Innehållsförteckning för 11 Feb 2021 från Huisgenoot

MENINGS OOR STORIES OP HUISGENOOT.COM 1 ‘SY WAS ONS SONNIGE JESUSKIND’ Ná ’n reusesoektog is Klarissa Joubert (19) se liggaam gekry vyf dae nadat sy in die Oranjerivier verdrink het. Ek is bly hulle het haar gevind. Dis hartseer, maar vir berusting en aanvaarding is dit nodig. Aan haar ouers: Vat die hartseer een dag op ’n slag. Ek weet. MARINDA Ai, liewe meisiekind, ons is saam met jou ouers en geliefdes hartseer. Ons kan ons nie indink waardeur hulle moet gaan nie. Rus in vrede, pragtige jong vrou. PENNY Die mens wik, maar God beskik. My hart is so seer oor haar. Ek het gebid dat hulle haar lewend vind. Haar grootmenslewe het nounet begin. Rus sag, liewe pop. SANDRA ’n Mens het bly hoop hulle vind haar lewend. Hoewel…

SJOKOLADEKOEK MET FUDGEVERSIERSEL As jy dol is oor sjokolade, is dié koek vir jou – dis dig en dekadent. Saam met ’n skeppie geklitste room of crème fraîche en seisoenvrugte is dit ook heerlik vir oggendtee. GENOEG VIR 8-10 MENSE BEREIDING: 20 MIN. GAARMAAK: 50 MIN. AFKOEL: 3 UUR 15 MIN. 250 g botter, in blokkies gesny, plus ekstra vir smeer280 g donkersjokolade, grofgekap7 eiers by kamertemperatuur100 g strooisuiker40 g koekmeel50 g kakaopoeier, gesif SJOKOLADEFUDGEVERSIERSEL 300 ml room150 g bruinsuiker20 g kakaopoeier200 g donkersjokolade, fyngekap50 g botter, sag gemaak Voorverhit die oond tot 200 °C. Smeer ’n 22 cmveerpan met botter en voer die bodem met bakpapier uit. 1 Meng die botter en sjokolade in ’n bak en plaas die bak oor ’n kastrol pruttende water. Roer 6-7 min. tot…

VOLGEPAK Al het jy verskeie rakke vol boeke, kan jy steeds jou boekrak inspan om jou individuele dekorstyl uit te druk. Skep “oomblikke” tussen stapels boeke met enkele treffende items daarby te plaas. ’n Mens kan ook in vertikale en horisontale stapels met boeke speel vir ’n interessante gevoel. SLIM IDEES Voeg ’n interessantheid by rye boeke deur dit volgens die kleur van die rug te rangskik of volgens grootte met die kleinste in die middel om ’n duik te skep en ’n gevoel van vloeiendheid te verkry. MINIMALISTIES Of jy van die minimalistiese voorkoms hou of dikwels boeke weggee en net jou gunstelinge hou, gebruik hierdie styl deur verskeie dekoratiewe items en prettige boekstutte in te sluit. Pak natuurlike voorwerpe soos ’n mooi tak, droë stokkies of selfs ’n…

JY WIL graag jou geldsake goed bestuur om sekere spaarof leefstyldoelwitte te bereik, maar jy weet nie waar om te begin nie. Klink dit bekend? Dan is die dienste van ’n goeie finansiële beplanner dalk een van die slimste beleggings wat jy kan maak. Hulle verstaan die ekonomie en die reëls en regulasies van beleggings- en versekeringsprodukte. Hulle het die kennis om jou te help om die regte besluite te neem. Hier is ’n paar dinge wat jy moet weet as jy dit oorweeg om vir die eerste keer ’n finansiële kenner te raadpleeg. 1 HET HULLE DIE REGTE KWALIFIKASIES? Maak seker die beplanner is gekwalifiseer om die dienste te lewer wat jy verlang. Beplanners word deur die Gedragsowerheid vir die Finansiele Sektor (FSCA) gereguleer. Hulle moet die FSCA se…

ARM JULANIE J Dié opgewekte liefdesliedjie lig die verskille tussen mense in verhoudings uit. Mense is die teenoorgesteldes van mekaar, maar dit is juis wat ons na mekaar toe aantrek. Jy is stil en ek maak geraas, so verskillend pas ons by mekaar. Jy is selfstandig, ek is ’n dromer. Ek is nuuskierig, jy is skaam, sing sy. Dit is die klein dingetjies wat maak dat ’n mens verlief raak en verlief bly, sê sy. “Net omdat iemand anders is as jy, beteken dit nie daardie mens is verkeerd nie. Daar is mooi in elke mens. Liefde kies nie dinge soos persoonlikheid, opvoeding of etnisiteit nie; dis ons wat dit doen.” Sy sing daarom ook: Jy is die suiker in my koffie sodat ek nie bitter smaak. Julanie het in…

EERLIKE KÊREL Kêrel aan sy meisie: “Ek het jou met my hele maag lief. Ek sou sê met my hele hart, maar my maag is groter.” DENISE, PRETORIA LANG KURSUS Gert: “Studeer jou seun nog al die tyd?” Koos: “Ja, hy wil ’n dokter word en bly nou eerder langer op universiteit, want hy reken mense het meer vertroue in ouer dokters.” WOLLIE, PRETORIA MISVERSTAND Ek haat dit as mense jou nooi, en as jy vra wat jy moet saambring, sê hulle enigiets. Nou sit ek hier met my wasgoed en hulle het nie waspoeier nie! L. SAAYMAN, SABIE STORIETYD Klein Jannie kom vieruur die oggend by sy ouers se slaapkamer ingedrentel. “Ek kan nie slaap nie,” kerm hy. “Sal Mamma vir my ’n sprokie vertel?” “Wag net ’n bietjie,”…

NO. 2 374 As jy vashaak, kan jy gerus ander lesers se raad vra op ons Facebookblad met die naam Huisgenoot Blokraaie. WEN ’N GESKENKPAK VAN ESSENCE PLUS KOM IN AANMERKING VIR DIE MAANDELIKSE TREKKING VAN R1 000. VRAAG: WATTER AANPLANTING IS TER SPRAKE? Hierdie week se prys word voorsien deur Essence. Dié kosmetiekvervaardiger is versot op grimering en hoe dit ’n mens laat voel. Essence bied innoverende produkte van gehalte, want slegs dit wat regtig goed is, is regtig pret! Essence is verantwoordelik vir die versending van die prys. NEEM SO DEEL Vul die blokraai korrek in, skryf die letters in die kleurblokke neer en gebruik dit om die antwoord op die vraag te ontrafel. SMS “HG” gevolg deur jou antwoord, naam en dorp/stad na 36400. Net een SMS…

FLIEK TO ALL THE BOYS: ALWAYS AND FOREVER As jy dié Valentynsdag enkellopend is, hoef jy nie alleen te voel nie. Netflix verras ons net betyds vir Valentynsdag met die derde en laaste fliek in die fliekreeks To All the Boys I’ve Loved Before. Lana Condor (23) en Noah Centineo (24) is weer in die hoofrolle te sien as Lara en Peter. Dié keer maak Lara reg om die hoërskool te verlaat. Sy gaan op reise wat haar lewensuitkyk verander en sien ook hoe haar lewe ná haar gradeplegtigheid sonder haar gesin, vriende en Peter sal lyk. 2021. 94 MIN. 13. BESKIKBAAR VAN 12 FEBRUARIE OP NETFLIX. REEKS JURASSIC WORLD CAMP CRETACEOUS In die nuwe seisoen van dié animasiereeks is vyf tieners steeds vasgevang op die eiland, en die dinosourusse…

Knip en plak om ’n Valentynskaartjie te maak STAP 1 Knip elke stuk van die prent versigtig net binne die lyne uit. Rangskik die stukke sodat dit ’n prent vorm. STAP 2 Knip ’n stuk papier (tikpapier of ’n vel gekleurde papier is ideaal) tot sowat 18 cm breed en 10 cm hoog. Vou dit middeldeur sodat dit sowat 9 cm x 10 cm is. STAP 3 Plak die prente in die regte volgorde aan die voorkant van jou kaart vas. STAP 4 Skryf ’n boodskap binne-in vir jou gunstelingmens – dit kan iemand spesiaals by die skool, jou ma of pa, of selfs jou onderwyser wees. Onthou, die meeste Valentynskaartjies word nie onderteken nie. Indien wel, sal dit “van jou geheime bewonderaar” of net ’n paar drukkies en soenjies…

DAAR is weer woefe in die Withuis. Toe oudpres. Donald Trump in 2019 gevra is waarom hy die eerste Amerikaanse president in 120 jaar sonder ’n hond is, het hy gesê: “Ek het nie tyd nie… Hoe sal dit lyk as ek met ’n hond op die Withuis se grasperk stap? Dit voel nie goed nie; dit voel vals.” Maar nou is die tradisie van troeteldiere in die Withuis in ere herstel nadat twee wolfhonde, Champ en Major, hul intrek in die Amerikaanse presidentswoning geneem het. Die twee se huismaats is natuurlik Amerika se nuwe president, Joe Biden, en sy vrou, Jill. Champ is deur Biden se kleinkinders aan hom geskenk, en Major het die gesin in 2018 by die Delaware Humane Association aangeneem. Amerikaanse presidentsgesinne se dierevriende was nog…

HY SIT teen ’n kussing in ’n hospitaalbed gestut. Hy herstel nog van ’n groot operasie wat 14 uur geduur het en deur ’n span van 50 uitgevoer is – en hy lyk uitgeput. Maar niks kan die glimlag keer wat oor sy gesig sprei nie. Hy het immers langer as twee dekades op hierdie oomblik gewag, en hy brand om mense daarvan te vertel. ’n Skootrekenaar is voor hom staangemaak en tientalle joernaliste van sy geboorteland het reeds vir die aanlyn geleentheid ingeskakel. “Welkom, liewe Yslanders,” begin Felix Grétarsson. “Drie-en-twintig jaar gelede, op 12 Januarie 1998, het ek albei arms in ’n ongeluk net buite Reykjavik verloor. En nou, op 12 Januarie 2021, het ek eindelik die hande gekry waarop ek gewag het.” Maar die 48-jarige voormalige elektrisiën het…

BRIDGET MARSHALL Dié naaswenner uit die tweede seisoen van The Bachelor was ’n groot gunsteling onder kykers. Bridget is al ses maande in ’n verhouding met die gewese Goue Leeus-rugbyspeler Kobus de Kock. Bridget en Kobus het mekaar agt jaar gelede deur gemeenskaplike vriende in haar tuisstad, Durban, ontmoet. Sy het aanvanklik nie gedink sy sal liefde vind ná die reeks nie. “Ek het besluit om vir ’n rukkie net op myself te fokus en al my energie daarin te ploeg om die beste weergawe van myself te word,” sê sy. “Toe kom Kobus uit die bloute terug in my lewe, en ek het halsoorkop vir hom geval. Dit was in alle opsigte soos ’n sprokie. My prins het eindelik opgedaag,” koer sy. Hulle geniet dit om saam te kook…

Wie beter om jou oor selfversorging te leer as jou ma? En as dié ’n gewese Mej. Suid-Afrika is, is jy ander ’n tree voor. Die model en sakevrou Cindy Nell-Roberts, wat haar eie kosmetiese maatskappy het, se dogter, die sewejarige Aenea, volg reeds in haar ma se voetspore. Aenea stel al van vyfjarige ouderdom in skoonheid belang en geniet al van ses af manikure en pedikure. Sy spog selfs met haar eie YouTube-kanaal, Aenea’s Amazing Adventures, wat op mode en skoonheid fokus en deur haar model-ma geïnspireer is. Volgens Cindy, wat ook ’n seun, Ethan (9), het, mag haar dogter nie maskara of lipstiffie dra tensy dit ’n spesiale geleentheid, soos ’n prinsespartytjie, is nie. “Ons geniet dit om prettige dinge saam te doen soos om haarmaskers van natuurlike…

SY IS nie seker wanneer dit gebeur het nie, en ook nie presies hoe nie. Die gewaarwording het op ’n dag by haar posgevat: Die winterseisoen van haar lewe het oorgewaai. Maar daarmee saam het die besef gekom dat ’n nuwe lente haar eintlik al ’n ruk lank suutjies bekruip het, tot sy eindelik gereed was om dit te omhels. Maar sy is alte bewus van onseker tye en veranderings wat voorlê, verseker die aktrise Natasha Sutherland ’n mens gou. Tog voel sy nou, op 50, dat die mooiste seisoen van haar lewe aangebreek het. Sy het die laaste ruk bestek geneem van haar lewe. Daar was struikelblokke en uitdagings op haar pad, ja. Maar sy het asof met nuwe oë ook die vreugdes en suksesse raakgesien en opnuut besef…

DIE sekondes tik verby – en elke oomblik kan jou laaste wees. Maar as jý die een is wat die bom moet ontlont, hou jy aan ’n enkele reël vas: Moenie toelaat dat vrees jou verwar nie, selfs al is jou eie lewe ook in die weegskaal. “Daar is nie tyd om bang te wees of paniekerig te raak nie,” verduidelik Dricky van Rooyen (46), ’n oudbomtegnikus van Barberton, Mpumalanga, wat 26 jaar in die Suid-Afrikaanse Polisiediens (SAPD) gewerk het. “Iemand wat paniekerig raak, maak foute. En daardie fout kan die slagoffer se lewe, jou eie lewe én die lewe van mense in die omtrek kos.” Dricky verstaan maar alte goed hoe die bomtegnikus moes voel wat onlangs tot ’n Kaapstadse veiligheidswag se redding moes kom nadat dié ontvoer en…

Gaan fliek VASHTI PRINS EN JARRID GEDULD Ons ken haar as Danni in die sepie Suidooster en hom as die skurk Bompie Galant in die telenovelle Arendsvlei. Die oulike paartjie dra graag eenderse uitrustings. Die denimvoorkoms is maklik om te stileer en net reg vir ’n informele fliekafspraak in ’n rolprentteater of opelug-inryteater. Op toer TIM EN DEMI-LEIGH TEBOW Die voormalige Mej. Heelal Demi-Leigh Tebow en haar Amerikaanse man, die bofbalspeler Tim Tebow, is dol oor romantiese wegbreke. Hierdie gemaklike, informele voorkoms is ideaal vir rondreisende minnaars en ’n dag van besigtiging. Romantiese piekniek HEINZ EN ALETTÉ-JOHANNI WINCKLER Skep ’n piekniekvoorkoms perfek vir foto’s neem met dié egpaar as inspirasie. Die sanger Heinz Winckler lyk informeel in jeans en ’n hemp en sy vrou, Aletté, dra ’n diervelpatroonmaksiromp saam met…

PUNTE A Almal D Dwelms G Geweld Gr Gruwel N Naaktheid O Ouerdiskresie S Seks T Taal V Vooroordeel FLIEKS / IN DIE KOLLIG / MUSIEK / BOEKE / KORTVERHAAL / TV-GIDS / HUISGENOTJIES / BLOKRAAIE VERMAAK | AANLYN The White Tiger Deur LARA ATSON Waaroor gaan dit? Dié fliek is gegrond op Aravind Adiga se topverkoperboek van 2008. Dit is die verhaal van Balram Halwai (Adarsh Gourav) se reis van armoede tot ’n lewe as suksesvolle entrepreneur in moderne Indië. Balram word brandarm groot op die dorpie Laxmangarh. Hy hoor hul skatryk grondeienaar het ’n chauffeur nodig en leen dan geld by sy ouma om vir bestuurslesse te gaan. Hy slaan die werk los as motorbestuurder vir die grondeienaar se jongste seun, Ashok (Rajkummar Rao), en dié se vrou,…

WEERLOSE MEGANIKA Deur ANTON ROODT (Tafelberg, R279*) “Dis net een keer elke tien skrikkeljare dat ’n manuskrip soos dié op ’n uitgewer se lessenaar land.” So skryf die ouduitgewer en skrywer Kerneels Breytenbach agterop Weerlose meganika. Dis inderdaad ’n wonderlikheid: plesierig, gek, baie slim en onvoorspelbaar. En boonop die eerste roman uit die pen van die Bloemfonteinse argitek Anton Roodt. Waar val hy nou uit met so ’n storie? “Ek wou ’n hele klomp goed doen, maar ek dink ek wou eerstens iets skryf wat ek graag self sou wou lees. My kinderdae het ek in Welkom deurgebring en my herinnerings aan hierdie sonderlinge landskap, plat en uitgestrek met die grys, mensgemaakte ‘heuwels’, onheilspellende myntorings met groot spinnende wiele en donker mynskagte, was dinge wat my laat dink het dat…

Besoek ons webtuiste, huisgenoot.com, vir ’n daaglikse horoskoop. VISSE 19 FEB – 20 MRT Jy verkies steeds jou eie geselskap, maar daarby lyk dit of jy probeer om jou weg deur ’n probleem te dink. Dit is ’n uitstekende opsie, solank jy voortgaan om oor dinge te besin sonder om noodwendig ’n finale besluit te neem. Jy voel waarskynlik ietwat vasgehaak wat kommunikasie betref. Dit is nie die tyd om sommer net uit te blaker wat jy dink nie, maar eerder om jou gedagtes vir later te orden. Hou dus liefs ’n wag voor jou mond. GELUKKIGE NOMMERS 12, 1, 48, 23, 9, 16 RAM 21 MRT – 19 APR Dinge is aan die verander binne jou vriendekring. Dis tyd om ou kwessies te herbesoek eerder as om ’n nuwe…

J Y K RY: ■ 32 groot blokraaie■ 26 fotoblokraaie■ 33 kodeblokraaie■ 20 blitsblokraaie■ anagramblokraaie■ kort raaisels■ breinknopers en nog baie meer! BESTEL DIT SO: Bel 021-406-4962. Stuur ’n e-pos na koop@huisgenoot.com. Gaan na huisgenootwinkel.com en bestel dit aanlyn.…

1 Aan watter land behoort hierdie vlag? 2 Wie is die leier van Suid-Afrika se grootste opposisieparty, die Demokratiese Alliansie? 3 Wat is die hoofstad van Rusland? 4 Watter voormalige Suid-Afrikaanse krieketkaptein is deesdae Krieket Suid-Afrika se direkteur van krieket? 5 Waar in jou lyf sal jy die femur aantref? ANTWOORDE 1. Nigerië. 2. John Steenhuisen. 3. Moskou. 4. Graeme Smith. 5. In jou bobeen. Dit is jou dybeen en die langste en sterkste been in jou liggaam. BRONNE theguardian.com, edition.cnn.com, bbc.com, netwerk24.com, nytimes.com, history.com, geology.com, iol.co.za, wikipedia.org, public.wmo.int, timeslive.co.za…

MENSE moenie op dakke of lere klim tensy hulle ’n harnas of ’n stel vlerke het nie. Dit is dag 13 van die inperking en die aand voor Goeie Vrydag. ’n Vrou bring haar man na die ongevalleafdeling, want hy het die dag deurgebring deur bier te drink en die dak te verf – waarskynlik meer van eersgenoemde as laasgenoemde. Niemand het die leer vasgehou nie. Dit het omgekantel en hy het grond toe geval. Hy is die ene verf en bier, ’n sneeuwit spatsel op die bed met blou oë en pienk lippe. Die skerp reuk van verf gemeng met dié van bier is eintlik heel aangenaam. Hy het kwaai pyn oor die linkerkant van sy bors waar hy teen die regop rand van die omgevalde leer te lande…

DIS die week voor Kersfees. Tien lede van my uitgebreide familie gaan op Oukersdag kom kuier vir ’n vroeë aand van feestelikheid. Alles is gereed: vonkelwyn gekoop, spyskaarte bespreek, bome gesnoei en geskenke vir kleinniggies en-nefies toegedraai. Toe word ek met ’n seer keel wakker. Ek ly soms daaraan en gebruik my gewone medisyne, maar dit raak erger. Ek bel die familie en gee hulle die feite. Ek dink nie dis covid nie, sê ek. Ek het nie koors nie. Ek kan nog proe en ruik – dis net my keel. Maar julle kan kanselleer as julle wil. Nee, antwoord hulle. Hulle wil voortgaan. En toe maak ons so. Teen Oukersdag voel ek nie lekker nie. Ek slaap die grootste deel van die dag, maar het teen die aand nuwe…

WANNEER die rooikopflank op die rugbyveld uitgedraf het, het die wedstryd vlam gevat. Maar min sou kon raai sodra AJ Venter sy tokse uittrek, verander die onverskrokkenheid op die veld in vrees en onsekerheid. “Die lewe is nie regverdig nie,” bulder sy stem oor die kubergolwe uit sy blyplek op ’n landgoed op Ballito naby Durban. ’n Mens moet twee keer kyk om die man op die skerm as die oud-Springboklosvoorspeler te herken. Met sy byderwetse bril met ’n vierkantige groen raam lyk AJ (47) vandag eerder soos ’n ontwerper of kunstenaar “Ek het nog een met ’n blou raam wat my meisie vir R220 aanlyn gekoop het,” vertel hy. “Haal ek dit af, is alles net dof om my,” vertel hy met hande wat voor hom rondtas soos ’n…

HIER’S slegte nuus vir aanhangers wat steeds hoop Kourtney Kardashian (41) en die pa van haar kinders, Scott Disick (37), raak versoen. Die ma van drie het skynbaar ’n nuwe man in haar lewe, of so lyk dit uit hul Instagramplasings en emoji’s. Gerugte van ’n romanse het onlangs die rondtes gedoen oor Kourtney en haar jarelange familievriend en buurman Travis Barker (45). Dit was nadat aanhangers eenderse plasings in die sosiale media van die twee uit haar ma en bestuurder, Kris Jenner (65), se spoghuis in Palm Springs opgemerk het. “Dis baie ontspanne,” het ’n bron verklap oor die nuwe verhouding van glo byna twee maande. “Hulle is baie goeie pasmaats en Kourtney se hele familie is reeds lief vir Travis.” Die tromspeler van Blink-182 is deur die jare…

Ná ’n warreldwindromanse tydens die coronakrisis is Pamela Anderson (53) onlangs met haar bouer en lyfwag, Dan Hayhurst (40), getroud. “Ek is presies waar ek moet wees – in die arms van ’n man wat my werklik liefhet,” het sy in ’n eksklusiewe onderhoud met Daily Mail gesê. Die romanse tussen hulle het vlam gevat net sewe maande nadat Pam en haar eks, Jon Peters, se paadjies geskei het. Die aktrise het Dan ontmoet toe hy verlede jaar herstelwerk aan haar huis in Kanada gedoen het, en sedertdien is hulle onafskeidbaar. Die twee duifies, wat gereeld vrywilligerswerk by ’n diereskuiling doen, het op Oukersaand by die voormalige Playboy-voorbladmeisie se woning op Vancouver Island afgehaak. “Ek het op die werf getrou wat ek 25 jaar gelede by my ouma en oupa…

Die regte ervaring In Suid-Afrika is die polisie en die weermag die land se twee bomopruimingsinstansies, sê Willem. Die weermag doen bomopruiming op hul persele, maar enige ander plek is die polisie se verantwoordelikheid. Om deel te word van die polisie se plofstofeenheid, moet jy ongeveer vier jaar in die polisie wees en minstens die rang van sersant hê, sê Willem. “Ons vat nie groentjies nie,” beaam Ben. “Die persoon moet al ’n paar jaar in die polisie wees sodat hulle weet hoe die mag en wette werk. Dan eers kan hulle aansoek doen om deel te word van die eenheid.” Daar is tans sowat 200 bomtegnici in die polisiediens. Om bomme onskadelik te stel is eintlik ’n klein deel van hul werk – hulle doen ook inspeksies van myne…

As jy ’n persoonlike probleem het, skryf gerus aan Liewe Elize, Posbus 1802, Kaapstad 8000 of elize@huisgenoot.com. Of SMS LIEWE ELIZE gevolg deur jou vraag na 36489. Elke SMS kos R1. G’N RESPEK VAN MAAT SE KROOS V Ek gaan nou al ’n hele paar jaar met ’n pragtige vrou uit. My probleem is sy het verander. Haar tienerdogters respekteer my glad nie. My kinders respekteer ons en ons verhouding wel. Ons was al by sielkundiges, maar my verloofde sal nooit my standpunt insien nie. Ek het haar regtig baie lief, maar kan nie so aangaan nie. Ek is middeljarig en soek iemand opreg in my lewe wat ook my gevoelens in ag neem. K op C A Soms moet ’n mens in ’n verhouding sabbatsverlof neem om mekaar die…

‘HET jy al die verloofring gekry?” “Hoe ’n mens enigiets in hierdie dolossak van ’n maag kan kry, sal net die man in die maan weet. Hierdie basset kou en sluk blykbaar alles.” Danielle lig haar kop van die endoskoop se oogstuk en kyk vraend op na die ontvangsdame. “Alles onder beheer?” “Oscar se eienaar sit op hete kole. Sy bid jy kry die ring uit voor haar verloofde daarvan uitvind.” Danielle rol haar skouers en buig weer oor die endoskoop. “Hoekom laat sy haar ring in elk geval rondlê? So ’n duur verloofring haal ek nooit af nie.” “Jy sal eers ’n verloofde moet kry,” laat die ontvangsdame hoor. “Hanna, pleks van om my aan my mislukkings te herinner, sê eerder… amper… nee, vrek.” Die ring bly net-net uit…

BINNE ■Geniet die soektog na honderde woorde in Woordsoek Mini. ■ Ontsyfer die kodes van die 76 heerlike kopkrappers in Koderaaisels Mini. ■ Hou die jongspan besig met 120 fantastiese speletjies in Kinderpret. HOE OM TE BESTEL: 1 Gaan na huisgenootwinkel.com en bestel jou eksemplaar aanlyn. 2 Bel 021-406-4962 of e-pos koop@huisgenoot.com.…

NO. 2 120 As jy vashaak, kan jy gerus ander lesers se raad vra op ons Facebookblad met die naam Huisgenoot Blokraaie. WEN ’N GESKENKPAK VAN CATRICE VRAAG: WATTER UITSTALRUIMTE IS TER SPRAKE? Hierdie week se prys word voorsien deur Catrice. Catrice is aan die voorpunt van die nuutste grimeertrends en bied ’n groot reeks kleurkeuses met moderne sowel as klassieke skakerings en luukse teksture. Catrice is verantwoordelik vir die versending van die prys. NEEM SO DEEL Vul die blokraai in en gebruik die letters in die kleurblokke om die antwoord op die vraag te ontsyfer. SMS “HG” gevolg deur jou antwoord, naam en dorp/stad na 36400. Net een SMS per deelnemer word toegelaat. Net mense binne SA se grense kan deelneem. Die SMS kos R1,50. Hou die oorspronklike, volledige…

’N MAATSKAPPY van Noorweë het ’n nuwe robot ontwerp om te help met herstelwerk aan olie-en gaspype wat diep onder die seeoppervlak loop. Die pypnetwerke van die diepseeoliebedryf is duisende kilometers lank, en om dit in stand te hou en te herstel is baie duur. Die ontwerpers hoop “Eelume”, ’n 6 m lange robot wat ’n bietjie soos ’n slang lyk, sal hiermee kan help. Eelume het sensors en ’n ka-mera aan elke punt en kan self herstelwerk aan kleppe doen. Take kan aan hom toegesê word vanuit ’n beheerkamer op land en hy stuur dan video en inligting terug. Hoewel herstelwerk reeds deur onbemande voertuie gedoen word, is die groot verskil dat Eelume tot ses maande lank diep onder die water op ’n laaistasie kan bly en dus nie…

OP ’N Sondagaand in 1998 is ’n sjebien in die woonbuurt Pineview net buite Grabouw in die Wes-Kaap stampvol jolytsoekers. Onder hulle is Ivor Swartz, net 14 jaar oud, maar reeds lid van ’n jeugbende in die omgewing en swaar onder die invloed van drank, dagga en mandrax. Vroegaand kom sy ouboet, Deon (25), die kuierplek binne en stap dreigend na Ivor en sy vriend en medebendelid Romeo Moore (toe 20). Net ’n paar weke tevore het die twee die buitekamer waarin Deon gebly het, afgebrand, en nou wil hy wraak neem. Deon se vuiste doen die praatwerk. Dan storm hy uit met Ivor en Romeo ’n ent agter hom. In elkeen se sak is ’n gesteelde pistool. Toe Deon onder ’n straatlamp deurstap, tref twee koeëls hom in die…

Praat van haar ewebeeld… ’n Foto van Kristen Stewart as prinses Diana in die nuwe biofliek Spencer is onlangs uitgereik – en daarin is sy die prinses uitgeknip. Die aktrise van Twilight-faam gaan die rol van die geliefde prinses speel op die tydstip in haar lewe toe sy besluit het om haar huwelik met prins Charles te beëindig. “Spencer is ’n kykie na die emosionele aspek van wie Diana op ’n belangrike keerpunt in haar lewe was,” het die aktrise aan ET Canada gesê. “Dit is Diana se hartverskeurende poging om na haarself terug te keer, terwyl sy probeer vasklou aan wat die naam Spencer vir haar beteken.” Die fliek word nou vervaardig, net een jaar voor die 25ste herdenking van die prinses se dood. BRONNE: DAILYMAIL.CO.UK; PEOPLE.COM; VARIETY.COM; THE…