorsing “wat duidelik bewys dat produktiwiteit…

hier is ’n stukkie statistiek om jou kop te laat draai: Van die 989 318 babas wat verlede jaar in Suid-Afrika gebore is, het 61,7% van hulle geen inligting oor hul pa’s op hul geboortesertifikate nie. Van die 989 318 babas wat verlede jaar in Suid-Afrika gebore is, het 61,7% van hulle geen inligting oor hul pa’s op hul geboortesertifikate nie. One weet nie waarom die ma’s wat die geboortes van dié babas registreer, nie inligting oor die pa’s verstrek nie. Dis hoogs waarskynlik omdat baie van die pa’s nie deel wil wees van die grootmaak van die kind nie. Dié veronderstelling word deur ander bewyse gesteun: die Raad vir Geesteswetenskaplike Navorsing (RGN) raam dat 60% van Suid-Afrikaanse kinders ’n afwesige pa het en dat 40% van moeders enkelouers is.…

capitec, in 1997 opgerig en in 2001 as ’n bank geregistreer, is een van die grootste handelsbanke in die land. In ’n onlangse handelsverslag sê die bank hy verwag wesensverdienste vir die ses maande tot 31 Augustus van 18% tot 21% hoër. Capitec maak sy halfjaarlikse resultate na verwagting teen 26 September bekend. Vooruitsig: Van ’n laagtepunt van 200 sent per aandeel in 2014, het Capitec in Desember 2017 op 110 000 sent sy hoogste vlak ooit getoets. Die aandeelprys het egter skerp gedaal ná die Viceroy-verslag beweer het Capitec verdoesel verliese deur sy leningsboek te hoog aan te gee. Capitec se aandeelprys het egter kalmte herwin, sywaarts verhandel in die vorm van ’n driehoek en uiteindelik die boonste helling deurbreek. Wat die grafieke sê: Capitec het verlore veld herwin…

daar bestaan ’n opvatting dat van die beste geleenthede op ’n aandelebeurs voorkom wanneer sake op hul donkerste lyk. Veral knap waardebeleggers floreer met hierdie verskynsel aangesien goeie maatskappye dan teen winskooppryse beskikbaar kan raak. Daarna is dit net nodig dat geduld beoefen word totdat die onderliggende waardes van die maatskappye hulle laat geld. Hoewel pessimisme tans hoogty vier, was daar tog die afgelope maand ietwat van ’n verstewiging merkbaar met 33% van die 100 grootste markkapitalisasies wat tans bokant hul 200-daagse eksponensiële bewegende gemiddeldes (EBG) lê in vergelyking met 28% ’n maand gelede. Dit is steeds kommoditeitsaandele wat die botoon voer op die lys van sterkste aandele. Onder die toptien is daar net een nywerheidsaandeel, die suksesvolle Bidcorp, wat die buitelandse voedselbelange van die ou Bidvest huisves. Hy is…

baie van julle ken seker die storie van die suksesvolle prokureur wat ’n splinternuwe motor koop en die volgende oggend reg voor sy kantoor parkeer sodat al sy kollegas dit kan sien. Terwyl hy egter uitklim, ry ’n groot vragmotor te naby aan sy motor verby en ruk die deur aan die bestuurder se kant heeltemal af. ’n Polisieman daar naby het als aanskou en hardloop dadelik nader om te help. Voor die konstabel egter ’n woord kan sê, begin die prokureur luidkeels te skel oor hoe sy splinternuwe motor, wat hy net die vorige dag gekry het, nou heeltemal geruïneer is. Wat die duikkloppers ook al doen, sy motor sal nooit weer dieselfde wees nie. Die polisieman skud geskok sy kop en toe die prokureur uiteindelik bedaar, sê hy…

Daar is ’n silwer randjie aan die donker wolk van al die negatiewe nuus vir Suid-Afrika – Moody’s Investors Service sal waarskynlik nie sommer die land se beleggingsgraad-kredietgradering afgradeer nie, ondanks die resessie en toenemende druk op die staatskas. Lucie Villa, die graderingsagentskap se hoofontleder in Suid-Afrika, het dit in September op ’n konferensie in Suid-Afrika onomwonde gestel dat die kanse op ’n afgradering – wat sou beteken al drie graderingsagentskappe het die land se skuldgradering in buitelandse geldeenhede tot rommelstatus verklaar – skraal is. Sou dit gebeur, val Suid-Afrika uit Citigroup se wêreldindeks van staatseffekte en sal buitelandse beleggers, wat meer as 30% van die land se randgedenomineerde skuld hou, vinnig van hul Suid-Afrikaanse staatseffekte ontslae raak. Dit sal op sy beurt die koste om Suid--Afrika se skuld terug…

■ Kleredrag – maak seker jy is altyd gereed om die baas of kliënte onmiddellik te ontmoet. ■ Stel ’n werkprogram op sodat jy werk kan doen met so min onderbrekings as wat moontlik is. ■ Skep ’n toegewyde werkplek – kry ’n vertrek wat nie vir ’n ander doel gebruik word nie, maar verander jou werklplek van tyd tot tyd (werk uit die tuin of in ’n koffiewinkel) sodat jy nie verveeld raak nie. ■ Gebruik die regte toerusting – Skype vir videokonferensies, LiveMeeting vir ontmoetings en ’n eksterne mikrofoon wat geraas uitsny. ■ Wees sosiaal – net soos jy jou werktyd beplan, moet jy ook tyd toewys om met ander mense deur te bring – dit is maklik om ’n kluisenaar te word. Bron: Glassdoor, aanlyn werk-en werwingswebtuiste,…

Michael Schaub @michaelschaub As jy ’n dinee het en enige drie skrywers kan nooi, moenie. hotaru tomoe @cameronjasminn Hoekom vier Suid-Afrika nie Halloween nie? :-) @MuhammadSeedat_ Suid-Afrikaners wat die deur vir vreemdelinge in die aand oopmaak? Is jy mal? pretty pretty good @hannah___D Het ek bitcoin uitgedoof, of is julle stil omdat julle jul geld verloor het? Johann Biermann @JohannBiermann1 Beleggers aan Naspers: Ontknoop Tencent! Naspers aan beleggers: Hier, vat MultiChoice. Marc Ashton @zamarcashton Die Grondwethof het besluit dat ons BAIE dagga gaan nodig hê om ons die #StaatsKapingsverhoor en 2019 se verkiesingsveldtog te laat oorleef . . . Yiddish Proverbs @YiddishProverbs As jy aanhou praat, sal jy uiteindelik sê wat jy nie wou sê nie. Adam Liaw @adamliaw Daar behoort ’n Twitter vir mense te wees wat wél van…

Die Ierse dramaturg George Bernard Shaw het per geleentheid gesê “jong mense waardeer nie hul jeug nie”, maar wat minder bekend is, is die res van die sin: “ . . . en ou mense waardeer nie wysheid nie”. Of De Beers se uitvoerende hoof, Bruce Cleaver, die wysheid het om die diamantkoopbehoeftes van vandag se jonger geslag te verstaan, is ’n ope vraag, maar dit is iets wat sy aandag, sowel as dié van die diamantsektor in die geheel, geniet. Cleaver sê in De Beers se gepubliseerde Diamond Insight Report vir 2018 die voorspelling van die houding van generasie Y (gebore tussen 1981 en 2000) en generasie Z (gebore ná 1996) teenoor die koop van diamante is een van die belangrike vrae vir die behoud van die rykdom van…

Ek besit Metrofile* al lank, hoofsaaklik vir die dividend. Hoewel ek verwag het dat die dividend laer sou wees, was die maatskappy se voorstel in sy jongste resultate (vir die jaar tot einde Junie) baie aggressiewer as wat ek verwag het. En dit beteken ’n baie laer dividend in die toekoms. Dit het gelei tot heelwat meer verkope weens die laer dividend en ook oor kommer dat die maatskappy sonder groei sit en dat papier iets van die verlede is. Daar word al sedert die 1980’s oor die papierlose kantoor geskryf, tog gebruik ons nog tonne daarvan. Ja, daar is baie digitale toepassings en berging in die wolke, maar Metrofile is in ’n goeie posisie om uit dié nuwe mark munt te slaan, weliswaar met die risiko’s wat nuwe ondernemings…

die beleggingsbeheer-maatskappy Remgro, onder voorsitterskap van Johann Rupert, is bekend as ’n bestendige firma onder goeie bestuur, met ’n bewese prestasie van waardeontsluiting vir aandeelhouers. Remgro belê in firmas wat deur goeie bestuurspanne en geloofwaardige groeivooruitskattings ondersteun word. Remgro het ’n belang van 44,6% in Mediclinic International. Ander beleggingsbates sluit aandele in Rand Merchant Insurance Holdings (RMI), Rand Merchant Bank Holdings (RMB), FirstRand, Grindrod, Distell en RCL Foods in. Vooruitsig: Mediclinic, wat op 52% laer as sy hoogtepunt verhandel, dra tot Remgro se onderprestasie van die afgelope jare by. Hy verhandel tans in ’n dalende kanaal wat in 2015 begin het, nadat ’n nuwe hoogtepunt op 28 445 sent gevorm het. Hy het op die onderste helling van sy dalende kanaal teruggespring, maar kry weerstand op 21 935 sent. Om…

CLOVER ’n Onduidelike strategie Clover se jaareindresultate bevat allerlei kwessies met die afskeiding van Dairy Farmers of South Africa (DFSA). Die plan was dat Clover die wisselvalligheid van melkpryse en -produksie sou verwyder om egaliger resultate te bewerkstellig, met die fokus op produkte wat waarde toevoeg (soos kaas en jogurt). Met sowel die uitvoerende hoof en voorsitter wat uittree, en Clover wat die wisselkredietgerief van R439 miljoen vir DFSA moet afskryf, lyk dinge benard. Ja, dis deels ’n rekeningkundige kwessie en die afskrywing kan heeltemal of gedeeltelik ongedaan gemaak word. Maar ek het die aandeel jare gelede al verkoop omdat die oorkoepelende strategie onduidelik is. Ek reken Clover moet ’n vervaardiger en verspreider van melkprodukte met hoë waarde wees. Al het hy in dié rigting probeer beweeg, volg die resultate…

"ekurhuleni is die belangrikste vervaardigingsgebied in Suid-Afrika. Ons wil dus dié bestaande sinergie gebruik om verhandelbare dienste op die been te bring wat uitvoergerig is,” sê Seipati Mangadi, uitvoerende hoof van die Gautengse Nywerheidsontwikkelingsone (Gauteng IDZ). Die Gauteng IDZ, ’n filiaal van die Gauteng Growth and Development Agency (GGDA), is in 2009 gestig met die doel om die IDZ by OR Tambo Internasionale Lughawe te ontwikkel en te bestuur. Mangadi het haar in 2010 by die Gauteng IDZ aangesluit, en kort daarna is Gauteng ’n permit toegeken om ’n nywerheidskernpunt in die lughawe se spesiale ekonomiese sone (SEZ) te vestig. In dié vroeë stadium van die program was die SEZ hoofsaaklik ’n samevoeging van konsepte wat Mangadi geërf het en waarvoor sy kommersiële gronde moes vind. Besondere sektore moes geïdentifiseer…

Vandeesweek gee ons ’n eksemplaar van Poacher: Confessions from the abalone underworld weg. Staan ’n kans om dit te wen deur die vasvra te beantwoord wat vanaf 24 September aanlyn by fin24.com/finweek beskikbaar sal wees. 1. Wat is die naam van die orkaan wat die ooskus van Amerika in die middel van Septembermaand getref het? 2. Waar of onwaar? Investec het in September aangekondig hy gaan Investec Asset Management afsonderlik van die groep noteer. 3. Die Keniaanse atleet Eliud Kipchoge het die wêreldrekord verbeter toe hy op 16 September ’n marathon gewen het. In watter stad het die wedloop plaasgevind? ■ Berlyn ■ Amsterdam ■ Wene 4. Waar of onwaar? Apple het vroeg in September twee nuwe iPhones bekendgestel. 5. Die Springbokke het op 15 September vir die eerste keer…