Innehållsförteckning för 21-Nov-19 från Huisgenoot

1 ‘ONS HET VIR ALMAL IN SUID-AFRIKA GEWEN’ Die Springbokkaptein, Siya Kolisi, en sy span bring die Web Ellis-trofee huis toe – en van ’n beter verjaardag kon Rassie Erasmus nie gedroom het nie Baie geluk met jou verjaardag, Rassie. Jy het darem ’n baie groot geskenk van jou spelers gekry. En ons hier by die huis het saam met julle almal partytjie gehou. ELEONOR Baie trots. Dit wys watter verskil ’n goeie afrigter, goeie bestuur en goeie leierskap maak. Dit laat ’n span as ’n eenheid speel. Welgedaan, Bokke en Rassie. WK Ek het van begin tot einde trane afgevee. Ek het so gebid julle moet wen; ons land het die bemoediging so nodig. Dankie, Bokke, en dankie, Vader. NAOMI Baie geluk, Rassie, met jou verjaardag en die groot…

IN kykNET se Suidooster word gereeld om die etenstafel gekuier of in die kastrolle geroer. Nou is die karakters se gunstelingresepte in ’n kookboek, Suidooster-kombuis, saamgevat. Hier’s ’n keur van watertandlekker geregte uit die kombuise van Ruiterbosch. MYMOENA SE TRADISIONELE FAMILIERESEP VISMASALA Vis is meestal alledaagse huiskos in ons familie, maar wanneer ons hierdie geurige vismasala maak, kan jy weet iets spesiaals wag. Elke kok maak dit op sy eie manier – ek rasper my tamatie, terwyl ander kokke verkies om tamatieskywe te braai en dit op elke stukkie gaar vis te pak. LEWER 6 PORSIES BEREIDING: 20 MIN. STAAN: 15 MIN. GAARMAAK: 15 MIN. ◗ 1 kg stewige witvis, in mootjies gesny◗ suurlemoensap◗ 25 ml (5 t) olie◗ 20 ml (4 t) gestampte koljandersaad◗ 15 ml (1 e) gestampte…

DIS die tyd van die jaar wanneer die jaareindsindroom inskop – jy is uitgeput, maar jy moet nog ’n laaste skof insit voor jy ’n welverdiende blaaskans in die Desembervakansie kan neem. Een van die eerste plekke wat wys jy’s moeg, is jou oë. Ons help jou hoe om dit weer te laat blink met dié oogsorgwenke. Ons oë beweeg gedurig, of ons nou wakker is of slaap. En omdat die vel rondom jou oë so dun is, is dit geneig om tekens van veroudering en moegheid vinniger te toon. Al kan veroudering vertraag word, is dit onvermydelik. Maar ander probleme, byvoorbeeld donker kringe en pofferigheid, kan dalk opgelos word. Jy kan van 25 jaar af oogroom begin gebruik om plooie te beperk en beheer. En as jy dit ná…

MANGELSTENE Hierdie harde klontjies ontstaan in die mangels. Dis gewoonlik tussen 1 en 2 mm in deursnee en gemaak van kalsium of swamme. Tekens sluit in 'n asem wat sleg ruik, 'n irriterende hoes, 'n slegte smaak in jou mond en die gevoel dat iets agterin jou keel vassit. 'n Operasie is dalk nodig om dit te verwyder. Verminder jou risiko deur goeie mondhigiëne toe te pas en met warm sout- watertegorrel. BLAASSTENE Stene in d ie blaas ontstaan uit minerale in die urine wat hard word wanneer die blaas nie heeltemal leeggemaak word nie. Tekens sluit in buikpyn, bloed in die urine en pyn in die penis of testikels. Blaasstene kan uit- gewerk word deur te urineer as jy heelwat water drink, maar in sommige gevalle sal laser- of…

Stuur voorstelle en versoeke na geldsake@huisgenoot.com. E-pos sal sover moontlik in die rubriek beantwoord word en nie persoonlik nie. DIE feestyd kom ál nader. Wie wil nou nie ’n bietjie stoom afblaas ná die lang jaar met al sy dinge nie? Maar ons weet almal: Die lekkertes van kerskuiers, geskenke gee en gesinsvakansies kom teen ’n prys. As jou kredietkaart in die feestyd te hard werk, wag ’n geldbabelas op jou in Januarie . . . Tog maak baie verbruikers oor en oor die fout om die nuwe jaar in te gaan met ’n groter skuldlas as wat nodig is. Vermy vanjaar dié algemene foute. 1 JY BEPLAN NIE VOORUIT NIE Impulsiewe besteding kan jou later ’n groot kopseer besorg. Beplan dus al jou uitgawes nog voor die vakansie begin.…

TERMINATOR: DARK FATE ⋆⋆⋆⋆ Waaroor gaan dit? Meer as twee dekades nadat Sarah Connor (Hamilton) die oordeelsdag afgeweer het, word ’n Terminator (Gabriel Luna) gestuur om die fabriekswerker Dani Ramos (Natalia Reyes) te vermoor. Gelukkig kom Grace (Davis) terug uit die toekoms om haar te red. Is dit die kyk werd? Danksy die terugkeer van James Cameron as vervaardiger en skrywer kry Dark Fate die reeks weer op koers. Dis knapper, pittiger en leniger as die drie opvolge waarby hy nie betrokke was nie. Soos The Terminator (1984) en Judgment Day (1991) het die fliek ’n spanningsvolle kat-en-muis-intrige. Daar is ook ruimte vir betekenisvolle interaksie tussen karakters. In Davis se Grace het die rolprent ’n boeiende heldefiguur soos Michael Biehn se Kyle Reese in die eerste fliek: ’n dapper maar…

HERA, nè. So sal Dawid haar nooit weer kan noem nie, want hier staan sy met die bewys van sy ontrouheid in haar hand: ’n kwitansie van die hotel op die dorp. Dis ’n astronomiese bedrag wat daarop aangedui word. Dit kan nie net vir ’n dubbelkamer wees nie; dit is seker vir die wittebroodsuite. Hermien hoor sy swaar voetstappe die gang af kom en druk die gewraakte stukkie papier in haar sak. “Môre,” sê die aartsverleier en soen haar in haar nek. “Môre,” sê sy stram en stroop die deursigtige rooi pitte van die granaat ál vinniger in die bakkie af. “Lekker geslaap?” vra hy en trek ’n stoel uit. Oorvriendelik. Dit moet sy skuldige gewete wees. Hy sit sy selfoon langs hom neer. Deesdae is die ding mos…

Besoek ons webtuiste, huisgenoot.com, vir ’n daaglikse horoskoop. STEENBOK 21 DES – 20 JAN Die plesiersoekende Venus beweeg in jou teken in, en dis die ideale tyd om die lewe minder ernstig op te neem en ’n bietjie pret te hê. As pligsgetroue en verantwoordelike Steenbok hoef jy nie skuldig te voel wanneer jy ’n blaaskans neem nie. Jy kan ’n konsert bywoon, tuis met ’n boek ontspan of saam met vriende uithang. Jou vriende is dalk juis dié week met opwindende aktiwiteite besig; sluit by hulle aan. GELUKKIGE NOMMERS 29, 48, 14, 52, 10, 32 WATERDRAER 21 JAN – 18 FEB Mercurius, heerser van die verstand, maak ’n draai in jou loopbaanteken. Dis ’n gunstige tyd om jou brein in te span om jou beroepslewe te bevorder, of jy…

NO. 2 310 NEEM SO DEEL Vul die blokraai korrek in, skryf die letters in die kleurblokke neer en gebruik dit om die antwoord op die vraag te ontrafel. SMS “HG”, gevolg deur jou antwoord, naam en dorp/stad na 36400. Net een SMS per deelnemer word toegelaat. Die SMS kos R1,50. Net mense binne SA grense kan deelneem. Die wenners sal die oorspronklike, voltooide blokraai en hul besonderhede moet verskaf. Geen werknemers of hul gesinne van Media24, Grapevine Interactive en hul reklamemaatskappye mag deelneem nie. Die sluitingsdatum is 12 Desember 2019. Kyk op huisgenoot.com vir die volledige bepalings en voorwaardes. WEN ’N WOORDEBOEK PLUS KOM IN AANMERKING VIR DIE MAANDELIKSE TREKKING VAN R1 000. VRAAG: WATTER SOORT VOËL IS TER SPRAKE? PHAROS WOORDEBOEKE (’N DRUKNAAM VAN NB-UITGEWERS) GEE DRIE EKSEMPLARE…

1 FOTOGRAFIE “Fotografie is net nog ’n kunsvorm waarin ek ná skool begin belangstel het, veral swart-wit fotografie. “Ek het nog baie om te leer; dis maar net iets wat ek geniet om as ’n stokperdjie te doen.” Maar hy hou nie van voor die kamera wees nie. “Ek is nie skaam vir ’n videokamera nie, maar as dit by foto’s kom, is ek baie skaam en awkward.” Toneelspel bly steeds sy gunsteling. “Dit sal altyd my grootste passie en droom wees. Elke jaar groei my belangstelling en waardering vir die kuns ál meer.” 2 AKTEURSLOOPBAAN “Ek is baie gelukkig om al so baie jare in die filmbedryf te wees, en om geseënd te wees met werk. My eerste TV-rol was in 2008 as Jacques-Rynhardt in Getroud met rugby. Dit…

DIS een van daardie nuwighede waarvan jy dalk nog nie gehoor het nie, maar waarvan jou tiener jou als kan vertel: TikTok, die app waarop jong mense van oor die hele wêreld hul kort video’s met miljoene ander deel. Danksy ’n rits funksies en filters kan gebruikers van die app hul eie kreatiewe slag met poptreffers wys – dis byna soos karaoke op jou selfoon, maar met ’n gehoor van miljoene mense. Terwyl dit vir die meeste gebruikers net vet pret is, kan dit vir sommige ook ’n aanlyn hupstoot na roem gee. Vra maar die rapper Lil Nas X, wie se treffer “Old Town Road” vanjaar op trefferparades geboer het. Die 20-jarige ster se doopnaam is eintlik Montero Lamar Hill, en as tienerseun van Georgia in Amerika het hy…

ELKE haan is koning op sy eie mishoop, lui die gesegde. Maar hier by die Jacobse van Die Moot in Pretoria is Tjortsie die hoenderhaan ook baas van die huis. En dis so al asof hy weet hy is g’n gewone geveerde nie, want daardie kenmerkende rooi kam en lel lyk deesdae ekstra windmakerig. Dié kordate Rhode Island Red, soos sy ras heet, is wat ’n mens ’n rescue kan noem. Dié dat hy vir sy mensema en -pa soos ’n kind in die huis is. Onlangs het hy boonop ’n tweede kans op die lewe gekry – ten duurste. Vir ander mense is dit dalk ondenkbaar dat iemand duisende rande sou opdok om die lewe van ’n doodgewone braaihoender te red, maar nie vir Natascha en Johan nie. Hulle…

MET sy eerste jaar op die waterkar agter die rug het die lewe weer rooskleurig begin lyk. Die opgeblase, sweterige Ben Affleck met die pofferige oë aan wie teleurgestelde aanhangers gewoond moes raak, het weer ontpop in die sexy rolprentster met die rou aantreklikheid wat hulle sedert die 1990’s laat swymel het. Die 47-jarige akteur het die afgelope ruk baie gesinstyd saam met sy kinders, Violet (13), Seraphina (10) en Samuel (7), deurgebring en weer op romantiese afsprake begin gaan nadat hy en die televisievervaardiger Lindsay Shookus (39) in April uitmekaar is. Op 26 Oktober het Ben, wat al lank openlik teen verslawing stry, in ’n Facebook- plasing geskryf hy is al ’n jaar lank op die herstelpad en gebruik Raya, ’n afspraak- app, in sy soeke na die liefde.…

Dit was terug hok toe vir die span van Huisgenoot en kykNET se nuwe fliek, Vergeet my nie, toe hulle vroeër vanjaar by die Noordwes-universiteit in Potchefstroom verfilm het. Die fliek is geïnspireer deur die ware liefdesverhaal van Mardaleen (Marguerite van Eeden) en Hugo Derks (Sean-Marco Vorster), wat hier studeer het. “Ons het by die oorspronklike Vergeet-My-Nie-koshuis en ikoniese plekke soos Lovers Lane geskiet,” vertel die regisseur, André Velts. “Ons het die styl probeer behou van hoe Mardaleen dit in die 1990’s sou ervaar het,” sê hy. “Ek moes in een toneel Potchefstroom se gewilde Gummyberry juice drink,” vertel Arno Greeff, wat die pierewaaier Braam speel. “Hulle het dié alkoholiese drankie met bosbessiesap nagemaak, maar ek moes die hele glas down elk van die 15 keer wat ons die toneel…

Gelukkiger dae vir ‘hartseer Keanu’ Dis geen geheim dat Keanu Reeves al ondraaglike pyn in sy persoonlike lewe deurgegaan het nie. Die Matrix-akteur het in 1993 sy beste vriend aan die dood afgestaan. Sy kind is in 1999 oorlede en sy lewensmaat net agt maande later. “Verdriet verander van gedaante, maar dit eindig nooit. Wanneer die mense wat jy liefhet weg is, is jy alleen,” het hy in 2006 in ’n onderhoud in die tydskrif Parade gesê. Die 55-jarige akteur het so bekend geword vir sy swaarmoedige eensaamheid dat dit ’n meme geword het. Die era van die “hartseer Keanu” is egter nou verby. Hy het vroeër vandeesmaand op ’n kunsgalageleentheid in Los Angeles saam met sy jare lange medewerker Alexandra Grant (46) opgedaag, en die twee het hande vasgehou.…

KRY DIT HIER MANGOSHOP.MANGO.COM/ZA; SUPERBALIST.COM 087-362-7300; WOOLWORTHS 0860-022-002; YDE 021-460-2500; ZARA 011-302-1500 HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

ROMANTIES Dié dekorstyl lyk tradisioneel, maar is minder formeel en stemmig; ’n sekere sjarme en ’n titsel glans vrolik die voorkoms op. Dit streel die sinne met ’n palet van gedempte kleure of pastelle, blompatrone en volop sagte meubilering, asook antieke of geverfde meubels. ETNIES Meubileer jou sitkamer met items in ’n verskeidenheid bont patrone en ryk, aardse kleure wat jou kuierplek ’n ontspanne en gesellige atmosfeer gee. KRY DIT HIER @HOME 0860-576-576, HOME.CO. ZA; BUILDERS 0860-284-533, BUILDERS.CO.ZA; CHECKERS 0800-001-0709; CORICRAFT 021-508-5200; H&M 0860-690-707; HOME ETC. 021-551-3311; MRP HOME 0800-212-535; PEP 0860-737-000; SHEET STREET 0800-212-535; SUPERBALIST.COM 0873- 627-300; THE CRAZY STORE 0861-111-281; WOOLWORTHS 0860-022-002; YUPPIECHEF.COM 0861-702- 4969 HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU…

Oefen daai arms! Koop ’n stel arm- (of been-) gewigte en maak dit aan jou gewrigte vas wanneer jy jou hare droogblaas of stryk. So doen jy sommer behoorlike armoefeninge terwyl jy jou hare mooimaak. Sit kougom in jou hare vas? Maak die kougom hard deur ’n ysblokkie daaroor te vryf – dit sal baie makliker wees om te verwyder. Draai rubberrekkies om jou naellakbottels se doppies vir ekstra vasvatplek wanneer dit te styf toegedraai is. Verf sleutels in verskeie skakerings naellak om dit uitmekaar te ken en te keer dat jy tyd mors deur elke keer die verkeerde sleutel te kies. Gebruik ’n mooi serp om ’n paar ou plakkies nuwe lewe te gee. Begin deur ’n knoop voor by die plakkie te maak en draai die materiaal om…

KORT VAN GEDAGTE My geheue is so sleg, ek kan my eie verrassingspartytjie reël. C.J. LAMBRECHTS, BLOEMFONTEIN NUWE JAS Eddie: “Waar kry daardie mooi jas?” Frik: “My vrou het my daarmee verras. Toe ek gister vroeg by die huis kom, hang die jas daar aan die kapstok. En dit was nie eens my verjaardag nie . . .” KASOEPIE PLATTELAND BO! Wat is die lekkerste daarvan om op ’n klein dorpie te bly? Wanneer jy nie weet wat jy doen nie, sal iemand anders wel weet. DENISE, PRETORIA SPOEDVRAAT ’n Spietkop keer Koos op die langpad voor. “Het jy enige idee hoe vinnig jy nou gery het?” bulder hy. “Nee, ek probeer maar net by die ander motors byhou,” stamel Koos. Die verkeersman kyk op en af in die verlate…

GROOT BLOKRAAI NO. 2 304 GROOT BLOKRAAI NO. 2 304 Antwoord: gimnas PHAROS- TWEETALIGE WOORDEBOEK A. Hanekom, Welgelegen L. Fourie, Franskraal J. Karstens, Upington FOTOBLOKRAAI NO. 2 050 Antwoord: oliebol VERKLARENDE AFRIKAANSE WOORDEBOEK S. de Lange, Secunda AFRIKAANSE WOORDELYS EN SPELREËLS J.J. Cilliers, Kimberley FOTOBLOKRAAI NO. 2 050 SEPTEMBER 2019-WENNER GROOT BLOKRAAI R1 000 KONTANT S.S. Steynberg, Haenertsburg ONS KOMPETISIEWENNERS Kry die name van al die wenners van Huisgenootkompetisies op ons webtuiste. Gaan na huisgenoot.com/wenners.…

BAIE van die vrugte wat ons eet, is tropiese vrugte soos piesangs, papajas, mango’s, pynappels, koejawels, klapper (kokosneute) en lietsjies. Ons noem dit tropiese vrugte omdat dit oorspronklik uit ’n gebied kom wat as die trope bekend is. Ons leer jou hoekom dié soort vrugte so belangrik is en waar hulle vandaan kom. DIE TROPE Tropiese vrugte word hoofsaaklik in warm, bedompige streke tussen die Kreefskeerkring (in die Noordelike Halfrond) en Steenbokskeerkring (in die Suidelike Halfrond) gekweek. Hierdie strook van die aarde beslaan die ewenaar en die aangrensende gebiede in sekere lande in Asië, Afrika, SenOns traal-Amerika, die Karibiese streek en Oseanië. Dit is dikwels moontlik om tropiese vrugte ook buite hierdie strook van die aarde te kweek omdat plaaslike omstandighede, soos die uitwerking van die see of die hitte…

Soos ander sosiale media kan TikTok deur ongure karakters en misdadigers misbruik word. As jou kind se profiel nie geslote is nie, kan enigiemand na sy of haar video’s kyk en kommentaar lewer. Dit maak dit makliker vir boelies, teisteraars en ander gevaarlike mense om met jong mense kontak te maak of onvanpaste kommentaar te lewer. TikTok het ’n minimum ouderdomsbeperking van 13 jaar. Die app vereis egter nie van voornemende gebruikers om hul ouderdom of identiteit te bevestig nie. Dis moontlik vir bekruipers en teisteraars om vals profiele of meer as een profiel te skep. Daar is ook gebruikers wat inhoud met vloekwoorde of geweld oplaai – en TikTok het nog nie ’n manier gekry om sulke inhoud van jong gebruikers weg te hou nie. TikTok het ook sy…

SOOS Rooi Rosie en Wit Rosie in die sprokie lyk hulle; soos Anna en Elsa in Frozen. Die een ’n beeldskone brunet; die ander ’n pragtige blondine. Mooier as mooi, albei van hulle – en ewe bekend. Lank voor hulle albei as aktrises naam gemaak het, was hulle al vir mekaar ’n vriendin en beskermer, ’n luisteraar, raadgewer en vertroueling. Trix en Lea Vivier is immers susters. Deesdae kry ons heelwat van die twee op die kassie te sien met Trix wat ’n tawwe tienie, Flea, in die reeks Trackers op M-Net speel, terwyl Lea se karakter, Lilani, in die tweede seisoen van die kykNETregsdrama Fynskrif vir ’n wipwarit van emosies sorg. “Dis vir my interessant hoe ’n suster gesien kan word as iemand wat soos ons is en in…

AMERIKAANSE KAASBURGERS Amerikaners is bekend as ’n nasie wat gek is oor hamburgers. Van tuisgemaak en wegneemkos tot gourmet – burgers is altyd ’n wenner. Hier’s ons burger in ware Amerikaanse styl. GENOEG VIR 4 MENSE BEREIDING: 15 MIN. VERKOEL: 1 UUR GAARMAAK: 20 MIN. VLEISKOEKIES ◗ 750 g maer beesmaalvleis◗ 1 eier◗ 60 ml (¼ k) hawermout◗ 5 ml (1 t) elk sout en peper◗ 15 ml (1 e) droë pietersielie of ’n hand vol vars pietersielie, gekap◗ 30 ml (2 e) olie◗ 4 velle kaas AFRONDING ◗ 4 burgerrolletjies, oopgesny en met botter gesmeer◗ klaarbereide mosterd◗ tamatiesous◗ 4 groot agurkies, in skywe gesny◗ 1 ui, in ringe gesny 1 Vleiskoekies Meng die maalvleis, eier, hawermout, sout en peper en pietersielie goed. Verdeel in 4 gelyke dele en vorm…

KANTOOR TOE JOU WIT BLOES IN DIE AAND JOU BAADJIE IN DIE AAND JOU ROMP IN DIE AAND KRY DIT HIER MILADYS 0800-310-290; MRP 0800-21-25-35; SUPERBALIST.COM; TRUWORTHS 021-460-2300; WOOLWORTHS 0860-022-002; ZARA 011-302-1500 HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

As jy ’n persoonlike probleem het, skryf gerus aan Liewe Elize, Posbus 1802, Kaapstad 8000 of elize@huisgenoot.com. Of SMS LIEWE ELIZE gevolg deur jou vraag na 36489. Elke SMS kos R1. MOEG VIR WOON BY SKOONOUERS V Ek en my man het altyd by my ouers gewoon, maar moes noodgedwonge by sy ouers intrek waar ook ander familielede woon. Ons het twee kinders. Daar is alewig drama, en ons kry die skuld vir alles. My skoonma is altyd aan sy suster se kant. Ons wil so graag op ons eie woon, maar het nie die geld daarvoor nie. My man doen sy bes om sy posisie te verbeter sodat ons net uit die huis kan wegkom, maar dit sal eers in volgende jaar wees. Wat kan ek doen tot dan?…

NOORMAN Deur SD FOURIE (Penguin, R189*) “Die oorlog, sy geheueverlies ná die Slag van Delvillebos en ’n onwettige huwelik met ’n ander vrou staan tussen hom en sy geliefde, Sophie. Het sy die afgelope 10 jaar vir hom gewag?” Dis 1920, ’n man vlug van ’n hartseer stuk geskiedenis en gaan vestig hom onder ’n vals naam in ’n lieflike kloof in die Strandveld, ’n kusgebied in die Wes-Kaap. Die meisietjie wat hom hier red, Lewiesa Baadjies, word die belangrikste figuur om wie sy lewe en die lieflike Noorman draai. Ons gesels met SD Fourie. Kom jy uit die Strandveld of hoe ken jy die wêreld so goed? Ek is op ’n plaas naby Stanford gebore, het in Bredasdorp se distrik grootgeword en woon al die afgelope 56 jaar op…

NO. 2 056 VRAAG WATTER DUIKTOESTEL IS TER SPRAKE? SKOMMEL DIE LETTERS IN DIE KLEURBLOKKIES OM DIE ANTWOORD TE VIND. LEES LANGSAAN NO. 2 056 HOE DIE KOMPETISIE WERK. Jy kan ’n Verklarende Afrikaanse Woordeboek of Afrikaanse Woordelys en Spelreëls van die uitgewer Pharos (pharos@pharos.co.za) wen. Vul die blokraai in en gebruik die letters in die kleurblokke om die antwoord op die vraag te ontsyfer. SMS “HG” gevolg deur jou antwoord, naam en dorp/stad na 36400. Net een SMS per deelnemer word toegelaat. Net mense binne SA se grense kan deelneem. Die SMS kos R1,50. Hou die oorspronklike, volledige blokraai met jou besonderhede as bewys. Geen posstukke word as inskrywing aanvaar nie. Geen werknemers of hul gesin van Media24, Grapevine Interactive of hul reklamemaatskappye mag deelneem nie. Die sluitingsdatum is…

DEURBRAAK Die 15-jarige Mila is veelsydig. Die Kapenaar het in 2015 ’n indie-popgroep, Skyscrapers, saam met ’n paar seuns by haar skool gestig. Die groep het twee jaar later roem verwerf met hul debuutenkelsnit, “Just Kids”. ‘Ons het in ’n paar cool konserte opgetree, saam met groepe soos Freshlyground gesing en aan televisie- en kleredragveldtogte gewerk,’ vertel Mila. SKRYFPROSES Mila skryf liedjies oor haar ervarings en wat rondom haar gebeur. ‘Ek kan op enige plek wees; in die skool, in die stort of terwyl ek op die klavier speel, dan dink ek aan ’n melodie in my kop.’ INSPIRASIE Onder haar bronne van inspirasie tel sterre soos Rihanna, Adele en Beyoncé. ‘Ek luister ook na (die Amerikaanse sangeres) Melanie Martinez en ’n taamlik alternatiewe musiekgroep, The Neighbourhood.’ BOOMERANGSTER Mila het…

OM JOU eie avokadoboom te kweek kan pret wees, en dis taamlik eenvoudig om na hulle om te sien. En al dra jou boom nie vrugte nie, kan dit ’n mooi huisplant of buiteboom wees. Ons leer jou hoe. UITPLANTING As die klimaat in jou omgewing geskik is, kan jy jou boompie buite plant, anders kan jy dit binnenshuis kweek. Gee dit 2-3 keer per week water en net as die bogrond droog is. Stap 1 Wanneer die stam 15-18 cm lank is, knip dit tot 8 cm in lengte. Stap 2 Wanneer die stam hierna weer begin blare dra en die wortels dik is, verwyder die tandestokkies en plant die plantjie buite of in ’n pot met sand en dreineringsgate. Die helfte van die pit moet bo die grond…

SAVVAS DEMETRIOU (70), HORLOSIEHERSTELLER Hierdie LEWE Gewone mense in hul eie woorde ‘DIE oudste horlosie wat ek al moes regmaak, was ’n sakhorlosie. Hy was so 45 jaar oud. Mense bring hulle horlosies na my wat hulle oupa vir hulle gegee het, hulle oorlede ma of een wat hulle geërf het. Ek werk fyn en noukeurig met elke horlosie, en dit vat my soms baie lank voordat dit weer werk. Maar wanneer daardie wyser skielik begin tik-tik-tik, dan glimlag ek. Ek maak alle tipe horlosies en klokke van alle groottes reg. Koekoekklokke is die moeilikste. Elke horlosie wat ek moet regmaak, is vir my soos ’n kind. Sommige van hulle is oud en skaars iets werd, maar dit het sentimentele waarde vir die persoon wat hom inbring. Ander is tussen…

ALMAL ken dáái blou oë. Die sprankelende vorstelike kykers is waarskynlik die koningin se herkenbaarste eienskap. Aanhangers was dus geskok toe hulle hoor Olivia Colman is gekies om die rol van die Britse monarg in die derde seisoen van Netflix se gewilde dramareeks The Crown by die aktrise Claire Foy oor te neem. Wat het hulle besiel? Die aktrise wat nou die hoofrol sal speel, lyk dan glad nie soos Elizabeth nie en het boonop donkerbruin oë. Ondanks die ooglopende verskil was Olivia (45) – wat vanjaar ’n Oscar vir haar skitterende spel as koningin Anne in die fliek The Favourite gewen het – die reeks se skepper, Peter Morgan, se eerste en enigste keuse vir die hoofrol. Baie aanhangers wou graag sien dat Claire (35) aanbly, maar Peter het…

Om van die waterkar af te val beteken nie noodwendig jy moet jou hele herstelpad weer van voor af aanpak nie. “ ’n Misstap is ’n enkele onbeplande gebruik van drank of dwelms,” volgens die Amerikaanse gesondheidsdienste-webtuiste Bradford Health. “Terugval gebeur wanneer ’n herstelplan heeltemal laat vaar word.” Jy kan dit vergelyk met iemand wat van ’n verslankingsprogram afwyk: In ’n oomblik van swakheid eet jy ’n stuk sjokoladekoek, maar die volgende dag sit jy dadelik jou dieetplan voort. Terugval is wanneer jy die program geheel en al laat vaar. “Dinge loop dalk af en toe skeef en dit kan jou moed laat verloor,” sê prof. Paul Wallace, ’n hoof- mediese beampte by Drinkaware, ’n Britse raaddiens oor alkoholgebruik. “Erken jy’t ’n glips gehad en probeer om dit nie as…