Innehållsförteckning för 14-Nov-19 från Huisgenoot

1 ‘EK KAN DIT NIE HELP NIE; EK LEEF MY SO IN’ Dis van pure trots dat sy so huil, vertel die 88-jarige Emmie Booysens oor ’n video waarin sy aan haar emosies uiting gee ná die Bokke se oorwinning teen Wallis Tannie, dis die mooiste ding wat ek al ooit gesien het. Jy is beslis g’n “skandemaker” nie. Trots om te sien hoeveel dit vir jou beteken. Die Bokke sal ook trots wees. RENCHA Ai, tannie. Ek is self erg oor rugby en huil ook wanneer hulle die landsliedjies sing. Tannie maak nie skandes nie. Dis mos ons land, en ons is trots op die Springbokke. SUSAN As ons maar almal meer dikwels sulke trane van blydskap kon stort. Ek moet erken ek moes self ook hard sluk om…

“Siya was die beste provinsiale kaptein in Suid-Afrika. Dís hoekom hy ook Bokkaptein is,” vertel Rassie Erasmus (47). “Ek het nie geweet dit sal so ’n groot ding word omdat hy die eerste swart kaptein is nie. Al die emosionele dinge daaroor het my en Siya onkant betrap.” Aanvanklik het die verantwoordelikheid swaar geweeg, vertel Siya. “My spel het heelwat versleg; ek moes hard daaraan werk.” Rassie het in Siya bly glo, selfs ná ’n kniebesering vroeg vanjaar. En Siya het Rassie se planne volkome gesteun. “Dit het nou ingesink hoe groot dit is – die eerste swart Springbokkaptein in ’n Wêreldbekerrugby- eindstryd,” sê Rassie. “Dis ’n wonderlike storie.”…

GROEPWEDSTYDE 21 September t. Nieu-Seeland VERLOOR 13-23 Springbok-puntemakers: Pieter-Steph du Toit (1 drie), Handré Pollard (1 doelskop, 1 strafdoel, 1 skepdoel) Speler van die wedstryd: Beauden Barrett (NS) 28 September t. Namibië WEN 57-3 Springbok-puntemakers: Bongi Mbonambi en Makazole Mapimpi (2 drieë elk), Francois Louw, Lukhanyo Am, Warrick Gelant, Siya Kolisi en Schalk Brits (1 drie elk), Elton Jantjies (6 doelskoppe) Speler van die wedstryd: Lood de Jager 4 Oktober t. Italië WEN 49-3 Springbok-puntemakers: Cheslin Kolbe (2 drieë), Bongi Mbonambi, Lukhanyo Am, Makazole Mapimpi, RG Snyman en Malcolm Marx (1 drie elk), Handré Pollard (4 doelskoppe, 2 strafdoele) Speler van die wedstryd: Cheslin Kolbe 8 Oktober t. Kanada WEN 66-7 Springbok-puntemakers: Cobus Reinach (3 drieë), Damian de Allende, S’bu Nkosi, Warrick Gelant, Frans Steyn, Schalk Brits, Damian Willemse en…

■ Bestee geld aan haarkleur. “As jy nie kan bekostig om jou hare by ’n salon te laat kleur nie, koop dan ’n boksie haarkleur by ’n apteek of kruidenierswikel. Dit is steeds die moeite werd.” As jy liewer jou grys hare wil laat uitgroei, kan jy steeds mooi lyk, mits jy dit netjies hou, sê sy. ■ “Verwyder altyd jou grimering voor jy gaan slaap,” sê Janine. Gebruik reuklose akwaroom om die swaarste grimering te verwyder. Gebruik daarna jou grimering-verwyderaar. “Dit vergemaklik en versag die skoonmaakproses.” ■ Bevog jou gesig met ’n goeie vogroom of akwaroom. “Dit maak ’n groot verskil,” sê Janine. “Net omdat jy nie kan sien hoe jou gesig verouder nie, beteken dit nie dit gebeur nie.” ■ Gebruik ’n grimeringsproei om jou grimering langer deur…

1. ROOILENSIE-DOSA MET SJAKSJOEKA Dosa is ’n soort platbrood uit Suid-Indië. Dit verskil van ander brode omdat dit van rys, lensies of bone gemaak word. Dosa word dikwels saam met ontbyt geëet. LEWER 12-15 DOSAS BEREIDING: 15 MIN. STAAN: OORNAG + 4 UUR BAK: 2 MIN. PER DOSA DOSA ◗ 150 g langkorrelrys◗ 50 g rooi lensies◗ 250 ml (1 k) warm water◗ 2,5 ml (½ t) sout en vars gemaalde swartpeper◗ 2,5 ml (½ t) borrie◗ 30 ml (2 e) vars koljander, gekap◗ olie vir vlakbraai SJAKSJOEKA ◗ 10 ml (2 t) olyfolie◗ 1 ui, gekap◗ 1 rooi soetrissie, in blokkies gesny◗ 4 knoffelhuisies, fyngekap◗ 10 ml (2 t) paprika◗ 5 ml (1 t) komyn◗ 1,25 ml (¼ t) brandrissiepoeier◗ 1 x 410 g-blik gekapte tamaties◗ 6 groot eiers◗…

As jy ’n persoonlike probleem het, skryf gerus aan Liewe Elize, Posbus 1802, Kaapstad 8000 of elize@huisgenoot.com. Of SMS LIEWE ELIZE gevolg deur jou vraag na 36489. Elke SMS kos R1. STIEFMA WORD STIEF BEHANDEL V My huwelik is op die rotse, want ek kom nie oor die weg met my man se twee skoolgaande kinders uit ’n vorige huwelik nie. Ek was geskei toe ons mekaar ontmoet het en het geen kinders nie. Ek is lief vir hom, maar ek kom nie klaar met sy eks nie. Ons sien haar wanneer ons die kinders gaan haal en by skoolgeleenthede. Ek het nie hul huwelik opgebreek nie; tog verpes sy my. Niemand wil saamwerk nie. Dit het my al so ver gedryf dat ek nie eens meer van sy kinders…

Besoek ons webtuiste, huisgenoot.com, vir ’n daaglikse horoskoop. BOOGSKUTTER 22 NOV – 20 DES Jou persoonlike jaar loop op ’n einde, wat beteken dit sal binnekort jou verjaardag en die begin van jou nuwe jaar wees. Dit is ’n geskikte tyd om oor die afgelope 12 maande te besin en doelwitte vir die komende jaar te stel. ’n Soekende Boogskutter wil dalk beroepsdoelwitte najaag, persoonlike ambisies volg, wysheid soek of avonture nastreef. Daar is dalk ook ’n gewoonte of twee wat jy wil agterlaat. GELUKKIGE NOMMERS 33, 5, 23, 51, 35, 8 STEENBOK 21 DES – 20 JAN Jy is waarskynlik ’n georganiseerde mens wat daarvan hou om alles onder beheer te hê. Mercurius se huidige agteruitbeweging kan dus ’n probleem wees, want planne kan ontspoor, skedules verander en vergaderings…

DEURBRAAKROL Reginald (27) is geen groentjie op die kassie nie. Hy’t al gesig gewys in die dramareeks Swartwater en die rilreeks Die spreeus en is sedert Februarie te sien as Luke in die sepie Generations: The Legacy. Nou kielie hy die lagspiere in sy eerste sitkom as die kleurryke faktotum Spanner Proes in Willie Esterhuizen se nuwe kykNET-komediereeks, Huis Lelieveld, wat in ’n ouetehuis afspeel. “Spanner is passievol oor sy werk, maar hy’s ook passievol oor die mense in die oord,” sê die akteur. “Hy is saggeaard maar tog ’n bietjie feisty; hy sal enigiets doen vir die mense om hom, want dis in sy aard. Ons het so baie met mekaar gemeen. Ons is albei lief vir mense en ons is albei vinnig om op te spring en iemand…

GRENSGEVAL Deur MARITA VAN DER VYVER (Penguin, R280) “Die vrou sit op ’n houtvloer, gemaklik kruisbeen, want ná drie dekades van joga kan sy haar bene so grasieus soos skoenlappervlerke oopvou sodat albei knieë aan die vloer raak, ondanks haar silwerwit hare en die groewe op haar gesig. En sy huil, hierdie vrou, geluidloos.” Theresa Marais kyk vir die eerste keer wat werklik in ’n ou skoenboks is wat behoort het aan haar oorlede eksman, Theo. Sy het meer as 20 jaar tevore van hom weggestap toe dit onuithoudbaar geword het om saam met hom onder een dak te woon. Theo het die laaste byna 20 jaar van sy lewe in ’n inrigting deurgebring nadat van sy skerp verstand nog net psigose oorgebly het. Op die deksel staan geskryf “Army…

BAAI, HAILS Niall was sedert einde 2017 in ’n verhouding met die aktrise Hailee Steinfeld (22). Hy en sy “Hails” – soos hy haar noem – is egter verlede jaar uitmekaar. Hulle het “hard probeer om dit te maak werk, maar dit was beslis jong liefde”, vertel iemand na aan hulle. NUWE NIALL Weg is die onskuldige blinkoogseun wat destyds harte vermurwe het in die Britse seunsgroep One Direction. Niall (26) is nou ouer en sy klank en voorkoms waaghalsiger. Hy’t geweet hy sal sy aanhangers moet laat regop sit met sy nuwe musiek. “Ek het twee jaar laas musiek uitgereik. Ek het gevoel as ek terugkom, moet ek ’n bietjie lawaai maak.” En dit doen hy beslis met sy jongste snit, “Nice to Meet Ya”, sy eerste enkelsnit sedert…

SEEKOEIE is die derde grootste landdiere naas olifante en sekere renosters. Hulle is tropdiere wat hoofsaaklik in varswater leef. Seekoeie kom voor in die vlak riviere, mere en oorstroomde grasvelde van Afrika suid van die Sahara. BRONNE: MIELIESTRONK.COM, BALISAFARIMARINEPARK.COM/AMAZING-FACTS-ABOUT-HIPPOPOTAMUS, NATIONALGEOGRAPHIC.COM/ANIMALS/MAMMALS/H/HIPPOPOTAMUS, LIVESCIENCE.COM/27339-HIPPOS.HTML, THOUGHTCO.COM/HIPPO-FACTS-4142336, ANIMALFACTGUIDE.COM/ANIMAL-FACTS/HIPPOPOTAMUS/, ANIMALCORNER.CO.UK/ANIMALS/COMMON-HIPPOPOTAMUS, ANIMALS.MOM.ME/SIZE-HIPPOS-MOUTH-10007.HTML, STLUCIASOUTHAFRICA.COM/HIPPO-FACTS/, AWF.ORG/WILDLIFE-CONSERVATION/HIPPOPOTAMUS HET JY GEWEET? ’n Seekoei kan ’n kano in die helfte byt met die toeklap van sy kake.…

SOVEEL vir die oog sien ’n mens nie sommer op ’n Bosveldplaas nie. Jy kan jou beswaarlik indink hoe styf die eina kortbroekies oor boereboude span wanneer Jan buk om deur die draad te klim. Soos ’n wafferse sjoebroekie . . . En hoe styf sal daardie two tone-hemp se kortmoue nie om die ander Jan se armspiere span wanneer hy die trekker bestuur nie. En moenie van die laaste Jan vergeet nie – dit lyk kompleet of sy borskas die hemp se knope sal laat afspring. Ja, dié drie aanvallige manne in hul noupassende kakie wys omtrent vir jou vleis. Maar hokaai nou, meisies, dis nie drie deelnemers met ’n gedeelde voornaam wat aan ’n nuwe, supersexy seisoen van Boer soek ’n vrou deelneem nie. Om die waarheid te…

SY HET al 56 jaar lank ’n bob – en dis dalk die bekendste haarstyl op aarde. Want al kom en gaan die dekades, lyk Anna Wintour se kapsel sedert sy 14 jaar oud is nog dieselfde. “Die een keer toe ek dit wou verander, was dit ’n ramp, en ek moes maande lank ’n hoed dra. Ek is te angstig en lui om dit weer te verander,” het sy vroeër vanjaar vertel. Dié ikoon van die modewêreld, die legendariese redakteur van die glanstydskrif Vogue, vier vandeesmaand haar 70ste verjaardag, maar ná drie dekades aan die stuur van dié tydskrif laat sy steeds haar redaksielede met haar kil, afsydige houding bewe. Agter daardie bekende Chanel-sonbril bly sy dikwels tjoepstil wanneer modeontwerpers haar probeer oortuig hul nuwe reeks gaan die volgende…

MAKAZOLE MAPIMPI Dié vlugvoetige vleuel (29) van Mdantsane in die Oos-Kaap se ma is in 2004 oorlede toe hy net 14 was. Daarna was dit net hy, sy broer en suster. Sy pa was nooit in sy lewe betrokke nie. Sy broer is in 2009 weens ’n motorongeluk dood en sy suster is in 2012 oorlede. DUANE VERMEULEN Die agtsteman en pa van twee (33) leef sy pa, André, se rugbydroom. “Ek doen dit als vir my pa,” het hy aan Netwerk24 gesê. “Hy is oorlede toe ek agt jaar jonk was,” vertel Duane. Sy ma, Estelien, wat hom alleen grootgemaak het, se oë was vol trane toe hy as speler van die eindstryd aangewys is. FRANCO MOSTERT Die Bokslot (28) speel sy hart uit vir sy ouboet, die voormalige…

SY ERKEN dit sommer self: Ja, dit neem nie veel om daardie vlam van verliefdheid te laat knetter nie. Maar sy kan darem ook nie help dat Kupido so dikwels daai pyle in haar rigting mik nie . . . Maar dié keer is dit rêrig-êrig, sê Toanette Els (25), die enigste vroueboer in die 11de seisoen van die kykNET-maatsoekreeks Boer soek ’n vrou, wat verlede jaar uitgesaai is. Haar nuwe verloofde, Henry Rudling van Emalahleni, is Die Een – daardie een wat haar nog altyd ontwyk het. En ja, sy hét dit al gesê. Maar hierdie keer is dit wraggies vir altyd; sy’t dan nog nooit so oor ’n man gevoel nie . . . “Mense kan my maar hieroor en daaroor terg. Maar ’n mens sal dit nie…

EENSTUK WENK Alle liggaamstipes lyk goed in ’n eenstuk. As jy kort is, kies een met pype wat hoog gesny is om jou bene langer te laat lyk. Of dra een met ’n lae halslyn, want dit skep ook die illusie van lengte. TANKINI WENK Die tankini, ’n bikini met ’n langer bostuk, is ideaal wanneer jy effens minder van jou vel wil vertoon maar steeds maklik tops en broekies wil meng en pas. Dié styl swembroek is vleiend vir alle figure. TWEESTUK WENK Die nuutste styl vir strandsjiek is om ’n item in maasstof of ander deurskynende materiaal bo-oor jou bikini te dra. Tweestukke in helder kleure of met patrone is ook in die modekol. BIKINI-BROEKIE MET HOË MIDDEL STRANDSAKKE SONHOEDE KAFTANS WENK ’n Lospassende item soos ’n kaftan…

DIT gebeur van tyd tot tyd met die meeste mense: ’n seerplek in die mond. Dis dalk ongemaklik en seer, maar die meeste van ons steur ons nie veel daaraan nie. Dis nie noodwendig ’n aanduiding van ’n ernstige probleem nie, maar tog is ’n mondseer nie iets wat jy moet ignoreer nie, waarsku dr. AP Dippenaar, ’n spesialis in periodonsie en mondgeneeskunde in Pretoria en Johannesburg. “Dit wys iets is verkeerd of iets het gebeur en moet aandag kry, ” sê hy. Die mond is ’n maatstaf van wat in jou lyf aangaan en is soms die eerste aanduiding van ernstige siektes, voeg prof. André van Zyl, ’n spesialis in mondgeneeskunde en periodonsie op Hermanus, by. “Daarom moet ’n mens altyd probeer vasstel waarom die sere daar is en…

Stuur voorstelle en versoeke na geldsake@huisgenoot.com. Epos sal sover moontlik in die rubriek beantwoord word en nie persoonlik nie. Die voordele van aanlyn koop is volop: geen verkeer, mensegedrang of lang toue nie. Met jou slimfoon, selfoon of rekenaar kan jy te alle tye jou aankope doen, maak nie saak waar jy is nie. En jy het talle keuses. Buiten inkopiewebtuistes soos Loot en Takealot is winkelgroepe soos Woolworths, Edgars, Foschini en Pick n Pay se rakke ook aanlyn, en dit word voor jou deur afgelewer. Oorweeg jy dit om dié feestyd die winkels met ’n vingerklik pleks van jou voete te besoek? Volg dié wenke vir ’n bevredigende koopervaring. 1 ‘KYK ROND’ VIR WINSKOPIES Vergelyk die pryse van die item waarna jy soek op verskillende webtuistes. Aanlyn handelaars bied…

WAT OM TE VERWAG Die album bevat 19 tydlose treffers wat Ray nuut verwerk en met ’n country-inslag verpak het. Hoewel dit nie in die eg tradisionele countrygenre val nie, het dit die koperspubliek se aandag getrek met ou bekendes soos “Santa Maria”, “Go Your Own Way”, “Stuck on You” en “Jessie”. Ray erken dit was moeilik om die liedjiesamestelling te kies uit letterlik honderde treffers wat die toets van die tyd deurstaan het. Maar dit lyk asof sy keuse in die kol was – die album boer op trefferparades en is ook weke lank al een van Musica se top-10-verkopers. Al die liedjies is so bekend dat dit ’n heerlike saamsingalbum is wat die nostalgieknoppies sal oopdraai. “Met die country-ondertone wat ek in die verwerkings ingebring het, sal tradisionele…

NO. 2 055 Jy kan ’n Verklarende Afrikaanse Woordeboek of Afrikaanse Woordelys en Spelreëls van die uitgewer Pharos (pharos@pharos.co.za) wen. Vul die blokraai in en gebruik die letters in die kleurblokke om die antwoord op die vraag te ontsyfer. SMS “HG” gevolg deur jou antwoord, naam en dorp/stad na 36400. Net een SMS per deelnemer word toegelaat. Net mense binne SA se grense kan deelneem. Die SMS kos R1,50. Hou die oorspronklike, volledige blokraai met jou besonderhede as bewys. Geen posstukke word as inskrywing aanvaar nie. Geen werknemers of hul gesin van Media24, Grapevine Interactive of hul reklamemaatskappye mag deelneem nie. Die sluitingsdatum is 5 Desember 2019. Gaan na huisgenoot.com om die volledige bepalings en voorwaardes te sien. VRAAG WATTER SOORT LEIER IS TER SPRAKE? SKOMMEL DIE LETTERS IN DIE…

TAUNÉ OOR ‘MY MATRIEKAFSKEID’ My matriekafskeid is ’n goeie idee vir ’n ma-dogter-afspraak op Donderdagaande. “Dis propvol opwinding, uitdagings en pragtige meisies met twee dinge gemeen: hul matriekjaar en die droom van ’n perfekte matriekafskeid. “Elkeen het hul eie smaak en wonderlike idees, maar ek dink mense kan die meeste uitsien na die storie van elke meisie. Daar was werklike tranetrekker-oomblikke wat bygedra het tot ’n onvergeetlike aand; ’n aand wat elkeen vir die res van hul lewe sal onthou.” KIMBERLEY SE STRATE Tauné Sharilynn Block (26) is die enigste vermaakster in haar gesin. Haar pa, William (55), is ’n skoolhoof, en haar ma, Sharon (54), ’n onderwyseres. Haar jonger broer, Matthew (23), wat ook haar bestie is, studeer tans aanlyn aan die Regent-sakeskool. Hy woon in Johannesburg. As kind…

Hierdie LEWE Gewone mense in hul eie woorde GEORGE VAN ROOYEN (34), TV-REGISSEUR ’EK HET grootgeword op die plaas Geelhoutboom in die Humansdorp-distrik, waar my pa met skaap en koring geboer het. Die lewe daar as kind – ek dink geen woorde kan daardie totale vryheid en geluk beskryf nie. Ek en my suster verskil net ’n paar jaar; daarom was ons beste maatjies. My broer was die laatlam, so eintlik was hy te klein om saam te speel. Maar ek dink dié spelery moes my ma seker baiekeer teen die mure uitgedryf het, hoewel ons nie toe gedink het ons was stout nie. Daar was die keer toe ons ’n dooie slang van maklik 2 m naby die huis optel. Toe gebruik ons dit as ’n springtou! My ma…

GRAAD 4 Groepgesprekke oor watter dele van jou liggaam privaat is en wat jy nie ander moet toelaat om aan te vat nie. GRAAD 5 Lesplanne sal onder meer gaan oor die beeld wat jy van jou liggaam het, dat jy kan kies watter verhoudings jy het en hoe om gewelddadige situasies te hanteer. GRAAD 6 ’n Toneel word volgens FOR SA geskets van meisies in ’n WhatsApp-groep wat dit oorweeg om ’n kaalborsfoto in die groep te deel. Die departement sê leerders sal oor boelie in die kuberruim geleer word. GRAAD 7 Die lesplan gee ’n lys vrae wat leerders kan hê oor onderwerpe soos soen, masturbasie en seks. Dit sluit leesstukke in. Die departement sê masturbasie sal nie deur die onderwyser bespreek word nie en leerders sal aangemoedig…

WAAR Helen Zille op die mat van haar Kaapstadse kantoor in die DA se federale hoofkantoor sit, haar rug teen ’n groot glasvenster waarby die oggendson instroom, is haar gesig as’t ware ’n skoon doek. Sy het nie ’n titseltjie grimering aan nie. Maar dié toedrag van sake gaan nie lank duur nie. Sy moet netnou ’n toeHOOFFOTO: spraak lewer – en haar persoonlike towerfee is hier om haar voorkoms blink te poets. “Sonder Janine lyk ek soos die agterkant van ’n bus,” verduidelik Helen. Sy tik verbete op haar skootrekenaar terwyl die 44-jarige Janine Schouw haar kwassies en poeier op die kantoor se konferensietafel uitpak. Die voormalige Wes-Kaapse premier se skielike terugkeer tot die politiek as nuutverkose voorsitter van die DA se federale raad het opspraak gewek. Maar mense…

1. VURIGE TZATZIKI MET BROS HOENDERVLERKIES Ons gee tradisionele tzatziki woema met ekstra kruie, brandrissie en suurlemoen. GENOEG VIR 4-6 MENSE (AS PEUSELHAPPIE) BEREIDING: 15 MIN. GAARMAAK: 25-30 MIN. HOENDERVLERKIES ◗ 6-8 hoendervlerkies◗ sout en vars gemaalde peper◗ 2,5 ml (½ t) elk fyn komyn, fyn koljander, paprika en rooipeper TZATZIKI ◗ 1 komkommer◗ 500 ml (2 k) natuurlike dubbelroomjogurt◗ 1 knoffelhuisie, gerasper◗ 1-2 brandrissies, fyngekap◗ 1 takkie ment, blare afgestroop en fyngekap◗ ’n hand vol koljanderblare, fyngekap◗ sap en fyngerasperde skil van 1 suurlemoen◗ ’n knippie komyn VIR VOORSIT ◗ ekstra brandrissie (opsioneel)◗ komkommerstokkies Voorverhit die oond tot 200 °C. Sit ’n draadrakkie op ’n bakplaat en bespuit met kossproei. Hou ’n paar kebabstokkies byderhand. 1 Geur die hoendervlerkies goed met die sout en peper. Meng die ander speserye…

Mondkanker kan aanvanklik as ’n enkelseer in die mondslymvlies ontstaan. So ’n seer verdwyn nie spontaan binne twee weke nie. Let ook op of jy letsels in die mond sien wat wit en/of rooi is. Die gevaar van mondkanker is groter by mense wat baie rook en alkohol misbruik en mense wat ouer as 50 jaar is, waarsku André. Rookprodukte veroorsaak eintlik eers dat die mondvlies verdik – wat die teenoorgestelde van ’n mondseer is, sê AP. “Eers later, namate die kankerproses vorder, ontstaan ’n breuk in die vel van die mond. Dis dikwels nie seer aan die begin nie, al is dit reeds kwaadaardig.” Hou jou mond dop vir enige sere of letsels, veral as jy in die risikogroep val, en gaan spreek so gou moontlik ’n periodontis as…

WALK WITH ME NEW HERO Dié musiekduo, wat bestaan uit Keaton Carelse (DJ Grimehouse) en Scottie Moore (hoofsanger en liedjieskrywer van die rockgroep Reburn), word met elke nuwe liedjie ál beter. Dié een bevat minder elektroniese elemente as van hul voriges, maar vervleg weer albei lede se sterkpunte, goeie vervaardiging, liedjieskryfvaardighede en sang. Heerlik vir ’n rustige somermiddag. – FRANCO HAVENGA WHY CAN’T I BE ME TANNAH Dié 19-jarige nuweling in die bedryf sing met die soort selfvertroue en stem wat haar werklik gemaklik in die musiekwêreld laat klink, al is dit nog net haar debuutliedjie. Tannah het die liedjie geskryf ter nagedagtenis aan ’n vriend wat sy eie lewe geneem het, en die rou emosies rondom dié tragiese gebeurtenis syfer gedurig deur. n Popliedjie wat maklik tuis sal klink…

NO. 2 309 NEEM SO DEEL Vul die blokraai korrek in, skryf die letters in die kleurblokke neer en gebruik dit om die antwoord op die vraag te ontrafel. SMS “HG”, gevolg deur jou antwoord, naam en dorp/stad na 36400. Net een SMS per deelnemer word toegelaat. Die SMS kos R1,50. Net mense binne SA grense kan deelneem. Die wenners sal die oorspronklike, voltooide blokraai en hul besonderhede moet verskaf. Geen werknemers of hul gesinne van Media24, Grapevine Interactive en hul reklamemaatskappye mag deelneem nie. Die sluitingsdatum is 5 Desember 2019. Kyk op huisgenoot.com vir die volledige bepalings en voorwaardes. WEN ’N WOORDEBOEK PLUS KOM IN AANMERKING VIR DIE MAANDELIKSE TREKKING VAN R1 000. VRAAG: WATTER SKERP GEREEDSKAPSTUK IS TER SPRAKE? PHAROS WOORDEBOEKE (’N DRUKNAAM VAN NB-UITGEWERS) GEE DRIE EKSEMPLARE…

VARSWATERVISSE in Suid-Afrika is presies wat die naam sê. Dit is visse wat in varswater, water met ’n soutgehalte van minder as 0,05%, voorkom. Visse is waterlewend en verskil in vorm, kleur en grootte van mekaar. Daar is ongeveer 32 500 visspesies wêreldwyd, waarvan meer as 15 000 varswaterspesies is. Van hierdie spesies word nagenoeg 215 spesies in ons land erken. INHEEMSE EN UITHEEMSE SPESIES Van die 215 spesies val 107 binne die groter inheemse varswatervissoorte. Dit is visse wat in lengte wissel van 150 mm tot 1 m en langer. Ongeveer 20% van dié groter inheemse varswatervisse kan gehengel word. Die bekendse varswatervissoorte is die tiervis, baber, geelvis, moddervis en varswaterpaling. Uitheemse varswatervisspesies kom in ons strome en damme voor. Uitheemse visse is dié wat hul oorsprong in ’n…

DIE knapie bly woelig; wanneer hy nie op die klimraam klouter nie, wil hy met ’n bonsballetjie speel. Hy sit skaars, dan spring hy weer op om êrens anders te gaan speel. Elken Mynhardt (2) is so pure peuter dat jy nie sommer agterkom sy regterbeentjie is net onder die knie geamputeer nie. Sy ligblou hempie en denimbroekie verbloem die blou prostese, en eers wanneer hy hardloop, sien jy die plastiekreg-tervoetjie is nie so beweeglik soos sy linkermaat nie. Die vriendelike seuntjie het boonop geen gebrek aan selfvertroue nie en kom met almal oor die weg. “Wanneer ons in die winkel rondloop, wil hy vir almal met ’n ‘hallo’ en glimlag groet,” sê sy ma, Sumé Potgieter (22), van Polokwane in Limpopo. Ons gesels vandag in die Nguni Grill in…