Innehållsförteckning för 19-Dec-19 från Huisgenoot

1 ‘DAAR IS NIKS WAT JY NIE KAN DOEN NIE’ Shamoné Steynvaart, wat die Hoërskool Driehoek-brugramp oorleef het, praat oor haar begeerte om ander te help en en hoe sy aanpas by die lewe in ’n rolstoel My meisie, ek dink jy is so dapper. Ons kan almal opkyk na jou. Jy lê nie op ’n hopie en kry jouself jammer nie. Hou so aan. Jy gaan dit nog ver bring in die lewe. CHRISTINE Ek ken jou oupa oom Wallie al baie jare. Baie sterkte vorentoe vir jou. Dis moeilik om te glo ’n jaar is al verby. Julle almal, jul maatjies en ouers bly in ons gebede. FRANCOIS Jy is ’n meisiekind op wie enigiemand trots kan wees. Baie sterkte vir elke liewe dag van jou lewe. Mag…

Vir jou ma Vir jou vrou Vir jou man Vir jou tienerdogter KRY DIT HIER AVÈNE (CLICKS 0860-254-257); AVON 0860-102-345; BIONIKE (DIS-CHEM 0800-201-170); BIOSENSE 011-305-1600; BRAMLEYCOSMETICS.COM 021-709-0364; CHAPSTICK (DIS-CHEM 0800-201-170); EARTHSAP 021-785-3268; ESSENCE (TAKEALOT.COM); FINO 011-487-1887; GLOV 011-447-0659; GOLD SERIES 0860-002-652; L.A. GIRL (DIS-CHEM 0800-201-170); MAVALA 021-551-7736; MORLAGE & YORKE (@HOME 0860-66-66-74); NEUTROGENA 0860-410-032; REVLON 011-971-0812; SKIN OIL FROM AFRICA (CLICKS 0860-254-257); SKIN REPUBLIC (CLICKS 0860-254-257); SKINNY TAN 021-913-3962; SKNLOGIC.COM 021-552-6999; SOIL 035-340-7008; THEBEARDEDMAN.CO.ZA; THERAVINE.CO.ZA 021-886-6623; THE SUPERFRUIT COLLECTION (DIS-CHEM 0800-201-170); VICHY 086-010-2491 HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE. WENK Hou die mens in gedagte vir wie jy die geskenk saamstel. As jou man ’n baard het, sluit meer baardsorgprodukte…

AS JY MEESTAL BLOU OMKRING HET, IS JY DIE VREDEMAKER Jy is ’n natuurlike diplomaat wat twee kante van elke storie kan sien en met ’n middeweg vorendag kom. Jy’s die een wat tydens konflik sal ingryp en harmonie herstel. Jy word as ’n wyse siel beskou en jou sibbes kom gereeld na jou toe met hul probleme. Vredemakers is dikwels middelkinders of oudstes wat saam met kibbelende jongeres grootgeword het. Jou natuurlike diplomasie beteken jy is sosiaal gemaklik en ’n spanspeler. HOE DIT JOU TERUGHOU Jy is geneig om jouself laaste te stel en jou eie behoeftes af te skeep, wat beteken jou welstand kan benadeel word. Jy kan later wrewelrig en moeg word, veral tydens konflik, en jy is geneig om angstig te voel. GOOI DIE ETIKET WEG…

I LOVE CHRISTMAS BELINDA DAVIDS Dié boorling van Port Elizabeth vermaak al jare lank gehore hier en oorsee met haar Whitney Houston-huldeblykkonserte. Die sangdiva met die goue stem het onlangs haar eerste Kersalbum uitgereik. Dit bevat 12 sielvolle snitte en Kersfeesgunstelinge soos “The Christmas Song” en “White Christmas”, wat beslis haar aanhangers in die Kersgees sal sit. – LARA ATSON CHARLIE’S ANGELS VERSKEIE KUNSTENAARS Die klankbaan van die nuwe fliek bevat snitte van verskeie vroulike popsterre en is ’n ode aan girl power. Dit bevat die treffersnit “Don’t Call Me Angel” van Ariana Grande, Miley Cyrus en Lana Del Rey. Ari-aanhangers sal in die sewende hemel wees. Die album het ook vier nuwe liedjies van die Grammy-wenner. Dis die perfekte album om saam met jou vriendinne die aand om te…

NO. 2 060 VRAAG WATTER SOORT KLEREDRAG IS TER SPRAKE? SKOMMEL DIE LETTERS IN DIE KLEURBLOKKIES OM DIE ANTWOORD TE VIND. LEES LANGSAAN HOE DIE KOMPETISIE WERK. Jy kan ’n Verklarende Afrikaanse Woordeboek of Afrikaanse Woordelys en Spelreëls van die uitgewer Pharos (pharos@pharos.co.za) wen. Vul die blokraai in en gebruik die letters in die kleurblokke om die antwoord op die vraag te ontsyfer. SMS “HG” gevolg deur jou antwoord, naam en dorp/stad na 36400. Net een SMS per deelnemer word toegelaat. Net mense binne SA se grense kan deelneem. Die SMS kos R1,50. Hou die oorspronklike, volledige blokraai met jou besonderhede as bewys. Geen posstukke word as inskrywing aanvaar nie. Geen werknemers of hul gesin van Media24, Grapevine Interactive of hul reklamemaatskappye mag deelneem nie. Die sluitingsdatum is 9 Januarie…

LUPUS Selena moes in 2017 ’n nieroorplanting kry weens die siekte lupus, waar die immuunstelsel die liggaam se eie weefsel en organe aanval. Sy is lank geboelie oor sy gewig aangesit het weens dié siekte, het sy onlangs vertel. Sy het selfs tydelik aan die sosiale media onttrek as gevolg van al die negatiewe kommentaar. NOMMER 1 Selena (27) het onlangs haar eerste no. 1-treffer op die Amerikaanse Billboard 100-trefferlys gehad met haar ballade “Lose You to Love Me”, wat deur haar eks Justin Bieber (25) geïnspireer is. Sy het in Maart verlede jaar met hom uitgemaak. COOL OUSUS Selena het onlangs haar sesjarige sussie, Gracie, na die opening van Frozen 2 in Los Angeles geneem. Die twee het die kollig gesteel toe hulle in identiese Marc Jacobs-rokke met skouermantels…

Soek 10 verskille Vind die skadu van elke prent Gemmerbrood-uitdaging Watter van die vierkante genommer 2-10 hoort nie in prent 1 nie? Watter patroon sal huis 6 vorm? Help Kersvader van die sneeustorm ontsnap Geseënde Kersfees, kinders! Hoeveel sneeuvlokkies? Kan jy tel hoeveel sneeuvlokkies daar op die prent is sonder om die prent aanmekaar te heg? Maak ’n kaart Verbind die kolle en kleur die prent dan in. Plak dit op ’n stuk gekleurde karton vas en Help Kersvader van die skryf jou Kersboodskap agterop. Aansig van bo af Kan jy die bo-aansig kry vir elke boom wat met ornamente versier is? ANTWOORDE Gemmerbrood-uitdaging 4, 5, 6, 7 en 10. Vind die skad van elke prent 1-6, 3-10, 5-12, 7-4, 9-2, 11-8. Watter patroon sal huis 6 vorm? 5. Hoeveel…

1. ROOIBOS-EN-ROOSMARYN- LAMSBOUD MET GREMOLATA-RYS Dié maklike resep sorg vir ’n lamsboud wat van die been afval. GENOEG VIR 6-8 MENSE BEREIDING: 20 MIN. GAARMAAK: 2½ UUR LAMSBOUD ◗ 2 uie, geskil en in kwarte gesny◗ 2 wortels, rofweg gesny◗ 2 lourierblare◗ 2 kg lamsboud met been en skenkel◗ 2,5 ml (½ t) elk fyn koljander en komyn◗ sout en vars gemaalde peper◗ 6 knoffelhuisies, geskil en gehalveer◗ 4 takkies roosmaryn, in kleiner stukkies gebreek◗ sap van 1 suurlemoen◗ 500 ml (2 k) sterk rooibostee + ekstra indien nodig RYS ◗ 500 ml (2 k) basmatirys◗ ’n hand vol vars pietersielie, gekap◗ gerasperde skil van 1 suurlemoen◗ 15 ml (1 e) botter of olyfolie Voorverhit die oond tot 150 °C. Hou ’n groot, diep oond- of braaibak met ’n deksel…

ENGELE BENODIGDHEDE ▪ A4-papier▪ tou▪ gompistool▪ skêr▪ houtkrale (20 mm-deursnee) STAP 1 Knip die papier oor die breedte in 2 repe, een van 15 cm en een van 8 cm. Vou albei in ’n sigsagpatroon soos ’n trekklavier. STAP 2 Vou die 15 cm-stuk in die helfte. Ryg ’n stuk tou (±30 cm) deur die middel. Plak die papierkante vas wat in die middel na mekaar wys. STAP 3 Plak die 8 cm-stuk aan die groter een met die middelpunte in lyn met mekaar. Draai die tou ook om die 8 cm-stuk en ryg die kraal deur. STAP 4 Plak die kraal aan die middel van die 8 cmstuk vas. Sprei dié stuk oop, soos vlerke. Plak die “vlerke” aan die “lyf” vas. ELWE BENODIGDHEDE ▪ vilt▪ skêr▪ tou▪ gompistool▪…

As jy ’n persoonlike probleem het, skryf gerus aan Liewe Elize, Posbus 1802, Kaapstad 8000 of elize@huisgenoot.com. Of SMS LIEWE ELIZE gevolg deur jou vraag na 36489. Elke SMS kos R1. SIEN OU VRIEND IN NUWE LIG V Ek en ’n vriend ken mekaar al van ons skooldae af. Ons studeer op verskillende plekke, maar sien mekaar in die vakansietye. Ek het nou ontdek ek is lief vir hom. Ek weet nie of daar werklik iets tussen ons kan wees nie, want ons het nog nooit veel meer as ’n verjaardagsoentjie uitgeruil nie. En daardie vonk was nog nooit daar nie. Ek het nou begin om vir hom te probeer wys ek stel in iets meer as vriendskap belang, maar ek weet nie of hy dit kliek nie. Daar is…

PLAYING WITH FIRE Komedie. Met John Cena en Judy Greer. Regisseur: Andy Fickman. O. Toe die brandweerhoof Jake Carson (Cena) en sy span brandbestryders tot drie sibbes se redding kom, besef hulle geen opleiding kon hulle op hul uitdagendste taak nóg voorberei het nie. Hulle moet tydelik kinderoppassers wees – en dit lei tot skreeusnaakse gevolge. Ook met Keegan-Michael Key. FROZEN II Animasie. Met die stemme van Idina Menzel, Kristen Bell, Josh Gad en Evan Rachel Wood. Regisseurs: Jennifer Lee en Chris Buck. OG. Drie jaar ná die gebeure in die eerste fliek van 2013 sit die sneeukoningin Elsa (Menzel) en haar suster, Anna (Bell), af vir nog ’n avontuur ver weg van die koninkryk van Arendelle. Hul vriende Kristoff, Olaf en Sven gaan natuurlik saam met hulle op hul…

ELKE HOND KRY SY DAG Deur KIMBERLIE HAMILTON (Lapa in samewerking met Scholastic Ltd, Londen, R200) Dapper honde, slim honde, beroemdes, bomsnuffelaars, ruimte- en fliekhonde, woestynoorlewendes – noem maar op, hier is bladsye en bladsye vol ware verhale van honde wat baie spesiaal was. Daar is Megan wat in haar loopbaan van sewe jaar op Gatwick-lughawe in Engeland 100 vondste gemaak het. Die spanjoel het onder meer 220 kg kokaïen uitgesnuffel wat meer as R550 miljoen werd was. In die 1993-bomontploffings in Moembai, Indië, het die labrador Zanjeer duisende mense se lewe gered deur onontplofte plofstowwe op te spoor. Titina die foksterriër het saam met haar baas, die ontdekkingsreisiger Umberto Nobile, in sy lugskip oor die Noordpool gereis. ’n Australiese beeshond, Max, was al doof en halfblind toe hy ’n…

Besoek ons webtuiste, huisgenoot.com, vir ’n daaglikse horoskoop. WATERDRAER 21 JAN – 18 FEB Die plesiersoekende Venus beweeg jou teken binne, wat dit ’n tyd maak om werk en verpligtings op die agtergrond te skuif en pret te hê. Jy kan jou dagboek met sosiale aktiwiteite vul, of jy saam met jou vriende wil kuier, eendersdenkende siele wil ontmoet of saam met kollegas op ’n uitstappie gaan. ’n Alleenreis na ’n wonderlike bestemming is dalk ’n koel idee vir ’n Waterdraer met ’n onafhanklike streep. GELUKKIGE NOMMERS 23, 47, 20, 4, 15, 50 VISSE 19 FEB – 20 MRT Dit is die ideale week om jou drome, visie en fantasieë in beroepswaagstukke te kanaliseer. Jy kan jou verbeelding laat vloei in gedigte, musiek of skilderye. Jy wil dalk jou kunssinnige…

NO. 2 314 NEEM SO DEEL Vul die blokraai korrek in, skryf die letters in die kleurblokke neer en gebruik dit om die antwoord op die vraag te ontrafel. SMS “HG”, gevolg deur jou antwoord, naam en dorp/stad na 36400. Net een SMS per deelnemer word toegelaat. Die SMS kos R1,50. Net mense binne SA grense kan deelneem. Die wenners sal die oorspronklike, voltooide blokraai en hul besonderhede moet verskaf. Geen werknemers of hul gesinne van Media24, Grapevine Interactive en hul reklamemaatskappye mag deelneem nie. Die sluitingsdatum is 9 Januarie 2020. Kyk op huisgenoot.com vir die volledige bepalings en voorwaardes. WEN ’N WOORDEBOEK PLUS KOM IN AANMERKING VIR DIE MAANDELIKSE TREKKING VAN R1 000. VRAAG: WATTER SOORT STERK BEGEERTE IS TER SPRAKE? PHAROS WOORDEBOEKE (’N DRUKNAAM VAN NB-UITGEWERS) GEE DRIE…

TRAGIESE BEGIN In 2012 was Cantona (toe 13) se lewe in stukke toe hy op ’n grusame toneel in sy ma se huis in Randfontein, Johannesburg, afgekom het. Sy stiefpa, Victor Adriaanse, het sy ma, Althea (32), en halfboetie en -sussie, Cruise (3) en McKenzie (5), geskiet en toe die geweer op homself gerig. Sy stiefpa het twee dae later gesterf. Twee weke ná die tragedie is sy ma ook dood. Dié hartseer hoofstuk in sy lewe het die gr. 8-leerder aan die Hoërskool Randfontein aangevuur om uiting aan sy emosies te gee deur ’n monoloog, “I Should Have Left”, waarin hy sy ma aan die woord stel en beskryf hoe sy aangerand en geskiet word. Cantona (nou 21) het vir dié monoloog die een skoleprys ná die ander gewen…

NADAT Huisgenoot kinders genooi het om ’n Kers-illustrasie van Josef en Maria uit Die Bybel: Stories vir kinders in die aanloop tot die feestyd in te kleur en vir ons te stuur, het die kleurryke en kreatiewe kunswerke van dwarsoor Suid-Afrika ingestroom. Dit was moeilik om tussen die talle pragtige inkleurprente net ’n paar te kies, en ons sou graag soveel meer wou publiseer. Kort voor die Kerstyd plaas ons vandeesweek van die mooiste prentjies wat ons van Huisgenoot se jong lesertjies ontvang het. DIE PERFEKTE KERSGESKENK Wees op die uitkyk na Die Bybel: Stories vir kinders by jou naaste supermark, bestel by huisgenootwinkel.com ’n eksemplaar of stuur ’n e-pos na koop@huisgenoot.com. Die glanstydskrif bevat 30 stories uit die Bybel in toeganklike, kindervriendelike Afrikaans en pragtige, spesiale illustrasies wat die kleingoed sal…

DEUR die donker onweerswolke sien jy dit plek-plek: die geflits van weerlig ver op die horison – die boodskap dat ’n reënbui hom nou enige oomblik saam met die sowat 100 genooides gaan aanmeld. Maar die druppels bly eers weg van die wit markiestent hier langs die laning diepgroen pekanneutbome waar die bruilofsgaste in afwagting sit en gesels. En dan skielik, so asof die onwelkome gas homself verskoon, verdwyn die donker wolke – en weer hang die son hoog in die lug. Dit mág maar op hul groot dag reën, het die sanger Joe Foster (37) vroeër geterg. Solank daardie ring net eers aan sy vinger gesteek is … En sy wens het waar geword. Want toe die gedruis onderbreek word deur die fluweelstem van Tracy Chapman, is g’n wolkie…

Kerry Washington (42) “Save the Last Dance was my tweede fliek, en ons is daagliks betaal. Ek kon nie glo iemand gee vir my kontant nie, en ek het dit so lank as wat die verfilming geduur het onder my matras weggesteek,” vertel sy. “Ek was op ’n streng begroting en teen die einde het ek al die geld van dié drie maande gebruik en my eerste skootrekenaar gekoop.” Jennifer Lopez (50) “Ek het ’n motor gekoop – ’n Mercedes,” vertel die ster van Hustler, hoewel die eerste groot kopie ’n bittersoet affêre was. “Ek het in dieselfde week die kontrak vir die motor onderteken en met my kêrel uitgemaak. Ons was by die motorhandelaar en ek het gehuil.” Nicole Kidman (52) “Ek het vir my ma en pa ’n…

Charlize Theron as Megyn Kelly Bombshell sal eers in 2020 in teaters uitgereik word, maar ’n ophef word reeds oor Charlize se dramatiese gedaantewisseling gemaak. Om die voormalige nuusaanbieder Megyn Kelly te speel, het die 44-jarige aktrise ’n volle agt prosteses aan haar gesig gedra. “Selfs my ooglede was heeltemal bedek.” Taron Egerton as Elton John “Hulle het my hare gekleur, uitgedun en my haarlyn geskeer,” sê Taron (30) van sy grimeerspan se pogings om die musiekikoon se halfmaanbles te skep vir Rocketman. “Ek het dit nie geniet dat my voorkop elke dag geskeer word nie; ek was bekommerd dit sou nie weer teruggroei nie. Maar dit het goed uitgewerk.” Russell Crowe as Roger Ailes Om sy rol as die gevalle TV-baas in die reeks The Loudest Voice in the…

VIR MA WENK Raak feestelik met helder kleure van kop tot tone. Maar rond ’n baldadige bont uitrusting af met skoene in ’n neutrale kleur soos wit. VIR PA WENK As jy netjies wil lyk, maar terselfdertyd koel en gemaklik wil voel, dra ’n stylvolle knoophemp met kort moue by ’n langbroek. VIR ’N TIENERMEISIE WENK ’n Kort rokkie in ’n parmantige styl en ’n vrolike kleur is ’n wenner. Rond dit af met skoene in ’n passende skakering. VIR ’N TIENERSEUN WENK ’n Vrolike patroonhemp by jeans of ’n chino is net die regte voorkoms vir ’n affêre wat effens formeler as ’n gewone kuier is. VIR ’N JONG MEISIE WENK Laat jou kleinding haar prinsesdrome uitleef in ’n fraai partyjierok, ’n blomkroon en die deftigste blinkerhandsak. VIR ’N…

Stuur voorstelle en versoeke na geldsake@huisgenoot.com. E-pos sal sover moontlik in die rubriek beantwoord word en nie persoonlik nie. OF JY net jou deur sluit en see, bosveld of plaas toe ry en of jy jou woonstel aan ander vakansiegangers verhuur terwyl jy met vakansie gaan – die nuwe jaar kan sleg begin as jy skade aan jou eiendom ly en jou versekering nie in orde was nie. Baie mense maak die fout om nie te kyk of hul bestaande dekking voldoende is vir alle moontlike scenario’s nie. Gelukkig kan jou versekering met een oproep dadelik aangepas word – ongeag waar jy jou bevind. Hier is nuttige doenlysies waarmee jy kan verseker jou huisinhoud soos meubels en elektroniese toestelle is behoorlik gedek. En natuurlik ook dat jou geboudekking – wat…

DRAMA IN RUITERBOSCH 7de Laan-kykers was vroeër vanjaar verpletter toe die aktrise Annelisa Weiland aankondig dat sy ná 19 jaar haar rol as die gewilde Hilda groet en Kaap toe trek. Gelukkig was dit nie die laaste sien van dié veteraan op die kassie nie. Sy speel tans Kate de Vos, die ma van die aptekersassistent Michelle Gerber (Greta Pietersen), in die sepie Suidooster. “Kate is gesofistikeerd. Sy was die grootste deel van haar lewe ’n huisvrou vir haar en haar man (Richard van der Westhuizen) se drie kinders,” vertel Annelisa oor haar karakter. Maar ná haar debuut in Ruiterbosch in November was dit gou duidelik dat als nie pluis is nie – al het sy ’n gelukkige front probeer voorhou en die trotse ouma probeer speel vir haar nuwe…

BOK VIR SPORTS Die prettige nuwe musiekvideo vir “Langpad alleen pad”, Elvis se liedjie saam met Snotkop, is onlangs uitgereik en het aanhangers van albei kunstenaars gaande. In die musiekvideo verskyn Elvis as Snotkop, en andersom. “Die idee om mekaar in die video te speel het gekom omdat ek geen idee gehad het wat anders om te doen nie; my en Snotkop se musiek verskil baie,” vertel die 39-jarige sanger. “Toe dink ek, kyk, as ons dit nie pret gaan maak nie, gaan dit baie eienaardig wees vir die mense,” vertel hy. Elvis lag lekker oor die deel waar hy Snotkop in volle Elvis-gewaad moes abba en die twee die aarde hard getref het. “Ek is nie meer so sterk soos ek in my 20’s was nie, het ek en…

MAKLIKE DIEET Ek het ’n wonderlike nuwe dieetplan. Ek bak gereeld kolwyntjies en gee hulle vir al my vriendinne. Hoe vetter hulle dan word, hoe maerder lyk ek. L. SAAYMAN, SABIE SOETE AFSKEID “Pietie,” vra die onderwyser, “trek jou ouers regtig Kaap toe of sê jy net so om my bly te maak?” M.J. BARTLETT, VREDE HEEL TOEVALLIG Die enigste ding wat ek en my man gemeen het, is dat ons op dieselfde dag getroud is. WOLLIE, PRETORIA IN DIE PEKEL Vannermerwe: “My vrou is al weer die josie in vir my.” Piet: “Nou hoe so?” Vannermerwe: “Sy het my in die kroeg by die stasie kom soek. En toe vra ek haar telefoonnommer.” LEON KRUGER SPRAAKSAAM ’n Vrou is iemand wat ure lank kan praat … oor dinge wat…

Hierdie LEWE Gewone mense in hul eie woorde AT DE NECKER (82), STOOMDRYWER ‘WANNEER alles tot’n einde kom, isdie mens mosmaar geneig omnostalgies te raaken oor jou pad terugte dink. In mygeval … dalk eerder’n geval van jou ysterspore. Ek is nou 82. Toe ek in September vir die laaste keer stoom gedryf het vir die Reefsteamers-groep hier in Germiston, was ek die oudste aktiewe stoomdrywer in die land. Sien, ek het mos eintlik nog altyd ’n ding vir stoom gehad. Dit was so van kinds af toe ek hier in Brakpan in die middel-1940’s grootgeword het. Daar was geen spesifieke rede daarvoor nie; dit het net gebeur. Smiddae ná skool het ek gereeld na die stasie geloop om te kyk hoe die treine inkom of in die werf rangeer.…

Agter die skerms Met die beeldskone sandduine as agtergrond en ’n liefdesverhaal wat die hart vermurwe, is dele van Huisgenoot, kykNET en The Film Factory se tweede rolprent, Vergeet my nie, in Julie vanjaar in Namibië verfilm. Die fliek is gegrond op die ware liefdesverhaal van Mardaleen en Hugo Derks wat in Gobabis, Namibië, woon. “Ons was ’n bietjie op ons senuwees om Hugo en Mardaleen aanvanklik te ontmoet, want ons het nie geweet hoe hulle oor ons en die fliek gaan voel nie,” vertel die Vaselinetjiester Marguerite van Eeden, wat die rol van Mardaleen vertolk. Maar die senuwees het gekwyn namate die akteurs saam met die Derkse gekuier het. “Ons kon die liefde tussen hulle sien,” sê die akteur Sean-Marco Vorster, wat Hugo speel. “Dit het ons net meer…