Innehållsförteckning för 22-Aug-19 från Huisgenoot

1 AFRIKAANSE SANGER WOU EIE LEWE NEEM Die sanger Dirk van der Westhuizen, bekend vir liedjies soos Gooi Jou Suiker op My en Spoel My Af, maak hart oop oor boelies en sy depressie Dis goed dat Dirk sy verhaal met ander deel. Want dis geen skande nie. Mense wat nog nooit depressie ervaar het nie, sal nie verstaan hoe dit is om dit te hê nie. HESTER Dirk is ’n ongelooflike mens met ’n hart van goud. Hy laat jou goed voel en praat mooi met jou. Ek haal my hoed vir hom af en is lief vir die mooi mens. Ek weet waardeur hy gaan. CHARMAIN Ek het soveel respek vir Dirk as ’n mens en sanger. Dit vat baie moed om iets so privaats met almal daar buite…

SY HET met ’n rooibruin haredos as die geliefde 7de Laan-karakter Emma bekend geword, maar die pienk strepe waarmee sy vandag spog, is eintlik pure Bertha le Roux-Wahl: vars, vrolik en fun. “Ek is lief vir die lente en wou sommer dié seisoen ’n bietjie nader roep,” vertel Bertha oor dié gewaagde verandering. Voor haar rol in die Laan was Bertha se natuurlike haarkleur rooiblond. Sy het haar hare weer vir ’n ruk dié kleur gemaak nadat sy die sepie in 2014, ná 12 jaar, vaarwel toegeroep het. Haar dogters, Kiana (12) en Brioné (9), was mal daaroor dat hul ma se haarkleur meer soos hul eie donkerblonde hare gelyk het. Maar sy het sedertdien haar hare weer stelselmatig rooi begin kleur, en toe sy onlangs salon toe gaan, het…

APPELRINGKOEK MET APPELPUREE Hierdie geurige appelpuree is heerlik saam met die liggies gekruide appelkoek. LEWER 1MIDDELSLAG-RINGKOEKBEREIDING: 30 MIN.KOOK: 20 MIN.BAK: 40 MIN. APPELPUREE ◗ 4 appels, geskil en gerasper◗ sap en skil van 1 lemoen◗ 2 lourierblare◗ 2 heel naeltjies◗ 1 kaneelstok◗ 30 ml (2 e) demerarasuiker APPELKOEK ◗ 100 g droëpere◗ 250 ml (1 k) chai-rooibostee◗ 800 g appels, geskil en in◗ klein blokkies gesny◗ fyngerasperde skil en sap◗ van 1 suurlemoen◗ 80 g demerarasuiker◗ 100 g versoeter soos eritritol◗ 160 ml (⅔ k) olyfolie◗ 2 eiers◗ 100 g amandelmeel◗ 200 g koekmeel◗ 2,5 ml (½ t) fyn kaneel◗ 7,5 ml (1½ t) koeksoda◗ 7,5 ml (1½ t) bakpoeier◗ 2,5 ml (½ t) sout VERSIERSEL ◗ 125 ml (½ k) dubbelroomjogurt◗ 30 ml (2 e) versiersuiker AFRONDING ◗ klein…

JY KEN die waarskuwingstekens: Die water in die opwasbak loop ’n bietjie stadiger uit of jy kom agter water dam in die stort by jou voete op. Dan is daar die onaangename reuk wat jou begroet wanneer jy in jou huis instap. Al dié dinge sê vir jou jy sal binnekort met ’n verstopte drein opgeskeep sit. Daarom verwyder jy die oortollige aanpaksel wat om die opening van die drein opgebou het, maar niks gebeur nie. Hier is ’n paar vinnige en maklike maniere om die drein in jou huis te ontstop sonder dat jy ’n loodgieter hoef te kontak. 1 Verander ’n draadhanger in ’n dreinslang deur dit so reguit te maak as wat jy kan. Buig die een punt om ’n klein haak te skep, druk dit verby…

LAASTE LAG Mense wat nie vir hulself kan lag nie, laat hierdie plig aan ander oor. VERA WESSELS, NAMIBIË BOBAASVERTELLER Niemand vertel ’n beter storie as iemand wat wil geld leen nie. WOLLIE, PRETORIA ONGELUKKIGE 13 Op ’n dag breek ’n brand in ’n baie hoë kantoorgebou uit. In ’n poging om almal veilig daar uit te kry storm Koos, die veiligheidsbeampte, in ’n kantoor in en skree vir die verskrikte personeellede: “Mense, spring by die venster uit! Julle gaan doodbrand.” “Ons kan nie spring nie,” kom dit benoud van die groep werkers. “Ons is op die 13de verdieping!” “Dis nie nou die tyd om bygelowig te wees nie!” bulder Koos. “Ek sê spring!” ANTON VAN RENSBURG, BELLVILLE NES ’N MAN Seuntjie: “Hoekom het tannie nooit getrou nie? Tante: “Ag,…

PAS KLAAR GESKIET VERGEET MY NIE Huisgenoot en kykNET se tweede rolprent, Vergeet My Nie, is pas klaar verfilm. Die fliekspan het die afgelope twee maande van Johannesburg na Potchefstroom, Kaapstad, Namibië en selfs Londen gereis. Die inspirasie vir die fliek is Mardaleen en Hugo Derks van Gobabis, Namibië, se ware liefdesverhaal. Dis propvol drama, humor en romanse. Hugo (Sean-Marco Vorster) en Mardaleen (Marguerite van Eeden) het mekaar op universiteit in Potchefstroom ontmoet, maar soos die noodlot dit wou hê later in dieselfde kommune in Londen, Huis Konettie, beland. En hier het die liefde geblom. Kykers sal boonop met talle ander kleurryke inwoners van Huis Konnetie kennismaak. Daar is die ernstige Dieter (Pietie Beyers), die opstandige Nicky (Elani Dekker), die vrygees Lara (Kenley Swart), die immer aanpasbare Thea (Amalia Uys),…

▪ Ek het as ’n tegniese vertaler by die ou Vervoerdiens se taalburo begin. ▪ Ek skryf al sedert die 1980’s. Deesdae deel ek my vaardighede met ander deur onderwys en opleiding. Ek het baie ervaring en kennis om te deel. ▪ As kopieskrywer het ek meer as 40 plaaslike en internasionale advertensiepryse gewen. (Harry was met sy dood die fakulteitshoof van Creative Brand Communication op die AAA-advertensieskoolkampus.) se Johannesburg ▪ Ek het uitgebreide kennis van finansiële vertaling en het vir al die groot banke in Suid-Afrika werk gedoen. ▪ Ek het meer as 120 uur vir TV geskryf, onder meer vir Isidingo, Binnelanders en vyf dramas vir kykNET. ▪ Ek het 24 toneelstukke en 11 fiksieboeke agter my naam. (Die bekendstes is X-Ray Visagie en die Vingers van God,…

Besoek ons webtuiste, huisgenoot.com, vir ’n daaglikse horoskoop. WEEGSKAAL 23 SEP – 22 OKT As jy ’n tipiese Weegskaal is, hou jy waarskynlik daarvan om eerder die vrede te bewaar, en jy probeer om konflik tot elke prys te vermy. Maar vandeesweek kan dit ’n onmoontlike patroon wees om by te hou. Dit sal moeilik wees om jou rug op krasheid te draai en kalm te bly wanneer jy met ongeskiktheid gekonfronteer word, iets wat jy dalk dié week sal moet verduur. Jou soeke na regverdigheid sal vereis dat jy jou voet neersit en jou stem dik maak. GELUKKIGE NOMMERS 46, 32, 21, 1, 51, 10 SKERPIOEN 23 OKT – 21 NOV Pleks van dinge op jou eie aanpak, moet jy vandeesweek deel van die groep wees. Bring dus tyd…

▪ In 1963, tydens ’n besoek aan Dallas, Texas, is pres. John F. Kennedy (toe 46) doodgeskiet. ▪ In 1968 is JFK se broer en Saoirse se oupa Robert F. Kennedy (toe 42) tydens sy eie presidentsveldtog deur ’n sluipmoordenaar in Los Angeles doodgeskiet. ▪ Hul broer Joseph P. Kennedy jr. (toe 29) is in die Tweede Wêreldoorlog dood en hul suster Kathleen Cavendish (toe 28) in 1948 in ’n vliegtuigongeluk. ▪ David Kennedy (toe 28), een van Robert en Ethel se 11 kinders, is in 1984 dood in ’n hotelkamer in Florida aangetref ná ’n oordosis kokaïen, pynstillers en kalmeermiddels. ▪ John F. Kennedy jr., die president se seun, is in 1999 dood toe sy vliegtuig neergestort het. Sy vrou, Carolyn (foto), en haar suster Lauren is ook in…

BINNE net 24 uur het haar lewe soos handomkeer verander. Op Vrouedag het sy nog met vlinders in haar maag opgestaan; onseker maar met ’n hart vol hoop op iets groots, iets sprokiesagtigs. En sowaar, toe sy die volgende oggend haar oë oopmaak, het Zozibini Tunzi haar in ’n weelderige hotelsuite bevind as die vrou van die oomblik, met haar pragtige gesig wat pryk op al wat ’n koerant en nuuswebtuiste is. Skielik was sy nie meer net nog ’n slim skoonheid met ’n mooi hart nie; sy was Mej. Suid-Afrika. Sy het ook oornag ’n internetsensasie geword. “Om as Mej. Suid-Afrika wakker te word beteken om met 44 000 (nuwe) aanhangers op Instagram wakker te word. Dis waansinnig, maar ek veronderstel dit wys net hoe invloedryk die Mej. SA-kompetisie…

Kol. Dick de Waal Arnold Vosloo speel die ondersoekbeampte. Don Steenkamp Die skoolseun Alex van Dyk, wat ook in die fliek Die Stropers te sien was, speel die moordenaar. Marthella Steenkamp Jane de Wet, Lexi in die Showmax-reeks The Girl from St. Agnes, speel Don se suster. Deon Steenkamp Albert Pretorius, tans te sien in die gruwelreeks Die Spreeus, vertolk die rol van Don se pa. Christel Steenkamp Esther von Waltsleben, van reekse soos Buurtwag en Proesstraat, speel Don se ma. Lt. André McAnda Jody Abrahams, oftewel Donovan in 7de Laan, speel dié karakter. Genl. Henriëtte de Waal Rolanda Marais speel Dick se vrou en ’n polisiesielkundige.…

TUISGEMAAKTE VIS EN TJIPS MET AMASI-DEEG GENOEG VIR 4 MENSEBEREIDING: 30 MIN.RUS: 30 MIN.GAARMAAK: 30 MIN. BESLAG ◗ 250 ml (1 k) meel◗ 5 ml (1 t) bakpoeier◗ 2,5 ml (½ t) sout◗ 250 ml (1 k) amasi◗ 2 eiers, geklits◗ 125 ml (½ k) soda-water TJIPS ◗ olie vir diepbraai◗ 4-6 groot aartappels, gekook◗ seesout na smaak VIS ◗ 4 stokvisfilette◗ sout en vars gemaalde peper◗ 2,5 ml (½ t) paprika◗ 2,5 ml (½ t) rooipeper◗ 5 ml (1 t) gemengde droë kruie◗ 250 ml (1 k) meel AFRONDING ◗ vars pietersielie, gekap◗ suurlemoenwiggies 1 Beslag Meng die meel, bakpoeier en sout. Klits die amasi en eiers saam en voeg by die droë bestanddele. Klits tot glad. Voeg die sodawater by en meng goed. Laat die beslag minstens 30…

As jy ’n persoonlike probleem het, skryf gerus aan Liewe Elize, Posbus 1802, Kaapstad 8000 of elize@huisgenoot.com. Of SMS LIEWE ELIZE gevolg deur jou vraag na 36489. Elke SMS kos R1. OU GETROUDES, MAAR ALLEEN V My wederhelfte het grootgeword in ’n huis waar prestasies en gevoelens nie erken is nie en siektes as ’n swakheid beskou is. Ons eie kinders is daarom ook so grootgemaak. Als wat in ons huis gesê word, kraak ’n mens af en verneder jou. Al die jare kon ek dit verduur, want ’n mens is besig. Maar nou skielik is ons oud en alleen – en daar is minder as ooit intimiteit tussen ons. Ek is versigtig oor hoe ek praat en leef. Verander sulke mense ooit? Anoniem A Nee, mense met selfgerigte persoonlikhede…

IN ’N POLITIEKE WÊRELD Ons het Gina Torres (50) in Suits leer ken as die selfversekerde en briljante Jessica Pearson, wat altyd ’n paar treë voor al die ander was. Nie net was Jessica die hardekwas prokureur Harvey Specter (gespeel deur Gabriel Macht) se grootste mentor nie; sy het ook jare lank die regsfirma Pearson Specter Litt met integriteit en groot ywer bestuur. Maar in 2016 is haar naam van dié firma se muur verwyder toe die karakter besluit om haar kêrel, Jeff Malone (DB Woodside), na haar tuisstad, Chicago, te volg. Dit het die geleentheid geskep vir haar eie reeks, Pearson. In dié reeks, wat geskep is deur Suits se Aaron Korsh en Daniel Arkin, betree Jessica die troebel water van die politiek as die nuwe burgemeester, Bobby Novak…

WILDE WATERS CHEREÉ ’n Heerlike luister-ervaring om ná jare van stilte weer ’n album van Chereé in die speler te kan druk. Die 13 snitte het oorwegend ’n countryinslag met ’n popvermenging. Die lied Praat is ook as ’n enkelsnit uitgereik en is reeds ’n radiogunsteling. Die duet Hierdie Hart van My saam met haar man, Wynand Strydom, staan uit. DIE PAD ANDRÉ SCHWARTZ In die musiekvideo van dié derde enkelsnit van sy jongste, gelyknamige album vertolk twee poppe die hoofrolle, en hulle vertel van die struikelblokke wat oor geliefdes se pad kan kom. Maar die popballade het ook ’n dieper betekenis van hoe elkeen se lewenspad ’n mens se voete kan seermaak. Maar jy staan weer op. EK GLO IN JOU MICHELLE GRACE Die nuwe Afrikaanse enkelsnit van dié…

Verbeel jou ’n wêreld waar die barre Brandvlei in die Noord-Kaap ’n groen lushof is waar 50 000 luukse wooneenhede amper 150000 “yskoue, dankbare” Amerikaners en Kanadese huisves. Upington het 56 nuwe gholflandgoedere waar amper 200 000 inkommers bly. Suid-Afrika het nou die meeste ryk mense ter wêreld. Dit het alles gebeur toe die mense wat dit kon bekostig suid begin vlug het nadat die Noordelike Halfrond se vyfde yssomer veroorsaak het dat ystsoenami’s die wêreldstede byna weekliks tref en die grond so verys is dat niks meer kan groei nie. Ná die Chaos (min of meer die tyd waarin ons nou leef) volg die Wending en die mensdom stem vir ’n ekonokrasie – dit was veronderstel om ’n tyd van wêreldvrede en voorspoed in te lui. “Die enigstes wat…

NO. 2 297 NEEM SO DEEL Vul die blokraai korrek in, skryf die letters in die kleurblokke neer en gebruik dit om die antwoord op die vraag te ontrafel. SMS “HG”, gevolg deur jou antwoord, naam en dorp/stad na 36400. Net een SMS per deelnemer word toegelaat. Die SMS kos R1,50. Net mense binne SA grense kan deelneem. Die wenners sal die oorspronklike, voltooide blokraai en hul besonderhede moet verskaf. Geen werknemers of hul gesinne van Media24, Grapevine Interactive en hul reklamemaatskappye mag deelneem nie. Die sluitingsdatum is 12 September 2019. Kyk op huisgenoot.com vir die volledige bepalings en voorwaardes. As jy vashaak, kan jy gerus ander lesers se raad vra op ons Facebook-blad met die naam Huisgenoot-Blokraaie. WEN ’N WOORDEBOEK PLUS KOM IN AANMERKING VIR DIE MAANDELIKSE TREKKING VAN…

ONTDEKKINGSREIS Dis die eerste album waarop sy werklik soos haarself voel, sê Willow. “Dis nie te sê dat ek nie myself was met die ander albums nie; ek was meer op ’n reis om uit te vind wie ek is,” vertel die 18-jarige. SY’S TERUG! Dié enigste dogter van die Hollywood-glanspaar Will Smith en Jada Pinkett Smith het mense in 2010 laat regop sit met haar eerste liedjie, Whip My Hair. Nou gons dit weer oor die unieke klank van haar derde album, Willow. Haar ouboet, Jaden (21), kan gehoor word op die snit U Know. HART VAN GOUD In 2009, voor haar musiekloopbaan vlam gevat het, was ’n negejarige Willow en haar broer Jaden albei ambassadeurs vir Project Zambi, ’n projek ter ondersteuning van kinders wat ouers aan die dood…

DIE geloof wat op die leerstellings van die Boeddha gegrond is, staan as Boeddhisme bekend. Hoewel daar net sowat 25 000 Boeddhiste in Suid-Afrika is, is dit die vierde grootste godsdiens ter wêreld, met 500 miljoen aanhangers. Vind hier uit wat dié godsdiens wat in Asië ontstaan het, behels. WAT IS BOEDDHISME? Boeddhiste glo nie daarin om ’n god te aanbid nie. Pleks daarvan fokus hulle op persoonlike spirituele ontwikkeling en die verkryging van insig in die ware wese van die lewe. Die Boeddha is nie ’n god nie; hy is ’n mens wat verligting gevind het. DIE BOEDDHA Die Boeddha is sowat 2 500 jaar gelede in Lumbini, Nepal, gebore. Hy was ’n prins met die naam Siddhartha Gautama wat alles gehad het wat sy hart begeer. Die prins…

HOE is dit moontlik dat een familie al soveel tragedie moes verduur? Dekades ná die sluipmoorde op pres. John F. Kennedy (JFK) en sy broer Robert word die Kennedys steeds as Amerikaanse adel beskou, maar hul invloed, rykdom en roem kon dié familie nie teen onvoorstelbare hartseer beskerm nie. Alte dikwels moes die wêreld toekyk hoe nóg ’n geliefde deur die familiegroep gegroet word met beierende kerkklokke as die klankbaan van die familiesage. En met elke begrafnis word opnuut gefluister: Dis die Kennedy-vloek. Die jongste tragedie was die onlangse dood van die 22-jarige Saoirse Kennedy Hill. Saoirse was die enigste kind van Courtney Kennedy Hill (62) en haar eksman, Paul Hill (65). Sy was die kleindogter van Robert F. Kennedy, Courtney se pa, en sy vrou, Ethel. Baie vrae is…

Bydrae: Nkosazana Ngwadla Foto’s: Luba Lesolle…

SY KANTOOR op die sesde verdieping van die provinsiale wetgewer se gebou in Kimberley is niks besonders nie. Jy soek vergeefs na portrette van die nuwe premier van die Noord-Kaap teen die muur. Die lessenaar, bestrooi met dokumente en lêers, lyk soos enige ander hardwerkende mens se werkstasie. Dit is presies hoe Zamani Saul daarvan hou. Hy is nie hier om geld rond te gooi of met portrette vereer te word nie; hy is hier om die mense van die Noord-Kaap te dien. Dis dié dat hy die begroting vir luukse motors vir hom en sy LUR’e eerder gebruik het om 27 ambulanse te koop. Geen wonder die Noord-Kaap se nuwe, spaarsame premier het oral die nuus gehaal nie in ’n land waar die verkwisting van staatsgeld soms na die…

KRY DIT HIER ACKERMANS 0860-900-100; EDGARS 0800-203-925; MRP 0800-21-25-35; OLD KHAKI 021-914-8797; SUPERBALIST SUPERBALIST.COM; WOOLWORTHS 0860-022-002 HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

AFKORTINGS alt – alternatiewe aw – aweregs beg – begin gl – glip her – herhaal ks – koussteek pat – patroon r – regs rif – riffelsteek RK – regte kant st(e) – steek(steke) tes – tesame vermeer – vermeerder(ing) vermin – verminder(ing) VK – verkeerde kant vlg – volgende weersk – weerskante GROOTTE LET WEL: Dié patroon is ontwerp om seuns en mans te pas. ▪ Pas borsmaat 71-76(81-86; 91-97;102-107;112-117) cm ▪ Werklike rondommaat 82(92;103;113;123) cm ▪ Lengte van skouer af 56(62;68;72;74) cm ▪ Moulengte 40(44;46;48;50) cm BENODIGDHEDE LET WEL: Die oortrui op die foto is met ’n vermenging van ’n akrielen woldubbelbreidraad gebrei. Stylecraft het verskeie verskaffers in die land. Gaan na www.stylecraft-yarns.co.uk en klik op “International Stockists” om te sien waar jou naaste verskaffer is. ▪…

Stuur voorstelle en versoeke na geldsake@huisgenoot.com. E-pos sal sover moontlik in die rubriek beantwoord word en nie persoonlik nie. JOU kind se skooldae is haas verby en dis tyd om die somme oor sy tersiêre opvoeding te maak. Onthou: Benewens klasgeld moet verblyf, boeke, vervoer en vermaak bygereken word. En heel moontlik gaan jul gewone huishoudelike inkomste en spaargeld tekortskiet. Moenie moed verloor nie. Gaan kyk eers vir beskikbare privaat beurse op webtuistes soos www.careerhelp.org.za en www.zabursaries.co.za. Steeds g’n uitkoms nie? Oorweeg dan een van die volgende. 1 KWALIFISEER JOU KIND DALK VIR STAATSFINANSIERING? Die Nasionale Finansiëlehulpskema vir Studente (NSFAS) gee beurse aan sommige studente met akademiese potensiaal wat nie self nog studie kan bekostig nie. Wat is die vereistes vir aan soekers? ❚ Jy moet ’n Suid-Afrikaanse burger wees. ❚…

GHOSTBUSTERS SATERDAG E.TV 19:30 Wetenskaplikes probeer Manhattan van ’n spookbedreiging red. Met Melissa McCarthy. CHICAGO MED DINSDAG M-NET 21:00 April (Yaya DaCosta) word beseer in ’n skietery buite die hospitaal. MODERN FAMILY M-NET 19:00 Die vonke spat behoorlik op die familie se onafhanklikheidsdagviering. Met Jesse Tyler Ferguson.…

▪ Gina kan danksy haar ouers se Kubaanse afkoms vlot Spaans praat. ▪ Sy is opgelei om opera en jazz te sing. ▪ As sy nie ’n aktrise was nie, sou sy graag ’n loopbaan in die joernalistiek wou volg. ▪ Suits se skepper, Aaron Korsh, het dit aanvanklik oorweeg om Jessica te laat sterf toe dié karakter Suits in 2016 gegroet het. “Ek is verlig en bly hy het daarteen besluit, want nou kan ons ’n bietjie meer van Jessica se wêreld te sien kry,” sê Gina. ▪ Suits se negende en laaste seisoen word tans uitgesaai. Daar word wyd bespiegel of van Suits se karakters in Pearson gesig gaan wys. “Ek sien nie regtig enigeen van Suits as gereelde speler in Pearson nie,” sê Aaron. “Die reeks het…

Harry Kalmer se In ’n Land sonder Voëls is in my handbagasie op pad na Griekeland. Op Athene se lughawe gaan soek ek ’n rak met klassieke werke in Grieks in die Waterstones-boekwinkel. Ek sit Harry se boek tussen hulle, neem ’n foto en stuur dit vir hom in ’n WhatsApp. Hy groet my met die Griekse “yassou” en ’n emoji van ’n sjampanjebottel. Tien dae voor sy dood stuur ek dié e-pos aan sy goeie vriendin Marita van der Vyver. Dis uit ’n artikel in die Britse koerant The Guardian oor die skrywer Adrian McKinty wat ’n Uber-bestuurder geword het en op die punt was om die gesinshuis te verloor. Die agent Shane Salerno kom tot sy redding en hy beding vir Adrian ’n skryf-en rolprentkontrak vir sy nuutste…

NO. 2 043 VRAAG WATTER SA MYNDORP IS TER SPRAKE? SKOMMEL DIE LETTERS IN DIE KLEURBLOKKIES OM DIE ANTWOORD TE VIND. LEES LANGSAAN HOE DIE KOMPETISIE WERK. Jy kan ’n Verklarende Afrikaanse Woordeboek of Afrikaanse Woordelys en Spelreëls van die uitgewer Pharos (pharos@pharos.co.za) wen. Vul die blokraai in en gebruik die letters in die kleurblokke om die antwoord op die vraag te ontsyfer. SMS “HG” gevolg deur jou antwoord, naam en dorp/stad na 36400. Net een SMS per deelnemer word toegelaat. Net mense binne SA se grense kan deelneem. Die SMS kos R1,50. Hou die oorspronklike, volledige blokraai met jou besonderhede as bewys. Geen posstukke word as inskrywing aanvaar nie. Geen werknemers of hul gesinne van Media24, Grapevine Interactive of hul reklamemaatskappye mag deelneem nie. Die sluitingsdatum is 12 September…

DEURBRAAKROL Dié boorling van Vereeniging in Gauteng is tans te sien as die hoërskoolleerder Jacques Olivier in die hospi taaldramareeks Binnelanders. Dihan (20) het die rol van Trudie Ferreira (Daniah de Villiers) se bestie losgeslaan, en dit sommer ná sy heel eerste oudisie vir ’n TV-reeks. Die jong akteur was voorheen te sien in die plaaslike verhoogproduksies Calling Me Home en Big Bad Musical, waarin hy teenoor die aktrise Simoné Pretorius, oftewel suster René Spies in Binnelanders, gespeel het. Dihan is mal daaroor om nou in Binnelanders saam met groot name soos Hykie Berg, Hans Strydom en Cindy Swanepoel (onderskeidelik Conrad, At en Annelize) te werk. “Hulle het my van dag een af gemaklik en deel van die Binnelanders-familie laat voel. Ek kan ook enige tyd by hulle vir raad…

DIE Mahabodhi-tempel (“Tempel van die Groot Ontwaking”) in Bodh Gaya, Indië, is vandag die heiligste plek vir Boeddhiste. Dit is gebou naby die vyeboom waaronder prins Siddhartha Gautama sit en mediteer het en sy heilige roeping volgens die Boeddhiste aan hom geopenbaar is. Hy het toe die Boeddha geword, wat “die verligte een” beteken. Hy het tussen die sesde en vyfde eeu v.C. in Indië gewoon. Die vyeboom en ses ander plekke waar hy daarna verder gemediteer het, word deur Boeddhiste as heilig beskou. DIE SEWE HEILIGE PLEKKE 1. Heilige bodhi-boom Die boom wat vandag in die tempelkompleks staan, is ’n afstam meling van die een waaronder Boeddha sy insigte gekry het. Hy het sy eerste week van meditasie onder dié boom deurgebring. 2. Die Gebedsaal In die tweede week…

Altesaam 571 passasiers het uit Oos-Londen vertrek. Hiervan is 221 met ’n helikopter van die sinkende skip gered en die res met reddingsbote. Almal het oorleef. Die Oceanos het binne 17 uur gesink nadat water dit begin binnestroom het. In Griekeland het ’n amptelike ondersoek op die bemanning gewag, maar die verslag daaroor is nooit bekendgemaak nie. Volgens ’n Wikipediainskrywing het The New York Times berig dat die kaptein en van sy offisiere aan nalatigheid skuldig bevind is omdat hulle die skip verlaat het sonder om die passasiers te help. Dit het bekend geword dat kapt. Yiannis Avranas saam met sy vrou en dogter op ’n reddingsboot wou klim, maar ’n passasier het hom gekeer. Toe die eerste helikopters opdaag, het hy in die tou ingedruk en daarop aangedring om…

Die landgoed is aan die kus van die gesogte Cape Cod-gebied, die speelplek van rykes en beroemdes, en naby die dorpie Hyannis Port in Massachusetts. Die oorspronklike eienaar was Joseph P. Kennedy sr. en vandag bestaan dit uit drie huise. Dit word gereeld deur die familie as hul somertuiste ingespan en was JFK se basis tydens sy presidentsveldtog in 1960. Vandag woon sy skoonsuster Ethel (91) daar. JFK en Robert se broer Edward het in die hoofhuis gebly tot sy dood in 2009 weens natuurlike oorsake. Ook Edward was ’n senator van die Demokratiese Party. Daar is nou planne om die hoofhuis in ’n museum en konferensiesentrum te omskep. BRONNE: PEOPLE.COM, DAILYMAIL.CO.UK, CNN.COM, SUN.CO.UK…

VIR die wêreld lyk dit dalk of sy alles het waarvan ’n vrou kan droom: skoonheid, ’n goeie kop op haar skouers, ’n gesonde huwelik en seun, en ’n suksesvolle loopbaan as ’n Hollywood-ster. Maar Anne Hathaway het ook probleme wat gewone sterflinge raak; een daarvan is iets waarby baie vroue aanklank sal vind: die stryd om swanger te raak. Die 36-jarige Oscar-bekroonde aktrise, wat onlangs aangekondig het sy is ’n tweede keer swanger, het vir die eerste keer haar hart oopgemaak oor haar eie stryd om ’n baba te hê. “Ons het ’n een-grootte-pas-almalbenadering tot swanger raak,” het sy gesê op ’n geleentheid om haar nuwe TV-reeks, Modern Love, te bemark. “Jy raak swanger, en in die meeste gevalle is dit ’n gelukkige tyd. Maar vir baie mense wat…

DIT was nie juis wat haar ma in gedagte gehad het toe sy haar gevra het om die ander toeskouers te groet nie. Kate, die hertogin van Cambridge, wou gehad het haar dogter, prinses Charlotte, moes vir almal ’n beleefde koninklike wuif gee. Maar die vierjarige was duidelik nie in die bui vir aansitterigheid nie – pleks daarvan het sy vir die wuiwende skare tong uitgesteek! Gelukkig kon haar ma die oomblik van ondeundheid aflag en het die skattige kleuter nie in die moeilikheid beland nie. Ouboet George (6) was op sy beurt die sjarmantheid self. Hy het sy oulike uittandglimlag geflits en ’n kapteinspet by die King’s Cup-regatta by Cowes, op die eiland Wight, gedra. Hy het sy ma, Kate, en pa, prins William, aangemoedig, wat albei hul eie…