Innehållsförteckning för 25-Dec-20 från Huisgenoot

MET sy tweeling in sy arms glimlag die trotse pa breed; sý grootste geskenk van die jaar is al vier maande oud. Klein Janru en Hendré Schreuder is knus in kombersies toegewoel, hul ogies oop en nuuskierig. In die leefvertrek staan ’n Kersboom vrolik getooi vir die heel eerste Kersfees in hul lewe. Maar vir hul pa, Johandré, sal dit ook sy seerste feestyd ooit wees – die eerste Kersfees sonder sy geliefde Esmarié, die ma wat hul tweelingseuntjies nooit sal leer ken nie. Al het die tweeling se koms vir Johandré (30) soveel vreugde gebring, lê die hartseer nog vlak oor die dood van sy vrou net vyf dae nadat sy die lewe aan die kosbare bondeltjies in sy arms geskenk het. “Ek mis haar elke dag en wonder…

DALK meer as in enige ander jaar in die onlangse geskiedenis kan die wêreld vanjaar met ’n bietjie Kersvadervreugde doen. En as daar nou een plek is wat weet hoe belangrik dit is om dié tyd vrolik te maak, is dit Rovaniemi. Die inwoners van hierdie stad in Lapland, Finland, het dit as die tuiste van Kersvader verklaar. Hier kan kinders (en volwassenes) met die bebaarde oom gesels en die bekoring van sy huis ervaar. In sy kantoor sorteer sy helpers hope briewe van oral in die wêreld – elkeen vol Kersfeesversoeke van kinders. Rovaniemi se amptelike Kersvader (ouderdom onbekend) ontvang elke jaar honderdduisende briewe uit al die lande van die wêreld, met China, Pole, Italië, Brittanje, Japan en Rusland boaan die lys. ’n Kennisgewing in die poskantoor in die…

MET 2020 op sy rug het die feestyd aangebreek. Maar die coronaviruskrisis laat ook hier sy merk. Weens vrese oor ’n tweede verspreidingsgolf word ons afgeraai om in groot groepe vir partytjies of familiefeeste saam te trek. Die finansiële las van ’n ekonomies moeilike jaar maak baie mense se gewone feesmaal en vakansiedrome ook onmoontlik. En wie weet, dalk lê die hartseer nog vlak nadat julle vanjaar ’n geliefde moes groet. Jou Kersplanne lyk dus nood gedwonge heel anders as verlede jaar, en tradisies wat vir jou sinoniem is met dié tyd, moet dalk wegval. Maar die feestyd kan steeds vir jou en jou gesin ’n betekenis volle tyd wees. Ons het by kenners gaan aanklop vir praktiese wenke om dit reg te kry. 1 REFLEKTEER Soms wil ons te…

‘PA KEN mos slaggate. ’n Slaggat word net groter en dieper.” Sanet het in haar spore vasgesteek. Owen se rug was na haar gedraai, ’n paar voortydige grys slierte in sy poniestert, ’n koffiekoekie- en kwyl-smeersel op die sitvlak van die jeans waarin hy eindelik die vorige nag op die sitkamerbank ’n bietjie rus gekry het. Alles verander wanneer ’n mens se kinders op hul eie bene staan. En niks verander nie. Soos wat ’n ma se hart in stukke wil breek wanneer jou seun se meisie hom twee dae voor die matriek-afskeid afsê en hy langs ’n leë stoel na die skoolhoof se lang afskeidswoord sit en luister, so skeur iets in jou wanneer jy hom jare later so alleen agter die reënwatertenk sien staan. Ag tog, my kind.…

STER VAN DIE JAAR MASTER KG Die plaaslike musikant se treffer “Jerusalema” het vanjaar in ’n groepdansgier ontplof wat miljoene Tik- Tokkers van hier tot in Amerika laat lyf skud het. Dit is selfs die “amptelike liedjie” van die coronaviruspandemie gedoop! Master KG (24), die man agter die voetejeukmelodie, het “Jerusalema” al verlede jaar hier bekendgestel met die sangeres Nomcebo Zikode wat die liedjie sing. Maar dit het eers vanjaar soos ’n veldbrand aanlyn begin versprei toe die “Jerusalema Dance Challenge” hier begin het. Sedertdien het 346 miljoen mense wêreldwyd al aan dié dansgier op TikTok deelgeneem. Almal van skoolkinders tot hospitaalpersoneel en sterre soos die wêreldberoemde sokkerspeler Cristiano Ronaldo het al dié trots Suid-Afrikaanse gospelliedjie in hul video’s in die sosiale media gebruik. En dis net ’n bewys: Local is…

DIE hope vergruisde rots en skagtorings verklap dat ’n mens nog ’n myndorp nader. Die inkomste uit goud wat diep uit die maag van die aarde losgeskeur word, voed die gemeenskap bo die grond. Die skakelhuisie waar jy stilhou, lyk ook nes enige ander hier op Stilfontein in Noordwes. En die gasvryheid waarmee Annette Emdin jou verwelkom, is tipies van dié myngemeenskap. Stap jy deur die voordeur, bevind jy jou eensklaps in ’n heel ander wêreld. Dis ’n fantasieland van glimlaggende gesiggies en keurige uitrustings wat die ene frille en valle is. ’n Oomblik lank staan jy verstar en spits jou ore vir vrolike kinderlaggies. Maar dis die 52-jarige Annette wat die stilte verbreek. “Ek is baie lief vir elkeen van hierdie poppe,” vertel sy. “Ek ken elkeen se naam…

JACQUES KALLIS Die oud-Protea-krieketspeler Jacques Kallis se vrou, Charlene, het die oulikste foto’s van hul nege maande oue seuntjie, Joshua Henry, op Instagram gedeel. Op die foto’s is haar “klein Kersfees-elf”, soos sy die knapie noem, voor ’n Kersboom te sien. “Dit begin baie soos Kersfees lyk! Dis my gunstelingtyd van die jaar en dié jaar gaan die spesiaalste van almal wees,” skryf sy. DANIËLLA VAN HEERDEN Dié eNuus-leser en haar fotograaf-man, Cornél, sien uit na hul eerste Kersfees saam met hul dogtertjie, Simoné. “Sy is op Kersdag presies nege maande oud,” sê Daniëlla. “Sy het nou al begin kruip en kan lekker met ons speel.” Dis ’n bonus dat Daniëlla nie op Kersdag werk nie. “Ons het met vorige Kersfeeste nie besef hoe kosbaar tyd saam met familie is…

‘Ons het jare lank deur ’n minimalistiese fase in die modebedryf gegaan – en nou omarm mense weer oordaad’ – die modeontwerper Jason Wu…

DIT is alles wat hulle gevra het. ’n Regte, egte Familiekersfees saam met die mense wat hulle liefhet. Onder die Kersboom gaan dalk ’n stapel geskenke staan, sê die aktrise Marijke Coetser, maar hulle het die grootste geskenk reeds gekry: mekaar en hul pragtige twee kinders. “Nè, lief?” wil Marijke knipoog by haar man, die akteur Werner Coetser, weet. “Geen geskenk sal ooit so groot wees soos jy nie,” antwoord hy. Die Getroud met rugby-akteurspaar en hul twee kinders, Juwan (10) en Layla (16 maande), gaan vanjaar Kersfees by Marijke se ouers, Derick en Marieta Maree, op Bethlehem in die Vrystaat deurbring. Hul eie Bethlehem-Kersfees van liefde, dankbaarheid en samesyn – maar ook met Vrystaatse vreugde en die oorvloed van die groot dae. “Dis Kersfees soos jy dit nog nie…

WENK Voeg Revlon ColorStay Diamond Top Coat (R89 by Dis-Chem) bo-oor vir nog glans en landurigheid. KERSVERSIERINGS is nie ál ding wat kan skitter en skyn nie. Ons het wonderlike idees saamgestel vir jou hare en grimering dié feestyd. Krul of stryk jou hare Raak avontuurlustig Trek ’n bietjie aandag deur avontuurlustig te raak met jou hare. As jy dit gewoonlik in natuurlike krulle dra, stryk dit ’n slag om dit reguit te maak. As jy boheemse golwe wil he, draai jou hare om ’n haartang of in ’n krulstaf. ’n Mens kry veelsy dige tegnologie waarmee jy kan stryk of golwe maak – dit hang net af van hoe jy dit vashou. BEPROEF: ghd Creative Curl Wand R2 700 WENK Vir krulle wat natuurliker lyk, kan jy jou vingers…

JINGLE JANGLE: A CHRISTMAS JOURNEY Waaroor gaan dit? Dit gons oor Netflix se eerste musiekspel wat nie animasie is nie. Die fliek speel af op die dorpie Cobbleton en gaan oor die legendariese speelgoedmaker en genie Jeronicus Jangle (Forest Whitaker) wie se skeppings die mond laat oophang en mense na sy speelgoedwinkel laat stroom. Maar sy getroue regter hand, Gustafson (Keegan- Michael Key), steel Jangle se boek met slim uitvindsels. Die skurk raak die rykste én gewildste speelgoedmaker op Cobbleton. Sy oud werkgewer, Jangle, is hartgebroke en sy inspirasie kwyn. Hy omskep dan sy eens gewilde speelgoedparadys in ’n pandjies winkel. Jare later daag sy kleindogter, Journey (die nuweling Madalen Mills), uit die bloute op, en haar verbeeldingskrag is dalk net genoeg om die onderneming te red. Die man agter…

DIS naby vriespunt waar Armand diep ingedagte vanaf die ou fort op Salzburg uitkyk. Toe hy afstap, sien hy weer die vrou met die rooi jas wat hy ook in die fort opgemerk het. Haar kaartjie fladder uit haar hand en hy buk om dit op te tel. In die volgepakte karretjie staan die vrou met die rooi jas weer langs hom. “Dankie vir my kaartjie, netnou,” sê sy met ’n effense glimlag. “Hoe weet jy ek is Afrikaans?” “Ek het gehoor toe jy ’n selfoonoproep gemaak het,” sê sy met ’n glimlag. En toe gaan die deure oop en die besoekers stroom elkeen in hul eie rigting. Sowat ’n maand gelede het sy vennoot daarop aangedring dat hy die voorneme moet nakom om Salzburg weer ná Sureen se dood…

15,2 METER Dis hoe lank ’n rib was van die argentinosourus – sover bekend die grootste souropode en dinosourus wat bestaan het. Hulle kon tot 35 m hoog word en het 70 000 kg geweeg, omtrent so swaar soos 11 olifante! DAAR was ’n hele paar yslike dinosourusspesies, maar die grootste van hulle almal was die souropode- groep wat dinosourusse soos die diplodokus (illustrasie regs) en brontosourus ingesluit het. Hulle kon soms tot so lank soos drie busse word! Nou het navorsers ’n nuwe vermoede hoekom dié dinosourusgroep so groot geword het – en veral hoekom hul nek so lank was. n Span paleontoloë (sien Woord van die Week) het fossiele ondersoek wat in Patagonië, Suid-Amerika, ontdek is. Een van hulle is een van die oudste souropode- fossiele wat nóg…

DIS daardie liedjie wat jou voete laat jeuk. Of die een wat jou laat wens jy sit langs ’n kampvuur. Dis die liedjies wat ons dikwels oor die feestyd luister wanneer ons langpad ry of ná ’n lang jaar lekker saam met ons geliefdes kuier. Dit is ook daardie liedjies wat ons aan goeie, vrolike of spesiale tye saam met spesiale mense of jeugliefdes herinner. Afrikaanse musiek het deur die jare al talle tydlose treffers opgelewer – immergewilde liedjies wat vandag steeds net so bekend is as toe dit die radiogolwe die eerste keer oorheers het. Van dié liedjies is sommer binne ’n dag of twee geskryf, terwyl ander weer jare se skaafwerk geverg het. So het die musikale geboorteproses van 10 van die ikoniesste liedjies in Afrikaans gebeur. SKIPSKOP’…

JACQUES BLIGNAUT Die 7de Laan-akteur en sy vrou, Melanie, se drie kinders, Angelique (10), Emmanuelle (8) en Raphael (4), is mal oor Kersfees. “Hulle geniet dit om geskenke te kry, maar verstaan ook die regte betekenis van Kersfees. Vir hulle is al die tyd wat ons saam met familie deurbring die beste,” vertel hy. Met dié dat Jacques nog tot 23 Desember op die stel is, is daar nie juis tyd vir wegbreek oor die feestyd nie. “Ek sal elke beskikbare minuut saam met my familie deurbring en ons gaan kyk wat ons alles in Johannesburg vir die pret kan doen,” sê hy. ROLANDA MARAIS Kersfees beteken familietyd vir Rolanda. “Ons sou na Hentiesbaai in Namibië gegaan het, maar weens covid-19 gaan ons maar net Sandbaai toe,” vertel die aktrise.…

AL FLONKER daar in die Kerstyd oral liggies, die feesdae vir haar donker herinnerings in. Want in dié tyd dink altyd aan haar ongebore dogtertjie vir wie daar nooit geskenke onder die boom sal wees nie. Boonop sal Kersfees 2020 selfs moeiliker as vorige jare vir Melissa Dyer wees. Tydens die inperking is sy ná ’n huwelik van 10 jaar geskei en moes sy onlangs die man wat destyds haar lewe verwoes het weer in die gesig staar; die man wat meer as 14 jaar gelede, op Valentynsdag 2006, hul ongebore baba in haar maag laat dood skiet het. Boonop sal die gevangenis se deure op Oukersdag vir hom oopswaai nadat hy destyds weens dié wrede daad tronk toe gestuur is. Kyk jy nou na Melissa (38), sou jy dink…

KERSFEES is ’n tyd van die jaar waarna kinders uitsien. Dit gryp hul verbeelding aan – en dan is daar natuurlik die vooruitsig van geskenke.. Ná ’n jaar van tuisbly en maatjies mis het ons kinders gevra om vir Kers vader ’n briefie te skryf of ’n prentjie te teken en ons te vertel wat hulle vir Kersfees wil hê. En ons het belowe om seker te maak die man in rooi kry die briefies! Hiér is die kleinspan se innige wense vir die feestyd en die pittighede wat hulle kwyt geraak het. HADASSAH CLARKE (7) Laerskool Eunice, Bloemfontein “Mammie sê die geld is te min en dat ons nie die geld na Vader Krismis toe kan stuur nie. Ek het ’n toy-foon by Pep gesien vir R10. Ek wil…

VOORGEREG KRUIEBROODKRANS GENOEG VIR 6-8 MENSE BEREIDING: 30 MIN. RYS: 1 UUR 30 MIN. BAK: 35-40 MIN. DEEG ◗ 1 x 10 g-pakkie kitsgis◗ 15 ml (1 e) suiker◗ 250 ml (1 k) louwarm water◗ 250 ml (1 k) louwarm melk◗ 1 kg broodmeel◗ 10 ml (2 t) seesoutvlokkies VULSEL ◗ ’n groot hand vol vars gemengde sagte kruie (soos pietersielie, koljanderblare, basilie en/of roket)◗ 60 ml (¼ k) pecorino- of beleë cheddarkaas, gerasper◗ 30 ml (2 e) olyfolie◗ 100 g ontpitte olywe◗ 1 knoffelhuisie, geskil sout en vars gemaalde peper Voorverhit die oond tot 180 °C. Voer ’n groot bakplaat met bakpapier uit. 1 Deeg Meng die gis, suiker en water in ’n beker en laat staan 30 min. of tot die mengsel begin skuim. Roer die melk by.…

‘SLAAP nou, my engel,” sê Penny. Sy buk vooroor en soen haar dogter saggies op haar voorkop en vryf ’n weerbarstige donker krulletjie agter haar oor in. Emily knyp haar oë styf toe, maar dit vlieg dadelik weer oop. “Wat as hy nie die koekies op die tafel sien nie, Mamma?” wil sy weer bekommerd weet. “Hy sal, Em,” paai Penny. “Onthou, ons het ekstra versierlekkers opgesit. Hy sal dit nie kan miskyk nie. Jy sal môreoggend sien.” Emily herkou aan dié antwoord, knik tevrede en maak haar oë weer toe. Penny kyk na haar en glimlag. Die opgewondenheid van die dag is nog sigbaar aan die rooi van haar wange en die spanning in haar smal skouertjies wat tot onder haar ken opgetrek is. Haar oë gaan weer oop…

KERSTRA DISIES OOR DIEWÊRELD KERSLOTERY GROOTSTE TER WÊRELD Miljoene Spanjaarde neem elke jaar deel aan “El Gordo”, dié land se Kerslotery. El Gordo beteken “die vet een” in Spaans. Daar word 170 kaartjiestelle met 100 000 kaartjies in elkeen verkoop teen €200 (€ staan vir euro – dis sowat R3 700) per kaartjie. Gesinne en families sit soms hul geld saam om ’n kaartjie te koop – en ’n mens kan ook net ’n 10de van ’n kaartjie koop. As daardie kaartjie dan een van die gelukkiges is, deel jy die prysgeld met die res van die mense wat ’n wenkaartjie gekoop het. Die wenkaartjies word op 22 Desember getrek. Verlede jaar het die wenner meer as R73 miljoen gewen. APPELS VIR KERSFEES Appels is ’n gewilde Kersversnapering in China.…

FOTO VAN DIE WEEK n Belgiese vuurwerkwinkel vernietig hul voorraad in ’n ontploffing. Nuwe inperkingsreëls is in dié land ingestel om te probeer keer dat die coronavirus nog versprei – en volgens dié reëls mag vuurwerke nie verkoop of aangesteek word nie. HIERDIE WEEK IN DIE GESKIEDENIS 1 DESEMBER 1937 DISNEY REIK EERSTE VOLLENGTE-ANIMASIEFLIEK UIT Die uitreiking van Snow White and the Seven Dwarfs meer as 80 jaar gelede was ’n geskiedkundige geleentheid. Dit was die eerste van vele suksesvolle animasieflieks wat deur Walt Disney en sy ateljee vervaardig is. Daar is al in 1934 met die produksie van die fliek begin. Voor dié fliek, gegrond op die bekende sprokie deur die Grimm-broers, het Walt Disney se ateljee meestal kortflieks gemaak. Dit was ook die eerste vollengte-fliek wat van die tradisionele…

DIT is seker vanselfsprekend dat die kubus meer aandag getrek het as wat ek my ooit sou kon indink. Dis ’n eienaardige feit – wat my net soveel as enigeen verbaas – dat so ’n eenvoudige “lae-tegnologie”-voorwerp al soveel dekades lank in ’n tyd van ongekende tegnologiese revolusie die mensdom bly boei. Die bekoring daarmee het trouens ál verder ontwikkel. Die kubus was al ’n speelding vir kinders, ’n intens mededingende sport en ’n werktuig vir tegnologies gevorderde verkennings en ontdekkings in kunsmatige intelligensie, asook vir verstommende berekenings. Die kubus is al vir egskeidings (en huwelike) blameer en vir kwale bekend as “die kubusduim” en “Rubik se gewrig”. Al hierdie aandag het gepaardgegaan met … vrae. Joernaliste, aanhangers van die kubus of terloopse kennisse van oor die wêreld het my…

PRINSES Diana sou so trots gewees het. Haar oudste seun is ’n toonbeeld van alles wat sy was – opreg, hartlik, hardwerkend en toegewy aan kwessies wat mense ophef. Boonop is hy getroud met ’n vrou wat net soveel vir die koninklike familie se gewildheid beteken as wat sy self he Saam laat die hertog en hertogin van Cambridge ’n tikkie van hul spesiale soort betowering agter oral waar hulle gaan. En dít was nog nooit duideliker as in hierdie jaar van ontwrigting, vrees en onsekerheid nie. Terwyl die coronaviruskrisis wêreldwyd verwoesting saai, het prins William en Catherine projekte aangepak om troos, hoop en ondersteuning aan hul landgenote te bied. Aanhangers kon nie anders as om te glimlag toe die egpaar in die aanloop tot Kersfees hul drie oulike spruite…