Innehållsförteckning för 30-Jan-20 från Huisgenoot

1 ‘DIS ONS BEGEERTE OM ONAFHANKLIK TE WEES’ Prins Harry en Meghan het uit hul rolle as senior koninklikes getree. Harry het die Britse media daarvan beskuldig dat hulle Meghan teister en verneder Goeie besluit. Hulle is ’n jong paartjie wat nog ’n lang pad saam moet loop. Sy kans om koning te word is in elk geval minimaal. Ek wens hulle alle geluk toe.GERDA Harry weet wat met sy ma gebeur het en weier dat dit met sy vrou gebeur. Niks fout daarmee nie. Ek sou gedink het William sou hom ook onttrek het.JANIE-REYNETTE Meghan hoef nie meer die Britse publiek tevrede te stel nie. Hulle dink hulle kan haar verneder net omdat hulle belasting betaal. Mooi so, Meghan.FAMIDA Harry het nog nooit oor die trauma van sy ma…

JY SIEN net tande toe sy oor die groen plaaswerf aangehol kom. Dis nou Tessa, die eenjarige skaaphond en tot onlangs nog die enigste vrou in die huis. Maar sedert haar baas vir Boer soek ’n vrou ingeskryf het, het hulle hier op die rooibosteeplaas naby Clanwilliam in die Wes-Kaap “enetjie bygekry’’, soos boer Willem sê. “Jy moet breed glimlag,” sê dié platjie vir Tessa. “Dis nie meer net ek en jy nie.” In die plaashuis bespeur jy die hand van ’n vrou noudat Sanel Prinsloo, ’n 23-jarige onderwyseres, hier by Willem Pool (30) en Tessa kom nesskop het. Op die stoep is woorde op ysterplaatjies teen die sandsteenmuur onder mekaar vasgemaak: Hoop. Liefde. Samesyn. Waardeer. Vriende. “Die garage is vol van bokse met haar goeters in. Daar is badsout…

STERK TAMATIES-EN-STEURGARNALE GENOEG VIR 4 MENSE AS ’N MAALTYD OF 6 AS BYKOS BEREIDING: 10 MIN. GAARMAAK: 25-30 MIN. ◗ 30 ml (2 e) olyfolie◗ 2 uie, gekap◗ 4 knoffelhuisies, gekap◗ 5 cm-stuk vars gemmer, gerasper◗ 2 rooi brandrissies, gekap◗ 1 kg steurgarnale, die derms uitgehaal◗ 5 ml (1 t) tamatiepasta◗ 250 g kersietamaties sap van 1 lemmetjie◗ 15 ml (1 e) sojasous◗ 5 ml (1 t) bruinsuiker◗ ’n hand vol vars koljanderblare 1 Verhit die olie in ’n groot, diep pan en braai die uie tot bruin. Voeg die knoffel, gemmer en brandrissies by en roerbraai tot geurig.2 Skep die steurgarnale in die pan en roerbraai tot helderkleurig en gaar.3 Roer die tamatiepasta, tamaties, lemmetjiesap, sojasous en bruinsuiker by. Roerbraai tot die tamaties bars. Roer die koljanderblare by en sit…

Grimering 1 LIPTINT-EN-BLOSSER Palladio 2-in-1 Cheek and Lip Tint in Dainty R95 Dié veeldoelige produk kan jou geld bespaar. Dit wend maklik aan die wange aan en gee die lippe ’n ligte pienk tint. 2 BB-ROOM L.A. Girl BB Cream in Medium R64,95 Gebruik jou duur onderlaag vir spesiale geleenthede en dra jou BB-room meer gereeld. 3 GRIMEERBORSELS Clicks Make-Up Brush Set R95 vir ’n pak van 3 Grimeerborsels kan duur wees, maar goedkoper opsies is beskikbaar, soos hierdie een. 4 LIPGLANS Avroy Shlain Colorfun Lipgloss in Kiss Me R89 ’n Kleurryke lipglans is ’n tweedoelige produk: Dit gee jou die kleur van lipstiffie asook ’n blink afwerking. 5 SETSPROEI Wet n Wild Photofocus Natural Finish Setting Spray R70 Laat jou grimering langer hou en verminder heraanwending met dié setsproei.…

Hier’s wenke om jou perspektief oor berou te verander: ▪ Vra jouself wat jy kan leer uit die ervaring wat jy berou sodat jy die les in jou lewe kan toepas. ▪ Werk sagkens met jouself – jy het gedoen wat jy kon met wat jy op daardie oomblik geweet het. ▪ Besef dat dit soms nie te laat is om ’n situasie reg te stel nie. Dit gaan dalk behels om met mense kontak te maak of dat jy iets daadwerkliks doen. ▪ As dit iets is wat jou werklik ontstel, gaan klop dan eerder aan by ’n sielkundige om jou die gebeure in die verlede of besluite te help verwerk.…

▪ Michael Bay (54) was die regisseur van die vorige twee Bad Boys-aflewerings. Die betreklik onbekende Belgiese duo Adil El Arbi (31) en Bilall Fallah (34) het vir die derde fliek in die regisseurstoele gesit. ▪ DJ Khaled (44) behartig die klankbaan van die fliek, en Will se seun Jaden Smith (21) is in twee liedjies te hoor. ▪ Toe die oorspronklike Bad Boys-fliek 25 jaar gelede op die silwerdoek verskyn het, was Will meestal bekend vir sy hoofrol in die sitkom The Fresh Prince of Bel-Air en Martin vir sy trefferreeks Martin en rolle in flieks soos House Party en Boomerang. Will is nou die groter Hollywood-ster. Martin is glo R80 miljoen en Will R245 miljoen vir die jongste fliek betaal.…

1 BOEIEND Dié donker Amerikaanse komediedramareeks speel in verskillende dekades af en wys die gebeure wat tot ’n sterfte lei nadat drie getroude vroue se mans hulle verneuk het. Al drie het in dieselfde huis gebly. 2 STERBELAAID Once upon a Time se Ginnifer Goodwin speel Beth Ann, ’n ondergeskikte huisvrou uit die die 1960’s, die Elementary-ster Lucy Liu is die selfbehepte sosiale vlinder Simone uit die 1980’s, en Kirby Howell-Baptiste van The Good Place en Killing Eve is die hardwerkende prokureur Taylor Harding in 2018. 3 SKEPPER Marc Cherry, die skepper van die gewilde reekse Desperate Housewives en Devious Maids, was ook verantwoordelik vir dié reeks. 4 MODES Een van die hoogtepunte is die modes uit die verskillende eras wat te sien is. Simone se bont huis en klere,…

DIE BIBLIOTEEK AAN DIE EINDE VAN DIE WÊRELD Deur ETIENNE VAN HEERDEN (Tafelberg, R279*) Die Afrikaner was net ’n historiese vergissing, sê ’n bejaarde romanskrywer een aand aan tafel by die ouers van Ian Brand, een van die hoofkarakters in die boek. “Ons klou nog vas aan nostalgie deur ou voorblaaie van Landbouweekblad uit te stal. Ou uitgawes van tydskrifte in gedenkuitgawes weer uit te gee. Te lees oor kosters en voetestamp en hanslammers, kerkbasaars en ou treinhaltes. “Maar als was net ’n droom. Ons kultuur is soos ’n groot biblioteek wat in ligte laaie staan. ’n Oogknip in die tyd, die wit stam van Afrika.” Sy en haar tafelgenote nader die einde van hul lewe aan die suidpunt, maar Ian en die woedende Fees Must Fall-Thuli, wat saam met…

WARCRAFT SATERDAG E.TV 21:30 ’n Orc-rebel help die mensdom veg teen ’n Orc-inval van ’n towerkoninkryk. ABSENTIA DINSDAG M-NET 22:00 Emily (Stana Katic) kry belangrike bewyse in die ondersoek na ’n moordslagoffer. THE LATE LATE SHOW WITH JAMES CORDEN M-NET 23:00 Geselsprogram aangebied deur James Corden, met Adam DeVine en Kieran Culkin as gaste.…

WEN ’N WOORDEBOEK PLUS KOM IN AANMERKING VIR DIE MAANDELIKSE TREKKING VAN R1 000. VRAAG: WATTER SOORT BOEK IS TER SPRAKE? PHAROS WOORDEBOEKE (’N DRUKNAAM VAN NB-UITGEWERS) GEE DRIE EKSEMPLARE VAN DIE AFRIKAANS-ENGELS/ENGELS-AFRIKAANSE WOORDEBOEK WEG. NO. 2 320 NEEM SO DEEL Vul die blokraai korrek in, skryf die letters in die kleurblokke neer en gebruik dit om die antwoord op die vraag te ontrafel. SMS “HG”, gevolg deur jou antwoord, naam en dorp/stad na 36400. Net een SMS per deelnemer word toegelaat. Die SMS kos R1,50. Net mense binne SA grense mag deelneem. Die wenners sal die oorspronklike, voltooide blokraai en hul besonderhede moet verskaf. Geen werknemers of hul gesinne van Media24, Grapevine Interactive en hul reklamemaatskappye mag deelneem nie. Die sluitingsdatum is 20 Februarie 2020. Kyk op huisgenoot.com vir…

DIE Jaar van die Rot sal stylvol gevier word, en met goeie rede. Dis nie net die begin van ’n nuwe siklus van dierejare in die Chinese kalender nie; dis ook ’n tyd van energie, hoop en ’n vars begin. Vanjaar sal bedrywig wees, met gebeure en geleenthede wat verreikende gevolge kan hê. Vir die individu bied die Rotjaar volop geleenthede. Benut vanjaar jou sterk eienskappe en bou voort op wat na jou kant toe kom. Heelwat is moontlik as jy vasberade is. Om te kyk wat jou teken en vooruitsigte vir 2020 is, soek die dier wat oor jou geboortejaar heers. Elke Chinese jaar begin laat in Januarie of vroeg in Februarie. As jy in dié tyd verjaar, moet jy daarom nagaan wanneer die Chinese nuwejaar in jou geboortejaar…

LANK voor die mens allerhande vervoermiddels ontwikkel het, moes ons maar voetslaan wanneer ons iewers wou kom. Gelukkig het die mens duisende jare gelede geleer om diere soos donkies, perde en kamele mak te maak en as vervoer te gebruik. Die uitvinding van die wiel het dit moontlik gemaak om waens te bou waarop goedere en mense vervoer kon word. Ons leer jou hoe die vervoermiddels verder deur die jare op water, op land en in die lug ontwikkel het. VERVOER OP WATER Die ontwikkeling van vaartuie en watervervoer kan na die mens se vroegste tye teruggevoer word. Die oudste bote van uitgeholde boomstompe, oftewel boomkano’s, dateer volgens argeologiese uitgrawings van 10 000 jaar gelede. Daar word egter gereken die oorspronklike inwoners van Australië moes al 40 000 tot 70…

Die raaisel van sy dood het ’n landwye obsessie geword DIT was ’n Vrydagaand en die middestad van Stockholm het gewemel van mense wat tussen kroeë en restaurante drentel. Stil tussen hulle het die Sweedse premier, Olof Palme, en sy vrou, Lisbeth, gewandel. Die egpaar het op die ingewing van die oomblik gaan fliek en, soos dikwels tevore, besluit om nie lyfwagte saam te neem nie. Maar op dié aand in Februarie 1986 het die besluit Palme sy lewe gekos. Om 23:21 het die twee afgestap langs die Sveavägen, een van die stad se besigste strate, toe ’n lang man in ’n donker jas tot agter hulle loop, sy een hand op Palme se skouer sit en met sy ander ’n enkele koeël in die premier se rug afvuur. Hy…

Spekbome het ’n magdom talente: ▪ Dis lekker in slaaie. Die blaartjies het ’n suurlemoenagtige smaak en werk goed in ’n slaai saam met tamatie en kekerertjies, sê Stefan. Die res van die plant smaak nie lekker nie, maar is nie giftig nie, sê Stefan. ▪ Dit voorkom erosie. Spekbome het ’n penwortelstelsel en is daarom ’n goeie grondbinder. ▪ Jy kan jou dors les deur aan die blare te suig. ▪ Dit kan skete behandel. Kou die blaartijes vir ’n seer keel – dit is propvol vita mien C. Die fyngedrukte blare kan ook help om onder meer insekbyte en sonbrand te behandel. ▪ Dit werk in ’n drankie. Die takkies en blare word gebruik om jenewer te geur en laat jou drankie byderwets lyk.…

Die Buckinghampaleis het dit duidelik gemaak hoe Harry en Meghan se verbintenis met die koninklike familie voortaan sal lyk. HUL TITELS Harry bly ’n prins en is die sesde aanspraakmaker op die troon, maar hy en Meghan sal nie meer die titels Sy Koninklike Hoogheid en Haar Koninklike Hoogheid mag gebruik nie. Hulle sal as Harry, hertog van Sussex, en Meghan, hertogin van Sussex, bekendstaan. Harry moet van sy militêre eretitels en pligte afstand doen, maar hy en Meghan het die “koningin se seën” om met hul privaat steun aan welsynorganisasies voort te gaan. Dit is nog onbekend of hulle die naam van hul webtuiste, Sussex Royal, moet verander. WIE SAL OPDOK? Die Britse belastingbetaler sal hulle nie meer finansier nie; prins Charles sal hulle uit sy privaat inkomste bystaan.…

Kaia & Pete Skaars het Kaia Gerber en Pete Davidson se romanse opgevlam of die vuur was geblus. “Dit lyk of dit verby is tussen Pete en Kaia,” het ’n bron vertel oor die paartjie wat die eerste keer in Oktober romanties verbind is. “Dit het baie oorweldigend vir Kaia geraak. Pete het ’n sekere manier van doen en hy’s baie intens teenoor sy meisies. Kaia is net 18, en dis baie om te hanteer.” Die nuus kom nadat Kaia se ouers, Cindy Crawford en Rande Gerber, laat in Desember buite hul dogter se woonstel ’n gespanne gesprek gehad het. Daar is toe bespiegel dat die twee gepraat het oor Pete (26) wat glo tydens die feestyd hulp gesoek het vir sy geestesgesondheid en middelmisbruik. Pete is die afgelope jaar,…

BROWNIE-GOURMET-SJOKOLADEROOMYS LEWER 4 GLASE BEREIDING: 10 MIN. ◗ gekoopte browniemengsel◗ 1,5 L (6 k) sjokoladeroomys BOLAE ◗ donkersjokolade, gesmelt◗ karamellekkers◗ sjokoladestokkies◗ sjokoladeballe◗ kleurstrooisel◗ gekoopte sjokoladesous 1 Berei die browniemengsel volgens die aanwysings op die verpakking. Laat heeltemal afkoel. Sny in klein vierkante en hou eenkant.2 Bolae Doop elke glas se rand in die gesmelte sjokolade en laat hard word.3 Plaas ’n paar vierkante brownies onderin elke glas en verdeel die helfte van die roomys gelykop tussen die 4 glase.4 Herhaal stap 3 en eindig met ’n laag brownies. Rond die glase af met die bolae. TIRAMISU-STAAF GENOEG VIR 8-10 MENSE BEREIDING: 20 MIN. VRIES: 6 UUR, VERKIESLIK OORNAG ◗ 125 ml (½ k) kookwater◗ 30 ml (2 e) kitskoffie◗ 1,5 L (6 k) stracciatellaroomys, halfsag◗ 60 ml (¼ k) roomlikeur◗…

POTTE & PLANTHOUERS PLANTE KRY DIT HIER @HOME 0860-576-576; BUILDERS 0860-284-533; MRP HOME 0800-212-535; NETFLORIST.CO.ZA; PLANTIFY.CO.ZA; SHEET STREET 0800-212-535; STODELS 021-919-1108; WOOLWORTHS 0860-022-002; YUPPIECHEF.COM 0861-702-4969 HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

As jy ’n persoonlike probleem het, skryf gerus aan Liewe Elize, Posbus 1802, Kaapstad 8000 of elize@huisgenoot.com. Of SMS LIEWE ELIZE gevolg deur jou vraag na 36489. Elke SMS kos R1. PA GEKWEL OOR TWEE DOGTERS V My eksvrou het jare gelede ons kinders na ’n ander stad geneem en nooit weer teruggebring nie. Die kinders bel my wel so ’n paar keer per jaar, maar verder is daar geen kontak nie. My eks is weer getroud. Mense wat ons albei ken, sê dit gaan nie aldag goed met die stiefpa en twee dogters se verhouding nie en daar is rede tot kommer omdat hy hulle moontlik mishandel. Ek het geen bewyse hiervan nie. Dis ’n groot bekommernis in my lewe. Ek is in ’n moeilike finansiële posisie en weet…

BAIE van ons het die jaar met nuwe doelwitte begin. Hoekom dit nie ook na jou troeteldiere uitbrei nie? Net soos ons kan hulle by verbeterings baat vind, veral wat hul algehele gesondheid betref. Maar hulle kan nie hul eie voornemens maak nie en dit is waar jy as eienaar moet intree. 1 BELÊ IN VOEDSAMER KOS ’n Mens trap maklik in die strik van goedkoper troeteldierkos koop (geld is immers skraps), maar op die duur bied die meeste van dié kosse min tot geen voedingswaarde en is dit dalk selfs nadelig vir jou troeteldier se langtermyngesondheid. Doen jou troeteldiere ’n guns deur in ’n produk van beter gehalte te belê – jy sal gou die verskil in hul pels en energievlakke sien. 2 STAAK VETSUG As jy jou blind…

PROJEK DINA Chumani kuier deesdae in ons sitkamers as die speurder Luxolo “Lux” Dladla in die kykNET-dramareeks Projek Dina. Hy en sy spanmaats, Deon Visagie (Tim Theron) en Ronel Oosthuizen (Chanelle de Jager), los sake oor vermiste persone op. “Lux is die grapmaker van die span wat dinge op kantoor probeer ophelder. Hy het ’n groot netwerk mense wat hom help om sake op te los en leidrade te kry,” sê Chumani (34). Sy karakter is egter nie bang om die reëls te oortree nie – met die gevolg dat hy dikwels in die sop beland by sy kaptein, Deon. Die reeks is sy eerste in Afrikaans, maar hy is g’n groentjie nie. Chumani is al 13 jaar in die vermaakbedryf. Hy het in 2007 sy televisiedebuut gemaak as die…

POSBUS 1 Drama. In dié plaaslike Kersfeesfliek kry Ben en sy vrou duisende briewe nadat hul adres as Kersvader s’n uitgegee is. Toe sy vrou sterf, verbrand hy elke liewe brief wat hulle gekry het, behalwe een wat hom op ’n pad van heling stuur. Met Carel Trichardt en Cindy Swanepoel, wat dr. Annelize Roux in die hospitaaldramareeks Binnelanders speel. 2019. 120 MIN. O13GT OP DSTV BOXOFFICE GOOD BOYS Avontuur. ’n Twaalfjarige seun word na sy eerste soenpartytjie genooi. Hy weet egter nie hoe om te soen nie en vra hulp by sy twee pelle. Toe dié nie kan help nie, span hy sy pa se hommeltuig in om ’n tienerpaartjie langsaan af te loer. Maar dinge loop lelik skeef en dit word vernietig. Hulle moet dan ’n plan bedink…

TROUBELOFTES Die paartjie is pas terug van hul wittebrood toe hulle stry kry, en hul eerste rusie is sommer ’n grote. “Toe ons getroud is, het jy beloof om my lief te hê, te respekteer en te gehoorsaam,” herinner die man ná ’n rukkie sy bruid. “Ek weet,” antwoord sy. “Maar ek wou nie voor ál daardie mense by die troue met ’n rusie begin nie.” LOUISE NOETH HOE NOU? Toe ek by die gim aansluit, sê hulle sowaar vir my ek moet lospassende klere vir oefensessies dra. Maar as ek enige lospassende klere gehad het, sou dit nie vir my nodig gewees het om gim toe te gaan nie. ANDRÉ JORDAAN KRAGTIGE NAAM As jou naam Jenna Ruiters is, is jy verseker van werk by Eskom. Ek hoor hulle…

ALLES I N E E N Die Amerikaanse sangeres, aktrise en liedjieskrywer Hailee Steinfeld is bekend danksy die Pitch Perfect-fliekreeks en haar onlangse groot rol in Bumblebee, maar haar liefdeslewe trek net soveel aandag. Sy het in 2018 met haar Britse eks, die voormalige One Direction-sanger Niall Horan (26), uitgemaak. DEURBRAAK Hailee (23) was 10 jaar oud toe sy in kortflieks en advertensies begin speel het. In 2010, op 13 jaar, het sy haar groot deurbraak gekry as Mattie in die fliek True Grit. Sy is vir dié rol vir ’n Oscar as beste ondersteunende aktrise benoem. Maar Melissa Leo (59) is daardie jaar met die beeldjie huis toe vir haar rol in The Fighter. WRONG DIRECTION Dit is glad nie vreemd dat baie van Hailee se aanhangers glo haar…

DIE helikopter word algemeen beskou as die veelsydigste vliegmasjien wat al uitgevind is. Dit het veel meer gebruike as ’n vliegtuig en kan boonop reguit op-en afwaarts vlieg. Ons wys jou hoe dit werk. WAARVOOR WORD HELI’S GEBRUIK? • Vir mediese reddingspogings en vinnige oorplasings tussen hospitale. • Om bosbrande te blus. • Deur die polisie om spanne tydens soektogte by te staan. • Deur toeriste om besienswaardighede te sien. • Vir verfilming en foto’s neem. IN DIE STUURKAJUIT Die vlieënier sit aan die regterkant en gebruik albei sy hande en voete om vier basiese kontroles te beheer: Die kollektiewe beheerstang is ’n hefboom wat vlieëniers oplig om die helikopter te laat styg en afdruk om dit te laat sak. Die versneller is ’n draaibare handvatsel aan die punt van…

AS JY met ’n prins in die Britse koningsgesin trou, moet jou vel so dik soos ’n renoster s’n wees. Meghan moes geweet het waarvoor sy haar inlaat toe sy met prins Harry afhaak. Die onlangse geskiedenis is immers vol bewyse wat sy nie kon miskyk nie: Haar oorlede skoonma, prinses Diana, is as’t ware uit die staanspoor deur kritici in die skindermedia gekruisig. Haar skoonsuster, die hertogin van Cambridge, en selfs Kate se gesin, is ook uit alle oorde verguis. Meghan het al erken een van haar vriende het haar gewaarsku die Britse poniepers “sal jou lewe verwoes”. “Maar ek het dit nie regtig verstaan nie,” het sy verlede jaar kort ná haar en prins Harry se toer in Suid-Afrika in ’n dokumentêre program aan die ITV-joernalis Tom Bradby…

VIR die meeste gelukkig getroude paartjies sou dit ’n byna ondenkbare skeiding wees: Jou lewensmaat gaan woon en werk vir vier jaar in Engeland, maar jy bly tuis om jou eie loopbaan en drome op Suid-Afrikaanse bodem na te streef. Maar hoe bitter swaar dit dan nou ook al was vir die televisieaanbieder en voormalige Proteanetbalspeler Vanes-Mari du Toit om haar man, die rugbyafrigter Matt Proudfoot, tussen die trane op die lughawe te groet, sy meen dié langafstandverhouding sal hul liefde nie sommer laat wankel nie. Hul moderne huis in Bloubergstrand is vandag stiller as toe Huisgenoot in 2018 by Vanes-Mari (30) en Matt (47) gekuier het. Die afrigter wat die Springbokke verlede jaar gehelp het om die Wêreldbekerrugbytoernooi in Japan te wen, het al op 9 Januarie Engeland toe…

KORT ná middernag het die tienerseun die koerant met bewende hande oopgeslaan. Soos menige matrikulant het Sifiso Tshabalala (19), van die Hoërskool Driehoek in Vanderbijlpark, weke lank in spanning op sy uitslae gewag. Minder as ’n jaar gelede het Sifiso ’n verpletterende terugslag beleef toe hy ernstige rugbeserings in die Driehoektragedie opgedoen het. Vier kinders is dood en meer as 20 beseer toe ’n loopbrug op 1 Februarie verlede jaar by die skool ineengestort het. Voor die ongeluk het Sifiso groot rugbydrome gehad. Danksy ’n beurs sou hy vanjaar by die Internasionale Rugbyinstituut (IRI) in Pretoria aanmeld om ’n 10 maande lange kursus in rugbyafrigting en -bestuur te volg. Hy het gehoop sy opvolgondersoek by die dokter in Februarie vanjaar sou wys sy rug het herstel en hy sou weer…

Somerrok WENK ’n Maksirok met patrone is hoogmode. Dra dit saam met bonkige bykomstighede vir ’n uitrusting wat die koppe laat draai. WENK Dra jou sonrok saam met goue bykomstighede vir ’n tikkie somerglans. Romp WENK Hou jou bykomstighede eenvoudig en neutraal wanneer jy helderkleurige items dra. WENK Lyk sjiek in ’n romp wat jou middel be-klemtoon en dra ’n T-hemp daarby. Katpak WENK Katpakke met patrone lyk prettig. Rond die voorkoms vrolik af met jou gunstelingbykomstighede. WENK Gee ’n eenvoudige katpak ekstra skop met bykomstighede met dieremotiewe in dieselfde kleurpalet. Dra dit saam met tekkies pleks van insteekskoene vir ’n luilekker dag uit. Kortbroek WENK Wees gemaklik maar elegant in hierdie kortbroek met ’n eenvoudige frokkie, haksandale en ’n sonhoed daarby. WENK Wanneer jy patrone meng, soos hierdie knoopdoop…

JY IS grotendeels gelukkig met jou lewe. Maar soms wanneer die rekenings begin ophoop, wens jy jy het daardie werkaanbod in ’n ander stad aanvaar. En hoewel jy jou man liefhet, kan jy nie help om soms – wanneer julle stry – te wonder of die lewe makliker sou gewees het as jy by daardie oulike kêrel gebly het wat jy in jou 20’s gehad het nie. Navorsing wys mense ervaar in die algemeen veral berou oor verhoudings, insluitend verlore liefdes en onvervulde romanses, asook finansiële besluite, ouerskapsfoute, opvoedkundige geleenthede wat misgeloop is en familietwis. In ’n Amerikaanse studie is bevind mense is geneig om meer berou te hê oor dinge wat hulle nie gedoen het nie as dié wat hulle wel gedoen het – soms selfs al het alles…

Stuur voorstelle en versoeke na geldsake@huisgenoot.com. E-pos sal sover moontlik in die rubriek beantwoord word en nie persoonlik nie. 1 WAT IS JOU WERKGEWER SE PLIGTE? Die maatskappy moet ’n proses volg wat deursigtig is, soos voorgeskryf deur die Wet op Arbeidsverhoudinge. Hulle moet verduidelik hoeveel mense afgelê word, hoekom en wanneer. Dan volg ’n konsultasiefase waartydens werknemers voorstelle kan maak oor maniere om afleggings te vermy. Die werkgewer moet hierdie voorstelle oorweeg en terugvoer daaroor gee. As aflegging steeds onvermydelik is, moet die betrokke werknemers individueel in kennis gestel word en hul skeidingsvergoeding met hulle bespreek word. Hulle is geregtig op wetlike kennistydperke. Werkgewers kan met werknemers ooreenkom dat hulle nie tydens die kennistydperk werk nie, maar die werknemers moet steeds daarvoor betaal word. Volgens die LWO-werkgewersorganisasie is die…

Wat is jou gunstelingspeurreeks? Elementary; daar is niks soos ’n goeie twist in ’n dramareeks nie. Wie is jou gunsteling-TV-speurder? Sherlock Holmes wat deur Jonny Lee Miller in die boeiende reeks Elementary gespeel word. Hy het ’n skerp humorsin, en al neem niemand hom ernstig op nie, is hy ’n genius. Wat sal lesers verbaas wees om te weet oor jou? Ek kan vlieë vang! Ek hou nie van onnetheid en gemors nie, want dit lok vlieë. Daarom haat ek vlieë van jongs af en het ek hulle later begin vang. Wat is jou geheime plesiertjie? Soetgoed. Al is ek mal oor die gim, kan ek nie genoeg daarvan kry nie. Ek werk dus ekstra hard in die gim om soetgoed te kan geniet. As jy nie ’n akteur was nie,…

Nostalgiese reis Sy nuutste album, 40 jaar: Liedjieboer inni langpad, is nie ’n “grootste treffers”-album nie. Dis veel eerder ’n opsomming van sy eie CV, vertel die 73-jarige liedjieskrywer en sanger. Onder die 15 snitte is vyf nuwe liedjies, soos “Skippie skommel”, wat die storie vertel van die lewe van vissers en hul skuite op see. Die ander 10 snitte bestaan uit bekende en minder bekende opnames van sy werk. Die “Rock Medley” (snit 14) met die treffers “Blommetjie gedenk aan my”, “Byeboerwa” en “Harlekyn” is byvoorbeeld reeds in 1980 opgeneem. “The Road”, ’n duet saam met wyle Piet Botha, is een van die minder bekende opnames. “Ek en Piet was 28 jaar lank boesemvriende. Hy was my bra. Dit was daarom net logies dat ek hierdie snit moes insluit,”…

Besoek ons webtuiste, huisgenoot.com, vir ’n daaglikse horoskoop. VISSE 19 FEB – 20 MRT Mercurius, die kosmiese netwerker, betree dié week jou teken, wat talle voordele kan inhou. Om gesellig te verkeer kan die gewenste resultate lewer, of jy nou met eendersgesinde mense wil meng, jou gunstelingliefdadigheidsorganisasie wil ondersteun of ’n moontlike geliefde wil ontmoet. Selfs al is jy ’n skaam en skugter Vis, is dit dalk nie so oorweldigend soos wat jy dink om sosiaal met ander te verkeer nie. GELUKKIGE NOMMERS 32, 2, 29, 52, 7, 18 RAM 21 MRT – 19 APR Neem vandeesweek die leiding in jou vriendekring en bring gehaltetyd deur saam met jou pelle. Jy kan ’n prettige uitstappie reël of die aanvoorwerk vir ’n avontuur doen. Inspireer en motiveer, maar doen jou bes…

Jy kan ’n Verklarende Afrikaanse Woordeboek of Afrikaanse Woordelys en Spelreëls van die uitgewer Pharos (pharos@pharos.co.za) wen. Vul die blokraai in en gebruik die letters in die kleurblokke om die antwoord op die vraag te ontsyfer. SMS “HG” gevolg deur jou antwoord, naam en dorp/stad na 36400. Net een SMS per deelnemer word toegelaat. Net mense binne SA se grense mag deelneem. Die SMS kos R1,50. Hou die oorspronklike, volledige blokraai met jou besonderhede as bewys. Geen posstukke word as inskrywing aanvaar nie. Geen werknemers of hul gesin van Media24, Grapevine Interactive of hul reklamemaatskappye mag deelneem nie. Die sluitingsdatum is 20 Februarie 2020. Gaan na huisgenoot.com om die volledige bepalings en voorwaardes te sien. VRAAG WATTER BOLPLANT IS TER SPRAKE? SKOMMEL DIE LETTERS IN DIE KLEURBLOKKIES OM DIE ANTWOORD…

GROOT BLOKRAAI NO. 2 314 GROOT BLOKRAAI NO. 2 314 Antwoord: ambisie PHAROS-TWEETALIGE WOORDEBOEK R. Nelson, Pretoria A.J. Maritz, Oudtshoorn J. Dicks, Durbanville FOTOBLOKRAAI NO. 2 060 FOTOBLOKRAAI NO. 2 060 Antwoord: kostuum VERKLARENDE AFRIKAANSE WOORDEBOEK E. Vollgraaff, Parys AFRIKAANSE WOORDELYS EN SPELREËLS A. de Beer, Hoopstad KODERAAI NO. 418 KOPKRAPPER 9 JANUARIE GROOT BLOKRAAI NO. 2 311 Antwoord: profeet PHAROS-TWEETALIGE WOORDEBOEK P. Els, Hermanus J. Landman, Klerksdorp P. Gordon, Brandfort FOTOBLOKRAAI NO. 2 057 Antwoord: keiser VERKLARENDE AFRIKAANSE WOORDEBOEK E. Strydom, Hartenbos AFRIKAANSE WOORDELYS EN SPELREËLS C. Oliphant, Noorsekloof 16 JANUARIE GROOT BLOKRAAI NO. 2 312 Antwoord: saffier PHAROS-TWEETALIGE WOORDEBOEK P. le Roux, Alberton D. Ferreira, Lynnwood H.T. Somers, Amanzimtoti FOTOBLOKRAAI NO. 2 058 Antwoord: rubriek VERKLARENDE AFRIKAANSE WOORDEBOEK T. du Plooy, Volksrust AFRIKAANSE WOORDELYS EN SPELREËLS P. Grobler,…

DIE BEGIN Toe hy as sewejarige die rol van koning Herodus in sy Stellenbosse kleuterskool se Kersspel vertolk het, het hy sy woorde vergeet. Maar die gogga het gebyt, en hy wou sedertdien nog altyd ’n akteur word, sê Dean-Richard Olivier (23), wat ná matriek aan die Hoërskool Stellenbosch drama by Maties gaan studeer het. Sy liefde vir toneelspel is ook aangewakker deur sy ma, Vanessa Adriaanse, se bewondering vir die Saturday Night Fever-ster John Travolta (65). “My pa, Farrel van Rooy, is oorlede toe ek baie jonk was en my ma het my laat glo dat John Travolta my pa is,” vertel hy laggend. As kind het hy al die akteur se flieks gekyk en ’n liefde vir toneelspeel ontwikkel. “Ek wou soos hy wees, maar het altyd gewonder…

NIE een van hulle was juis danig oor die boeke op skool nie, maar albei se loopbaan het reeds in hul tienerjare begin. En toe hulle eers die grootmenswêreld betree, was daar geen keer aan dié twee nie. Die kitaarvirtuoos en sanger Loki Rothman (29) en die modelstilis Marí Conradie (30), wat al die afgelope vyf jaar ’n paartjie is, is albei bekendes in die plaaslike vermaakwêreld. Maar al sien ’n mens hulle soms voor die kameras of op die verhoog – Loki as musikant en Marí as model – is hulle dikwels die mense wat dinge ágter die skerms laat gebeur. Loki, ’n vervaardiger en komponis, was onlangs vir die klankbaan en musiekvermenging van Huisgenoot, kykNET en The Film Factory se nuwe goedvoelfliek, Vergeet my nie, verantwoordelik. Marí het…

1 Sny ’n takkie van ’n spekboom af en laat dit sowat twee dae effens uitdroog in ’n koel omgewing. 2 Plant die takkie in sanderige grond en gee dit ’n bietjie water. 3 Plaas die plant op ’n warm plek in die skaduwee en gee die spekboom sowat een keer elke twee weke ’n bietjie water. 4 Wortels sal begin vorm en jy sal binne 4 tot 6 weke ’n nuwe boompie hê. Jy kan dit buite uitplant of in ’n pot hou. 5 “As die blaartjies dun en gedehidreer lyk, moet jy vir die plant water gee,” sê Peter. Jy kan dit weekliks of elke twee weke water gee.…

Adele se bekende kurwes is iets van die verlede. Die wêreld het einde verlede jaar ’n glimp van die nuwe, slanker Adele gekry op haar rapper-vriend Drake se 33ste verjaardagpartytjie in Los Angeles (“Hello, nuwe lewe en lyf”, 14 November 2019). Maar toe die Britse sangeres (31) onlangs tydens ’n Karibiese vakansie in Anguilla gewaar is, het sy selfs skraler gelyk. Vriende sê haar egskeiding verlede jaar van die filantroop en voormalige bankier Simon Konecki (45) is die rede vir haar verslankingsreis. Al het die skeiding haar hartseer gemaak, sê bronne sy was verlig om van Simon se intense persoonlikheid ontslae te wees. “Sy hou nie daarvan dat iemand vir haar sê wat om te doen nie,” vertel ’n vriend. Blykbaar het hul gedurige rusies haar so uitgeput dat sy…