Innehållsförteckning för 7/23/2021 från Finweek - Afrikaans

die storie van vernietiging en vernuwing is so oud soos die mensdom. In die Noorse mitologie staan dit as Ragnarök bekend. Dit is die oomblik wat al die ys- en vuurreuse (kom ons verwys na hulle as die skobbejakke) saamstaan teen die gode (die goeie ouens) en kop-teen-kop gaan in die grootste geveg ooit. Die uiteinde van Ragnarök is dat die wêreld onder water is. Wanneer die water terugtrek, is daar net twee mense oor wat die wêreld weer bevolk. Hierdie verval en vernuwing sien ’n mens ook in die Bybelse verhaal van Noag waar die hele planeet onder water is en deur ’n hand vol verkosenes herbevolk word – met die doel van minder sondigheid. As ’n mens vanuit die mitologie na die geskiedenis oorgaan, is daar legio voorbeelde…

“POGINGS OM DIE GUPTAS TERUG TE BRING, VERSTERK.” – Hermione Cronjé, hoof van die nasionale vervolgingsgesag se ondersoekdirektoraat, sê Interpol het rooi kennisgewings uitgereik vir twee Gupta-broers in verband met beweerde korrupsie. Kennisgewings is uitgereik vir Atul en Rajesh Gupta, hul vroue en vier ander mense. Volgens Interpol is ’n rooi kennisgewing ’n waarskuwing vir alle lidlande van Interpol dat ’n individu ’n voortvlugtende is. Hoewel ’n rooi kennisgewing nie gelykstaande is met ’n internasionale arrestasiebevel nie, kan dit gebruik word om uitleweringsversoeke te ondersteun. Die Verenigde Arabiese Emirate het vanjaar ’n uitleweringsverdrag met Suid-Afrika bekragtig. “Die wêreld is gereed om die wêreldwye wedloop na die onderpunt vir korporatiewe belasting te beëindig.” – Amerika se sekretaris van die tesourie, Janet Yellen, het tydens ’n onlangse vergadering van die ministers van…

in ooreenstemming met sy waardeketting-meesterplan, beplan die suikerbedryf om met gespesialiseerde dienste en produkte vorendag te kom, onder meer volhoubare vliegtuigbrandstof (VVB) vir stralers wat in Johannesburg, Kaapstad en Durban land en brandstof moet inneem voordat hulle weer opstyg. Só sê Richard Nicholson, wat op ’n onlangse webinaar van Agri SA en Farmer’s Weekly ’n paneellid van die SA Suikerkwekersvereniging was. Sedert die skerp daling in suikerverkope binne die Suider-Afrikaanse Doeane-unie in die 2017-’18-seisoen, het die bedryf stadig maar seker vordering gemaak om verlore veld te herwin. Die pogings om aanvraag aan te wakker volg nadat “suikerbelasting” in 2018 ingestel is en suiker rofweg 200% duurder geword het vir die vervaardigers van versoete drankies, wat toe na kunsmatige versoeters oorgeslaan het. Die plaaslike bedryf het ook te kampe gehad met…

KOOP VER- KOOP HOU Die Satrix China Exchange Traded Fund (ETF) het net ’n jaar gelede genoteer en destyds was daar baie opgewondenheid omdat regstreekse blootstelling aan die Chinese aandelemark verkry kon word. Maar ’n jaar later verhandel dit 7% laer as sy noteringsprys en bykans 25% benede die hoogtepunt wat dit vanjaar in Februarie bereik het. Dit het daartoe gelei dat talle lesers vir my e-posse gestuur en gevra het wat hulle moet doen. Die kort antwoord is dat ETF’s langtermynbeleggings is en dat jy jou nie hoef te bekommer nie. Die Chinese regering het toegeslaan op die land se groot tegnologie-maatskappye; iets wat hul pryse verlaag het, maar dit sal nie vir altyd ’n probleem wees nie. Ignoreer dit en vra jouself waar China oor tien jaar sal wees.…

ek weet ek het dit die afgelope jaar al ’n paar keer gesê, maar dit is inderdaad vreemde tye waarin ons leef. Nie alleen het die Covid-19-pandemie ’n verwoestende uitwerking op talle beleggers se finansies gehad nie, maar was baie van hulle ook verplig om van hul aftreespaargeld, byvoorbeeld in die vorm van ’n bewaringsfonds, te onttrek net om te kan oorleef. Hulle weet hulle sal hul aftreespaargeld op ’n manier weer moet aanvul, maar ’n dringender vraag deesdae is: “Hoeveel het ek nodig om gemaklik te kan aftree?” Verwagte maandelikse inkomste Kom ons begin by die begin. In dié geval sal dit die bedrag geld wees wat jy tans nodig het om van te leef. Kenners beveel gewoonlik aan dat jy 80% van dié bedrag as maatstaf neem vir…

die onlangse groei in die ekonomie, wat die Internasionale Monetêre Fonds se voorspellings ver oortref het, kan toegeskryf word aan die wêreldwye vraag na hulpbronne wat gekoppel is aan herstel en die post-pandemiese drukverligting wêreldwyd wat tot hoë kommoditeitspryse gelei het. Tesame met uitstekende landbou-uitvoer en die bykomende voordeel van Covid-19-verligtingstoelaes het dit die ekonomie gehelp om van ’n lae basis af te herstel. Die groei is deels die gevolg van die vraag wat verlede jaar tydens die streng inperkings opgebou het. Die groot vraag wat in die volgende paar maande gevra sal word, is of hierdie korttermyngroei in ’n volhoubare momentum op lang termyn omgeskakel kan word. Een van die grootste risiko’s vir die ekonomiese herstel is nou natuurlik die Covid-19-pandemie, veral die delta-variant van die virus wat die…

’n Oproep deur president Cyril Ramaphosa om wydverspreide onrus in KwaZulu-Natal en Gauteng te laat bedaar ná die opsluiting van oudpresident Jacob Zuma was nie genoeg om duisende plunderaars, van wie baie opportunisties, te keer om sakeondernemings in Suid-Afrika se twee provinsies met die grootste bevolkings, aan te val en te stroop nie. Talle klein ondernemings, waarvan baie deur buitelanders besit word, het die ergste deurgeloop onder aanvalle wat verbind word met ondersteuners van die voormalige president, nou ’n misdadiger. “Die Kleinsake-instituut veroordeel ten sterkste die kwaadwillige plundery van sakeondernemings, vernietiging van noodsaaklike ekonomiese infrastruktuur, uitbrand van vragmotors en versperring van paaie, hoofsaaklik in KwaZulu-Natal en Gauteng,” sê die instituut in ’n mediaverklaring. Alan Mukoki, uitvoerende hoof van die SA Kamer van Koophandel en Nywerheid, het gesê: “Daar is geen…

as jy ’n vinnige Google-soektog doen, sal jy uitvind dat wyn een van die oudste bedrywe op aarde is. ’n Span argeoloë het in 2017 bewyse van wynproduksie byna 8 000 jaar gelede in Tbilisi, Georgië, gekry. Om dit in perspektief te plaas: Dis amper 2 000 jaar voordat mense perde mak gemaak het, 2 600 jaar voordat ons skryfkuns uitgevind het en 3 300 jaar voordat ons die eerste piramide gebou het. Daarby gebruik Georgiese wynmakers vandag grootliks dieselfde gereedskap en metodes as hul voorouers agt millennia gelede. Hein Koegelenberg is die uitvoerende hoof van La Motte Wynlandgoed, waar die Franse Hugenoot Gabriël du Toit in 1752 die eerste wingerd aangeplant het. Ek vra Koegelenberg hoekom ons wyn met tydloosheid assosieer. “Baie van die romantiek van wyn hou met…

met meer as 60 eiendomsagentskappe wat oral in die land om alleenmandate meeding, is dit vir nuwe agentskappe haas onmoontlik om aan die luukse kant van die eiendomsmark ’n voet in die deur te kry. Om dié probleem te bowe te kom, het Julia Finnis-Bedford, eienaar van Amazing Spaces, ’n maatskappy wat in die opspoor van verfilmingsplekke spesialiseer, en Andrew Dewey, besturende direkteur van ’n nasionale eiendomsdienstemaatskappy, kragte saamgesnoer. Amazing Spaces se produk- en dienstereeks is tot ’n beleggingsafdeling vir leefstyleiendomme uitgebrei en staan as Amazing Spaces Lifestyle Investments bekend. Om vir Amazing Spaces Lifestyle Investments se portefeulje te kwalifiseer, hoef eiendomme nie noodwendig duur of luuks te wees nie, maar wel uniek om die nuwe kooptendens ná die pandemie te vergestalt. Dewey verduidelik dat mense weens die inperkingsmaatreëls noodwendig…

KOOP VER-KOOP HOU Transaction Capital is ’n beleggingsbeheermaatskappy wat as ’n nie-depositonemende finansiëledienste-maatskappy sake doen. Sy segmente sluit in SA Taxi, WeBuyCars en Transaction Capital Risk Service. In September 2020, het Transaction Capital ’n transaksie beklink om ’n nie-beherende aandeelhouer met ’n belang van 49,9% in WeBuyCars te word, en hy het onlangs ooreenkomste aangegaan om dié belang tot 74,9% te verhoog – onderworpe aan regulatoriese goedkeuring. Om die verlangde aandelebesit te verkry, moes Transaction Capital kapitaal verkry deur middel van ’n versnelde boekbou-oefening. Gedurende die eerste helfte van Julie het Suid-Afrika se grootste taxi-finansier aangekondig dat hy R1,17 miljard in ’n oorvolskrewe boekbou-oefening verkry het, met aandele wat teen R35,50 elk geplaas is – ’n diskonto van 4,4% op die groep se aandeelprys by die sluit van sake op…

NEDBANK Werk van die huis af Nedbank het ’n werk-van-die-huis-beleid (WVH-beleid) aangekondig wat ná die pandemie in werking gestel sal word. Die bank verwag dat 60% van die personeel elke dag op kantoor sal wees, wat twee dae van WVH elke week beteken. Ons sien dat verskillende maatskappye plaaslik en wêreldwyd verskillende beleide volg, met Apple op die uiterste met slegs twee weke van WVH elke jaar, terwyl ander Amerikaanse tegnologiemaatskappye buigsamer WVH-skedules vir personeel wil aanneem. Dit beteken dat praatjies oor die dood van kantore onlangs baie oordrewe was, maar dit beteken ’n laer vraag na kantore in die komende jare, aangesien daar ’n oorskot ruimte in huidige spasie is. QUANTUM Hou fyn dop n Jaar gelede was daar groot opgewondenheid oor Quantum Foods toe Zeder sy aandeelhouding verkoop…

Amalungelo Dié uitgawe se isiZulu-woord is amalungelo. Amalungelo is regte. Die enkelvoud is ilungelo. Net nou die dag het Facebook my amalungelo geskend deur my vermoë om boodskappe te pos, te beperk. Ek het g’n idee wat ek verkeerd gedoen het dat hulle op dié manier moes inbreuk maak op my amalungelo nie. Daarom gaan ek ’n mediakonferensie hou, en die nasie toespreek. Daar sal eetgoed en drinkgoed wees, maar net vir my want die mediakonferensie is virtueel en ek volg Covidprotokolle. Dié lukrake skending van my amalungelo wys die mense in beheer van Facebook het ’n verskuilde agenda. Oop en bloot verskuil. Maar omdat dit verskuil is, weet ek nie wat die agenda is nie. Ja, ek het gesê oop en bloot verskuil, maar dit bly verskuil. Dié tydperk…

die strukturele hervormings wat president Cyril Ramaphosa tans instel, is ’n sterk aanduiding dat hy die oorhand oor linksgesinde populiste begin kry in die stryd om beheer van die formulering van ekonomiese beleid binne die regerende ANC. Nadat Ramaphosa die leierskap van die ANC in Desember 2017 oorgeneem het, het hy ’n klomp beloftes gemaak om die grootste probleme in ons land aan te pak – ernstige korrupsie, swak ekonomie en stygende werkloosheid. Vir ’n ruk het hy klei getrap en toe opgehou om sy beloftes uit te voer, tot die teleurstelling van baie Suid-Afrikaners wat in sy boodskap van “vernuwing”, “eenheid” en ’n “nuwe begin” geglo het. Die teleurstelling het ook uitgebrei na die beleggingsgemeenskap, wat geduld verloor het oor die stadige tempo van beleidshervorming wat nodig is om…

naspers* is ’n multinasionale internet- en-mediagroep met ’n gewig van 14% op die JSE saam met sy filiaal Prosus. Naspers is Afrika se grootste maatskappy volgens markwaarde en die suksesvolste tegnologiebeleggingmaatskappy. Hy lewer dienste in meer as 130 lande, met sy hoofbedrywighede in internetkommunikasie, vermaak, speletjies en e-handel. Aandeelprysgeskiedenis Naspers was vroeër die FTSE-JSE-indeks van alle aandele se toppresteerder en het vanaf 2014 ’n lang stygtendens volgehou. Teen 2015 het Naspers 82% oor 12 maande opgelewer en die sielkundige vlak van R2 000 per aandeel bereik. In 2018 het die aandeelprys met meer as 440% gestyg en was die prys-verdienste-verhouding ’n tamaaie 95. Namate die stygmomentum toegeneem het, het kommer toegeneem dat Naspers oorprys was en beleggers het ongemaklik daarmee gevoel dat Tencent sy hoofaandrywer was. Dié sentiment het ’n…

markte het min vrees openbaar in reaksie op hernieude onthullings van die akkumulasie van enorme persoonlike rykdom oor die afgelope dekade. Die Nasdaq het tot ’n absolute hoogtepunt gestyg, Facebook het ’n markkapitalisasie van $1 000 miljard bereik en Apple is steeds gerieflik bokant die vlak van $2 000 miljard. In 130 lande is daar ooreengekom oor ’n nuwe minimum-wêreldbelastingvlak van 15%. Dit is laer as die 22% wat bereken is om enige belasting-arbitrage te neutraliseer waarvolgens ’n belastingkoers van 28% in een land, sê maar Suid-Afrika, gehef word vergeleke met 11% in ’n ander, sê maar Ierland. En vanselfsprekend word die land met die laagste belastingkoers verkies. Dus sal ’n koers van 15% nie so doeltreffend wees as wat daar gehoop is nie. Die werklikheid is dat die wêreldbelastingstelsel…

adapt IT is tans die teiken van ’n bodoorlog tussen die JSEgenoteerde Huge Group en Volaris, ’n filiaal van ’n Kanadese maatskappy genaamd Constellation Software. Ons besit Constellation Software in ons fondse namens ons kliënte en meen dat die aandeel gerus oorweeg kan word deur beleggers wat kapitaal aan buitelandse aandeelportefeuljes wil toewys. Constellation Software is daarop ingestel om wat hy “programmatuurondernemings met ’n vertikale mark” noem, te verkry. Dié programmatuurondernemings het ’n verskeidenheid van “vertikale markte” – van marinebatebestuur tot spyseniering en parkering. Constellation het ’n fantastiese langtermyn-prestasiegeskiedenis. Die aandeel is in 2006 genoteer en het tussen 2010 en verlede jaar teen meer as 40% per jaar gegroei. Dit is deur goeie bedryfsprestasie aangedryf. Die verdienste per aandeel het tussen 2010 en verlede jaar teen ’n saamgestelde jaarlikse koers…

finweek het Pranita Daya, eiendomsontleder by Anchor Stockbrokers, se mening gevra oor die onderwerp van genoteerde eiendomsmaatskappye (reits) se skuldvlakke. Die reitsektor ondervind die probleem van balansstaatdruk. Dit sluit in verhoogde lening-tot-waarde-verhoudinge, wat die afgelope jaar deur verlagings van eiendomswaarde vererger is, asook deur aansienlik laer rentedekkingsverhoudinge weens druk op die verdienste deur huurgeldondersteuning wat aan huurders gegee word, bo en behalwe die moeilike verhandelingsomgewing in die algemeen. Daya sê baie reits het heelwat vordering gemaak met die verlaging (en bestuur) van hul lening-tot-waarde-verhouding, meestal deur verkoopsprogramme en teruggehoue verdienste. ’n Paar van die reits, soos Growthpoint Properties en Equites Property Fund, het aandeeluitreikings afgehandel, maar die meeste reits het dié opsie vermy weens die groot afslag op die netto batewaarde per aandeel waarteen die sektor verhandel. Daya sê die…

“In goeie tye, boaan die siklus, is die aanbod stram en word kontrakte met goeie marges en voordelige voorwaardes vir konstruksiemaatskappye geskryf. Wanneer die siklus egter begin draai, sal ondernemings wat werk nodig het, nadeliger voorwaardes en uitdagende projekte begin aanvaar wat groter risiko vir wanbetaling inhou. In die konstruksiebedryf maak dit baie saak teen watter prys jy die kontrak onderteken,” sê Andrew Joannou van Ninety One. “As jy die verkeerde prys aanvaar, kan die maatskappy sukkel as jy nie die voorwaardes nakom nie; en jy kan vinnig geld op die kontrak verloor. Gewoonlik het ’n maatskappy soos WBHO goeie kontrakte onderteken en vooraf geweet hoe om die prys te bepaal. As jy daardie berekening regkry en dit effektief in werking stel, beteken dit gelukkige kliënte,” sê hy. Om eerlik…