Innehållsförteckning för 10-Dec-20 från Huisgenoot

MY GESIN, MY ROTS IN DIE NOOD

OPGEWEKTE kinderlaggies weerklink deur die huis toe die voordeur oopbars en drie jong spruite – ’n kannetjie en sy tweelingsussies – die sitkamer binnestorm. Toe die drietjies hul ma, die aktrise Angelique Potgieter, op die sitkamerbank sien sit, pyl hulle reguit op haar af. Vir eers is dit verby met die stilte wat oomblikke vroeër hier geheers het. “Kyk!” roep klein Jacques’ie (4) en skiet rubberpyltjies van agter die sitkamerbank na buite – natuurlik tot die ergernis van sy sussies, wat nou om hul ma se ingryping vra. Angelique (37) se wenkbroue lig, maar nog voor sy kan inspring om nog pandemonium te keer, spring Olivia en Annabella, die tweejarige tweeling, gelyktydig op haar. Sy het ’n plan om weer vrede in die Potgieter- huis hier op ’n landgoed in…

11 min

700 KERSE VIR HAAR HART

HY’S dalk nie Hugh Grant nie, maar Herman Groenewald van Jacobsdal in die Vrystaat staan g’n duit terug vir enige Hollywood-hartebreker nie. En romkom-draaiboekskrywers kan gerus ook maar by dié boerseun kom kers opsteek. Want toe Herman onlangs die liefdesvlam in sy hart vir Madré Erasmus, ’n klasmaat van die Hoërskool Landboudal, voel brand, het hy besluit om dit vir haar te wys op ’n manier wat haar sal laat swymel. Hy wou haar vra om sy meisie te word, maar dit moes onvergeetlik wees, het hy besluit. Die twee 16-jarige tieners het eintlik toe al ’n rukkie vir mekaar geloer en gesels. Algaande het die verliefde Herman besef hy wil meer as net vriende met die mooie Madré wees. Maar hoe gemaak in hierdie era waar verhoudings op WhatsApp…

Prinsesmooi in Parys-modes

STEMMIGE ROKKE EN ROMPE Dagrokke en -rompe met romantiese en speelse patrone en kleure is perfek vir die bedrywige Paryse prinses. TRAP IN STYL Sit jou beste voetjie voor in hierdie stylvolle skoene in kleure en patrone wat die koppe sal laat draai. TOPPIES IS TOPS Van valle en dramatiese moue tot ligte baadjies in speelse patrone, Emily dra alles in lae. Doen dit soos ’n kenner en hou dit lig in hierdie topkeuses vir die somer. SJIEK SAKKE Geen uitrusting is afgerond sonder ’n handsak nie. BYKOMSTIGHEDE Emily het altyd ’n “ringarde” (’n fênsie woord vir kitsch) bykomstigheid of twee om uitrustings mee af te rond. WENK ’n Oulike “ringarde” gelukbringer of sleutelring soos dié is perfek vir ’n ietsie ekstra. Dra dit aan jou handsak vir Emily-sjarme. Emily…

Onthaal met min

1 HOU DIT EENVOUDIG Meer kos en versierings beteken waarskynlik dat ’n kuiertjie jou meer uit die sak gaan jaag. Maar as jy dié dinge eenvoudig hou, kan die geselligheid moeiteloos en sjiek lyk – en ook wees! Die foto links wat in Huisgenoot van ’n viering verskyn het, wys hoe elegant dit kan wees as jy die kos en dekor basies hou wanneer jy familie en vriende tuis onthaal. Benut ’n mooi uitsig of deel van jou huis deur die etenstafel soontoe te skuif. Dit kan op ’n stoep staan, naby ’n groot venster, by die swembad of in die tuin. Wanneer jy ’n tafeldoek kies, kan een met kleurvolle patrone al wees wat nodig is om die tafel asemrowend te laat lyk. Hou dan die eetgerei en versierings eenvoudig. As…

Hoe eis ek van ’n gestorwe geliefde se aftreefonds?

WANNEER iemand sterf terwyl hy of sy aktief tot ’n aftreefonds bydra, word ’n sterftevoordeel gewoonlik uitbetaal, maar dis nie deel van die boedel nie. Hierdie sterftevoordeel is dus nie onderhewig aan die gewone boedelbelasting nie. Dit is beskerm teen skuldeisers, en die eksekuteur van die boedel het geen seggenskap daaroor nie. Dis die trustees van die aftreefonds se wetlike plig om te sorg dat die geld aan die oorledene se gesin of afhanklikes uitbetaal word. Maar hoe kan afhanklikes eis? Hier is vyf dinge wat jy moet weet. 1 WATTER DOKUMENTASIE MOET EK INDIEN? Elke aftreefonds het ’n eisvorm wat ingedien moet word; as die oorledene ’n lid van sy werkgewer se aftreefonds was, sal hulle dit verskaf en help invul. Die algemeenste rede vir vertragings met die betaling…

Wit Kasteel

Iets vir almal Liefhebbers van rou, klassieke rockmusiek sal regop sit wanneer hulle dié groep die eerste keer hoor. Op hul tweede album, Toegewyd, draai Wit Kasteel die krane hard oop in liedjies soos “Bloedoog bottelboer” en “Laaste keer”. Maar dan temper hulle dit weer in ’n snit soos “Elke mens”. “Ons het met die liedjiesamestelling die musiek en die tempo doelbewus divers gehou,” verduidelik die groep se hoofsanger en kitaarspeler, Clemond Dartnall. Die lirieke speel ook ’n belangrike rol, want elke liedjie vertel sy eie verhaal.” Herinnering” vertel byvoorbeeld die storie van ’n vrou wat in ’n motorongeluk sterf ná die beëindiging van haar verhouding. In “Gee my dorp terug” kom nostalgie sterk na vore wanneer hulle sing van hul jongmenskuierdae in Hatfield, Pretoria. Benewens nege oorspronklike liedjies druk…

TV-GIDS

MEERKAT MAANTUIG SONDAG KYKNET 14:30 Toe Gideonette (Anchen du Plessis) se pa in ’n fratsongeluk sterf, word sy na haar grootouers gestuur waar ’n nuwe maatjie wêrelde vir haar oopmaak. SUIDOOSTER MAANDAG KYKNET 18:30 Bianca (Simone Biscombe) voel verskriklik oor Pieter. TERMINATOR SALVATION E.TV 00:00 n Nuwe wapen kom na vore vir John Connor (Christian Bale) aan die vooraand van ’n weerstandsaanval op Skynet.…

1 min

BLOKRAAIE

GROOT BLOKRAAI NO. 2 365 As jy vashaak, kan jy gerus ander lesers se raad vra op ons Facebookblad met die naam Huisgenoot Blokraaie. WEN ’N WOORDEBOEK KOM IN AANMERKING VIR DIE MAANDELIKSE TREKKING VAN R1 000 VRAAG: WATTER DIER IS TER SPRAKE? PHAROS WOORDEBOEKE (’N DRUKNAAM VAN NB-UITGEWERS) GEE DRIE EKSEMPLARE VAN DIE AFRIKAANS-ENGELS/ENGELS-AFRIKAANSE WOORDEBOEK WEG. FOTOBLOKRAAI NO 2 111 Jy kan ’n Verklarende Afrikaanse Woordeboek of Afrikaanse Woordelys en Spelreëls van die uitgewer Pharos (pharos@pharos.co.za) wen. Vul die blokraai in en gebruik die letters in die kleurblokke om die antwoord op die vraag te ontsyfer. SMS “HG” gevolg deur jou antwoord, naam en dorp/stad na 36400. Net een SMS per deelnemer word toegelaat. Net mense binne SA se grense kan deelneem. Die SMS kos R1,50. Hou die oorspronklike, volledige blokraai…

Veilig in die ruimte

DIE vier ruimtevaarders wat met die maatskappy SpaceX se ruimtetuig na die Internasionale Ruimtestasie (IRS) gereis het, het veilig daar aangekom. Die reis van die oppervlak na die ruimtestasie het 72 uur geduur, en die ruimtetuig met die naam Resilience is geprogrammeer om self daar te kom. Die Amerikaanse ruimtevaarders Mike Hopkins, Victor Glover en Shannon Walker en die Japannese vaarder Soichi Noguchi sal nou ses maande op die IRS woon en werk. Wanneer hul ses maande in die ruimte verby is, sal hulle terugkeer na die aarde en sal ’n ander groep ruimtevaarders hul plek op die stasie inneem. Die IRS is soos ’n laboratorium in die ruimte waar navorsing gedoen word om die ruimte (en die aarde!) beter te verstaan. Die ruimtetuig waarin die groepie gereis het, behoort…

NUWEJAARSTRADISIES

DUISENDE jare lank vier verskillende beskawings al die begin van hul nuwe jaar. In ons tyd begin die meeste Nuwejaarspartytjies op 31 Desember, oftewel Oujaarsaand, en dit hou aan tot die vroeë oggendure van 1 Januarie – Nuwejaarsdag. Die meeste tradisies sluit partytjies, spesiale kos en soms vuurwerke in. Mense maak ook Nuwejaarsvoornemens. Ons leer jou waar die idee van ’n nuwe jaar vandaan kom en watter spesiale tradisies verskillende lande in die wêreld het om Nuwejaarsdag te vier. TOENTERTYD Die vroegste viering van die koms van die nuwe jaar waarvan ons in die annale van die geskiedenis bewus is, dateer uit sowat 4 000 jaar gelede uit die tyd van die antieke Babiloniërs in wat vandag Irak is. Vir hulle het die nuwe jaar begin met die eerste nuwe…

DIT IS ALS IN DIE GENE

‘Daar is altyd die kommer dat ek ’n dr. Frankenstein kan wees’ TOE Jennifer Doudna wakker word, besef sy haar foon is al ’n ruk lank aan die gons. Dis nog donker buite haar huis in Kalifornië. Haar foon wys trouens dis drieuur. Sy dink glad nie daaraan dat dit al middag is in Stockholm, Swede, nie. Sy antwoord die foon. In die waas van wakker word, sê sy, het sy geen benul gehad waarom die wêreld so graag met haar wou praat op so ’n vreemde tyd op die eerste Woensdag in Oktober nie. “Dit was ’n verslaggewer van die tydskrif Nature. ‘Jammer om jou so vroeg te pla,’ het sy gesê. ‘Ek wil graag hoor wat jou reaksie op die Nobelprys is.’ Ek het gedink sy vra my…

14 min

OM ALLES WEER OP TE TEL

DIT was ’n geskarrel soos min. Terwyl die meeste Suid-Afrikaners paniekerig begin het om hul koskaste aan te vul, het die nuus van die inperking vir Marlene le Roux heel ander uitdagings ingehou. As uitvoerende hoof van die Kunstekaapteater in Kaapstad moes sy skielik produksies begin uitstel – en nie plaaslike skooltoneelstukke nie, maar groot internasionale produksies. “Ek het twee weke lank amper nie geslaap nie, want ek moes vervaardigers bel,” vertel sy. “Nieu-Seeland toe, Australië toe, die Russiese balletgeselskap wat veronderstel was om hierheen te kom, New York toe…” Sy moes aan die vervaardigers van die produksies verduidelik dat die teater weens die pandemie tydelik sluit, vertel Marlene (53) in haar huis in die noordelike voorstede van Kaapstad. Sy en haar span moes vinnig koppe bymekaarsit. En toe spring…

KRAGTOER AS YSTERVROU

DIT het elke dag ure geverg om haar so na moontlik aan die Ystervrou te laat lyk: om daardie kenmerkende haarstyl nét reg te kry, haar hoekige figuur met ’n vetpak meer lyf te gee en dik grimering aan te plak. En al dié voorbereidingswerk het vrugte afgewerp. Die aktrise Gillian Anderson word wyd geloof vir haar uitbeelding van die voormalige Britse premier Margaret Thatcher in seisoen vier van The Crown. “Skitterend” en “ongelooflik presies” is van die komplimente wat die resensente haar toeswaai. Hierdie seisoen van die Netflix-trefferreeks het dalk ’n herrie ontketen oor die vervaardigers se losse omgang met die feite oor die Britse koninklike gesin se lewe in die 1980’s, maar een ding is gewis: Gillian se Maggie Thatcher is in die kol. Dis geen maklike taak…

Matthew vind eindelik liefde

MATTHEW Perry het heelwat gehad om voor dankbaar te wees toe Amerika einde verlede maand die Thanksgiving- feesdag gevier het. g gevier het. Die 51-jarige akteur, veral bekend vir sy rol as Chandler Bing in die sitkom Friends, het aan sy meisie van die afgelope drie jaar, Molly Hurwitz, verloof geraak. “Ek het besluit om verloof te raak,” het Matthew aan die tydskrif People gesê. “Gelukkig gaan ek toevallig met die wonderlikste vrou op aarde uit.” Vroeër vanjaar het Molly (29), wat as outeursbestuurder werk, op Valentynsdag ’n liefdevolle boodskap aan die akteur op Instagram gedeel. “Sy tweede jaar as my Valentyn, maar sy eerste as ’n Instagram-beïnvloeder,” skryf sy skynbaar met verwysing na die feit dat Matthew se Instagramrekening toe nog nuut was. “Gelukkige Valentynsdag aan my gunsteling.” JULIA…

OP 87 WEER ALLEEN

MET die vingers van haar regterhand draai sy die twee fyn goue pande met diamante wat sy steeds aan haar ringvinger dra stadig om en om. Al is haar derde huwelik op die rotse, het Emsie Schoeman daarteen besluit om dié ringe af te haal wat haar vervreemde man met hul verlowing en later hul troue in Mei 2015 aan haar vinger gesteek het. Op daardie droomdag in ’n klein NG kerk-saaltjie op die skilderagtige dorpie Wildernis in die Suid-Kaap was sy op 81 weer ’n bruid en het sy en haar 82-jarige bruidegom voor hul kinders, kleinkinders, familie en vriende trou beloof tot die dood hul skei. Maar die afgelope ses maande al is Suid-Afrika se geliefde etiketghoeroe alleen hier in die meenthuis in Olivedale, Johannesburg, waar sy ná…

GESOEK: ’N MOOI HART SOOS MY MA

VAN sy agterplaas op Botrivier kan hy ver en wyd oor die bloupers berge kyk wat agter die stowwerige kanola-lande verrys. Die uitsig is sag op die oog en op die gemoed. Want tuur ’n mens lank genoeg daarna, vind jy dit mettertyd makliker om na binne te kyk. Twee jaar gelede het die akteur Neels van Jaarsveld (41) ná die hartseer van sy egskeiding juis hier na die Overberg verhuis om asem te skep en weer lief te raak vir homself. Die liefde is ’n eienaardige ding. Dit is nie iets wat jy dwing nie … Dis mos daai ou cliché; jy moet eers lief wees vir jouself voor jy kan lief wees vir iemand anders,” vertel hy nou. Hy moes die les ook eerstehands leer, en hy het.…

MAMMA SE SPRINGBOKKIES

DIS ’n vreemde toneel wat voor ons afspeel. ’n Jong vrou lei twee diere aan halsbande rond, maar dis nie honde wat sy vir ’n stappie vat nie; dis twee springbokkies. Die tweetjies bokspring en skop stof op, en Sunel van der Merwe (23) moet hardloop om by te hou. Stokkies en Bambi is twee springboklammertjies wat baie amper jakkalskos geword het, maar dié boeremeisie van Warrenton in die Noord-Kaap het ingegryp en hul lewe gered. En nou is hulle haar mak bokkies. Sunel is ’n bestuurder op haar pa, Kriek, se plaas, Geluk. Buite die dorp boer hulle hoofsaaklik met simbra-beeste, maar by haar ouers se gastehuis op Warrenton tref jy ’n groot verskeidenheid aan. “Ons is baie lief vir diere,” sê Sunel. “Ons het ’n hele diereryk op…

Trek dié somer aan soos Emily en kie in Parys

SPEELSE PATRONE WENK Emily se styl is romantiese silhoeëtte en patrone. Dra bleek skakerings by subtiele patrone in swart en wit vir ’n mooi kombinasie van uitspattig en stemmig. HELDERBLOU WENK As jou romp te lank is, gebruik dié stilisgeheim: Pas die lengte aan deur dit een of twee keer by die middel op te rol om die soom na die lengte van jou keuse te lig. Wys jou skouers en beklemtoon jou borste met ’n romantiese skouerlose toppie met pofmoue by lang oorbelle. KRY DIT HIER DUNNS 011-541-3000; H&M 021-826-7300; MRP 0800-21-25-35; PICK ’N PAY CLOTHING 0860-30-30-30; QUEENSPARK.COM; SUPERBALIST.COM; WOOLWORTHS 0860-022- 002; YDE 021-460-2800 HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD…

1 min

Verbreek dié gewoontes

MET die jaar wat einde se kant toe staan, voel dit dalk asof jy nie grond vat nie: Daar is laaste werkprojekte om af te handel, jy moet weens die pandemie oor jul jaarlikse Kersplanne herbesin, en ná ’n moeilike jaar moet jy elke sent drie keer omdraai. Om aan jouself aandag te gee is waarskynlik die laaste ding op jou doenlysie. Maar kenners meen ’n paar eenvoudige gewoontes – hoe jy dink en hoe jy optree – kan ’n groot invloed hê op hoe gelukkig jy is. En hier gaan dit nie net oor gesonde gewoontes wat jy kan kweek nie; dit gaan veral oor slegte gewoontes wat jy dalk moet verbreek. Dit is dikwels dié dinge wat jy onnadenkend doen wat geleidelik aan jou emosionele en fisieke welstand…

Yolani Abrahams

PUNTE A Almal D Dwelms G Geweld Gr Gruwel N Naaktheid O Ouerdiskresie S Seks T Taal V Vooroordeel DIE KOLLIG / FLIEKS / MUSIEK / BOEKE / KORTVERHAAL / TV-GIDS / HUISGENOTJIES / BLOKRAAIE In die reeks My Kersfeeskombuis kan kykers sien wat in die kombuis van party van Suid-Afrika se topsjefs prut. Wat is op die spyskaart? Kerskos, natuurlik! Ons loer in by Yolani Abrahams (28), wat die aanbieder is van SABC2 se Spyskaart. Wat kan ons van die reeks verwag? Ek en ander plaaslike sjefs gesels oor ons familie se Kersgeregte. Ons deel herinnerings oor Kersfees en hoe ons dit vier. Wanneer het jou liefde vir kook begin? Dit het in my ouma Sarah en my ma, Maggie, se kombuise op Ceres begin. Ek het altyd na…

Nuut op die rakke

LIRA, MIRRE, CORALI Deur CHANETTE PAUL (Lapa, R315* elk) Ná so ’n katastrofiese jaar moet ’n mens net kan ontspan en in ’n storie wegraak. Vergeet pandemies en inperkings, misdaad, korrupsie en al die politiekery hier en elders,” verduidelik Chanette Paul waarom ’n mens met haar trilogie kan gaan vakansie hou. “Ek dink Lira, Mirre en Corali – die Vywervroue – bied daardie ontvlugting vir die leser, vat haar na ’n plek waar die werklikheid vervaag, en die storiewêreld haar meesleur. Lees is immers ’n vakansie op sigself.” Al drie boeke was in die eerste 27 weke van 2020 onder die 20 beste verkopers in Afrikaans, met Corali heel boaan die lys. Chanette kies moeilik haar gunstelingkarakters in die trilogie. Ek is vir al die hoofkarakters so lief soos ’n…

HUISGENOTJIES

VAKANSIETYD Ek is vreeslik opgewonde en kan nie wag vir my somervakansie nie – die Tuinroete vir ’n volle twee weke! Die eerste week in die voortuin, en die tweede week in die agtertuin … L. SAAYMAN, SABIE PEPERDUUR Inflasie is darem ’n lelike ding,” sê ’n jong man vir sy vriend. “Gisteraand het ek by ’n restaurant geëet en ek het ’n steak bestel. Toe ek hulle vra om dit op my kredietkaart te sit, het dit gepas!” LOUISE NOETH AANLYN Al aanlyn inkopies wat in die vorige eeu gedoen is, is as jou wasgoed van die draad af gesteel is … LYNETTE, BETHAL LEË KERKBANK Gemeentelid aan predikant: “Sien, Dominee, die rede waarom ek nie kerk toe gaan nie, is dat soveel huigelaars soontoe gaan.” Predikant: “Dis geen…

ONS PRAAT OOR Aardbewings

BAIE Kapenaars het in die nagtelike ure van 17 November wakker geskrik toe hulle ’n ligte skudding van hul huise gevoel het. Dit is veroorsaak deur ’n aardbewing onder die see sowat 41 km suid van Saldanha teen die Weskus. Geen geboue of ander strukture is beskadig nie, en daar is nie ’n tsoenami- waarskuwing uitgereik nie. Dr. David Khoza van die Raad vir Geowetenskap sê daar is eintlik elke dag ’n hele klompie sulke skuddings, maar ons voel dit nie. “Eers wanneer dit rondom 3 op die skaal meet, kan ons dit voel.” Die jongste aardbewing naby Saldanha het 3,5 in sterkte gemeet. Kragtige aardbewings meet gewoonlik meer as 5 of 6 op die momentmagnitudeskaal (MMS). Wat veroorsaak aardbewings? Aardbewings kom gewoonlik voor weens ’n verskuiwing van tektoniese plate,…

MALUMA

GELD SOOS BOSSIES Maluma (26) verdien miljoene met sy musiek. Die Colombiaanse sanger maak amper R10 miljoen met elke toer wat hy doen, en musieksterre val oor hul voete om met hom saam te werk. Mense soos Shakira, The Weeknd, Jennifer Lopez… noem maar op! Verskeie van sy liedjies, soos die gewilde “Chantaje”, het trefferstatus bereik, en hy het al ’n Latin Grammy agter sy naam. IETS IN DIE WATER Hy het grootgeword in die Colombiaanse stad Medellín, nes die “Mi gente”-superster J Balvin. “Daar is baie talent in Medellín. Ons hou van musiek en sport,” sê Maluma. Hy het op 15 sy deurbraak gemaak nadat hy saam met ’n pel die liedjie “No quiero” gekomponeer het. ’n Jaar later het sy oom Juan Parra vir hom as verjaardaggeskenk tyd…

MAAK JOU EIE ENORME BORRELS

JY HET seker al baiekeer borrels geblaas met die borrelstelletjies wat ’n mens in speelgoedafdelings koop. Hierdie stelletjies lewer egter maar klein borreltjies op. So waarom hiermee bodder as jy jou eie superborrels kan skep? Lees hier hoe jy reuseborrels die lig kan laat sien met ’n paar eenvoudige items en bestanddele wat min kos. JOU ‘BORRELSTAF’ STAP 1 Laat ’n volwassene ’n gaatjie in die punt van elke houtpen boor of ’n gaatjie met ’n els daarin steek. Laat hulle die oogskroewe daarin skroef. Sny met ’n skêr lengtes van sowat 75 cm en 120 cm (1,2 m) van jou katoentou af. STAP 2 1. Knoop die punte van die 75 cm-stuk aan die houtpenne se oogskroewe vas. 2. Maak ook die een punt van die 1,2 m-stuk aan…

VLERMUISE TOT DIE REDDING?

ANDERKANT die ingang van ’n klam en verlate kalkmyn aan die rand van ’n beboste gebied in Surrey, Engeland, wag ek op die koms van wat dalk net die planeet se ongewildste skepsel kan wees. Beslis vanjaar s’n. Dis laat in September skuins ná sewe die aand. Bo ons skyn die oesmaan vol en helder. Ten minste sal ons nie in algehele duisternis gehul wees nie. “Dit sal nie meer lank wees nie,” sê die ekoloog Daniel Whitby van onder sy kopflits. By hom is sy mede-ekoloë Annika Binet en Liz Walsh, asook Liz se man, Ronan. Ons – en grotspinnekoppe – is reeds twee uur lank hier. Teen halftien het die geselsies opgedroog tot ’n gesellige stilte. Net toe ek teen die myn se wit kalkmure leun en gemaklik…

14 min

DEUR DIE BLARE

DIT ritsel groen in die wind, gee skadu in die somer en tooi die herfs in rooi en geel. Dis oral. Tog let ons nie op na die natuur se klein kunswerke nie. Maar ’n Japannese kunstenaar wat op sy Instagramblad as lito_leafart bekendstaan, laat baie mense deesdae anders na blare kyk. Dié kunstenaar, wat sy ware identiteit nie bekendmaak nie, deel gereeld foto’s van ingewikkelde tonele wat uit blare gesny is. Dit kry groot aftrek, want elke kunswerk wys verstommende detail. Lito, wat een blaar per dag met die hand uitkerf en die foto daarvan op Instagram deel, sê dié kunsvorm help hom om sy aandaggebrek-hiperaktiwiteitsteuring (AGHS) te hanteer. Dit kalmeer hom, want sy gedagtes durf nie dwaal terwyl hy die kunswerk uitkerf nie. Hy het al in die…

MISKRAAM: ‘PRAAT HELP’

IS JY oukei?” Dit was ’n eenvoudige vraag van ’n joernalis, maar vir Meghan, die hertogin van Sussex, het dit baie beteken. “Dankie dat jy vra,” het sy geantwoord. “Mense vra selde of ek oukei is.” Dié gesprek het in Oktober 2019 plaasgevind kort ná prins Harry en Meghan se besoek aan Suider-Afrika. Meghan (39) het toe onlangs ma geword van klein Archie (nou 17 maande), en hoewel die toer ’n sukses was, was die hertogin nie gelukkig nie. Negatiewe publisiteit het haar swangerskap en vroeë moederskap oorskadu, en sy en Harry het swaar getrek. Die uiteinde van hul gemoedstryd was die skokkende Megxit toe die twee vroeg vanjaar van hul pligte en voorregte as senior lede van die Britse koningshuis afstand gedoen het. Die vraag – “Is jy oukei?”…

MY HARTSVRIENDIN CHARMAINE

DIT is al meer as 16 jaar vandat die veroordeelde moordenaar Charmaine Phillips by die tronkdeure van die Kroonstad-gevangenis uitgestap het. Sedertdien het baie dinge verander in die lewe van die vrou wat in die 1980’s saam met haar kêrel, Pieter Grundlingh, berug geword het as Suid-Afrika se Bonnie en Clyde nadat hulle aan vier moorde skuldig bevind is. Pieter het die doodstraf gekry, maar Charmaine het haar tronkstraf uitgedien en haar lewe omgekeer. In die tronk het sy besluit die dag wanneer die tronkdeure agter haar toeslaan, stap sy ’n eerbare mens daar uit – ’n mens wat vir haarself ’n lewe sal kan maak. Sy het haar eersteling in haar lewe terugverwelkom nadat hy as baba aangeneem is en haar tweede seun – haar netseun Pietertjie uit haar…

13 min

NET ONS TWEE NÁ DIE VLAMMEHEL

DIE vyfjarige seuntjie kom loer elke nou en dan in in die sitkamer van die huis in Pretoria waar ons met sy ouma gesels – so asof hy net wil seker maak sy is nog oukei. “Ek dink hy voel aan waaroor ons praat,” sê Christelle Nagel saggies nadat klein Theo weer ’n keer kom inloer het. Die band tussen hulle is so duidelik soos Christelle se smart oor die nag toe hul onlosmaaklike verbintenis deur ’n vlammehel gesmee is. Want klein Theo’tjie, soos sy haar kleinseun noem, se verlies weens ’n verwoestende brand by sy grootouers se huis was enorm. Ook Christelle (48) het byna alles verloor. Haar man, Theo sr. (54), hul dogter, Nicolene (23), en kleindogter, Leoné (2), is in die brand oorlede. Klein Theo jr. het…

Braaibroodjies soos Jan dit maak

BILTONGBRAAIBROODJIE LEWER 6 BRAAIBROODJIES BEREIDING: 15 MIN. BRAAI: 8-10 MIN. ▸ botter of olyfolie▸ 2 rooi-uie, gesny▸ 1 sopie sagte bruinsuiker▸ 1 sopie balsemieke asyn▸ 200 g (ongeveer 1 k) biltong▸ 12 snye brood▸ gewone roomkaas (1 houer is genoeg)▸ 240 g cheddar, gesny of gerasper 1 Verhit die botter of olie in ’n pan oor die vuur en braai die uie tot sag. Giet die suiker en asyn by en laat prut 15-20 min. oor ’n lae hitte tot die uie soet en taai is. Laat eenkant afkoel 2 Gebruik jou aggressiefste, grootste, skerpste mes om die biltong fyn te kap. As jy nie ’n mes het wat by dié beskrywing pas nie, koop een. 3 Bou die braaibroodjies: Botter of olie elke sny brood aan die een kant.…

12 min

Alles oor KLEUR-strepe

ASSISTENT: URSULA KHUMALO OM JOU haarkleur te verander of ’n bietjie kleur by te voeg is ’n wonderlike manier om ’n nuwe voorkoms te kry sonder om dit te laat knip. Maar dit kan ’n oorweldigende taak raak. Al die beskikbare trends en opsies maak dit moeilik om te kies. Ons het namens jou die navorsing gedoen en verduidelik van die gewildste terme en die verskille tussen hulle. Balayage t. foilayage Balayage (baa-la-jaazj) is ’n vryhandkleurtegniek wat die hare natuurlike ligstrepe gee. Bleikmiddel word liggies aan die wortels en swaarder aan die punte geverf om ’n geleidelike ligstreepeffek te skep. Die kleur word so aangewend dat die natuurlike haarkleur naatloos met die gebleikte hare meng. Die skakering word altyd by die natuurlike haarkleur en veltoon aangepas. Agterna lyk die hare…

LIEWE ELIZE

FAMILIE LÊ OP HAAR NEK V My ouers is al ’n hele klompie jaar elke dag by my huis. Hulle het baie gehelp toe die kinders klein was, maar ons kan nou nie meer vir hulle en my werklose suster sorg nie. My ouers het ’n inkomste, maar ek moet in al hul behoeftes voorsien. Ons het geen privaatheid nie, want daar word in ons dinge gekrap. Ek het vir hulle gesê ons sit al diep in die skuld omdat ons vir almal moet sorg. Toe word ek soos ’n hond uitgeskel. My man is keelvol. Hulle luister eenvoudig nie wanneer ek praat nie. B op B A Vir familielede wat al daaraan gewoond is om ’n mens uit te buit, moet jy baie streng grense stel. Sonder gesonde perke…

Stiaan Smith

GOEIE JAAR Vra enigiemand of hulle 2020 sal wil oorhê en die kans is goed dat hulle sonder aarseling sal antwoord: “Beslis nie, dankie!” Want vanjaar – die jaar van die covid-19-pandemie en inperking – was waarskynlik vir almal ’n moeilike een. En tog was dit vir die akteur Stiaan Smith (37) ’n besige jaar, met die hoofrolle in twee splinternuwe Afrikaanse flieks. In Meisies wat fluit, wat op DStv se BoxOffice bekendgestel is, speel hy teenoor Leandie du Randt. Hul karakters, Henk en Sofia, staan op die randjie van ’n egskeiding, maar hulle kan mekaar nie los nie. Sy tweede hoofrol vanjaar is in Toorbos, die rolprentverwerking van Dalene Matthee se laaste bosroman wat nou in teaters te sien is. Dié fliek gaan nou volgende jaar Suid-Afrika by die…

Gevaar by die dam

GERT VISSER sit langs die viswaters by ’n dam net buite die Paarl. Hy is verlig dat hy eindelik nadat die regulasies merkbaar verslap is weer by die klub se dam kan visvang. Hy hoef nie meer rond te sluip op die gholflandgoed waar hulle bly om iets te vang nie Hoewel hy beperkte sukses gehad het met sy skelm visvangekspedisies op die landgoed, het hy heeltyd baie daarna uitgesien om langs ’n plaasdam, oop en bloot en met oorgawe, in die teenwoordigheid van ander hengelaars spontaan te kan visvang. Die geleentheid het hom nou eindelik voorgedoen. Ingevolge die reëls van die hengelklub waarby hy net voor die inperking aangesluit het, kon hy ’n bespreking maak en het hy dus vroeg die betrokke Sondagoggend met sy hengelgereedskap en nuwe visstokke…

7 min

JOU STERRE

Besoek ons webtuiste, huisgenoot.com, vir ’n daaglikse horoskoop. STEENBOK 21 DES – 20 JAN Verwag dié week ’n wipwarit tussen verwarring en helderheid. Dis dalk nie ’n goeie tyd om ’n kontrak te onderteken nie, hoewel ’n versigtige Steenbok selde die fynskrif miskyk. Dis wel ’n geskikte week om onderhandelings wat ’n loopbaanskuif betref agter die skerms te begin of voort te sit. Steek eers jou voelers uit voor jy enige besluite neem; diskrete netwerkvorming sal baie help om nuwe verbintenisse – professioneel en sosiaal – te skep. GELUKKIGE NOMMERS 13, 22, 27, 20, 26, 19 WATERDRAER 21 JAN – 18 FEB Dit is ’n wonderlike week wat vriendskappe betref. Daar is niks wat ’n gesellige Waterdraer meer geniet as om tyd saam met eendersdenkende vriende deur te bring nie.…

OOR DIE WÊRELD

BIDEN WEN WEER IN GEORGIA Die aangewese Amerikaanse president, Joe Biden, het steeds koning gekraai in Georgia nadat al die stemme in dié staat weer getel is. Die huidige president, Donald Trump, het geweier om Biden se oorwinning in dié staat – en in die verkiesing – te erken en volgehou daar was bedrog met die stemtellery. Ná die hertelling het Biden steeds sowat 12 800 meer stemme as Trump in die staat gehad. Hy is die eerste Demokratiese kandidaat wat in dié staat wen sedert Bill Clinton dit in 1996 reggekry het. Daarna het die Republikeinse kandidate die staat gewen. OORBLYFSELS VAN ANTIEKE MEER ONTDEK Wetenskaplikes het die oorblyfsels van ’n yslike antieke meer onder Groenland ontdek. Die oorblyfsels is diep onder die yslaag in die noordweste van die…

TIKTOK-STER VAN DIE WEEK

MAX SCHOFIELD (20) @max.schofield 700 000+ followers 7,8 miljoen likes Dié Kapenaar en finalejaarstudent in geleentheidsbestuur aan die Aleit Academy het in haar tienerjare haar linkerwysvinger verloor. Sy inspireer haar meer as ’n halfmiljoen followers op TikTok om hul tekortkomings te aanvaar en gemaklik in hul vel te wees. Wanneer het jy by TikTok aangesluit? In Junie. My kêrel het ’n weddenskap met my gemaak as ek 50 000 kykslae vir ’n video kry, sou hy vir my ’n nuwe paar skoene koop. Daardie video is al meer as 47 miljoen keer gekyk en ek wag steeds op my skoene! Hoe sou jy jou profiel beskryf? As ’n verlenging van myself. Dit het ’n plek geword waar ek my en my belangstellings kan wys. Dit is ook ’n plek waar…

Kinderspeletjies

Speeltyd! 1 A Hoeveel balle is in die sandput? B Watter kleur is die ballon? C Hoeveel kinders speel in die park? D Noem twee speelgoed wat wind nodig het om te werk. 2 Die woorde is horisontaal, vertikaal of skuins en vorentoe of agtertoe in die rooster versteek. Vind en omkring dit. Teken ’n prent van jou en jou vriende wat julle gunstelingspeletjie buitekant speel. Rangskik die letters Maak een lang woord van die deurmekaar letters. Die aanhaling is ’n leidraad. As jy steeds sukkel, rangskik die letters in dieselfde kleurvolgorde as die legkaartstukke. Vriende is die mense wat jou helderder laat glimlag, harder laat lag en beter laat lewe Nommerprentjie ANTWOORDE Speeltyd 1 A-ses, B-geel, C-dertien, D-vlieër en windmeultjie. Ontsyfer die letters Vriendskap.…

1 min

DIE HEMELSE VRYHEID

EK HET as kind nooit groot drome gehad van vlieg nie. Ek is met breinskade gebore. My grootbrein en kleinbrein sukkel om met mekaar te kommunikeer. Balans, hand- en oogkoördinasie, bewegingskoördinasie soos loop of skryf of hardloop, of om te balanseer of net om vleis met ’n mes te sny, was vir my amper onmoontlik. Bewegings wat vir ander mense natuurlik gebeur, moes ek aanleer – stap vir stap. Al wat ek wou doen toe ek jonger was, was om eksamen te skryf sonder om ekstra tyd te vra, my eie vleis te sny, te hard-loop sonder om oor my eie voete te val. Net die idee om ’n normale kind te wees, was soos ’n droom. Om nie awkward te wees nie was my mikpunt. Om in te pas…

DIEGO SE OPPE & AWWE

DRIE nasionale roudae lank het die Argentyne die strate ingevaar om aan hul grootste held hulde te bring. Tienduisende het verby sy kis gestap waar hy buite die presidentswoning in die hoofstad, Buenos Aires, in staatsie lê. Gemoedere het met tye so hoog geloop dat die polisie die skares met waterkanonne onder bedwang moes bring. Want die man in die kis is Diego Maradona, een van die beste sokkerspelers wat ooit geleef het. Die res van die wêreld het saam gerou. Video’s van sy towerkuns met die bal het die media oorheers. “Ek hoop ons sal eendag saam in die hemel speel,” het die ewe legendariese Pelé van Brasilië gesê. Maar soos baie rocksterre van sport het die charismatiese en geliefde Maradona ook ’n donker kant gehad. Drank- en dwelmprobleme…

VAKANSIEPRET

Tamaryn Green Dié dokter en voormalige Mej. Suid-Afrika het gesmeul op foto’s wat sy op Instagram van haar Bosveldavontuur in die Singita-wildreservaat naby die Krugerwildtuin gedeel het. Tamaryn en haar kêrel, die entrepreneur Zesimdumise Nxumalo, het wildritte geniet en sy het langs die swembad lafenis gesoek. “In die paradys,” het sy by een foto geskryf. Melinda Bam Melinda en haar man, Adriaan Bergh, is versot op die Bosveld. Die egpaar het onlangs hul sesde huweliksherdenking in die Krugerwildtuin- omgewing gevier. Hulle het hul fone afgeskakel en die natuur geniet. Soggens was hulle vyfuur uit die vere om ’n wildrit te onderneem en dan het hulle iewers in die bos gestop om ’n koppie koffie onder ’n jakkalsbessieboom te drink. “Deur die dag het ons langs die swembad gelê en na…