Innehållsförteckning för 29-Aug-19 från Huisgenoot

1 ‘EK WAS VERLIG TOE MY MA STERF’ Die Britse skrywer Deborah Moggach se openhartige vertelling oor haar ma se pad met demensie het baie lesers se hartsnare geroer Dis ’n verskriklike siekte. Om jou ouer so te sien vermoor jou siel en breek jou. Ek was ook verlig toe my ma se hel eindelik verby was. My moeder, my beste vriendin. ANSIE Dis hel om jou ouer so te sien. My pa ly ook daaraan, en ’n mens kom agter hoe die siekte sy menswees bietjies-bietjies vernietig. Dis ’n bitter moeilike pad. KATRYN Ons is al 16 jaar op dié aaklige pad. My man is bedlêend, met doeke, ’n kateter en maagbuis. Ek versorg hom met al my liefde, maar dis eensaam en stroop jou menswees. LINA My ma…

BYNA al haar drome is bewaarheid; die enigste een wat nie is nie, vul haar nie meer met seer nie. As jong meisie het Cindy Nell-Roberts reeds groot gedroom: “Ek was dol oor modelwerk, en ek het vir mense vertel ek gaan eendag Mej. Suid-Afrika word en baie ryk wees.” Sy wou ’n suksesvolle sakevrou word, en sy het. Sy wou gelukkig getroud wees met ’n man wat sy as haar beste vriend beskou, en sy is. En sy wou ma word, en ook dít is sy. Net een droom het die pragtige donkerkop bly ontwyk: om die lewe te skenk aan ’n kleinsus of-boet vir haar spruite, Ethan en Aenea, en ’n groot gesin van vyf te bou. En toe, sowat drie jaar gelede, kry sy die blye nuus…

DIE lede van die Vrouelandbouvereniging (VLV) van Kaapland is bobaasbakkers en ryg die pryse in by skoue en bakkompetisies. Jy kan nou self jou blikke met hul kampioenkoekies vol maak, want die resepte verskyn saam met ander huiskostreffers in hul boek Die VLV-kookboek: Resepte van Toe & Nou. Die boek herdenk die 90ste bestaansjaar van dié bekende vereniging wat so deel is van ons erfenis soos melktert, pampoenkoekies en ander boerekos. Die “Toe”-afdeling is vol onthouresepte wat jou aan jou ouma herinner, en die “Nou” verwys na maklike hedendaagse geregte. Elke resep is ’n beproefde staatmaker uit die kombuis van ’n VLV-lid. GRONDBOONTJIE-BOTTERKOEKIES Trisa Smit, Villiersdorp, Overberg LEWER 100 KOEKIES BEREIDING: 40 MIN. BAK: 15-20 MIN. ◗ 250 g botter of margarien, by kamertemperatuur◗ 30 ml (2 e) grondboontjiebotter◗ 500…

1 Lyfroom Dié room ruik so lekker, jy wil dit amper eet. Dit bevat ekstra gliserien vir bevogtiging en vitamiene A en E vir ’n stralende vel. Die 500 g-houer sal lank hou. Dis ’n beperkte uitgawe; kry dit dus terwyl jy kan. 2 Velpoetser ’n Olierige vel, puisies en swartkoppies kan ’n uitdaging wees. Dit help as jy ’n goeie velsorgroetine het. Dié produk is maklik om te gebruik. Jy voeg net water by poeier en vryf dit aan die vel. Dit bevat salisielsuur vir diepreiniging en afskilfering. 5 Holografiese lipglans Lipglans met ’n holografiese tint is gewild, maar dit kan maklik effens oordadig lyk. Dié produk het net die regte hoeveelheid blinkheid. Dra dit op sy eie vir ’n tikkie glans of wend dit booor jou lipstiffie aan…

As jy ’n persoonlike probleem het, skryf gerus aan Liewe Elize, Posbus 1802, Kaapstad 8000 of elize@huisgenoot.com. Of SMS LIEWE ELIZE gevolg deur jou vraag na 36489. Elke SMS kos R1. GROENOOGMONSTER VERSUUR ROMANSE V Ek gaan uit met iemand wat by ons in my ouerhuis woon. Hy beskuldig my van dinge wat ek nie doen nie. Ek mag nie eens saam met iemand anders in ’n motor ry nie. Daar’s geen vertroue tussen ons nie. Hy gaan selfs my selfoonboodskappe deur. Is dit die moeite werd om met so ’n verhouding voort te gaan? V op L A Obsessiewe jaloesie is nie ’n teken van liefde nie; dis ’n aanduiding van onsekerheid en dikwels ook ’n swak selfbeeld. Net die een wat jaloers is, kan sy gedrag verander. Dit…

MILE 22 SONDAG M-NET 20:30 ’n Spioen (Mark Wahlberg) moet ’n polisiebeampte vervoer en teen ’n misdaadorganisasie beskerm. BINNELANDERS KYKNET 19:30 At (Hans Strydom) probeer Hugo ompraat oor die pos by Onkologie. CATCH-22 WOENSDAG M-NET 22:00 ’n Soldaat (Christopher Abbott) probeer ’n gevreesde sending vermy tydens die Tweede Wêreldoorlog.…

Wat om te verwag Die album val oorwegend in die elektroniesepopdansstyl, met invloede van progressive house-musiek wat plek-plek deurskemer. Valeska (35) het die 15 Afrikaanse en drie Engelse snitte saam met Bigg T en Sean Butler geskryf. “Die lirieke gaan oor verskillende temas, soos hartseer, trauma, liefde, aanvaarding en hoop,” vertel sy. “Elke snit is soos ’n segment uit ’n fliek benader. Party het aksie, ander sal jou laat lag of dans, en daar is ’n paar wat jou kan laat huil.” Omdat die liedjies so uiteenlopend is en verskillende emosies uitbeeld, glo sy almal “tussen 18 en 50 jaar oud” sal iets kry waarby hulle kan aanklank vind. Grootwordjare Aangesien Valeska se pa, Dirk, in die diplomatieke diens gewerk het, het die gesin tydens haar skooljare ses maande van…

NO. 2 298 NEEM SO DEEL Vul die blokraai korrek in, skryf die letters in die kleurblokke neer en gebruik dit om die antwoord op die vraag te ontrafel. SMS “HG” gevolg deur jou antwoord, naam en dorp/stad na 36400. Net een SMS per deelnemer word toegelaat. Die SMS kos R1,50. Net mense binne SA grense kan deelneem. Die wenners sal die oorspronklike, voltooide blokraai en hul besonderhede moet verskaf. Geen werknemers of hul gesinne van Media24, Grapevine Interactive en hul reklamemaatskappye mag deelneem nie. Die sluitingsdatum is 19 September 2019. Kyk op huisgenoot.com vir die volledige bepalings en voorwaardes. As jy vashaak, kan jy gerus ander lesers se raad vra op ons Facebook-blad met die naam Huisgenoot-Blokraaie. WEN ’N WOORDEBOEK PLUS KOM IN AANMERKING VIR DIE MAANDELIKSE TREKKING VAN…

GOEIE OU DAE Ek mis die dae toe ek my ouers moes vra of ek mag uitgaan. Nou moet ek my beursie vra en die antwoord is altyd dieselfde: Nee! LEIGH, JOHANNESBURG TYDGENOTE Piet: “ Weet jy wat maak my baie ongelukkig?” Koos: “Wat?” Piet: “Wanneer ek ’n bejaarde sien en onthou ons was saam op skool.” LEON KRUGER DOM FOUT Ek kom uit ’n onnosel familie. My pa het in ’n bank gewerk. Toe vang hulle hom dat hy penne steel. DENISE, PRETORIA OU WROK Jy vra jou suster om net die TV se afstandbeheerder vir jou aan te gee. Dan vertel sy jou van daai dag, 8 Maart 2002, toe jy nie vir haar ’n glas water wou bring nie. TOI ESTERHUIZEN, VEREENIGING OLIKHEID OP NOTE V: Hoekom…

D IE Hindoeïsme is die wêreld se oudste godsdiens wat vandag steeds beoefen word, en dis ook die derde grootste godsdiens in die wêreld. Daar is nagenoeg 1,15 miljard Hindoes. Dis die godsdiens van die meerderheid mense in Indië, Nepal en Mauritius. Daar is sowat 560000 Hindoes in Suid-Afrika. Die eerste Hindoes het gedurende die 19de eeu in Suid-Afrika aangekom. WAT IS HINDOEÏSME? Hindoeïsme sluit ’n verskeidenheid praktyke en oortuigings in. Dit verskil van ander groot godsdienste deurdat dit nie ’n stigter gehad het wat die godsdiens tot stand gebring het nie. Daar is ook nie ’n formele stelsel van oortuigings nie. Deur die geskiedenis was daar baie van die godsdienstige leiers, wat as ghoeroes bekendstaan, wat verskillende filosofieë uit talle heilige geskrifte aan mense geleer het. Die woord “Hindoe”…

DIE meeste tienerseuns sou van skaamte sterf as jy vir hulle sê hulle is hul ma se ewebeeld. Maar nie Damian Hurley nie: Dié 17-jarige omarm die ooreenkoms. En dis eintlik g’n wonder nie, want sy ma is die beeldskone model en aktrise Elizabeth Hurley. Boonop is Liz se enigste kind goed op koers na ’n winsgewende loopbaan as model danksy die kenmerke wat hy by sy beroemde ma geërf het: glansende donker lokke, priemende blou oë, ’n pruilmond en smeulende selfvertroue voor die kamera. Met sy androgene voorkoms – gesog in die modewêreld – het Damian onlangs sy eerste kontrak losgeslaan vir die luukse Britse skoonheidshandelsnaam Pat McGrath Labs se nuwe veldtog. In ’n advertensie vir hul nuwe onderlaagreeks verskyn hy in ’n swart leerbaadjie met sy hare opgepof…

‘Ons het nie gepraat oor ’n vals huwelik nie. Ons sou tog trou’– GEENA DAVIS Die skeiding tussen die aktrise Geena Davis en haar vervreemde man, dr. Reza Jarrahy, het nog ’n wending geneem. Geena (63) en Reza (48), by wie sy ’n dogter, Alizeh (17), en tweeling-seuns, Kian en Kaiis (15), het, stamp koppe omdat hy onderhoud en ’n verdeling van hul eiendom eis. Sy wil nie betaal nie, want sy sê hulle was nooit wettig getroud nie. Tydens hofverrigtings het die aktrise bekendgemaak sy het vir die kletsprogramaanbieder Oprah Winfrey gejok. Toe Reza se prokureur Geena uitvra oor ’n onderhoud wat sy aan Oprah toegestaan het waarin sy oor die “getroude lewe” gesels, het Geena erken sy het haar huwelik as die ware Jakob voorgehou. “Jy het vir…

“Die program wat ek op E! gedoen het (Denise Richards: It’s Complicated), móés ek doen. Ek het te veel regskoste gehad met my eksman (Charlie Sheen, 53). Hy het gesê hy sal my platsak laat, en hy het. Dit was destyds vir my moeilik om ’n werk te kry omdat ek beskou is as iemand wat iets baie negatiefs saam met Charlie gedoen het.” – Die Real Housewives of Beverly Hillsster Denise Richards (48) “Dit voel ironies om as ‘sexy’ beskou te word. Om ’n seksbom te wees was nie werklik my ding nie. Ek het gedink om natuurlik, oulik en snaaks te wees, is sexy, weet jy? Om in daardie kategorie geplaas te word het my laat dink: ‘Dis lekker,’ maar nee, ek het nie ’n ‘sexy’-etiket gedra of…

DIT is vroegskemer in Kaapstad; teen die pienk sonsondergang vlieg die eerste swaeltjies wat die naderende lente bo Tafelbaai aankondig. Op die promenade by Seepunt, die voetpad teenaan die see, staan sy en kyk om haar rond. “Dis so mooi hier,” sê sy en vra: “Oukei, wat moet ek doen? Waar moet ek staan?” Eers skamerig en toe ál gemakliker poseer sy vir foto’s. Dis die eerste keer dat sy haar mooi gesig vir Huisgenoot se kamera wys. Geduldig glimlag sy terwyl die kamera klik. Op die skerm verskyn die foto’s van die vrou wat die wêreld tot nou toe nie kon sien nie – haar lang bruin hare, die olyfgroen amandelvormige oë en vlekkelose vel. Die afgelope vier jaar is haar storie al hoeveel keer in Huisgenoot vertel; die…

DIT was die 21ste verjaardagviering waarheen almal genooi was. Maar om mondig te kon word, het die siek Jenna Lowe nuwe longe benodig. Mense was ontroer deur die Kaapse meisie se Get Me to 21-veldtog in die sosiale media. Die slapies tot haar verjaardag is afgetel en omgebid. Die dapper Jenna, wat weens pulmonêre hipertensie voltyds suurstof moes kry, het ook haar veldtog gebruik vir bewusmaking oor orgaanskenking – talle mense het op haar pleidooi gereageer om orgaanskenkers te word en so hoop aan ander te gee. Dit het gelyk asof Jenna se droom sou waar word toe sy wel skenkerlonge kry – maar sy is op 8 Junie 2015 dood, net vier maande voor sy 21 sou word, weens komplikasies wat ingetree het ná haar dubbele longoorplanting. Haar gesin…

GEBRAAIDE PLATHOENDER MET SPEKBOOMSALSA Spekboom is inheems aan die Oos-Kaap, maar dit groei deesdae oral in die land. Die blaartjies van dié vetplant gee die salsa ’n pikante suurlemoengeur en is boonop ryk aan voedingstowwe. GENOEG VIR 4-6 MENSE PIEKEL: 2 UUR OF OORNAG BEREIDING: 30 MIN. GAARMAAK: 35-40 MIN. HOENDER ◗ 1 heel hoender◗ 60 ml (¼ k) sout◗ 60 ml (¼ k) suiker◗ 2 lourierblare◗ 4 knoffelhuisies, gekneus◗ 2 uie, in kwarte gesny◗ 750 ml (3 k) water◗ 10 ml (2 t) peper◗ 15 ml (1 e) hoenderspeserye SPEKBOOMSALSA ◗ 30 ml (2 e) koljandersaad, gerooster en grofgemaal◗ 15 ml (1 e) komynsaad, gerooster en grofgemaal◗ 5 ml (1 t) seesout◗ 1-2 rooi brandrissies, fyngekap◗ ’n hand vol vars pietersielie, fyngekap◗ ’n hand vol koljanderblare, fyngekap◗ 60 ml…

KRY DIT HIER CLEVER LITTLE MONKEY 0861-000-993, CLEVERLITTLEMONKEY.CO.ZA; H&M 0860-690-707, HM.COM/ZA; MRP HOME 0800-212-535, MRPHOME.COM; SHEET STREET 0800-212-535, SHEETSTREET.COM; SUPERBALIST 087-362-7300, SUPERBALIST.COM; VOLPES 041-402-6829, VOLPES.CO.ZA HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

VOORTVLUGTIGE BESKERMENGEL In die derde fliek van die Fallen-reeks, Angel Has Fallen, keer die akteur terug as die geheime agent Mike Banning. Hy word verkeerdelik van ’n moordkomplot teen die Amerikaanse president, Allan Trumbull (Morgan Freeman), beskuldig. Daarna word hy ’n voortvlugtige wat probeer om die ware skuldige te vind en sy naam in ere te herstel. “Dit is dieselfde man in dieselfde posisie, maar dis ’n veel dieper, donkerder reis,” sê Gerard (49). “Die stel is verstommend, en aanhangers van die eerste twee flieks sal nie teleurgesteld wees nie. Kykers sal regtig in die karakter inklim en sien hoe hy probeer om die stukke van sy lewe op te tel. “Ek dink ons was dapper om dié nuwe rigting in te slaan. As dit vrugte afwerp, sal daar dalk…

FRANCISCUS EN DIE DIERE Deur PIET GROBLER (Protea, R145*) ’n Afrikaanse kinderboek aan ’n pous opgedra? Sowaar! Die illustreerder (en hier ook die skrywer) Piet Grobler dra die boek aan die huidige pous op “omdat hy aan die Goedheid van die wêreld glo”. Die storie gaan oor sint Franciscus, die beskermheilige van die diere, en in Piet se weergawe reis hy saam met Esel die wêreld vol: “Vir baie jare reis Franciscus en Esel saam rond. Franciscus praat met al die diere en mense wat hy teëkom. Oral waar hulle verbygaan, word die wêreld ’n bietjie mooier.” Die illustrasies is fyn en kleurryk en vertel die storie veel verder as die woorde. Toe Esel aan die einde van sy lewe op Franciscus se skoot sy oë sluit, sê hy vir…

Deurbraak Sy het op vyf begin toneelspeel en ’n rol as ballerina in die komediedramareeks Glee losgeslaan. Haar groot deurbraak was as Zoë Kravitz se dogter, Skye, in die trefferdramareeks Big Little Lies, waarin sterre soos Nicole Kidman en Reese Witherspoon hoofrolle vertolk. Boekwurm In haar vrye tyd sit sy met haar neus in ’n boek, dans sy en speel klavier. Sy neem ook aan swem as sport deel. Op haar stukke Die 10-jarige Chloe speel in My Spy ’n meisie wat op skool geboelie word en dan ’n spioen (Dave Bautista van Guardians of the Galaxy) oortuig om haar alles te leer wat hy weet. Chloe steel behoorlik die kollig in die fliek. Stelmaats Chloe en die oudstoeier het saam hope pret op die stel gehad. Daar was ’n…

ALIDA LUUS (21), SANGERES 'EK WAS ’n baie gelukkige kleuter wat letterlik dagin en-uit geloop en sing het. My ma het my vertel dat ek gesing het nog voor ek behoorlik kon praat. Ek het sommer vir almal gesing; al wat saak gemaak het, is dat die lewe vir my ’n lied was en musiek vir my soos suurstof was. Ek het in ’n huis grootgeword vol Afrikaanse musiek en ’80’s-musiek wat heeldag gespeel het. Om te sing was my heel grootste droom, ten spyte van gehoorprobleme wat ek op laerskool gehad het en dat spesialiste gedink het ek gaan eendag heeltemal doof wees. Ek was nog altyd lief vir water en kon ure lank in die swembad baljaar. Op die ouderdom van sewe het ek weer op ’n Vrydagmiddag…

DIT is die woorde wat elke vrou vrees om te hoor: Sy het borskanker. En dat sy ’n dubbele mastektomie moet ondergaan om te verhoed dat dié lewensbedreigende siekte haar liggaam verteer. Maar die 37-jarige Camilla Neelse is geen gewone geval nie. Die diagnose wat vir soveel ander vroue soos ’n doodsvonnis kan klink, is vir haar ’n uitkoms. “Ek kan eindelik toekoms toe kyk,” sê Camilla aan Huisgenoot dae nadat borskanker by haar gediagnoseer is. “Ek sien die lig aan die einde van dié ding.” Haar reaksie klink dalk onverstaanbaar en moontlik ongevoelig teenoor ander vroue wat die pad met borskanker stap. Maar Camilla se verligting spruit uit die feit dat sy weens die kanker eindelik ontslae kan raak van die reusagtige borste wat haar die afgelope vier jaar…

TWEE jaar ná die herlewing van Will & Grace het die reeks doodgeloop – en daarmee saam dalk ook die vriendskap van die twee hoofaktrises. Die reeks is eers tot 2006 in agt seisoene uitgesaai. Nadat ’n paar episodes in 2016 goed ontvang is, is gevra dat die sitkom in 2017 terugkeer. Twee seisoene is se-dertdien uitgesaai, maar ten spyte van die reeks se gewildheid het ver-vaardigers verlede maand aangekondig die 11de seisoen sal die laaste een wees. Aanhangers is nou bekommerd dat ’n uitval tussen Debra Messing (51) en Megan Mullally (60) die rede daarvoor is. Sosialemedia-inskrywings deur albei aktrises dui op ’n vete tussen die sterre. Aanhangers het opgemerk die vroue volg mekaar nie meer op Instagram nie, hoewel hulle so te sê al hul medesterre volg. Debra,…

DIS soos ’n riller wat snags keer op keer in haar drome afspeel: ’n Blonde kleuter steek haar handjies na haar uit terwyl trane uit haar rooigehuilde ogies oor haar wange rol. En elke keer – net voor die droom eindig – sê die fyn stemmetjie vir haar: “Mammie, help …” Marlise Els is nie die klein blondekoppie se ma nie; sy is haar ousus. Nou, drie jaar ná die wrede moord op die driejarige Poppie van der Merwe, leef Marlise steeds met die hartseer en selfverwyt saam. “Poppie het my dikwels mamma genoem,” vertel Marlise (18). Haar stem is skor. “Maar ek was nie haar mammie nie. Want as ek was, sou sy dalk nooit soos ’n vuil ondier doodgeskop gewees het nie.” Vir die eerste keer sedert die…

'n rok wat 'n stelling maak, is 'n moet. Kombineer dit met die regte skoene en bykomstighede om 'n tydlose voorkoms te skep. Leer hoe om lae te skep. Begin met 'n noupas-sende potloodromp en langmoutop wat inge-steek is om jou middel te beklemtoon. Rond dit af met 'n lang serp en belt. Dir sal 'n langer en leniger vorm skep. KRY DIT HIER ACKERMANS 0860-900-100; BILLABONG 042-200-2600; MAKRO 0860-300-999; MILADYS 0800-310-290; MRP 0800-21-25-35; PICK N PAY 021-658-1000; POETRY 021-419-0020; QUEENSPARK 021-460-9400; THE FIX 0860-101-048; WOOLWORTHS 0860-022-002 HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

KRY DIT HIER CLEVER LITTLE MONKEY 0861-000-993, CLEVERLITTLEMONKEY.CO.ZA; GREEN LEAF HOME 0871-950-225, GREENLEAFHOME.CO.ZA; MRP HOME 0800-212-535, MRPHOME.COM; SUPERBALIST 087-362-7300, SUPERBALIST.COM; TAKEALOT.COM; THE CRAZY STORE 0861-111-281, CRAZYSTORE.CO.ZA HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

Stuur voorstelle en versoeke na geldsake@huisgenoot.com. E-pos sal sover moontlik in die rubriek beantwoord word en nie persoonlik nie. SOOS baie mense het jy moontlik ’n bankrekening met ’n debiet-of tjek-sowel as kredietkaart daaraan gekoppel. Maar hoekom is dit nodig om ekstra bankfooie vir ’n bykomende kaart op dieselfde rekening te betaal? Wat is die verskil tussen al die soorte kaarte? Anthony West van Capitec Bank verduidelik dit aan die hand van drie verskillende betaalopsies: nou (die oomblik dat jy iets koop), later of selfs vooruit. DIE KAARTE OM TE GEBRUIK WANNEER JY DADELIK BETAAL ▪ Debietkaart Dit word gekoppel aan die rekening waarin jou spaargeld en/of salaris gedeponeer word. Jy kan net die geld gebruik wat in die rekening is en dus niks meer bestee as wat jy het…

Besoek ons webtuiste, huisgenoot.com, vir ’n daaglikse horoskoop. WEEGSKAAL 23 SEP – 22 OKT Moenie dinge oordoen nie; dit kan die skaal laat kantel en tot berou lei. Dit is tyd om versoekings te weerstaan – roep jou suikertand vaarwel toe en lê versigtigheid aan die dag sodat jy jou nie aan ’n inkopietog oorgee nie. Dis ook ’n week waarin jy skoonheid sal waardeer. Pleks van jou sak leeg skud of jou middellyn laat uitsit, moet jy eerder mooi plekke besoek. GELUKKIGE NOMMERS 17, 25, 46, 37, 22, 51 SKERPIOEN 23 OKT – 21 NOV Om diep te delf is een van die sterk punte van ’n tipiese Skerpioen. Maar dit is ’n week waarin dit voordelig kan wees om die groter prentjie te oorweeg. Dit is veral van…

NO. 2 044 VRAAG WATTER SOORT SPORTBYEENKOMS IS TER SPRAKE? SKOMMEL DIE LETTERS IN DIE KLEURBLOKKIES OM DIE ANTWOORD TE VIND. LEES LANGSAAN HOE DIE KOMPETISIE WERK. Jy kan ’n Verklarende Afrikaanse Woordeboek of Afrikaanse Woordelys en Spelreëls van die uitgewer Pharos (pharos@pharos.co.za) wen. Vul die blokraai in en gebruik die letters in die kleurblokke om die antwoord op die vraag te ontsyfer. SMS “HG” gevolg deur jou antwoord, naam en dorp/stad na 36400. Net een SMS per deelnemer word toegelaat. Net mense binne SA se grense kan deelneem. Die SMS kos R1,50. Hou die oorspronklike, volledige blokraai met jou besonderhede as bewys. Geen posstukke word as inskrywing aanvaar nie. Geen werknemers of hul gesin van Media24, Grapevine Interactive of hul reklamemaatskappye mag deelneem nie. Die sluitingsdatum is 19 September…

ATHLONE SE STRATE Jean-Marc (27) was net nege jaar oud toe hy die eerste keer in die strate van Athlone op die Kaapse Vlakte, waar hy grootgeword het, mense op skaatsplanke gewaar het. “Ek het een middag in ons motorhuis ’n skaatsplank gekry. Dit was een van my ma se familielede se ou planke,” vertel Jean-Marc. Hoewel niemand in sy gesin skaatsplank gery het nie, het dié sportsoort steeds sy aandag getrek. “My pa, Arnold (52), is ’n bekende musikant. Ek het dit probeer. Ek was die hoofkitaarspeler in ’n groep, The Plague, waarin ek en vriende was.” Maar in 2013 het hy ál meer op skaatsplankry begin fokus. “Ek het geweet dit sou die een of die ander wees.” Nou kerf hy vir homself ’n naam uit as skaatsplank-foendi.…

’NMENS sou dink dis enige akteur se droom om te hoor hy kan maar eet net wat hy wil, want hy moet gewig aansit vir sy nuwe rol. Dink net: Geen slaaitjies of groente pleks van pasta nie, geen diëte, geen gesweet in die gim nie … Maar nie vir Bennie Fourie (31) nie. Toe die akteur, bekend vir die flieks Vir die Voëls en Vuil Wasgoed, onlangs moes voorberei vir sy rol in die nuwe fliek Ander Mens, moes hy sy gesonde roetine laat vaar en die bier en pizza nader trek. Hy het in die maande voor die skiet van die fliek ’n volle 16 kg aangesit, en toe hy die dag voor die kameras as die vaal karakter Daniël Niemand verskyn, het hy die skaal by 98…

Die aksieman Dwayne Johnson het foto’s van sy onlangse troue op Instragram gedeel en geskryf: “Ons sê ‘ja’. 18 Augustus 2019. Hawaii. Pōmaika’i (geseën)”. Dwayne en die sangeres en vervaardiger Lauren Hashian (34) het 12 jaar uitgegaan voor hulle dit amptelik gemaak het. Hulle het twee dogters, Jasmine (3) en Tiana (1). Hulle wou verlede jaar getrou het, maar het dit uitgestel omdat Lauren swanger was: “Mamma wil nie troufoto’s met ’n groot maag neem nie; mamma wil goed lyk,” het Dwayne (47) toe verduidelik. Die twee het mekaar op die stel van die rolprent The Game Plan ontmoet toe Dwayne nog met sy eks, Dany Garcia (50), getroud was. Dwayne en Dany, wat steeds sy bestuurder en sakevennoot is, het ’n dogter, Simone (18).…