Innehållsförteckning för 12-Sep-19 från Huisgenoot

1 POPPIE SE OUSUS OOR HARTSEER EN VERWYTE Marlise Els, suster van die vermoorde kleuter, vertel hoe sy haar versorg het en van die hartseer en verwyte waarmee sy nou sit ’n Kind word as ’n geskenk deur God aan ouers gegee. Dis die ouers se verantwoordelikheid om daardie kind soos goud op te pas. Dis nie ’n ander kind se plig of verantwoordelikheid om te moet versorg nie. ELANA Maak vrede met wat jy nie kan verander nie. Jy het gedoen wat jy kon. Wees dankbaar dat sy in jou lewe was, al was dit kortstondig. Jy’s hopeloos te pragtig om jouself so te folter met verwyte. Poppie sou wou hê jy moet die mooi onthou. EMMARENZIA Daai blou ogies sal vir die res van my lewe saam met my wees.…

VAT die geld en geniet jou lewe, het baie mense vir hom gesê. Selfs van sy vriende het hom aangemoedig om die aanbod te aanvaar – maar Nkosana Makate weier om bes te gee. Ja, R47 miljoen is ’n groot som geld, erken hy. Maar dis volgens hom nie genoeg nie, want die berekenings van die fortuin wat Vodacom uit sy baanbrekersidee gemaak het, maak van die bedrag wat die diensverskaffer hom aanbied net ’n druppel in die oseaan. Nkosana (42), die bekende uitvinder van dié maatskappy se Please Call Mediens, staal hom nou vir nóg ’n hofstryd met die selfoonreus. Hy glo die skikkingsbedrag van R47 miljoen wat hulle aangebied het, is nie ’n regverdige weerspieëling van wat hom toekom nie. “Ek weier om dit te aanvaar, want Vodacom…

Stuur voorstelle en versoeke na geldsake@huisgenoot.com. E-pos sal sover moontlik in die rubriek beantwoord word en nie persoonlik nie. MEDIESE noodgevalle is deel van mediese fondse se voorgeskrewe minimum voordele (VMV’e) – dit is dienste en behandelings wat ingevolge die wet volledig deur mediese fondse gedek moet word. Maar wanneer jy by ’n hospitaal se ongevalle-eenheid opdaag, gaan jou besering nie noodwendig as ’n mediese noodgeval beskou word nie. Ons kyk hoe dit werk. Mediesefondslede wat in die ongevalle-eenheid versorg word, maar nie in die hospitaal opgeneem word nie – dus minder ernstige ongelukke wat nie as noodgevalle tel nie – se dekking kom gewoonlik uit hul dag-tot-dag-of spaarvoordele. Daar is wel sekere fondse wat dit sal dek, maar net as daar tekens van trauma is. WANNEER IS DIT ’N…

GENESING IN DIÉ VERHAAL Wayne Smith (28) se eerste silwerdoekrol was nie net ’n opwindende nuwe ervaring vir dié akteur nie; dit was ook ’n belangrike deel van die pad na genesing. Sy ma, Yolandé, is verlede jaar oorlede kort voor die verfilming van die nuwe weergawe van Fiela se kind begin het. Op die stel was die aktrise Zenobia Kloppers soos ’n ma vir hom, sê Wayne. Sy vertolk die rol van die matriarg Fiela en was voorheen in die kykNET-sepie Suidooster te sien as dr. Siya (Gantane Kusch) se ma, Rebecca Thuli. “Sy is ’n ongelooflike vrou en het my in die moeilike tyd baie gesteun.” Fiela se kind vertel die verhaal van Benjamin, ’n wit seun, wat deur Fiela Komoetie, ’n bruin vrou, gevind en deur haar…

IN AFRIKAANS 4 VERSKEIE SANGERS ’n Heerlike versameling plaaslike musieksnitte wat reeds trefferstatus onder luisteraars geniet. Daaronder tel “Patrick Lambie” deur Robbie Wessels, “Voel jy die genade” deur Jo Black, “Woestersous” van Snotkop en Steve Hofmeyr se “Juliet”. BEAUTIFUL BEAUTIFUL FAVOURITES ROCCO DE VILLIERS Aanhangers van hierdie pianis sal weet wat om te verwag en glad nie teleurgesteld wees nie. Die album bevat 22 instrumentale snitte wat Rocco gereeld op sy immergewilde konserte speel. Dit sluit in “Lucile”, “You Raise Me Up”, “Edelweiss” en “Onse Vader”.…

MISSION: IMPOSSIBLE – FALLOUT SONDAG M-NET 20:05 Ethan Hunt (Tom Cruise) werk saam met ’n CIA-agent om ’n kerngevaar te keer. BINNELANDERS DINSDAG KYKNET 19:30 Steve (Clint Brink) vertel oplaas vir Danny die waarheid. EMPIRE E.TV 22:00 Cookie en Lucious (Terrence Howard) baklei om Empire Records in die familie te hou.…

GROOT BLOKRAAI NO. 2 294 R1 000-WENNERS JUNIE E. Venter, Vanrhynsdorp JULIE F. van Heerden, Ifafa Beach GROOT BLOKRAAI NO. 2 294 Antwoord: lekkers PHAROS-TWEETALIGE WOORDEBOEK F. Joubert, Freemanville H. Schwartz, Newcastle F. Moolman, Brackenfell FOTOBLOKRAAI NO. 2 040 FOTOBLOKRAAI NO. 2 040 Antwoord: katoen VERKLARENDE AFRIKAANSE WOORDEBOEK L. Stander, Centurion AFRIKAANSE WOORDELYS EN SPELREËLS H. Pienaar, Randburg KODERAAI NO. 398 KOPKRAPPER ONS KOMPETISIE-WENNERS Kry die name van al die wenners van Huisgenootkompetisies op ons webtuiste. Gaan na huisgenoot.com/wenners.…

Jonk, talentvol en internasionaal Nie baie plaaslike akteurs kan daarmee spog dat hul heel eerste rol in ’n BBC-produksie was nie. Maar dis presies hoe Nahum (19) se loopbaan begin het. Hy’t op 14 sy eerste rol losgeslaan as prins Selim in die BBC-kinderprogram Jamillah and Aladdin. “Dit was ’n klein rol,” vertel hy. Dit was net die begin. Daarna het hy as die tiener Wematin in die Amerikaanse National Geographic-minireeks Saints & Strangers verskyn. Die verfilming daarvan het in 2015 op Stellenbosch in die Wes-Kaap begin. “Dit was verreweg my gunstelingreeks om aan te werk,” vertel Nahum oor dié dramareeks oor die eerste Dankseggingsfeesdag. Kort daarna het hy in die Britse ITV-minireeks Tutankhamun die rol van Fadil vertolk wat ná sy pa se dood die ingang na sy grafkelder…

ONTELBARE dinge gebeur oral rondom ons wat te klein is dat ons oë dit kan sien, maar ’n wonderlike toestel los dié probleem op: ’n Mikroskoop maak die “onsigbare” sigbaar. Mikroskope speel ’n groot rol in die wetenskap en laat ons wonderbaarlike dinge soos bakterieë, gisplantjies, bloedselle en die wemelende lewensvorme in ’n enkele druppel water sien. EERSTE VERGROTING Lig gaan vanaf die spieël deur die glasskyfie, monster en dekglas na die objektief (die lens naaste aan die voorwerp). Dan vind die eerste vergroting plaas: Lig word uitgesprei vanaf die monster sodat dit lyk asof dit vanaf ’n groter voorwerp kom. DIE TAFEL Die lig gaan deur ’n gaatjie in die verstelbare horisontale platform wat die tafel genoem word. MONSTER Om na iets onder ’n mikroskoop te kyk, moet jy…

ROSALEEN VAN AS (63), OFTEWEL TANNIE POPPIE, ROOSTERBROODBAKKER, LAINGSBURG ‘LAINGSBURG en Touwsrivier bots met mekaar oor waar Tannie Poppie nou eintlik vandaan kom noudat ek famous is. Maar ek is ’n boorling van Touwsrivier. Dit is daar waar ek destyds seisoenale werk op die uie-en wingerdplase gedoen het. Ek moes maar gaan werk, want ek het mos myself in gr. 5 uit die skool baklei; ek was nie eintlik lus vir skool nie. My oorle pa, Gert, het toe op die spoorweg gewerk, en my ma, Rachel, was ’n huishulp daar op Touwsrivier. Dertien jaar gelede het ek my man, Frikkie van As, ontmoet. Hy is van Laingsburg, maar het vir ons op Touwsrivier kom wys hoe om padwerke te doen. Sjoe, hy was ’n kwaai voorman en het my…

Dis ’n geestesiekte waar ’n versorger ’n siekte of besering opmaak of veroorsaak by iemand in hul sorg. Volgens kenners spruit die gedrag dalk uit ’n swak selfbeeld, ’n begeerte na aandag of die behoefte om benodig te voel. Die bekendste voorbeeld hiervan is die saak van Gypsy Rose Blanchard, ’n Amerikaanse meisie wie se kinderjare uit die een mishandeling ná die ander bestaan het: Haar ma, Dee Dee, het valslik beweer sy het leukemie en spierdistrofie en is verstandelik gestrem. Die waarheid het eers in 2015 uitgekom toe Gypsy (toe 24) gereël het dat ’n kêrel wat sy aanlyn ontmoet het haar ma vermoor. Sy dien tans tronkstraf van 10 jaar uit.…

WAT is dit met Leonardo DiCaprio en die jonges? Dis asof hy net nie kan lief bly vir ’n vrou wat haar tweede kwarteeu betree nie. Die hartebreker is tans in die nuwe Quentin Tarantino-fliek, Once upon a Time in Hollywood, te sien. Hy speel ’n akteur wat ouer word en aan sy tanende roem probeer vasklou. Anders as sy karakter in die fliek hoef Leo nie bekommerd te wees dat sy ster verdof nie, maar ook hý klou aan iets van sy jeug vas. Op 44 gaan hy deesdae met ’n skoonheid die helfte van sy ouderdom uit – die 22-jarige Amerikaanse model Camila Morrone. Sy is so oud soos wat Leo was toe hy in 1997 in Titanic gespeel het, duidelik die ouderdom wat hy verkies wanneer hy…

‘Wat Jamie doen, is sy saak – ons is al maande lank nie meer saam nie’ GENUGTIG, kyk net hoe goed lyk sy. Toe Katie Holmes onlangs in New York afgeneem is, was dit asof ’n ander mens voor die kamera verskyn as die heilsame buurmeisie wat al jare lank alte liefies op foto’s lyk. Sy het as smeulende seksbom ontpop – met ’n knooptrui wat van haar skouer afglip en bypassende bra-toppie wat stout uitloer. Die foto’s wat geneem is terwyl Katie ’n taxi nader roep, het soos ’n veldbrand op die internet versprei, en die kasjmiertrui-en-bra van die winkel Khaite is binne enkele ure uitverkoop. Binne ’n oogwink het Katie vir een van die grootste mode-oomblikke van die jaar gesorg. ’n Paar dae later het sy weer gewys…

PORTUGESE PANMOSSELS In ons buurland Mosambiek, wat ’n sterk Portugese kosinvloed het, is dié mossels ook bekend. GENOEG VIR 4-6 MENSEBEREIDING: 10 MIN.GAARMAAK: 15-20 MIN. ◗ 30 ml (2 e) botter◗ 15 ml (1 e) olyfolie◗ 2 rooi-of bruinuie, in skyfies gesny◗ 4 knoffelhuisies, fyngekap◗ 1 soetrissie, in blokkies gesny◗ 4 pruimtamaties, in blokkies gesny◗ 250 ml (1 k) vis-, groenteof hoenderaftreksel◗ 1,5 kg heel mossels, baarde afgekrap en skoongemaak◗ sap en gerasperde skil van 1 suurlemoen◗ ’n hand vol pietersielie◗ 60 ml (¼ k) room◗ sout en vars gemaalde◗ peper VIR VOORSIT ◗ 6 Portugese broodrolletjies 1 Verhit die botter en olie in ’n groot, diep pan. Voeg die uie by en roerbraai tot sag.2 Voeg die knoffel, soetrissie en tamaties by en roerbraai tot geurig. Giet die aftreksel…

1 Hou die weer dop. Weervoorspellingswebtuistes en -apps soos accuweather.com en weather.com sluit inligting oor die stuifmeeltelling vir ’n spesifieke gebied in. Wanneer die vlakke hoog is, moet jy maar binne bly as jy erg aan hooikoors ly – veral tussen vyfuur en tienuur soggens wanneer stuifmeel volop is. 2 Moenie jou troeteldiere streel nadat hulle buite was nie. Honde en katte kan stuifmeel indra nadat hulle buite gespeel het. As jy saam met iemand bly wat nie vir stuifmeel allergies is nie, vra hulle moet die diere met ’n handdoek afvryf. Jy kan hulle ook liggies met ’n handstofsuier takel – mits hulle mak genoeg is om nie histeries te raak nie. 3 Maak jou huis ’n niesvrye sone. Maak vensters en deure toe om allergene in die huis…

Ná 31 jaar is Fiela se kind weer op die grootskerm. Dit vertel die storie van Fiela Komoetie, ’n bruin vrou wat ’n wit kind as haar eie grootmaak en dan moet veg om hom te behou. Brett Michael Innes, die skrywer en regisseur van die nuwe weergawe, bekyk veral Fiela se seer toe sy Benjamin verloor. In dié vars benadering val die fokus op wat die hele Komoetie-gesin moet deurmaak weens Fiela se verlange na Benjamin. Zenobia Kloppers druk haar eie stempel op Fiela af – die rol wat in die 1988-weergawe deur Shaleen Surtie-Richards vertolk is en van haar volksbesit gemaak het. Sy wys ’n gebroke en brose kant van dié ikoniese karakter. Cindy Swanepoel, veral bekend vir haar rol as dr. Annelise Roux in Binnelanders, lewer uitstekende…

NIMMERMEER Deur JESSICA TOWNSEND; vertaal deur JACO JACOBS (Human & Rousseau, R209*) “Nimmermeer is een van die lekkerste en uitdagendste vertalings wat ek al aangepak het.” Jaco Jacobs sê dit is syns insiens die begin van een van die oorspronklikste fantasiereekse wat sedert Harry Potter die lig gesien het. “Die storie het eenvoudig alles wat nodig is om jonk én oud te boei. Sodra dit jou ingetrek het, kán jy eenvoudig nie ophou lees nie. Daar is hope heerlike wrang humor, aksie, avontuur, raaisels en karakters wat diep in jou hart inkruip.” Hy vertel van draakritte, trolgevegte, vampierdwerge, Manjifikatte en ’n geheimsinnige skurk wat die Wondersmid genoem word. “En daar’s natuurlik die asemrowende stad Nimmermeer wat in soveel fyn detail uit die verf kom dat jy wens jy kon ’n…

Besoek ons webtuiste, huisgenoot.com, vir ’n daaglikse horoskoop. WEEGSKAAL 23 SEP – 22 OKT Jou planeet, Venus, beweeg vandeesweek jou teken binne, wat belowend vir alle gebiede van jou lewe kan wees. Dinge behoort volgens plan te verloop, of jy lus het vir ’n aangename tydjie saam met vriende, ’n inkopietog of ’n balans tussen werk en ontspanning wil vind. As verhoudingsbehepte Weegskaal is die belangrikste dat jy kan uitsien na ’n liefdevolle en vreedsame tyd saam met jou geliefde. GELUKKIGE NOMMERS 40, 10, 49, 8, 36, 50 SKERPIOEN 23 OKT – 21 NOV Jy kan vandeesweek aan die ontvangkant van bedrieglike optrede wees; daarom moet jy bedag wees. Gelukkig is jou sesde sintuig verskerp, wat dit waarskynlik die beste benadering maak om jou instinkte te vertrou. Dit lyk asof…

NO. 2 300 NEEM SO DEEL Vul die blokraai korrek in, skryf die letters in die kleurblokke neer en gebruik dit om die antwoord op die vraag te ontrafel. SMS “HG”, gevolg deur jou antwoord, naam en dorp/stad na 36400. Net een SMS per deelnemer word toegelaat. Die SMS kos R1,50. Net mense binne SA grense kan deelneem. Die wenners sal die oorspronklike, voltooide blokraai en hul besonderhede moet verskaf. Geen werknemers of hul gesinne van Media24, Grapevine Interactive en hul reklamemaatskappye mag deelneem nie. Die sluitingsdatum is 3 Oktober 2019. Kyk op huisgenoot.com vir die volledige bepalings en voorwaardes. WEN ’N WOORDEBOEK PLUS KOM IN AANMERKING VIR DIE MAANDELIKSE TREKKING VAN R1 000. VRAAG: WATTER GELDEENHEID IS TER SPRAKE? PHAROS WOORDEBOEKE (’N DRUKNAAM VAN NB-UITGEWERS) GEE DRIE EKSEMPLARE VAN…

DEUR die jare het jy Huisgenoot leer vertrou om jou en jou gesin in te lig, te inspireer en te vermaak. Ons is opgewonde daaroor om vir jou en jou familie die Huisgenoot-begrafnisplan te bied – ’n begrafnisplan wat jy kan vertrou. Lesers met ’n bestaande begrafnisplan kan vandag oorskuif en dadelik gedek wees – moeitevry! Geniet die gemoedsrus in die wete dat jy gedek word deur ’n naam wat jy ken en vertrou. Nog oor die Huisgenoot-begrafnisplan ▪ Jy kry vertroude dekking met ’n eenvoudige en maklik-om-te-verstaan-maandelikse premie.▪ Kies die begrafnisdekking wat jy werklik benodig.▪ Premies beloop so min as R120 per maand.▪ Enigeen tussen 18 en 65 kan aansoek doen.▪ Eise word binne ses uur uitbetaal!▪ Die aanbod sluit in 24-uur-telefoniese toegang tot ’n verpleegster, vervoer vir die…

WAAR hy met wakker ogies die wêreld vanuit sy stoeltjie lê en bekyk, lyk hy soos enige ander blakend gesonde baba van vyf maande – vol lewenslus en met ’n immer laggende mondjie. ’n Mens sou nooit kon raai dat klein Ralph Flemming* in sy jong lewe al drie keer onder die mes was en geskree het van die pyn nie. Ook met sy geboorte in April was sy ouers, Donovan* en Diana*, se eerste indruk dat hul wens op ’n tweede gesonde bondeltjie vreugde vervul is. Maar toe roep die pediater sy pa eenkant toe en sê die woorde wat geen ouer verwag nie: Hul baba is sonder ’n anus gebore. “Ons het gedink ons het ’n gesonde baba, en toe tref dít ons,” vertel Diana van die skok…

JONG LIEFDE Die sangeres Dua Lipa en haar modelkêrel, Anwar Hadid (20), het haar 24ste verjaardag met ’n lieftallige stranduitstappie in Malibu, Kalifornië, gevier. SURI ’N STYLPRINSES Suri Cruise (13), wat ál meer trek na haar aktrisema, Katie Holmes (40), het vroeër vandeesmaand tydens ’n uitstappie in New York gewys sy het heelwat van haar eie mode-flair. MEISIES WAT REIS Hailey Bieber (22) en haar model-pel Kendall Jenner (23) het vroeër dié maand tydens ’n idilliese vakansie in Jamaika met hul mooi lywe gespog. Haai daar, Silas Justin Timberlake (38) en sy vrou, Jessica Biel (37), het onlangs gehaltetyd op die gholfbaan deurgebring saam met hul skattige vierjarige seun, Silas, wat selde gesien word. STELLA WIE? Kristen Stewart (29) laat beslis nie gras onder haar voete groei nie. Dié aktrise is…

SY HET bekendheid verwerf as Octomom, die ma van 14 kinders wat gedurig om die verkeerde redes in die nuus was. Die donkerkop-Amerikaner het reeds ses kinders gehad en op ’n staatswelsyntoelae geleef toe sy ná bevrugtingsbehandeling swanger raak met ’n agtling. Toe bestee sy ’n fortuin aan plastiese chirurgie, speel in ’n pornofliek en word van welsynbedrog beskuldig … Maar deesdae probeer Natalie Suleman, voorheen bekend as Nadya Suleman, ’n gewone lewe lei. Dis nou te sê so gewoon moontlik vir ’n vrou wat as ’n enkelma 14 kinders grootmaak. Natalie (44) het onlangs bekendgemaak een van haar ses kinders wat voor die agtling se koms gebore is, is op die outismespektrum. Sy het die nuus op Instagram gedeel saam met ’n video van die 14-jarige Aidan in ’n…

Die wêreld se eerste strafpuntstelsel vir motoriste is in 1947 in Connecticut in Amerika in werking gestel. Die stelsel is in 1962 in Brittanje, in 1967 in Nieu-Seeland en in 1969 in Japan ingestel. In 2018 was daar in Brittanje, met ’n bevolking van 66 miljoen, net meer as 1 700 padsterftes, terwyl Nieu-Seeland, met sy bevolking van net onder 5 miljoen, 400 padsterftes gehad het. In Japan, met sy bevolking van 126 miljoen, was daar 3 500 padsterftes. Australië het ’n streng strafpuntstelsel: Punte verstryk eers ná drie jaar en jou rybewys word opgeskort as jy 12 punte het. Dié land, met ’n bevolking van 26 miljoen, het in 2018 altesaam 1 137 padsterftes gehad. In Ierland, met ’n bevolking van net minder as 5 miljoen, is die stelsel…

PUTTANESCA-VARKTJOPS Puttanescasous is nie net vir pasta nie; saam met varktjops smaak dit ook vorentoe. GENOEG VIR 4 MENSEBEREIDING: 15 MIN.STAAN: 30 MIN.GAARMAAK: 15 MIN.(SOUS); 20 MIN. (VLEIS) VLEIS ◗ 4 porterhousevarktjops, 2,5 cm dik gesny◗ sout en peper◗ sap en gerasperde skil van 1 suurlemoen◗ 8 knoffelhuisies, fyngedruk◗ ’n groot hand vol gekapte basilieblare◗ 60 ml (¼ k) olyfolie SOUS ◗ olyfolie◗ 250 g portabellinisampioene, gehalveer◗ 1 rooi-ui, gekap◗ 2 ansjovisfilette, fyngedruk, of 15 ml (1 e) ansjovissmeer◗ 500 ml (2 k) kersietamaties of 2 x 400 g-blikke kersietamaties◗ 1 sakkie (65 g) tamatiepasta◗ 80 ml (¹⁄₃ k) swart olywe◗ 15 ml (1 e) kappertjiesaad, afgespoel◗ 60 ml (¼ k) witwyn◗ 5-10 ml (1-2 t) onverfynde natuurlike klappersuiker◗ 2 groot hande vol basilieblare, gekap STROOISEL ◗ gerasperde skil van…

POF-MOUE Dra pofmoue vir ’n oulike en speelse voorkoms. WENK Pofmoue by ’n laer halslyn lyk besonder vleiend as jy groot borste het. LOS, WYE MOUE Kort, wye moue is perfek vir warmer weer, want dit verleen ’n prettige somervoorkoms. WENK Dié sagte moue lyk fraai in motiewe – kies blom-of dierpatrone. REK-MOUE Hierdie soort moue verleen ’n boheemse, sorgelose gevoel aan jou uitrusting. WENK Maak seker dié sjiek moue is gemaak van ’n stof wat mooi sag drapeer. UITKLOK-MOUE Sagte en elegante uitklokmoue sorg vir ’n vroulike voorkoms. WENK Dié moue lyk mooi in vroulike blommotiewe en sagte teksture soos kantstof. KRY DIT HIER EDGARS 0800-203-925; FOREVER NEW 021-419-4552; FOSCHINI 0860-104-764; MANGO.COM; MRP0800-21-25-35; THEFIX0860-101-048; WOOLWORTHS0860-022-002; YDE 021-460-2800 HOEWEL ONS ALLES IN ONS VERMOË DOEN OM KORREKTE PRYSE TE VERSKAF,…

As jy ’n persoonlike probleem het, skryf gerus aan Liewe Elize, Posbus 1802, Kaapstad 8000 of elize@huisgenoot.com. Of SMS LIEWE ELIZE gevolg deur jou vraag na 36489. Elke SMS kos R1. SKOONSUS MENG IN V My skoonsuster meng in my huwelik in. Sy laat my minderwaardig voel omdat ek volgens haar min familie het. Sy praat voor my skoonouers met my asof ek haar ondergeskikte is, en hulle laat dit toe. Ek en my man moet gereeld ons planne verander om by hare in te pas. Sy gaan met onvanpaste mans uit, maar niemand sê iets daaroor nie. Ek wil nie moeilikheid vir my man maak nie, maar ek weet nie wat om te doen nie. R op K A Jou skoonsuster is jaloers op jou verhouding met jou man…

GELD EN MAG Ná 13 jaar is die Deense drama After the Wedding weer op die silwerdoek. In die nuwe weergawe vertolk Michelle Williams (39) die rol van Isabel, ’n goedhartige Amerikaner wat in Kolkata, Indië, ’n kinderhuis bestuur. ’n Invloedryke uitgewer, Theresa Young (Julianne Moore), deel haar passie om kinders te help en stel daarin belang om as ’n weldoener betrokke te raak. Sy reël ’n ontmoeting met Isabel in New York om die vrou wie se projek sy wil steun beter te leer ken. Die vergadering is op die vooraand van Theresa se dogter se troue en Isabel word na die bruilofsfees genooi. Dinge raak warm toe Isabel Theresa se man, Oscar (Billy Crudup), op die troue herken en besef haar uitnodiging was nie sommer toevallig nie. Dis…

Hul musiekpad Toe hy in 1968 as hoërskoolseun vir Klipwerf begin trekklavier speel het, was hy die jongste in die orkes. Vandag is hy die oudste, spot Kobus Visagie, al oorspronklike lid wat nog oor is. Sy oorlede pa, Hentie, en ouer broer, wyle Johann, het destyds op Calvinia in die Noord-Kaap met die orkes begin, waar Kobus steeds woon. Gené van Niekerk van Upington speel die afgelope sowat 20 jaar die klawerbord. Die ander lede is die kitaarspeler, Edwin Bradley, en tromspeler, Jacob van Niekerk. Hul jongste album is al die orkes se 32ste uitreiking. “Ons vat dan die pad om die musiek na dansbane dwarsoor die land te vat,” vertel Gené. In die 51 jaar van die orkes se bestaan het hulle amper 2 miljoen km afgelê. Gewildheid…

NO. 2 046 VRAAG WATTER ITEM OP DIE ATLETIEKVELD IS TER SPRAKE? SKOMMEL DIE LETTERS IN DIE KLEURBLOKKIES OM DIE ANTWOORD TE VIND. LEES LANGSAAN HOE DIE KOMPETISIE WERK. Jy kan ’n Verklarende Afrikaanse Woordeboek of Afrikaanse Woordelys en Spelreëls van die uitgewer Pharos (pharos@pharos.co.za) wen. Vul die blokraai in en gebruik die letters in die kleurblokke om die antwoord op die vraag te ontsyfer. SMS “HG” gevolg deur jou antwoord, naam en dorp/stad na 36400. Net een SMS per deelnemer word toegelaat. Net mense binne SA se grense kan deelneem. Die SMS kos R1,50. Hou die oorspronklike, volledige blokraai met jou besonderhede as bewys. Geen posstukke word as inskrywing aanvaar nie. Geen werknemers of hul gesin van Media24, Grapevine Interactive of hul reklamemaatskappye mag deelneem nie. Die sluitingsdatum is…

Dora and the Lost City of Gold word op 13 SEP. in Suid-Afrika uitgereik. Ontmoet Dora In Dora and the Lost City of Gold, wat op die animasiereeks Dora the Explorer gegrond is, vertolk Isabela (18) haar eerste hoofrol. Sy speel Dora, ’n meisie wat in die oerwoud grootgeword het en in die stad skoolgaan. Dan moet sy haar ouers (Eva Longoria en Michael Peña) gaan red. Sangeres Sy is nie net ’n talentvolle aktrise nie; sy het ook ’n goue stem. Sy het al twee liedjies, “I’ll Stay” en “My Only”, uitgereik en kan ook kitaar speel. ‘Dis ’n voorreg om my herkoms te eer in alles wat ek doen. Dit maak my uniek; dis my supermag. Nes Dora! Die feit dat sy ’n nerd is, gee haar ’n supermag’…

HOE is dit moontlik dat iets wat reg voor jou oë is geheel en al onsigbaar kan wees? Dit ís moontlik as daardie ding te klein is om met jou blote oog te sien. ’n Hele wêreld is om jou wat jy nie kan sien nie. Biljoene klein organismes beweeg op ons tafels en vloere rond. Hulle dryf in druppels water, kleef aan jou vel en is in jou oë, neus en keel. Die meeste van hierdie organismes kan net onder ’n mikroskoop waargeneem word. Hierdie mikroskopies klein lewensvorme word mikroörganismes of mikrobes genoem. Duisende verskillende soorte mikroörganismes word aangetref. BAKTERIEË BAKTERIEË is moontlik die kleinste lewende organismes en word oral op ons planeet aangetref: op land, in die water en selfs in jou liggaam. Bakterieë bestaan uit net een…

OM 06:45 stap Michael Woodward sy kantoor diep in terminus B op die Logan- Internasionale Lughawe binne, een vlak onder die passasiershekke. Hy dra ’n grys pak met ’n wynrooi das, en ’n ernstige uitdrukking verklap sy ongemak. As vlugdiensbestuurder vir American Airlines moet hy sorg dat die vliegtuie wat uit Boston, Massachusetts, vertrek behoorlik toegerus is. Ondanks sy senior pos het Michael (30) vriende gebly met baie van die meer as 200 vlugkelners oor wie hy toesig hou. Nou moet hy een berispe om te sorg dat sy haarself oor die algemeen regruk, anders loop sy die gevaar om afgedank te word. Hy roep haar na sy kantoor toe, trek sy asem in en haal haar oor die kole. Daar-na ontspan Michael, vol vertroue dat die ergste van sy…

“Sowat een uit 5 000 babas word met anorektale misvorming gebore,” sê prof. Daniel Sidler, ’n pediatriese chirurg van Kaapstad – dit beteken hulle het geen anusopening nie. Die oorsaak is onbekend. By sommige babas maak dit deel uit van genetiese sindrome, maar Ralph Flemming* het net’nabnormaliteitinsyruggraat gehad. Sy sakrum is wel misvorm, wat daarop kan dui dat Ralph moontlik in die toekoms swak spierfunksie, ontlas- en blaasbeheer sal hê, verduidelik Daniel.…

TOE die sangeres Ellie Goulding onlangs met die kunshandelaar Caspar Jopling (27) afhaak, is die troue dadelik met die onlangse koninklike bruilofte vergelyk. Soos met prins William en Kate se troue in 2011 en Meghan Markle en prins Harry se groot dag verlede jaar, was daar talle bekendes onder die trougaste. Die skare wat langs die strate saamgedrom het om hulle aan die glansmense te verkyk, was beslis in hul noppies. Hoewel Ellie (32) geld gespaar het met haar vervoer – sy en haar gevolg het in ’n Volkswagen-bussie by die York-katedraal aangekom – het sy behoorlik uitgehaal met haar trourok. Die trourok deur Chloé, wat glo meer as 640 uur geneem het om te maak, spog met handgeborduurde wit rose van York en die pasgetroudes se voorletters, E en…