Innehållsförteckning för 27-Jun-19 från Huisgenoot

1 MY PRAGTIGE NUWE LEWE IN DIE KAAP Boer Soek ’n Vrou se Rox-Zee Veldhuizen word ’n Kapenaar en voel weer soos haar ou self ná die hartseer verbreking van haar en boer Rèan se verlowing Ek is teleurgesteld in boer Rèan. ’n Volwasse man wat hom deur sy ma laat voorsê! A nee a. Veg vir daai pragtige vrou. Jy gaan saam met haar woon, nie jou ma nie. BREGGIE BASSON FYVER Jy’s nie die eerste of laaste mens wat oor ’n verbrokkelde verhouding moet kom nie. En ek wil bysê: Vroue, bly weg van boere as jul hart nie by ’n plaaslewe is nie. HETTIE PIETERSE Rox-Zee en Rèan, niks is fout met julle nie. As dit God se wil is, sal julle bymekaarkom. Struikelblokke is volop in ’n…

IN Engeland se hoogste kringe is die skindertonge in rep en roer oor ’n vete wat maar net nie wil bedaar nie. Aan die een kant is ’n beeldskone vrou met ’n tuimelende bos donker hare, slanke bene en onberispelike styl. Sy is met ’n skatryk man getroud wat al as die grootste vangs in Engeland beskryf is. Aan die ander kant: die toekomstige koningin van Engeland, ’n vrou wat skande en skinder verpes, maar tog nie die gefluister van die koninklikes en rykes kan stopsit nie. Rose Hanbury, markiesin van Cholmondeley (uitgespreek as Chumley), en die hertogin van Cambridge het altyd ’n hegte band gehad, maar dit het vroeër vanjaar aan die lig gekom die twee het ’n “verskriklike uitval” by ’n ete gehad. Sedertdien het hul warm vriendskap…

Pinealeklier-gewasse verteenwoordig skaars 1% van breingewasse, en pineoblastome verteenwoordig omtrent die helfte van alle pinealeklier-gewasse, sê prof. Michael Herbst van die Kankervereniging van Suid-Afrika (Kansa). Die pineale klier is diep in die brein en skei melatonien af – die hormoon wat slaappatrone reguleer. “Al kan pineoblastoom op enige ouderdom voorkom, word dit meestal in die eerste twee lewensdekades gediagnoseer,” sê Michael. Simptome sluit in hoofpyn, naarheid, bewegingsteuring en ledemaatswakheid. “Elke pasiënt is uniek, en behandeling moet vir elke pasiënt aangepas word. Behandeling behels gewoonlik chirurgie om soveel moontlik van die gewas te verwyder, radioterapie om dit te krimp en chemoterapie om moontlike kwaadaardige selle dood te maak wat dalk agterbly.” Navorsing toon chirurgiese verwydering verhoog lewensverwagting by pineoblastoom en ook dat ’n langer lewensverwagting deur radio-en chemoterapie bereik kan word,…

* Die boks-en pakgroottes van handelsname se kitsmengsels verskil; kies dus ’n mengsel wat omtrent dieselfde gewig as die aanbevole hoeveelheid het. WORTELMARMER- KAASKOEK LEWER 1 GROOT KOEKBEREIDING: 20 MIN.BAK: 1 UUR WORTELKOEK ◗ 1 x 595 g-pak* wortelkoekmengsel, berei soos op die verpakking aangedui◗ 250 ml (1 k) wortel, gerasper KAASKOEK ◗ 1 x 230 g-houer roomkaas◗ 1 x 230 g-houer gladde maaskaas◗ 4 eiers◗ 125 ml (½ k) suiker◗ 5 ml (1 t) vanielje Voorverhit die oond tot 160 °C. Voer ’n 23 cm- ronde losboomkoekpan met bakpapier uit en bespuit met kossproei. 1 Wortelkoek Meng die wortel deur die klaarbereide wortelkoekmengsel en giet in die koekpan.2 Kaaskoek Klits al die bestanddele saam tot glad. Giet die kaaskoekmengsel oor die wortelkoekmengsel en bak 1 uur of tot die…

LIPPE LIPSKROP STAP 1 Skep die suiker in ’n klein fles. Laat ’n bietjie ruimte vir die petroleumjellie. STAP 2 Voeg sowat 2 lepels petroleumjellie by en meng. RESULTAAT Gladder lippe sonder dooie velselle. GESIG HAWERMOUT-EN-HEUNINGSKROPMIDDEL STAP 1 Maak ’n fles halfvol heuning. STAP 2 Voeg die hawermout by, maar los ’n bietjie plek aan die bokant van die fles. STAP 3 Voeg ’n paar druppels roosbottelolie by. STAP 4 Voeg nog heuning by tot die fles vol is. Meng alles deeglik. RESULTAAT Vel wat sagter voel en meer gehidreer is. LYF SUIKERSKROPMIDDEL STAP 1 Maak die fles driekwart vol suiker. STAP 2 Voeg ’n paar druppels jojobaolie by. STAP 3 Vul die fles met olyfolie. Laat die olie afsypel en voeg nog by tot die suiker versadig is. RESULTAAT…

Stuur voorstelle en versoeke na geldsake@huisgenoot.com. E-pos sal sover moontlik in die rubriek beantwoord word en nie persoonlik nie. 1 HOE GEBRUIK JY GEWOONLIK JOU FOON, EN WAT KOS DIT JOU? Sommige mense betaal vir ’n groot dataplan, maar gebruik min daarvan. Ander moet weer gereeld ekstra data teen duur buitebondelpryse aankoop. Jou diensverskaffer behoort ’n selfoonapp of webtuiste te hê waar jy geregistreer is en jou maandelikse verbruik kan nagaan: getal oproepe, SMS’e, data, MMS’e, hoeveel ekstra data of lugtyd jy aankoop en wat dit kos. Gewapen met hierdie inligting kan jy vergelyk wat verskillende diensverskaffers en planne jou kan bied. 2 IS VOORAF­ BETAALDE DATAPLANNE GOEDKOPER AS KONTRAKTE? As jy ’n kontrakplan met ’n foon neem, betaal jy oor die kontraktyd ook die foon af; daarom is die…

Waaroor gaan dit? Iemand wat ’n buitestander en buitengewone kunstenaar is, word in Rusland ’n “Wit Kraai” genoem – iemand soos die balletdanser Rudolf Nureyev. Dis 1961 en daar is ’n Koue Oorlog tussen die Sowjetunie en die Weste. “Rudy”, soos hy deur die balletgeselskap genoem word, wil die Nijinskyprys in Parys wen, maar dis landsverraad om kontak te hê met mense buitekant die Ystergordyn. Hy steur hom egter nie veel aan reëls nie. Ook in sy liefdeslewe is geen konvensies nie: Hy slaap saam met sy afrigter se vrou én saam met sy beste danservriend. Die fliek vertel wel net ’n deel van die storie, naamlik sy dramatiese oorloop op die Paryse lughawe na die Weste. Soos een van sy lewensleuses lei: “As jy nie ’n storie het om…

PRETFEITE ▪ Deon besit ’n groen boomluislangwat amper 1 m lank is. Sy naam is Ceimera. ▪ Hy is dol oor diere en is veral ’n hondemens. ▪ As ’n sangloopbaan hom nie geroep het nie, sou hy’n wildbewaarder wou wees. Musiektalent Deon het in die vroeë 2000’s op Alexanderbaai in Namakwaland grootgeword en skoolgegaan. Hierna het hy ingenieurswese aan die Kaapse Technikon studeer. Dié enkellopende sanger vermoed hy het sy musiektalent by sy ma, Patrys Laubscher, geërf. “Sy speel klavier en mondfluitjie, en ek onthou hoe sy saans in die huis musiek gemaak het. My pa, ook Deon, is weer glad nie musikaal nie. Ek dink as hy sing, sal die ruite breek!” In Namakwaland het Deon sr. ook as Groot Deon bekendgestaan; vandaar die sanger se verhoognaam. “So…

THE PREDATOR SONDAG M-NET 20:30 Soldate en ’n wetenskaplike probeer die mensdom van ’n ruimtejagter red. BINNELANDERS MAANDAG KYKNET 19:30 Okkie (Ben Kruger) se nuwe spyskaarte los dalk nie die probleem op nie. MY KITCHEN RULES AUSTRALIA M-NET 17:30 Die spanne is by ’n brouery waar met bier gekook moet word. Met Pete Evans.…

NUWE NAAM Die rapper 50 Cent het onlangs in Zimbabwe gaan toer. Maar daar moes hy sy naam verander na 400 Million Dollar. F.H. HORNE, HARTENBOS DIS KRIEKET! Die belangrikste deel van die Wêreldbekertoernooi vir die Proteas is die loot. Hoekom? Want dit bepaal of hulle met lopies of paaltjies gaan verloor. DENISE, PRETORIA GEWIGTIGE PROBLEEM Vrou: “Ek het 3 kg afgeskud. Het jy dit agtergekom?” Man: “As ek drie bladsye uit die telefoonboek skeur, sal jy dit agterkom?” F.H. HORNE, HARTENBOS ONVERSTAANBAAR ’n Wyse man gee vir sy seun raad: “Die dag dat jy verstaan hoekom ’n pizza rond gemaak is, maar in ’n vierkantige boks verpak en in driehoeke geëet word . . . daardie dag sal jy ook vroue verstaan.” DIANNE LE ROUX KITSKUUR As jy bang…

1 Hoewel sy in die musiekbedryf bekend is as Rihanna, heet haar klere-en grimeringreeks Fenty. Waar kom dié naam vandaan? A Dis haar van. B Dis Rihanna se tweede naam.. C Dis haar ma se naam. 2 Die treffermasjien van Barbados werk tans aan haar ne gende album. Wat is die naam van haar heel eerste album? A Good Girl Gone Bad B A Girl Like Me C Music of the Sun 3 Watter wêreldberoemde Amerikaanse rapper het haar ’n musiekkontrak aangebied toe sy net 16 jaar oud was? A Jay-Z B Snoop Dogg C Drake 4 Wat noem Rihanna, wat voor haar roem ’n weermagkadet in Barbados was, se aanhangers hulself? A Army B Rihanna Navy C Rihanna Cadets 5 In 2007 het die maatskappy Gillette watter deel van…

‘Dit was nog nooit vir my ’n probleem om oor seks te praat nie’ SY HET die televisiebedryf in die 1980’s betree – ’n petite Joodse vroutjie wat kykers aangemoedig het om die juk van seksuele onderdrukking af te gooi. Wees onbeskaamd oor jul diepste seksuele drange, solank alles net wettig en met albei partye se instemming is, was haar pleidooi. Haar naam was dr. Ruth Westheimer, meer bekend as Dr. Ruth, en sy het vroualleen ’n seksuele revolusie van stapel gestuur. Sy het op ’n hoofstroomplatform die letterlike en figuurlike werking van menslike seksualiteit verwoord soos niemand anders dit al voorheen gedoen het nie – dikwels in grafiese besonderhede. En vandag, op 90, is die vrou wat net 1,4 m in haar sokkies staan steeds verstommend besig. “Ek sit…

ELSABÉ STEYN (66), VERPLEEGSUSTER ‘EK WAS nog altyd ’n versorger. Ek sê altyd ek het twee lyfkinders, maar baie hartskinders. Ek het in Alberton by die Newmarket-perderenbaan grootgeword. My pa het daar gewerk en ek het altyd al agter die veearts aangeloop wanneer hy die perde versorg. Ek het ook al wat ’n voëltjie is, probeer gesond dokter – soms was ek meer suksesvol as ander kere. Ek is die oudste van vyf kinders. My jongste boetie is 15 jaar jonger as ek, en ná my ouers se dood het hy by my en my man, Leon, kom bly. Hy was toe sewe jaar oud. So deur die jare het ek ’n klomp afvlerkvoëltjies bymekaargemaak wat soos my eie kinders geword het. Dié jaar was my 50ste in die verpleging,…

Huisgenoot is vanjaar ’n amptelike mediavennoot van die Mej. Suid-Afrika-skoonheidskompetisie, en ons help soek na die volgende beeldskone, ambisieuse vrou wat haar talente en omgeehart wil inspan om ander te help. Vanjaar se kompetisie gaan groter as ooit wees, met 16 finaliste pleks van 12, en pryse van R3 miljoen – ’n rekordbedrag. Die wenner kry onder meer R1 miljoen, die naaswenner R250 000, en die res van die top-16 vat elkeen R25 000 huis toe. Toe die inskrywings vir die 61ste Mej. SA verlede maand geopen het, is die veldtog Miss South Africa Light Up Your Dreams geloods – met die “Groot Vyf” van die land se skoonheidskompetisiebedryf: die voormalige titelhouers Rolene Strauss, Bokang Montjane-Tshabalala, Ntandoyenkosi Kunene-Mthethwa, Liesl Laurie en Tamaryn Green. As amptelike mediavennoot van die kompetisie sal…

LEAH BEDRYWIG MET BOER SOEK ’N VROU Bydraes: Shanaaz Prince Wanneer die lieflike Leah nie van douvoordag af iewers op ons mooi platteland aan die nuwe seisoen van Boer Soek ’n Vrou verfilm nie, is sy in die ateljee besig om aan haar volgende album te werk. “Ons neem tussen die episodes deur op. Dis ’n vol jaar, maar ek kla nie; dit is heerlik om albei te doen,” vertel Leah, wat pas episode twee van die reeks afgehandel het. “Hoewel ek altyd myself probeer wees, is ek tog effens gemakliker voor die kameras as verlede jaar,” sê Leah oor haar tweede ronde as Boer Soek ’n Vrou se aanbieder. “En ek weet nou hoe baie warm klere ek moet inpak! Ons staan lekker vroeg op en val tussen halfses…

Is dit nie oulik verby nie! Ons gunsteling-koninklike tweeling, prinses Gabriella en prins Jacques van Monaco, het die karakters van die TV-program SpongeBob SquarePants onlangs by die jaarlikse Monte Carlotelevisiefees ontmoet. SpongeBob en Patrick Star het vir die skattige vierjariges, wat daar was saam met hul pa, prins Albert (61), drukkies uitgedeel. Jacques was in ’n vlootblou top en streepkortbroek uitgevat en sy suster het ’n bypassende vlootblou rok en wit tekkies gedra. Sy het op ’n kol skamer as haar broer gelyk, maar het gou ontdooi en dit later gate uit geniet. ’n Glimlaggende Albert het omtrent in sy noppies gelyk – dis seker baie lekkerder as om vername amptenare te ontmoet. Intussen … Die tweeling se ma, prinses Charlene van Monaco, het op haar beurt die motors se…

SY SMEULENDE glimlag en donker oë vermurwe al jare lank harte, maar net die mense na aan hom het geweet dat daardie glimlag ’n waarheid verbloem. Tot onlangs, toe die akteur Armand Aucamp (32) besluit het om hom voor die wêreld kaal te stroop en met almal te deel dat hy gay is. Dit was ’n reuseverligting, maar terselfdertyd vreesaanjaend, sê die aantreklike donkerkop. “Baie was op die spel,” vertel Armand. “Jy sien, ek het eintlik al in 2012 uitgekom. Toe het ek vriende en familie vertel en vooraf gewonder of hulle dit sal aanvaar. Dit was groot. Maar dié keer was ook my loopbaan ter sprake. Jy is bang: Gaan jy weer werk kry?” Maar dan val hy homself in die rede. “Dis goed wat jy jouself vertel, en…

DIE logge organisasie is jare lank beswadder. Mense het oor vrot kliëntediens, minderwaardige produkte en swak bestuur gekla. Maar kyk net nou: Telkom is lank nie meer ’n bloedsuier wat die staatskas leegtap nie. Dié telekommunikasiemaatskappy het uit die as herrys en is nou ’n voorbeeld vir ander staatsbeheerde ondernemings soos die kragvoorsiener Eskom en die Suid-Afrikaanse Lugdiens (SAL) dat jy benarde sake kán regruk met slim strategiese denke, stabiliteit op bestuursvlak en vasbeslotenheid om te diversifiseer. Die jongste finansiële resultate is ’n klinkklare bewys dat Telkom ’n goue ster verdien: ’n Wins van R3,3 miljard is aangeteken vir die boekjaar wat in Maart geëindig het. Dis ’n byna ongehoorde prestasie terwyl ander sulke ondernemings in skuld verdrink en van die staat afhanklik is om hulle met finansiële inspuitings te…

MELTON Items wat van dié dik en duursame materiaal gemaak is, is perfek vir die winter. POFBAADJIE Pofbaadjies is gevul met sintetiese vesels of vere, en hoewel dit lig is, hou dit jou heerlik warm. WENK ’n Pofbaadjie is nogal bonkig – dra dit by ’n nousluitende broek vir balans. KUNSPELS Die maklikste manier om elegant te lyk én knus te bly is met kunspels. ANORAK Ideaal as jy in ’n reënerige gebied bly, want dis waterbestand. SOLDATEJAS Dié styl gaan nooit uit die mode nie. Dis ’n moet in jou klerekas en sal jare lank ’n staatmaker bly. WENK Maak seker jou soldatejas se lapelle pas by jou liggaamsvorm. Dit moenie oorgroot wees nie. KRY DIT HIER ACKERMANS 0860-900-100; FOREVER NEW 021-419-4552; MILADYS 0800-310-290; MRP 0800-21-25-35; THE FIX 0860-101-048;…

1 Maak ’n gebrande strykyster skoon deur ’n stuk lap (of kombuispapier) te stryk waarop ’n paar eetlepels sout gesprinkel is. Stryk verskeie kere oor die sout tot die merke verdwyn. Skakel die yster af en laat dit heeltemal afkoel. Vee dan die metaalplaat met ’n klam lap af. 2 Om stowwerige vensterblindings skoon te maak, kan jy ’n ou sokkie in ’n mengsel van een deel water en een deel asyn doop en om jou hand vou waarmee jy dan die blindings afvee. ’n Braaitang met lappe wat in die asynmengsel geweek en om die knypers gevou is, werk ook goed. 3 Maak ’n vuil matras so skoon: Voeg 10 tot 20 druppels vlugtige olie (laventel, kamille of sandelhout is goeie keuses) by ’n boks koeksoda (sowat 500 g).…

WEER TUIS Ewan het die Engelse ontbytprogram Expresso ná byna nege jaar as aanbieder verlaat. “Ek het gevoel dis tyd om nuwe paadjies te verken,” vertel die 36-jarige Kapenaar. Hy is nou ’n aanbieder van die kykNET-joernaalprogram Bravo! – en dit boonop in sy moedertaal, Afrikaans. “Ek was agt en ’n half jaar by Expresso, waar ek daagliks drie uur lank regstreeks uitgesaai het. “Dit was fantasties en ek is dankbaar vir daardie ondervinding, maar daar kom ’n tyd dat jou gut vir jou sê dis tyd,” sê hy. Hy bied nou vir die eerste keer in sy moedertaal aan. “Dis fantasties. Ek kon nie op ’n beter plek beland het nie,” laat hy hoor. Hy ken Paul Venter en Jaco Loubser van Homebrew Films, die produksiehuis agter Bravo!, al…

DIE DAG TOE DIE DRAAK KOM Deur FANIE VILJOEN; illustrasies: TUMI K. STEYN (Human & Rousseau, (R97*) Die boek het twee weergawes: een vir seuns en een vir meisies. Dis dieselfde verhaal, maar in die een word die seuntjie, Kevin, byna deur sy ma se kêrel, oom Jason, gemolesteer, en in die ander boek gebeur dieselfde met die meisie, Kyla. Albei het by hul juffrou geleer wat ’n kind in so ’n situasie moet doen. Die wenke en ’n oulike rympie kan van onskatbare waarde wees. Fanie Viljoen vertel waarom hy ’n boek geskryf het om kinders te waarsku. “Ek het ’n paar jaar gelede die Oscarbekroonde fliek Spotlight gesien, wat handel oor die seksuele misbruik van kinders in die Rooms-Katolieke Kerk. Die titels lys ander stede waar soortgelyke misbruik…

NO. 2 289 NEEM SO DEEL Vul die blokraai korrek in, skryf die letters in die kleurblokke neer en gebruik dit om die antwoord op die vraag te ontrafel. SMS “HG”, gevolg deur jou antwoord, naam en dorp/stad na 36400. Net een SMS per deelnemer word toegelaat. Die SMS kos R1,50. Net mense binne SA grense kan deelneem. Die wenners sal die oorspronklike, voltooide blokraai en hul besonderhede moet verskaf. Geen werknemers of hul gesinne van Media24, Grapevine Interactive en hul reklamemaatskappye mag deelneem nie. Die sluitingsdatum is 18Julie 2019. Kyk op huisgenoot.com vir die volledige bepalings en voorwaardes. WEN ’N WOORDEBOEK PLUS KOM IN AANMERKING VIR DIE MAANDELIKSE TREKKING VAN R1 000. VRAAG: WATTER GEEL VRUGGIE IS TER SPRAKE? PHAROS WOORDEBOEKE (’N DRUKNAAM VAN NB-UITGEWERS) GEE DRIE EKSEM-PLARE VAN DIE…

GROOT BLOKRAAI NO. 2283 GROOT BLOKRAAI NO. 2283 Antwoord: knoffel PHAROS-TWEETALIGE WOORDEBOEK G. Doyle, 0udtshoorn M. Bruins-Lich, Hartenbos G. Rheeder, Olifantsfontein FOTOBLOKRAAI NO. 2029 FOTOBLOKRAAI NO. 2029 Antwoord: meranti VERKLARENDE AFRIKAANSE WOORDEBOEK E. Kotze, Kimberley AFRIKAANSE WOORDELYS EN SPELREËLS M. de Kock, Mookgophong KODERAAI NO. 387 KOPKRAPPER ONS KOMPETISIE-WENNERS Kry die name van al die wenners van Huisgenootkompetisies op ons webtuiste. Gaan na huisgenoot.com/wenners.…

MA SE KIND Zhavia is haar tweede naam. Haar voornaam is Carisa. Sy volg in haar ma, Bobbi Jo Black, se musiekvoetspore. Dié was hoofsanger van die metalgroep Xenoterra. GRIMERING Zhavia is ook ’n kranige grimeerkunstenaar. Sy doen gereeld haar eie grimering wanneer sy musiekvideo’s skiet en by fotosessies. “Dis my manier om myself uit te druk. Eendag sal ek graag my eie reeks grimering wil uitreik – een wat waalhalsiger is.” LIED MET ’N BOODSKAP Sy’t self haar debuutsnit, Candle light, geskryf. “Dis geïnspireer deur ’n tyd toe ek nie baie hoop gehad het nie – en ek voel byna nooit so nie, want ek is eintlik baie optimisties en positief.” Sy’t dit geskryf om te wys jy kan deur enigiets kom. Haar jongste snit, 17, gaan oor haar tiener-ervarings.…

VIR DIE ARM OM DIE NEK IN DIE HARE OORBELLE KRY DIT HIER AMERICAN SWISS 021 938 1943; BYCARA.CO.ZA; MILADYS 0800-310-290; MYSCATTEREDHEART.COM; POETRY 021-419-0020; TAKEALOT.COM; WOOLWORTHS 0860-022-002; ZANDO.CO.ZA; ZARA 011-302-1500 HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

DIE pragtige vrou straal toe die kroon op haar kop geplaas word. “Mev. Indië Suid-Afrika” staan op die serp wat oor haar sari gedrapeer is. Haar prinsesse omhels haar terwyl die gehoor haar toejuig. Maar die glans van haar kroningsaand, wat in Augustus verlede jaar in Durban gehou is, het gou verdof. Nou spog ’n ander vrou met haar titel … Haar triomf in die skoonheidskompetisie was veronderstel om die begin van ’n betekenisvolle jaar in haar lewe te wees, vertel dr. Saumya Tiwari Gautam. “Ek het ingeskryf omdat dit ’n wonderlike geleentheid sou bied om die samelewing se kwesbaarstes te help; dis waarom ek geneeskunde studeer het.” Maar pleks van opheffingswerk doen, is sy nou in ’n hofsaak teen die organiseerders van die Glow TV-skoonheidskompetisie gewikkel. Sy en die…

AL WAT sy kon doen terwyl die chirurgiese span 10 uur lank op haar skrander, lewenslustige tienerseun geopereer het om die seldsame, aggressiewe gewas op sy brein te verwyder, was om na die venster te staar waaragter hy was en te bid. Enige foutjie tydens die ingewikkelde prosedure in sy skedel kon sy lewe kos of tot breinskade lei. Ná die operasie in November kon Joshua Nel (14) van Kaapstad ’n ruk lank nie praat, self eet of loop nie. Maar sy ma, Vanessa, was net bly hy leef. Die stryd was nog nie gewonne nie. Weens die ligging van die pineoblastoom-kankergewas in sy brein kon chirurge net 70% daarvan verwyder. Bestralings- en chemoterapie was sy voorland, maar Vanessa het daarteen besluit. Die mediese span kon haar nie oortuig die…

PIET MARAIS en Frik Oosthuizen werk al 10 jaar lank saam in hul onderneming, Santa Anna’s, waar hulle outentieke tortillas en nacho’s vervaardig en spyseniering doen. Hulle het ook reeds nege seisoene van die gewilde potjiekosprogram Laat die Potte Prut op VIA agter die blad. Hulle het nog altyd op volhoubare verskaffers staatgemaak en wou graag die storie oor interessante produkte van plaaslike produsente vertel. Daaruit is hul nuwe program, Honger, gebore. PANZANELLASLAAI IN ’N BROOD In die aanbieder van The Ultimate Braai Master, Justin Bonello, se projek Neighbourhood Farms word stedelike groentetuine op oop staatsgrond geplant. Toe Piet en Frik hom by die Laerskool Paul Greyling op Vishoek besoek, was daar die mooiste ryp tamaties in die skool se tuin – perfek vir dié panzanellaslaai. GENOEG VIR 4 MENSEBEREIDING:…

▪ Laat gekookte water eers ’n paar minute afkoel voor jy dit in jou warmwatersak giet. ▪ Moenie jou warmwatersak tot meer as twee derdes vul nie. As dit te vol is, kan dit lek. ▪ Maak seker die doppie is styf vas sodat dit nie lek nie. ▪ Gebruik ’n oortreksel om ’n sensitiewe vel teen die hoë temperatuur te beskerm. ▪ Moenie ’n warm warmwatersak langer as 20 minute teen jou lyf hou nie; die hoë hitte kan jou vel brand. ▪ Jy kan jou bed vooraf met ’n warmwatersak verhit, maar verwyder dit wanneer jy gaan slaap sodat jy nie daarop lê en dit dalk bars nie. ▪ Kinders is geneig om dinge oop te maak wat hulle nie moet nie. Moet dus nie vir hulle ’n…

MY EKS WIL MY NIE UITLOS NIE V Ons het ná drie jaar uitgemaak, want hy wil nie langer in ’n verhouding wees nie en wil ander mense sien. Maar twee weke later kom haal hy sy goed by my woonstel en ons het seks. Sedertdien gesels ons soms en dit klink of hy nog omgee. Wat beteken dit? Ek is nie iemand vir so ’n los verhouding nie. K. A Hy wil geen bande meer hê nie, maar wil seks sonder enige verpligtings of verantwoordelikhede hê. Wat in die toekoms gebeur, is geheel en al vir sy gerief, sy ego en sy plesier. Liefde, veral as dit net van een kant is, oorwin nie werklik alles nie. As hy enigsins vir jou omgee soos hy te kenne gee, sou…

Wie sou jy graag 24 uur lank wou wees? “Ek is oukei met wie ek is, maar ek sal Superman se stewels wil aantrek.” Watter akteur sou jy wou hê moet jou speel in ’n fliek oor jou lewe? “Keanu Reeves. Ek dink ek en hy sal lekker vibe . . . Tall, dark and handsome with a knack for action.” Ek haat . . . motoriste wat nie verkeersirkels verstaan nie. My geheime talent is . . . Ek kan eintlik lekker kos maak. (Moenie vir my vrou sê nie.) Die TV-program waarvan jy tans nie genoeg kan kry nie Ek en my vrou is mal oor die reeks What/If met Renée Zellweger. ’n Mens sien haar in ’n heeltemal ander soort rol, ver verwyder van haar Bridget Jones-karakter.…

NO. 2 035 VRAAG WATTER SPESERY IS TER SPRAKE? SKOMMEL DIE LETTERS IN DIE KLEURBLOKKIES OM DIE ANTWOORD TE VIND. LEES LANGSAAN HOE DIE KOMPETISIE WERK. Jy kan ’n Verklarende Afrikaanse Woordeboek of Afrikaanse Woordelys en Spelreëls van die uitgewer Pharos (pharos@pharos.co.za) wen. Vul die blokraai in en gebruik die letters in die kleurblokke om die antwoord op die vraag te ontsyfer. SMS “HG” gevolg deur jou antwoord, naam en dorp/stad na 36400. Net een SMS per deelnemer word toegelaat. Net mense binne SA se grense kan deelneem. Die SMS kos R1,50. Hou die oorspronklike, volledige blokraai met jou besonderhede as bewys. Geen posstukke word as inskrywing aanvaar nie. Geen werknemers of hul gesin van Media24, Grapevine Interactive of hul reklamemaatskappye mag deelneem nie. Die sluitingsdatum is 18 Julie 2019.…

Besoek ons webtuiste, huisgenoot.com, vir ’n daaglikse horoskoop. LEEU 22 JUL – 22 AUG Mercurius, die sekretaris en boodskapper van die diereriem, beweeg dié week jou teken binne en dit sal jou waarskynlik aanspoor om uit die hart te praat. Jy het ’n goeie kans op sukses, of jy nou die een wat jou hartsnare roer die hof wil maak, jou werknemers motiveer of jou kinders inspireer. As ’n kreatiewe Leeu is dit ook ’n goeie tyd om woorde in kreatiewe aktiwiteite om te skakel. Jy wil dalk ’n boek vol gedigte neerpen of lirieke vir ’n lied skryf. GELUKKIGE NOMMERS 1, 32, 13, 44, 21, 40 MAAGD 23 AUG – 22 SEP As jy ’n tipiese Maagd is, probeer jy waarskynlik die vaardigheid van produktiwiteit vervolmaak. Maar dis ’n…

DEBUUTALBUM Andrei het in 2010 sy landgenote en die Idolsbeoordelaars met sy sangtalent laat regop sit toe hy aan die sesde seisoen van dié sangkompetisiereeks deelgeneem het. Hy’t nie die top-10 gehaal nie – ook nie toe hy weer in 2012 probeer het nie – tog het hy nooit sy musiekdroom laat vaar nie. Die sanger (27) is nou terug met sy debuutalbum, In and Out of Time, wat onlangs uitgereik is. Dié album, wat ses snitte bevat, is genoem na ’n gedig deur die Amerikaanse digter Maya Angelou. “Elke liedjie daarop is veronderstel om ’n herinnering op te roep,” sê Andrei. Teen die einde sal die luisteraar hopelik kan besin oor hoe die liefde met tyd verander het. “Mense en situasies verander. Maar die liefde bly, al probeer jy…

Verbind die kolle en kleur dan die prentjie in Voltooi die tekening en kleur dit dan in Soek 5 verskille Pretfeit Daar is ’n ongelooflike seekat wat sy liggaamsvorm kan verander om ander diere na te boots. Pas die skaduwee Benoem die oseane Kleur in Watter geluid maak ’n vis? Pretfeit Seeperdjies beweeg hul vinne baie vinnig, maar is nie vinnige swemmers nie. Hoeveel? Tel die soortgelyke diere en skryf die getalle neer. ANTWOORDE Noem die oseane A StilleOseaan, B AtlantieseOseaan, C IndieseOseaan, D Stille Oseaan Watter geluid maak ’n vis? Gloep Seedierewoordraaisel Die woorde in die lysie onder is horisontaal, vertikaal of skuins en vorentoe of agtertoe in die rooster versteek. Soek en omkring dit. Doolhof Soek die pad om te sien watter dier terug in die see kom.…

DIS winter en die koue laat ’n mens soms ’n bietjie terneer-gedruk voel. Hoe verwyl jy die grys dae en lang aande binne? ’n Podsending bied net die regte tydverdryf – luister dit in die bed of span dit in om jou gedagtes te boei terwyl jy ander take aandurf soos die rit terug huis toe in die spitsverkeer. Podsendings raak die afgelope paar jaar ál gewilder, en daar is heelwat om uit te kies, Maar hoe weet jy waarna om te luister? Huisgenoot het van die beste reekse vir jou uitgesoek. SELFHELP EN INSPIRASIE Oprah’s Masterclass Die kletskoningin gesels met beroemdes en inspirerende mense en ontgin hul lewenslesse en wyshede. Whoopi Goldberg, Jay-Z, Cindy Crawford, Ellen DeGeneres en vele ander is hierin te hoor. The Tim Ferriss Show Die…

SY HET Suid-Afrika op die wêreldverhoog verteenwoordig, by die Verenigde Nasies gepraat en ’n veldtog wat haar na aan die hart lê van stapel gestuur. En wanneer sy die kroon op haar opvolger se kop plaas, sal sy een belangrike ding vir haar sê: “Dié jaar gaan groter wees as wat jy jou ooit kon indink!” Tamaryn Green, ons uittredende Mej. Suid-Afrika, erken die invloed wat saam met dié titel kom, het haar verras. “Dis moeilik om te begryp presies hoe groot die Mej. Suid-Afrika-platform is en watter geleenthede dit bied,” sê die 24-jarige donkerkopskoonheid. “Ek was in ’n posisie waar my stem gehoor is, en dít was fantasties. Maar daarmee saam kom ’n groot verantwoordelikheid, want die druk is op jou om soveel mense as wat jy kan te…

AS DAAR nou ’n ster is aan wie 2019 behoort, is dit Keanu Reeves. Dié Hollywoodakteur het die trefferfliek Avengers: Endgame by die loket ’n uitklophou gegee met sy spel as die onstuitbare huurmoordenaar in die rolprent John Wick 3. Op Netflix laat hy kykers skater in die romkom Always Be My Maybe. En in Toy Story 4 sal jy hom hoor as die stem van die waaghalsige speelding Duke Caboom. Boonop het Keanu by Microsoft se Xbox-voorlegging op die E3-saamtrek opslae gemaak toe hy bevestig het hy gaan in die speletjie Cyberpunk 2077 verskyn. Ná byna vier dekades in die rolprentbedryf is die 54-jarige akteur se loopbaan steeds kookwater en bewys hy dat Vader Tyd nie sy gewildheid – of smeulende voorkoms – laat taan het nie. Danksy sy…

Bellissimo! Kate Hudson (40) was in Italië vir ’n gesinsvakansie en het onder meer op ’n seiljag en kajak ontspan. Die aktrise het dit gate uit geniet saam met haar beroemde ouers, Goldie Hawn (73) en Kurt Russell (68), en kêrel, Danny Fujikawa (33). Maar haar en Danny se agt maande oue dogter, Rani, het behoorlik die kollig gesteel. Haar ouers het op oulike Instagramkiekies met haar gespog – onder meer een waar haar 15-jarige ouboet, Ryder Robinson, haar soen. Ryder se pa is die Black Crowes-voorsanger, Chris Robinson. Kate – wat ook ’n sewejarige seun, Bingham, uit haar verhouding met die Muse-sanger Matthew Bellamy het – het ook tyd afgeknyp om saam met Danny te koer. Die twee is sedert 2016 saam. Intussen het Goldie en Kurt rustig die…

Die aktrise Emma Stone (30) en die sangers Adele (31) en Sam Smith (27) kon nie hul opwinding beteuel toe hulle die Spice Girls tydens hul onlangse Britse toer ontmoet het nie. “Toe Emma Emma ontmoet, #2becomes1,” het Baby Spice, Emma Bunton (43), geskryf oor haar ontmoeting met die Oscarwenner. Sam, wat agter die skerms saam met twee van Mel B (44) se kinders poseer het, het die vertoning as “ongelooflik” bestempel, en Adele kon nie uitgepraat raak daaroor nie. “Ek het vanaand saam met my naastes en geliefdes gehuil, gelag, geskree, gedans, teruggedink en weer dolverlief geraak op my 10-jarige self,” het sy op Instagram geskryf by ’n foto van haar en die Spice Girl Geri Horner (46). “Dis geen geheim hoe lief ek hulle het nie, hoeveel hulle…

WOMEN IN FILM-GALA BEVERLY HILLS MIB INTERNATIONAL-PREMIÈRE NEW YORK THE SECRET GARDEN-LIEFDADIGHEIDSGALA GENÈVE, SWITSERLAND NETFLIX SE MURDER MYSTERY-PREMIÈRE L0S ANGELES BULGARI HIGH-JUWELIERSWAREUITSTALLING CAPRI, ITALIË…