Innehållsförteckning för 24 October 2019 från Finweek - Afrikaans

ja, nè Ons vergeet so gou. En so maklik. Ons vergeet om pakke kerse te koop. Ons vergeet ons moet ons fone te alle tye gelaai hou, want, jy weet. . . Ons vergeet die verkeer kan geraak word. Ons vergeet om gereeld die bêre-knoppie op die rekenaarskerm te druk sodat ons nie werkverlooras die krag afgaan en die maatskappy se kragopwekker net effens te lank vat om in te skop nie. (Party ondernemings vergeet om hul kragopwekkers met diesel op te vul.) Wanneer als goed gaan, vergeet ons hoe broos Suid-Afrika se kragvoorsiening is. Dan, skielik, sowat twee weke voor Moody’s InvestorServices sy volgende oorsig oor Suid-Afrika se soewereine skuld moet gee, is die krag weer af. (Moody’s is die enigste graderingsagentskap wat Suid-Afrika se skuld nog op beleggingsgraad…

veiligheidskwessies in ’n deel van die Transnet-vragspoor naby Ermelo in Mpumalanga lyk of dit belangriker as die morele aspekte van die produsering van meer steenkool in die land kan wees. Nombasa Tengwa, hoofbestuurder vir steenkool van Exxaro Resources, het onlangs op ’n konferensie in Johannesburg gesê die Overvaal-tonnel moet dringend uitgebrei word – al is dit net omdat die projek die moontlike ineenstorting van die infrastruktuur sal verhoed. Die hoofrede vir die uitbreiding van die Overvaal-tonnel van een na twee spore was tot onlangs toe om die steenkoolspoorvervoer na Richardsbaai, sowat 850 kilometer verder in KwaZulu-Natal, te vergroot. Sodoende sal meer steenkoolmynmaatskappye in swart besit toegang tot die steenkooluitvoermark hê deur die Fase Vyf-uitbreiding van die Richardsbaaise steenkoolterminaal, die uitvoergerief waarvan die eienaarskap grootliks tussen groot maatskappye soos Glencore, South32…

sedert die laagtepunt van 890 sent per aandeel in 2002 het Pick n Pay in Augustus 2016 ’n ongeëwenaarde hoogtepunt van 8 425 sent per aandeel getoets. Dit is nadat sy omkeerstrategie ná die aanstelling van Richard Brasher in 2013 sukses begin behaal het. Vooruitsigte: Ondanks die versnelling in sydoeltreffendheidsplanne verlede jaar was die handelsomgewing in Suid-Afrika taai en was die mededinging om laer pryse aan te bied om kliënte te lok, moeilik. Beleggers vertoon tans ’n gedempte sentiment, aangesien Pick n Pay se aandeelprys steeds binne sy primêre bultendens konsolideer, maar met ’n sterk bulneiging. Pick n Pay se resultate verskyn op 22 Oktober, nadat hierdie uitgawe van finweek afgehandel is. Die grafieke: Pick n Pay het deurdie onderste helling van sy konsoliderende driehoek, wat binne sy primêre bultendens…

Mondi Plc se aandeelprys het tot sy laagste vlak in bykans drie jaar gedaal – tot 27 498 sent per aandeel – nadat ’n handelsverklaring virdie derde kwartaal, wat in Oktober openbaar gemaak is, ’n daling van 18% in sy verdienste virdie drie maande tot Septemberaangedui het. Die papier-en-verpakkingsgroep het gesê dit was weens laergemiddelde pryse en ’n laervraag na sy produkte, wat waarskynlik na die vierde kwartaal sal oorloop. Die aandeelprys het daarna op dieselfde dag by sakesluiting ietwat herstel – en het ’n hoogtepunt van 29 180 sent per aandeel getoets. Mondi se aandeelprys neig egterafwaarts sedert dit in Mei 2018 ’n absolute hoogtepunt van 42 565 sent getoets het. Dié tendens is ontketen deur planne om sy struktuur van dubbelnotering te beëindig. Teen die einde van Julie…

finweek publiseer Kollektiewe Insig kwartaalliks namens die Suid-Afrikaanse beleggingsgemeenskap. Die menings wat hierin uitgespreek word, is nie noodwendig dié van die uitgewer nie. Alle regte word voorbehou. Geen deel van dié publikasie mag gekopieer of uitgesaai word sonder die vooraftoestemming van die uitgewer nie. SAMEROEPER Anne Cabot-Alletzhauser Hoof van die Alexander Forbes-navorsingsinstituut REDAKSIONELE ADVIESKOMITEE Kelly de Kock Bedryfshoof te Old Mutual Wealth Trust Company Lindelwa Farisani Hoof van ekwiteitsverkope: Suid-Afrika te UBS Investment Bank Delphine Govender Beleggingshoof te Perpetua Investment Managers Craig Gradidge Uitvoerende direkteur van Gradidge Mahura Investments David Kop Uitvoerende direkteur van die Financial Planning Institute of Southern Africa Monika Kraushaar Beleggingsadviseur te Riscura Nerina Visser ETF-strateeg en -adviseur Muitheri Wahome Kenner in die finansiëledienstesektor…

jare gelede het ek ’n aardige som geld verloor op ’n vooraanstaande Europese maatskappy wat deel was van ’n mandjie aandele wat bymekaargesit is deur ’n finansiële bestuurder (vir wie se dienste ek duur betaal het). Toe speel die AAA-gegradeerde maatskappy – 10% van my portefeulje – oornag bankrot. Nooit weer nie, het ek gesê. Dit was in 1999. Só het my twee dekade lange ondersoek begin na hoe ektegnologie kon gebruik om my beleggings ’n voorsprong te gee, wat groei énkapitaal bewaring betref. My gedagte was om statistieke op aandeelprysreekse (en fundamentele faktore) toe te pas, ten einde voorspelbare patrone bloot te lê. Ek het kragte saamgesnoer met ’n wetenskaplike in Cincinnati en ’n programmeerder in Singapoer (wat ek aanlyn ontmoet het) en ons het aan die werk gespring.…

ondernemings oor die hele spektrum, van sosiale media en vermaak tot die bankwese en beleggings, is bewus van die voordele van die gebruik van grootdata. Vordering in intelligente tegnologieë het nou daartoe gelei dat instrumente virdatakeuring (kwantitatiewe ontleding) ’n vastrapplek in die beleggingsbestuursbedryf gekry het. As daar gesoek word na goeie maatskappye om in te belê, is inligting en tydsberekening baie belangrik. Wat nodig is, is dat groot hoeveelhede inligting uit verskillende bronne baie vinnig verwerk moet word. In ’n kwantitatiewe benadering word daargebruikgemaakvan wiskundige en statistiese modellering. Dié stelsels kan enorme hoeveelhede data blitsig versamel om goeie beleggingsidees te help identifiseeren portefeuljerisiko’s te beoordeel. Meer as 16 miljoen afsonderlike stukke inligting word gebruikom ’n portefeulje saam te stel uit die sowat 4 000 aandele wat oral ter wêreld genoteer…

masjienleer (ML) is die grys area waar rekenaarwetenskap en statistiek byeenkom. Is dit ’n nuwe realiteit vir beleggers of eenvoudig oordrewe reklame wat in ’n nuwe “KI-winter” gaan verdwyn? My ou praktiese reël om substansie van bemarking te skei, was eenvoudig: indien dit hoofsaaklik in Python geskryf is, het dit moontlik substansie. As dit hoofsaaklik in PowerPoint geskryf is, is dit waarskynlik “kunsmatige intelligensie”, dit wil sê, ’n bemarkingsfoefie. Nadat ektoegegee het dat dit nie ’n robuuste benadering is nie en nadat ek tyd bestee het om my self opnuut op te voed (deur skouer aan die wiel te sit en die modelle van meet af aan te bou), het ek stadig ontwikkel van ’n volslae sinikus tot ’n skeptiese entoesias. Ek moet benadruk dat daar geen plaasvervanger is virtyd…

“Die handelsoorlog se uitwerking op Top 40-aandele is uit die oogpunt van fondse en markpryswisselvalligheid potensieel beduidend,” sê Kwaku Koranteng, hoof vir institusionele sake van Absa Multi Management. Suid-Afrika is ’n belangrike hulpbronuitvoerder, en China se ekonomie groei maak saak, sê hy. Dié land se ekonomiese groei het in die tweede kwartaal van vanjaar tot 6,2% geannualiseerd verlangsaam. Dis die laagste groeikoers in meer as 27 jaar, volgens die Hongkongse koerant South China Morning Post. Suid-Afrikaanse goedere ter waarde van R92,1 miljard, of 10,8% van alle uitvoer, het in die eerste agt maande van vanjaar na China gegaan, volgens handelstatistieke van die Suid-Afrikaanse Inkomstediens. Daarteenoor is Chinese goedere ter waarde van R155,5 miljard, of 18,3% van alle invoer, na Suid-Afrika versend. Suid-Afrika het verlede jaar R113,3 miljard se goedere na…

Geluk aan Reitumetse Makutoane, wat ’n boekprys in ons onlangse kompetisie gewen het! ’n Gelukkige leser kan ’n eksemplaar wen van Betting on a darkie: Lifting the corporate game deur Mteto Nyati, uitvoerende hoof van Altron. Skryf in deur hierdie vasvrawedstryd op fin24.com/finweek in te vul, wat van 21 Oktober beskikbaar is. 1. Waar of Onwaar? Die Pietermaritzburgse Hooggeregshof het voormalige president Jacob Zuma se aansoek om die ten uitvoerlegging van ’n vonnis in sy korrupsiesaak permanent op te skort, van die hand gewys. 2. Watter sake-eenheid is Suid-Afrika se wapenvervaardiger, Denel, besig om te likwideer as deel van ’n langtermynstrategie om tot winsgewendheid terug te keer? 3. Mastercard, PayPal, Visa en eBay het hulle onlangs aan Facebook se kriptogeldprojek onttrek. Wat is die naam van die geldeenheid? 4. Watter…

banke se kernfunksies het die afgelope amper vyf eeue min verander. Hul primêre rol as finansiële tussengangers tussen ’n spaarder wat geld deponeer en ’n lener wat ’n lening ontvang, is nog dieselfde. Dié ruilgerief verlaag transaksiekoste en maak dit vir banke moontlik om “geld te skep” deur meer uit te leen as wat hulle as deposito’s het. Dit gee banke ’n sleutelrol in kapitaalvorming, wat noodsaaklik is vir ekonomiese ontwikkeling. Tegnologie verander egter banke se rol en die geld wat hulle kan bestuur. Al wat byvoorbeeld nodig is om ’n bankrekening byTymebank oop te maak, is ’n identiteitsdokument en ’n selfoonnommer. Tymebank se kitsbanke is in Pick n Pay-winkels en bied al die nodige dienste. Duur banktakke en -werknemers is nie nodig nie, wat die maandelikse koste op nul…

Anglo American sê hy beplan nie om hom van die Wêreldsteenkoolvereniging (WCA0), waarvan hy ’n lid is, te distansieer nie. “As Anglo het ons ’n bewustelike besluit geneem dat dit waarskynlik in ons belang is om in die WCA te bly sodat ons sowel beleid as debat kan vorm oor wat die regte oorgang na die toekoms is,” sê July Ndlovu, uitvoerende hoof van Anglo Coal. Die Church of England Pensions Board, wat aktief druk uitoefen vir veiliger mynboupraktyke en aggressiewer aanvaarding van klimaatsbeheermaatstawwe deur die sektor, het BHP vroeër vandeesmaand versoek om hom te distansieer van drukgroepe wat nie beperkings weens internasionale klimaatsverandering voorstaan nie. Die saak sal op sy algemene jaarvergadering bespreek word. Ndlovu se opmerkings sluit aan by Anglo American se beleid van April af in reaksie…

finweek het vanjaar al oor die gesondheid van Suid-Afrika se sektor vir platinumgroepmetale uitgewei. Luidens ’n verslag deur Johann Steyn van Citi lewer geen maatskappye in die plaaslike sektor negatiewe kontantvloei op nie. Daarteenoor was 60% van die sektor in 2017 verliesgewend. RBC Capital Markets het begin Oktober in ’n verslag gesê die verbetering by Anglo American Platinum (Amplats), asook Kumba Iron Ore het dit vir Anglo American heeltemal onnodig gemaak om “die Suid-Afrikaanse afslag” aan te pak. In die verlede is gemeen dat die mark Anglo vir sy blootstelling aan die bedryf-, arbeid-en politieke risiko van sy Suid-Afrikaanse myne straf. Deur die jare is daar gevra of dit vir Anglo beter sal wees om dié bates in ’n afsonderlike notering af te skei, of om hulle eenvoudig te verkoop,…

beleggingsbeheermaat-skappy PSG Group is werksaam in ’n verskeidenheid bedrywe, soos finansiële dienste, landbou en onderwys. Sy vyf grootste belange is Capitec, PSG Konsult, Curro, Zederen PSG Private Equity. Teen 2016 het PSG teen ’n buitengewone saamgestelde jaarlikse groeikoers – insluitende herbelegging van dividende – van 50% per jaar gegroei. In Desember 2017 het PSG ’n hoogtepunt van 29 730 sent per aandeel behaal. Die aandeelprys is egterookvroeg verlede jaar getref deur die kortverkoper Viceroy se verslag oorCapitec en het met byna 45% gedaal. Vooruitsig: PSG se aandeelprys het sy verliese probeer herwin nadat die stof ná die Capitecgerugte gaan lê het. Die laer piek van 27 690 sent dui egter op ’n verandering in die beleggersentiment, wat die huidige afwaartse potensiaal van die aandeelprys tot gevolg gehad het, hoewel Capitec…

noudat markte wankelrig lyk en portefeuljes onder druk verkeer, is dit ’n goeie idee om na die grondbeginsels terug te keer. Dit is hoekom ek weer in my voorkeurlys-boeke vir beleggers en handelaars wil rondblaai. ’n Goeie boek kan herbevestig wat ons in die markte probeer doen. Dus: om ’n plan te hê en nie paniekerig te word nie. Die eerste boek op my lys is One Up on Wall Street deur Peter Lynch. Dis aanvanklik in die 1980’s uitgegee, maar is vandag so tersaaklik as ooit. Lynch skryf op ’n maklik verstaanbare manier. Hy dek verskillende metodes om wenaandele uit te soek, praktiese metodes wat mens maklik kan toepas wanneer jy belê. Die tweede boek op my lys is Effective Investor deur Franco Busetti. Dit is moeiliker leesstof as…

kunsmatige intelligensie (KI) het wêreldwyd ’n groot invloed op die manier waarop sakeondernemings, markte en verbruikers doeltreffendheid en innovasie definieer. Finansiële markte word deurgroot volumes raserige en dinamiese data gekenmerk waarvoor ingewikkelde kwantitatiewe modelle ingespan word. Dit maak finansiële markte dus ’n uiters geskikte plek om KI toe te pas. Heel eenvoudig gestel: KI verwys na intelligensie wat by masjiene ingeskakel word om die natuurlike intelligensie waaroor mensewesens beskik, na te boots. Die gesamentlike ontwikkeling van kragtige rekenaarverwerking, ’n verbeterde vermoë om data te genereer en te stoor, tesame met die groter toeganklikheid van bekostigbare rekenaarverwerking, het meegebring dat KI toenemend in finansies en beleggings gebruik word. Die International Data Corporation verwag dat die wêreldwye investering in groot data tot $203 miljard in 2020 sal toeneem, teenoor die $130,1 miljard…

die eerste beursverhandelde fondse (ETF’s) wat heeltemal deur kunsmatige intelligensie aangedryf word en daagliks verhandel word, is in 2017 ingestel. Party mense beskou dit as die begin van ’n oorgang na ’n nuwe beleggingsbenadering van outonomeleer-beleggingstrategieë (ALIS). Wat dié beleggingsprosesse nuut maak, is dat die tegnologie heeltyd leer en aanpas op grond van die inligting en geweldige datastelle waartoe die algoritmes toegang het en waarop hulle hul beleggingsbesluite en probleemoplossings grond – alles sonder enige menslike insette. Soos op anderterreine van kunsmatige intelligensie veroorsaakdit die spookbeeld van enkelvoudigheid – die veelbesproke toekomstige staat wanneer rekenaars dalk superintelligensie sal hê wat ons s’n oortref en wat – soos baie vrees – mense dalk uitgediend sal maak. Maar is die Rubicon van kunsmatige intelligensie werklik al oorgesteek, of is dit net ’n…

die finansiëledienste-bedryf wonder dalk oor wat voorlê ten opsigte van voldoening en risiko namate regulatoriese tegnologie, oftewel RegTech, onweerlegbaar vir almal ’n faktor word. Voldoeningsprogramme was vroeër grootliks nie voorbereid op die risiko’s wat met tegnologiese verandering gepaardgaan nie. Namate reëls al hoe meer gereeld voorkom en ingewikkelder word en die digitale era finansiële dienste wêreldwyd verder vorm, is die noodsaaklikheid van volhoubare voldoening egter duidelik. Sedert 2014 is minstens 50 000 nuwe regulasies in die G20 ingestel, en verskeie opnames toon dat tegnologie ’n noodsaaklike deel van enige toekomstige voldoening sal wees. Volgens Citi Group is 9 000 mense globaal tussen 2014 en verlede jaar in voldoening-en beheerposte aangestel, terwyl maatskappye se voldoeningsbesteding volgens die Nasdaq tussen 2014 en 2017 met 56% gestyg het. Luidens Thompson Reuters seCost of…

ek het onlangs na werk by die huis gekom en my oudste dogter in trane gevind. Sy het ’n enorme universiteitsopdrag gehad om te voltooi, maar het gevrees dat sy dit nie betyds sou kon afhandel nie. Ons het dit almal al tevore beleef: Hetsy dit ’n opdrag of ’n groot sport-byeenkoms was, of om vir jou aftrede te beplan, ons besef die angs wat met ’n knap spertyd gepaard gaan. My advies aan my dogterwas om die opdrag in kleinerdele te verdeel en om elke afdeling klaarte maak alvorens sy die volgende afdeling aanpak, in plaas van om haar op die hele opdrag toe te spits. Dieselfde beginsel is van toepassing op jou persoonlike welvaart. Die finansiële aspek van ons lewens in hul geheel, kan so enorm wees dat…

beleggers word gereeld gewaarsku dat hoë koste nadelig kan wees vir enige beleggingsprestasie. Daar is koste verbonde aan enige belegging, maar vra jouself af of hoër beleggingsbestuurskoste regtig ’n aanduiding is van beter bestuursvaardigheid en -prestasie. Baie finansiëlediensteverskaffers gebruik die volgende verduideliking om die koste van hul produkte te regverdig – jy kry waarvoor jy betaal in terme van die vaardigheid en kennis wat nodig is om beleggings namens jou te bestuur. Maar gepubliseerde syfers oor fondsprestasie vir aandelefondse in Suid-Afrika toon dat daar nie altyd ’n duidelike verband tussen koste en prestasie is nie. Watter vlak van koste is dus redelik in ruil vir ’n sterk handelsmerk? En hoeveel is net eenvoudig te veel om te betaal? “Deel van die probleem as ons hierdie vrae wil beantwoord, is dat…

“OF HULLE NOU BINNE OF BUITE DIE LAND IS – ONS SAL HULLE OPVOLG.” – President Cyril Ramaphosa het in syopeningstoespraak by The Financial Times se Afrika-konferensie in Londen gesê hy is vol vertroue dat die nasionale vervolgingsgesag die mense sal aankeerwat aan staatskaping aandadig is, berig fin24. Die koste daarvan word op R500 miljard geraam (een van verskeie ramings). Hy het gesê die regering werk deur sy agentskappe, soos die vervolging-en misdaadintelligensieagentskap, daaraan om diegene aan te keer wat aan korrupsie aandadig is. Intussen het die Amerikaanse tesourie sanksies teen dieGupta-familieen hul medewerkerSalim Essa aangekondig weens hul beweerde rol in staatskaping, en hulle bestempel as “lede van ’n beduidende korrupsienetwerk in Suid-Afrika wat oorbetalings vir regeringskontrakte, omkopery en ander korrupte dade gebruik het om politieke bydraes te finansieren regeringsoptrede…

Lead Specialist: Lifestyle Protector at Liberty Group At the age of 25 most of us live a simple financial life. Getting into debt probably means owing your friend a pizza when you get paid at the end of the month. However, as you progress through life, your debts become more complex and change into monthly bond and car repayments. Your financial life becomes more exciting and diverse as your responsibilities increase. You might start a family, buy a bigger property or even manage a side-business to support the ever-increasing financial demands life throws at us. According to the South African Reserve Bank, workers’ pay increases do not keep up with inflation. In the first quarter of 2019, employees in the private sector on average received an increase of 1% while…

Grindrod Shipping, wat verlede jaar in Junie uit Grindrod afgeskei is, is ’n suiwer verskepingsbelegging en as sodanig is dit hoogs spekulatief. As bedryf maak verskeping in werklikheid selde ’n wins, maar elke nou en dan bevind die bedryf hom in so ’n taai posisie dat diegene wat bly staan het, sien hoe die wins invloei. Huurkoerse het onder druk verkeer, en die sluiting van die Valeuitvoer vanaf Brasilië het die situasie vererger. Dit het daartoe gelei dat skepe gesloop is en die huidige bestelboek vir nuwe tenkskepe is die laagste in 20 jaar, wat hulle ondoeltreffend en duur maak om te bedryf. Nuwe besoedelingsregulasies laat ooktalle tenkskepe aan sirkulasie onttrek word, terwyl hulle opgeknap word om aan die regulasies te voldoen. Grindrod Shipping het ’n stewige balansstaat, ’n betreklik…

ek erken dit. Ek hou van wetenskapsfiksieflieks. Aanvanklik was ek bekommerd om betrokke te raak het by ’n publikasie oor tegnologie, kunsmatige intelligensie (KI) en masjienleer. Ek het al die flieks gesien en ek weet wat gebeur as tegnologie vir hulself begin dink. Die mens word een van twee dinge: óf ’n vryheidsvegter óf ’n battery vir die masjiene. Toe ek die verskillende artikels wat voorgelê is, begin lees het en verdere navorsing gedoen het, het die vrees begin taan. Dis duidelik dat tegnologiese vooruitgang onvermydelik is. En eintlik word die beste resulte bereik wanneer die mens en die masjien saamwerk (tans in elk geval). Kennis doen baie om vrees uit die weg te ruim. Die doel van hierdie uitgawe is om idees te deel oor tegnologie en hoe dit…

ek is gefassineer deur selfbestuurmotors. Selfs ietwat bevrees. Daardie video van die kêrel wat vas aan die slaap agter die stuur van syTesla sit, terwyl die motor teen ’n angswekkende spoed die pad af jaag, is genoeg om jou na jou asem te laat snak en te sê: “Hoe dom is dit!” En dan, kort daarna wanneer die feite insink. . . “Hoe wonderlik!” Indien die video gegaan het oor ’n ou wat vas aan die slaap is in die passasiersitplek van ’n taxi, sal dit jou nie pla nie. Hy is ook besig om van ’n “selfbestuurmotor” gebruik te maak, nie waar nie? Ons het daaraan gewoond geraakom ons lewens toe te vertrou aan vreemdelinge omdat hulle mense is – en weet wat hulle doen. Nie net om ons…

Peter Sondergaard van Gartner Inc. het eenkeer gesê: “Inligting is die olie van die 21ste eeu, en ontleding is die binnebrandenjin.” Bedryfsleiers belê in data-wetenskaplikes, data-argitekte en -ingenieurs, asook data-bestuurspesialiste om saam datamere te ontwerp en te bou. ’n Datameer bestaan uit inligting wat intern in ’n databasis beskikbaar is (gestruktureerde data), asook ongestruktureerde data (derdeparty-inligting wat hul kennis van kliënte se behoeftes en gedrag verryk). Die spesialisdataspan ontgin die data en verseker die egtheid van die data, en dat daar aan alle regs-en regulatoriese vereistes voldoen word. Om masjienleergereed te wees, moet maatskappye gestruktureerde en ongestruktureerde data van hoë gehalte hê wat van prysdata tot nuussentiment, asook sosiale media en selfoonverskafferdata wissel. Dit kan moeilik wees om dié soort data te kry – van die hantering van onvolledige of…

ek het onlangs ’n konferensie bygewoon waareen van die besprekingspunte die ontwrigting in die finansieringswêreld was wat veroorsaakword deur nuwe deurbrake in kunsmatige intelligensie. Een van die paneellede het gesê sy is bekommerd oor die invloed wat Amazon se bekende/berugte virtuele assistent, Alexa, dalk op haar kinders kan hê. Sy het gewonder of ons enigsins kan weet met watter motiewe en morele waardes “sy” geprogrammeer is. Kan ons seker wees dat die stembeheerde toestel wat op ons kombuistoonbank sit, ons beste belange op die hart het? Alexa is ’n voorbeeld van natuurliketaalverwerking, wat een vorm van kunsmatige intelligensie, oftewel KI, is. Hoewel die presiese definisie van KI nog nie deur kundiges vasgestel is nie, behels dit gewoonlik die gebruikvan selfleerstelsels om grootdata te ontgin, patrone te herken en natuurlike taal…

TISO BLACKSTAR Sukkel met invoerbelasting Die handelsoorlog het nou ’n direkte invloed op plaaslike, genoteerde belegging, metTiso Blackstar* wat Robor Proprietary in vrywillige likwidasie geplaas het. Robor is betrokke in staal. Ek het nie eers geweetTiso besit so ’n bate nie, maar een van die redes vir die likwidasie is “die instelling van invoerbelasting op ingevoerde staal deur die Verenigde State van Amerika”. Verkope in Amerika was ’n winsgewende besigheid vir hulle, maar is nie meer nie. AFRICA MEDIA ENTERTAINMENT Internet maak ook radio seer Africa Media Entertainment het aangekondig dat Classic FM, wat hy besit, in sakeredding geplaas is. Die stasie sal op die lug bly en waarskynlik geherstruktureer word en oorleef. Maardit is ’n aanduiding van hoe moeilikdie ekonomie is. Die radiowese is teoreties ’n goeie besigheid; as…

aandeelbeleggings klop gewoonlik inflasie. Maar hulle het stoom verlooren baie kleinbeleggers en pensioentrekkers hou hulle nou teësinnig in hul portefeuljes. Plaaslike en internasionale markkragte het baie van Suid-Afrika se grootste en likiedste – of dié met gesonde daaglikse verhandelingsvolumes – aandele vuisvoos gemoker. Die FTSE/JSE seTop40-indeks, ’n plaaslike maatstafindeks geweeg deur maatskappye se kapitalisasiegewig, het die afgelope vyf jaar kapitaalgroei van 3% per jaar en ’n algehele opbrengs van net meer as 5% opgelewer. Intussen het verbruikerspryse in dieselfde tydperk met 5,9% per jaar gestyg, en beleggers in die Top40-indeks het gevolglik swakker as inflasie gevaar, selfs wanneer dividende ingereken word. Effekte, of genoteerde skuld deur regerings en maatskappye, het die afgelope vyf jaar jaarliks 8,16% opgelewer, volgens Bloomberg-data. Benewens die grootste aandele se flou vertoning van die afgelope vyf…

ons leef in vinnige werksomgewing waar mense maklik geïsoleerd raak. Maar ’n ander gevaar van “altyd besig” wees, is dat kollegas nie nuwe idees met mekaar bespreek nie, omdat almal besig is. Wat gebeur as kreatiewe idees – dikwels die dryfkrag agter ondernemingsgroei – verdwyn? En hoe verander jy so ’n situasie? Wat kniehalter kreatiwiteit? ’n Onlangse artikel in Huffington Post oor welstand waarsku dat “perfeksionisme en vrees vir mislukking dikwels hand aan hand gaan, en hulle keer dat jy nie ’n kreatiewe projek heelhartig uitvoer of dit in die eerste plek aanpak nie.” Die vrees vir mislukking is nie die enigste ding wat kreatiwiteit versmoor nie – om te pessimisties, of te optimisties, te wees, kan ook tot kreatiewe droogte lei. Rohit Desai, uitvoerende hoof van Awesome ConfidenceCoaching en…

GSElevator @GSElevator #1: Openbare optrede is maklik. Verbeel jou net almal in die gehoor staar na hul selfone. Erik Voorhees @ErikVoorhees Die meeste mense dink die Amerikaanse dollar is al ’n paar honderd jaar op die toneel. In werklikheid is dit net sedert 1971 met ons. Voor dit het die term “US dollar” op ’n spesifieke gewig in goud gedui. Die fiat dollar is bloot ’n middeljarige betaalmiddel met hoë cholesterol. Johann Biermann @JohannBiermann1 Ek dra dié wedstryd graag op aan alle Suid-Afrikaners wat na Kanada geëmigreer het. #RSAvCAN Sentletse @Sentletse Mense wat suksesvolle ondernemings opgebou het danksy invloedryke kennisse en twyfelagtige tenders, moet ophou om vir ons te preek oor hard werk. Laat ons mekaar net respekteer. The Dad @thedad My vrou voer iets soos 20% van ’n gesprek…