Innehållsförteckning för 23-Jan-20 från Huisgenoot

1 ‘HOOP IS ONBREEKBAAR’ VIR OPTIMISTIESE GRETHA Ondanks haar gebroke huwelik bring 2020 ’n nuwe hoofstuk en glo sy steeds als werk ten goede mee, skryf Gretha Wiid in ’n ope brief aan Huisgenoot -lesers Jy is ’n pragtige vrou! Tel jou kop hoog op en moet jou nie steur aan al die giftige mense nie! Hul eie lewe is duidelik “perfek” . . . Alles wat mooi is vir 2020! TERSIA Waaroor gaan almal so aan oor haar? Sy is nie die eerste mens met wie dit gebeur nie en sal ook nie die laaste wees nie. As ek dalk onsimpatiek klink – ek was ook al daar. RITA Gretha, jy is pragtig. Diegene wat nie van jou hou nie, is net jaloers. As mense niks goeds het om…

IN HUL 29 jaar in die bedryf help die Brookdale Health Hydro in die KwaZulu-Natalse Middelland nie net hul gaste om ’n gesonder leefstyl aan te leer nie; hulle bemagtig hulle (en baie ander) ook om met hul nuut verworwe gewoontes vol te hou met behulp van gebruikersvriendelike resepteboeke. Hulle het onlangs hul derde kookboek, Brookdale’s Heavenly & Healthy Balance, bekendgestel. Die resepte daarin wys jou hoe vinnig en maklik dit is om voedsame en smaaklike maaltye by die huis te berei. GROENBOONSLAAI MET OONDGEROOSTERDE BEET GENOEG VIR 4-6 MENSE BEREIDING: 15 MIN. GAARMAAK: 25 MIN. SLAAI ◗ 500 ml (2 k) beet, gehalveer en in skywe gesny◗ 10 ml (2 t) dukkah◗ 15 ml (1 e) olyfolie◗ 80 g roket◗ 300 g groenbone, geblansjeer◗ 60 ml (¼ k) Deense…

KRY DIT HIER @HOME 0860-576-576, HOME.CO.ZA; CHECKERS 0800-001-0709, CHECKERS.CO.ZA; CORICRAFT 021-508-5200, CORICRAFT.CO.ZA; DULUX 021-510-4542, DULUX.CO.ZA; HOME ETC. 021-551-3311, HOMEETC.CO.ZA; LE CREUSET 082-338-0490, LECREUSET.CO.ZA; LIGHTINGWAREHOUSE.CO.ZA; MAKRO 0860-600-999, MAKRO.CO.ZA; MRP HOME 0800-212-535, MRPHOME.COM; SHEET STREET 0800-212-535, SHEETSTREET.COM; SUPERBALIST.COM; TAKEALOT.COM; YUPPIECHEF 0861-702-4969, YUPPIECHEF.COM HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

Stuur voorstelle en versoeke na geldsake@huisgenoot.com. E-pos sal sover moontlik in die rubriek beantwoord word en nie persoonlik nie. AS ’N kredietkaarthouer kan jou gesinslede soos jou kinders gekoppelde kaarte kry. Jy is dan die hoofkaarthouer en die gekoppelde kaarthouers kan teen jou rekening aankope maak sonder om self vir ’n kredietkaart aansoek te doen. Dis gerieflik, maar onthou – jy sal vir almal se uitgawes moet pa staan. HOE KWALIFISEER EK VIR ’N GEKOPPELDE KREDIETKAART? Banke en ander instellings wat kredietkaarte gee se voorwaardes verskil, maar by elkeen is die vereiste dat die hoofkaarthouer ’n goeie kredietrekord het. Gewoonlik moet die gekoppelde kaarthouers gesinslede en minstens 16 of 18 jaar oud wees en by dieselfde adres as die hoofkaarthouer woon. As ’n voornemende hoofkaarthouer moet jy by ’n banktak…

MEJUFFROU SONNEBLOM DIE HEUWELS FANTASTIES Dié een is reeds ’n groot treffer en baie gewild onder aanhangers van Die Heuwel Fantasties (DHF). Die video het al byna 75 000 kyke gekry. Dis in tipiese DHF-styl, maar het invloede van die klanke van die 1980’s en ’90’s. Hunter Kennedy se lirieke is soos gewoonlik vlymskerp en direk. EK’S LIEF VIR JOU ANDERS Dis ’n liefdesliedjie wat paartjies gerus vir mekaar voor die kansel kan sing. Die lirieke bevat al die verskillende beloftes wat die paartjie se liefde en toekomsplanne vir mekaar bevestig. Hierdie enkelsnit het ’n folkinslag met effense rock-ondertone in die koorgedeeltes wat daarvan ’n lekker saamsingliedjie maak. ONS MAAK SAAK BRENDAN PEYPER, CHRISTIA VISSER, ELANDRÉ, EN REFENTSE Dié gewilde kunstenaars span saam vir ’n liedjie van hoop vir Suid-Afrika.…

HOTEL TRANSYLVANIA 2 SATERDAG 19:30 & SONDAG 12:20 E.TV Dracula en sy monstervriende probeer sy kleinseun se monstertalente na vore bring. Met Adam Sandler se stem. BINNELANDERS MAANDAG KYKNET 19:30 Ingrid (Michelle Botes) kom met alles na vore in ’n gesprek met Annelize. POWER E.TV 22:00 Ghost (Omari Hardwick) sien ’n geleentheid om die klubs te verbeter.…

Besoek ons webtuiste, huisgenoot.com, vir ’n daaglikse horoskoop. VISSE 19 FEB – 20 MRT Jou verbeelding kan vandeesweek met jou op loop gaan, ten goede of ten kwade. Wanindrukke kan jou in die sop laat beland. Verbeeldingsvlugte kan tot vernederende situasies lei, maar as dit slim aangewend word, kan dit vrugte afwerp. Span dus dié week jou idees op produktiewe maniere in. Rig jou geestesoog op kreatiewe projekte en stort jou sienings in poësie, musiek of kuns uit. GELUKKIGE NOMMERS 33, 14, 3, 44, 22, 49 RAM 21 MRT – 19 APR As jy ’n tipiese Ram is, is jy waarskynlik iemand wat daarvan hou om dinge op jou eiesoortige manier te doen. Maar dis ’n week waarin jou sake bespoedig kan word as jy hulp van ander aanvaar en…

DIE fyn insek wat net ’n breukdeel van ’n gram weeg, ken ons uit aan die aanhoudende zoemgeluid wat jou gou-gou kan laat jeuk en krap. Die wêreld se meer as 3 000 muskietspesies kan talle siektes aan mens en dier oordra. Boonop is dié klein insek jaarliks vir miljoene sterftes verantwoordelik. Hoewel die muskiet na ’n regte booswig klink, speel dié insek tog ’n belangrike rol in die ekostelsel. WAAR KOM MUSKIETE ORAL VOOR? Muskiete word oral in die wêreld aangetref behalwe in Antarktika. Hulle benodig hoofsaaklik water om te kan voortbestaan. Die soort water wissel van stilstaande waterpoele en vars vloedwater tot moerasse en riviere. Maar al die muskietspesies kom nie in een gebied voor nie. Lande, provinsies en streke beskik oor verskillende muskietsoorte wat in grootte verskil…

SY WORD die “stoute niggie” genoem en is daarvoor bekend dat sy in Londen se beste kuierplekke uithang. Kitty Spencer is allermins beskeie oor haar glanslewe en deel graag foto’s van haar ervarings op Instagram. Maar daar is een ding wat die oudste kind van prinses Diana se broer nie bereid is om in die sosiale media te bespreek nie: haar liefdeslewe. En dis ’n jammerte, want haar romanse met die skatryk Suid-Afrikaans gebore sakeman Michael Lewis is omtrént fassinerend – en nou is die paartjie boonop ondanks hul groot ouderdomsverskil verloof. Hulle is maar nog net twee keer saam gesien en vermy dit om in die openbaar oor hul verhouding te praat. Maar daar vind dalk binnekort nog ’n troue met ’n koninklike geur plaas. Michael (60) het glo…

Lourdes Leon (23) Die model het die nuwe jaar ingelui met ’n gesinsvakansie in die Maledive saam met haar ma, Madonna (61), en vier van haar vyf sibbes. Maar Lourdes het ook tydens die idilliese wegbreek gehaltetyd saam met ’n onbekende man ingepas. ‘Sy het heelwat meer talent as ek’– MADONNA OOR LOURDES Everly Tatum (6) ’n Swanger Jenna Dewan (39) het met haar boepie gespog op ’n ontspanne wandeling saam met haar dogter, Everly Tatum, in Los Angeles. Samuel Affleck (7) Ben Affleck se jongste het behoorlik gestraal nadat sy ma, Jennifer Garner (47), hom in Los Angeles na ’n salon geneem het om sy naels te laat versorg. Suri Cruise (13) Die jongeling was haar superster-pa, Tom Cruise (57), uitgeknip toe sy onlangs in ’n rooi pofbaadjie en…

SKAARS twee jaar het verloop sedert daardie luisterryke bruilof van die prins en sy beeldskone bruid in die swier van ’n tradisieryke katedraal. Die wêreld was in vervoering oor dié ware sprokiestroue. Prins Harry, daardie eens verlore en rigtinglose jong man, het sy hart verloor op ’n wêreldwyse aktrise wat duidelik lief was vir haar prins, maar ook ’n sterk wil van haar eie het. Harry en sy Meghan was ’n formidabele paartjie – hy met sy natuurlike sjarme en prettige streep; sy die slim en selfversekerde Amerikaanse skoonheid. Die nuwe koninklike glanspaar gaan dinge deurmekaarkrap, het waarnemers toe reeds voorspel. Maar hulle kon dalk die beste ding gewees het wat in ’n lang tyd met die stugge koninklike familie gebeur het: Hulle was gewild onder gewone mense, meer toeganklik…

DIE paartjie kan hul hande nie van mekaar afhou nie. Eers vee boer Hentie, van die kykNETreeks Boer soek ’n vrou, die hare van Hantie se skouers af, en dan rus sy haar hand sagkens op sy been. Tussendeur kyk hulle liefdevol na mekaar. Dis ’n volmaakte prentjie van twee verliefdes. Maar dit was so hittete of dinge het anders vir dié rooibosboer van die Sandveld en die vrou aan sy sy uitgewerk. “Ek kry hoendervel as ek daaraan dink dat sy dalk nie nou hier langs my sou wees nie,” vertel die 51-jarige boer en deelnemer aan die 12de seisoen van dié maatsoekreeks. “Kyk hoe slaan die goosebumps aan jou bene uit,” merk Hantie (48) op en vryf dit weg. Sy lyk koel en elegant in ’n wynrooi bloes…

1 Loslit pakke Manspakke raak gemaklik met lospassende snitte in sorbetpalette en gedempte kleure soos grys en taan. Hou jou donker pakke vir spesiale geleenthede. 2 Knoopdoop Knoopdoop dateer uit die 1960’s, maar die moderne weergawe is subtieler. Net een of twee kleure word gebruik. 3 Pasmaatpatrone Bypassende patrone is een van vanjaar se grootste modes. Jy kan kies en keur uit speelse patroontops en -broeke in ’n verskeidenheid kleure en motiewe. Maar hou dit gesofistikeerd met skoene en bykomstighede in ’n kleurskema wat by die patrone van jou uitrusting inskakel. 4 Diervelpatrone Dié patrone het die toets van die tyd deurstaan. Kies diervel-inspirasie van kop tot tone of, as die voorkoms vir jou te skel is, voeg net hier en daar ’n aksent by – soos op die foto…

DIT word nie verniet jou groot dag genoem nie. Die besluit om te trou is een van die grootste besluite wat jy in jou lewe sal neem – en die troue self kan duur raak. Volgens tradisie is daar van die bruid se familie verwag om die meeste van die troukoste te dek, maar ál meer paartjies kies om vir hul eie troue te betaal en het buigsaam geword oor wie vir wat betaal. Volgens ’n verslag deur die International Academy of Wedding and Event Planning betaal 68% van paartjies nou vir die meeste van die trou-uitgawes. Jy kan natuurlik die geleentheid so groot of klein hou as wat jy wil, maar wat jy ook al besluit, om uit te pluis hoe jy daarvoor gaan betaal is ’n belangrike deel…

1 VAN TURKYE TOT SA Dié Turkse telenovelle, wat in Afrikaans oorgeklank is, het onlangs op VIA begin. Dit volg die storie van twee vroue wie se lewe ná ’n motorongeluk vervleg word. Die swanger Gülseren (Nurgül Yesilçay) skenk ná die ongeluk die lewe in ’n hospitaal. Hier word haar baba dan met dié van Dilara (Ebru Özkan) omgeruil. Die kinders leef 15 jaar lank saam met hul niebiologiese ouers tot die waarheid onthul word. Die een gesin is ryk, terwyl die ander ’n nederige bestaan voer. 2 HERUITSENDING Die eerste en tweede seisoen van die reeks is reeds op eExtra (DStv-kanaal 195) uitgesaai, maar was so gewild dat die eerste seisoen nou weer op VIA beskikbaar is vir dié wat dit nog nie gekyk het nie. 3 WÊRELDWYD Die…

ANDERMAN SE VROU Deur CHRIS KARSTEN (Human & Rousseau, R235*) Twee jaar ná die reeksmoordenaar Jack Niemand se dood is daar steeds vrae wat onbeantwoord bly. Wim Kellerman gaan Kanada toe om sogenaamd aankope te doen vir sy skoenlapperboerdery, maar intussen gaan soek hy antwoorde daar. Die skrywer Chris Karsten het ná presies sewe jaar en een week in Nova Scotia, Kanada, na Suid-Afrika teruggekom. Hy beantwoord self ’n paar vrae. Sal Kanada steeds in die toekoms so ’n groot rol in jou verhale speel? Ek weet nie. Die persoonlikhede van my twee hoofkarakters (held en boef) bepaal die intrige van ’n storie, pleks van om eers ’n intrige te ontwikkel en my hoofkarakters daarby te laat aanpas. Die ruimtes van die storie hang dus af van die plekke waarin…

PLATSAK Ek is nou so arm, iemand het nou die dag by my internetbankrekening ingebreek en toe maar ’n donasie gelaat. DENISE, PRETORIA SLEGTE TYDING Die dokter sê: “Johan, ek is bevrees ek het slegte nuus vir jou. Jy het nog net ses maande om te leef.” “Ses maande? Nee, Dok, dit kan nie wees nie,” sê Johan verslae. “Ek sal nooit jou rekening binne net ses maande kan betaal nie.” “Nou goed,” sê die dokter, “dan gee ek jou ’n jaar.” JOHANNA, BRAKPAN GRAFSKRIF Oom Koos was ’n baie kwaai man. Op sy grafsteen het hy laat uitbeitel: “Wat kyk jy?” HELENA, KEMPTON PARK MISVERSTAND My vrou was baie beïndruk toe sy hoor hoe baie geld ek elke maand vir charity gee. Maar sy was hoogs befoeterd toe sy…

VERMAAK-GESIN Roman is in Londen gebore en woon tans saam met sy ouers en tweelingbroers, Gilby en Hardy, in Oos-Sussex, Engeland. Hy is nie al een in die vermaakbedryf nie. Sy pa, Ben Davis, is ’n kameraman en sy ma, Camille Griffin, ’n skrywer en regisseur. BLINK STER Roman Griffin Davis is te sien as Jojo in die Golden Globe-benoemde fliek Jojo Rabbit. Vir dié rol as ’n naïewe Duitser met ’n denkbeeldige vriend – ’n komiese weergawe van die diktator Adolf Hitler – is hy ook benoem vir beste akteur in ’n musiek-of komediefliek, en dit boonop teenoor sterre soos Eddie Murphy en Leonardo DiCaprio. Taron Egerton het eindelik met die beeldjie weggestap vir sy rol as Elton John in Rocketman. GROOTSTE ONDERSTEUNERS Roman is ook vanjaar vir ’n…

HET muskiete jou al vol jeukende knoppe gelaat? Of het ’n by of perdeby al jou piekniek bederf deur jou nie uit te los nie? Goggas kan jou tot raserny dryf. Gelukkig is die meeste van hulle nie gevaarlik nie. Lees hier hoe om hul byte en steke te identifiseer en te behandel. Wys dit vir jou ouers en gaan dadelik dokter toe as jy siek voel. MUSKIETE ’n Muskietsteek veroorsaak ’n klein, ronde en jeukerige rooi of pienk bult of swelsel aan die vel. Die meeste muskiete is onskadelik, maar party dra gevaarlike siektes oor, waarvan malaria in Suid-Afrika die bekendste is. HOEKOM BYT MUSKIETE MY ALTYD? • Muskiete byt graag mense wie se voete stink. • Mense met O-bloed word die meeste gebyt, dan tipe B en dan…

Hierdie LEWE Gewone mense in hul eie woorde FRANCISCA LASZIG (65), SIRKUSARTIES ‘DAAI gevoel as jy die arena op jou high heels binnestap en om jou sit die tent vol mense … Jy is mooi ge-make-up en jy dra ’n sexy kostuum. Die musiek speel en die mense klap vir jou hande. Dan kry jy daai wow-wow-gevoel van lekkerkry. Elke keer as jy gaan vir ’n trick, voel jy die butterflies in jou maag van opwinding. Ná 45 jaar in die sirkus is dit show ná show steeds daar. Ai, daai butterflies! Alles het daar in die middel 1960’s begin toe ek ’n laerskooldogtertjie in Witbank was en my pa my en my broer elke jaar sirkus toe gevat het. Ek was sirkusmal! In die laerskool al het ek geweet:…

Herenig! Gerugte dat Gigi Hadid en Zayn Malik weer ’n paartjie is, loop al sedert einde verlede jaar, en nou het die twee eindelik bevestig hulle is inderdaad weer bymekaar. Die bekende paartjie is in New York gewaar toe hulle uit was om Zayn se 27ste verjaardag saam met Gigi se suster die model Bella Hadid (23) en die sangeres Dua Lipa (24) te vier. Dua gaan nou met Gigi (24) en Bella se jonger broer, Anwar (20), uit. “Gigi en Zayn het net voor die vakansie in Desember weer begin uitgaan,” beweer ’n bron. “Sy het hom nog altyd liefgehad, en die blaaskans tussen die twee was nodig.” Die model en voormalige One Direction-sanger het beslis ’n aanaf- verhouding. Hulle het in 2015 begin uitgaan en in 2018 die…

ETLIKE maande gelede het Rob Kardashian en Blac Chyna beloof hulle is verbind tot ’n “goeie verhouding” as medeouers vir hul driejarige dogter, Dream. In September 2017 het die eertydse paartjie tot gesamentlike toesig ingestem nadat hul warrelwindromanse en mislukte verlowing in hul kortstondige werklikheidsreeks, Rob & Chyna, vasgelê is. Maar met 2020 nog in sy kinderskoene het Rob nuwe regsdokumente ingedien om hooftoesig oor Dream te probeer kry. Luidens sy hofdokumente is die 31-jarige Chyna, ’n model, byna altyd dronk en hou sy gereeld wilde partytjies in haar huis waar hul dogtertjie by is. Rob beskuldig Chyna – wat ook ’n seun, King Cairo (7), by die rapper Tyga (30) het – daarvan dat sy kokaïen snuif en mense in haar huis met geweld dreig. In een beweerde voorval…

PETER PHILLIPS Met geen koninklike verpligtings wat hom aan bande lê nie, het die koningin se gunstelingkleinseun al vir Jaguar en die Williams-F1-span gewerk. Hy het toe by die bestuurspan van die Royal Bank of Scotland aangesluit en werk nou as direkteur van die sport-en-vermaakmaatskappy SEL UK. ZARA TINDALL Die koningin se kleindogter is ’n bekwame ruiter, ’n ambassadeur vir Land Rover en iCandy-stootwaens, en het ’n juwelierswarereeks geskep. PRINS EDWARD, GRAAF VAN WESSEX Hy het eens probeer om sy koninklike verpligtings met die bestuur van ’n televisieproduksiemaatskappy te kombineer, maar dit het nie gewerk nie. Die koningin se jongste seun het talle van sy pa se verpligtings oorgeneem nadat dié verlede jaar sy aftrede aangekondig het. SOPHIE, GRAVIN VAN WESSEX Sy het haar eie beeldpoetsfirma bestuur, maar het dit…

DIE HEEL BESTE LEWERPATEE LEWER 375 ML (1½ K) LEWERPATEE BEREIDING: 10 MIN. GAARMAAK: 20 MIN. ◗ 15 ml (1 e) olie◗ 200 g repiespek, fyngekap◗ 250 g hoenderlewertjies, afgespoel◗ 15 ml (1 e) brandewyn◗ 60 ml (¼ k) melk◗ 15 ml (1 e) gemengde Italiaanse droë kruie◗ ’n hand vol pietersielie, fyngekap◗ fyngerasperde skil van 1 suurlemoen◗ sout en vars gemaalde peper◗ ’n paar takkies pietersielie◗ 60 ml (¼ k) botter, gesmelt VIR VOORSIT ◗ geroosterde ciabattaskywe 1 Verhit die olie in ’n groot pan en braai die spek tot sag. Voeg die lewer by en roerbraai tot gaar – die lewer moet nog effens pienk in die middel wees.2 Voeg die brandewyn by en roerbraai 5 min. Skep die lewermengsel in die bak van ’n voedselverwerker. Pols tot…

WAT IS DIE VERSKIL? Ken jy die verskil tussen eau de parfum (EDP), eau de toilette (EDT) en reukwater (cologne)? Hier is inligting oor die soorte geurprodukte: Eau de parfum (EDP) Dit het ’n oliebasis en bevat sowat 20-40% geurolie. Die reuk hou langer as EDT. Dis gewoonlik duurder. Eau de toilette (EDT) Dit het ’n ligter geur as EDP en meestal ’n waterbasis met sowat 10% olie. Die reuk hou sowat twee tot vyf uur. Dis goedkoper as EDP. Reukwater (cologne) Dit het ’n ligter geur as EDT, maar ook ’n waterbasis en sowat 2-4% olie. Die reuk hou sowat drie tot vier uur. Dis nog bekostigbaarder en gewild onder mans. WEND DIT SO AAN As jy wil hê jou geur moet langer hou, maak seker jy wend dit…

As jy ’n persoonlike probleem het, skryf gerus aan Liewe Elize, Posbus 1802, Kaapstad 8000 of elize@huisgenoot.com. Of SMS LIEWE ELIZE gevolg deur jou vraag na 36489. Elke SMS kos R1. HOE NOU NÁ MAN SE ONTROU? V Hoe gemaak as jy uitvind jou lewensmaat was seksueel aktief met ’n prostituut? Ek het hom agtervolg nadat ek agtergekom het hy hou heeltyd sy rekenaar se geskiedenis skoon. Ek het gedink hy dobbel aanlyn of op masjiene, want van ons geld het verdwyn en ek wou hom nie sonder feite konfronteer nie. Hy verdwyn gereeld saans met allerlei verskonings. Dis so vreeslik vir my dat hy hieroor lieg. Ons is al meer as ’n dekade getroud en het kinders. Ek wil nie skei nie en ek glo ten spyte van alles…

BEKROONDE OORLOGSDRAMA Ons het dié Skotse ster laas op die silwerdoek in Rocketman gesien as John Reid, die musieklegende Elton John se kêrel en bestuurder. Hy is nou te sien in die Eerste Wêreldoorlog-fliek 1917, wat onlangs met ’n Golden Globe vir beste drama vereer is. Hy speel ’n weermagluitenant in dié fliek oor twee Britse soldate wat op ’n noodsaaklike sending gestuur word om hul bataljon oor ’n hinderlaag deur die Duitsers te waarsku. Verfilmingstoestande was moeilik, met akteurs wat weke lank modderige velde moes aanpak. Sam Mendes, die regisseur, sê hy wou “die beste akteurs moontlik” kry. Die fliek beskik ook oor sterre soos Colin Firth en Benedict Cumberbatch. Richard was ook te sien as Robb Stark in die trefferreeks Game of Thrones, Prince Charming in Disney se…

ANDER MENS Donkerkomedie. Die akteur Bennie Fourie moes 16 kg aansit om die rol van die vaal, teruggetrokke boekhouer Daniël Niemand in dié fliek te vertolk. Daniël se saai lewe verander onherroeplik toe sy vrou hom vir hul huweliksberader los en hy met die misdaadonderwêreld verstrengel raak. Die rolprent is gegrond op die skrywer Zirk van den Berg se roman. Met Marlee van der Merwe, Bennie Fourie en Frank Opperman (foto). 2019. 120 MIN. 16GNT OP DSTV BOXOFFICE EN DVD DORA AND THE LOST CITY OF GOLD Avontuurkomedie. Dié fliek is gegrond op die gewilde animasiekinderreeks Dora the Explorer. Dora is ’n meisie wat haar lewe lank die oerwoud saam met haar ouers verken het. Maar toe sy afsit hoërskool toe, moet sy die stadslewe aandurf. Kort voor lank bevind…

Jy kan ’n Verklarende Afrikaanse Woordeboek of Afrikaanse Woordelys en Spelreëls van die uitgewer Pharos (pharos@pharos.co.za) wen. Vul die blokraai in en gebruik die letters in die kleurblokke om die antwoord op die vraag te ontsyfer. SMS “HG” gevolg deur jou antwoord, naam en dorp/stad na 36400. Net een SMS per deelnemer word toegelaat. Net mense binne SA se grense kan deelneem. Die SMS kos R1,50. Hou die oorspronklike, volledige blokraai met jou besonderhede as bewys. Geen posstukke word as inskrywing aanvaar nie. Geen werknemers of hul gesin van Media24, Grapevine Interactive of hul reklamemaatskappye mag deelneem nie. Die sluitingsdatum is 13 Februarie 2020. Gaan na huisgenoot.com om die volledige bepalings en voorwaardes te sien. VRAAG WATTER NATUURVERSKYNSEL IS TER SPRAKE? SKOMMEL DIE LETTERS IN DIE KLEURBLOKKIES OM DIE ANTWOORD…

GROOT BLOKRAAI NO. 2 313 GROOT BLOKRAAI NO. 2 313 Antwoord: vuurpyl FOTOBLOKRAAI NO. 2 059 FOTOBLOKRAAI NO. 2 059 Antwoord: dambord KOPKRAPPER WENNERS GROOT BLOKRAAI NO. 2 310 PHAROS-TWEETALIGE WOORDEBOEK E. van Niekerk, Brackenfell J. Wentzel, Durban E. Crous, Randfontein FOTOBLOKRAAI NO. 2 056 VERKLARENDE AFRIKAANSE WOORDEBOEK C.J. Viviers, Drie Riviere AFRIKAANSE WOORDELYS EN SPELREËLS A. le Roux, Stella Vanweë ons feestyddruktye sal die name van die wenners vir Groot Blokraai no. 2 313 en Fotoblokraai no. 2 059 eers in ’n latere uitgawe verskyn. KODERAAI NO. 417…

IN DIE hartjie van Claremont in Kaapstad skuif die garagedeur oop, en voor jy iemand kan sien, groet ’n bekende stem: “Hallo, julle.” Dis sowaar Die Nutsman, oftewel Riaan Garforth-Venter, wat destyds as aanbieder van die TV-reeks DIY met Riaan op SABC2 en kykNET op die kassie geboer het voor hy ’n paar jaar gelede uit die kollig verdwyn het. Hy en sy seun, Rainn (9), is hier uit Amerika, waar hulle deesdae woon, om by familie en vriende te kom kuier. “Die bouers is nou besig om klaar te maak. Hulle het voor Kersfees opgepak, maar kyk hier, San-Mari (Venter) het dié deur self gebou nadat die oue op haar kop geval het. My kids het iets by my geleer,” spog Riaan so met die intrapslag. Hy praat van…

JUSTIN BIEBER laat hom nie deur internettrolle boelie nie. “Hoewel baie mense aanhou sê Justin Bieber lyk beroerd en hy’s op tik, het hulle nie besef lymesiekte is onlangs by my gediagnoseer nie,” het hy op Instagram geskryf. “Dit was ’n rowwe paar jaar, maar om die regte medikasie te kry sal help met die behandeling van hierdie siekte wat tot dusver ongeneeslik is.” Justin (25), wat in 2018 met die 23-jarige model Hailey Baldwin getrou het, het gesê benewens lymesiekte is “ ’n ernstige geval” van klierkoors ook by hom gediagnoseer. Hy het sy aanhangers beloof hy sal ná behandeling “beter as ooit wees” en dat sy gesondheidsprobleme in ’n komende YouTube-reeks uitgesaai sal word. Justin Bieber: Seasons sal teen einde Januarie beskikbaar wees en aanhangers ’n kykie agter…

EN NOU vir Cameron Diaz se uitdagendste rol ooit – sy word ’n tuisblyma. Die aktrise het haar aanhangers vroeër dié maand onkant betrap toe sy op Instagram onthul het sy en haar man, Benji Madden (40), is ’n dogtertjie ryker. ‘Hulle voel uiters geseën’– ’N BRON Cameron (47) het vertel hul dogtertjie, Raddix, is kort voor Nuwejaar gebore en sy is “baie, baie oulik”. Blykbaar is die egpaar baie betrokke by hul nuwe dogter en het hulle nie ’n oppasser aangestel nie. “Cameron wil elke oomblik by die baba deurbring,” vertel ’n bron. Die aktrise en haar musikantman, van die groep Good Charlotte, het doelbewus stilgebly oor die baba, wat deur ’n surrogaatma in die lewe gebring is, het ’n bron onlangs aan Us Weekly vertel. Hulle wou eers…