Innehållsförteckning för 6-Jun-19 från Huisgenoot

1 ‘LOS ONS KIND,’ SÊ DIE HOUGAARDS Die ouers van die oud-Springbok Derick Hougaard, Bontes en Riana, is moeg daarvoor dat mense hul seun as ’n swakkeling uitkryt Enige moeder sal vir haar kind opkom. Ek wens mense wil Derick en Nádine uitlos. As jy nie iets goeds kan sê nie, bly liewer stil. Ons almal maak foute. Bid eerder vir hulle. MARIE OOSTHUIZEN Mense is wreed in die sosiale media. Hulle sê net wat hulle wil, en op die lelikste maniere denkbaar. Dan lees ons kinders dit en dink dis normaal. Dink oor hoe julle aanlyn optree. SORET CLOETE VILJOEN Wees altyd trots op jul seun. Hy het swak keuses gemaak, maar sal weer opstaan. Dié wat klippe gooi, dink eerder hoe trots ons op Derick was in sy no.…

VIR MILJOENE lesers sal sy altyd die vrou wees wat op ’n lewensveranderende ontdekkingsreis geluk gevind het: Eers het sy in Italië aan pizza gesmul, daarna in Indië gemediteer en eindelik in Indonesië liefde gevind. Toe dit in 2006 gepubliseer is, het Eat Pray Love van Elizabeth Gilbert ’n supersterskrywer gemaak. Dit het miljoene vroue wêreldwyd laat glo hulle kan ook hul saai lewens met ’n bietjie waagmoed omkeer. Maar vandag kan Liz se lewe nie verder verwyder wees van die slottoneel van dié trefferboek (wat op haar eie verhaal gegrond is) se silwerdoekweergawe nie. Daarin stap Julia Roberts, wat Liz in die 2010-fliek speel, saam met Javier Bardem, wat Felipe – ’n skuilnaam vir die skrywer se ware liefde, José Nunes – speel, die sonsondergang in. “My lewe het…

PAMPOENTERT MET SONNEBLOMPITKORS EN LEMOENROOM GENOEG VIR 6 MENSEBEREIDING: 30 MIN.RUS: 30 MIN.AFKOEL: 30 MIN.GAARMAAK: 30-35 MIN. KORS ◗ 100 g sonneblompitte◗ 500 ml (2 k) koekmeel◗ 125 ml (½ k) versiersuiker◗ ’n knippie sout◗ 250 g koue botter, in blokkies gesny◗ 5 ml (1 t) water VULSEL ◗ 500 g gaar pampoen, fyngedruk◗ 125 ml (½ k) bruismeel◗ 1,25 ml (¼ t) neutmuskaat◗ 2,5 ml (½ t) fyn gemmer◗ 5 ml (1 t) fyn kaneel◗ 60 ml (¼ k) ligbruinsuiker◗ 125 ml (½ k) room◗ 3 eiers LEMOENROOM ◗ 125 ml (½ k) room◗ fyngerasperde skil van 1 lemoen Voorverhit die oond tot 200 °C. Bespuit ’n 24 cmronde of ’n 35 x 13 cm-reghoekige tertpan goed met kossproei. 1 Kors Rooster die sonneblompitte in ’n droë pan tot dit…

BUITE KRY DIT HIER BUILDERS 0860-284-533; CLICKS 0860-254-257; GAME 0861-4263-2273; MAKRO 0860-300-999; TAKEALOT.COM HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

Prentjiemooi Pienk prinses Aksie-knaap Strepiespret KRY DIT HIER ACKERMANS 0860-900-100; COTTON ON 011-784-0218; EDGARS 0800-203-925; JET 0800-203-925; MRP 0800-21-25-35; SUPERBALIST.COM; WOOLWORTHS 0860-022-002 HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

Stuur voorstelle en versoeke na geldsake@huisgenoot.com. E-pos sal sover moontlik in die rubriek beantwoord word en nie persoonlik nie. DIE bankbedryf is deesdae uiters mededingend, en daar is talle rekeningopsies wat ontwerp is om feitlik almal se sak te pas. Tog betaal baie mense jaar ná jaar bankkoste wat te hoog is omdat hul rekening nie by hul persoonlike behoeftes pas nie. Hoekom skuif hulle dan nie na ’n ander bank wat vir hulle beter opsies bied nie? Die antwoord is dat dié besluit talle mense intimideer – en dat hulle ’n adminis­ tratiewe nagmerrie vrees. Dié kontrolelys kan jou help met die besluit en hoe om dit uit te voer. WAT IS JOU BEHOEFTES? Bepaal jou bankgedrag. Watter soort transakies doen jy die meeste? Sommige mense het baie debietorders;…

1 Die fliek vertel die verhaal van die Britse popster (72) se pad na roem in die 1970’s, wat begin in sy vroeë jare as wonderkind aan die Royal Academy of Music in Londen. Dit delf ook in sy stryd teen dwelms en depressie. 2 Die Britse akteur Taron Egerton vertolk die hoofrol. Die 29-jarige Wallieser is bekend vir sy rol as Eggsy in die Kingsman-flieks en was verlede jaar Robin Hood in die gelyknamige fliek. 3 Tom Hardy (41) sou Elton aanvanklik speel, maar die fliek se vervaardiger, Matthew Vaughn, het gedink die Venom-ster was te oud en Taron se sangtalent beter. 4 Elton sê hy het geweet Taron kan sing nadat hy gehoor het hoe hy sy 1983-treffer I’m Still Standing in die animasiefliek Sing uitvoer. “Ek sing…

FALLING AJ & EVIDA Dit is AJ, oftewel Armand Joubert, ’n deelnemer aan die tweede seisoen van The Voice SA, se nuwe enkelsnit. Vir dié lied span hy en die DJ-duo Evida hul talente saam. Hierdie popliedjie met ’n polsende ritme en elektroniese klank is gemik op die jong klomp en ’n klubomgewing. JOU LIPPE DANNY SMOKE Danny is eintlik daarvoor bekend dat hy as ’n kitaarspeler vir die room van ons plaaslike kunstenaars optree, maar met dié stoute enkelsnit maak hy nou sy debuut as sanger. Die lied gaan oor ’n ou wat deur ’n meisie se lippe verras word. Hierdie een sal jou aangenaam verras, veral as jy van aggressiewe kitaarwerk hou.…

GROOT BLOKRAAI NO. 2280 APRIL SE R1 000-WENNER VIR GROOT BLOKRAAI M.O. Rudman, Westonaria GROOT BLOKRAAI NO. 2280 Antwoord: jaguar PHAROS-TWEETALIGE WOORDEBOEK M. Labuschagne, Vrede M. Drotschie, Bellville R. Kotze, Worcester FOTOBLOKRAAI NO. 2026 FOTOBLOKRAAI NO. 2026 Antwoord: chiffon VERKLARENDE AFRIKAANSE WOORDEBOEK F. Stafleu, Pretoria AFRIKAANSE WOORDELYS EN SPELREËLS M. Rautenbach, Kleinmond KODERAAI NO. 384 KOPKRAPPER ONS KOMPETISIE-WENNERS Kry die name van al die wenners van Huisgenootkompetisies op ons webtuiste. Gaan na huisgenoot.com/wenners.…

VRA ’n mens ’n vyfjarige kind wat hulle wil word wanneer hulle eendag groot is, sal die antwoord heel dikwels “brandweerman”, “polisieman” of “polisievrou” wees. ’n Beroep in die brandweer of polisie behels heelwat meer as net rooi trokke, flitsende ligte en loeiende sirenes. Dit is gevaarlike beroepe waarvan die doel is om ander te red en beskerm. DIE BRANDWEER SAL jy in ’n brandende gebou inhardloop? Of die kans waag om jou te beseer deur gebreekte glas, vallende voorwerpe en moontlike ontploffings om ander mense te red en eiendom te beskerm? As jy ja hierop antwoord, het jy van die eienskappe wat nodig is om ’n beroep in die brandweer te oorweeg. Brandbestryders blus brande wat op enige plek kan ontstaan. Hulle verleen ook bystand in ander noodsituasies en…

BORIS JOHNSON (54, DIE GUNSTELING) Wedsyfer: 5/4 Sy blonde boskaas herinner aan Donald Trump s’n. En soos die Amerikaanse president is hy gedurig in die nuus weens sy opruiende en rassistiese aanmerkings. Die voormalige burgemeester van Londen het ’n ruk gelede woede ontketen toe hy gesê het Moslemvroue met sluiers lyk soos “posbusse” of “bankrowers”. Hy was die minister van buitelandse sake in May se kabinet, maar het verlede jaar bedank omdat hy van haar sagte benadering tot Brexit verskil het. En sedertdien woel hy agter die skerms om haar te vervang. Senior Tories (soos die Konserwatiewe Party ook bekendstaan) is gekant teen hom as leier. Hulle meen met hom in beheer loop Brittanje ’n werklike gevaar om sonder ’n ooreenkoms uit die EU te pletterval. Maar ten spyte van…

HY LEEF al langer as ’n jaar soos ’n soort voorvlugtige, beweer die maer gryskopman. Kort-kort moes hy in sy paneelwa na nóg ’n afgesonderde plek verskuif. Glo vreesbevange hy sal herken word as hy te lank op een plek bly. Maar nou is hy klaar met wegkruip. So sê Anton Neethling, wat in 2013 verkondig het hy het die oud-Springbokheld Joost van der Westhuizen se motorneuronsiekte (MNS) met ontgiftingstegnieke en bio-elektromagnetisme genees. Sy bewerings het destyds opslae gemaak. Joost self het in daardie tyd aan Huisgenoot gesê: “Ek weet ek gaan nog lank leef.” Maar Anton se bewerings is met skeptisisme begroet, en op 6 Februarie 2017 is ’n erg verswakte Joost oorlede. Anton (nou 61) sê baie mense wou toe by hom weet waarom hy die behandeling gestaak…

MAANDE lank het sy by haar laatlam se hospitaalbed gewaak en gebid die dogtertjielyfie moet die stryd teen kanker wen. Dit was haar moederhart se enigste begeerte; niks anders het regtig saak gemaak nie. Selfs die knop in haar bors het sy aanvanklik geïgnoreer – haar gedagtes was pal by haar kind. Twee jaar lank het Erica Rhoode (nou 51) saam met klein Alexis (nou 7) teen die kanker in haar lyfie bly veg – en toe word borskanker by háár gediagnoseer. Nadat Erica ’n mastektomie ondergaan het, het ma en dogter maande lank albei gelyk chemoterapie gekry. Maar vandag, noudat Alexis se siekte eindelik in remissie is, moet Erica die tyding verwerk dat die kanker by haar so versprei het dat dokters haar nie meer kan help nie. Dit…

DAG ná dag het die twee susters in die hooggeregshof in Kaapstad sit en luister na die grusame getuienis oor die moord van hul ma. Hoe sy so hard met ’n stomp voorwerp in die motorhuis van haar woonplek in die spogbuurt Constantia geslaan is dat haar skedel en kakebeen gebreek het. Hoe haar lewelose liggaam daarna in die kattebak van haar groen BMW gelaai is voor haar moordenaar agter die stuur ingeskuif en na die Diepriviertreinstasie gery het. En toe steek hy die motor aan die brand met hul ma steeds in die kattebak … ’n Mens sou verwag dat die twee jong susters die man in die beskuldigdebank met afsku sou aangluur. Maar die beskuldigde is hul pa, die 57-jarige Kaapse sakeman Rob Packham. Terwyl sy opspraakwekkende dubbele…

KRY DIT HIER @HOME 0860-576-576, HOME.CO.ZA; CORICRAFT011-611-8700, CORICRAFT.CO.ZA; HOME ETC. 021-551-3311, HOMEETC.CO.ZA; MRP HOME 0800-212-535, MRPHOME.COM; PEP 0860-737-000, PEPSTORES.COM; PLASCON 021-505-2400, PLASCON.COM; SHEET STREET 0800-212-535, SHEETSTREET.COM; SUPERBALIST087-362-7300, SUPERBALIST.COM HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE. WENK Kontrasteer liggroen met helderder skakerings groen, roomkleure en houtteksture vir vars trefkrag.…

1 Dit is dalk makliker om onderklere en T-hemde plat te vou en bo-op mekaar in jou laaie te pak. Maar dan sien jy net die boonste item en moet jy rondkrap vir wat onder lê. Om jou items vertikaal in jou laai te pak het meer sin: Jy sal nie net meer ruimte in jou laai hê nie; jy sal ook in ’n kits kan sien wat waar is. 2 Verf ’n lagie deurskynende naellak aan knope om te verhoed dat die gare loskom en die knoop afval. 3 Maak jou gunstelingtrui wolletjies? Gryp jou skeermes. Rek die kledingstuk effens en trek die lem liggies oor die oppervlak om van lastige rafels en donsies ontslae te raak. 4 Moes jy jou leersak of -skoene wegpak omdat dit gevlek het?…

ARENDSVLEI Christian kuier weekliks in ons sitkamer as die skobbejak Emile wat al die vuilwerk vir die superfeeks Wendy Newman (Rehane Abrahams) doen in die kykNET & kie-telenovelle Arendsvlei. Hy het haar selfs al gehelp om met perlemoen te smokkel en haar “probleempies” laat verdwyn. “Dis ’n karakter wat my baie na aan die hart lê,” vertel dié boorling van Belhar op die Kaapse Vlakte. “Hy gaan deur goed wat ek ge-witness het toe ek grootgeword het. “Ons kleredrag verskil nie wêrelde van mekaar nie; hy lyk dan so lekke in daai size 32 jeans,” laat Christian hoor. “Waar ons verskil, is soms die verkeerde besluite wat hy neem, maar terselfdertyd leer ek wat om nie te doen nie. Ek het grootgeraak met die goedjies, spreekwoorde, gesegdes. Dis goedjies wat…

OM TOT VERHAAL TE KOM Deur LIZETTE RABE (Lapa, R245*) Prof. Lizette Rabe is om twee redes die aangewese persoon om dié handleiding te geskryf het: Sy is ’n gesoute joernalis en sy het ’n seun aan die dood afgestaan. Vir haar het skryf ’n “ander vorm van huil” geword. In die boek skryf sy: “Niks het oorgebly nie. “Niks het ek meer verstaan nie. “Niks het ek meer geweet nie. “Maar daar is tog een ding wat ek geweet het ek darem nog weet. Dit was dat ek van daardie verskriklike eerste oomblik – ver-skrik-lik, in die volle verskrikking van die betekenis – geweet het ek sal skryf.” Hieruit is gebore Om tot Verhaal te Kom: Verwerk Trauma en Verlies deur Skryfterapie. Dit is ’n praktiese gids wat die…

SONDER EVA ’n Feminis is aan die woord voor ’n groot gehoor. “Waar sou die man vandag gewees het as dit nie vir die vrou was nie?” vra sy. Sy wag ’n oomblik om haar woorde te laat insink, kyk in die saal rond en sê: “Ek herhaal: Waar sou die man vandag gewees het as dit nie vir die vrou was nie?” Toe roep ’n manstem agter uit die saal: “Hy sou in die paradys gewees het, besig om appels te eet!” LITA SCHOON BEGAAFDE PA Dis die seuntjie se eerste dag op skool, en die juffrou vra wat sy pa se beroep is. “My pa is ’n towenaar, juffrou. Hy saag mense in die helfte,” sê die seuntjie. “En hoe kry hy dit reg?” vra die juffrou. “Ek…

NO. 2 286 NEEM SO DEEL Vul die blokraai korrek in, skryf die letters in die kleurblokke neer en gebruik dit om die antwoord op die vraag te ontrafel. SMS “HG”, gevolg deur jou antwoord, naam en dorp/stad na 36400. Net een SMS per deelnemer word toegelaat. Die SMS kos R1,50. Net mense binne SA grense kan deelneem. Die wenners sal die oorspronklike, voltooide blokraai en hul besonderhede moet verskaf. Geen werknemers of hul gesinne van Media24, Grapevine Interactive en hul reklamemaatskappye mag deelneem nie. Die sluitingsdatum is 27 Junie 2019. Kyk op huisgenoot.com vir die volledige bepalings en voorwaardes. WEN ’N WOORDEBOEK PLUS KOM IN AANMERKING VIR DIE MAANDELIKSE TREKKING VAN R1 000. VRAAG: WATTER SUIKERPRODUK IS TER SPRAKE? PHAROS WOORDEBOEKE (’N DRUKNAAM VAN NB-UITGEWERS) GEE DRIE EKSEMPLARE VAN…

DEPRESSIE Sy aanhangers, die Beliebers, smeek hom al die afgelope twee jaar vir nuwe musiek, maar Justin het ’n ruk lank op sy geestesgesondheid gefokus. ‘Musiek is belangrik vir my, maar niks kom naby my familie en gesondheid nie,’ het hy in Maart vanjaar op Instagram oor sy depressie in die laaste jare geskryf. DIE LIEFDE Die Kanadese sanger het in 2018 met die Amerikaanse model en TV-persoonlikheid Hailey Baldwin (22) getrou. Daar word gereeld gegis dat hul huweliksbootjie wankel, maar die twee koer alte lekker in die sosiale media. BLAASKANS Justin, wat as tiener wêreldberoemd geraak het danksy sy treffer Baby, sê musiek laat hom deesdae stres. ‘Ek is suksesvol sedert ek 13 was, so ek het nie ’n kans gehad om uit te vind wie ek is buiten…

JY HET dalk al die hartseer 1997-fliek Titanic op DVD of ’n stroomdiens gesien – oor die skip wat ’n ysberg getref het. Deur die eeue was vele skepe nie bestand teen die woeste see en die gevare daarin nie, en ander skepe is aangeval. Daar word gereken meer as 3 miljoen skeepswrakke rus op die seebodem, maar minder as 1% van dié wrakke is al verken. Wie weet watter skatte dalk doer onder lê? VYF VAN DIE BEKENDSTE SKEPE WAT GESNEUWEL HET RMS TITANIC Gebou 1909-1912. Dit was destyds die grootste passasierstoomskip ter wêreld. Eerste vaart Op 10 April 1912 het dit uit Southampton, ’n hawestad in Engeland, vertrek. Dit was op pad na New York in Amerika. Die “onsinkbare” skip het tydens sy eerste vaart gesink. Waar het…

RAKKE wat kreun onder dinge wat jy nooit gebruik nie. Laaie wat jy te bang is om oop te maak. Stapels ou papiere op die yskas. Jy het dit al probeer sorteer, maar iewers gee jy altyd moed op – die taak is bloot te oorweldigend. Die Amerikaanse leefstylghoeroe Gretchen Rubin het ’n teorie oor hoekom baie mense se pogings om orde te skep misluk. Dis jou persoonlikheidstipe, sê sy. In ’n inspirerende nuwe boek, Outer Order, Inner Calm, deel sy praktiese wenke om jou te help sodat jy eens en vir altyd van jou gemors ontslae raak. KEN JOUSELF Voor jy aan die werk spring, doen ’n bietjie selfondersoek. Wanneer jou baas ’n spertyd stel of ’n vriend jou vra om met iets te help, spring jy dadelik weg…

RIRI SE STIL LONDEN-LEWE JY KEN beslis jou storie wanneer jy uit ’n land kan trek en mense eers veel later daarvan uitvind. Die popsangeres Rihanna het haar aanhangers geskok toe sy onlangs bekendmaak sy het die blink liggies van Hollywood ’n jaar gelede al vir Londen verruil. In ’n onderhoud met The New York Times Magazine het Rihanna (31), wat in Mei ’n modehandelsmerk, Fenty, bekendgestel het, verduidelik sy het verhuis om nader aan haar span te wees. Dié is in Parys en Italië, waar die produkte vervaardig word. Sy het nie haar kêrel, Hassan Jameel (30), wat ook in Londen woon, genoem nie, maar dit is nie moeilik om tussen die lyne te lees nie. Die sangeres en die skatryk Saoedi-Arabiese sakeman gaan al twee jaar uit, en…

Daar is geen basis vir die bewerings dat alternatiewe medisyne motorneuronsiekte (MNS) kan genees nie, beklemtoon dr. Andre Hans-Dieter Mochan, hoof van die neurologiedepartement van die Netcarerehabilitasiehospitaal in Auckland Park, Johannesburg. “Baie navorsing word gedoen om te bepaal hoekom mense MNS ontwikkel. Dit sal moontlik ’n aanduiding kan gee oor hoe om dit doeltreffender te behandel. Maar tans is daar geen geneesmiddel in alternatiewe medisyne of die Westerse mediese wetenskap nie.” Die aftakeling van die liggaam deur MNS kan nie omgekeer word nie, benadruk dr. Kaushik Ranchod, neuroloog van die Netcare Sunninghill-hospitaal in Johannesburg. Die twee erkende MNS-medikasies, Riluzole en Radicava, kan hoogstens die lyer se lewe ’n ruk verleng. “Al wat ons tot op hede weet, is daar is geen wetenskaplike bewys dat MNS genees kan word nie.”…

Dis nie die eerste keer dat mense hulle skaar by ’n familielid wat van moord aangekla of daaraan skuldig bevind word nie. Soms laat blyk familielede openlik hul lojaliteit; in ander gevalle hou hulle vol hul familielid is onskuldig ondanks die bewerings of getuienis in die hof. ▪ Don Steenkamp se ouma Bettie Steenkamp het bly glo plaasaanvallers het sy ouers, Christel en Deon, en suster, Marthella (14), in 2012 vermoor ondanks die feit dat hy in 2014 aan die moorde skuldig bevind is. “Hy het in die hof vir my gesê: ‘Hoekom sal ek my ma, pa en sussie waarvoor ek so lief was, skiet?’ ” het Bettie in 2013 aan Huisgenoot vertel. Sy is in 2017 oorlede; hy dien 20 jaar tronkstraf uit. ▪ Die sakeman Christopher Panayiotou…

Week vier GEURPROFIEL VAN INDIË PROTEÏEN Rooivleis bok, lam, vark Vis en seekos vars vis soos stokvis en salm, calamari en inkvis, steurgarnale, krap Suiwel natuurlike jogurt, room, vars kaas Pluimvee hoender Hoendereiers Tofoe STYSEL Rys wit, jasmyn, basmati Brood naan, roti, paratha, chapati Ander poppadoms, rysnoedels GROENTE EN VRUGTE Groente radyse, suikerertjies, sampioene, eiervrug, salotte, tamaties, soetrissies, wortels, pitmielies, broccoli, blomkool, spinasie, murgpampoentjies, okra, komkommer Vrugte lemmetjie, suurlemoen, vars klapper, pynappel, mango KOSKAS kasjoeneute, amandels, kekerertjiemeel, rooiwynasyn, verskeidenheid masalas (mengsels van droë speserye), nat kerriepastas, droë split-ertjies, lensies (bruin, rooi en groen), swartbone, cannellinibone, snybone (haricot beans), kekerertjies, brandrissie-olie, sultanas, grondboontjiebotter KRUIE brandrissies, kerrieblare, koljanderblare, knoffel, ment, basilieblare SPESERYE vars gemmer, borrie, cayennepeper, naeltjies, kaneel, komyn, koljander, vinkelsade, fenegriek, paprika, kardemom, lourierblare, saffraan, tamaryn IN DIE laaste aflewering in…

KRY DIT HIER @HOME 0860-576-576, HOME.CO.ZA; CORICRAFT 011-611-8700, CORICRAFT.CO.ZA; HOME ETC. 021-551-3311, HOMEETC.CO.ZA; MRP HOME 0800-212-535, MRPHOME.COM; OSMAN’S 021-696-2231, OSMANS.CO.ZA; PEP 0860-737-000, PEPSTORES.COM; PLASCON 021-505-2400, PLASCON.COM; SHEET STREET 0800-212-535, WWW.SHEETSTREET.COM; SUPBERBALIST 087-362-7300, WWW.SUPERBALIST.COM HOEWEL ONS ALLES IN ONS VERMOË DOEN OM KORREKTE PRYSETEVERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE. WAT IS DIE MAKSIMALISTIESE TREND? Die voorkoms behels ’n mengelmoes van botsende style, met groot klem op gemak. Dié trend het geen reëls nie, net riglyne: Gebruik kleur. Wees dapper en eksperimenteer na hartelus met kleure en patrone. ’n Galerymuur is ’n belangrike fokuspunt. Spog met die goed waarvoor jy lief is en wat jy versamel het, en stal dit trots uit. Gebruik art deco-meubels vir ekstra bekoring. Dié era, die 1920’s en…

STAP VIR STAP: BLINK KARTELS VIR LANG HARE STAP 1 Werk in klein seksies van die bokant van die agterkant van die kop af. Neem ’n sliert hare en buig met die een hand ’n C-vorm aan die wortel van die sliert. Gebruik ’n verhitte stryktang, klem dit oor die C-vorm en hou dit sowat vyf sekondes so. Jy kan die klamp ook tydens die vyf sekondes hou en laat los. STAP 2 Wanneer jy klaar is, skep in dieselfde sliert hare nog ’n C-vorm onder die eerste C-vorm wat jy gemaak het, maar maak seker die C wys nou in die teenoorgestelde rigting. Herhaal die klampmetode van die eerste stap. Herhaal die bogenoemde stappe tot jy die sliert voltooi het. Werk so deur al jou hare. STAP 3 Wanneer…

As jy ’n persoonlike probleem het, skryf gerus aan Liewe Elize, Posbus 1802, Kaapstad 8000 of elize@huisgenoot.com. Of SMS LIEWE ELIZE gevolg deur jou vraag na 36489. Elke SMS kos R1. SPEEL TWEEDE VIOOL TEENOOR SY SUSTERS V Ek het al ’n paar jaar lank ’n verhouding met ’n ou en het ’n kind by hom, maar voel niks meer vir hom nie. Die rede is dat hy sy familie en susters eerste stel. Ek het ’n goeie werk, maar moet heeltyd van hulle hoor dat ek net ter wille van sy geld en besittings by hom is. Ek wil uittrek, maar dan huil hy skielik oor sy kind en is jammer oor alles. Hoe kan ek hom laat besef ons moet sy prioriteit wees en nie sy familie nie?…

TOY STORY SATERDAG E.TV 19:30 ’n Speelgoed-cowboy is jaloers toe ’n nuwe speelding sy eienaar se gunsteling word. Met die stemme van Tom Hanks en Tim Allen. DEVIOUS MAIDS MAANDAG E.TV 22:00 Zoila (Judy Reyes) gaan op ’n toe-oë-afspraak en Genevieve kry ’n nuwe vriend. THE CONNERS M-NET 19:00 Die Conners (John Goodman en Sara Gilbert) moet hul daaglikse probleme trotseer.…

Ontmoet die twee Die duo bestaan uit die egpaar Ilse en Jattie de Beer, wat 10 jaar getroud is. Die twee sing al sedert 2008 saam toe hulle in hul middel 20’s was. Dit het toevallig gebeur nadat ’n vriend hulle gevra het om op sy troue te sing. Hulle (albei 36) het ingestem, maar moes ’n klankstelsel en luidsprekers leen. Die gogga het gebyt en hulle het met bestaande liedjies op troues en korporatiewe geleenthede begin optree. Maar Jattie het mettertyd ál meer Afrikaanse liedjies geskryf, en vyf jaar gelede het hulle besluit om bekend te staan as Douvoordag, wat hoofsaaklik oorspronklike musiek gaan maak. Al die liedjies op die album behalwe een kom uit Jattie se pen, met Ilse wat vir die verfyningsproses vir party liedjies verantwoordelik is,…

Jy het 14 maande om jou roman te voltooi. Die sluitingsdatum van NB-Uitgewers se vierde Groot Afrikaanse Romanwedstryd is 31 Augustus 2020. Groot pryse is op die spel. Die wenner ontvang R200 000, terwyl die tweede en derde prys onderskeidelik R70000 en R40000 beloop. Daar is ook ’n debuutprys ter waarde van R40000. Die wedstryd vind net elke drie jaar plaas. Die wedstrydreëls en inskryfvorm is aflaaibaar by bit.ly/GrootAfrikaanseRomanwedstryd2021. Skrywers se navrae kan telefonies gerig word deur 021-406-3412 te bel of per e-pos na romanwedstryd@nb.co.za.…

Besoek ons webtuiste, huisgenoot.com, vir ’n daaglikse horoskoop. KREEF 21 JUN – 21 JUL As waterteken is jy nogal sensitief – ’n eienskap wat vandeesweek meer hinder as help. Die kans is goed dat jy dinge verkeerd kan verstaan en in die proses te maklik sal seerkry. Dis waarskynlik goed om dinge nie te persoonlik op te neem nie. Dis ’n goeie week om ’n bietjie sielsondersoek te doen. Jy moet dalk nadink oor gewoontes, en reaksies en patrone identifiseer wat verouderd is en waarvan jy ontslae kan raak. GELUKKIGE NOMMERS 28, 46, 51, 3, 15, 32 LEEU 22 JUL – 22 AUG As Leeu het jy nie ’n gebrek aan selfvertroue nie. Vandeesweek kan twyfel egter aan jou selfbeeld knaag. Jy is dalk onseker oor jou loopbaan, bevraagteken jou…

NO. 2 032 VRAAG WATTER NAAM VIR ’N ONVERFYNDE MENS IS TER SPRAKE? SKOMMEL DIE LETTERS IN DIE KLEURBLOKKIES OM DIE ANTWOORD TE VIND. LEES LANGSAAN HOE DIE KOMPETISIE WERK. Jy kan ’n Verklarende Afrikaanse Woordeboek of Afrikaanse Woordelys en Spelreëls van die uitgewer Pharos (pharos@pharos.co.za) wen. Vul die blokraai in en gebruik die letters in die kleurblokke om die antwoord op die vraag te ontsyfer. SMS “HG” gevolg deur jou antwoord, naam en dorp/stad na 36400. Net een SMS per deelnemer word toegelaat. Net mense binne SA se grense kan deelneem. Die SMS kos R1,50. Hou die oorspronklike, volledige blokraai met jou besonderhede as bewys. Geen posstukke word as inskrywing aanvaar nie. Geen werknemers of hul gesin van Media24, Grapevine Interactive of hul reklamemaatskappye mag deelneem nie. Die sluitingsdatum…

OP DIE rugbyveld was dié blitsige WP-en Springbokflank ’n legende. Hy het telkens die skare op hul voete gehad wanneer hy sy teenstanders na lug laat gryp, en daardie blonde kuif het hom boonop gewild gemaak onder vroue. Maar dié driedrukmasjien van die vroeë 1980’s het eers lank ná sy rugbyloopbaan voor die grootste toets van sy lewe te staan gekom. Tien jaar gelede het dokters vir Rob Louw gesê hy sal binne vyf maande dood wees. ’n Metastatiese melanoom is in 2009 by hom gediagnoseer, en dié aggressiewe kanker het na sy galblaas, lewer en dunderm versprei. Maar hier sit hy vandag voor ons, so gesond en lenig soos die rugbyheld van weleer. Danksy lang dae op sy geliefde branderplank en muurbalsessies twee keer per week is hy nog…