Innehållsförteckning för 26-Dec-19 från Huisgenoot

SOOS elke vorige jaar is die yslike Kersboom vroeg Desember al in die plaashuis langs die Vaalrivier staangemaak en met ’n groot ster van Betlehem gekroon. Hoe nader aan die feestyd, hoe hoër het die stapel geskenke aan die voet van die boom gegroei. Op Oukersaand sal die familie, soos dit hul tradisie is, eers ’n kerkdiens in Vanderbijlpark bywoon voor hulle die geskenke uitdeel en oopmaak. Op Kersdag sal almal vir die Kersmaaltyd aansit. Maar vanjaar se Kersfees sal ’n hartseer geleentheid wees. Want een naam sal nie uitgeroep word wanneer die geskenke uitgedeel word nie en een plek aan die Kerstafel sal leeg wees. Terwyl haar familie op Kersdag pynlik bewus sal wees van haar afwesigheid tydens die vierings, sal die laerskoolonderwyseres Tharina Human, die beweerde “baasbrein” agter…

DIS een van die feestyd se grootste vreugdes: Ná nog ’n dol jaar kan jy tot rus kom, behoorlik tyd maak vir jou vriende en geliefdes en aandag gee aan jou verhoudings. In dié tyd kan jy ook jou verbintenisse met ander in heroënskou neem: Is dit nog gesond; gee jy genoeg aandag daaraan; koester jy dit genoeg? Betekenisvolle bande met die mense naby aan jou is immers nie ’n “opsionele ekstra” nie, sê Wilma Calvert, ’n berader by die Family Life Centre in Westbury, Johannesburg. “Om tyd te maak vir vriende en familie is ’n lewensnoodsaaklike deel daarvan om vir jouself te sorg.” Gebruik die feestyd om jou verhoudings met ander te verdiep – en om te sorg dat jy in die nuwe jaar reg is om gesonde verhoudings…

Onthou om gereeld sonbrandroom aan te wend, maar tref ook voorsorg ingeval die son jou steeds piets. Produkte met aalwyn werk uitstekend om sonbrand of ’n geïrriteerde vel te streel. Beplan vooruit wanneer jy strand toe gaan deur vooraf aalwynaftreksel en water in ’n ysblokkiehouer te giet, te vries en aan jou vel aan te wend wanneer jy by die huis kom. Of hou ’n houer met strelende room of jel wat aalwyn bevat in jou koelboks om by die strand te gebruik. Jy kan ook appelasyn met water in ’n spuitbottel meng – dis ’n uitstekende spuitmiddel vir vel wat deur die fel son gebrand is. Draai jou stuurwiel onderstebo tot dit sluit wanneer jy by die strand parkeer. Die son sal die onderkant van die wiel laat warm…

1 Karen boer tans op die silwerdoek. Die Skotse aktrise (32) maak haar terugkeer as die avatar Ruby Roundhouse in Jumanji: The Next Level en verskaf ook die stem van Eyes in die nuwe Disney-animasiefliek Spies in Disguise, wat op Kersdag begin. 2 Sy was versot op die oorspronklike Jumanji-fliek van 1995 met Robin Williams. In 2017 se Jumanji: Welcome to the Jungle was haar skrapse klere omstrede, maar volgens Karen wou hulle net spot met die 1990’s se videospeletjies waarin al die vroue soos Lara Croft aangetrek was. 3 Dié boorling van die Skotse stad Inverness het al op 10 begin dink aan aktrise word. Tuis het sy gruwelflieks op ’n videokamera verfilm – in een het sy selfs haar pa vermoor! Dis juis haar pa, Raymond, en ma,…

KODERAAI NO. 413 Vandeesweek se leidraad is die naam van ’n uitgetrede Suid-Afrikaanse rugbyspeler. Sy van is Mtawarira, maar jy moet sy naam in die grys blokkies onder die foto invul. As jy ’n “a” ingevul het in die blokkie wat 3 gemerk is, sal al die 3’s in die raaisel a’s wees. Gebruik dié kode om die res van die raaisel te ontsyfer. KOPKRAPPER DWARS 1 Aangeklam (8)5 Verneuk (6)9 Wegstoot (8)10 Stroom lig (6)11 Tafelsilwer (8)12 Omvang (6)14 Met dieselfde klank begin (10)18 Wanvoorstelling (5,5)22 Russiese munt (6)23 Tot stand bring (8)24 ’n Geteem (6)25 25 Desember (8)26 Kano-ryer (6)27 Hemde, broeke, rokke, ens. (8) AF 1 Opdrag gee (6)2 Gesteentelae (6)3 In die buiteland (6)4 Afstel (10)6 Reseptemaat (sowat 15 ml) (8)7 15 minute (8)8 Gemene mens…

Feestydwoordraaisel Die woorde in die lysie onder is horisontaal, vertikaal of skuins en vorentoe of agtertoe in die rooster versteek. Vind en omkring hulle. Vind 10 verskille Vind Kersvader se speelgoed Watter prentjie het geen skaduwee nie? WENK Vind eers dié wat by mekaar pas. Vind twee identiese prentjies Verbind die kolle 3-in-1- legkaart 1 Vind sewe verskille tussen die spieëlbeeldprentjies 1 en 2. 2 Watter stuk pas nie in prentjie 1 nie? 3 Watter stuk pas nie in prentjie 2 nie? Feestydsudoku Vul die leë ruimtes in deur dieselfde prentjies as die stel (1 tot 5) te gebruik. Elke ry en kolom moet een van elke prentjie bevat. Op julle merke, gereed … en trek! Volg die toue om uit te pluis wie teen wie toutrek. Vind al die…

Hierdie LEWE Gewone mense in hul eie woorde LIZETTE CROUCH (43), KASSIERE EN TOESIGHOUER ‘EK WERK nou al 18 jaar vir Pick n Pay. Ek het begin deur sakkies te pak. Dié tyd van die jaar raak dit mal hier. Die winkel raak besig oor die Kerstyd, en almal wat hier kom inkopies doen, lyk so gelukkig en opgewonde. Dis ’n plesier om met Kerstyd al die opgewonde gesiggies in die winkel te sien. Ons almal kry die Kersgevoel as die winkel opgedoen word met die Krismis trimmings en -bome. My Krismiskos is gelukkig al gekoop. Ek is van jongs af geleer om altyd ’n maand vooruit te koop. Al wat ek nou nog moet kry, is die Krismisvleise: die boud, soutvleis, tong, gammon en natuurlik die sticky hoendervlerkies. Dit…

Van die tyd wat kinders gebore word, is dit belangrik om hulle te stimuleer sodat dit hul ontwikkelingsprosesse kan versterk. In die verlede is babas in hul bedjies of stootwaentjies gelos en min of meer geïgnoreer totdat hulle ’n interessante ouderdom bereik het, sover dit die ouers betref het. Dinge het oor die jare drasties verander en dit is ’n aanvaarde feit dat die eerste twee jaar van ’n kind se lewe die tyd is waarin hulle meer leer as wat hulle ooit weer sal leer. Afhangende van die soort interaksie wat ’n mens met ’n baba het, kan baie gedoen word om kreatiewe denke in later jare te bevorder. Dis bekend dat kleur en tekstuur die sintuie stimuleer, en helderkleurige speelgoed en bewertjies by bababedjies en stootwaentjies is ’n…

DIS al haar tweede Kersfees sonder haar enigste kind; die tweede Kersdag wat Mercia Bylsma nie saam met haar seun kan deurbring nie. In vroeër, gelukkiger jare was ma en seun altyd in die feestyd saam langs die viswaters op ’n plaas in Noordwes, of by haar ouers se strandhuis op Gouritsmond in die Wes-Kaap. Maar vanjaar sal haar seun, Xander (20), Kersdag in die Rooigrond-gevangenis buite Mahikeng in Noordwes slyt terwyl die verhoor voortduur waarin hy aangekla word van die dubbele moord op sy eksmeisie Sharnelle Hough (17) en haar boesemvriendin, Marna Engelbrecht (16). Mercia weet dié Kersfees – Xander se tweede agter tralies – sal vir hom net ’n gewone dag tussen vier mure wees. Sy mag nie daar vir haar seun gaan kuier nie, want Kersdag val…

DIT was ’n jaar vol drama en skandale, humor en nuwe hoop. Met hoeveel aandag het jy die gebeure in die nuus gevolg? Voltooi ons vasvra, en kyk of jy deurgaans goed opgelet het. 1 Wat was Wynand Janssen, die eenbeenman in die opspraakwekkende “Hugo, bel die polisie”-video, aan die skilder toe hy die rumoer voor sy huis in Pretoria-Noord hoor? A Meerkatte B Renosters C Flaminke 2 Die Bishopsonderwyseres Fiona Viotti het by dié spogskool bedank nadat sy na bewering ’n seksuele verhouding met ’n leerder gehad het. Watter buitemuurse aktiwiteit het sy by dié skool afgerig? A Drama B Waterpolo C Hokkie 3 Wat is die verhoognaam van die Oos- Kaapse rapper wie se oorwurm vra: Dames, sê my wat jou naam is? A Early B B Adrianus…

Zozibini se styl 1 Beskryf vir ons jou styl. Moeiteloos, nie gedwonge nie. Nooitopsigtelik nie, altyd eenvoudig en skoon. 2 Wat is joustaatmaker-uitrusting? ’n Pragtige, vloeiende rok. 3 Het jy enige stylkunsies? ’n Helder lipstiffie en sonbril is alwat jy op ’n lui dag nodig het. 4 Jou beste stylwenk? Jy sal nie ’n fout maak met blou jeans en ’n wit hemp nie. KRY DIT HIER ACKERMANS 0860-900-100; EDGARS 0800-203-925; FOSCHINI 0860-104-764; H&M 021-826-7300; MRP 0800-21-25-35; WOOLWORTHS 0860-022-002; ZARA 011-302-1500 HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

‘LEES vir my nog ’n storie, Mamma!” Corlea sit die boek neer waaruit sy sopas klaar gelees het en tel nog een op van die stapeltjie langs die bed wat sy vir die vakansie ingepak het. Sy begin met die volgende storie. “Eendag was daar ’n ongelukkige varkie …” “ ’n Varkie!” roep klein Karlatjie opgewonde uit. “Hoekom was hy ongelukkig? Het hy ook sy werk verloor soos Pappa?” Karla se hele gesiggie val sommer terwyl sy haar klaar in die storie inleef. ’n Oomblik lank kyk Corlea moedeloos oor haar skouer. In die sitkamer is haar man teen die flikkerende liggies van die Kersboom gesilhoeëtteer. “Nee, Karla. Varkies kan nie hul werk verloor nie. Varkies werk nie soos mense nie.” Dit neem haar ’n volle driekwartier, en nog twee…

ONS is drie mans op die rand van ’n veld in Pennsilvanië, reg om te gaan draf. Dis ’n warm middag, die sprinkane gons lustig, en die landskap is welig en mooi met steil bulte, klipperige paadjies en groot, oop weivelde. Al moontlike komplikasie wat dié uitstappie kan oplewer, is dat ons elkeen aan ’n donkie gaan vasklou. “Wanneer jy met ’n donkie wegspring, is dit dadelik soos om van nul tot 60 te gaan,” sê Christopher McDougall (57), ’n skrywer, bekende hardloopkenner en soms ook donkiedrawwer wat ons eks- pedisie lei. Hy is lank, lenig en hemploos, en die geel bandana om sy kaalgeskeerde kop laat hom nogal soos ’n sjamaan lyk. Hy hou die halter vas van ’n groot, baldadige dier van die spesie Equus asinus genaamd Flower.…

DIE feestydgaste het vroeg opgedaag. Hulle is in vrolike Kersdrag uitgevat en wag tjoepstil in die koelte van ’n witstinkhoutboom. Al wat hul afwagting verklap, is ’n stert of oor wat af en toe in die somerhitte roer. Daar is Nougat, die golden retriever, met sy helder Kersdas wat amper dieselfde rooi is as sy tong. En Dusty, van onsekere oorsprong, lyk windmakerig met sy Kershoedjie op. Die honde wag geduldig aan die voete van hul eienaars. Luke, ’n steekhaarbrak, spits eerste sy ore. Sy stert begin vinniger swaai. Dan sien ons die rede vir sy opgewondenheid: ’n Man word in ’n rolstoel nader gestoot. ’n Entjie weg word die man deur die verpleegster op sy voete gehelp en moet hy sy stoel self verder stoot. Dis deel van sy…

In hierdie les sal ons ’n laatmiddagtoneel skilder met die son se strale wat deur die takke van ’n boom skyn. Waterverf gaan alles daaroor om dun lae op te bou, die een ná die ander. Dit is baie belangrik om nie te gou te donker te verf nie, maar eerder effens donkerder tone een op ’n slag by te voeg. Ek sal jou my benadering wys. Ek gaan nie elke kleur noem wat ek gebruik nie, maar daardie kreatiewe besluit in jou hande laat. Waterverfskilderye kan skrikwekkend wees omdat mense glo sodra jy ’n fout begaan het, kan jy dit nie regmaak nie. Maar ek het gevind dit is moontlik om ’n fout te “lig” deur die deel versigtig nat te maak en dit onmiddellik droog te maak. Dit…

Ek het die voorreg gehad om deel te wees van ’n opleidingsessie by Timbuktu by die Victoria Yards in Johannesburg. Die Timbuktuvenue is waar ’n klompie kinders ontvlugting vind van die swaarkry van die lewe en waar hulle die vryheid het om te leer en in ’n veilige sone te speel. My deel op die 3de Oktober was om hulle te wys hoe om STAEDTLER FIMO-klei te gebruik. Onderrig kan ’n baie lonende aktiwiteit wees. Die kinders was baie gretig om te begin, en om hul samewerking te kry was maklik. Die oomblik dat ons hulle gevra het om nader te kom en aandag te gee, het hulle op hulle plekke gaan sit en was die ene oë en ore. Ek het elke stap aan hulle verduidelik. Ná die demonstrasie…

MONACO is op 19 November omskep in ’n see van rooi en wit. Mense het in hordes bymekaargekom om hul nasionale dag, wat ook as La Fête du Prince (Die Prins se Fees) bekendstaan, te vier en hulde aan die prinslike familie te bring. Prinses Charlene was die middelpunt van die feesvierings – met Albert en die tweeling aan haar sy. MILITÊRE PARADE Die dag het begin met ’n militêre vertoning waaraan troepe van Monaco en Amerika deelgeneem het. Prins Albert het sy militêre regalia gedra vir dié geleentheid saam met Charlene – beeldskoon in ’n wit pak deur die Switserse modehuis Akris – en sy twee susters, prinses Caroline en prinses Stéphanie. KERKDIENS Die familie het later die oggend die tradisionele Te Deum-diens in die Monaco-katedraal bygewoon. Marie Chevallier…

HULLE is die kinders wat nie die luukse ken van die jongste speelgoed en digitale nuutjies of selfs ’n Kersboom in die huis nie. Hulle is gebore tydens ’n versengende droogte wat in party streke al tot sewe jaar voortduur. Hul vroegste herinnerings aan Kersgeskenke is ’n fraai toegedraaide boksie vol lekkergoed, of een met mooi klippies daarin wat Pa vir hulle op die plaas opgetel het. Terwyl mense landwyd Kersfees met swaargelaaide kostafels en ’n magdom geskenke onder die Kersboom vier, is daar op plase in die wurggreep van die droogte weinig om dit ’n vreugdevolle tyd te maak – behalwe natuurlik hoop, geloof en liefde. “Ons het drie jaar laas ’n Kersboom gehad,” vertel Hester Maasdorp (64) van die plaas Zuurwater in die Aggeneysdistrik van die Noord-Kaap, waar…

Ouskoolse glans Vir ’n klassieke, sjiek voorkoms kan jy nie ’n fout maak met gevleuelde oogomlyner en rooi lippe nie. LYK OOK SO OË Gebruik ’n spiraalborsel om jou wenkbroue netjies te kam. As jy vol wenkbroue het, gebruik ’n wenkbroujel. Of gebruik ’n wenkbroupotlood of -stelletjie as jy jou wenkbroue wil inkleur. Wend bleek of beige oogskadu oor jou ooglid aan. Gebruik ’n swart vloeibare omlyner en teken op die ooglid ’n lyn wat by die buitehoek uitvlerk. Jy kan dieselfde omlyner aan jou onderste wimperlyn gebruik, maar dit is dalk makliker om ’n kohl-omlyner in te span. Wend strookwimpers aan en knap jou boonste oogomlyner op, indien nodig. Rond af met twee lae maskara. WANGE Jou lippe is die ster van die vertoning. Hou dus jou wange kaal…

KAREEDOUW se mense is gek oor hierdie tyd van die jaar. Enigeen wat ekstra Kersversierings het, hang dit oral in bome op hul sypaadjies op. En mense met winkels in die hoofstraat van die dorp versier Riebeeckstraat se pale in allerhande kleure. Dis die eerste ding wat Simoné Klopper raaksien toe sy op 20 Desember vinnig op die dorp stilhou om ’n paar goedjies te koop. Ek het die plek gemis, dink sy met ’n glimlag. Net die plek, nie sekere mense soos Herman de Villiers nie, voeg haar gedagtes steeks by. “Nou toe nou, is dit nie ons Simonétjie nie?” skree ’n ou vrou opgewonde van die oorkant van die gang af in die Janomisentrum. “Mense, en het jy nie mooi uitgesit op al die regte plekke nie?” Tannie…

TREFFERSNIT OLD TOWN ROAD – LIL NAS X EN BILLY RAY CYRUS Die 20-jarige Amerikaanse rapper het vanjaar op die musiektoneel verskyn en die trefferlyste behoorlik oorgeneem. Sy liedjie “Old Town Road” saam met Billy Ray Cyrus was een van die jaar se grootste wegholtreffers. Dit het die rekord verbeter vir die liedjie wat die langste boaan die Amerikaanse Billboard Hot 100-trefferlys was: ’n volle 19 weke. En dis vir drie Grammys benoem. TREFFERSNIT DAMES – BIGGY Wie ken nie die lirieke Dames, sê my wat jou naam is, my naam is Adrianus nie? Die Afrikaanse rapper (23) van Port Elizabeth geniet sterstatus danksy sy rapliedjie met die aansteeklike ritme en lirieke. TV-REEKS STRANGER THINGS Die derde seisoen van Netflix se tienerreeks Stranger Things het ons vermaak en laat skrik.…

WAT dryf doodgewone mense om bisarre uitdagings aan te pak en vreemde rekords te probeer opstel? Hoekom sal enigiemand wil kyk hoe vinnig hulle dakteëls met hul kaal hande kan breek, hoe ver hulle ’n pyl met hul voet kan skiet of hoe vinnig hulle met ’n wendyhuis kan jaag? In dié uittreksel uit die nuwe uitgawe van Guinness World Records vertel ’n paar wêreldrekordhouers hoe hul brandende begeerte ontstaan het en hoe hulle met hul manewales die rekord opgestel het. RONDOMTALIE GETTI KEHAYOVA (42), LAS VEGAS, NEVADA REKORD Die grootste hoelahoepel deur ’n vrou in die rondte gedraai – met ’n deursnee van 5,188 m. Die rekord is in November 2018 opgestel. “Ek het in die sirkus grootgeword. Ek kom van Bulgarye en my hele gesin was verhoogkunstenaars. Saam…

In hierdie tutoriaal skep ons ’n unieke, eiesoortige hangertjie. Eerstens het ons ’n konsepskets nodig. Hier kan jy behoorlik jou verbeelding inspan. Ek maak gewoonlik tussen drie en vyf konsepsketse voordat ek my keuse maak. Ek finaliseer my skets in ’n vektorprogram en druk dit uit om te kyk of ek tevrede daarmee is. Kom ons begin om die hangertjie te skep. Jy kan jou ontwerp aanpas en verander om dit jou eie te maak. Wat jy nodig het: STAP 1 Stap 1 Sodra jy tevrede is met jou ontwerp, druk ’n paar kopieë van die bladsy met die ontwerp daarop uit. Ons sal stensils van die verskeie kopieë maak. Ek maak meer kopieë as wat ek nodig het net ingeval ek ’n fout maak waneer ek my stensil uitsny.…

Laat my toe om te begin met ʼn kort inleiding om my skryfwerk te kontekstualiseer. Ek is ’n voltydse karate-instrukteur met 35 jaar ondervinding en die algemene bestuurder van die SA Japan Karate Association (JKA). Dis ’n voorreg om ’n lewe van my passie te kan maak. Behalwe vir ’n graad in B.Com. (Sportbestuur) het ek ook ’n nagraadse diploma in hoër onderwys. Ek was nege jaar lank ’n onderwyser en bestuur al vir amper 20 jaar my eie karateskool (dojo). Soos met enigiets in die lewe moet ’n mens jou huiswerk doen wanneer jy ’n dojo kies. Maak seker die dojo is met ’n bekende nasionale en internasionale vereniging geaffilieer en doen moeite om te gaan kyk hoe die instrukteur ’n les aanbied voordat jy inskryf. Nie almal is…

Die kinders se gesigte het van trots gestraal toe hulle die reaksie op hul kunswerke sien: Mense het ingestroom om na hul handewerk te kom kyk, vrae te vra en van die kleurryke skeppings te koop wat hulle op die Ndebele-kombers voor hul leersentrum uitgestal het. Die eerste Sondag van die maand is markdag by Victoria Yards, die nuwe stedelike ontwikkeling oos van Johannesburg se middestad. Dit is die een dag van die maand wanneer mense van die noorde na dié deel van die stad reis om ’n dag van kuns en kultuur, organiese kos en vermaak te geniet. Dit was die eerste keer dat die kinders van die leersentrum hier, Timbuktu in the Valley, ’n fondsinsameling vir hul skool gehou het met versierings wat hulle met hul eie hande…