Innehållsförteckning för 06-dec-18 från Finweek - Afrikaans

the Wall Street Journal (WSJ) het onlangs in ’n artikel oor Tesla vertel van ene Landon Kupfer, wat hom verlede jaar op 23 by die maatskappy aangesluit het. Kupfer het vertel van die geweldige druk waaronder afdelings van Tesla werk. As een van die leidende internasionale innoveringsmaatskappye is Tesla baie gewild onder werksoekers, met 500 000 mense wat verlede jaar om ’n pos aansoek gedoen het, berig WSJ. Dit is ondanks die feit dat baie van sy 45 000 werknemers luidens die artikel 100 uur per week en meer as dubbel die meeste werknemers se standaardwerkweek van 40 uur. Elon Musk, wat dikwels omstrede twiete stuur, het die artikel op Twitter gedeel en gesê SpaceX, Tesla, BoringCompany en Neuralink – maatskappye waarvan hy die stigter of medestigter is – is…

toe finweek met PropertyFox ’n onderhoud vier maande ná sy vestiging in 2016 gevoer het, het dié aanlyn verkopeplatform pas sy vyfde eiendom verkoop en sy honderdste eiendom op sy boeke gekry. Sy grootste aantrekkingskrag is sy 1,5% kommissiegeld op verkope, of ’n minimum standaard-tarief van R35 000, vergeleke met die tradisionele 5% tot 7% wat deur ander agentskappe gevra word. Verskeie ander agentskappe het sedertdien met soortgelyke kostestrukture begin, wat tot groter mededinging in die mark gelei het. PropertyFox gee egter steeds die pas aan wat bekostigbaarheid en sy diensaanbod betref, sê Crispin Inglis, wat die maatskappy saam met Ashley James begin het. Inglis identifiseer die uitbreibaarheid van die Property-Foxsakemodel as een van die hoofvoordele in die mark, wat toenemend datagedrewe word: “In teenstelling met ander maatskappye, is ons…

naspers*, ’n internet-en vermaaklikheidsgroep, bestuur of belê in van die wêreld se voorste internet-, videovermaak-en mediaplatforms. Belangrike beleggings sluit in Tencent en Mail.ru, afsonderlik in Hongkong en Londen genoteer. Naspers se markkapitalisasie is R1,28 duisend miljard, meer as 20% van die markwaarde op die JSE. Sy verkorte gekonsolideerde tussentydse verslag vir die halfjaar tot 30 September word op 30 November, na ter perse gaan, vrygestel. Vooruitsig: Verlede November het Naspers se aandeelprys, ná ’n hoogtepunt, begin daal. Ondanks ’n effense herstel in Maart kon Naspers nie die winste behou nie, met die vorming van dalende toppunte, ’n teken van dalende beleggerbelangstelling. Tencent se opwaartse momentum het vasgehaak nadat hy ’n kwart van sy aandeelhouerswaarde van R3,2 duisend miljard verloor het weens flou verdienste uit vertraagde monetisering van nuwe speletjies, asook…

Dit was juis ’n oefening soos dié een wat my uit Pick n Pay en in Shoprite* in die vroeë jare 2000 gekry het. Belegging gaan oor speurwerk en oor data. Ons moet die verskillende datapunte dophou wat ons help om ’n moontlike belegging beter te verstaan. finansiële resultate is rye en rye syfers wat ons dikwels min op die oppervlak vertel, behalwe die stygings of dalings in onder meer inkomste en voorraad. Daarom skep die beleggingsbedryf verhoudinge om die data beter te help verstaan. Hierdie verhoudinge bewerkstellig ook vergelykings tussen vorige tydperke, asook met eweknieë in die sektor. Ons kyk tipies na die gewilde prys-tot-verdienste-verhouding (p/v), dividendopbrengs (DO) en wesensverdienste per aandeel (WPA) voordat ons dieper delf en na ander kyk soos opbrengs op ekwiteit (OOE) en skuld tot…

kliënte van hoë netto waarde, pensioenfondse, trusts en dies meer, wat bogemiddelde, langtermynopbrengste verlang, kan gerus die Old Mutual African Frontiers Fund oorweeg. Dit het ’n 14,3% opbrengs in Amerikaanse dollar gedurende die afgelope jaar gehad. Die fonds, gevestig in Mei 2010, se geannualiseerde opbrengs in dollar sedert ontstaan is 3,2% en die drie jaar geannualiseerde opbrengs 3,9%. Die portefeulje van R3,6 miljard word bestuur deur Cavan Osborne, ’n bekroonde portefeuljebestuurder wat die afgelope 11 jaar vir Old Mutual Investment Group werk en voorheen vir 10 jaar by Suisse Standard Securities gewerk het. Hy word ondersteun deur ’n stewige span wat die vasteland deurkruis; veeltalig is (Arabies ingesluit); ’n diepliggende kennis van hulle omgewing het; verskeie siklusse deurleef het; en die groep se beleggingsfilosofie konsekwent toepas tot voordeel van sy…

Vir ’n minimum belegging van R150 000 het kliënte toegang tot ’n vyfjaarportefeulje van ’n mandjie van buitelandse kapitaalindekse met ’n gelyke gewigstoekenning, naamlik die S&P 500 en Euro Stoxx 50. as jy jou belegging wil diversifiseer om blootstelling aan buitelandse markte met ’n behoorlike veiligheidsnet en belastingdoeltreffendheid te verkry, is ’n goeie saak vir Liberty se Advanced Global Equity T1-portefeulje uit te maak. “Dis splinternuut, pas bekendgestel en deur die groep se ‘Evolve-beleggingsplan’ aangebied. Dit is ’n gestruktureerde portefeulje wat eenvoudig en heeltemal deursigtig is, en kliënte in staat stel om te sien wat hulle kry,” verduidelik Vimal Chagan, afdelingsdirekteur vir beleggingsproposisies by Liberty. Chagan, wat ’n jaar gelede by Liberty aangesluit het, se taak is om ’n funksionele bedryfsmodel vir beleggings binne die groep se kleinhandelsake te ontwikkel.…

die 12 ekwiteitsfondssektore wat hieronder genoem word, toon die toppresteerders in die vyf jaar tot Oktober 2018. Jou portefeulje sou beduidend oorpresteer het as jy aan hulle blootgestel was. Die keersy is natuurlik dat, as jy aan die spreekwoordelike onderpresteerders in elke sektor blootgestel was, jy enorme terugslae sou beleef het. Dit sal raadsaam wees om van hulle ontslae te raak. Bykomende wenke: ■ Spits jou toe op prestasie en moenie jou oor koste bekommer nie;■ Moenie ’n korttermynbenadering volg nie;■ Bestuurders wat hul sout werd is, sal tydperke van swak prestasie hê, maar dis wys om met die goeies te volhard;■ Stygende rentekoerse is gif vir die aandelemark;■ Moenie jou portefeulje oordiversifiseer nie;■ Sorg dat jou portefeulje internasionale fondse insluit. Die sektore is gekategoriseer volgens die gemiddelde geannualiseerde voorste…

die JSE is besig met ’n uitverkoping. Winskope is volop, maar niemand wil koop nie.” Dit was die klag van die hoofmakelaar van ’n groot firma. Wat nie ongewoon is in ’n beermark nie. Trouens, algemene moedeloosheid word deur sommige markkenners beskou as ’n simptoon van ’n beermark waar goeie waarde beskikbaar is. Vir instellings soos waardetrusts bied die JSE dus op die oomblik ’n vrugbare weiveld. Die belangrike vraag tans is hoeveel verder die mark kan daal en wanneer die beermark gaan eindig. Dit is onmoontlik om te voorspel, maar een ding wat seker is, is dat dit wel gaan eindig en dat ’n nuwe bulmark gaan aanbreek. Gelukkig toon die geskiedenis dat beermarkte meestal kort duur. As daar na van die ernstige beermarkte van die verlede gekyk word,…

Scapegoat@AndiMakinana Repokoers styg met 25 basispunte. Janee, geen Ramaforie vir ons nie. VeryBritishProblems@SoVeryBritish Spandeer die hele dag met die hoop dat die planne wat jy gister gemaak het stilletjies vergeet word deur almal wat betrokke is. Karin Richards@Richards_Karin Die meeste kleinhandelaars lyk net soos ek. Moontlik 8% tot 15% opwaartse potensiaal gedurende Kersfees, maar beslis onseker daarna. E-zrael Ani@EzraelAni Mans in pakke lyk baie suksesvol totdat jy uitvind dat hulle vir mans in slenterbroeke en T-hemde werk. Jingle Yaels@elle91 Ek is uiters mededingend maar nie baie goed met die meeste dinge nie, so ek is basies net al die tyd die joos in. Chester Missing, PIC@chestermissing Iewers is daar ’n skool sonder toilette wat uitwerk hoe om hulself soos ’n Swart Vrydag-winskoop te laat lyk, net sodat die media van…

die meeste van ons het ’n gunsteling-onderwyser gehad. Hulle het moontlik bykomende moeite gedoen om ingewikkelde konsepte te verduidelik, het jou onverdiende lof toegeswaai en erkenning gegee, of was gaaf en ondersteunend tydens ’n moeilike tyd. Dalk het hulle iets spesiaal in die jong jou raakgesien wat jy nog nie self ontdek het nie: hulle het meer van jou verwag as wat jou prestasie regverdig het. Nuwe navorsing toon dat ons dié onderwysers dankbaar moet wees. Drie Amerikaanse ekonome, in ’n referaat van die nasionale buro van ekonomiese navorsing (NBER) toon dat onderwysverwagtings saak maak om student se onderwysuitkomste te verklaar. Die gedagte dat onderwysers ’n sterk invloed op hul studente het, is natuurlik nie nuut nie. Die duidelike of subtiele boodskappe wat onderwysers aan studente gee oor hulle potensiaal…

Ek het meer as ’n jaar gelede van Coronation gehou toe dit ongeveer 6 000 sent per aandeel was. En noudat dit laer as 5 000 sent per aandeel is en met ’n dividend-opbrengs van meer as 9% hou ek nog meer daarvan. In sy resultate vir die jaar tot 30 September was sy wesensverdienste per aandeel (WVPA) en dividend 4% laer, terwyl bestuurde bates (BB) ook laer was. Uitvloeiings het waarskynlik tog afgeneem. Dit was ’n moeilike jaar vir die onderneming, maar die prys weerspieël veel moeiliker toestande en bied eintlik baie goeie waarde. Die dividend-opbrengs self is ’n goeie syfer om te verdien om die aandeel te besit, terwyl sy markkapitalisasie tot BB ook op ’n historiese laagtepunt is. Met ’n markkapitalisasie van ongeveer R17 miljard en BB…

tiger Brands is ’n vervaardiger van kos-, huishoudelike en persoonlikesorgprodukte. Sy sake strek oor Afrika en verder. Beleggers het Tiger Brands se aandeelprys gestraf toe ’n uitbraak van listeriose die firma gedwing het om baie van sy produkte terug te roep en vier fabrieke tydelik te sluit. Vooruitsig: Tiger Brands handhaaf sedert 2009 ’n bestendige bulkanaal. Die aandeelprys het in 2013 met 30% gedaal as regstelling binne sy kanaal toe beleggersentiment gedaal het weens negatiewe nuus oor sy bedrywighede in Nigerië. Hy het in 2012 ’n belang van 63,35% in Dangote Flour Mills Plc in Nigerië vir R1,5 miljard verkry, maar moes R850 miljoen teen 2014 afskryf. Nadat hy die belang in sy verliesmakende afdeling in Desember 2015 verkoop het, het beleggersentiment herstel – die aandeelprys het sy verliese herwin…

die jaar het op ’n hoë noot begin toe talle waarnemers hoog opgegee het oor die “nuwe daeraad” onder president Cyril Ramaphosa, nadat Jacob Zuma se growwe wanbestuur Suid-Afrika byna op sy knieë gehad het. Ongetwyfeld staar enorme uitdagings president Cyril Ramaphosa in die gesig. As hy nie met verskeie strukturele kwessies ’n radikale herposisionering bewerkstellig nie; die stryd teen korrupsie en politieke begunstiging versnel; en sy kabinet – wat die land R163 miljoen per jaar aan salarisse alleen kos – verder verklein nie, hou 2019 min verligting vir die land in. Onreëlmatige openbare besteding, byvoorbeeld, staan vanjaar op R51 miljard, ’n reuse-aanklag teen ministeriële toewyding en bevoegdheid. Ongelukkig word hopeloos te veel gepraat en te min gedoen. Die Internasionale Monetêre Fonds (IMF) was inderdaad korrek toe hy onlangs gewaarsku…

wanneer aandelemarkte teleurstellend presteer, moet mens onthou dividende kan waardevolle steun vir beleggingsopbrengste bied. Volhoubare dividende en hul toekomstige groei is belangrike faktore wanneer ’n aandeel oorweeg word, of wanneer daar in ’n aandeel belê word. Dit vorm ook die hooffokus van Prudential se strategie om die Prudential Dividend Maximiser Fund te bestuur. Om te weet of ’n maatskappy die vermoë het om dividende te genereer, en te verstaan of – en hoe – hy sy dividende in die toekoms sal uitbou, moet mens drie vername aanwysers sorgvuldig bekyk: huidige dividend, verdienstesyfers en boekwaarde. ■ ’n Maatskappy se kontantvloei genereer, en bepaal uiteindelik, sy dividende.■ Om te bepaal hoe, en of, verdienste in kontantvloei omskep word, is van deurslaggewende belang.■ Die bates en skuld op ’n maatskappy se balansstaat bepaal…

Die plan hier is om dan genoeg kontant te hê om van te lewe sodat jy nie aandele hoef te verkoop vir jou lewensuitgawes wanneer markte onder druk verkeer nie. Die ander belangrike kwessie is belasting; die weerhoubelastingkoers in Suid-Afrika is 20% en dis nogal baie. vir die oorgrote deel van ons beleggingslewe spits ons ons toe op kapitaalgroei. Ons wil hê ons belegging moet groei en vinniger as inflasie (ná koste) gedy sodat ons werklik welvaart vir onsself skep om in ons aftrede ’n bestaan te maak. En wanneer ons aftree, verskuif die fokus na die verdien van ’n inkomste uit dié beleggings. ’n Aftree-annuïteit (AA) of pensioenskema sal gebruik word om ’n annuïteit te koop wat ’n inkomste sal genereer, maar wat van jou eie selfdoenportefeulje? As jy…

elke maatskappy het “verborge talent” – mense wat potensieel sterk leiers is en die vermoë het om die organisasie te laat vorder. Maar hul potensiaal bly ongesiens. Hoewel die meeste maatskappye verstaan dat dit belangrik is om hul presteerders te behou en te beloon, is dit net so belangrik om toekomstige leiers in die organisasie te identifiseer wat dalk nie so sigbaar is nie. Daar is verskeie redes waarom werknemers met hoë potensiaal die kollig vermy. Volgens Robyn Aitken-Smith, strategiese ontwikkelaar van menslike vermoë en afrigter, kan dit ’n gebrek aan selfvertroue en vrees vir mislukking wees. Maar, sê sy, dis ook moontlik dat daar geen geleenthede vir groei en ontwikkeling is nie. Dit is gewoonlik die geval in kleinsake-ondernemings of organisasies met plat strukture. Dit kan ook ’n gebrek…

“EK WEET NIE OF DAAR ENIGE BEWEEG- RUIMTE IS OM NOG IETS TE DOEN NIE.” Evan Walker, portefeuljebestuurder by 36ONE Asset Management, oor die vooruitsigte vir Suid-Afrikaanse klerekleinhandelaars. Walker het met finweek-bydraer, Marcia Klein, gepraat en gesê: “Die sektorverdienste bereik al jare lank niks nie, nes die kleinhandelsindeks, en ek weet nie of dit oor die volgende vyf jaar hoegenaamd beter gaan wees nie.” Lees ons voorbladartikel oor meer oor beleggings in dié sektor op bladsy 35. “DIT IS NIE NODIG OM JAMES BOND, ’N SUPER INTELLIGENSIE-AGENT, TE WEES OM TE WEET DAT RUSLAND PLANNE VIR DIE HELE KUS HET NIE.” Die Oekraïnse minister van buitelandse sake, Pawlo Klimkin, in ’n artikel op ft.com nadat Russiese magte beslag gelê het op drie Oekraïnse vlootvaartuie en hul bemannings in die Swartsee…

“Indien slegs 1% van swaar voertuie brandstofselbatterye nodig sou hê, sal dit die vraag na platinum met 500 000 onse verhoog,” aandele in twee van Suid-Afrika se belangrikste platinumprodusente – Anglo American Platinum (Amplats) en Impala Platinum (Implats) – het oor die afgelope ses maande voortgestu. Ten tyde van die skryf hiervan (27 November), was Amplats se aandeel dié kalenderjaar 22% hoër, terwyl Implats se herstel, veral oor die afgelope ses maande, merkwaardig was. Nadat Implats se aandeel in die middel van die jaar ’n absolute laagtepunt bereik het, het sy waarde bykans verdubbel. Die rede? Die swakheid van die rand teenoor die dollar het die metaalprys wat die twee mynmaatskappye ontvang het, verbeter en – net so belangrik – daar was ’n toename in die verbruik van palladium en…

Die onderneming kon wel sy inkomste vir die ses maande tot 30 September met 5% tot R5,6 miljard te verhoog. Besorgdheid van beleggers is moontlik een van die hoofredes waarom Pretoria Portland Cement Ltd (PPC) se aandeelprys op die oomblik sukkel om te herstel. Die maatskappy se uitvoerende hoof, Johan Claassen, het onlangs sy vroeë aftrede bekend gemaak nadat hy die pos sedert Julie verlede jaar vul. Dit beteken ook dat die maatskappy sy vierde uitvoerende hoof in vier jaar moet vind. Claassen sal aanbly totdat ’n nuwe uitvoerende hoof gevind is. Die konstruksiebedryf verkeer die afgelope jare onder kwaai druk, wat gelei het tot ’n geleidelike afname in die vraag na sement. Saam met stygende bedryfskoste (insluitend brandstofstygings) doen die maatskappy sake in ’n uiters moeilike omgewing. Die onderneming…

Wanneer ons kyk na die FTSE/JSE se indeks van alle aandele, het net 18 van alle Desembers (of 36%) oor die afgelope 50 jaar negatief geëindig. dit is daardie onmiskenbare tyd van die jaar wat elke winkelkompleks ons met flikkerende ligte en versierings daaraan herinner dat Kersfees net om die draai is. En met al die oordrewe reklame oor die feestyd is dit moeilik om nie self meegesleur te word nie omdat dit, per slot van rekening, die meeste mense se gunstelingtyd van die jaar is. Mense is altyd op soek na redes waarom die mark styg of sak, maar baie van hulle laat die vakansiegees buite rekening. Wanneer ons kyk na die FTSE/JSE se indeks van alle aandele, het net 18 van alle Desembers (of 36%) oor die afgelope…

die wêreld se ekwiteitsmarkte was vir die grootste deel van vanjaar ’n diverse wipwaentjie, getref deur verskillende internasionale ontwikkelings, groot onsekerheid en beleggers se vrees om geld te verloor. Suid-Afrikaans gevestigde wêreldekwiteitsfondse het egter plaaslike ekwiteitsfondse beduidend uitpresteer, met die swakker rand wat hier belangrik was. Dit lyk asof dit in 2019 gaan voortduur. Opbrengs van wêreldfondse het in die afgelope 12 maande in randwaarde tussen 5% en 17% gewissel. Die topfondse het almal beter as die MSCI World Index gevaar. Dit is waar dat buitelandse fondse volgende jaar dalk nie so goed as voorheen sal vaar nie, maar die ander kant van die muntstuk is dat die meeste gehalte buitelandse fondse blootstelling het aan uitstekende fondse wêreldwyd, van wie die meeste met verloop van tyd uitstekend gevaar het. Baie…

Boetiekbestuurders bied ook ’n ratse benadering tot belegging, wat hulle in staat stel om betyds voordeel te trek uit markgeleenthede. gevestig 11 jaar gelede, is PPS Investments die beleggingsvleuel van die PPS-groep, Suid-Afrika se grootste multidissiplinêre vereniging van gegradueerde professionele kundiges. In vennootskap met drie van die land se mees vooraanstaande boetiekbatebestuurders, het PPS Investments pas ’n nuwe reeks van enkelbestuurderfondse, wat aan Regulasie 28 voldoen, gestig. Die nuwe fondse is die PPS Defensive Fund (bestuur deur Sasfin Wealth se Errol Shear), die PPS Stable Growth Fund (bestuur deur Tantalum Capital se medestigters, Rob Oellermann en Melanie Stockigt) en die PPS Managed Fund (bestuur deur 36ONE Asset Management se Cy Jacobs en Evan Walker). Hulle is natuurlik almal bekende mense in die bedryf. Die PPS Defensive Fund en die PPS…

’n Sleutelvraag in enige finansiële beplanning is: “Hoeveel moet ek spaar sodat ek ná aftrede my lewenspeil met gemak kan behou?” Om korrek en betyds daaraan aandag te gee, is van kardinale belang, want pensioentrekkers se behoeftes (’n gereelde inkomste wat verkieslik in ooreenstemming met inflasie met die verloop van tyd styg) en risiko’s (te min geld, dus waar jy te lank bly lewe) verskil van dié van ander beleggers. Daar is ook belangrike sielkundige aspekte wat oorweeg moet word. Baie afgetredenes sal dit moeilik vind om op ’n staatspensioen te lewe, weer te gaan werk of deur hul familie ondersteun te word. Investec Batebestuur het onlangs ’n dieptestudie gedoen oor hoe beleggers hul aftreevoorsiening moet benader. Een gevolgtrekking beklemtoon dat die regte vlak van aanvangsinkomste die sleutel is vir…

CAPITEC ’n Transaksie met potensiaal Capitec* het die bodoorlog gewen om Mercantile Bank vir R3,2 miljard te koop. Dis ’n klein transaksie teen minder as 2% van sy markkapitalisasie, maar dit kan mettertyd beduidend wees. Bankdienste vir klein en middelslagondernemings (KMO’s) sal nooit so groot of winsgewend as bankdienste vir die gewone publiek wees nie, maar dis ’n nis met geleenthede vir innovasie. Tog is die KMO-bankmark oorvol, met meer toetreders wat aanstaande jaar kom. Die transaksie is egter klein genoeg om nie Capitec se algehele winsgewendheid te bedreig nie. As dit werk, sal dit egter tot sy wins bydra. Ek hou baie van die transaksie, maar met die aandeelprys amper weer by die algehele hoogtepunt van Desember verlede jaar bly die aandeel duur. LONG4LIFE Dié strategie is verwarrend Long4Life*…

TFG, wat vroeër hoofsaaklik op vroueklere en juweliersware ingestel was, diversifiseer sy risiko en het by kategorieë soos sportdrag, selfone en tuisware betrokke geraak en in Brittanje en Australië gediversifiseer. “Ons probeer soveel moontlik diversifiseer en risiko verklein,” sê Anthony Thunström, uitvoerende hoof. Sowat tien tot 15 jaar gelede was 75% van die omset kredietverkope. “Ons het dit doelbewus tot 45% in Suid-Afrika en selfs minder op internasionale skaal verminder,” sê hy. “Ons het wegbeweeg van kernvrouedrag tot talle ander handelsmerke en kategorieë, waaronder sportdrag, selfone, tuisware en juweliersware, en die werklikheid is dat hulle selde tegelyk goed vaar.” TFG bou byvoorbeeld tans juweliersware uit en neem markaandeel oor. Hy sê TFG se Suid-Afrikaanse model gaan oor spesialiteitkleinhandel – “so ver moontlik weg van afdelingswinkels”. Sy buitelandse ondernemings is nishandelsmerke…