Innehållsförteckning för 25-Jul-19 från Huisgenoot

1 KALWERLIEFDE BLOM WEER IN GOUE JARE Nadat hul skoolkys 52 jaar gelede verbreek is, het die Vrystaatse paar Johnny Hammond en Mary Fouché mekaar weer gevind en afgehaak My pa het met sy eerste liefde getrou 50 jaar nadat hulle uitmekaar is. Hulle was 11 jaar lank gelukkig getroud voor hulle kort ná mekaar oorlede is. TRUDIE VD WESTHUIZEN Twee van my vriendinne het van hul mans geskei, en vandag is albei met hul skoolliefdes getroud. Die Here bring nooit iemand oor jou pad sonder goeie rede nie. SONJA HAASBROEK Ek en my man was gekys toe ek in sub A en hy st. 1 was. Ná skool het ons mekaar weer raakgeloop. Ons was 39 jaar getroud toe hy oorlede is. Hy was my eerste liefde. LOUISE VORSTER…

9 Julie 2004 Leigh Matthews word die dag ná haar 21ste verjaardag op die kampus van die Bond-universiteit in Sandton, Johannesburg, ontvoer. 21 Julie 2004 Haar lyk word in ’n veld by Walkerville in die suide van Johannesburg ontdek. 24 Augustus 2004 Die speurder Piet Byleveld neem die ondersoek oor. 4 Oktober 2004 Piet neem Donovan Moodley (24), ’n medestudent van Leigh, in hegtenis. 25 Julie 2005 Moodley beken skuld in die hooggeregshof in Johannesburg op aanklagte van moord, ontvoering en afpersing. 4 Augustus 2005 Hy word gevonnis tot lewenslange tronkstraf vir moord, asook 15 jaar vir ontvoering en 10 jaar vir afpersing. Moodley doen 11 dae ná sy vonnis aansoek om verlof tot appèl teen sy vonnis in die hooggeregshof, maar onttrek dit in November. Junie 2006 Moodley verander…

OP DIE oog af het die Amerikaanse multimiljoenêr ’n glansryke lewe gelei. As beleggingsbestuurder vir die superrykes kon hy koninklikes soos prins Andrew onder sy vriende tel en daarmee spog dat bekendes soos oudpres. Bill Clinton en die gevalle akteur Kevin Spacey al saam met hom op sy eie Boeing 727 gevlieg het. Daarby is hy die eienaar van sy eie eiland in die Maagdeeilandgroep sowel as ses luukse woonplekke oor die hele wêreld … Maar mettertyd is die naam Jeffrey Epstein nie net met fabelagtige rykdom en vriende in hoë kringe verbind nie; dis ook gekoppel aan ongure bewerings dat hy jong vroue en minderjarige meisies na sy weeldewonings gelok het sodat hy en ander hulle daar seksueel kon misbruik. Nou het die 66-jarige finansiële bestuurder se verlede hom…

WENK Dra ’n rolnek-of rolhalstop en kouse onder jou gunstelingrok om jou winterklerekas in ’n kits te vernuwe. Voeg ’n poncho, hoed en serp by vir ekstra warmte. Hou liefs by een bonkige item; s jy meer byvoeg, kan dit'n onvleiende voorkoms skep. WENK Kleur is deurslaggewend wanneer jy lae skep; pasop vir te veel. En hou jou bykomstighede minimaal. WENK Laat jou baadjies byderwetser lyk deur ’n moulose pofbaadjie booor te dra. WENK Pas jou wit hemp vir die winter aan deur ’n swart rolnektop daaronder te dra. Rond dit af met ’n patroonbaadjie vir ’n sjiek voorkoms. WENK Dra ’n poncho oor ’n treffende trui. Jy sal in die mode wees terwyl jy warm bly. WENK Meng en pas teksture soos ’n wolserp oor ’n tekstuurryke knooptrui. Bind…

AFKORTINGS aw – awereg beg – begin her – herhaal ks – koussteek pat – patroon r – regs rdte(s) – rondte(s) rek – reksteek rif – riffelsteek RK – regte kant st(e) – steek(steke) tes – tesame vermin – verminder(ing) VK – verkeerde kant vlg – volgende GROOTTE Mus Ontwerp in 2 groottes: Pas vir K - M (M - G) Kopomtrek 52 - 54 (56 - 58) cm Warm kraag Slegs een grootte: Omtrek 75 cm Lengte 34 cm BENODIGDHEDE Let wel Twee breidrade word saam gebrei as een draad. Die mus en warm kraag word met Alpaca en Kid Silk gebrei, wat aanlyn beskikbaar is by Garn Studio (sien erkennings). Vir die mus ▪ 1 x 50 g-bol DROPS Alpaca in Light Pearl Grey kleur no. 9020…

Stuur voorstelle en versoeke na geldsake@huisgenoot.com. E-pos sal sover moontlik in die rubriek beantwoord word en nie persoonlik nie. JY HET geen nut meer vir die jacuzzi of duur e-sigaret nie en kan doen met ekstra kontant. Dan kry jy die idee om dit op ’n webtuiste te koop aan te bied. Maar min van ons besef daar is reëls oor wat jy as privaat verkoper op ’n handelswebtuiste mag adverteer en wat nie. As jy onwettig of oneties aanlyn wil smous, kan jou advertensie deur die administreerders van die webtuiste afgekeur word en kan jy die advertensiefooi verbeur wat jy dalk reeds betaal het. Jy kan selfs vervolg word. Onthou: Geregistreerde handelaars in byvoorbeeld vuurwapens, drank en troeteldiere gebruik bepaalde kommersiële aanlyn markte. Ons kyk vandag net na…

Die eertydse rondloper, wie se deurmekaar maanhare volgens sy amptelike biografie deur geen hoeveelheid opknapper getem kan word nie, het sterk kompetisie uitgestof by die jaarlikse kompetisie wat in Petaluma, Kalifornië, gehou is. Sy eienaar, Yvonne Morones, sê sy het Scamp op die laaste nippertjie by ’n diereskuiling in Los Angeles gered. “Op pad huis toe het ek dadelik geweet ek het reg besluit. Daar was ons – twee vreemdelinge – in ’n motor op pad huis toe na ’n nuwe begin … Dit was asof hy geweet het hy het sy permanente huis gevind.” Sy noem hom ’n “Rastafariër-hond”. “Sy swart lyfhare groei nie, en maak nie saak hoeveel keer hy die versorger besoek nie, sy hare groei natuurlike grys rastalokke teen sy rug af.” Maar sy eiesoortige onooglikheid…

M-NET WARRIOR Dié aksiereeks speel in die 1800’s af gedurende die Tong-oorloë in Chinatown, San Francisco. Dit volg die avonture van Ah Sahm (Andrew Koji) wat in gemengde gevegskuns uitblink. Hy verhuis na Amerika waar hy in die wêreld van georganiseerde misdaad betrokke raak en ’n sluipmoordenaar word. DONDERDAE 22:10 SHOWMAX GOOD TROUBLE Die reeks spruit uit die TV-drama The Fosters. Twee susters, Callie (Maia Mitchell) en Mariana (Cierra Ramirez), vind hul weg na Los Angeles, waar hulle as jong volwassenes gaan woon. Mariana is ’n programmeerder en Callie ’n klerk by ’n regsfirma. Hulle ontmoet interessante mense en word deur nuwe uitdagings in die gesig gestaar.…

DIE SKILPAD SE LAASTE TRAAN Deur CAROL CAMPBELL (Umuzi, R209*) Die storie van Siena, Boetie en Kriekie speel af rondom Seekoegat, ’n nedersetting iewers in die Karoo in die omstreke van Prins Albert. Siena is op vlug, terug na Seekoegat-Primêre Skool, die plek waar sy as kind ’n heenkome gevind het. Sy moet dringend weer daar uitkom voor sy aangekeer word vir haar desperate daad. Carol Campbell het in 2013 bekend geword deur haar hoog aangeskrewe debuut, Karretjiemense. In 2014 het ’n Huis vir Ester gevolg. Ons vra haar uit oor haar jongste roman. Hoe ken jy as wit – en boonop Engelse – vrou die wêreld van dié arm Karoomense so goed? Ek is ’n joernalis en kom uit ’n familie van joernaliste. Ek dink dis wat my “die…

DROOMMAN Die ideale man rook nie, drink nie, flankeer nie, snork nie … en bestaan nie. DENISE, PRETORIA EKSAMENFLATER V: Wat is ’n terminale siekte? A: Dis wanneer jy op die lughawe siek word. WOLLIE, PRETORIA KONINGSKOS My vrou is ’n avontuurlustige kok. “Hoe klink dit?” roep sy uit die kombuis en begin lees: “Bonito en ansjovis in ’n dekadente roomsous’. ” “Heerlik!” roep ek terug. “Is dit ons aandete?” “Nee, ek lees dit op die blikkie katkos.” HESTER, NAMIBIË LAG-LAG “Ek en my vriend lag altyd oor hoe mededingend ons is, maar ek lag die meeste.” AREND KIRKMAN, ALBERTON VREEMDE BESTEMMING Francina: “Ek en my kêrel was verlede week met vakansie in die Maldive.” Karlien: “O, waar is dit?” Francina: “Ek weet nie. Ons het gevlieg.” KASOEPIE GOEIE LES…

NO. 2 293 WEN ’N WOORDEBOEK PLUS KOM IN AANMERKING VIR DIE MAANDELIKSE TREKKING VAN R1 000. VRAAG: WATTER SOORT VERTONING IS TER SPRAKE? PHAROS WOORDEBOEKE (’N DRUKNAAM VAN NB-UITGEWERS) GEE DRIE EKSEM-PLARE VAN DIE AFRIKAANS-ENGELS/ENGELS-AFRIKAANSE WOORDEBOEK WEG. As jy vashaak, kan jy gerus ander lesers se raad vra op ons Facebook-blad met die naam Huisgenoot-Blokraaie. NEEM SO DEEL Vul die blokraai korrek in, skryf die letters in die kleurblokke neer en gebruik dit om die antwoord op die vraag te ontrafel. SMS “HG”, gevolg deur jou antwoord, naam en dorp/stad na 36400. Net een SMS per deelnemer word toegelaat. Die SMS kos R1,50. Net mense binne SA grense kan deelneem. Die wenners sal die oorspronklike, voltooide blokraai en hul besonderhede moet verskaf. Geen werknemers of hul gesinne van Media24,…

JOU skool is elke dag ’n miernes van bedrywigheid en tog is daar reëls en orde. ’n Mens weet wat jy moet doen en waar jy moet wees. Daar is mense wat toesig hou – die onderwysers – en die skool het ’n belangrike mens wat almal se leier is – die hoof. Dit werk amper net so in ’n miernes of mierkolonie. Al die miere het spesiale take en reëls om orde te handhaaf. Daar is babamiere, miermannetjies, werkermiere, soldaatmiere en die mierkoningin. Kom ons vind meer uit oor die lewe in ’n mierkolonie. MIERE SE MANIERE Jy het seker al dikwels in jou lewe met miere te doen gekry. Hulle lyk klein en kan lastig wees, veral as julle piekniek hou en hulle jul piekniekkos kom soek. Weet…

HULLE is borrelende, bedrywige tweelingmeisies wat graag saam met hul ouer broers en wollerige hond speel – en hul trotse ma en pa wil hulle opvreet. Vir baie ouers sou dit traumaties gewees het om uit te vind daar is ’n groot kans dat hul tweelingbabas met downsindroom gebore sal word, maar vir Rachael en Cody Prescott het dit regtig nie saak gemaak nie. Al het dokters Rachael aangemoedig om toetse te ondergaan om te bevestig of haar dogters die genetiese toestand het, het sy geweier. Vir haar en Cody het dit geen verskil gemaak nie. “Ons was nie gepla oor die moontlikheid van downsindroom nie,” sê sy. “Ons het geweet ons sou in elk geval vir ons dogters lief wees.” En toe Charlotte en Annette in Februarie 2018 gebore…

’NKLOOF tussen die sogenaamde fantastiese vier was al waaroor koninklike waarnemers die laaste ruk gegis het – maar as dié foto’s enigsins ’n aanduiding is, is spanning op die agtergrond geskuif toe die Cambridges en die Sussexe onlangs vir ’n bietjie pret in die son bymekaargekom het. Dié geleentheid was die King Power Royal Charity Polo Day, wat gehou is ter ere van Vichai Srivaddhanaprabha, die Thaise miljardêr wat die Leicester Citysokkerklub besit het tot met sy dood in Oktober verlede jaar in ’n helikopterongeluk. Al die geld wat ingesamel is, is aan liefdadigheidsorganisasies geskenk wat deur die prinse William en Harry gesteun word, en dié twee was in opponerende spanne in die polowedstryd. Te midde van gerugte oor konflik tussen die broers sê bronne dat as enigiets hulle sal…

Twee jaar ná sy bitter skeiding van die Oscarbekroonde aktrise Angelina Jolie, lyk dit asof Brad Pitt (55) weer sy lewensvreugde gevind het. Die gespanne, teruggetrokke Brad van die verlede is vergete en in sy plek is ’n sorgelose man. En hy lyk ook fisiek beter nadat hy sy jare lange drankgewoonte in 2017 laat vaar en ’n gesonde eetprogram begin volg het. “Ek het te veel gedrink,” het hy in ’n vorige onderhoud met GQ erken. Hy het ook toe vertel hy kon nie ’n dag sedert sy universiteitsdae onthou “waar ek nie gedrink of ’n zol gerook het of iets nie”. Hy het bygevoeg hy het “alles behalwe die drank gelos” toe hy sy gesin met Angelina (44) begin het. Maar dit was ongelukkig eindelik sy drinkery wat…

Brooklyn Beckham het gou naam gemaak sedert hy ses jaar gelede gesê het hy wil graag ’n fotograaf wees. Die 20-jarige spruit van David en Victoria het al reklameveldtogte vir modehuise soos Burberry geskiet, voorbladfoto’s vir bekende tydskrifte soos Wonderland en Notion geneem en selfs in 2017 sy eie fotografieboek getiteld What I See uitgereik. Sy jongste prestasie? Hy het ’n gesogte internskap by die bekende Britse fotograaf Rankin (53) losgeslaan nadat Brooklyn hom beïndruk het met ’n foto wat hy van sir David Attenborough in Afrika geneem het. Tog loop die oudste van David en Victoria se kroos opnuut onder kritiek van ander fotograwe deur. Van sy kollegas by Rankin se ateljees het aan ’n Britse skinderkoerant gesê hulle is “verstom oor sy gebrek aan basiese vaardighede” agter die…

NAELBYTOOMBLIKKE BRON: DAILYMAIL.CO.UK…

THE LION KING-VERTONING LONDEN THE LION KING-VERTONING HOLLYWOOD…

THOMAS SABO JUWELIERS-BEKEND-STELLING BERLYN FAST & FURIOUS PRESENTS: HOBBS & SHAW-PREMIÈRE HOLLYWOOD AMAZON PRIME KONSERT NEW YORK GLOBAL GIFT-GALA MARBELLA, SPANJE STUBER-PREMIÈRE L0S ANGELES…

SY KEN die kommer van ’n ma oor ’n kind wat nie gelukkig lyk nie en van ’n ouma wat besorg is oor die omstandighede waarin haar kleinkinders grootword. Maar nooit het sy kon dink dat sy op een verskriklike dag die tyding sou kry dat haar dogter én drie kleinkinders met skietwonde dood lê in ’n brandende huis nie. “Ek huil van binnekant af buitentoe; ek is stukkend,” sê Levina Britz van Alberton, suidoos van Johannesburg. Die trane rol oor haar wange toe sy oor haar dogter en drie kleinkinders se grusame dood praat. Op Woensdag 10 Julie is Sandra Schwartz (39) en al haar kinders – Shereé (19), Lee-Ann (16) en Simeon (10) – in hul huis in Sallies Village in Brakpan aan die Oos-Rand doodgeskiet. Sandra se…

MACARONI-EN-KAAS MET BILTONG EN ROOSMARYN GENOEG VIR 6 MENSE BEREIDING: 10 MIN. GAARMAAK: 35-40 MIN. PASTA ◗ 50 g botter◗ 60 ml (¼ k) meel◗ 250 ml (1 k) melk◗ 250 ml (1 k) room◗ 5 ml (1 t) droë roosmaryn◗ 125 ml (½ k) biltongpoeier◗ sout en vars gemaalde peper◗ 250 ml (1 k) gerasperde cheddar◗ 500 g macaroni, gekook tot gaar AFRONDING ◗ 100 g gerasperde beleë cheddar◗ 15 ml (1 e) koljandersaadjies, gerooster◗ 30 ml (2 e) fyn broodkrummels◗ ekstra gekerfde biltong◗ ’n paar roosmaryntakkies Voorverhit die oond tot 200 °C. Bespuit ’n oondbak met kossproei. 1 Pasta Verhit die botter in ’n kastrol. Verlaag die hitte en roer die meel by. Giet die melk geleidelik by terwyl jy aanhoudend klits. 2 Roer die room, roosmaryn en…

EERS NÁ VIR DIE SLAAPKAMER KENNERS SE TOP-10-WENKE Ons het by Eugene Coetzee en Rinet Engelbrecht, aanbieders van die VIA-program Opgetof, gaan aanklop. In dié reeks wys hulle hoe om kamers en huise in ruimtes te omskep waaruit ’n mens kan munt slaan. Hier is hul top-10-wenke: 1. Koop altyd ’n ekstralengte bed en goeie matras wat minstens 120 kg kan dra, en kry ’n interessante kopstuk. 2. Koop altyd een grootte groter duvet as die grootte van die bed. 3. Maak altyd die bed op met ’n matrasbeskermer, paslaken, gewone laken, goeiegehalteduvet, kussings, los kussings en oorgooideken. 4. Voorsien ’n bagasierak vir jou gaste se tasse. Dit keer dat hulle hul tasse op die bed sit. 5. Maak seker daar is genoeg kragpunte wat maklik bereikbaar is langs die…

LEEU 22 JULIE – 22 AUGUSTUS Dis nou die tyd om op plesier te fokus Venus, die plesiersoeker, beweeg vandeesweek in jou teken in, en dit voorspel goeie dinge vir ’n Leeu wat van pret hou. Plesier is nou belangriker as werk. Neem dié week ’n blaaskans en geniet die lewe, of jy nou saam met jou vriende wil uithang, tyd aan jou gunstelingstokperdjie afstaan of kunsgalerye en teaters besoek. En as die begroting dit toelaat, is dit ook ’n goeie tyd om jou geliefde met ’n romantiese vakansie vir twee te bederf. GELUKKIGE NOMMERS 44, 36, 20, 49, 7, 11 MAAGD 23 AUG – 22 SEP Wend jou vandeesweek na binne, en gebruik die tyd om ’n bietjie siels ondersoek te doen. Jou planeet, Mercurius, is in trurat, en…

WAAROOR GAAN DIT? Hakuna matata! Wie kan Simba, Nala, die wyse Rafiki en beterweterige Zazu vergeet? En die vlakvark Pumbaa en die meerkat Timon? Ná 25 jaar keer die gewilde animasiefliek uit 1994 terug na die silwerdoek. Dié keer word die geliefde karakters in ’n realistiese 3D weergawe gesien. Dié Disneyfliek, wat met rekenaaranimasie geskep is, vat ons terug na Afrika se grasvlaktes. Die leeuwelpie Simba moet ná die dood van sy pa, Mufasa, verraad en tragedie oorkom om sy plek as heerser van Pride Rock in te neem. Maar nie almal in dié koninkryk meen hy moet regeer nie … DIE NUWE SIMBA Die akteur Donald Glover (35), wat te sien was in Solo: A Star Wars Story (2018), is die stem van die volwasse Simba. Donald het ’n…

GROOT BLOKRAAI NO. 2 287 FOTOBLOKRAAI NO. 2 033 GROOT BLOKRAAI NO. 2 287 Antwoord: vetkol PHAROS-TWEETALIGE WOORDEBOEK C. Oosthuizen, Despatch Mienie Vermeulen, Northdene Susan van Niekerk, Heidelberg MEI SE R1000-WENNER VIR GROOT BLOKRAAI Betsie van Heerden, Brandfort FOTOBLOKRAAI NO. 2 033 Antwoord: kanapee VERKLARENDE AFRIKAANSE WOORDEBOEK Elize Wucherpfennig, Grootvlei AFRIKAANSE WOORDELYS EN SPELREËLS Ria Marais, Rustenburg KODERAAI NO. 391 ONS KOMPETISIE-WENNERS Kry die name van al die wenners van Huisgenootkompetisies op ons webtuiste. Gaan na huisgenoot.com/wenners. KOPKRAPPER…

LIEFDESLEWE Noah was voorheen in ’n verhouding met die rapper Lil Xan (22). Hulle is in September verlede jaar uitmekaar ná gerugte van ’n stormagtige verhouding. GOEIE GENE Die 19-jarige boorling van Nashville, Tennessee, is die jongste van die Old Town Road-sanger Billy Ray Cyrus (57) en sy vrou, Tish (52), se vyf spruite. Noah en haar ousus, Miley Cyrus (26), het in hul pa se musiekvoetspore gevolg. Noah se deurbraak was in 2017 met haar enkelsnit, die treffer Make Me (Cry) saam met Labrinth. In 2017 het die tydskrif Time haar as een van die invloedrykste tieners aangewys, maar steeds word daar melding van haar beroemde suster, Miley, en pa, Billy Ray, in haar onderhoude gemaak. ‘Dis irriterend as jy harde werk doen en mense erken dit nie vir…

CANDRA SHANICE PEDRO (26), SUID-AFRIKA SE EERSTE VROUESKEEPSBOUER E K WAS sewe jaar oud toe ek vir my ouer sussie ’n juwelierswareboksie van hout gemaak het. Ek onthou dit was skeef, maar my suster het steeds daarvan gehou. Ek het haar boksie by die huis in my pa se garage gemaak. My pa, Roderick, was ook ’n ambagsman. Hy het masjiene reggemaak. Hy het altyd allerhande gereedskap in sy garage gehad: hamers, socket-stelle en spanners. My twee broers kan ook goed met hulle hande werk. Ek was klein toe ek besef my pa werk met masjiene. Masjienwerkers het altyd ’n sekere reuk aan hulle. Daardie reuk van grease aan hom onthou ek tot vandag toe. Hy het vyf jaar terug afgetree. Hy gebruik nou daardie garage om karre reg te…

HY WAS net 10 jaar oud toe hy met ’n wit baadjie op die kerk se verhoog geklim en sy bewerige stemmetjie voor die gemeente laat opklink het. Toe het Cheswyn Ruiters in die Pinkster-Protestantekerk op Worcester met CeCe Winans se liedjie His Strength Is Perfect losgetrek. “My pa het gehoor hoe ek kliphard in die huis met die stofsuier se pyp gospelliedjies sing. Hy is ’n onderpastoor by die kerk en het my daardie Sondag vorentoe geroep en gesê: ‘Vandag gaan my kind vir julle sing,’ ” vertel Cheswyn (23). Die seuntjie het hom gou “reggeruk”, sy stem het ophou bewe en hy het die gemeente se asem weggeslaan met sy goue stem. “Dit was my eerste staande toejuiging.” Dertien jaar later is hy pas as die eerste wenner…

‘Ek sien elke dag hoe hard hy werk en hoeveel van sy hart en siel hy in sy onderneming sit’ – KIM KARDASHIAN I N 2016 het die rapper Kanye West die hoofopskrifte gehaal toe hy Facebook se uitvoerende hoof, Mark Zuckerberg, op Twitter gesmeek het om R14 miljard in sy “idees” te belê, omdat hy sowat R742 miljoen in die skuld was. Die rapper het nooit die miljarde by die tegnoreus gekry nie (al het hulle blykbaar vriende geword en saam karaoke gesing), maar dit lyk asof hy sy finansiële probleme oorkom het. Vroeër vandeesmaand het die tydskrif Forbes hom as die hoogs betaalde vermaakster naas sy aartsvyand Taylor Swift (29) en skoonsuster Kylie Jenner (21) aangewys en opgemerk hy het sy ryk van R14 miljard deur sy skoenehandelsmerk,…

SELFS die teleurgesteldste Suid-Afrikaanse krieketondersteuner kon nie anders as om regop te sit toe die laaste paar beurte van die Wêreldbeker-krieketeindstryd tussen Nieu-Seeland en Engeland op Lord’s aanbreek nie. Toe Engeland eindelik ná vele naelbytoomblikke as die kampioene van die veld stap, was sportliefhebbers dit eens: Dit was een van die beste eendagwedstryde nóg. En al het talle spelers tot dié onvergeetlike sportskouspel bygedra, het een naam op die lippe van Engelse aanhangers bly boer: Ben Stokes. Dié 28-jarige rooikop-stoutseun van Engeland se nasionale krieketspan is immers in Nieu-Seeland gebore, maar het sy nuwe tuisland gehelp om sy geboorteland te troef – en hy’s boonop as die speler van die wedstryd aangewys. “Ek het nie eintlik woorde nie,” het hy ná die wedstryd gesê. “Al die harde werk van die…

Daar is drie hoofsoorte aknee, sê dr. Suretha Kannenberg, ’n dermatoloog van Kaapstad. “Komedogene aknee bestaan uit witkoppies en swartkoppies. Inflammatoriese aknee is witkoppies, swartkoppies en rooien-geel puisies. “Nodulosistiese aknee is inflammatoriese aknee waar groot knoppe en siste onder die vel vorm,” verduidelik sy. Duan het laasgenoemde, die skaarsste soort. Suretha sê die eerste twee soorte aknee kan dikwels met goeie velprodukte behandel word, maar die soort sistiese aknee wat by Duan gediagnoseer is, verg kortisoonbehandeling om die inflammasie op te los. Dit sal ook keer dat littekens later vorm. Haar raad aan ander? “Neem kinders vroeër eerder as later vir akneebehandeling. Dit is baie makliker om aknee in ’n vroeë stadium te takel as om littekens en ’n gekrenkte selfbeeld te behandel.”…

TAMATIESOP Die sop is heerlik romerig hoewel dit nie ’n krieseltjie room bevat nie. Die tamaties word vooraf in die oond gerooster om die geur uit te bring. LEWER 2,5 L SOP BEREIDING: 15 MIN. GAARMAAK: 40 MIN. ◗ 1,2 kg romatamaties, gehalveer◗ 1 x 400 g-blik kersietamaties◗ 8 knoffelhuisies, fyngedruk◗ 1 ui, gekap◗ 1 rooi soetrissie, in stukke gesny◗ 1 aartappel, geskil◗ olyfolie◗ sout en peper na smaak◗ 100 g tamatiepasta◗ 1 L (4 k) groenteaftreksel, gemaak met 2 aftrekselpotjies◗ 5-10 ml (1-2 t) cayennepeper◗ 15 ml (1 e) bruinsuiker◗ sout en peper na smaak◗ 30 g basilieblare, gekap◗ chorizo, in skyfies gesny (opsioneel) Voorverhit die oond tot 200 °C. 1 Plaas die tamaties, knoffel, ui, soetrissie en aartappel in ’n oondvaste bak, sprinkel ’n bietjie olyfolie oor en…

BESTE VRIENDIN VERKIES IEMAND ANDERS V My beste vriendin het ’n nuwe vriendin en gryp alle geleenthede aan om saam met haar uit te gaan. Sy is nie meer so geesdriftig om saam met my uit te gaan nie. Ek wil haar nie verloor nie, maar wat kan ek doen? A op H A In ’n vriendskap – soos in enige verhouding – word besitlikheid soms ’n probleem as die een te veel van die ander verwag. ’n Teken hiervan is wanneer een begin verskonings oor uitnodigings maak. Eerlikheid is die beste beleid wanneer dit by vriendskap kom. As julle sulke goeie vriende is, behoort jy die vrymoedigheid te hê om ’n eerlike gesprek oor jul vriendskap vorentoe met haar te voer. Soms is die tyd verby om “beste” vriendinne…

KYKNET RAAISELKIND Drama. Dié rolprent is gegrond op die boek deur die skrywer Annelie Botes. ’n Negejarige outistiese seun word dood in ’n bad aangetref. Dan word sy ma, Ingrid, wat na hom omgesien en diep liefgehad het, van sy dood verdink. Met Ian Roelofs en Diaan Lawrenson, June van Merch en Deon Lotz. SATERDAG 27 JULIE 20:00 2017. 93 MIN. 16GT E.TV THE ANGRY BIRDS MOVIE Animasie. Die nare groen varke kom op Voëleiland aan, oënskynlik om vriende te maak, maar eintlik voer hulle ’n bose plan in die mou. Net die wanaangepaste Red en sy woedebeheergroepie staan in hul pad. Met die stemme van Jason Sudeikis, Sean Penn, Josh Gad en Danny McBride. SATERDAG 27 JULIE 19:30 2016. 97 MIN. A. E.TV OLD DOGS Komedie. Twee vriende en…

MÔRE KOM DIE SON WEER OP RAMEY SHORT TV-kykers ken Ramey Short dalk net as dr. Quinton Meyer, sy karakter in die sepie Binnelanders. Maar met sy nuwe enkelsnit wys hy dat hy net so talentvol agter die mikrofoon is. Hierdie is ’n ligte popliedjie met ’n voetstampritme wat jou na die dansbaan sal lok. WAAR IS JOU HOOP MIKE ’n Gospel-enkelsnit met baie sterk ondertone van moderne country. Met inspirerende woorde en ’n koorgedeelte wat in jou kop vassit, is hierdie die perfekte toevoeging tot enige lofprysingsgeleentheid. Staan op en sing tot eer van sy naam /Ons vat nou die hand, as ’n nasie saam, sing dié nuweling. VAN VOORAF BEGIN MARISKA Die derde enkelsnit van haar 2018-debuutalbum is ’n opgewekte liedjie met elemente van pop. Die snit is…

NO. 2 039 Jy kan ’n Verklarende Afrikaanse Woordeboek of Afrikaanse Woordelys en Spelreëls van die uitgewer Pharos (pharos@pharos.co.za) wen. Vul die blokraai in en gebruik die letters in die kleurblokke om die antwoord op die vraag te ontsyfer. SMS “HG” gevolg deur jou antwoord, naam en dorp/stad na 36400. Net een SMS per deelnemer word toegelaat. Net mense binne SA se grense kan deelneem. Die SMS kos R1,50. Hou die oorspronklike, volledige blokraai met jou besonderhede as bewys. Geen posstukke word as inskrywing aanvaar nie. Geen werknemers of hul gesin van Media24, Grapevine Interactive of hul reklamemaatskappye mag deelneem nie. Die sluitingsdatum is 15 Augustus 2019. Gaan na huisgenoot.com om die volledige bepalings en voorwaardes te sien. Vra gerus op die Facebook-blad Huisgenoot-Blokraaie ander lesers se raad as jy…

HAAR STER BLINK Die 24-jarige danser Danielle-Marie Jones is al lankal ’n aanhanger van die wetenskapsfiksiereeks Black Mirror. Nou is sy in die derde episode van die vyfde seisoen van dié reeks te sien – en dit teenoor die sangeres Miley Cyrus (26). Haar agent het haar vroeg in November 2018 vertel van oudisies vir ’n danstoneel in Black Mirror wat in Kaapstad gehou word, en sy’t dadelik die geleentheid aangegryp. Sy en die 30 ander vroue wat ’n oudisie afgelê het, het nie geweet hulle gaan saam met Miley dans nie. “Ek kon nie glo dat dit vir Black Mirror was nie. Ek het geskree van opgewondenheid, want ek is ’n groot aanhanger,” vertel Danielle-Marie. In die laaste ronde van die oudisie moes die vroue ’n dansroetine op die…

JY HET hulle waarskynlik al in die somer om ’n stuk taai vrug sien saamdrom, of dalk het jy miershope in jou agterplaas opgemerk. Miere kom amper oral voor – jy het heel waarskynlik al baie van hulle in jou lewe teëgekom – maar het jy geweet party miere is gevaarlik? Die bulhondmier – die gevaarlikste mier ter wêreld – is vir sy aggressiewe gedrag en kragtige angel bekend. Dié miere het ’n sterk greep en wrede bytgedrag, baie soos dié van ’n bulhond. Die gif van die miere het die potensiaal om ’n drastiese afname in bloeddruk en ernstige asemhalingsprobleme te veroorsaak by slagoffers wat dalk allergies is. Soos met die meeste ernstige allergiese reaksies kan dit ’n dodelike uitwerking hê as dit nie behandel word nie. WAAR KOM…

DIT gebeur min dat ’n mens Angelina Jolie sonder minstens een of twee van haar spruite gewaar. Onlangse foto’s waarop sy sonder haar kinders saam met haar peetma, die veteraanaktrise Jacqueline Bisset, deur Parys, Frankryk, stap, het waarnemers verras. Dit was veral verbasend omdat die 74-jarige aktrise skaars vier jaar gelede erken het sy sien haar peetdogter min en is “net so geboei met haar lewe soos ander”. “Ongelukkig het ek nie ’n hegte verhouding met Angelina ontwikkel nie. Ek sien haar selde, maar ek bewonder haar,” het die ster in 2015 tydens ’n onderhoud gesê. “Sy het so beroemd geword, wat vir my moeilik is. So baie mense eis haar tyd op. Ek is ’n bietjie skaam en wil nie iemand wees wat haar probeer misbruik nie.” Te oordeel…

Kanye is nie die enigste musikant wat ’n sakeryk opbou nie. Die sangeres Lady Gaga het onlangs haar nuwe grimeerreeks, Haus Laboratories, bekendgestel. Op die handelsnaambekendstelling se eerste promosievideo sê Gaga (33) sy weet “die laaste ding wat die wêreld nodig het, is nog ’n skoonheidshandelsnaam … maar dis nou maar jammer”. Die ooreenkoms beteken die sangeres se eerste sakewaagstuk sal van die begin af ’n wêreldwye reikwydte hê omdat Amazon haar Haus Labs in September in nege lande tegelyk bekendstel. As Gaga se treffende voorkoms op die groep se onlangse Instagramfoto enigsins ’n aanduiding is, sal grimeringaanhangers in hul noppies wees. ‘Ek het nooit mooi gevoel toe ek jonk was nie. Ek onthou hoe ek elke oggend gekyk het hoe my ma haar grimering aansit’– LADY GAGA BRONNE: FORBES.COM,…

Van een beroemde glansspruit na ’n naam wat jy dalk nog nie ken nie. Al is Maya Hawke (20) se naam nog nie alombekend nie, is sy vir roem bestem. Die blouoogdogter van die akteurs Ethan Hawke en Uma Thurman maak opslae met haar verskyning in die derde seisoen van Netflix se Stranger Things. Sy speel die nuweling Robin. Kritici is gaande oor haar spel, maar haar grootste bewonderaar is haar pa. “Party van julle het haar dalk in verlede jaar se BBC-produksie van Little Women misgeloop. Party van julle het dalk haar werk by Juilliard (die bekende New Yorkse kunsskool) misgeloop. Ek weet talle het verskeie hoërskoolproduksies misgeloop – heng, selfs ek het ’n paar misgeloop en ek is haar pa,” het hy op Instagram geskryf. “Maar, dames en…