Innehållsförteckning för 15-Aug-19 från Huisgenoot

1 ‘EK IS NIE ’N BEDORWE BROKKIE NIE’ Die B.Rek.-student Thomas Klintworth van Johannesburg verduidelik waarom hy sy eie ma hof toe sleep om klas-, koshuisverblyf-en sakgeld te eis My seun het twee werke om te betaal vir sy studie. Hopelik hervat hy sy ingenieurswesegraad volgende jaar. Daar is baie jong mense wat ’n plan maak. M. VAN DER LINDE Jammer, maar ek gun dit vir hom. Ek werk ook vir my seun se LL.B.-graad. G’n luukses vir my en my man nie. Dis vir kinders swaar om ’n werkie te kry. Voorspoed, seun. L. LOUWRENS Ek moes van gr. 9 af werk om te studeer. Wat my ouers gegee het, was omdat hulle wou. Op 18 is jy al groot en nie jou ma se probleem nie. Werk en…

HY VERGEET hoeveel keer hy al ’n bedorwe brokkie genoem is; hoeveel keer al gesê is hy is net die seun van ’n skatryk rolprentmagnaat en gewese skoonheidskoningin in wie se skoot alles val. Of dat hy vanweë die kollig op sy ouers altyd bekend sal wees as die seun van Boet (82) en Tereza (50) Troskie – nie net as Jamie, soos hy graag wil wees, nie. Vandag is hy ’n volwasse jong man van 21 met sy lewenspad oop voor hom. Maar 17 jaar ná sy bekende ouers se egskeiding in 2002 voel hy steeds hoe nuuskierige oë hom oral volg. “Ek is ongelooflik na aan my ma en pa. Maar daar word nog altyd van my verwag om iets groots met my lewe te doen,” vertel die…

ONTBYT-STAPELPANNEKOEKE LEWER 8-10 DIK PANNEKOEKE BEREIDING: 10 MIN. GAARMAAK: 15 MIN. ◗ 60 ml (¼ k) koekmeel◗ 1 x basiese pannekoekbeslag (sien kassie regs)◗ 1 x 410 g-blik pitmielies, gedreineer◗ 125 ml (½ k) gerasperde cheddar◗ olie, vir braai VIR AFRONDING ◗ 250 ml (1 k) suurroom, geroomde maaskaas of roomkaas◗ 125 g salami-skyfies◗ 4 eiers, geposjeer of pangebraai◗ ’n hand vol roketblare 1 Klits die meel by die beslag in. Voeg die mielies en kaas by. Meng goed. 2 Verhit ’n bietjie olie in ’n kleefvrye pan. Bak plaatkoekiegroottepannekoeke met die beslag. 3 Vir afronding Pak ’n paar van die ontbytpannekoeke bo-op mekaar op 4 bordjies. Smeer van die suurroom, maaskaas of roomkaas op die boonste pannekoek van elke stapel. Volg met die salami, eiers en roketblare. Sit…

VERLENGINGS vir jou hare is aanlyn en in salonne beskikbaar. Die gewildste soorte is aanknipverlengings en mikroverlengings. ’n Mens kan aanknipverlengings self insit, maar mikroverlengings sal jy deur ’n kenner moet laat insit. Die prys van die verlengings wissel na gelang van die lengte en kan tussen R1 000 en R4 000 kos. Caren Parkinson 49, Johannesburg, rekeninge-administrasie Caren het onlangs 87 kg verloor en wou iets nuuts en spesiaals met haar hare doen. “Ek het wonderlik en mooi gevoel nadat ek myself gesien het. Ek het gevoel ek word gepamperlang en bederf. Dit was wonderlik,” sê sy van die ervaring. Produkte STAP 1 Twee smal vlegsels (cornrows) word in die middel van die kop van agter na die middel van die kop gevleg. Dit word met ’n klein rekkie…

▪ Toe Milo uitgevra is oor hoe dit is om met medesterre uit te gaan, het hy gesê: “Dis ’n slegte idee.” Hy het van 2002 tot 2006 met sy Gilmore Girls-medester Alexis Bledel uitgegaan en van 2007 tot 2009 met sy Heroes-medester Hayden Panettiere. ▪ Dié groot Harley-Davidson-aanhanger besit drie ysterperde: ’n 2014-Harley-Davidson Fat Bob, 2016-Harley-Davidson Low Rider S en 2018-Harley-Davidson Road Glide Special. “Al my Harleys is aangepas en dis alles persoonlik gemaak.” ▪ Die loopbaanopsies wat hy oorweeg het, was om ’n vlootvlieënier, pediatriese chirurg of akteur te word. “Ek wou kinders help en met stralers vlieg, maar op 18 het toneelspel in ’n mate oorgevat toe ek in die bedryf betrokke geraak het.” ▪ Hy is sy lewe lank ’n vegetariër en is in 2009 as…

Die begin Met die eerste luisterslag na hul nuwe album klink dit of Bouwer Bosch (35) en Lucinda Neethling (33) al jare lank saam musiek maak. Hulle het immers in min of meer dieselfde tyd in twee van Suid-Afrika se grootste alternatiewemusiekgroepe naam gemaak – Bouwer as sanger in Straatligkinders en Lucinda as hoofsanger van Die Melktert Kommissie. Maar al het hul groepe op dieselfde feeste opgetree, het dié twee mekaar nie geken nie. “Ons het mekaar eers in die ateljee ‘ontmoet’,” sê die sanger. Hy sê Straatligkinders wou ’n liedjie saam met ’n sangeres opneem vir hul nuwe album. Die tema, nostalgie, het hulle laat dink aan Die Melktert Kommissie, wat nes Straatligkinders lank laas nuwe musiek uitgereik het. Hulle het Lucinda gekontak en die liedjie Herinner opgeneem. Toe…

TAMMY SATERDAG E.TV 21:55 ’n Vrou wat haar werk verloor het, vind uit haar man het haar verkul en gaan op reis saam met haar vuilbekkige ouma. THE GOOD FIGHT MAANDAG M-NET 21:00 Lucca (Cush Jumbo) se aandeel in ’n video wat opslae gemaak het, laat rassevooroordeel in die firma na vore kom. THE ENEMY WITHIN M-NET 21:00 Terugflitse onthul die noodlottige gebeure wat Erica Shepherd (Jennifer Carpenter), adjunkdirekteur van die CIA, haar land laat verraai het.…

GROOT BLOKRAAI NO. 2290 GROOT BLOKRAAI NO. 2290 Antwoord: mossel PHAROS-TWEETALIGE WOORDEBOEK L. Groenewald, Komanie V. van Wyk, Sasolburg J. Glover, Mosselbaai FOTOBLOKRAAI NO. 2036 FOTOBLOKRAAI NO. 2036 Antwoord: fondue VERKLARENDE AFRIKAANSE WOORDEBOEK L. Goosen, Kleinmond AFRIKAANSE WOORDELYS EN SPELREËLS A. Bussell, Bredasdorp KODERAAI NO. 394 ONS KOMPETISIE-WENNERS Kry die name van al die wenners van Huisgenootkompetisies op ons webtuiste. Gaan na huisgenoot.com/wenners.…

SONDAG SEE EN ROOMYS As die 24-jarige akteur nie voor die kameras is nie, kry jy hom tien teen een op die strand. Hy is gaande oor die see, sê Craig. “Ek geniet dit om die branders dop te hou omdat dit so kalmerend is.” En dit maak nie saak watter seisoen dit is nie, hy eet graag roomys. “Ek eet dwarsdeur die jaar roomys – of dit nou die warmste somer of die koudste winter is.” MAANDAG OPSTAAN-EN-WIKKEL-TYD! Die akteur, wat in Macassar naby Somerset-Wes woon, geniet sy nagrus terdeë, maar moet dikwels al vroeg roer. “Ek moet meestal vroeg opstaan – hoe vroeg, hang af van hoe laat ek op die stel moet wees.” Hy is gewoonlik al om vieruur uit die vere. “My oggend kan nie sonder…

DIE Tempelberg is ’n heuwel in Jerusalem en die heiligste terrein in die Judaïsme. Die 740 m hoë heuwel is geleë in die Ou Stad, ’n ommuurde area binne die moderne stad Jerusalem. Tot in 1860 was dit die hele stad. Die Ou Stad bevat ook die Westelike Muur, waar Jode aanbid. 4 DINGE WAT JY MOET WEET WAT IS DIE DRIE TEMPELS? Die eerste tempel op die berg, Salomo Se Tempel, is in 597 v.C. gebou. Dit is vermoedelik deur Nebukadnesar II, eens ’n magtige koning van Babilon, vernietig nadat hy in 586 v.C. beheer oor Jerusalem oorgeneem het. Die Tweede Tempel is in 516 v.C. gebou en in 70 n.C. deur die Romeinse Ryk vernietig. Baie Jode glo dit sal deur ’n derde tempel vervang word voor of…

SAMUEL GERWEL (48), OUDBENDELID EN BEMIDDELAAR VIR VREDE ‘My TRONKNAAM is Little Devil, maar daar is mense wat my Gaatjie noem. Ek het my tronknaam daar binne hier oor my keel laat tjap. Ek was 12 jaar Ek was as kind twee jaar in die verbeteringskool in Tokai. Van 1985 af. Dit kom van diefstal. Ek het mense begin roof toe ek so 13, 14 was. Gaatjie is die naam wat hulle my hier gegee het by die First Community Centre in Hanover Park – dit gaan oor die gat in my kop in. Tydens bendegeweld, soos nou onlangs, is ek deur ’n lid van ’n ander bende bo in my kop geskiet. Dit was die sesde dag van die sesde maand in 2014 toe dit gebeur het. Ek was in…

MET ’n kombinasie van glansryke aantrekkingskrag en komiese tydsberekening het sy iets reggekry wat talle akteurs van haar generasie afgunstig laat: die kuns om die oorgang van ’n televisieliefling na ’n witwarm silwerdoekster suksesvol te bemeester. Jennifer Aniston is verreweg die suksesvolste van die Friends-sestal; met ’n koel R283 miljoen was sy verlede jaar die derdebesbetaalde aktrise ter wêreld en haar flieks is loketgoud. Tog is daar dié wat steeds sê: “Die arme Jen …” In hul oë is sy die mooi gesiggie wie se liefdeslewe sukkel, die vrou wat haar geliefde altyd aan ’n ander skoonheid moet afstaan, en ’n vrou van 50 wat vergeefs daarna hunker om ma te word. Sy het met die jare vir die wêreld probeer sê sy’s heeltemal oukei, dankie, maar die skindertonge was…

Bella en Gigi Hadid Die supermodelsusters Gigi (24) en Bella (22) het vroeër vandeesmaand tydens ’n vakansie op die Griekse eiland Mikonos met hul bikinilyfies gespog. Katy en Orlando Die sangeres Katy Perry (34) en akteur Orlando Bloom (42) wys hul avontuurlike streep tydens hul somervakansie in Majorka, Spanje. Shawn Mendes en Camila Cabello Die Señorita-sangers Camila (22) en Shawn (21) het dolverlief gelyk terwyl hulle in die see in Miami in Florida, Amerika, baljaar het en daarmee saam die gerugte oor ’n romanse bevestig. Amber Heard Haar voortslepende regstryd met haar eksman, Johnny Depp (56), kry die aktrise duidelik nie onder nie. ’n Sorgelose Amber (33) is onlangs aan die Amalfi-kus van Italië in die seewater gewaar. Luis Suárez, Lionel Messi en Cesc Fàbregas Dié drie sokkersterre (almal 32)…

“Ek dink ek het dit ontgroei … maar dit het my altyd frustreer dat dit gelyk het asof ek ’n mislike mens is omdat ek nie sonder verset in die kollig gespring het nie. Ek het dus knorrig gelyk. Ek is glad nie rebels nie; ek is nie ’n dwarstrekker nie. Ek wil net hê mense moet van my hou.” – Kristen Stewart (29) oor hoe sy aanvanklik met roem gesukkel het “Dié seisoen word ons die Monterey Five genoem en dis wat ons ons kletsgroep ook noem. En toe wou hierdie ander vrou ook deel van die teksboodskappe raak … Ek sê toe eers: Meryl, ons het ons eie kletsgroep sodat ons net met mekaar kan gesels; dis iet wat ongeskik van jou.’ Maar natuurlik skryf sy die ongelooflikste…

▪ ‘Haai, Jana. Dis Nantes, Liam se pa …’ ▪ ‘Ek het hom toe by iemand gaan los en gaan werk. As ek tyd het, dan gaan ek na hom toe; kuier by hom’ ▪ ‘Hy is nog by die mense, jy weet’ ▪ ‘Liam het nou ’n nuwe lewe’ DIE oproep kom uit die bloute. Dit is die tweede een in net meer as drie maande. “Haai, Jana,” sê die stem aan die ander kant van die foon. “Dis Nantes, Liam se pa …” Nantes Nortjé, die man wat na bewering sy eie seuntjie ontvoer en vermoor het. Nantes Nortjé, die man wat volhou klein Liam leef, maar weier om te vertel waar die blondekopkleuter is, al beteken dit hy slyt sy dae nou al meer as ’n jaar…

MEDITERREENSE TAMATIE-RISOTTO GENOEG VIR 4-6 MENSE BEREIDING: 10 MIN. GAARMAAK: 45 MIN. GEROOSTERDE TAMATIES ◗ 250 g kersietamaties◗ 1 rooi-ui, in kwarte gesny◗ 30 ml (2 e) olyfolie◗ ’n knippie sout RISOTTO ◗ 30 ml (2 e) olyfolie◗ 1 ui, gekap◗ 2 knoffelhuisies, fyngekap◗ 5 ml (1 t) gedroogde origanum◗ 30 ml (2 e) tamatiepasta◗ 15 ml (1 e) botter◗ 500 ml (2 k) risottorys◗ 60 ml (¼ k) witwyn◗ 1 x 410 g-blik gekapte tamaties◗ 6 x 250 ml (1,5 L) hoenderaftreksel◗ 125 ml (¼ k) gerasperde harde Italiaanse kaas of beleë cheddar◗ ’n skeut suurlemoensap◗ sout en vars gemaalde peper VIR AFRONDING ◗ ekstra gerasperde harde Italiaanse kaas of beleë cheddar◗ vars basilie, gesnipper Voorverhit die oond tot 200 °C. Smeer ’n bakplaat liggies met olyfolie. 1 Geroosterde…

As jy ’n persoonlike probleem het, skryf gerus aan Liewe Elize, Posbus 1802, Kaapstad 8000 of elize@huisgenoot.com. Of SMS LIEWE ELIZE gevolg deur jou vraag na 36489. Elke SMS kos R1. EENSAAMHEID HAAR KRUIS V Ek is in my 30’s, het geen kinders nie en kon nog nooit lank met ’n verhouding volhou nie. Twee redes daarvoor is dat ek nooit van ’n sekslewe gehou het nie en dat ek aan twee sielkundige steurings ly. Ek verloor ook maklik my humeur oor klein dingetjies. Ek het altyd seks gehaat en sal dit nooit in my lewe wil terughê nie. Ek was al getroud en is al meer as ’n dekade lank geskei. Ek weet die probleem lê by my. Ek voel eensaam en smag na ’n goeie man in my…

OP-EN-WAKKER MET SATISKIN Begin jou oggend op ’n positiewe noot met Satiskin se vertroetelende stortjels. Satiskin-stortjels is pH-gebalanseerd, met vitamiene A en E verryk en sal jou vel satynsag laat voel. Verruklike geure sal jou vir die beste oomblik van jou dag voorberei. Beskikbaar in ’n reeks van 1 L-en 400 ml-groottes met aromas vir elke luim. SKITTERGLANS Die nuwe vlootblou Plush Max-skoenpolitoer is die jongste toevoeging tot dié handelsnaam se reeks topverkoper-skoenpolitoere. Plush bied tans Max-politoer in swart, bruin en neutraal in 50 ml-en 100 ml-blikkies en taankleur in ’n 50 ml-blikkie. Die nuwe vlootblou Plush Max-skoenpolitoer is ook in blikkies van 50 ml en 100 ml beskikbaar. Die aanbevole verkooppryse is R11,99 (50 ml) en R21,99 (100 ml). GEHALTE-BREEKWARE Die nuwe Luminarc Opal-eetstel word van getemperde glas gemaak…

REUSE-WERKVERANTWOORDELIKHEID Of dit nou ’n padongeluk, aanranding of siektetoestand is, sy karakter in die kykNET-sepie Binnelanders, Danny Jantjies, word elke dag deur nuwe uitdagings in die gesig gestaar om mense in nood te help. Dié rol het Bradley Olivier (32) laat besef om ’n noodwerker te wees is geen gewone werk nie. “Ek het nooit besef waardeur ’n paramedikus daagliks gaan nie,” erken hy. Hoewel hy nie so waaghalsig soos sy karakter is nie, “deel ons ’n humorsin en is ons albei omgeemense”. Kykers gaan binnekort sien hoe Danny se lewe soos handomkeer verander, verklap Bradley. “Sy hart is maar klein en dit is nie altyd maklik om aan te pas by ’n omgewing wat heeltyd verander nie.” TROTSE PAARLIET Bradley is op Douglas in die Noord-Kaap gebore. Toe hy…

IN MY VEL – ’N REIS Deur AZILLE COET-ZEE, (Tafelberg, R199*) AS DAAR al so ’n boek deur ’n jong wit vrou in Afrikaans verskyn het, het ek dit misgekyk: ’n ode aan die lewe in ’n Europese land, ’n openlike beskrywing van liefdesverhoudings en diep deurdagte besinnings oor die Suid-Afrikaanse werklikheid. Maar Azille Coetzee het teruggekom. Ná drie jaar, die verbreking van twee belangrike liefdesverhoudings en die verkryging van ’n doktorsgraad in filosofie keer sy op 30-jarige ouderdom terug na die land wat sy gemeen het sy afgelê het. “Ek verloor summier my hart op Amsterdam. Hoekom het ek 27 jaar lank in Afrika rondgeploeter,” skryf sy in die boek In My Vel, wat pas verskyn het. Maar sommer gou word sy gekonfronteer met wat haar identiteit is toe…

SUPERSLIM Slim televisiestelle is nie slim nie … tot hulle outomaties die klank harder stel wanneer tjips en ander krakerige kos gewaar word. LEON KRUGER DUBBELE PYN “Hoekom is jou rekening drie keer so groot as gewoonlik?” skel Koos op die tandarts. “Want jou gille het twee ander pasiënte weggejaag!” antwoord die tandarts. F.H. HORNE, HARTENBOS MAANLANDING V: Wat was werklik Neil Armstrong se eerste woorde toe hy 50 jaar gelede op die maan geland het? A: “Ag nee. Dis dan nie van kaas gemaak nie!” LEON KRUGER VALS BESKULDIG My baas sê ek intimideer die ander personeel. Ek het hom toe so stip aangestaar dat hy sommer stilgebly het. L. SAAYMAN, SABIE POLTERGEIST Hoekom moet spoke altyd stoele rondskuif en goed rondgooi? Kan hulle nie liewer die skottelgoed was…

NO. 2 042 VRAAG WATTER RAAMWERK VIR PLANTE IS TER SPRAKE? SKOMMEL DIE LETTERS IN DIE KLEURBLOKKIES OM DIE ANTWOORD TE VIND. LEES LANGSAAN HOE DIE KOMPETISIE WERK. Jy kan ’n Verklarende Afrikaanse Woordeboek of Afrikaanse Woordelys en Spelreëls van die uitgewer Pharos (pharos@pharos.co.za) wen. Vul die blokraai in en gebruik die letters in die kleurblokke om die antwoord op die vraag te ontsyfer. SMS “HG” gevolg deur jou antwoord, naam en dorp/stad na 36400. Net een SMS per deelnemer word toegelaat. Net mense binne SA se grense kan deelneem. Die SMS kos R1,50. Hou die oorspronklike, volledige blokraai met jou besonderhede as bewys. Geen posstukke word as inskrywing aanvaar nie. Geen werknemers of hul gesin van Media24, Grapevine Interactive of hul reklamemaatskappye mag deelneem nie. Die sluitingsdatum is 5…

Besoek ons webtuiste, huisgenoot.com, vir ’n daaglikse horoskoop. MAAGD 23 AUG – 22 SEP Die plesiersoekende Venus beweeg dié week jou teken binne, wat dit ’n geskikte tyd maak om ’n slag uit te gaan en pret te hê. Selfs ’n hardwerkende Maagd moet partykeer uitspan en plesierig wees. Aangesien dit die perfekte week is vir sosialiseer, wil jy dalk saam met jou pelle kuier of jou sakevennote op ’n groepuitstappie vergesel. Jy voel dalk ’n bietjie skaam en uit jou gemaksone, maar probeer om nie ’n uitnodiging na ’n partytjie of geleentheid van die hand te wys nie. GELUKKIGE NOMMERS 40, 25, 17, 9, 52, 28 WEEGSKAAL 23 SEP – 22 OKT Dis ’n week om oor jou drome te besin. Begin planne vir die toekoms beraam, of jy…

SY OUBOET het geen bekendstelling nodig nie: Hy het die lagspiere laat werk met sy Leeuloopmanewales en sy spel in flieks soos Poena Is Koning. Maar nou is dit die sanger Robbie Wessels se kleinboet se beurt in die kollig. En dié is sowaar net so talentvol, kreatief en vol grappe as sy boet. Hamilton Wessels (32), oftewel Hammie soos hy bekendstaan, het aanhangers van Afrikaanse musiek die afgelope jaar een harde karatetjop gegee toe hy die musiekvideo van sy liedjie Bruce Lee bekendgestel het. Dié video, waarin Hammie nes die aksieheld Bruce Lee wilde karatetoertjies gebruik om booswigte te oorwin, is binne agt maande meer as 52 000 keer op YouTube gekyk. Die Wessels-broer met die welige snor kry nou boonop sy eie rugbyprogram: In Japan, Ja word later…

ONCE UPON A TIME IN HOLLYWOOD LONDEN-PREMIÈRE ONS IS MAL OOR MARGOT…

1972 Juanita Naudé word in Namibië gebore. 1990 Sy en Herman du Plessis, oftewel Doepie, trou. 1991 Hul eersteling, Ruan Joshua, word gebore. 1994 Die tweeling, Franja en Mario, word gebore. 1994 Juanita wen ’n liedjie skryfwed stryd in Namibië. 1998 Haar debuutalbum, Juanita, word uitgereik. 2000 Ska-Rumba, die titelsnit van haar album Ek&Jy, word ’n treffer. 2000 Die gesin trek uit Gobabis in Namibië na Pretoria. 2008 Ná 10 albums en 10 jaar in die bedryf steek haar CD-verkope die mil joenkerf verby. 2010 WOW Music Distribution word op die been gebring. 2013 Juanita behaal die rekord as die eerste Suid-Afrikaanse sangeres met verkope van 2 miljoen albums. 2015 Ruan staan aan die stuur van WOW. 2016 Franja se debuutalbum, My Verhaal, word uitgereik. 2017 Ruan, nou bekend as…

TOE my ma dood is, het ek nie gehuil nie. Ek was in alle eerlikheid bloot verlig. Die mens wat ek liefgehad het, was lankal weg – ek het haar reeds drie jaar tevore aan demensie verloor. Dit was die klassieke patroon. My ma, Charlotte Hough, was ’n opgewekte, skerpsinnige kinderboekskrywer en-illustreerder. Sy was altyd ’n bietjie eksentriek. Sy was dol oor die muise wat in haar spens rondgehardloop het. Wanneer iemand vir haar ’n kompliment gegee het, het sy dit neergeskryf en in haar plakboek geplak. Maar teen 80-jarige ouderdom het sy ál vreemder begin optree. Ek onthou ek het saam met haar tuingemaak en opgemerk sy trek al die plante uit en los die onkruid terwyl sy saggies wysieloos fluit. Sy het ook obsessief geword, kwaai briefies geskryf…

Stuur voorstelle en versoeke na geldsake@huisgenoot.com. E-posse sal sover moontlik in die rubriek beantwoord word en nie persoonlik nie. IN DIE huidige ekonomie kan ’n mens nie sommer net aanvaar dat jy nooit afgelê sal word weens byvoorbeeld herstrukturering in jou maatskappy nie. En dit kan dwarsoor alle inkomstegroepe en posvlakke gebeur mits jou werkgewer grondige redes het en die wettige prosedures volg. As jy skielik nie meer ’n gereelde salaris verdien nie, kan jy geldelik in die knyp raak. Hier is praktiese planne wat jy dan kan maak. 1 MAAK SEKER JOU SKEIDINGS-PAKKET SLUIT ALS IN WAAROP JY GEREGTIG IS ◗ Ná die uitreiking van die afleggingskennisgewing is daar gewoonlik ’n minimum tydperk waarin die werknemer steeds moet werk en betaal word. ◗ Jou werkgewer is wetlik verplig om…

IN ’N HOND SE WÊRELD The Art of Racing in the Rain is ’n emosionele drama wat die hoogte-en laagtepunte in die lewe van die aspirantrenjaer en motorverkoopsman Denny Swift (Milo Ventimiglia) en sy vrou, Eve (Amanda Seyfried), uit die oogpunt van hul gesinshond, Enzo (met Kevin Costner se stem), volg. Die rolprent is op die blitsverkoperroman deur Garth Stein gegrond. Enzo vertel sy lewensverhaal en deel die lesse wat hy by sy menseienaars geleer het terwyl hy dophou hoe hulle hul alledaagse beproewings en oorwinnings hanteer. “Waarvan ek veral van die draaiboek gehou het, was die man se reis,” sê Milo. “Jy verstaan die fokus van ’n renjaer en die bulte langs die pad, die reën en die onverwagte gebeurtenisse wat ons van koers af kan dwing – ek…

WEN ’N WOORDEBOEK PLUS KOM IN AANMERKING VIR DIE MAANDELIKSE TREKKING VAN R1 000. VRAAG: WATTER SOORT GEBOU IS TER SPRAKE? PHAROS WOORDEBOEKE (’N DRUKNAAM VAN NB-UITGEWERS) GEE DRIE EKSEM-PLARE VAN DIE AFRIKAANS-ENGELS/ENGELS-AFRIKAANSE WOORDEBOEK WEG. As jy vashaak, kan jy gerus ander lesers se raad vra op ons Facebook-blad met die naam Huisgenoot-Blokraaie. NO. 2 296 NEEM SO DEEL Vul die blokraai korrek in, skryf die letters in die kleurblokke neer en gebruik dit om die antwoord op die vraag te ontrafel. SMS “HG” gevolg deur jou antwoord, naam en dorp/stad na 36400. Net een SMS per deelnemer word toegelaat. Die SMS kos R1,50. Net mense binne SA grense kan deelneem. Die wenners sal die oorspronklike, voltooide blokraai en hul besonderhede moet verskaf. Geen werknemers of hul gesinne van Media24,…

STRANGER THINGS Maya Hawke, die 21-jarige dogter van die Hollywood-akteurs Uma Thurman (49) en Ethan Hawke (48), is te sien as die nuweling Robin in die derde seisoen van die Netflixtrefferreeks Stranger Things. Robin, wat saam met Steve (Joe Keery) in die roomyswinkel Scoops Ahoy werk, is dié reeks se eerste gay karakter. BEKENDE OUERS Maya se ouers, Uma en Ethan, het mekaar in 1997 op die stel van die dramafliek Gattaca ontmoet. Hulle het ’n jaar later afgehaak en was sewe jaar getroud voor hul huweliksbootjie op die rotse beland het. Maya was toe net vyf. Uma en Ethan het ook ’n seun, Levon (17). DEURBRAAK Maya het op 17 haar akteursdebuut gemaak as Jo March in die BBC-reeks Little Women. Sy maak ook vanjaar haar silwerdoekdebuut in die…

JUDAÏSME is die oudste van die wêreld se godsdienste wat net een godheid aanhang. Die Christelike geloof en Islam is die grootste van hierdie soort godsdienste. Judaïsme is die kleinste met rondom 14,7 miljoen Jode wêreldwyd. In geheel is dit die 10de grootste godsdiens. Daar is sowat 75 000 Jode in Suid-Afrika. WAT IS JUDAÏSME? Jode glo daar is een ewigdurende God, YHWH (Jahwe) of Adonai, wat die heelal geskep het en daaroor heers. Die heilige Joodse boek word die Tora (“opdragte” in Hebreeus) genoem en vertel van die verbond wat God met Abraham aangegaan het. Abraham staan bekend as die vader van die Joodse mense. God het hom beloof sy nageslag sal God se uitverkore mense wees en dat Hy hulle sou beskerm as hulle sy wette gehoorsaam. DIE…

WAAR ek met Sally Lane en John Letts aan hul eetkamertafel in hul skakelhuis in Oxford, Engeland, gesels, knaag ’n rits vrae aan my. Een is: “Wat sou die perke van ouerliefde wees?” Terwyl die ouerpaar weer die verhaal vertel van hoe hul oudste seun, Jack (toe 18), vyf jaar gelede met vakansie na Jordanië is en daar by die IS (die Islamitiese Staat in Irak en Sirië) betrokke geraak het – ’n reis wat hom in ’n Koerdiese gevan geniskamp laat beland en hulle ’n bittere hofbeproewing laat deurmaak het – kan ek nie anders as om oor die woord “onvoorwaardelik” te wonder nie. Wat hulle verduur het, het dié konsep tot breekpunt beproef. Toe Jack hulle maande nadat hy by dié terreurgroep aangesluit het, kontak en smeek dat…

AANHANGERS van The Lion King wat nou weer na teaters stroom om na die jongste weergawe van die immergroen Disney-fliek te kyk, is gewoonlik daarmee tevrede om agterna ’n wollerige Simba-speelding of ’n T-hemp te koop. Dalk sal hulle ook die klankbaan aflaai of die rolprent weer en weer kyk. Maar ’n Britse fliekvlooi het ’n stap verder gegaan om die herinnerings aan die geliefde karakters lewend te hou wat kykers nog net so bekoor as toe die eerste fliek 25 jaar gelede uitgereik is. Nadat Hannah Chilton (31) van Hampshire, Engeland, haar verlustig het in die kaperjolle van baba Simba, Rafiki en kie op die silwerdoek, het sy haar eie gesig as skilderdoek ingespan en replikas van die karakters kunstig daarop geverf. ’n Ietwat verskrikte baba Simba staar jou…

TOE Sean-Marco Vorster kort voor die ver filming van die fliek Vergeet My Nie kaalbolyffoto’s van die jong Hugo Derks met sy spiere en blokkiesmaag sien, het die akteur besef harde werk lê voor – hy moes gewig afskud vir die tonele waarin hy nie ’n hemp dra nie. “Ek was nervous toe ek sy lyf sien,” erken Sean-Marco, wat die rol van Hugo in Huisgenoot en kykNET se nuwe fliek vertolk. Dit word volgende jaar uitgereik. Dié goedvoelfliek is deur die ware liefdesverhaal geïnspireer van Hugo en Mardaleen Derks van Gobabis in Namibië en die kronkelpaaie wat hul verhouding in die 1990’s gestap het. Om as’t ware in die jong Hugo se vel te klim, het Sean-Marco (27) in die twee maande voor die kameras begin draai het…

GAGA SE NUWE LIEFDE AS JY gehoop het die sterre Lady Gaga en Bradley Cooper sal eindelik soos hul karakters in A Star Is Born in mekaar se arms beland, moet jy daardie droom maar laat vaar. Die 33-jarige sangeres is onlangs gekiek terwyl sy haar nuwe kêrel, Daniel Horton (37), gesoen het. Hulle het ’n laat ontbyt in Los Angeles geniet. Volgens ’n ooggetuie het die paar omtrent ’n uur lank daar geëet en was hulle diep in gesprek. “Hulle het mekaar ge-soen en hul tafel was naby die sypaadjie, so sy het duidelik nie omgegee dat hulle gesien word nie,” het die persoon bygevoeg. Sy het vroeër vanjaar met haar verloofde, die talentbestuurder Christian Carino, uitgemaak. Voor Daniel was daar gerugte dat sy en die akteur Jeremy Renner…