Innehållsförteckning för 16-Jan-20 från Huisgenoot

1 ‘KATE GAAN CAMILLA OORSKADU’ Prins William se vrou, Kate, die hertogin van Cambridge, is baie gemaklik in haar rol as koninklike, sê waarnemers. Sy het die harte van die Britse volk verower O ja, beslis. Sy laat my so baie aan prinses Diana dink. Ek is dol oor haar; sy sal altyd my gunsteling bly. William het ’n vrou met goeie waardes en ’n hart van goud.AMANDA Kate pas ten volle by die Britse koningsgesin in. Ek lief haar styl en die nederige manier hoe sy met alle mense omgaan – haar man, kinders en die publiek. You go, girl!MINNIE Ek het my mening oor Camilla verander. Ek dink sy is die beste ding wat met prins Charles kon gebeur. Ek gun hulle elke dag wat hulle saam kan wees.RENÉ…

JY HET reeds die Kersboom weggepak, en die vuurwerkvertonings en oorvloed van Oujaarsaand is vergete. Maar kyk jy in die spieël, sien jy nog die herinnerings aan jou oordadige feestyd. Al daardie gebraaide aartappels, ekstra porsies nagereg en drankies met etenstyd sit nog aan jou heupe en ander lyflike plekke waar jy dit allermins wil saamdra. Ja, dis die tyd van die jaar dat jy jou uit skielike selfveragting en desperaatheid tot een of meer van ’n duisternis vreemde dieetplanne wil wend. Maar watter een is werklik die wonderkuur vir jou gewigsprobleem? Nie een nie, sê ’n bekende Amerikaanse voedingskundige, dr. Michael Greger. Vergeet van almal. In sy nuwe boek, How Not to Diet, delf hy diep in die oorsake van gewigstoena-me en kom hy met eenvoudige, alledaagse maniere vorendag…

LENSIE-EN-BRUIN- RYSKOEKIES Dié ryskoekies is vullend en propvol vesel. Jy kan dit selfs met maaskaas, avokado en sneeu-ertjies afrond vir ’n ligte maaltyd. LEWER 12 KOEKIES BEREIDING: 10 MIN. GAARMAAK: 30 MIN. BÊRE: TOT 1 WEEK IN DIE YSKAS KOEKIES ◗ 500 ml (2 k) gaar lensies◗ 250 ml (1 k) gemengde gaar bruinrys 2 eiers, geklits◗ 60 ml (¼ k) meel◗ 2 brandrissies, fyngekap◗ 2 knoffelhuisies, fyngekap◗ 5 ml (1 t) kerriepoeier◗ ’n hand vol vars koljanderblare, fyngekap◗ 1 wiel fetakaas, gekrummel◗ sout en vars gemaalde peper na smaak◗ olyfolie vir vlakbraai AFRONDING ◗ gladde maaskaas◗ 1 avokado, in skyfies gesny◗ sneeu-ertjies, in die lengte gehalveer◗ vars kruie, opsioneel 1 Koekies Meng al die bestanddele goed.2 Verhit genoeg olie vir vlakbraai in ’n kleefvrye pan. Skep 3-4 hopies van…

“Video-onderhoude is net so ernstig soos persoonlike onderhoude,” sê Phiona. Moet dit nie as ’n informele geselsie beskou net omdat dit nie in ’n kantooromgewing geskied nie. “Ek het al gehoor van ’n gegradueerde wat ’n onderhoud met ’n wêreldfirma gehad het. Toe hulle op Skype bel, was hy op kussings gestut, onder die komberse, in sy bed!” Hier’s ’n paar wenke om te sorg jy gee tydens ’n onderhoud goeie virtuele rekenskap van jouself: ▪ Sorg dat jou gebruikersnaam en profielfoto gepas is. ▪ Trek so formeel aan as wat jy vir ’n onderhoud van aangesig tot aangesig sou doen. ▪ Sit regop, op ’n stoel, verkieslik by ’n lessenaar. ▪ Posisioneer jou skootrekenaar of tablet so dat dit wat die onderhoudvoerder sien ’n regtelewe-scenario naboots – jou kop,…

SPANNENDE SPAN Die kykNET-dramareeks Projek Dina gaan jou vasgenael hou voor die kassie. Die splinternuwe reeks gaan oor ’n span speurders met uiteenlopende persoonlikhede wat sake oor vermiste persone oplos. “Ek probeer al ’n paar jaar lank om hierdie reeks van die grond af te kry,” vertel Roberta Durrant, die kreatiewe vervaardiger van Projek Dina. “Ek was baie dankbaar toe kykNET die jawoord gee. Suid-Afrika is een van die probleemgebiede as dit by mensehandel kom; daarom was dit belangrik dat ons so ’n reeks maak. Daar is al baie reekse oor vermiste persone in ander lande gemaak, so hoekom nie hier waar dit ’n groot probleem is nie? ’n Kind verdwyn elke vyf uur in Suid-Afrika,” sê sy. Die misdaadreeks is van Junie tot September verlede jaar in en om…

VOODOO DOLL WONDERBOOM Dit is ’n ietwat sinistere enkelsnit van hierdie legendariese rockgroep. Cito (Martin Otto) en sy makkers beweeg met dié liedjie weg van die konvensionele rockklank wat met die groep vereenselwig word. “Voodoo Doll” het ’n donker aanslag wat met sy ruwe kitaarklanke soos ’n kettingsaag brul. Dit het ’n heerlike industriëlerock-gevoel wat vir aanhangers verrassend maar tog opwindend sal wees. STILLE SOLDATE TOUCH OF CLASS Dié enkelsnit is afkomstig van die duetpaar se nuutste album met dieselfde titel en gee erkenning aan almal wat deur die werklikheid van ’n oorlog beïnvloed is. Die liedjie begin met die woorde: Is hulle vergete, is hulle nog hier, die stille soldate baklei vir ons land, wat die toon aangee. Die sterk kitaargedrewe ballade is treffermateriaal. G’n wonder dit word gereeld…

AVENGERS: ENDGAME SONDAG M-NET 20:05 Die Avengers moet ’n plan bedink om die balans in die heelal te herstel. Met Chris Evans. GREY’S ANATOMY MAANDAG M-NET 19:00 Meredith (Ellen Pompeo) probeer sake met haar oudkollegas by die Grey Sloan-hospitaal regstel. 9-1-1: LONE STAR M-NET 19:00 ’n Brandweerman van New York en sy tienerseun verhuis na Austin, Texas. Met Rob Lowe en Liv Tyler.…

WEN ’N WOORDEBOEK PLUS KOM IN AANMERKING VIR DIE MAANDELIKSE TREKKING VAN R1 000. VRAAG: WATTER BEKENDE RIVIER OF VAN IS TER SPRAKE? PHAROS WOORDEBOEKE (’N DRUKNAAM VAN NB-UITGEWERS) GEE DRIE EKSEM-PLARE VAN DIE AFRIKAANS-ENGELS/ENGELS-AFRIKAANSE WOORDEBOEK WEG. As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. NO. 2 318 NEEM SO DEEL Vul die blokraai korrek in, skryf die letters in die kleurblokke neer en gebruik dit om die antwoord op die vraag te ontrafel. SMS “HG”, gevolg deur jou antwoord, naam en dorp/stad, na 36400. Net een SMS per deelnemer word toegelaat. Die SMS kos R1,50. Net mense binne SA grense kan deelneem. Die wenners sal die oorspronklike, voltooide blokraai en hul besonderhede moet verskaf. Geen werknemers of hul gesinne…

Besoek ons webtuiste, huisgenoot.com, vir ’n daaglikse horoskoop. WATERDRAER 21 JAN – 18 FEB Jou persoonlike jaar staan einde se kant toe, wat dit ’n goeie week maak om tyd opsy te sit om oor die jaar vorentoe te dink en oor die afgelope jaar te besin. Mercurius, die kosmiese beplanner, beweeg jou teken binne en help met die opstel van jou idees en die bepaling van jou doelwitte. Jou verjaardag is om die draai; beplan jou verjaardagviering. GELUKKIGE NOMMERS 1, 17, 34, 14, 51, 29 VISSE 19 FEB – 20 MRT As jy ’n tipiese Vis is, is jy waarskynlik ’n onbevooroordeelde siel met vriende uit alle vlakke van die samelewing. Dit is ’n week waarin geleenthede voorkom om jou vriendekring uit te brei. Aangesien jy ’n taamlik liggelowige…

SOMS voel dit seker vir jou of onderwysers net die lewe moeilik wil maak met al die take en projekte wat hulle gedurende die jaar van julle verwag. Maar dis hoegenaamd nie die geval nie! Met take kan onderwysers evalueer of ons regtig verstaan wat ons geleer het deur ons kennis, begrip en vaardighede prakties toe te pas. Ons insig en kreatiwiteit word getoets en ons word blootgestel aan ’n klomp vaardighede wat later in ons lewe nuttig sal wees. Van hierdie vaardighede sluit in: ▪ selfdissipline ▪ tydsbestuur ▪ groepwerk ▪ skriftelike kommunikasievermoë ▪ selfstudie en ▪ navorsing. WAT IS NAVORSING? Navorsing is die stelselmatige ondersoek en bestudering van materiaal en bronne om feite vas te stel en tot nuwe gevolgtrekkings te kom. Navorsingsvaardighede is die vermoë om inligting…

DIE vrolike borrellaggie vul die groot huis hier in Potchefstroom. ’n Mens sien bababottels, sagte speelgoed, ’n karstoeltjie. Al die gewone tekens van ’n jong lewe wat die kroon kom span het op ’n egpaar se samesyn. Hier is ’n sagte babakombersie, daar ’n pak doeke – dinge waaroor ouers dikwels nie twee keer dink nie. Maar vir die Van Eedens, Christel (37) en Jacques (39), is al dié “alledaagse” babadinge ekstra spesiaal. En die spesiaalste van alles is hul klein wonderwerk: die ses maande oue Alé, wat ná soveel terugslae, hartseer en smeekgebede eindelik hul huis met haar lag en liefde vul. Maar die afgelope dekade was ’n opdraande pad. Dit was laat 2003 toe Christel, destyds net 21 en nog ongetroud, se lewe wreed verander het. Eers was…

Nes die ware liefdesverhaal waarop Huisgenoot, kykNET en The Film Factory se nuwe fliek, Vergeet my nie, gegrond is, het verfilming van dié fliek in Julie verlede jaar in Londen gedraai. Die rolprent is geïnspireer deur die ware liefdesverhaal van die Huisgenoot-lesers Mardaleen en Hugo Derks van Gobabis, Namibië, wat mekaar op universiteit in Potchefstroom ontmoet en later in dieselfde kommune, Huis Konnetie, in Londen beland het. Groot dele van die fliek, wat op Valentynsdag in teaters begin, is in die Britse hoofstad geskiet. “Dis vir my ongelooflik hoe modern ’n stad soos Londen is,” vertel Elani Dekker, wat die opstandige Nicky vertolk. “Daar is soveel verskillende mense en kulture. Ons was ’n klein span, maar ons kon mekaar beter leer ken.” BEGIN 14 FEBRUARIE…

OP DIE kassie speel hy ’n prokureur wat moet bontstaan vir al die regstameletjies van die inwoners van die Laan, maar hier, net ’n paar dae voor Kersfees, maak die akteur Theodore Jantjies reg om op ’n bedompige, warm dag in die Bosveld ewige trou te beloof aan ’n regte, egte prokureur. Vandag is die 36-jarige akteur nie die bedrewe regsman Xander Meintjies van die SABC2-sepie 7de Laan nie, maar ’n opgewonde bruidegom wat in die kapel by die Tsekama-trouvenue in die distrik Modimolle in Limpopo op die liefde van sy lewe, Tammy van der Merwe (32), wag. Hy lyk omtrent spoggerig in sy swart broek, wit hemp en baadjie toe hy saam met sy drie vriende hul plek voor die kansel inneem. En hy straal weer soos op sy…

Daar word algemeen geglo seks verbrand meer as 1 000 kJ per sessie. Jy dink dalk, haai, dis ’n hele bordjie slaptjips wat ek met ’n skoon gewete kan verorber. Maar wanneer mense se suurstofverbruik tydens die daad gemeet word, blyk dit seks is maar die metaboliese ekwivalent van rolbal speel. Gegewe dat die . . . gemiddelde seksdaad dalk net sowat ses minute duur, kan ’n matig aktiewe deelnemer dalk verwag om sowat 88 kJ tydens gemeenskap te verbruik – net 59 kJ meer as wanneer jy televisie kyk. Eet dus maar liewer jou slaptjips voor die televisie.…

As jy ’n persoonlike probleem het, skryf gerus aan Liewe Elize, Posbus 1802, Kaapstad 8000 of elize@huisgenoot.com. Of SMS LIEWE ELIZE gevolg deur jou vraag na 36489. Elke SMS kos R1. SAAMGENOOI NA ONTKLEEKLUB V Ek en my man is al langer as 10 jaar getroud en het een kind. Ons kom goed klaar en die seks is vir hom belangrik. Ons kon dinge deur die jare goed lewendig hou en is nog aangetrokke tot mekaar, want ons glo albei dis belangrik om sexy te wees. Maar nou wil hy iets doen waarvoor ek werklik nie kans sien nie. Hy het gevra ek moet saam met hom na ’n ontkleeklub gaan. Ek is meestal gewillig vir sy voorstelle, maar ek wil nie sien hoe hy na ander vroue staar en…

Avontuur. Met Robert Downey jr., Antonio Ban deras en Michael Sheen. Regisseur: Stephen Gaghan. Begin 10 Januarie. Waaroor gaan dit? Robert Downey jr. is terug in sy eerste fliek sedert hy verlede jaar sy ikoniese superheldkarakter, Iron Man, en die Marvel Cinematic Universe gegroet het. Dié keer klim hy in die skoene van dr. Dolittle, die veearts wat met diere kan kommunikeer. Die komediant Eddie Murphy het dié karakter laas in 1998 en 2001 op die groot skerm gespeel. Die jongste fliek, wat in die Victoriaanse era in Engeland afspeel, is gegrond op die Britse skrywer Hugh Lofting se tweede Dolittle-boek, The Voyages of Doctor Dolittle (1922). Robert (54) se karakter, die eksentrieke dr. John Dolittle, voer ’n kluisenaarsbestaan sedert hy sy vrou verloor het. Al geselskap wat hy agter…

DEON VISAGIE Tim Theron vertolk die rol van kapt. Deon Visagie, ’n puntenerige 38-jarige speurder wat glad nie die reëls buig nie. Die ding van sy werk wat hy die meeste verpes, is om saam met ander mense te werk – nie omdat hy nie van hulle hou nie, maar omdat net die koue, harde feite vir dié meesterstrateeg saak maak. LUXOLO “LUX” DLADLA Die rol van Lux, ’n 31-jarige ongeorganiseerde mense-mens, word deur die Ashes to Ashes-akteur Chumani Pan vertolk. “Lux is alles wat Deon nié is nie,” sê Tarryn. Lux het net een doel voor oë: geregtigheid, en as hy die reëls moet breek om dit te laat geskied, dan is dit maar nou so . . . En dis een van die groot oorsake van konflik tussen…

A IS VIR AANMEKAARALFABETWOORDE Deur WERNER DU TOIT; illustrasies: Aurora Creative Studio, LIZE-MARIE DREYER en SONIA DEARLING (R225) P is vir plaasjapiepajamapiekniek Papawerpotpourri en pikante peuselhappies – Petronella Pansegrouw se plaasjapiepajamapiekniek was plesierig, sê die plattelanders, met die lekkerste pynappelsappies. Net ná P kom die skreeusnaakse Q: Q is vir quinoaquiche Quid pro quo, besluit Quinn Quatermaine: Hy kan my quinoaquiche kry, maar ek soek dan sy boek Oor die quattrocento en ’n glas wyn. Dié verkwiklike boek is nie vir kinders nie; ook nie vir grootmense nie – dis vir almal wat mal is oor woorde, veral as hulle soos lang derms aanmekaargeryg word. Daar is die veteraanvryheidsvegtervervolgverhaal, grondwetgeskiedenisgradeplegtigheid en die koshuiskarnavalkaskarkampioenskap. En die charismatiese Christina Coetzer-Toerien se choreografiecurriculum asook die arme Theresa Taljaard wat totaal verdwaal op die…

KAAPSE DRAAI Naas en Estelle is pas terug by hul huis in die Kaap ná hul somervakansie en vertel hul vriende van al hul wedervarings op die langpad. “My aarde,” sê een pel. “Ons het geweet julle gaan Johannesburg toe, maar ons het nie besef julle gaan ook ’n draai in Port Elizabeth, Oos-Londen en Durban maak nie.” “Nee, dit was nie ons plan nie,” verduidelik Estelle, “maar Naas verseg om padaanwysings te vra!” LITA SCHOON HOENDERKOP Die dirigent van ’n simfonieorkes het die ou jaar gegroet met ’n partytjie saam met sy medemusici waar die voggies vrylik gevloei het. Met die terugstap huis toe is hy nie meer so vas op sy voete nie. In die donker is hy ook nie seker watter huis syne is nie. Toe stoot…

TONEELSPEL WEN “Ek het in 2016 drama aan die Universiteit Stellenbosch gaan studeer, want ek het dit as ’n geleentheid beskou om ’n voet in die vermaakbedryf te kry en dan so die musiekwêreld te betree.” Dit was toneelspel wat gebly het. “Dit is iets wat ek vir die res van my lewe wil doen.” VEELSYDIGE TALENT Hoewel die boorling van Kimberley van kleins af in Kersfees-en skooltoneelstukke opgetree het, het sy voorheen meestal in sang belanggestel. “My ouma aan moederskant, Yvonne Rossouw, is die koorleier by ons kerk en ek het al voor ek skool toe is daar begin sing. Ek was ook in die skoolkoor, maar het eers ernstig daaroor geword toe ek in die Hoërskool Kimberley was.” NES MONIQUE Robyn het baie gemeen met haar Arendsvlei-karakter, Monique.…

JY DOEN gereeld skoolprojekte wat uit inligting uit bronne bestaan, maar soms moet jy ook dinge self ontwerp. Hier is ’n prettige doendit-self-taak waarin jy jou eie son en planete in die sonnestelsel kan bou. Die sonnestelsel is die son en alles wat daarrondom in wentelbane beweeg. Dit sluit in die planete, komete, asteroïede en dwergplanete. WAT JY BENODIG WAAR KOM DIE SON VANDAAN? So 4,6 miljard jaar gelede is ’n deel van ’n gas-en-stof-wolk deur swaartekrag in ’n bol gedruk. Dit het in die rondte begin draai en ’n ster (die son) gevorm toe dit so warm geword het dat die waterstof in sy kern aan die brand geslaan het. EN DIE PLANETE? Die oorskiet van die wolk het om die son begin draai en is in ’n frisbee-vorm…

‘EK HET een van daai spesialisvelde as beroep wat geen man op straat sal weet wat dit is nie. Mense frons as ek sê ek is ’n dipteroloog. Ek werk op vlieë, antwoord ek dan. As ek verder verduidelik dit beteken ek vang en doen navorsing op vlieë, frons hulle nog meer. “Hoekom vlieë?” is die vraag wat ek seker die meeste kry. Ek verstaan daardie onkunde, want vir die mens is ’n vlieg niks meer as ’n zoemende pes wat dadelik met Doom gespuit moet word nie. Almal dink die enigste goeie vlieg wat jy kry, is ’n dooie vlieg. ’n Vlieg het mos geen doel op aarde nie, is ook iets wat ek gereeld hoor. Kortom: Hierdie insek speel ’n groot rol in die ekostelsel; hulle is belangrik…

HAAR klasmaats se gespot spook nog by haar. Hulle het gesê sy is lelik en lyk asof sy met modder gegooi is. Een van haar byname was Dalmatian weens die donker kolle op haar vel. Marika Nagy is gebore met melanositiese nevus (CMN), ’n seldsame toestand wat veroorsaak het dat sowat 60% van haar lyf met geboortevlekke oortrek is. Die kwetsende aanmerkings van boelies het ’n skadu oor haar kinderjare in Bremen, Duitsland, gewerp, en toe sy ’n jong volwassene geword het, het die jare se afknouery haar met sulke diep emosionele letsels gelaat dat sy ses jaar vir terapie moes gaan om dit te verwerk. Maar nou – op 22 – het sy haar grootste kruis in haar trotsste kenmerk omskep. Sy het die veltoestand wat eens vir haar…

Harry en Meghan hou Kersvakansie HARRY en Meghan was nou wel nie by die Sandringhamlandgoed vir die Britse koningsgesin se tradi-sionele Kersvieringe nie, maar hul wegbreekfeestyd was ewe rojaal. Die hertog (35) en hertogin (38) van Sussex het die twee weke oor Kersfees en Nuwejaar in ’n herehuis op die afgesonderde en skilderagtige Vancouver-eiland in Kanada deurgebring. Hulle is vergesel deur hul baba, Archie, Meghan se ma, Doria Ragland (63), en die koninklike paartjie se twee honde. Die huis – op ’n landgoed van 3 000 m² – het agt slaapkamers, ’n tweeverdiepingleefkamer, mediavertrek en wynproelokaal. Die eiendom het twee privaat strande en pragtige natuurskoon soos gesien kan word op die paartjie se foto’s saam met Archie (7 maande) op hul Instagramblad. Veral een skattige kiekie van ’n stralende Archie…

DIE wêreldmedia berig gereeld oor die Britte se fabulous four – die prinse William en Harry en hul vroue, Kate en Meghan – en die res van Brittanje se bloubloedbrigade. Ook ander koninklikes laat dikwels die koppe draai, onder andere die stylvolle koningin Rania van Jordanië en haar Spaanse eweknie, Letizia. Maar daar is eintlik nog ’n hele rits ander adellikes wat in die intriges en glans van die koninklike lewe baai. Hier is ’n paar van die minder bekende koninklikes wie se lewe ook soos iets uit ’n sprokiesverhaal klink. PRINS VAN DIE LOOPPLANK PRINS NIKOLAI VAN DENEMARKE Dié oudste kind van prins Joachim (50) en sy eerste vrou, Alexandra, die gravin van Frederiksborg (55), het in Februarie 2018 met sy oupa prins Henrik se dood die sesde aanspraakmaker…

TUNA-BURGERS LEWER 12-14 BURGERS BEREIDING: 20 MIN. VERKOEL: 30 MIN. GAARMAAK: 2 MIN. AAN ELKE KANT BURGER ◗ 400 g garnale, geblansjeer en gekap◗ 3 x 185 g-blikke tuna in olie, gedreineer◗ 2 eiers, liggies geklits◗ 250 ml (1 k) amandelmeel◗ 2 knoffelhuisies, gemaal◗ 5 cm gemmer, gemaal◗ 50 g sprietuie, gekap◗ sap van ’n lemmetjie◗ 30 ml (2 e) mayonnaise◗ 30 ml (2 e) sojasous◗ ’n hand vol koljander, gekap◗ 1-2 jalapeños, gekap◗ sout en vars gemaalde swartpeper◗ olie vir vlakbraai KOOLSLAAI ◗ 1 mini-rooikool, in dun repies gesny◗ 1 mini-groenkool, in dun repies gesny◗ 2 appels, stronk verwyder en in stafies gesny SOUS ◗ 15 ml (1 e) grondboontjie botter◗ 30 ml (2 e) sojasous◗ 15 ml (1 e) ryswynasyn◗ 15 ml (1 e) heuning◗ 15 ml (1…

1 Onderlaag Wend ’n basislaag aan. Dit sal die onderlaag langer in plek hou en help om jou gesig ’n mat voorkoms te gee. Wend daarna jou onderlaag aan met ’n onderlaagborsel of ’n grimeersponsie; begin by die dele wat die meeste aandag benodig, soos donker kolle, en beweeg dan na die res van die gesig. Maak seker die onderlaag is goed geskakeer; gebruik rolbewegings vir skakering. WENK Spuit setsproei aan jou grimeersponsie; dit sal die onderlaag help om langer aan jou vel te kleef. 2 Wenkbroue Kam jou wenkbroue met ’n wenkbrouborseltjie. Trek ’n lyn onder die wenkbrou en nog een bo-op; begin op die dikste deel van die wenkbrou. Vul jou wenkbroue in deur die rigting van jou hare te volg. Span weer die borseltjie in om alles…

Dit maak nie saak in watter formaat die onderhoud geskied nie, sekere grondbeginsels bly dieselfde. Gebruik dié voorbereidingswenke van Phiona om te verseker jy staan kop en skouers bo die ander aansoekers uit in jou volgende werkonderhoud. ▪ Doen navorsing oor die maatskappy. Kyk na hul webtuiste en sosialemediaplatforms sodat jy weet watter soort ondernemingskultuur hulle het en wat hulle doen. ▪ Vra vooraf die posbeskrywing aan as jy net oor die posbenaming ingelig is. Gebruik die beskrywing om soortgelyke poste na te vors om ’n idee te kry van wat die werk behels. ▪ Maak aantekeninge van jou eienskappe waarby die werk kan baat vind. Probeer voorbeelde hê van hoe jy in die verlede gewys het jy beskik oor dié eienskappe. As jy dit onvoorbereid aanpak, vergeet jy dalk…

Stuur voorstelle en versoeke na geldsake@huisgenoot.com. E-pos sal sover moontlik in die rubriek beantwoord word en nie persoonlik nie. DESEMBERMAAND se vakansie was heerlik en jul Kersen Oujaarsvieringe wonderlik, maar nou sit jy met die babelas van feestydskuld wat jy moet afbetaal. En as jy regtig platsak is hier aan die begin van 2020, voel jy dalk gedwing om boonop nuwe skuld te maak net om jou gewone maandelikse rekeninge te betaal tot jou geldsake later in die jaar weer vlot. Nuwe skuld terwyl jy jou vakansieskuld afbetaal, is natuurlik iets wat jy moet probeer vermy. Lees egter hier hoe jy albei skuldsituasies kan bestuur. DIE BESTE MANIERE OM FEESTYDSKULD TE DELG Dis belangrik om jou vakansieskuld so gou moontlik af te betaal. Staak enige besteding aan onnodige luukses soos…

1 Robert is ’n koel ou. Toe hy hoor die akteur John Boyega (27) is ’n groot aanhanger van hom, het hy hom uit die bloute gebel. “Ons het lank gesels. Hy’t gesê: ‘As jy weer in Los Angeles is, kom na my toe,’ ” vertel John. En toe John daar aankom, sit die akteur Orlando Bloom in Robert se huis en pannekoek eet. 2 Hy het op 10 balletklasse geneem, is ’n jogi en beoefen die Chinese gevegskuns Wing Chun. 3 Hy en die aktrise Sarah Jessica Parker (54) was sewe jaar ’n paartjie voor hulle in 1991 uitmekaar is weens sy alkohol-en dwelmmisbruik. 4 Hy kan sing. Robert het in 2004 sy debuutalbum, The Futurists, uitgereik. 5 Hy het drie kinders, Indio (26) – sy seun uit sy…

G’n preek nie Hy hou nie daarvan om sy musiek te etiketteer nie, verduidelik Rudi Muller (42) oor sy jongste soloalbum, Nuwe dag. “Hoewel elke liedjie op ’n Bybelteksvers geskoei is, preek ek nie en skryf ek nie voor nie. Die evangelie is vir almal beskore, maar dit bly elkeen se eie keuse of hulle dit gaan vat of nie,” vertel hy. “Daarom is die albumomslag ook baie informeel, want dit moenie lyk of ons gaan kerk hou nie.” ’n Nuwe dag Die aanslag is opgewektheid met lekkerluistermusiek vir wanneer jy in die kar klim, som Rudi die album op. Dit begin met ’n voorlesing teen ’n musiekagtergrond uit die skeppingsverhaal van Genesis. Daarna wissel die verwerkings tussen genres soos ligte rock (“Nuwe dag”), pop (“Jesus lewe”) en aanbidding (“Everlasting…

Jy kan ’n Verklarende Afrikaanse Woordeboek of Afrikaanse Woordelys en Spelreëls van die uitgewer Pharos (pharos@pharos.co.za) wen. Vul die blokraai in en gebruik die letters in die kleurblokke om die antwoord op die vraag te ontsyfer. SMS “HG” gevolg deur jou antwoord, naam en dorp/stad na 36400. Net een SMS per deelnemer word toegelaat. Net mense binne SA se grense kan deelneem. Die SMS kos R1,50. Hou die oorspronklike, volledige blokraai met jou besonderhede as bewys. Geen posstukke word as inskrywing aanvaar nie. Geen werknemers of hul gesin van Media24, Grapevine Interactive of hul reklamemaatskappye mag deelneem nie. Die sluitingsdatum is 6 Februarie 2020. Gaan na huisgenoot.com om die volledige bepalings en voorwaardes te sien. VRAAG WATTER SOORT BOOM IS TER SPRAKE? SKOMMEL DIE LETTERS IN DIE KLEURBLOKKIES OM DIE…

GROOT BLOKRAAI NO. 2 312 GROOT BLOKRAAI NO. 2 312 Antwoord: saffier FOTOBLOKRAAI NO. 2 058 FOTOBLOKRAAI NO. 2 058 Antwoord: rubriek Vanweë ons feestyddruktye sal die name van die wenners vir Groot Blokraai no. 2 312 en Fotoblokraai no. 2 058 eers in ’n latere uitgawe verskyn. KOPKRAPPER WENNERS GROOT BLOKRAAI NO. 2 309 PHAROS-TWEETALIGE WOORDEBOEK Y. Erasmus, Kimberley C. Abrahams, Kuilsrivier L. Malan, Roodepoort FOTOBLOKRAAI NO. 2 055 VERKLARENDE AFRIKAANSE WOORDEBOEK W. Lagendijk, Vishoek AFRIKAANSE WOORDELYS EN SPELREËLS H.B.J. Olivier, Franskraal KODERAAI NO. 416…

DOEN DIT: WEES JOUSELF Dit is nie altyd maklik om in te pas in ’n groot groep mense wat almal hul eie sterk persoonlikhede het nie. Maar onthou, jy is uniek en moenie probeer verander om in te pas in die groep nie. Groepsdruk is so laas dekade. Wees jouself en floreer! Dit is juis op hoërskool dat jy jouself moet ontdek en as ’n mens moet groei. Maak ’n lys van dinge wat jy eendag wil doen of word. Sodra jy op skool gedruk word om te verander of iets te doen wat jy weet jy nie moet of wil doen nie, dink aan daai lysie en jou toekomsplanne en of jou keuses nou jou doelwitte eendag gaan beïnvloed. OEFEN GEREELD As jy nie ’n gimlidmaatskap het nie, keer…

HY IS op sy gelukkigste wanneer hy kaalbolyf in die buitelug saam met sy geliefde groot katte baljaar – kietsies wat hom met ’n enkele oorveeg van die poot sou kon doodklap. Maar as dié karakter jou aan Tarzan laat dink, het jy die kat aan die stert beet, want Kody Antle en sy dierevriende kom helaas nie uit ’n storieboek nie. Hul “oerwoud” is die Myrtle Beach-safaripark in Suid-Carolina, Amerika, en danksy die reikwydte van die sosiale media is Kody (29) deesdae byna net so bekend soos die fiktiewe woudbewoner wat in 1912 deur die skrywer Edgar Rice Burroughs geskep is. In sy Instagramvideo’s stoei hy met Bengaalse tiere, baljaar saam met sy kragtige sjimpansees of speel met Bubbles, ’n olifant. Dit help beslis dat Kody met sy lang…

DIT was die vyfde keer in vier jaar dat Elizma Theron moes trek. Maar dié keer was dit die laaste keer. Toe die sangeres en haar helikoptervlieënierman, Nico (39), verlede jaar die eerste keer in die dubbelverdiepinghuis instap, was dit soos met hul eerste ontmoeting: liefde met die eerste oogopslag. “Toe die huis in die mark kom en ons daarna kom kyk, het die huis net met ons gepráát. Ek en Nico het dadelik geweet: Hiér wil ons bly, en hiér gaan ons gelukkig wees,” vertel Elizma (36) oor die huis in ’n veiligheidskompleks in die ooste van Pretoria, skaars 200 m van die huurhuis waar die paartjie en hul twee kinders, Eli-zé (5) en NJ (3), tot einde November gebly het. Die gesin het in 2015, voor NJ se…

Terwyl Kate, die hertogin van Cambridge, die ysige Engelse weer saam met die koninklike familie by Sandringham moes trotseer, het die res van die Middleton-familie die nuwe jaar op ’n eilandparadys binnegegaan. ’n Vietse Pippa Middleton (36) is saam met haar man, James Matthews (44), en ma, Carole, op die strand van die Karibiese eiland Sint Bartolomeus (bekend as St. Barts) opgemerk. James se familie besit die Eden Rockhotel daar. Maar terwyl Pippa se volmaakte lyf ná haar swangerskap (sy is die ma van die eenjarige Arthur) lof by aanhangers ontlok het, was dit eintlik Carole se lenige lyf wat opslae gemaak het. Wat is dié mooi ouma (64) se geheim? Volgens mense in die binnekring volg Carole ’n streng veganistiese dieet. Sy stap graag en speel ook ’n hele…