Innehållsförteckning för 6/11/2021 från Finweek - Afrikaans

as jy vinnig deurdié uitgawe van finweek blaai, sal jy sien plaaslike beleggers het die buitelandse diversifikasie van hul beleggingsportefeuljes ter harte geneem. En met minderas 400 aandele wat op Suid-Afrika se aandelebeurse genoteer is, teenoor ongeveer 630 000 wêreldwyd genoteerde maatskappye, is dit nie onverwags nie. Maatstawwe soos MSCI se wêreldindeks van alle lande volg meer as 3 000 aandele in 23 ontwikkelde en 27 opkomende markte. As’n mens die beleggingsektore noukeuriger ondersoek, word die keuses wat op buitelandse markte genoteer is byna oneindig. Neem byvoorbeeld gesondheidsorg: Daar is indekse wat hierdie aandele volgens geografie en markkapitalisasie volg. S&P se BMIgesondheidsorgindeks (sektor) volg 374 deelnemers in opkomende markte en het 17,6% in dollargedurende die eerste vyf maande van vanjaar gelewer. Nog’n sektorspesifieke indeks is S&P se Kensho Final Frontiers-indeks,…

– Stephen Saad, uitvoerende hoof van Aspen, het op’n seminaar wat deur president Cyril Ramaphosa en president Emmanuel Macron van Frankryk aangebied is, gesê die maatskappy beplan om sy vervaardigingsvermoë te vergroot om die toegang tot entstowwe in Afrika te verbeter, en soek versekering oor tegnologieoordrag en bystand met lisensies. Macron het gesê Frankryk is ten gunste van die opheffing van versperrings om entstofproduksie op die vasteland toe te laat en het reeds’n vennootskap met die Biovac Institute van SA en sal binnekort’n projek saam met Aspen begin. Saad het gesê hy wil hê Afrika moet “minder afhanklik daarvan wees om 99% van sy entstowwe in te voer”.…

komende uit’n agtergrond van die verspreiding van oplossings vir kuberveiligheid, het Martin Potgieter en Stephen Osler in 2006 die maatskappy Nclose bekend gestel om die gaping te vul wat vir waardetoegevoegde kuberveiligheidsdienste bestaan het. “Kuberveiligheidsoplossings van wêreldgehalte het destyds opgeskiet, maar baie kliënte het óf nie geweet hoe om dié programme se potensiaal te ontsluit nie, óf die oplossings was heeltemal oordadig, sodat kliënte buitensporig baie betaal het vir toevoegings wat hulle nie nodig gehad het nie,” verduidelik Osler, direkteur van sakeontwikkeling vir Nclose. Potgieteren Osler het oplossings begin uitkies wat hulle gevoel het dietoepaslikste virSuid-Afrikaanse ondernemings sou wees, en dan waarde toegevoeg deur nie alleen die produkte en spesifieke kliënte se eiesoortige veiligheidsbehoeftes by mekaar te laat pas nie, maar dié produkte ook namens kliënte te bestuur. “Talle ondernemings…

suid-Afrikaners kan nou ook die buigsaamheid van afstandswerk geniet. Die Wes-Kaapse regering en Wesgro het gevolglik’n veldtog in samewerking met Airbnb van stapel gestuur om afstandswerk plaaslik te bevorder. Sedert die begin van die Covid-19-pandemie het nuwe aanbieders van Airbnb-geriewe in SA met slegs een gelyste eiendom al gesamentlik meer as $3 miljoen (amper R50 miljoen) verdien. Volgens Airbnb-syfers het plaaslike soektogte vir langertermynverblyf tussen 1 Januarie en 25 Februarie 2021 jaar-tot-jaar met byna 50% toegeneem vergeleke met dieselfde tydperk verlede jaar Daar is tans nie’n gesentraliseerde platform vir transaksies wat fokus op werk, verblyf en rondbeweeg in Kaapstad en die Wes-Kaap nie. Dit is volgens Monika Iuel, Wesgro se bemarkingshoof. Daarom is Wesgro nou van plan om’n toegewyde portaal op sy webwerf aan te bied om’n verskeidenheid verblyfplekke en…

Vir die afgelope vier jaar of so het my maandelikse debietorder vir beursverhandelde fondse (ETF’s) na die Ashburton Global 1200 Equity Fund of Funds ETF (ASHEQF*) gegaan. Ek het na een globale ETF met’n mate van regstreekse blootstelling aan ontluikende markte gesoek. Dié ETF het presies dit gedoen. Die totale kosteverhouding was effens hoog, maar dis onlangs tot minder as 0,5% verminder. Met die verloop van jare is talle nuwe globale ETF’s plaaslik uitgereik, maar daar was nog geen rede om my voorkeur-ETF te verander nie. Tot nou toe. Die nuwe CoreShares Total World ETF (GLOBAL) is in twee belangrike aspekte beter. Dit het’n bietjie meer regstreekse blootstelling aan ontluikende markte, 11% teenoor Ashburton se 7%, en die totale kosteverhouding is 0,2 persentasiepunte goedkoper. Dis nie’n enorme verskil nie, maar…

HOSPITAALGROEPE Geen teken van herstel nie Die resultate van die plaaslike hospitaalgroepe was somber, aangesien elektiewe chirurgie, die hoofbron van inkomste, steeds onder druk is weens die pandemie. Ek hou al lank nie van die hospitaalsektor nie weens die risiko van regulering weens prysstygings wat inflasie in die afgelope dekade ver vooruit was. Al drie genoteerde hospitaalgroepe, naamlik Mediclinic, Life Healthcare en Netcare, verhandel teen laagtepunte met die aandeelpryse waar dit ongeveer tien jaar gelede was. Maar al drie het ook rampspoedige oorsese petaljes gehad, met Mediclinic die laaste een wat daar die handdoek ingegooi het. Mediclinic het’n aanbod vir sy belang in Spire Health (hy besit 29,9%) teen £2,40 per aandeel ontvang. Mediclinic het die aanbod aanvaar en sal’n netto £287,7 miljoen ontvang, nadat hy £432 miljoen in 2015…

verlede maand het Statistieke SA aangekondig dat die jaarlikse inflasie in April tot 4,4% toegeneem het, teenoor 3,2% in Maart, wat effens hoër is as die verwagte syfer van 4,3%. Die laaste keer wat die verbruikersprysindeks (VPI)’n soortgelyke hoogtepunt bereik het, was voor die Covid 19-inperking in Februarie 2020, toe dit 4,6% bereik het voordat dit daarna in April tot 3% en in Mei tot 2,1% gedaal het. Soos verwag is, het die SA Reserwebank (SARB) in Mei besluit om rentekoerse onveranderd te laat, aangesien die VPIsyfers onder die middelpunt van die inflasieteiken bly (naamlik 4,5%). Ondanks die effens hoër as verwagte inflasiesyfer het die effektemark skaars gereageer, en die rand het ook min reaksie getoon. Wanneer inflasiesyfers beoordeel word, is dit belangrik om te onthou dat dit terugwerkend van…

covid-19 het die manierwaarop ons verbruiken belê diepliggend beïnvloed, maar baie mense sal sê dat die eiendomsmark die grootste ontwrigting ervaar het.’n Nuwe navorsingsverslag deur Sitian Lui en Yichen Su toon dat die pandemie’n beduidende verandering in die behuisingsvraag in Amerika weg van woonbuurte met hoë bevolkingsdigtheid veroorsaak het. Hulle het ook bevind dat woonbuurte met die hoogste huiswaardes voor die pandemie’n groter daling in behuisingsvraag ondervind het. Groot stede het verloor; kleiner stede het gewen. Dis egter nie net die vraag wat verander het nie. Aan die aanbodkant het Covid-19 ook tot vernuwing gelei. Neighbourgood is’n Suid-Afrikaanse volgendegenerasie-ontwikkelaaren-operateur van moderne huise en werksomgewings. Neighbourgood, wat verlede jaar net ná die streng inperking gestig is, doen heraanwending van hotelle, gastehuise en kantoorruimte wat nie meer relevant is nie om saamwoon-en…

– President Joe Biden van Amerika het die Amerikaanse intelligensiegemeenskap aangesê om harderte werkom die oorsprong van dieCovid-19-pandemie te ondersoek en oor 90 dae aan hom verslag te doen. Biden het in’n verklaring wat dieWithuis uitgereik het, gesê die Amerikaanse intelligensiegemeenskap het “ooreengekom oor twee moontlike scenario’s”, maar het nie’n besliste gevolgtrekking oordie vraag nie. Die aankondiging kom nadat’n Amerikaanse intelligensieverslag getoon het dat verskeie navorsers bydieWuhan-virologie-instituut in China in November2019 siekgeword het en gehospitaliseer is.…

moet jy aandele terugkoop, of gaan jy jou aandeelhouers in kontantdividende uitbetaal? Dit is een van die gelukkige raaisels waarvoor maatskappye gereeld te staan kom. Dit is egter veral relevant in die mynbedryf terwyl die kommoditeitsiklus sy somermaande betree en kontant volop is. Ongeveer een vyfde van die stemme wat verlede maand tydens Sibanye-Stillwater se algemene jaarvergadering uitgebring is, was teen sy spesiale besluit om tot 20% van die maatskappy se aandele terug te koop. Dit was nie genoeg om die besluit te laat skipbreuk ly nie, maar dit laat wel die vraag ontstaan of terugkope verkies word. “Die argument is dat aandele nie net teruggekoop word wanneer’n maatskappy die kontant het om dit te doen nie, en wanneer maatskappye surpluskontant het, is hul aandeelpryse gewoonlik baie hoog,” het James…

toe finweek in Maart virDarren Wilder, uitvoerende hoof van Fairvest Property Holdings, oor’n moontlike samesmelting of verkryging uitgevra het, het hy geantwoord: “Ons sal net’n samesmelting met’n goeie, skoon onderneming bekyk. Baie aandeelhouers het ons genader om ander fondse te bestuur.” Nie lank daarna nie het dit bekend geword dat Fairvest ooreenkomste met Arrowhead Properties-aandeelhouers gesluit het om 50,1% van Arrowhead B-aandele te verkry deur die uitreiking van nuwe Fairvest-aandele teen’n ruilverhouding van 1,85 Fairvest-aandele per Arrowhead B-aandeel. Dit volg nadat Arrowhead se aandeelhouers Fairvest verskeie kere genader het. Fairvest het verbintenisse van 63,7% van sy eie aandeelhouers gekry vir die transaksie. Wilder sê dié stap is’n opwindende geleentheid om met verloop van tyd volhoubare waarde te ontsluit met die doel om’n groot en meer likiede eiendomsbeleggingstrust (reit) te skep…

Adapt IT het’n aptyt vir verkrygingsgroei gehad nadat hy sy netto hefboomfinansiering verminder het–’n maatstaf van’n maatskappy se finansiële hefboomverhouding, deur die totale maatskappyskuld deur die totale aandeelhouersekwiteit te deel – van 69%’n jaar vroeër tot 42%, wat die 50%-teikenvlak van die bestuur oortref. Dit het bieërs gelok, met Huge Group wat selfs sy aanbod vir die tegnologiefirma tot ongeveer R1,3 miljard verhoog het. Adapt IT het twee oorname-aanbiedinge ontvang, die eerste van die genoteerde telekommaatskappy, Huge Group, en die ander van’n Kanadese firma, Volaris Group. Huge Group se hersiene aanbod aan Adapt IT beteken dat aandeelhouers’n ruilverhouding van 1,37 Huge-aandele vir elke Adapt IT-aandeel sal kry in plaas van die 0,9 wat die telekom-maatskappy aanvanklik vanjaar in Januarie aangebied het. Die eerste aanbod was gelyk aan 552c, terwyl die…

e-handel is in die verlede deur groot “horisontale” maatskappye oorheers. Dié maatskappye doen in verskillende kleinhandelkategorieë sake (“horisontaal”) eerder as om op’n spesifieke kategorie te konsentreer (“vertikaal”). Dat die aanlyn kleinhandel na enkele groot maatskappye neig, is ekonomies sinvol. Dis’n bedryf met hoë vaste koste en taamlik min veranderlike koste. Om winsgewend te wees, is skaalbesparings gevolglik van kritieke belang. Die belangrikheid van skaal in e-handel maak dat’n handjie vol maatskappye dié mark oorheers. Amazon oorheers die Amerikaanse e-handelsmark sedert sy ontstaan. Alibaba is ook al lank die grootste aanlyn kleinhandelaar in China. MercadoLibre gee die toon aan in Latyns-Amerika, terwyl Sea toonaangewend in Suidoos-Asië is. Die maatskappye in grafiek 1 is nie die enigstes nie, maar gee’n idee van die skaal van die groot rolspelers. In ontluikende markte, soos…

die beleggingswêreld bestaan uit verskillende bateklasse.’n Bateklas is’n groep beleggings wat dieselfde eienskappe toon en bestaan gewoonlik uit kontant, geldmarkinstrumente, effekte en rentedraende bates, vaste eiendom, aandele, alternatiewe beleggings, kommoditeite, afgeleide instrumente en kriptogeldeenhede. Dit is altyd raadsaam om die konsep van diversifikasie in werking te stel om jou portefeulje te balanseer en om die risiko te versprei. Elke bateklas het sy eie risikoprofiel. Hoe hoër die risiko van’n bepaalde belegging, hoe hoër die moontlike opbrengs. Maar baie individuele beleggers verstaan nie hoe om die toepaslike risikovlak te bepaal wat hul portefeuljes moet dra nie. n Mens moet jouself dus afvra: Watter tipe risikoprofiel het die bateklas waarin ek wil belê? Geen risiko, laag, medium, hoog of baie hoog? Die bateklas waarna ek in hierdie artikel wil verwys, is dié…

ek het in 2017 twee uitdrukkings bespreek wat destyds baie goed op die aandelemark van toepassing was. Die eerste was dat dit nie help dat jy net op die regte spoor is nie, want as jy daar bly, sal’n trein jou tref. In die laaste paar maande was daar tye van hoogwater op die aandelebeurs – wat my by die tweede uitdrukking bring: Alle bote sal dryf wanneer dit hoogwater is. Wat die twee uitdrukkings gemeen het, is dat dit altyd wonderlik is om op die regte spoor te wees of om met die opkomende gety in die boot te wees, maar sake word’n bietjie meer ingewikkeld wanneer alle bote nie so goed dryf soos hulle moet nie, soos in 2017 gebeur het. Kortom: die FTSE-JSE-indeks van alle aandele (JSE)…

om eerste te wees met enige ding ter wêreld gaan beslis met’n mate van druk gepaard, soos in die geval van Helena Conradie, wat as die uitvoerende hoof van Satrix aan die stuur staan van’n beleggingsbestuursmaatskappy wat in November 2000, die land se eerste beursverhandelde fonds, (ETF), bekendgestel het. Dan is daar die druk vir óf verdere hoogtepunte óf om in die bedryf te bly. Desondanks toon Conradie geen teken van die druk nie. Danksy haar dekades lange ervaring in die bedryf bly sy kalm en onverstoord, maar met’n ywer en geesdrif vir die sterk kultuur van innovasie by die batebestuurder en’n besorgdheid oor beleggersopvoeding, veral ná die GameStop druk op kortverkopers wat deur kleinbeleggers (Reddit/Robinhood) veroorsaak is. Nog nie heeltemal daar nie Met R130 miljard onder bestuur (sedert April…

Ugesi Die isiZulu-woord vir dié uitgawe is ugesi. Ugesi is elektrisiteit. Ek het onlangs’n sage met ugesi by my huis gehad. Raai bietjie wat gebeur het? Kan jy raai? Jy sal sekerlik nie kan raai nie, want dit is so belaglik. Wel, hier is die storie. My negejarige meisiekind het my vroegoggend kom wakker maak om te sê ons het nie ugesi nie. Die jonge dame het dit laat klink asof ek’n onverantwoordelike pa is, wat nie omgee of hulle verkluim of niks warms kan eet nie. Ek vra toe of dit beurtkrag is, en sy sê “nee, dis net ons huis, en dis jou skuld”. Sy het nie regtig gesê dis my skuld nie, maar ek kon raai dis wat sy dink. Nie heeltemal so onverskillig en dom as…

– Lesetja Kganyago, president van die Suid-Afrikaanse Reserwebank, het gewaarsku dat al was die finansiële sektoren die regering nogal altyd baie van mekaar afhanklik, lig’n paar belangrike ontwikkelinge, soos die stygende vlak van openbare skuld, die ontluikende risiko vir finansiële stabiliteit uit. Kganyago het op die Finansiëlestabiliteitsforum gewaarsku dat die toename in regeringskuld ookdie siening van die finansiële sektor se kredietwaardigheid knou en dat die regering se leningsvereistes en bestedingspatrone opwaartse druk op plaaslike rentekoerse plaas.…

anglo American se eenheid, Kumba Iron Ore, is’n verskaffer van ystererts aan die internasionale staalbedryf en betrokke by die ondersoek, bemarking en verkoop van ystererts. Die maatskappy is werksaam in Suid-Afrika. Sy mynboubedrywighede sluit in die Sishen-en Kolomela-myn in die Noord-Kaap en die Thabazimbi-myn in Limpopo. Kumba besit Afrika se grootste ysterertsmyn (Sishen). SA is’n netto uitvoerder van staal (hy produseer meer as wat hy verbruik) en Kumba voer ystererts uit na plekke soos China, Japan, Korea, Europa lande en die Midde-Ooste. Kumba het in November 2006 op die JSE genoteer met’n markkapitalisasie van R36 miljard; sy huidige markwaarde is R207 miljard. Aandeelprysgeskiedenis Nadat Kumba’n hoogtepunt van 61 955c per aandeel in 2013 getoets het, het sy aandeelprys geleidelik gedaal – weens die lae volumes deur sy Sishen-myn ná’n staking…

mense is geneig om oorwinnings te vroeg te vier − die bulle én die bere. Van sy onlangse hoogtepunt van $65 000 in April verteenwoordig Bitcoin se skerp daling tot die huidige sowat $37 000’n ineenstorting in die onlangse onaantasbare posisie van die nuwe generasie kriptogeldeenhede. (Vir die doeleindes van hierdie artikel word bitcoin en kripto-eenhede as sinonieme gebruik). Is dit’n verlies aan vertroue in nuwe “markghoeroes” soos Elon Musk, eers ondersteuner dan kwaadprater van bitcoin? Dan is daar ook die eienaardige geval van die dogecoin-miljoenêr Glauber Contessoto, wat aanhou klou vir al wat hy werd is, nadat hy sy totale netto waarde op die meme-munt gesit het en nou sy eie groep volgelinge deur die land van “diamanthande” opbou. Miskien is dit China wat bitcoin onderdruk en hom nou…

een van die redes wat genoem word om goud op lang termyn te hou, is dat dit as’n waardedraer dien – dat dit in wese teen inflasie beskerm. Daar is’n ou gesegde dat’n mens altyd met’n ons goud’n ordentlike pak klere in Savile Row in Londen kan kry. Dit was dalk soms in die afgelope 100 jaar of wat waar, maar dis onsin. In 1980 was goud bo $800 per ons, maar 20 jaar later, by die millenniumwisseling, het dit teen sowat $250 verhandel. Die prys van’n Savile Row-pak het in dié tydperk beslis nie met meer as die helfte gedaal nie. Bitcoin en ander kriptogeldeenhede word dikwels’n waardedraer genoem, maar die onlangse lopie en daaropvolgende ineenstorting het’n einde aan dié teorie gemaak. Voorstanders van die idee van’n waardedraer sal…

baie mense praat van “slim geld”. “Volg die slim geld,” sê hulle, of “die slim geld het gekoop terwyl die mark verkoop het,” en ander dinge wat basies ook verwys na diegene wat teen die konvensionele wysheid van die massas optree en uiteindelik tog baie geld maak. Die “slim geld” of “marktowenaars” of die een of ander fantastiese naam word gegee aan hierdie geheimsinnige en onbekende markdeelnemers wat altyd reg is. Wel, vandag gaan ons’n paar beleggers volg wat ons as die “slim geld” beskou. Dis vier miljardêrbeleggers. Bausch Health Companies (BHC) is die derde grootste belegging in die portefeulje van John Paulson (beroemd omdat hy sy geld teen die subprima-verbande belê het). Dit is die tweede grootste belegging in die portefeulje van een van die beste beleggers in gesondheidsorg,…