Innehållsförteckning för 9-Jan-20 från Huisgenoot

1 ‘EK IS DRIE JAAR SONDER ALKOHOL’ 2019 was ’n moeilike jaar, sê die radio- en TV-aanbieder Rozanne McKenzie, maar sy gaan die nuwe jaar binne met ’n besonderse persoonlike mylpaal Rozanne, ek is so bly wanneer ek hoor iemand is van alkohol verlos. Mense besef nie hoe die drankduiwel hul lewe steel nie. Jy raak so verstrengel, jy kan nie loskom nie. SUSAN Dis pragtig, Rozanne. Hou net aan Jesus vas. Ek was ook daar, maar vandag kan ek nie aan een goeie rede dink hoekom ek ooit so gedrink het nie. Ek is baie trots op jou, vriendin. KARIN Dit is absoluut wonderlik, Rozanne. Jy het my skoon in trane gehad toe jy in Minki se program was. Na my mening is jy ’n ongelooflike mens en televisieaanbieder.…

DIE woede wat uit hom straal, is so oondwarm soos die Bosveldson hier buite sy huis op Lephalale. “Ek sal haar nooit vergewe nie,” bulder Sarel Marais weer. Die “haar” na wie hy verwys, is Ruby Marais, sy voormalige stiefma – en die vrou agter die opspraakwekkende moord op sy pa, Basie Marais, 13 jaar gelede op die rustige Kaapse kusdorpie Jongensfontein. Die rede vir Sarel se woede vandag is die feit dat Ruby onlangs op parool vrygelaat is. “Sy mag nie vry wees nie,” tier hy voort. Want hoewel Ruby die eerste keer sedert die moord op haar man nie die feestyd agter tralies deurgebring het nie, was daar vir Sarel geen sprake van vergifnis en versoening in die seisoen van samesyn nie. Sy verwerping van sy stiefma is…

1 Kolle Ons topkeuse vir 2020. Dié klassieke trend het ’n moderne kinkel op die loopplank gekry met nuwe kleurkombinasies, helder basiskleure, interessante teksture en verskillende groottes. 2 Groot valle Dié romantiese trend duik oral op met valle-op-valle-rokke in helder kleure en patrone. Kies ’n rok met skouerbandjies en valle vol platplooie vir ’n sweempie speelsheid. 3 Treffende moue Maak dit die ster van jou uitrusting. Op loopplanke in die wêreld se modehoofstede het moue gepryk wat jy nie kan miskyk nie – van groot pofmoue tot ongewone uitsnypatrone en interessante afwerkings. Hoe uitspattiger, hoe beter. 4 1960’s-retro Die modewêreld is weer mal oor die 1960’s, maar dié keer meer oor Twiggy se modestyl as Woodstock se hippieklere. Die loopplanke was vol uitrustings wat deur dié dekade se helder en…

DIS ’n gewilde Nuwejaarsvoorneme: Vanjaar gaan ek gesonder eet, meer oefen, en ja, daai ekstra kilo’s afskud. Maar wat aan die begin van die jaar maklik klink, voel gou soos ’n onmoontlike taak. Werk en die kinders hou jou besig en dis darem net te moeilik om hééltyd dop te hou wat jy eet. Daar is ’n paar algemene foute wat mense maak wanneer hulle ’n nuwe, gesonde leefstyl probeer vestig, sê twee Kaapse kenners, die fiksheidsinstrukteur Aneeka Buys en die dieetkundige Carey Anne Seady. Hierdie foute kelder dikwels jou planne nog voor jy regtig kon begin. Volg hul raad om dié struikelblokke te systap. ■ Jy stel uit Jy wóú op Nuwejaarsdag al begin het, maar toe het dit net nie gebeur nie. En nou wag jy maar vir…

Stuur voorstelle en versoeke na geldsake@huisgenoot.com. E-posse sal sover moontlik in die rubriek beantwoord word en nie persoonlik nie. WANNEER laas het jy seker gemaak die regte mense word nog as die begunstigdes in jou lewens- en ander uitkeerpolisse aangedui? Baie mense versuim om dit te doen. Mense se lewensomstandighede verander soms, en dieselfde mense bly nie noodwendig altyd deel van jou lewe nie. Onthou: Wysigings aan jou testament word nie outomaties in jou polisse aangebring nie. Daarom is dit belangrik om seker te maak dat jou polisse in die geval van jou dood aan die regte mense uitbetaal word. As jy nie ’n begunstigde benoem nie, sal die polisopbrengs aan jou boedel uitbetaal word wanneer jy sterf en die boedel se bereddering kan maande duur om af te handel.…

THE 40-YEAR-OLD VIRGIN SATERDAG E.TV 21:35 ’n Maagd word deur sy vriende onder druk geplaas om vir die eerste keer seks te hê. Met Steve Carell. WHY WOMEN KILL MAANDAG M-NET 21:00 ’n Reeks wat drie vroue se lewe volg waar hulle op verskillende tye in verskillende dekades in dieselfde huis woon. Met Lucy Liu. 9-1-1 M-NET 19:30 Athena kry hulp van die 118’s toe ’n tiener op ’n pad buite beheer raak. Met Angela Bassett.…

CAN YOU KEEP A SECRET?★★ Romkom. Met Alexandra Daddario, Tyler Hoechlin en Sunita Mani. Regisseur: Elise Duran. 16TNS. Toe turbulensie op ’n vlug so erg word dat dit lyk of die vliegtuig gaan neerstort, begin Emma Corrigan (Daddario van die Baywatch-fliek) al haar geheime uitblaker aan die aantreklike vreemdeling wat langs haar sit. Sy besef egter nie hy is Jack Harper (Teen Wolf se Hoechlin) nie – die uitvoerende hoof van die organiesekosmaatskappy waar Emma as ’n bemarker werk. Kort voor lank vervaag die lyne tussen professioneel en persoonlik, en wat volg, is ’n wipwarit van hartseer en geluk. Can You Keep a Secret? is ’n romantiese komedie gegrond op die roman deur Sophie Kinsella. Dit het die bestanddele vir ’n goeie rolprent – ’n teoreties roerende storielyn, talentvolle akteurs…

DOIN’ IT RIGHT DIE HEUWELS FANTASTIES Dié liedjie is hierdie groep se eerste amptelike Engelse enkelsnit, wat ook afwyk van die stoere rock waaraan ons van Die Heuwels Fantasties gewoond is. Dit is ’n liefdesliedjie in regte elektroniese clubbing-styl met ’n vinnige tempo. Die snit is op die jongklomp gemik en sal die lywe op die dansbaan aan die gang hou terwyl die ritme kliphard deur die luidsprekers pomp. RECOMMENDED PLAYLIST BITTEREINDER Die enkelsnit wys weer dat dié groep nie sommer in ’n spesifieke soort klank vasgevang word nie. Die liedjie gaan oor die besef dat ons almal van tegnologie afhanklik geword het. Die musiekvideo deur Louis Minnaar is ’n visuele meesterstuk met ’n wetenskapsfiksiegevoel. Dis ’n bisarre, abstrakte ervaring en ’n moet-sien. Die oop einde laat die interpretasie van…

VA N 1D TOT LP1 Dié Britse sanger (26) het in 2010 roem geproe toe hy as een vyfde van die seunsgroep One Direction begin naam maak het in die sangkompetisiereeks The X Factor. Hulle het vyf jaar la te r opgebreek, en elkeen het nou ’n sololoopbaan. Liam het in Mei 2017 sy eerste sololiedjie, “Strip That Down”, uitgereik. Nou beïndruk hy met sy debuutalbum, LP1. DIE PRYS VAN ROEM Hy sukkel soms met roem, het Liam al gebieg. Hy het onlangs gesê hy is baie “gelukkig om steeds hier te wees” aangesien hy lank aan ernstige depressie gely het. “Almal wil ’n stukkie van jou hê, en tog is jy so eensaam. Dit het ’n paar keer byna my dood veroorsaak.” Gelukkig word hy omring deur “goeie mense”…

ADJUDANT-OFFISIER FRANS SPANG (47), POLISIEDUIKER 'EK GRIL my dood vir vis. Dit is so snotterig en dit stink. Dis ironies, want my werk is om in damme en riviere te duik en na vermiste mense te soek. Ek dink nie mens raak ooit gewoond aan die reuk van ’n lyk wat vir dae in die water was nie, maar mens leer om daarmee saam te leef. Ongelukkig kan ek op my een hand tel hoeveel keer ons al die afgelope 23 jaar lewendige mense uit die water gehaal het. Dis eintlik nooit ’n rescue nie, dis maar altyd ’n soektog vir ’n persoon se lyk. Ek het altyd die waterpolisie se selfoon by my, so ek kry dadelik ’n oproep as iemand verdrink of vermis geraak het in ’n rivier…

SY IS een van die mense ter wêreld wat die meeste afgeneem word – waar koningin Elizabeth van Brittanje ook al gaan, klik die kameras. En sy weet mense kyk haar heeldag van kop tot tone deur en almal bespreek haar modekeuses. Gelukkig het sy Angela Kelly aan haar sy. Dié stilis gee Haar Majesteit raad oor wat om te dra na die openbare verpligtings wat sy bywoon. As die Britse monarg se persoonlike kleedster is dit haar werk om klere, skoene en juweliersware te verkry wat vir die koningin geskik is. Angela (62) het die afgelope 25 jaar baie van die koningin se ikoniese voorkomste geskep en uitrustings self ontwerp. En waar Haar Majesteit ook al gaan – of dit op haar reise na verre lande is, iewers in…

“Die definisie van cool is om in alle omstandighede jouself te kan wees. Jy moet jou stem vind – en dan aan daardie stem getrou bly.”– DIE SANGER JOHN LEGEND (41) OOR RAAD WAT DIE MUSIEKLEGENDE QUINCY JONES HOM GEGEE HET “Dis moeilik om helderheid te hê oor wie jy is wanneer jy ’n hele klomp bagasie uit die verlede saamdra. Ek het geleer om dit te laat vaar en gouer na die volgende plek te beweeg.”– ANGELINA JOLIE (44) “Erykah Badu het eenkeer vir my gesê: ‘Bly uit jou kop uit.’ Elke keer wanneer ek oor iets angstig is, onthou ek dié woorde om myself te anker en nie die oomblik te oordink nie.”– JANELLE MONÁE (34) “Ons kom uit huise wat allesbehalwe volmaak is, so jy word amper…

1 ‘Brone’ Die helder, oordadige haarkleure van die afgelope paar jaar maak plek vir brone, ’n natuurliker skakering wat ’n mengsel van blond en bruin is. Die kleur werk goed saam met die meeste velkleure en pas in by die ideaal van natuurlike skoonheid, wat nou gewild is. 2 Halfvas, halflos Ons put steeds inspirasie uit die 1990’s, en dié voorkoms was ’n treffer op onlangse rooitapytgeleenthede waar verskeie sterre hul hare halfvas, halflos gedra het. Die lekker ding van dié styl is dat jy ’n gladde, formele voorkoms of ’n sagter, meer ontspanne gevoel kan kies. 3 Slordige bolla Dis die perfekte styl vir ’n slegte haardag of as jy te haastig of lui is om jou hare te kam. Maak dit net vas in ’n losserige, hoë bolla,…

Huisgenoot se Klop die Skaal-program is ’n volledige aanlyn eet- en oefenplan van 12 weke vir vroue. As jy dit reg volg, kan jy tot 1 kg per week afskud – op ’n volhoubare manier. Dit is saamgestel met behulp van die fiksheidsinstrukteur Aneeka Buys en die dieetkundige Carey Anne Seady. Wat kos dit? Die program kos R495. Dit is ’n eenmalige betaling – geen maandelikse lidmaatskaptariewe nie. Jy kry toegang tot die webblad met die aanlyn eet- en oefenplan wat ons kenners ontwerp het. Jy het net ’n rekenaar of selfoon met internettoegang nodig. Hoe werk die oefenplan? Die oefenplan is vir vroue ontwerp sodat jy vet kan verbrand én gedefinieerde spiere kan kry. Dit bestaan uit drie fases van vier weke elk, en elke oefenbeweging word deur ’n…

LIEFDESTAAL Hy: “Ek het jou so innig lief dat ek nie woorde kan vind om dit te beskryf nie.” Sy: “Probeer dan syfers.” KOBUS DU TOIT, BRITS MUSEUMBESOEK Ná ’n uitstappie na ’n natuurhistoriese museum kom ’n meisietjie opgewonde vir haar ma vertel: “Ons was vandag by ’n dooie sirkus.” HELENA, KEMPTON PARK NES ASPOESTER By ’n dinee moet verteenwoordigers van die leër, vloot en lugmag elk ’n toespraak lewer. Trots op hul tradisies skimp die leër en vloot se manne dat die lugmag net die Aspoestertjie van die gewapende magte is. Toe die lugmagkolonel se beurt kom, sê hy: “Ek weet min van Aspoestertjie, net dat sy twee lelike susters gehad het.” LEON KRUGER NUWE REËNMETER Ons het die afgelope week goeie reën gehad. Verlede week was die slaggate…

SEWE-EN-VEERTIG Deur IRMA VENTER (Human & Rosseau, R285*) Irma Venter se eerste misdaadroman, Skoenlapper, verskyn in 2012. Hierna kom Skrapnel, Sondebok, Skarlaken, Sirkus, Sondag en nou Sewe-en-veertig. Dié keer is Sarah die sentrale karakter, die kuberkraker wat op ’n te jong ouderdom tronk toe gestuur is juis vir hierdie talent van haar. Sy is nou 26, ryk en steeds eksentriek. Sy word Kaap toe ontbied deur ’n vriendin wat in die tronk na haar omgesien het. Mosela is ’n “bibliotekaresse van die digitale era” en nou die skatryk grootbaas van ’n datawetenskaponderneming. ’n Patroon het opgeduik in haar stelsels, en dit voorspel dat ’n derde persoon binne die volgende 24 uur vermoor gaan word. Sarah moet hierdie patroon ontrafel. Irma beantwoord drie vrae: Die Jason wat ontken hy’s ’n sekswerker,…

NO. 2 063 VRAAG WATTER BLYPLEK IS TER SPRAKE? SKOMMEL DIE LETTERS IN DIE KLEURBLOKKIES OM DIE ANTWOORD TE VIND. LEES LANGSAAN NO. 2 063 HOE DIE KOMPETISIE WERK. Jy kan ’n Verklarende Afrikaanse Woordeboek of Afrikaanse Woordelys en Spelreëls van die uitgewer Pharos (pharos@pharos.co.za) wen. Vul die blokraai in en gebruik die letters in die kleurblokke om die antwoord op die vraag te ontsyfer. SMS “HG” gevolg deur jou antwoord, naam en dorp/stad na 36400. Net een SMS per deelnemer word toegelaat. Net mense binne SA se grense kan deelneem. Die SMS kos R1,50. Hou die oorspronklike, volledige blokraai met jou besonderhede as bewys. Geen posstukke word as inskrywing aanvaar nie. Geen werknemers of hul gesin van Media24, Grapevine Interactive of hul reklamemaatskappye mag deelneem nie. Die sluitingsdatum is…

GROOT BLOKRAAI NO. 2 311 FOTOBLOKRAAI NO. 2 057 Vanweë ons feestyddruktye sal die name van die wenners vir Groot Blokraai no. 2 311 en Fotoblokraai no. 2 057 eers in ’n latere uitgawe verskyn. KODERAAI NO. 415 KOPKRAPPER GROOT BLOKRAAI NO. 2 311 Antwoord: profeet FOTOBLOKRAAI NO. 2057 Antwoord: keiser WENNERS GROOT BLOKRAAI NO. 2 308 PHAROS- TWEETALIGE WOORDEBOEK H.J. van der Merwe, Alberton P.C. van Wyk, Pretoria M. van der Steen, Jeffreysbaai FOTOBLOKRAAI NO. 2 054 VERKLARENDE AFRIKAANSE WOORDEBOEK I. van Rooi, Upington AFRIKAANSE WOORDELYS EN SPELREËLS S. Bester, Middelburg…

Dragon Quest Builders 2 PS4, Switch, Xbox One ■ Nou beskikbaar Dragon Quest Builders 2 neem als wat die eerste speletjie gebied het en bied dit beter aan: Dit het groter wêrelde, uiteenlopende sendings, hope meer keuses, meer as dubbel die speeltyd asook meer én kragtiger spelers. Die enigste groot nadeel is die spoed waarteen die speletjie werk, veral op vlakke wat deur spelers geskep word en in party areas van die enkelspelerspel op minder gevorderde masjiene soos die Nintendo Switch en Xbox One-standaardkonsole. Maar met die enkelspeler-ervaring het dit nooit lank my speelgenot belemmer nie. Marvel Ultimate Alliance 3: The Black Order Net Nintendo Switch ■ Nou beskikbaar Dié speletjie is grotendeels ’n eenvoudige gevegspel, maar kom behoorlik tot sy reg as jy dit saam met vriende speel. Julle…

HY IS ouer, die donker hare van destyds is anders gesny en daar is ’n tikkie grys teen sy slape. Maar andersins lyk die man in die Facebook- advertensie vir ’n sangvertoning in ’n Boksburgse kuierplek sommer baie bekend. Kan dit wees? Ja, sowaar . . . “Robbie Klay, Internasionale Superster van Los Angeles, terug in Suid-Afrika vir sy eerste vertoning in vyf jaar,” lui die advertensie. “Gratis toegang.” En hier, twee dae nadat die advertensie opgeduik het, sit hy oorkant ons in lewende lywe: die sanger wat uit die plaaslike kollig verdwyn het nadat hy meer as ’n dekade gelede ’n opskudding veroorsaak het toe hy beweer het ’n ander bekende sanger het hom as kind gemolesteer. Robbie was net 21 jaar oud toe dié sanger in 2009 in…

VERWYTE OOR ‘WITBROODJIE’ V My jongste kind, wat al volwasse is, beskuldig my telkens dat ek my oudste kind voortrek, maar dié het meer probleme en ek moet meer aandag gee. Wat tyd en geld betref, is ek nie skuldig aan my jongste se aanklagte nie. Hy stoot my al jare lank weg, en hoewel ek probeer, maak hy deure in my gesig toe. Ek weet ek het my bes gedoen. As enkelouer sukkel ek op vele fronte, maar hierdie beskuldigings kry my onder. D op P A Herinnerings aan hoe ’n witbroodjie in ’n gesin behandel is, verdwyn nie vanself wanneer kinders eers volwasse is nie. Hoeveel waarheid daarin steek, maak nie juis saak nie, want die sibbes se perspektief daaroor is vir hulle die werklikheid. As jou jongste…

SUPERSLAAIE VIR ELKE SEISOEN Slaai is een van die veelsydigste en dikwels ook gesondste geregte waarmee ons ons tafels kan versier. Dit kan enige tyd van die jaar ’n heerlike rol in elke middag- of aandete speel. Met 32 resepte in dié boekie kan jy vinnig ’n verruklike en voedsame slaai voorsit. Slaai hoef nooit weer vervelig te wees nie! KRY DIT NOU KOOK VOORUIT Kook groot en trek ’n paar etes later nog voordeel daaruit. Met elk van die basiese resepte in dié boekie kan jy nog twee of drie heeltemal ander etes optower. By elke gereg is vriesaanwysings sodat jy dit op ’n besige dag uit die vrieskas kan opdiep en soos blits kos op die tafel kan sit. BONE, ERTJIES & LENSIES Peulgroente is ongelooflik ekonomies en…

“Hier,” sê hy oplaas. Hy steek sy linkerhand uit, ’n USB drive tussen sy vingers. Ek vra nie wat dit is nie, neem dit bloot. Wonder hoe ek die stilte om hom kan oopbreek. Hy lag effens, draai om en loop terug soos hy gekom het. “Brits!” roep ek. “Hoekom?” Hy gaan staan, kyk terug. “Die skietery vanmiddag in Manenberg is groot nuus. Kolonel Alberts is oortuig dit het iets met Derick, Samuels en die Vic te doen.” “Hoekom dink sy so?” Hy glimlag skeef. “Ek weet nie. Sy en Moegamat is op Samuels se spoor om uit te vind. Hy het verdwyn. Alberts dink jou Tatoevrou is een van Samuels se mense.” “Samuels sê dan sy is verantwoordelik vir die eerste hit op hom.” “Hoe weet jy dit?” Ek…

NO. 2 317 As jy vashaak, kan jy gerus ander lesers se raad vra op ons Facebook-blad met die naam Huisgenoot-Blokraaie. WEN ’N WOORDEBOEK PLUS KOM IN AANMERKING VIR DIE MAANDELIKSE TREKKING VAN R1 000. VRAAG: WATTER VUURWERK OF HERTZOGGIEBESTANDDEEL IS TER SPRAKE? PHAROS WOORDEBOEKE (’N DRUKNAAM VAN NB-UITGEWERS) GEE DRIE EKSEMPLARE VAN DIE AFRIKAANS-ENGELS/ENGELS-AFRIKAANSE WOORDEBOEK WEG.…

Besoek ons webtuiste, huisgenoot.com, vir ’n daaglikse horoskoop. WATERDRAER 21 JAN – 18 FEB Venus, die planeet van aantrekking, beweeg dié week jou geldhoroskoop binne en baan die weg vir maniere en geleenthede om jou geldsake ’n hupstoot te gee. Al is jy as ’n Waterdraer nie besonder materialisties nie, koop geld steeds toestelle en ander items. Jy ontmoet mense met finansiële kennis of trek geldmaakgeleenthede en voordelige ooreenkomste aan. Maar onontbeerlike items kan jou jou sak laat skud. GELUKKIGE NOMMERS 39, 17, 1, 50, 14, 31 VISSE 19 FEB – 20 MRT Die liefdesgodin, Venus, beweeg dié week jou teken binne. Daar lê dalk vir jou ’n tyd van romantiese bekoring en verwondering voor waarin jou voete onder jou uitgeslaan word en jy in die sewende hemel is. Maar…

1 HAAR REGTE NAAM IS ASHLEY NICOLETTE FRANGIPANE. HOEKOM HET DIE SANGERES DIT NA HALSEY VERANDER? A. Dit is haar ma se tweede naam. B. Dis ’n anagram van haar naam. C. Dit was die naam van haar troetelhond. 2 HALSEY, WAT BISEKSUEEL IS, WAS SEDERT 2017 IN ’N VERHOUDING MET DIE AMERIKAANSE RAPPER G-EAZY. HAAR TREFFER “WITHOUT ME” IS GLO OP DIÉ VERHOUDING GEGROND. DIE TWEE HET INTUSSEN OPGEBREEK EN SY GAAN NOU UIT MET WATTER AMERIKAANSE AKTEUR? A. Evan Peters B. Tom Holland C. Ansel Elgort 3 SY IS GAANDE OOR ’N AMERIKAANSE SANGERES. SY SÊ DIÉ POPSANGERES IS DIE REDE DAT SY HAAR EIE LIEDJIES SKRYF. WIE IS DIÉ GROOT INSPIRASIE VIR HALSEY? A. Rihanna B. Madonna C. Taylor Swift 4 IN 2017 IS SY DIE EERSTE…

DIE pad na boer Willem se plaashuis by Langbergpunt loop verby die afdraai na boer Hentie se opstal in ’n deel van die Wes-Kaap waar die wêreld mooi geil en groen is. Dié twee bure is albei onder die topvyfdeelnemers in die 12de seisoen van kykNET se maatsoekprogram Boer soek ’n vrou, wat nou einde se kant toe staan. Dis blote toeval dat albei vir die program ingeskryf en genoeg briewe van belangstellendes gekry het om onder die topvyf te wees. Boer Hentie het reeds sy storie in Huisgenoot vertel, maar vandag is dit boer Willem se beurt. Die luggie is koel toe ons Willem se werf inry, maar die 29-jarige het ’n kortmouhemp aan toe hy ons groet. Die handdruk is stewig, soos dié van ’n boer wat dinge…

Ons nuwe Mej. Heelal, Zozibini Tunzi, wat onlangs haar eerste sneeu in haar nuwe tuisstad, New York, ervaar het, is in haar element noudat die somer – haar gunstelingseisoen – amptelik in haar geboorteland, Suid-Afrika, aangebreek het. “Daar is net iets aan die son en helderblou lug wat dadelik my gemoed lig,” sê Zozi. Haar Nuwejaarsvoorneme om 2020 as die nuwe Mej. Heelal in te lui is sommer al op 9 Desember verlede jaar verwesenlik. Tog wil sy nie nou op haar louere rus nie. “In 2019 het ek geleer harde werk oorskry enige talent wat jy het. In 2020 wil ek op ’n globale vlak veg vir die maatskaplike kwessies waaroor ek so sterk voel.”…