Innehållsförteckning för 7-Jan-21 från Huisgenoot

MENINGS OOR STORIES OP HUISGENOOT.COM 1 WARE LEWENSDRAMA: ‘SA SE BONNIE EN CLYDE’ Charmaine Phillips herbou haar lewe buite die tronk nadat sy en haar destydse minnaar, Pieter Grundlingh, in die 1980’s aan vier moorde skuldig bevind is Sy het ’n groot fout gemaak, ja. Maar sy het haar straf gevat en gewerk om haar lewe te verbeter. Vergifnis is moeilik, maar oordeel en wraaksug is ’n vretende seer. DENISE Vernon Swart was my swaer se broer. Die sagmoedige, hulpvaardige een in die familie. Vandag sny Charmaine hare! En sy het al die skuld op Grundlingh gepak. ELSABÉ Onthou net sy was jonk. Sy het geboet vir haar dade. Sê eerder dankie dat sy verander het en nie dieselfde gebly het nie. Nie almal wil verander nie. HABIBBA 2 Die…

NET voor ’n mens George van die Kaap se kant af met die N2 binnery, vang die goudgeel naam hoog bo-op ’n stellasie jou oog. Byna bekend, maar met ’n slim kinkel: Elvis Brew. NET voor ’n mens George van die Kaap se kant af met die N2 binnery, vang die goudgeel naam hoog bo-op ’n stellasie jou oog. Byna bekend, maar met ’n slim kinkel: Elvis Brew. Draai jy hier af, kan jy koffie, boetiekbier en gin drink. En as jy gelukkig is, dalk ’n geselsie met die eienaar aanknoop: die gewilde sanger wie se naam so ampertjies dieselfde klink. Want op 40 is Elvis Blue wat in Idols roem verwerf het nou die eienaar van sy eie padstal hier by die George-lughawe. Hy is steeds so veerkragtig soos…

ONS ken haar as die vietse oefeninstruktrise in ’n noupassende broek, toppie en praktiese tekkies. Onthou jy die oefenprogram Body Beat, onthou jy háár. Ook in latere oefenprogramme op die kassie het die fiksheidsghoeroe Linda Kriel Suid- Afrikaners uitasem gelaat nadat sy hulle laat rek, strek, spring of klim het. Maar vandag laat sy die asem op ’n heel ander manier wegslaan. Met haar gebeitelde figuur in ’n winterwit trourok met vier lae Italiaanse georgette gegiet, maak sy haar verskyning nou op die werf van ’n Bolandse olyfplaas, waar die bruilofsgaste tussen rye suurlemoenbome op die bruid se aankoms wag. Saam met haar seuns, Zander (24) en Armin (22) Prinsloo uit haar eerste huwelik, stap die 52-jarige Linda haar bruidegom op die maat van Rachel Platten se liedjie “Better Place”…

Ons het hake aan die binnekant van die klerekasdeur gesit. Dis perfek om jasse, hoede, tasse en sakke aan te hang. Ons het die lessenaarblad geskep deur ’n breë rak op lessenaarhoogte (73 cm van die vloer af) te installeer. ’n Smaller rak is bo die lessenaar geplaas om as ’n rak te dien. En ’n paar kurkteëls wat met alkantkleefband teen die muur geplak is, dien as nuttige aansteekbord. Ons het ’n dik strook krytbordviniel aan die binnekant van ’n klerekasdeur geheg – ideaal vir ontluikende klein kunstenaars of vir ouer kinders se aantekeninge. ’n Klerekashandvatsel wat onderstebo gebruik is, sorg dat die kryt byderhand is, en ’n stuk rek wat vasgekram is, hou die uitveër op sy plek. KRY DIT HIER BONDIBLU 011-794-5447; BUILDERS 0860-284-533; CNA 0860-692-274; THE…

SOEK AANLYN DEPRESSIEHULP V Ek het ’n aanlyn toets gedoen, en daarvolgens ly ek dalk aan depressie. Ek het lankal ’n bietjie hartseer en huilerig gevoel en daaroor gewonder. Ek het nie geld vir dokters en psigiaters nie en is bang dat as ek pille daarvoor moet gebruik, ek daaraan verslaaf gaan raak. Dit gaan nou al meer as ’n jaar so aan en niks raak beter nie. Ek doen my bes om positief te wees en dan gaan dit soms ’n paar weke goed, maar daarna is ek weer terug waar ek was en wil nêrens gaan en niemand sien nie. Ek sien teen alles op. F op A Om ’n selfdiagnose te maak op grond van leeswerk, of dit nou op die internet of waar ook al is,…

PUNTE A Almal D Dwelms G Geweld Gr Gruwel N Naaktheid O Ouerdiskresie S Seks T Taal V Vooroordeel FLIEKS / REEKSE / MUSIEK / BOEKE / KORTVERHALE / TV-GIDS / HUISGENOTJIES / BLOKRAAIE WAAROOR GAAN DIT? Het jy al ooit gewonder wat met jou siel gebeur wanneer jy die tydelike met die ewige verruil? Dié oulike animasiefliek oor jou siel en wat jou maak wie jy is, gee ’n hartroerende en komiese kykie na wat dalk in die hiernamaals gebeur. Die Oscarbekroonde akteur Jamie Foxx (53) is die stem van die hoofkarakter, Joe Gardner, ’n musiekonderwyser van New York wat daarvan droom om klavier in jazzklubs te speel. Hy glo sy lewe is ’n mislukking. Joe wil meer as enigiets anders ’n jazzpianis wees. Toe hy die kans van…

DIE BOEK VAN BYE, DIE BOEK VAN BOME Deur WOJCIECH GRAJKOWSKI. Illustrasies: PIOTR SOCHA. (Protea Boekhuis, R316* elk) In 2015 het die Poolse vereniging van boekuitgewers Die boek van bye as Die Mooiste Boek van die Jaar aangewys. Ek sou dit sommer aangewys het as Die Mooiste Boek in die Hele Wye Wêreld. Dis ’n reuseboek wat op ’n grootmens se skoot pas. As jy nog nie ’n grootmens is nie, sal jy dit dus op ’n tafel moet neersit om deur te blaai en ’n grootmens vra om dit vir jou te lees. Die illustreerder, Piotr Socha, se pa is ’n byeboer. (Sy volgende boek was Die boek van bome, en ek wonder of sy ma ’n boomboer was, maar hulle sê nie.) Piotr is een van Pole se…

ANDERSTE BRAAI “Wat het jy Oujaarsaand gedoen?” vra Gert vir sy vriend, Klaas. “O, ek was by ’n skilpadbraai,” vertel Klaas. “Wat? Het julle ’n skilpad gebraai?” vra Gert verbaas. “Nee, man,” verduidelik Klaas, “dit was min vleis en baie dop!” L. SAAYMAN, SABIE VAKANSIESTRES Die jong paartjie het baie daarna uitgesien om in die somervakansie te gaan kampeer, maar kort-kort word hul rus versteur deur ander kampeerders wat ’n geselsie wil kom aanknoop. Toe maak hulle ’n plan en plak ’n kennisgewing op hul woonwa se deur. Daarop staan: “Versekeringsagent. Kom vra gerus oor ons lewensversekeringspakket.” LOUISE NOETH BLONDE TOERIS V: Waarom was die blondine teleurgesteld toe sy van haar besoek aan Londen terugkom? A: Sy het nie geweet Big Ben is eintlik ’n horlosie nie. L. SAAYMAN, SABIE…

GROOT BLOKRAAI WEN ’N GESKENKPAK VAN CATRICE KOM IN AANMERKING VIR DIE MAANDELIKSE TREKKING VAN R1 000. NO. 2 369 As jy vashaak, kan jy gerus ander lesers se raad vra op ons Facebookblad met die naam Huisgenoot Blokraaie VRAAG: WATTER HOEVEELHEID IS TER SPRAKE? Hierdie week se prys word voorsien deur Catrice. Catrice is aan die voorpunt van die nuutste grimeertrends en bied ’n groot reeks kleurkeuses met moderne sowel as klassieke skakerings en luukse teksture. Catrice is verantwoordelik vir die versending van die prys. NEEM SO DEEL Vul die blokraai korrek in, skryf die letters in die kleurblokke neer en gebruik dit om die antwoord op die vraag te ontrafel. SMS “HG” gevolg deur jou antwoord, naam en dorp/stad na 36400. Net een SMS per deelnemer word toegelaat.…

TYDENS sy ampstermyn in die Withuis moes Barack Obama heelwat teenslae trotseer, krisisse en katastrofes hanteer, en aan die einde van die tweede termyn het hy heelwat meer grys as swart hare gehad. Maar as president van Amerika het hy nie net heeltyd gewerk nie. In dié uittreksel uit A Promised Land, Obama se nuwe topverkoperboek, vertel hy van die ander sy van sy presidentskap: hoe dit sy privaat lewe, sy kinders en geliefde vrou geraak het. Basketbal afrig, snoeker speel en saam met die kinders lag het alles sy tyd as president gekenmerk. En hy het ook ophou rook. EK IS deur die vooruitsig in die gesig gestaar om vir my dogter te jok of ’n slegte voorbeeld te stel. Toe bel ek die Withuis se dokter en vra…

SHIMMY ISAACS Leef vir jouself “Die een ding wat verlede jaar na vore gekom het, was my eie moed en vreesloosheid om dinge aan te pak. Ek sou nie sê dis dinge waarvoor ek bang was nie, maar wat ek altyd opsy geskuif het. Ek het besef ek moet vir myself begin leef. Dit is tyd vir my om in my purpose te leef en nie net te erken wat my purpose is nie,” sê Shimmy, wat die skreeusnaakse skoolsekretaresse Petra Meintjies in die telenovelle Arendsvlei speel. My Nuwejaarsvoorneme “Ek gaan nie meer sê daar is nie tyd nie, want verlede jaar het vir ons duidelik gewys alles kan in ’n oogwink verander. Ek wil elke dag van nou af leef asof daar geen môre is nie.” ANDRÉ LÖTTER Dís waarvoor ek dankbaar is “Ek is…

HULLE is reeds oorlede, maar dié sterre raak net ál ryker en ryker … Die ontslape skrywer Dr. Seuss het verlede jaar sommer R512 miljoen ryker geword – en dit ’n volle 29 jaar ná sy dood. En die omstrede popster wyle Michael Jackson se koffers bult ná 2020 weer met R700 miljoen meer as die vorige jaar. Want al kan dié ikone van die vermaakbedryf nie meer die vrugte van hul arbeid pluk nie, raak hul boedels net groter. Nadat die Amerikaanse saketydskrif Forbes einde verlede jaar sy lys uitgereik het van die rykste ontslape bekendes wat in 2020 gróót geld gemaak het, het Huisgenoot ook ’n bietjie speurwerk oor hul skatte en nadoodse status gaan doen. 1 MICHAEL JACKSON R744 MILJOEN Die skokkende Leaving Neverland- dokumentêr van 2019 waarin verskeie mans beweer dat…

AS DIE noodlot destyds sy sin gehad het, sou hy en sy donkerkopvrou dit dalk nooit tot voor die kansel gemaak het nie. Twee jaar gelede, toe die mooie Herculina Pentz die akteur David Rees van sy titel as geswore alleenloper gestroop het, wou hy nie eens dink aan die vele struikelblokke wat hom so amper verhoed het om ’n ring aan sy bruid se vinger te steek nie. Maar vandag, kort ná David en Lina se tweede huweliksherdenking, erken die akteur openhartig: Hy en sy bruid het sowaar amper nie hul troubeloftes afgelê nie “Dit was destyds so byna-byna of ons het ons gaste laat weet: Hokaai, stop die lorrie – die troue word uitgestel,” sê David (52). “Dit was asof honderd dinge gelyktydig saamgesweer het om ons troudag…

SO LANK as wat sy kan onthou, sukkel sy met haar tande. Sekere soorte kos wat vir ander vreugde bring, was vir haar buite die kwessie – dit was bloot te seer om dit te eet. En wanneer sy by die werk vir klante moes glimlag, was sy nooit gemaklik nie. Maar Jegardi du Plessis (31) se lewe het verander nadat sy einde verlede jaar uit sowat 800 inskrywings gekies is as die wenner van Huisgenoot, die televisiekanaal VIA en die werklikheidsprogram Dr. Nou se mooimaakkompetisie. Die prys was n regruksessie wat tot R200 000 sou kos. Nie net is haar tande oorgedoen nadat sy as wenner van die kompetisie gekies is nie; sy het ook velbehandelings én ’n nuwe haarstyl gekry. Die proses en eindresultaat is in Desember op…

GRONDBOONTJIEPLAATKOEKIES LEWER 12-15 PLAATKOEKIES BEREIDING: 15 MIN. GAARMAAK: 2 MIN. ELK 500 ml (2 k) meel10 ml (2 t) bakpoeier5 ml (1 t) sout1 eier310 ml (1¼ k) melk60 ml (¼ k) grondboontjiebotter BOLAAG 250 ml (1 k) versiersuiker60 ml (¼ k) grondboontjiebottergrondboontjies vir afronding 1 Sif die droë bestanddele saam in ’n groot bak 2 Klits die eier, melk en grondboontjiebotter saam en klits dit stadig by die droë bestanddele in. Maak seker die beslag het nie klonte nie. Laat die mengsel 15 min. rus. 3 Verhit ’n kleefwerende pan en skep eetlepels van die beslag daarin. Draai elkeen om sodra borrels bo-op verskyn, en braai tot die plaatkoekies ligbruin is. 4 Bolaag Meng die versiersuiker en grondboontjiebotter tot glad. Bedruip die plaatkoekies met die versiersuikermengsel en rond af…

MIN plekke word so oorval soos die hulpsentrums van versekeringsmaatskappye. En vrae kan wissel van belangrik tot belaglik. Soos die polishouer wat glo nie kon verstaan waarom sy motorongelukeis afgewys is omdat hy kwansuis dan net so ’n knertsie oor die alkoholperk was nie. Karabo Kopeka, hoof van eise by MiWay Insurance, beantwoord vyf van die algemeenste vrae waarmee dienssentrums oorval word. 1 KAN EK ’N KONTANTUITBETALING VIR MY MOTORONGELUKEIS KRY? Dis moontlik, maar gewoonlik net wanneer jy nie die bybetaling kan bekostig nie. Die eisbedrag minus die bybetaling word dan aan jou betaal. Jy moet ’n kontantbetalingsooreenkoms onderteken dat dit die finale uitbetaling vir jou eis is. Jou versekeraar kan jou nie voorse wat om met die geld te doen nie, maar die verwagting is dat jy dit gebruik…

SY NAAM was Joshua. Hy was 12 jaar oud toe die golwe hom daardie dag van die rotse afgeslaan het. Sy ma het op die strand gesit, en hy het daar naby op die rotse gespeel. Dit was oor ’n naweek en dit was lekker strandweer; die strande was besig. Toe het alles so vinnig gebeur… Ek het ’n boodskap op my foon gekry: “Drowning in progress.” Binne 10 minute was ons jetski’s en bote op die water. Helikopters het oor die see gevlieg. Ons het ouens gehad wat op en af in die water geswem en na hom gesoek het. Ons het álles gedoen wat ons kon, vir vyf ure lank. Maar ons kon Joshua nie vind nie. Dit was ’n uur voor die son gesak het toe die…

KUL jou hier, kul jou daar… en siedaar, jy en miljoene ander Suid-Afrikaners slaan nogmaals jul hande in verwondering saam. Magiese en onverklaarbare dinge het die mensdom nog altyd aangegryp. G’n wonder kulkunstenaars met hul skynbaar bonatuurlike vermoëns word onder die grootste vermaaksterre gereken nie. En te oordeel na sy 11 miljoen TikTok-volgelinge is Wian van den Berg nou ons land se gewildste oëverblinder. Hy het deesdae selfs sy eie televisiereeks, Wian, op VIA. In dié reeks vaar die boorling van die Vrystaatse dorp Frankfort die strate in waar hy omstanders voorkeer en met sy kulkunsies verstom. En elke keer wil die oorblufte “slagoffer” weet hoe op dees aarde hy dit regkry. Nes kykers wil Huisgenoot ook weet; dié dat ons hom vandag hier by ’n winkelsentrum in Edenvale, Gauteng,…

GLINSTERGIER VAN 2020 ‘Diep velkleure is baie weerkaatsend en sprankel in juweelskakerings soos ametis, robyn en turkoois’– LEATRICE EISEMAN, UITVOERENDE DIREKTEUR VAN PANTONE…

1 Het ek werklik oogroom nodig? Ja. Of jy wil klaarspeel met pofferigheid, sakkerigheid, fyn lyntjies of donker kringe, daar is ’n oogroom wat kan help, sê Vanelwa Ndongeni van Collins Aesthetic Skin & Nails in Kaapstad. Fyn lyntjies en plooie word veroorsaak deur sonskade en die vel wat minder kollageen vervaardig (wat help met elastisiteit) namate ons ouer word. Daarom moet jy ’n oogroom kry wat vitamien C, peptiede en retinol bevat. Room met komkommer in help met pofferige oë, want die komkommer verbeter sirkulasie. “Oogroom moet soggens voor jou dagroom aangewend word,” sê Vanelwa. ’n Hoeveelheid so groot soos ’n ryskorrel is genoeg vir albei oë. Gebruik jou ringvinger om dit sagkens onder en rondom jou oë aan te wend in ’n opwaartse sirkelbeweging. Moenie dit naby die…

DIS die begin van ’n nuwe skooljaar, en vir die meeste kinders beteken dit ’n nuwe klasonderwyser – of jou kind na ’n nuwe skool gaan of bloot van graad verander. Nou moet jy van voor af ’n verhouding met daardie onderwyser vestig sodat julle op die hoogte kan bly van wat in jou kind se lewe aangaan en belangrike dinge op ’n sinvolle manier kan kommunikeer. Maar hoe benader jy dié kommunikasie – hoe skep jy ’n oop kanaal tussen julle sonder om dáárdie ouer te wees wie se WhatsApp-boodskappe die onderwyser teen die mure uitdryf? Wat is te veel, wat is te min, wat is genoeg? Jou kind se onnie is immers soos jou vennoot in jou kind se opvoedingsproses – hoe kan jy maak om te sorg…

VERTROOSTING EN HOOP Ná haar album van 2011, Ek het jou lief, het Lize ’n stil tyd binnegegaan en nie weer ’n soloprojek opgeneem nie. Nou is sy terug met haar nuwe album, Hier en nou. Haar lewensmaat, die violis Annake de Villiers, is in April 2012 oorlede. Drie maande later het Lize die liedjie “Kan alles net stil”, wat op die nuwe album ingesluit is, geskryf en toe haar pen neergesit. Sy het aanvanklik innerlike chaos ervaar: Om woorde te formuleer en musiek te maak was toe nie vir haar meer toeganklik nie, sê Lize. Verlede jaar was sy gereed om weer ’n enkelsnit op te neem. “Die vreugde wat ek ervaar het met die skryf en uitsien na die opname, het my binne ’n enkele week van een…

Besoek ons webtuiste, huisgenoot.com, vir ’n daaglikse horoskoop. WATERDRAER 21 JAN – 18 FEB Volg ’n vars benadering tot idees, kommunikasie en konsepte wanneer Mercurius, die meester van die verstand, vandeesweek jou teken betree. Dit is ’n tyd om waaghalsig en vreesloos te wees en die nuwe en onbekende te beproef. ’n Vonk van energie kan ’n borrel van selfvoldaanheid laat bars – nie iets waaraan jy gewoonlik skuldig is nie. Struwelings by die huis kan nie uitgesluit word nie, maar staan sterk as ’n baasspelerige mens probeer bevele uitdeel. GELUKKIGE NOMMERS 9, 33, 3, 44, 46, 28 VISSE 19 FEB – 20 MRT ’n Vriendskap kan dié week ’n ander betekenis aanneem, hetsy ’n platoniese vriendskap ’n romanse word of jy die diepte van ’n band met ’n vriend…

CHARLES SHARE (13) PAARL “Ek het in 2020 geleer dat dit glad nie lekker is sonder jou vriende nie. En dat skool ’n belangrike deel van grootword is, want daar sien jy elke dag jou vriende. Jy speel sport en leer nuwe dinge, al is dit nie altyd lekker om vroeg op te staan nie. Ek wil in 2021 meer tyd saam met die mense deurbring wat vir my belangrik is, soos my familie en vriende. Ek sal hulle meer waardeer en nie lank kwaad wees vir my ma wanneer sy skel nie, want sy doen dit oor sy vir my lief is en net die beste vir my wil hê.” AMORÉ PARRING (13) LAMBERTSBAAI “Ek het baie in 2020 geleer, ook baie wat ek nie geweet het nie en…

IN 2005 het ’n skoongesigtiener die musiekwêreld oorrompel met ’n album wat countrymusiek cool gemaak het. Maar Taylor Swift was net 16 – sou sy op die duur suksesvol kon wees, het kenners gevra, of sou sy uitbrand soos talle wonderkinders voor haar? Daaroor wonder niemand meer nie. Want 15 jaar later vaar Taylor beter as ooit danksy die feit dat sy bly transformeer. Oor die afgelope dekade en ’n half het sy gewys hoe veelsydig en vaardig sy is deur meer as een keer van genre te verwissel – eers van country na pop, en nou ook na indie-rock en folkmusiek. In 2020 het sy haar aanhangers opnuut beïndruk toe sy – midde-in ’n buitengewoon moeilike jaar vir die vermaakbedryf – nie een nie, maar twee nuwe albums die…