Innehållsförteckning för 6/25/2021 från Finweek - Afrikaans

daar is iets te sê vir momentum – sosiaal en ekonomies. Dit is ’n konsep wat veral slaan op menslike gedrag en verwagtinge. Waar ’n tendens ferm posgevat het, en genoeg mense verwag dat dit sal voortduur, ontstaan momentum. En dit kan net so vinnig verdwyn. Daar is ’n paar voorbeelde hiervan wat intyds aan ’t afspeel is. Die gedruis oor kriptogeldeenhede – hoewel ek nog bitter skepties oor die rasionaal vir die bestaan daarvan is – is een voorbeeld. Momentum in die kripto-wêreld is soos die getye van die oseaan, hoewel dit voel asof dit meer deur springgetye beïnvloed word as die normale werking van marksiklusse. Daar is ook die meer fundamentele en tasbare momentum om die wêreld van ’n klimaatkatastrofe te red deur na skoner energie- opwekking oor…

“SAL KAN DOELTREFFENDE, KLIËNTGEFOKUSDE, INNOVERENDE LUGDIENS WORD.” – Gidon Novick, stigter van Kulula en nou uitvoerende hoof van Takatso, ’n konsortium wat gevorm is deur Harith General Partners, ’n belegger in Afrika-infrastruktuur en lughawens, en lugdiensbestuursfirma Global Aviation, het sy vertroue daarin uitgespreek om die SAL ’n aandrywer vir toerisme en ekonomiese groei in SA te maak. Die konsortium is aangewys as die ekwiteitsvennoot waarna lank gesoek is en sal ’n belang van 51% in die SAL hê, terwyl die regering ’n belang van 49% sal behou. Die notering van die lugdiens is een van die voorgestelde maniere om in die SAL se toekomstige finansieringsvereistes te voorsien. “OORTUIG HULLE OM IN LICHTENBURG TE BLY.” – Tsholofelo Moreo, burgemeester van die Ditsobotla- plaaslike munisipaliteit in Noordwes, sê die provinsiale regering het…

die batebestuurder, Ninety One, was in ’n onlangse verslag positief oor plaaslik genoteerde platinumgroepmetaal-aandele (PGM’e) en het gesê dié aandele is onderkoop gegrond op die feit dat die bekendstelling van battery- elektriese voertuie (BEV’s) nie dadelik die einde van die binnebrandenjin beteken nie. Voertuie wat deur binnebrandenjins aangedryf word, het PGM’e in hul katalisators nodig, terwyl dit nie die geval met BEV’s is nie. Ninety One se portefeuljebestuurders, Unathi Loos en Daniel Sacks, meen dat die ingebruikneming van BEV’s ’n geleidelike proses sal wees. Daarbenewens is die wetenskap besig om PGM’e op ander maniere aan te wend; spesifiek in die geval van waterstofaangedrewe brandstofselle wat PGM’e nodig het om te werk. Dit alles dra by tot die verlengde belangrikheid van PGM’e wat, gepaard met die korttermyn-onvermoë van PGM-mynmaatskappye om in…

KOOP VER-KOOP WAG Ja, steenkool is smerig en op pad uit. Wêreldwyd bly dit egter die vernaamste bron van kragopwekking, wat dekades lank nog die geval sal bly. Thungela het permitte om steenkool deur die Richardsbaai-steenkoolterminaal uit te voer en verskeep hoëgehalte- termiese steenkool na Indië, Asië, Suidoos-Asië, die Midde-Ooste en Noord-Afrika. Baie aandeelhouers het verkoop toe die maatskappy op 7 Junie noteer, want hulle het aandele in Thungela ontvang omdat hulle aandele in Anglo American gehad het, maar wou dit nie hê nie. Anglo het sy plaaslike steenkoolonderneming in Thungela ontknoop. Boonop sal ’n klompie beleggers nie ’n steenkoolbate wil besit nie. Maar Thungela se waardasie is aantreklik met steenkoolpryse wat styg, en ná ’n verlies verlede jaar toe pryse in duie gestort het behoort hy weer vanjaar winsgewend…

mr Price het onlangs ’n stewige stel finansiële resultate vir die 53 weke geëindig 3 April 2021 uitgereik. Dié resultate het ontleders se verwagtinge oor die meeste maatstawwe heen oortref. Dié bedryfsprestasie is aangedryf deur markaandeelwinste en sterker prestasie in die tweede helfte. Ons meen die aandeelprys se positiewe reaksie was in antwoord op die stewige resultate, asook sy nuwe strategie, wat positief deur die mark ontvang is. Mr Price wil op grond van markkapitalisasiewaarde, oor alle kleinhandelsegmente heen die beste waardehandelaar in Afrika wees. Ses strategiese pilare is daarvoor geïdentifiseer. Hy wil sy verdienstegroei oor die volgende paar jaar aansienlik uitbou en wil groeigeleenthede in die aspirerende-waardesegment in SA oor sy bestaande kleinhandelsektore heen najaag. Die aandeel verhandel op ’n verwagte 12-maande prysverdienste- verhouding (p/v) van 19,2 keer, effens…

’n Noodsaaklike aspek van die eiendomsektor se voorspoed is om ’n volhoubare bedryf te skep. En met dié dat klimaatsverandering en die uitwerking van Covid-19 volhoubaarheid op die voorgrond plaas, het omgewing-, maatskaplike en bestuursfaktore (OMB) belangriker geword. Luidens die Organisasie vir Ekonomiese Samewerking en Ontwikkeling se verslag oor sake- en finansiële vooruitsigte vir verlede jaar beskou beleggers OMB-inligting al hoe meer as belangrik om te bepaal of ’n maatskappy risiko voldoende bestuur en sy strategie instel om opbrengs op lang termyn te behaal. Pensioenfondse en versekeringsmaatskappye kies al hoe meer om OMB-faktore deel van hul beleggingsbesluite te maak, luidens die verslag. Hoe vaar die eiendomsektor dan uit die oogpunt van volhoubaarheid en OMB? Suid-Afrika se eiendomsbeleggingstrusts (reits) volg die aanbevelings oor beste praktyke wat deursigtige en volhoubare verslagdoening verbeter.…

die Amerikaanse dollargegronde en bekroonde Denker Global Financial Fund, wat deur Kokkie Kooyman bestuur word, het die afgelope 12 maande tot einde Mei 2021, ’n fenomenale opbrengs van 77,7% gehad, heelwat beter as die MSCI World Financial Index se opbrengs van 62,5%. Vanselfsprekend het die goeie waardasies, keuse van aandele en die styging in wêreldwye aandelemarkte tot die prestasie bygedra, maar dis ook te danke aan Kooyman se insig. Hy het verskeie beleggingsbestuursrolle by Old Mutual gevul, was in die bestuur van plaaslike en buitelandse fondse by Coronation, en het SIM Global in 2004 gestig, wat met SIM Unconstrained Capital Partners saamgesmelt het om Denker Capital te vorm. Hy beantwoord vrae. Bied die wêreldwye finansiële sektor steeds geleenthede? Beslis. Die sektor is in die eerste kwartaal van 2020 aggressief afverkoop,…

vir die afgelope twee dekades was die Coronation Capital Plus Fund die ideale oplossing vir ’n probleem wat beleggers ná hul aftrede ervaar. Met sy 20-jarige bestaansjaar in Julie, kyk ons na hoe die fonds buitengewone resultate gelewer het vir diegene met ’n gereelde inkomste. Ons kyk ook hoe beleggers beter opbrengste kan verwag danksy onlangse mandaatveranderings en ’n verlaging van bestuursgelde. ’n Delikaat gebalanseerde probleem Beleggers wat al afgetree het, maak staat op hul batebestuurder om namens hulle ’n dubbele doelwit te bereik: om die noodsaak vir kapitaalgroei te balanseer met die gepaardgaande risiko’s vir ’n gereelde inkomste. Aan die een kant het dié beleggers kapitaalgroei deur inflasiekloppende opbrengste nodig om tred te hou met stygende pryse en om dié kapitaal oor ’n tydperk van etlike dekades te bewaar…

andelemarkte het in onlangse jare hierdie en daardie kant toe gespring, met Suid-Afrikaanse aandele geen uitsondering nie. Die afgelope jaar het ons gesien hoe die FTSE/JSE-indeks van alle aandele sowat ’n derde van sy waarde inboet, maar dit is nou reeds meer as 35% hoër as in Maart 2020. Vyf jaar gelede is ons mark as te duur beskou, en tog het talle algemene effektetrusts in die daaropvolgende jare swak gevaar teenoor binnelandse inflasie. Aan die internasionale front het ons die afgelope jaar die Global Dow met 54% gesien gestyg, die Dow Jones Industrial met 40% en die Nasdaq met 46%. Waar laat dit ons? Sandy McGregor van Allan Gray wys daarop dat Amerika vir alle beleggers kritiek belangrik is, ongeag waar hulle gedomisilieer is. Amerika, herinner hy ons, is…

skenkings neem wêreldwyd toe, word sigbaarder en skep broodnodige verandering, luidens ’n internasionale filantropieverslag deur die Switserse bank UBS. Daarin word gesê dat daar oor verskillende tye en gebiede heen ’n amper universele mededeelsame instink om ander te help in die wêreld is. Welvarende individue, families en maatskappye wil inderdaad meer gee. Dit het die laaste jare geblyk uit die skepping van Warren Buffett en Bill en Melinda Gates se The Giving Pledge in 2010. Dis ’n verbintenis deur die wêreld se rykste individue en families om minstens die helfte van hul rykdom aan skenkings te wy. Onder dié wat die belofte gedoen het, is Mark Zuckerberg en dr. Priscilla Chan, Elon Musk, Strive en Tsitsi Masiyiwa en Patrice en dr. Precious Motsepe. Sommige van Suid-Afrika se rykste families –…

die sperdatum om die oorblywende bepalings van die wet op die beskerming van persoonlike inligting (Popi) in werking te stel, is oor minder as ’n week en mense het die erns van die saak begin besef. Baie maatskappye het te lank gewag daarmee, al het hulle ’n grasietydperk van 12 maande gehad om te verseker hulle wysig hul stelsels, prosedures en beleide om aan alle vereistes van die wet te voldoen. Van die belangrikste artikels van die wet, wat op 1 Julie in werking tree, is onder meer die agt voorwaardes vir die wettige verwerking van persoonlike inligting, die hantering van spesiale persoonlike inligting (soos ras, gesondheid en geloof) en direkte bemarking. Die voorwaardes en verpligtinge is nogal streng, veral vir kleinsakeondernemings wat persoonlike inligting en spesiale persoonlike inligting verwerk.…

en les wat die geskiedenis ons leer, is dat innovasie die sleutel tot menslike voorspoed is. ’n Mens sou daarom gedink het dat innovasie voorop in regeringsbeleid sou staan. Ongelukkig is dit dikwels nie die geval nie. Trouens, soos Deidre McCloskey en Alberto Mingardi in hul boek The Myth of the Entrepreneurial State, ’n reaksie op Maria Mazzucato se gewilde The Entrepreneurial State, redeneer, is die staat dikwels eerder ’n hindernis as ’n hupstoot vir innovasie. Die gebrek aan innovasie het bygedra tot die vinnige groei van ’n taamlik onlangse vernuwing: die tegnologiebroeikas en -versneller. Josh Romisher is die uitvoerende hoof van Nedbank en die Stellenbosch Universiteit se Launchlab, ’n broeikas vir aanvangsondernemings. Hy het in Amerika, Europa, Afrika en Australië gewoon en gewerk en baie van dié stelsels in…

krisisse lei dikwels tot onverwagte innovasies en dis juis in tye van nood wat mense met blink planne vorendag kom. Een so ’n plan vir ’n onderneming is in 2017 tydens die erge droogte in die Wes-Kaap gebore. Brendan Williamson is vandag die uitvoerende hoof van Aquasky, wat tegnologie gebruik om water uit lug te maak en dit dan te bottel. Hy vertel dat met Dag Zero wat voor hulle (as Kapenaars) gelê het, moes hulle vinnig by die nuwe norm aanpas, water bespaar en natuurlik planne beraam. Hy was vir jare in die kruidenierswarebedryf en het in daardie tyd ’n blaaskans by die werk gevat en die tyd benut deur na verskeie opsies vir ’n volhoubare wateroplossing te kyk. Hy het op die konsep afgekom om water uit lug…

president Cyril Ramaphosa se onverwagte besluit om die perk op elektrisiteitsopwekking deur die private sektor op te hef, vuur hoop aan dat die einde vir Suid-Afrika se kragkrisis in sig is en dat verdere lank verwagte hervorming sal kom om die trae ekonomie aan te spoor. Maar selfs in die beste scenario sal dit nog twee jaar duur voordat genoeg opwekkingsvermoë geïnstalleer is om die bestaande gaping tussen die vraag en die aanbod te dek en dit vir Eskom moontlik te maak om die kragonderbrekings te beëindig wat hy verplig is om in te stel om die landwye kragnetwerk te beskerm. Sikonathi Mantshantsha, woordvoerder van Eskom, het in onderhoude ná die aankondiging van Ramaphosa se besluit op 10 Junie reguit gesê beurtkrag sal nie laat vaar word voordat die land…

KOOP VER-KOOP HOU In Januarie 2021 het TFG, eienaar van handelsmerke soos Foschini, Markham en Totalsports, ’n 5,5%-toename in verkope aangeteken danksy sy verkryging van die sakpasklerehandelaar Jet. Die Jetverkryging het R1,2 miljard by TFG se totale omset gevoeg. TFG het Jet in September 2020 by Edcon gekoop, wat vroeër daardie jaar om sakeredding aansoek gedoen het. Nou beplan TFG om tot 100 bykomende Jet-winkels en minstens vyf losstaande Jet Home-winkels te open. Wanneer die bekendstelling van die eerste Jet-huiswarewinkels afgehandel is, wil TFG nog 100 sulke winkels oor vyf jaar open. Hy sal regstreeks meeding met Mr Price en Pep, wat ook huisware verkoop. TFG het nie vanjaar ’n voljaardividend uitgekeer nie, omdat sy wesensverdienste byna 80% laer was op 197,9c per aandeel. Dit was weens die Covid-19-pandemie en…

terwyl die Suid-Afrikaanse ekonomie op die oomblik welverdiende meewinde en positiewe ekonomiese nuus ervaar, moet ons korttermynmomentum dringend in ’n langer-termyngroeikoers omskep wat wesenlik hoër is as wat ons oor die afgelope twee dekades behaal het. Toenemende binnelandse vraag is een aanwyser van ’n ekonomiese herstel, dus was dit ’n positiewe teken vir die vervaardigingsektor dat Absa se koopbestuurdersindeks in Mei ’n klein toename tot 57,8 getoon het nadat dit in April tot 56,2 gedaal het. Dit verbeter altyd sentiment wanneer die rand lewendig is en ekwiteitsmarkte wins ervaar, veral vir die JSE wat in die algemeen vir die oorgrote deel van ’n dekade al sukkel. Hoë kommoditeitspryse, gepaard met betreklik lae invoere (in April het invoere met 5% gedaal vergeleke met die vorige maand) het die land se huidige…

FAMOUS BRANDS Gruwelverhaal amper verby Famous Brands** se finansiële resultate vir die jaar tot Februarie, wat op 31 Mei uitgereik is, was ’n gruwelverhaal, met die enigste straaltjie goeie nuus dat die Britse onderneming GBK verby is en nie meer geld sal kos nie. Die dividend sal waarskynlik nog twee jaar lank opgeskort bly terwyl hy skuld afbetaal. Die bedryfsmarge het ineengestort, maar sal vinnig herstel omdat sy ondernemings se koste grotendeels vas is, wat aansienlik minder inkomste weens die streng inperking beteken het terwyl die vaste koste voortgeduur het. Ek was vroeër vanjaar besorg dat ’n derde golf Covid-19-gevalle tot nuwe inperkings sou lei, maar die president se onlangse aankondiging toon ’n sagte benadering. Inperkingvoosheid beteken egter nou ’n ligter inperkingvlak en dis goed vir kitsdiens- en aansitrestaurante. Spur…

wat opgaan, moet weer afkom. Of ’n hoë waardasie sal altyd weer tot die gemiddelde terugkeer. Hierdie markwysheid is effektief omvergegooi deur meer as twee dekades van inskiklike monetêre beleid deur sentrale banke wat daartoe gelei het dat party maatskappye – hoofsaaklik groot tegnologiemaatskappye – hul opwaartse tendens tot hoë markwaardasies voortsit. Daar is min aanduidings dat dit gaan eindig. Selfs met die G7-lande wat tydens hul vergadering ’n wêreldwye minimum-belastingvlak van 15% vir maatskappye aanbeveel het. Die G20 moet dit nog aanvaar. Die waarde van maatskappye op aandelebeurse word gemeet deur hul prys-verdienste-veelvoude (p/v), wat die aandeelprys weerspieël waarteen hulle verhandel, vergeleke met die historiese verdienste wat die maatskappy aangekondig het. Hoe hoër die p/v, hoe meer gesog is die aandeel. Die langtermyngemiddelde op die S&P 500-indeks is 15…

gehalte is ’n begrip en benadering wat die afgelope jare toenemend deur beleggers aanvaar is, aangesien dié beleggingstyl ’n bewese langtermynprestasiegeskiedenis het. Dié breë aanvaarding het egter ook meegebring dat wisselvalligheid en onsuiwerhede ingesluip het in die definisie van “gehalte” wat gebruik word. Groeibelegging veral het die omskrywing se betekenis laat verdof, want groei as beleggingstyl het die afgelope jare beter as ander style gevaar. Die Ninety One Global Franchise Fund weerspieël ’n suiwerder en konsekwenter uitdrukking van gehalte, wat suiwer toegespits is op wat ons meen aantreklik gewaardeerde franchise-maatskappye is, wat die beste van hul soort is. Hulle het die volgende sleutelkenmerke: blywend mededingende voordele wat moeilik is om te repliseer; oorheersende markposisies in bestendige, groeiende bedrywe; lae sensitiwiteit vir ekonomiese en marksiklusse; gesonde balansstate en lae kapitaalintensiteit; en…

met slegs 30% van bates wat in VSA-aandele belê is vergeleke met die MSCI Wêreldindeks, is die Orbis Global Equity Fund se huidige ondergewigblootstelling aan die VSA-mark die grootste in die geskiedenis. Soos gewoonlik word die posisionering van ons portefeulje gedryf deur fundamentele besluite oor individuele maatskappye. Die aandele-omgewing in die VSA is die afgelope jaar gekenmerk deur stygende waardasies, toenemende likiditeit, tanende kommer oor risiko en meer spekulasie. Nogtans, ondanks sterk winde van voor vir waardasies op die breër markvlak, kom van ons topaandele uit die VSA-mark, waar ons belange in verskeie maatskappye het wat aantreklike risiko-aangepaste opbrengste op lang termyn bied. Ons het aandele van maatskappye geëien wat siklies is, maar ook met ’n mededingende voordeel. ’n Voorbeeld is XPO, ’n vervoer- en logistiekmaatskappy in die VSA en…

di e 27%-styging in Remgro se aandeelprys sedert Januarie is ’n aanduiding dat geduldige, maar potensieel gefrustreerde Remgroaandeelhouers meen die ergste is verby vir die maatskappy. Met Covid-19 as die jongste in ’n stortvloed van slegte nuus vir SA se sakewêreld was die afgelope vyf jaar nie goed vir Remgro se plaaslik gefokusde portefeulje nie, maar die bestuur doen stappe om die beste van ’n moeilike situasie te maak. Die uitdagings wat Remgro in die gesig staar, is veelvoudig. Wanneer die mark onder druk is, verkies beleggers ’n meer direkte roete na bates en vermy die gevaar van diskonto’s op netto batewaarde (NBW) wat beheermaatskappystrukture teister en groei in hul beleggingskapitaal stuit. Wanneer markte egter omkeer, kan meevallers ontstaan vanweë die kleiner diskonto’s tot NBW en die verkoop of ontknoping…

johan Fourie se boek Our Long Walk to Economic Freedom: Lessons from 100 000 Years of Human History, wat vroeër vanjaar gepubliseer is, is ’n bondige en toeganklike stuk ekonomiese geskiedenis. Vir liefhebbers van geskiedenis word die kernbelang van ekonomie in die mens se ontwikkeling deur die eeue noukeurig in die boek uiteengesit. Jou boek spoor die mensdom se opkoms tot by sy huidige posisie as die oorheersende spesie op die planeet na. Hoekom is geskiedenis, veral die geskiedenis van ekonomie, ’n noodsaaklike onderwerp om te verstaan? Dis belangrik om te onderskei tussen ekonomiese geskiedenis en die geskiedenis van ekonomie. Die geskiedenis van ekonomie gaan oor die bestudering van die idees van groot ekonomiese denkers, soos Adam Smith en John Maynard Keynes. Ekonomiese geskiedenis vertel die storie van menslike vooruitgang…

Ufuzo Vandag se Zoeloe-woord is ufuzo, dis erflikheid − om na iemand te aard. Dit is nie erfporsies soos in die geld wat jy van jou ouers erf nie. Ufuzo is die genetiese eienskappe wat jy van jou mense kry. As ek byvoorbeeld ’n korrupte bestuurder is wat nie kan ophou steel nie, en my dogter word ook ’n dief sal mense sê dis ufuzo − sy aard na my. Maar wag ’n bietjie. Ek sou ook my gewoontes geërf het. Ek sou dit nie self aangeleer het nie en was beslis nie die eerste in my familie om so te begin steel nie. Mense blameer jou vir al jou kinders se tekortkominge, maar jy is ook ’n slagoffer van ufuzo. Jy moet weier om verantwoordelikheid vir jou kinders se…

die doel om ’n inklusiewe, demografies verteenwoordigende ekonomie te bou, is ’n uitdaging waarmee baie Suid- Afrikaanse ondernemings nog baie lank sal sukkel. Wat sommige mense en groepe as inklusief beskou, sien ander as uitsluitend, wat lei tot wantroue, vrees, afkeer en soms ernstige rusie in die sakewêreld. Maatskappye moet altyd ’n balans vind tussen die aanstelling van voorheen agtergeblewenes (swartes) in hul direksies en uitvoerende spanne en die gevaar van aantygings van omgekeerde rassisme deur mense (wittes) wat histories baat gevind het by apartheidsbeleid wat swartes ekonomies ontmagtig het. Hoewel ons land wette oor gelyke indiensneming het om maatskappye te lei om transformasie in hul personeel in werking te stel, is die taak van transformasie nie maklik nie. Absa Bank het onlangs uitgevind hoe maklik ’n maatskappy van rassisme…

woolworths Holdings is in 1947 gestig en in 1997 op die JSE genoteer. Dis ’n beleggingsbeheermaatskappy met segmente wat klere, algemene handelsware, voedsel en die David Jones en Country Road Group insluit. Hy is in 11 lande in Afrika suid van die Sahara bedrywig. Die David Jones- en Country Road-afdelings in Australië het ongeveer 89 winkels in 11 lande. Woolworths het meer as 1 300 winkels. Aandeelprysgeskiedenis Woolworths het in November 2015 ’n hoogtepunt van 10 800c per aandeel getoets nadat hy in Junie 2014 Australië se tweede grootste afdelingswinkel, David Jones, vir $2 miljard (R21,5 miljard) gekoop het. Dit was sy grootste transaksie nog en het hom die voorste kleinhandelaar in die Suidelike Halfrond gemaak. Wins op beleggings in produkontwikkeling het die vyf vorige jaar jaarliks 20% gestyg; sy…

ons hou direkteure van genoteerde maatskappye gewoonlik fyn dop. Ons ontleed elke stap wat hulle maak en raak bekommerd as hulle aandele verkoop of maatskappye verlaat. Onlangs is aangekondig dat Mark Barnes, stigter en huidige voorsitter van Purple Group*, deel van die Purple Group-aandele verkoop wat hy besit deur Business Venture Investments 1847 (BVI) (waarvan hy 50% besit). Dis ’n ingewikkelde transaksie, maar basies besit BVI omtrent 34% van Purple en gaan tussen 4% en 18% daarvan verkoop. Verskeie mense het my paniekerig gevra waarom hy verkoop en of hulle bekommerd moet wees omdat hy ’n binnekenner is en daar dus ’n probleem by Purple Group moet wees. Wel, ek weet nie waarom Barnes verkoop nie, behalwe om te sê dat direkteure gewoonlik netto verkopers van hul maatskappye se aandele…

dit was ’n groot skok om te verneem ons plaaslike arbeidsmark sukkel nie net nie, maar dat die situasie boonop verder versleg het. Ons werkloosheidskoers het van 29,1% aan die einde van 2019 tot 32,6% in die eerste kwartaal van 2021 toegeneem. Om dit in konteks te plaas: Ons bly natuurlik ’n ontluikende land. Met ander woorde, Suid-Afrika is baie soos ’n kind wat nog in sy skoene moet ingroei. Ons weet dit sal nie oornag gebeur nie, maar om van ’n reeds hoë werkloosheidskoers van 24,8% tien jaar gelede na die huidige 32,6% te beweeg, is mos ’n duidelike teken dat iets groots êrens baie skeefloop. Volgens Statistieke SA kom die huidige persentasie werkloosheid in SA neer op 7,242 miljoen mense sonder werk. In konteks – as ons al…

suid-Afrika se ekonomiese sage bly ontstellend en word voortdurend verswak deur ’n korrupte, kaderoorlaaide en onbekwame regime wat grootliks na sosialisme oorhel. Daarteenoor is daar die diepgaande ondernemingsgees en volharding van die land se private sektor. Die dapper poging om ekonomiese groei en ontwikkeling te midde van verbete nasionaliseringsuitdagings vir mynbou, energie, landbou, gesondheidsorg en so meer te bevorder, kry veels te min krediet. Alles gaan egter nie net sleg nie. Hoëgehalte-aandele lyk goedkoop; effekte bied goeie opbrengs vir beleggers; kommoditeitspryse het sover vanjaar met 20% gestyg; landbou-uitvoer belowe om deur die bank te presteer; en die rand vaar beter as die mandjie geldeenhede van ons handelsvennote. Binne die groter milieu het verskeie SA effektetrusts die afgelope jaar uitstekende opbrengs van tussen 30% en 80% gegenereer. Dis waar dat baie…

in die voorwoord van sy boek Antifragile sê Nassim Nicholas Taleb: “Jy wil die vuur wees en vir die wind wens.” Ons is nie seker of Kaapstad se brandweermanne dieselfde sou sê ná die verwoestende brande wat onlangs plaasgevind het nie. Die punt wat hy maak, is relevant vir ons in die finansiële markte, naamlik dat ons nie wil wegkruip vir onsekerheid, chaos en willekeurigheid nie, soos hy dit stel, maar dit wil omhels en daarby wil baat vind. As ons na die ekonomiese landskap in Suid-Afrika vandag kyk, sien ons baie pessimisme oor die toekoms, juis omdat soveel gebiede onsekerheid en risiko’s inhou. Die afgelope jaar het ons die Covid-19-pandemie deurgemaak, wat eenvoudig die bestaande ellende vererger het. Die verswakking in SA se fiskale volhoubaarheid was pynlik om te…

rentekoerse wat tans op ongeëwenaarde lae vlakke is sowel as vrese dat inflasie kan styg, maak die besluitnemingsproses ingewikkeld vir beleggers wat ’n inkomste moet skep of na opsies met ’n laer risiko soek. Omsigte keuse bly die sleutel met vaste inkomste waar daar talle risiko’s is, maar beleggers het ook verskeie ander oplossings nodig om die uitdagings van die huidige finansiële omgewing die hoof te bied. Weens dié omstandighede, meen ons daar moet weer na multibatefondse gekyk word. Hul vermoë om toegang tot verskillende bateklasse te bied en toewysings kragtens die fondsmandaat aan te pas soos omstandighede verander, kan waardevol vir inkomstebeleggers met ’n effens groter risiko-aptyt, wees. By PSG Asset Management streef ons daarna om kapitaal aan ons beste idees toe te wys en om risiko’s en potensiële…

If savings are your area, pension funds your business, investing your passion – we’ve got the information you need to read. www.moneymarketing.co.za FOLLOW US! Follow @MMMagza on Twitter and @MoneyMarketingSA on Facebook and Linkedin. Subscribe to our NEWSLETTER bit.ly/2XzZiMV For more information and advertising opportunities, contact Mildred Manthey. Direct: +27 (0)11 877 6195 Cell: +27 (0)72 832 5104 Email: mildred.manthey@newmedia.co.za…