Innehållsförteckning för 4/2/2020 från Finweek - Afrikaans

teen die tyd wat jy hier lees, sal Suid-Afrika ingeperk wees. President Cyril Ramaphosa se aankondiging die aand van 23 Maart was weliswaar te wagte, maar het nogtans onwerklik gevoel. Ons het gesien hoe meer as ’n honderd lande met die pandemie worstel en skielikwas ons in dieselfde bootjie. Terwyl ek hier skryf, het Al Jazeera berig dat meer as 18 000 mense wêreldwyd al aan Covid-19 beswyk het; bevestiging is ontvang van meer as 420 000 besmettings in minstens 170 lande en gebiede. Nagenoeg 109 000 mense het herstel. Dié virus diskrimineer nie. Om dit af te maak of te stigmatiseer stel ’n land in gevaar – ongeag wat sommige wêreldleiers vir hul mense sê. Die enigste manier om dit te beveg, is om saam te werk. Gelukkig het…

“ONS GRONDLIGGENDE TAAK IS NOU OM DIE VERSPREIDING VAN DIE VIRUS TE BEPERK.” – President Cyril Ramaphosa het aangekondig die Suid-Afrikaanse regering stel vanaf middernag op 26 Maart ’n landwye inperking vir 21 dae in om die uitbreking van die Covid-19-virus in die land te probeer beheer. Die inperking dwing die meeste sakeondernemings om te sluit, behalwe noodsaaklike dienste in veiligheid en sekuriteit, voedsel en verspreiding, telekommunikasie en elektrisiteit. Met sy toespraak op 23 Maart het die land se gesondheidsdepartement reeds 402 bevestigde gevalle aangemeld. Ramaphosa sê die doel van die inperking is om die virus stadiger te laat versprei en druk op die gesondheidstelsel te verlig. Hy het ’n beroep op Suid-Afrikaners gedoen om in dié tydperk tuis te bly. “Dit, hoop ons, sal kontantvloeiprobleme weens die uitbreking van…

die gesondheids-en aptekerskettinggroep, Clicks, is besig om die opskudding in die mark te deurstaan, terwyl sy produkte flink verkoop. Die aandeel het oor die afgelope 12 maande met meer as 32% gestyg en sedert die begin van die jaar net met 3,8% teruggesak. Clicks reik sy tussentydse resultate op of om en by 23 April uit. Huidige vooruitsig: Clicks het gekonsolideer in die vorm van ’n driehoek een jaar nadat hy ’n hoogtepunt van 22220c per aandeel getoets het. Hy het toe verlede jaar in Mei deur die boonste helling van die driehoek gebreek en het die teiken van die patroonuitbreking op 26250c per aandeel oortref – dit het ’n absolute hoogtepunt van 27115c bereik alvorens dit afgeplat het. Vooruitsig: Soos die meeste ontleders bevestig, is Clicks ’n goeie defensiewe…

DISCOVERY Prys ly weens gesondheidsake, hoof se verkoopopsies Discovery* se aandeelprys ondervind kwaai druk en het amper twee keer soveel as die algehele mark geval. Die een rede is beleggerskommer oor sy blootstelling aan mediese fondse en Vitality. Kommer oor die mediesefondseenheid kan verwag word te midde van die koronavirus-pandemie. Kommer oor Vitality hou verband met verwagtinge dat mense tuis sal bly, minder sal oefen, en dalk hul lidmaatskap sal staak. Nog ’n belangrike kwessie is egter ter sprake. Adrian Gore, uitvoerende hoof van Discovery, het in Oktober ’n nulkostespelingverskansing aangegaan. Dit behels ’n tweeledige transaksie, met die een deel ’n reeks verkoopopsies op Discovery se aandeelprys. Die trefprys op die verkoopopsies is 8 316c per aandeel en 9 396c, met 4,3 miljoen aandele teen elke prys. Die vervaldatum is…

Daar kan 500 000 werksverliese wees, met klein en middelslagondernemings wat die swaarste geraak word. Suid-Afrika se ekonomie sal vanjaar skerp inkrimp deurdat die uitwerking van die drastiese wêreldwye maatreëls om die verspreiding van Covid-19 te beperk die hele wêreld in ’n resessie dompel en die gevaar van ’n depressie vergroot – wat ’n ernstige ekonomiese afswaai is wat jare lank kan voortduur. Die besluit om die hele land vanaf 26 Maart in afsondering vir drie weke te plaas, is geneem om ’n humanitêre ramp te voorkom wat ver buite die bereik van die land se gesondheidsektor is – wat sleg toegerus is om dit te hanteer as die siekte na arm, digbevolkte gebiede versprei waar mense die kwesbaarste is. Afsondering word reeds toegepas in al die land se grootste…

in die verlede het die verskansingsfondse verskillende soorte storms – soos die koronavirus wat finansiële markte nou oor die hele planeet omverwerp – beter weerstaan as wat tradisionele effektetrusts dit gedoen het. Maar’n onreëlmatigheid in dieSuid-Afrikaanse finansiële reguleringstelsel verhoed dat tradisionele effektetrusts – te midde van ’n afname in batepryse – hul posisies teen ernstige verliese beskerm deur die koop van eenhede in verskansingsfondse. Wat die situasie nog vreemder maak, is dat uittreefondse wel toegelaat word om in verskansingsfondse te belê – tot ’n maksimum van 5% in ’n enkele fonds of ’n maksimum toewysing van 10% in die bateklas – en kleinhandelbeleggers kan ook hul geld direk in hierdie fondse plaas. Dit maak net nie sin nie. “ ’n Tradisionele langtermyn-effektetrust mag nie in ’n verskansingsfonds belê nie,” sê…

al minder mense volg die tradisionele roeteom ’n permanente werknemer by net een maatskappy te wees en werk onafhanklik van die tradisionele werknemer-werkgewer-verhouding. Die indiensnemingslandskap sluit al hoe meer vryskutwerkers, onafhanklike kontrakteurs, persoonlike diensverskaffers en deeltydse werkers in wat ’n hele reeks ingewikkelde belastingreëls behels, wat die lewe nogal moeilik kan maakas dit nie korrek toegepas word nie. In wese behoort werkgewers belasting (LBS) van hul werknemers af te trek, maar waar’n persoon “onafhanklik” werk, word sy inkomste nie as vergoeding beskou nie en is dit nie aan LBS onderworpe nie. Elle-Sarah Rossato, hoof van dispuutoplossing en belastinggeskille by PwC, sê die konsep van onafhanklike handel is ingewikkeld en kan maklik misverstaan word. “Die basiese beginsel is dat om as onafhanklik in aanmerking te kom, moet die persoon onafhanklik wees…

daar bestaan min twyfel dat die wêreld op pad is na ’n resessie weens die koronavirus. Ons is ryk omdat ons interafhanklike lewens lei en spesialiseer in die dinge wat ons die beste doen en omdat ons ons oorskotte wegverhandel. Wanneerdaardie handel beperkword en ons nie die dinge kan koop wat ons nie self produseer nie, keer ons terug na die onafhanklike, maar verarmde wêreld van ons voorsate. Dis moeilikom te bepaal presies hoeveel armerons ná die krisis sal wees. Baie faktore is ter sprake. Voortydige sterftes verklein die arbeidsmag en siekte verminder produktiwiteit. Hulpbronne wat produktief gebruik kon word, sal nou vir behandeling en beheermaatreëls gebruik word. Pogings om die verspreiding van die siekte te verminder, soos reisbeperkings en selfisolasie, kan die ekonomiese aktiwiteit verder ontwrig. Sommige bedrywe sal…

Ek word tientalle keer per dag gevra of hierdie of daardie aandeel ’n goeie koopgeleentheid is. Dit is meestal oor Sasol, maar dit kan eintlik enige aandeel wees, omdat beleggers (nuwes en oues) bang is om die kans van ’n leeftyd mis te loop. Daar is regtig baie gehalteaandeleteen goeie pryse beskikbaar (Sasol is NIE een van hulle NIE). Maar dit is ook moontlik dat pryse nog heelwat kan daal, en sommiges sal dit nie oorleef nie, of ten minste nie sonder ’n verdiskonteerde kapitaalwaarde nie. Persoonlik koop ek op die oomblik dus geen aandele nie. Die winskopies sal nog ’n ruk lank daar wees, en ek is tevrede om miskien ’n bietjie meer te betaal, maar om die risiko te verlaag. Wat ek koop is uiteenlopende, diverse beursverhandelde fondse…

Van die grootste suksesverhale het almal een ding gemeen en dit is dat teenspoed nie as ’n verskoning gebruik word nie, maar as motivering – die motivering om jou nie soveel toe te spits op die huidige omstandighede nie maar eerder op die geleenthede wat môre moontlik op jou wag. Bekende sporthelde soos Muhammad Ali (boks), Niki Lauda (formule 1) enTigerWoods (gholf), sou nie so beroemd gewees het as hulle in tye van ontberings hulle nie eerder op ’n splinternuwe dag toegespits het nie. Woods is ’n skitterende voorbeeld. Sedert hy die Amerikaanse Ope in 2008 gewen het, was daar gereeld nuusberigte oor hom, en nie altyd om goeie redes nie. Teen 2014 was sy rug dermate beseer dat sy kans om ooit weer ’n gholfstok te swaai by die…

Slegte nuus is ’n belegger se beste vriend – Warren Buffett. Te midde van die golf slegte nuus wat die Johannesburgse aandelebeurs en ander markte byna daagliks tref, is daar een ligpunt waarvan kennis geneem moet word: Ervare waardebeleggers is besig om fluks te belê in wat hulle as winskope beskou. Volgens die bekende Dow-teorie is daardrie langtermyn-fases in ’n aandelemark se loop tussen die bul en die beer. Die eerste fase van ’n bulmark begin deurdat prysegeleidelikopbeweeg nadat die beer sy werkgedoen het om waardes te herstel. Onsekerheid is die wagwoord. Na ’n tydperk van sywaartse of ’n geleidelike opwaartse neiging waartydens die sogenaamde ingeligte kapitaal winskope kry, word die tweede fase dan ingelui: Optimisme neem toe en pryse verstewig. Goeie waarde is beskikbaar, maar werklike winskope – soos…

In ’n poging om die uitwerking van die regering se inperking van 21 dae op die ekonomie en werkverskaffing in Suid-Afrika te beperk, het president Cyril Ramaphosa verskeie ingrypings ingestel om te probeer om die skok daarvan te verlig, veral op kleinsake. Nadat Ramaphosa die inperking op 23 Maart afgekondig het, het hy gesê die regering het ’n solidariteitsfonds geskep om maatreëls te steun wat die pandemie sal bestry en kleinsake sal steun. Johann Rupert en Nicky Oppenheimer elkeen R1miljard geskenk om alle kleinsake in die land te steun. “Kleinsake was verlig om te hoor dat hulle spesiale aandag gaan geniet in besprekings oor die beskerming van ons ekonomie,” het Bernard Swanepoel, direkteur van die Kleinsake-instituut (SBI) in ’n verklaring gesê. “Aangesien 98,5% van alle firmas in SA klein of…

Kortverkoop is die praktyk waar ’n belegger aandele by ’n aandeelhouer leen met die belofte om dit op ’n toekomstige datum terug te gee. Nadat die belegger die aandele geleen het, verkoop hy dit onmiddellik en plaas die opbrengs in die bank. Die aandeelhouer wat die aandele uitgeleen het, ontvang rente teen kontantkoerse vir die duur van die lening. Die belegger wag dan in die hoop dat die aandeelprys sal daal. As dit gebeur, koop die belegger die aandele, wat nou goedkoper is, en gee hulle terug aan die aandeelhouer. Die verskil in prys minus die kontantrente wat betaal is, is die belegger se wins. Ongedekte kortverkope is die verkoop van ’n sekuriteit sonder om die sekuriteit te besit of te verseker dat dit geleen kan word, volgens ’n definisie…

Dis moeilik om te dink dat iets wat net vier weke gelede na ’n verbygaande verskynsel gelyk het, nou dreig om hele ekonomieë te ontspoor en die wêreld in ’n resessie te dompel. Daarom maak die koronavirus die meeste Westerse samelewings nostalgies vir die sorglose, kalm tyd in Februarie. Vir Anglo American is ’n vasgeslote samelewing ’n verbruikersbasis wat nie luukse goedere in die vorm van platinum-en diamantjuweliersware koop nie. Dis ’n swaar slag vir De Beers, ’n mynboumaatskappy en bemarker waarvan Anglo 85% besit en wat verlede jaar met 50%, of $558miljoen, teruggesak het. Die Britse bank Barclays bied egter woorde van hoop. Hy sê China het die virus oortuigend “geklop” terwyl sy ekonomie herstel – ’n proses wat versterk sal word deur ’n aansporingpakket en die lae olieprys.…

EENMANSAAK As eenmansaak kan jy al jou sakeverwante uitgawes eis. As jy egter van jou huis af werk, is daar spesifieke vereistes waaraan jy moet voldoen wanneer jy uitgawes aftrek, waarsku Nicci Courtney-Clarke van TaxTim. Dit sluit in dat ’n gedeelte van die huis uitsluitlik en gereeld gebruik word vir jou handelsbedrywighede. Die struktuur van ’n eenmansaak is gewoonlik eenvoudig om op te stel en te administreer en, afhangende van die verdienste, kan daar ’n laer belastinglas wees, sê sy. Die nadeel hiervan is dat die eienaar al die risiko van mislukking dra en as die eienaar sterf, sterf die onderneming saam met hom. PRIVATE MAATSKAPPY Die lewe van die onderneming is langdurig, en aandeelhouers het slegs beperkte aanspreeklikheid. Hulle is gewoonlik nie verantwoordelik vir die maatskappy se aanspreeklikhede nie.…

1. Waar of onwaar? Farmaseutiese vervaardiger, Adcock Ingram, het ’n transaksie beklink om Plush Professional Leather Care te koop. 2. Op 16 Maart het Ninety One se aandele op die Johannesburgse en Londense aandelebeurse begin verhandel. Wat was dié maatskappy se vorige naam? 3. In die middel van Maart het die minister van sport, kuns en kultuur die organiseerders van die Comrades-marathon gekritiseer omdat hulle nie die wedloop weens die koronaviruspandemie gekanselleer het nie. Die betrokke minister is: ■ Fikile Mbalula ■ Dr Aaron Motsoaledi ■ Nathi Mthethwa 4. Waar of onwaar? Die Suid-Afrikaanse Reserwebankwet verbied buitelanders om aandele in die sentrale bank te besit. 5. Wie is die uitvoerende hoof van Anglo American? 6. Waar of onwaar? Die Lughawensmaatskappy van SA het Siphamandla Mthethwa met ingang van 1 Mei…

ná vertragings toe Kenneth Brown, NasionaleTesourie se eerste hoofverkrygingsamptenaar, in Desember 2016 vertrek het, het die bekendstelling van die langverwagte Wetsontwerp op Openbare Verkryging uiteindelik begin. Die tesourie het die eerste konsep van die 75-bladsy-wetsontwerp op 19 Februarie vir openbare kommentaar beskikbaar gestel, vir insette voor 31 Mei. Die wetgewing is sedert 2013 in die pyplyn toe Pravin Gordhan, voormalige minister van finansies, Brown aangestel het om die kantoor van die hoofverkrygingsamptenaar (KHVA) te stig om bestuurstelsels en –beleid van die regeringsverkrygingsen voorsieningsketting te hervorm om tenderbedrog uit te skakel en die tenderproses te vereenvoudig. Maar pogings om skuiwergate toe te stop en staatsverkrygings op te knap, het ontspoor toe Brown, sy baas en voormalige direkteur-generaal van die tesourie Lungisa Fuzile, Gordhan, en Mcebisi Jonas, voormalige adjunkminister van finansies, uit…

dave Ungerer, stigter van die aanlyn betaalstaatoplossing SimplePay, het die idee vir SimplePay gekry toe hy die stelsel sien waarmee die maatskappy waar hy gewerk het sukkel. “Ek het die betaalstaatpersoon verskriklik jammergekry en besef ek kan ’n betekenisvolle verskil maak, veral vir kleinsakeondernemings, deur ’n slimmer en doeltreffender stelsel te ontwikkel,” sê hy. Om dinge te deurdink, het hy drie maande lank in Buenos Aires ’n blaaskans gaan neem, maar ná slegs twee weke voltyds begin werk aan die beoogde betaalstaatstelsel, wat hy in November 2007 bekendgestel het. Die projek is heeltemal selfgefinansier. “Waar die meeste van my kollegas duur motors gekoop en die hoë lewe geniet het, het ek die geld wat ek as ’n sagtewareontwikkelaar gemaak het, gespaar om my eie besigheid te begin,” sê Ungerer. Vroeë…

Selfs sonder die Covid-19-afsondering, sê Danie Pretorius, uitvoerende hoof van Master Drilling, dat die son stadig sak op die firma se SA besigheid ten gunste van nuwe geleenthede in ontwikkelde ekonomieë, sowel as in ander dele van Afrika en in Suid-Amerika. Master Drilling, wat op die JSE genoteer is, bied gespesialiseerde boor-en logistieke bestuur aan mynbou-en eksplorasiemaatskappye. Sy hoofkantoor is in Fochville, net ’n klein entjie van Potchefstroom. Hy is ’n unieke SA maatskappy, maar met min vooruitsigte hier. “Ons het ’n goeie lopie in die SA bedryf gehad weens die platinumgroepmetale, en was dit nie vir Covid-19 nie, kon ons dalk nog ’n hele paar goeie jare gehad het. ’n Kapitaalverbintenis van Northam Platinum het ons baie ruimte in hierdie bedryf gegee,” het Pretorius in Maart in ’n onderhoud…

Tegnologie-aandele wat min blootstelling aan China het, is potensieel goeie aandele in die huidige “tuiswerk-era”. Datatec het gesê dat die vraag na sy oplossings vir afstandsrekenaar-, sekuriteits-en saamwerknetwerke die afgelope paarweke toegeneem het. In ’n handelsverslag op 20 Maart het Jens Montanana, die uitvoerende hoof, gesê daar was vir die jaar tot einde Februarie ’n “stewige” finansiële prestasie in al sy afdelings. Datatec seSuid-Afrikaanse bedrywighede verteenwoordig slegs 2% van sy totale besigheid. Die vernaamste afdelings isWestcon International, Logicalis en Analysys Mason. Die ommeswaai in sy probleemkind, Westcon, het die winsgewendheid oordie finansiële jaar aansienlik verbeter. Datatec se balansstaat bly sterk, en die maatskappy sal na verwagting aan die einde van die finansiële jaar’n afname in netto skuld hê, teenoor die eerste ses maande. Hy beplan om sy volledige jaarresultate teen…

Warren Buffett praat dikwels van die enorme voordeel dat Berkshire Hathaway permanente kapitaal het. Hy noem dit ook in sy brief van Februarie aan aandeelhouers, en is reg dat dit vir beleggers ’n wesenlike verskil maak as hulle permanente kapitaal het. Kom ons begin by die omgekeerde daarvan: wat is nie-permanente kapitaal? Dit is geld wat beleggers aan bestuurders gee – hoofsaaklik effektetrust-en skansfondsbestuurders – om namens hulle te belê. Die fondsbestuurders het die reg om daardie geld volgens hul fonds se mandaat toe te deel, maar dié reg duur net vir so lank as wat die beleggerooreenkom om die geld by hulle te laat – die belegger kan, deur selfs net ’n dag kennis te gee, sy geld terugkry. Die netto resultaat vir die bestuurder is tweeledig van aard.…

die wêreldwye krisis weens die koronavirus kring uit en sal verder vererger terwyl lande skarrel. Soos ek voorheen geskryf het, gaan die impak erg wees, want verbruikers gee nie geld uit nie – óf omdat hulle bevrees is om êrens heen te gaan, óf omdat hulle in baie dele van die wêreld deur owerhede verbied word om uit te gaan. Byna elke aspek van die ekonomie sal geraak word en Suid-Afrika sal dit beslis nie vryspring nie. Waar ek hier skryf, het markte vanjaar reeds met 25% tot 35% gedaal, terwyl die prys van Brent-ruolie meer as 60% laer is. Ek het al verskeie sulke groot ineenstortings gesien, maar nog nooit so vinnig nie. Maatskappye se verdienste sal deur die bank geraak word en dié met sterk balansstate en min…

die koronavirus-pandemie het een van die klimaatsaktivis GretaThunberg se grootste wense bewaarheid – die wêreld--lugvaartbedryf is byna in duie en sal dalk nooit heeltemal herstel nie. ’n Verbod op reise het talle lugdienste op die rand van bankrotskap – selfs al gaan lê die krisis, sal mense wat vir sake of ontspanning wil reis, twee keer dink voordat hulle vlieg, veral oorsee. Dis maareen voorbeeld van die ontwrigting waaronderdie ekonomiese en sosiaal-maatskaplike raamwerkvan die wêreld soos ons hom ken, gebuk gaan weens die drastiese maatreëls wat ingestel word om die siekte te beveg. Dit sal minstens 18 maande neem voordat ’n doeltreffende entstof teen die virus beskikbaar is. Teen daardie tyd sal baie van die gedragsveranderinge wat aan sakeondernemings en individue opgedwing is, inslag gevind het. Die verreikendste veranderings sal…

om beleggingsbestuurders te vra watter aandele kan waarde verdien as die koronavirus deur die wêreldmarkte skeur en ekonomieë wêreldwyd op hul knieë dwing, klink dalk vroegtydig. Maar ligkolle begin verskyn te midde van die duisternis van een van die grootste wêreldwye verkope in ’n lang tyd. “Daar is ’n voorbehoud,” waarsku Stephán Engelbrecht, fondsbestuurder by Anchor Capital. “As hierdie virus ná die Paasnaweek voortduur, sal daar ernstige verliese, insolvensies en ekonomiese inkrimping wees.” Die beste uitkoms vir die ekonomie en markte in die algemeen is dat die verspreiding van die virus oor’n langertermyn uitgesprei word – met ander woorde, om die verspreiding van besmetting te vertraag en ’n groot eenmalige slag te vermy, het hy aan finweek gesê. Te midde van hierdie somberheid en wêreldmarkte wat duisende miljarde dollars in…

Daarvoor gebruik die vereniging die volgende klassifikasie van verskansingsfondse: Vlak 1 Kleinhandelverskansingsfondse: Enige belegger kan in hierdie fonds belê Gekwalifiseerde- beleggersverskansingsfondse: Slegs beleggers wat R1 miljoen of meer in ’n fonds kan belê én hulle of hul finansiële diensverskaffers het bewysbare kennis van “finansiële en sakeaangeleenthede” Vlak 2 Suid-Afrikaanse portefeuljes: Minstens 60% van die bates is in SA belê Wêreldwye portefeuljes: Geen beleggingsperke word gestel nie, en bates kan in SA en/of in die res van die wêreld gehou word Internasionale portefeuljes: Minstens 80% van die bates word buite SA gehou, sonder enige perke op streeksblootstelling Streeksportefeuljes: Belê bates in ’n spesifieke land (byvoorbeeld in die Verenigde Koninkryk) of gebied (Oos-Asië) Vlak 3  Langkort-ekwiteitsverskansingsfondse: Die meeste van hul opbrengste word verkry uit (lang of kort) posisies in die aandelemark Vaste-inkomsteverskansingsfondse:…

tekstielvervaardigers wêreldwyd word deurwins aangedryf, veral in Suid-Afrika. Dit beteken dat minderwaardige draadgehalte, laer besoldiging virwerkers en swakkerwerksomstandighede die norm geword het. Mungo, ’n ekovriendelike vervaardiger van katoenen linnehuisware van hoë gehalte volg nie dié norm na nie en streef daarna om die standaarde van volhoubare produksie in ’n nienywerheidsomgewing hoog te hou en te help vorm. Dax Holding, besturende direkteur van Mungo, praat met finweek oor hoe die maatskappy etiese verhandeling benader en volhoubaarheidspraktyke die kern van sy sakestrategie maak. Hoe het jy Mungo se besturende direkteur geword? My pa het die onderneming omstreeks 2000 begin. ’n Mens kan sê my ervaring is die gevolg daarvan dat ek deur die jare in die onderneming gewerk het. Ek was deel van die werkskultuur tot ek 20 was, en het toe…

“Alte dikwels sien ons hoe besighede hul belastingverpligtinge afskeep, hoofsaaklik weens onkunde oor die vereistes. Dit benadeel die onderneming.” Die meeste onafhanklike kontrakteurs of vryskutwerkers is voorlopige belastingbetalers. Dit beteken dat hulle aan streng tydlyne moet voldoen en dat hulle die ramings vir die tweede voorlopige betaling reg moet doen. As dit verkeerd is, sal dit tot boetes en rente lei. Dit is verpligtend om vir BTW te registreer indien omset die R1 miljoen-kerf oortref. Claudia Gravenorst, senior belastingbestuurder by Deloitte, sê dis miskien voordelig vir maatskappye en individue wat goedere en dienste van ander BTW-ondernemers kry sodat hulle hul insetbelasting kan terugeis. “Daar is egter ’n omslagtige administratiewe las om BTW-opgawes in te dien, om fakture uit te reik en om te verseker dat eise in die regte BTW-tydperk…

Sara Wallace Goodman @ThatSaraGoodman Ek reken ons gaan nou uitvind watter vergaderings kon tog maare-posse gewees het. . . Aisha Baker @bakedonline ’n Vrou wat ouer as ek is, het my sopas in dieWoolies-ry tannie genoem. Ek het amper my Crocs uitgetrek en haar bespring. Tom Dante @Trader_Dante As jou kinders jou eendag vra: “Wat het jy tydens die groot markineenstorting van 2020 gedoen?” sorg net dat jy nie hoef te sê nie: “Ek was besig om ’n demonstrasieverhandeling daarvan te doen.” Colleen Doran @ColleenDoran Ek het my hande so baie gewas, my vel voel soos papier. Tog ruik hulle steeds na gerookte salm van die bagel wat ek geëet het. Hier is ’n wetenskap aan die werk wat ek nie verstaan nie. Charlotte Clymer @cmclymer 2020 se Time-persoon van…