Innehållsförteckning för 10/08/2021 från Finweek - Afrikaans

in my e-posse voordat ek dié rubriek geskryf het, het een (van die baie) persverklarings wat vir my aandag gewag het oor die “aanbreek van ’n kontantlose toekoms” gegaan. Ek het baie voorbehoude oor dié utopie waar geld oorgedra word deur horlosies, kaarte, tikke en so aan. Luister asseblief eers hoekom. In dié uitgawe se Kollektiewe Insig verduidelik kenners die talle fasette van skuld. ’n Artikel wat nie ingedien is nie en ’n onderwerp wat verlede jaar op ’n advieskomiteevergadering van Kollektiewe Insig geopper is, gaan oor mense se eenvoudige sielkundige idee van sien en raak is glo. ’n Komiteelid het genoem dat mense nie kontak met hul geld het nie omdat dit so maklik is om vir goed en dienste te betaal. Die idee is eenvoudig: As jy nie sien…

stel jou voor jou volgende werksonderhoud is met kunsmatige intelligensie (KI). Dit is ’n virtuele vergadering en die rekenaar-gegenereerde persoon op jou skerm lyk lewensgetrou. Hy toon die emosies en gesigsuitdrukkings wat jy van ’n regte persoon verwag. Jy voel gemaklik omdat hy empatie uitdruk en selfs vir jou grappies lag. As hy maar net geweet het jy maak grappies as jy senuweeagtig is. Dalk weet hy. Tydens die onderhoud word ’n groot aantal datapunte ontleed. Gesigsherkenningstegnologie ondersoek jou mikro-uitdrukkings om moontlike tekens van oneerlikheid te bepaal. Die algoritmes op die agtergrond bepaal ’n basislyn vir jou gedrag – soos ’n poligraaf – om te sien hoe angs en spanning jou gedrag beïnvloed. Selfs jou stem word vir tekens van spanning of valsheid ontleed. Intussen vergelyk masjienleermodelle jou geskiktheid en…

clicks is ’n verskaffer van gesondheids- en skoonheidsprodukte en is die grootste kleinhandelsapteek in Suid-Afrika. Hy besit ook die farmaseutiese groothandelaar United Pharmaceutical Distributors (UPD). Aandeelprysgeskiedenis Clicks se aandeelprys het geleidelik gestyg van ’n laagtepunt van 1 115c nadat hy 60% van Direct Medicines in 2008 verkry het vir ’n kontantbetaling van R13,2 miljoen. Die groep het toe op 1 Desember 2016 beheer geneem oor al die Medicross-apteke en 45 kleinhandelswinkels van die Netcare-hospitaalafdeling op 1 Februarie 2017 – sy aandeelprys het toe tot ’n hoogtepunt van 22 220c gestyg. Ná ’n reeks goeie finansiële resultate en sterk groei het Clicks se aandeelprys in Desember verlede jaar ’n vlak van 28 115c per aandeel getoets en in September vanjaar ’n hoogtepunt van 31 165c. Die huidige vooruitsigte Dit is geen…

skuld is sleg en moet teen alle koste vermy word. Moet liewer nooit skuld aangaan nie. Skuld is verkeerd. Dit is almal frases wat ons al tevore gehoor het. Maar sê nou dit is verkeerd. Wag, miskien is dit nie verkeerd nie, maar dit word uit verband geruk? Wat as die korrekte manier van skuld gebruik iemand nie net tot voordeel strek nie (byvoorbeeld, dit help ’n pas getroude paartjie om die eiendomsleer te bestyg), maar dit help ook om die ekonomie te laat groei en dat dit goed vir die gemeenskap is? Moenie my verkeerd verstaan nie, skuld – soos enige ander finansiële produk – kan katastrofies wees as dit misbruik word; jy hoef eenvoudig Denis Diderot se essay “Regrets on Parting with My Old Dressing Gown” te lees…

op ’n skaal van nul tot tien: Hoe sexy laat jou ryding jou voel? Hier is die sleutel tot jou antwoord: 1-3: Ek voel supersexy. Die adrenalien pomp elke keer wanneer ek daarin is of gesien word. 5-7: Ek voel cool – ek kan kom waar ek wil wees en dit straal my onafhanklikheid uit. 8-10: Ek raak nie geheg aan materiële dinge nie. My motor doen sy werk en is betroubaar – dis al wat ek nodig het. As jy die volgende geantwoord het: 1-3: Wonder jy hoekom jou syfer op die skaal nie groter is nie en hoekom jou motor so klein is! 5-7: Wonder jy of jy jou antwoord moet verander om aantrekliker te wees – dís hoe cool jy is. 8-10: Jy is nie statusbewus nie…

ons konsentreer dikwels op die gevare van skuld, maar vir ’n gesonde moderne ekonomie is skuld noodsaaklik om deur ’n verbruikersgeoriënteerde benadering te groei. Bloot die noem van die woord “skuld” maak party verbruikers al bang. Niemand wil geld skuld nie, maar in werklikheid skuld ons op die een of ander manier altyd iemand geld, want ons kan nie altyd bekostig om als kontant te betaal nie. Daar sal altyd motors en huise wees om voor te betaal, en in talle kliënteportefeuljes moet ons die hefboombeginsel in ag neem, wat vir goeie skuld voorsiening maak. Skuld kom in verskillende vorms, maar ek wil op die drie vernaamste soorte skuld fokus, naamlik goeie, slegte en lelike of aaklige skuld. Wanneer dit daarby kom om teen die lelike soort skuld te stry,…

ek het die begrip van gevaarloon al ’n paar keer bespreek. Dié term het in die verlede meestal verband gehou met soldate wat in gevaarlike gebiede moes werk. Deesdae kan dit selfs spesiale versekeringsvoordele insluit vir gebeurtenisse soos ontvoering vir gesinne wie se beroep vereis dat hulle na gebiede moet verhuis waar die risiko van ontvoering groot is. Wat die pakket ook al behels, dit verwys in werklikheid na ekstra voordele of vergoeding vir mense wat onder meer hul lewens in gevaar stel om op gevaarlike plekke te werk. Talle mense vind dié voordele baie aantreklik, maar dit is uiters belangrik dat diegene wat dit oorweeg, bewus moet wees van die gepaardgaande gevare. In die meeste gevalle moet werkers bereid wees om met hul lewens te betaal in ruil vir…

the Index Card is ’n gewilde boek oor persoonlike finansies wat oorspronklik in 2017 gepubliseer is. Die uitgangspunt is eenvoudig: Koop ’n indeksfonds – soos die FTSE/JSE top-40-indeks – eerder as om batebestuurders se gelde te betaal wat op lang termyn selde beter as die mark vaar. Ek vra Nico Katzke, hoof vir portefeuljeoplossings van Satrix, hoekom ons nie almal The Index Card se raad moet volg en passiewe pleks van aktiewe belegging moet kies nie. “Die debat word dikwels uitgedruk – na my mening verkeerdelik – as óf aktief óf passief. In werklikheid het albei ’n plek. Aktiewe bestuurders het ’n belangrike prysontdekkingsrol en steeds die vermoë om beteras indekse te vaar. Indeksvolgfondse, wat dikwels passiewe fondse genoem word, bied aan beleggers ’n laekoste-alternatief terwyl hulle indekse volg wat…

Caxton& CTP Publishers and Printers se finansiële resultate virdie jaargeëindig 30 Junie, uitgereikop 20 September, wys ’n verdriedubbeling van sy wesensverdienste per aandeel tot 75,4c. Hiervan sal 50c as ’n dividend uitgekeer word. Caxton het geen skuld nie en kontant van sowat R2 miljard. Hy besit ook ’n 31%-aandeel in die verpakkingsmaatskappy Mpact wat byna R1,5 miljard werd is, terwyl Caxton se markkapitalisasie sowat R3 miljard is. Sy bedrywighede bestaan tradisioneel uit die drukvan gemeenskapskoerante en sy eie koerant The Citizen, asook derde partye se tydskrifte. Die koerante genereer advertensie-inkomste en het ’n noue verband met die Suid-Afrikaanse ekonomie. Albei is moeilike bedrywe, maarCaxton het tydskrifte gegroet en word ’n verpakkingsonderneming met veel groter potensiaal. Caxton se direksie was oor die jare heen goed met die toewysing van kapitaal. Daar…

as jy die fliek The Matrix gekyk het, weet jy die werklikheid bestaan nie – net persepsie. Wat ons egter nie almal weet nie, is dat ons taal ons persepsie van die wêreld vorm, asook ons gedrag en optrede in reaksie op daardie persepsie. Ek is Ndebele. Ndebele is die eerste taal wat ek gepraat het. Daarna het ek in die kleuterskool Engels geleer. Op hoërskool Frans. Danksy ’n seun in wie ek belanggestel het, het ek ’n bietjieTswana geleer. Met my studie in die regte het ek genoeg Latyn geleer om goed in my eksamens te vaar. Ek het geleer baie Engelse woorde het Franse en Latynse wortels. Danksy mense saam met wie ek gewerk het, het ek ook genoeg Afrikaans geleer om aan vergaderings deel te neem; deesdae…

die finansiële instruksies wat uit die ivoortorings van die finansiële bedryf stroom van “spaar meer” en “sit geld opsy om te spaar”, is ten beste onbewus van die finansiële werklikheid waarmee baie Suid-Afrikaners elke dag saamleef. En ten ergste is dit onkundig. Dié advies kom natuurlik met die beste bedoelinge om te verseker dat mense – uit alle klasse – ’n finansiële grondslag het wat goed genoeg is om enige ekonomiese storm te deurstaan. Dis nou wanneer alle klasse die ekonomiese storm ondervind. Die kwessie hou verband met ’n wanbegrip van die werklikheid van wanneer dit eens moontlik is om geld opsy te sit. Wat dalk vir jou lyk na finansiële toestande wat spaar moontlik maak, beteken nie dit maak dit vir iemand anders moontlik nie. Die luukse daarvan om…

al is Suid-Afrika se finansiële stelsel die mees ontwikkelde in Afrika, het die land met huishoudelike skuldprobleme te kampe wat ál erger word en talle gesinne se finansiële welstand beïnvloed. Terwyl verantwoordelike toegang tot krediet huishoudings help om bates op te bou en ekonomiese groei bevorder, het dit onbedoelde negatiewe gevolge wanneer mense oorverskuldig is – minder spaargeld, druk op besteebare inkomste en die risiko om sonder’n toereikende finansiële buffer af te tree. ’n Belangrike syfer vir elke verbruiker is sy kredietgradering. Hoekom jy moet weet wat jou kredietgradering is Jou krediettelling is ’n syfer, gewoonlik tussen 0 en 999, wat jou gebruik van krediet en jou finansiële gedrag uitbeeld. Maatskappye wat krediet toestaan gebruik jou krediettelling om te kyk hoe waarskynlik dit is dat jy ’n lening sal terugbetaal…

SPUR RocoMamas vaar goed Spur het op 23 September goeie finansiële resultate virdie jaargeëindig 30 Junie bekend gemaak met wesensverdienste per aandeel (WVPA) 33,1% hoër, al het die inkomste met 10,5% gedaal. Hoewel dit die voljaarresultate was, het Spur nie ’n dividend betaal nie, maar eerder’n uitgestelde tussen-tydse dividend vir verlede jaar se boekjaar. Hy het in Februarie verlede jaar ’n dividend verklaar, maar toe die pandemie begin het, het hy besluit om dit nie te betaal nie. Nou betaal hy die 78c per aandeel. Ondanks die streng inperkings en die vrees vir ’n vierde golf, het hy goed gevaar met RocoMamas wat die beste presteerder was. Dit is nie verrassend nie, omdat hulle makliker om die inperkings werk. Oor die algemeen is die groep goed geplaas met goeie handelsmerke.…

Die hiënas is op pad Dié uitgawe se isiZulu-woord is impisi. Impisi is ’n hiëna. Wanneer jy ’n hiëna hoor lag, moet jy nooit dink hy kom in vrede nie – hy kom in impisi en sal getrou bly aan sy aard, sy tande in vleis wil slaan. Ja, ek praat van die verkiesingseisoen. Om te demonstreer hoe Suid-Afrikaners voel oor verkiesingsveldtogte en veldtogvoerders wat lippe aflek vir ’n stukkie van ons, het ek die temaliedjie van Nightmare on Elm Street effens aangepas. 1, 2, impisi’s coming for you 3, 4, better lock your door 5, 6, buy a crucifix 7, 8, gonna stay up late 9, 10, never sleep again 1, 2, impisi’s coming for you 3, 4, there’s a knock on the door 5, 6, grab your crucifix…

“HULLE MOES VROEËR BETROKKE GERAAK HET.” – Tshifhiwa Tshivhengwa, uitvoerende hoof van die Toerismesakeraad van Suid-Afrika, het die SA regering gekritiseer omdat hy nie vinnig opgetree het oor die Verenigde Koninkryk se besluit om SA op sy rooi lys vir reisigers te hou nie. Die Verenigde Koninkryk het gesê hy gaan SA op die rooi lys hou weens kommeroordie Beta-variant van die koronavirus. Tshivhengwa het aan Business Times gesê dat die hoë kommissie onmiddellik onderhandelinge met die betrokke regeringsdepartemente in die Verenigde Koninkryk moes begin het en ’n gekoördineerde SA reaksie moes gereël het. As dit van die begin af gedoen is, sou SA nie uitgesluit gewees het weens die Britse “oningeligte vrese” nie, het hy gesê. “China… Sal nie nuwe steenkoolkragprojekte oorsee bou nie.” – China se president, Xi…

die regering is tjoepstil oor’n voorgestelde uitvoerheffing op chroomerts sedert die idee verlede jaar in Oktober geopper is. Volgens voorstanders van die heffing, sal dit voordeligervirdie plaaslike ferrochroomsektor wees – wat sukkel om geld te maak weens Eskom se belemmerende, inflasiekloppende energietariefverhogings – as chroomerts duurdervirChinese ferrochroomprodusente gemaak word. Die chroomertsbedryf het, deur middel van ChromeSA, met mening teruggekap. Hy het eers die voorstel as “ongehoord” beskryf, maar kon nie daarin slaag om ’n vrystelling van die Mededingingskommissie te kry wat hom in staat sou stel om alternatiewe vir die uitvoerbelasting te bespreek nie. Alle oë is egter nou gerig op die land se mediumtermyn-begrotingsraamwerk, wat die pas aangestelde minister van finansies, Enoch Godongwana, op 4 November ter tafel gaan lê. Daar word gehoop dat Godongwana meer duidelikheid sal gee,…

Rand Merchant Investments (RMI), ’n finan siële-dienstebeleggingsbeheermaatskappy, besit versekeringshandelsmerke, soos OUTsurance en die Britse Hastings. RMI beplan om sy aandele in Discovery (25%) en Momentum Metropolitan (27%) vir sy aandeelhouers te ontknoop – wat dan direkaandele in dié maatskappye sal besit. Die hoofrede hiervoor is om aandeelhouerswaarde te ontsluit deurdie diskonto op sy primêre, intrinsieke waarde te verklein. RMI kan dan op eiendoms-en ongeluksversekering konsentreer. Dit sal ook help met ’n regteuitgifte van R6,5 miljard om sy skuld van R11,8 miljard nader aan R6 miljard te verminder. Die ontknoping sal waarskynlikteen die einde van die tweede kwartaal van 2022 afgehandel wees en die regteuitgifte sal voordie ontknoping gebeur – aandeelhouers moet die regteuitgifte in November goedkeur. Verhandel hom só: Die nuus het RMI se aandeelprys met 14% laat styg en…

videostroomdienste is om twee redes ’n fassinerende sakegeleentheid vir potensiële beleggers. Eerstens is videostroomdienste se mark groot; die maatskappye wat in hierdie sektor slaag, sal dus uitgebreide groei geniet. Tweedens is dit ’n bedryf waarin skaal baie belangrik is, en hierdie dominante maatskappye sal dus meer inhoud aan verbruikers kan bied terwyl hulle minderdaaraan as hul mededingers bestee. In hierdie artikel ondersoek ons hierdie twee faktore. Ons vind ’n bedryf wat nog betreklik jonk is, en ons sien ook die belangrikheid van skaal en hoe dit tot groter konsolidasie in hierdie sektor gelei het. Die wêreldwye mark vir videostroomdienste oor die internet (OTT) is groot. Na raming is daar wêreldwyd tussen 800 miljoen en 900 miljoen breëband-of betaaltelevisiehuishoudings buite China. Verskeie maatskappye met stromingsdienste is gerig op hierdie honderde miljoene…

gedurende die voorspoedgolf van die bankbedryf in die Renaissancetydperk in die 16de eeu, het geldhandelaars in Florence, Italië, hul sake gedoen vanaf ’n tafel of bank (“banca”). As ’n handelaar skielik sonder geld sit, het dit gou die aandag van die owerheid getrekwat die onverantwoordelike handelaarvoor stokgekry het en letterlik sy tafel of bankgebreekof “ge-rottura” het en die handelaar luidkeels as ’n “banca rotta” uitgekryt het! Tot vandag toe word ’n persoon wat volgens wet nie sy of haar skuld kan betaal nie as “bankrot” verklaar; ’n skandvlek met sosiale en psigologiese uitwerkings. ’n Onlangse meta-ontleding in Brittanje, Amerika en Nieu-Seeland het ’n verband tussen verhoogde skuld en langtermynpsigotiese steurings, depressie, selfdoodpogings, drankprobleme, en dwelmverslawing bevestig. Nog is het einde niet. Daar is ook maatskaplike koste om te betaal met…

die probleem met skuld en die rede waarom so baie mense ’n leeftyd lank daarmee worstel, is omdat die uitwerking daarvan op ’n mens se finansiële situasie verraderlik is. Dit is nie voordie hand liggend hoe skadelikdit is deureenvoudig afsonderlik na enige enkele lening te kyk of na die rentekoers van dié lening of selfs die bekostigbaarheid van die maandelikse terugbetalings nie. Die finansiële verval is geleidelik, maar toenemend. Om die slu, maar aansienlike impakvan skuld op iemand se algehele finansiële welstand duidelik te waardeer, is dit nodig om dit oor ’n langer tydperk te oorweeg. Om hierdie punt te illustreer, kan ons twee vriende oorweeg. Om intuïtief te identifiseer wie is wie, kan ons hulle Leen en Spaar noem. Leen en Spaar is identies in bykans alle opsigte –…

in 2011, drie jaar ná die wêreldwye finansiële krisis, het ’n taamlik merkwaardige publikasie op boekwinkels se rakke beland. Dit was Debt, The First 5 000 Years. Wat die boek werklik verpligte leesstof maak, is dat dit die kwessie van skuld heel anders benader, naamlik uit die oogpunt van ’n ekonomiese antropoloog met ’n lewendige belangstelling in hoe die konsep “skuld” die afgelope 5 000 jaar in samelewings wêreldwyd geëvolueer het. David Graeber was egter meer as net ’n gerekende akademikus wat byYale (wat hom nie permanent wou aanstel nie) sowel as die London School of Economics klasgegee het. Hy is ook as een van TIME Magazine se 2011 Persone van die Jaar aangewys vir die rol wat hy gespeel het omWall Street aan te portot wat hy “’n vars…

If savings are your area, pension funds your business, investing your passion – we’ve got the information you need to read. www.moneymarketing.co.za FOLLOW US! Follow @MMMagza on Twitter and @MoneyMarketingSA on Facebook and Linkedin. Subscribe to our NEWSLETTER bit.ly/2XzZiMV For more information and advertising opportunities, contact Mildred Manthey. Direct: +27 (0)11 877 6195 Cell: +27 (0)72 832 5104 Email: mildred.manthey@newmedia.co.za…