Innehållsförteckning för 25 Feb 2021 från Huisgenoot

1 ‘EK MOET HULLE NOU VLERKE GEE’ Die aktrise Natasha Sutherland maak haar hart oop oor ma-wees, haar vrese oor ’n leë nes en die nuwe seisoen van haar lewe Natasha is vir my pragtig. Sy praat nie haar eks sleg nie, en sy blaker niks oor hul verhouding uit aan die wêreld nie. Soveel ander mense kan dit gerus by haar leer. BELINDA Ek het die artikel oor Natasha gelees (“My seuns, my anker”, 11 Februarie). Ander kan by haar kers opsteek hoe om jou kop hoog te hou te midde van al die terugslae van die lewe. MARA Sy is so stylvol en nog propvol talent. En sy het beslis ’n hart van goud. Iemand wat seergekry het, maar ook die keuse gemaak het dat sy bo dit…

AGTER elke suksesvolle man is daar ’n vrou, lui die ou gesegde. Maar ons bevind ons darem in die 21ste eeu, en die teenoorgestelde is ook dikwels waar … Daarvan is die Strauss-egpaar ’n sprankelende voorbeeld. Die beeldskone Rolene (28) het geen bekendstelling nodig nie: Sy is in 2014 as Mej. Suid-Afrika aangewys, en in 2015 het sy die land trots gemaak toe sy as ons eerste Mej. Wêreld in baie jare aangewys is. In ’n japtrap het sy nog groot treë gegee: Sy het haar mediese graad behaal, twee keer ma geword en ’n sentrum vir holistiese gesondheid help begin. Nie sleg vir iemand wat nog nie eens 30 is nie. ’n Mens sal verby haar man, D’Niel, stap sonder om te besef watter groot rol hy agter die…

Wanneer Die inenting van gesondheidsorgwerkers met die eerste besending AstraZeneca sou aanvanklik middel vandeesmaand begin het. Maar teen 12 Februarie was die aangepaste plan dat Fase 1 sou begin sodra die eerste Johnson & Johnson-entstowwe in Suid-Afrika aankom. Teen ons saktyd was daar sprake dat die eerste 80 000 van die aanvanklike 500 000 Johnson & Johnson-dosisse wat teen middel Maart afgelewer moes word, reeds in die tweede laaste week van Februarie hier sou wees. Vir fase 2 en 3 is daar nie ’n tydraamwerk nie, want die regering is nog onseker wanneer die nodige entstowwe daarvoor in die land sal aankom. Waar In fase 1 sal die inenting van gesondheidswerkers oorwegend werkplek-gegrond wees. Intussen lyk dit asof baie mense in fase 2 en 3 by die gesondheidsgeriewe wat hulle…

OP SY swaarste kon hy nie deur ’n deur loop sonder om sy lyf skuins te draai en homself daardeur te dwing nie. Selfs die draaihek by sy kantoorgebou was te klein – hy moes die dubbeldeuringang vir rolstoelgebruikers inspan. Jare lank kon Rudolph Wolker nie eens in ’n gewone stoel pas nie – hy was so oorgewig dat hy op troues vir hom ’n spesiale stoel moes saamneem. Sy logge lyf het die naald van die skaal op 320 kg laat stilstaan en was vir hom ’n groot vernedering. Maar dit het hom veel meer as net ongemak besorg: Drie jaar gelede, op 38, het dokters voorspel Rudolph sou nie 40 haal nie. Sy hart het gelol, sy bloeddruk was gevaarlik hoog en hy moes weekliks pynmedikasie gebruik om…

DIE pandemie het baie van ons in aanlyn kopers verander. Maar hoe gemaak met skoonheidsprodukte? Om jou velsorgmiddels en grimering aanlyn aan te skaf is nie dieselfde as klere koop nie. Bestel jy die verkeerde skakering lipstiffie, sit jy gewoonlik daarmee opgeskeep. Jy moet dit dus met die eerste kliek regkry. En hoe kry jy monsters of toets of iets by jou pas? Ons het in die aanlyn skoonheidswêreld gedelf en gee raad oor hoe jy verstandig, veilig en sonder spyt kan koop. 1 TOETS ALTYD Kommer oor covid-19 het dit ’n groot taboe gemaak om grimering in die winkel te toets, maar dit beteken nie jy kan dit nie steeds virtueel “toets” nie. Vooruitgang in digitale tegnologie en e-handel gee aanlyn kopers meer opsies om te help dat ons…

DIS gewoonlik eers wanneer ’n geiser bars dat baie mense besef hulle het iets soos geboueversekering. Dit dek ander dinge as jou huisinhoudversekering, wat dus afsonderlik gelys moet word en waarop jy ander premies betaal. Dis belangrik om seker te maak jou geboueversekering dek jou teen alle moontlike skade, teen die beste tarief vir jou. 1 HOEKOM HET JY DIT EN WAT DEK DIT? As jy ’n huisverband van ’n bank het, is jy wettig verplig om geboueversekering te he. Maar al het jy nie ’n verband nie, is dit steeds belangrike dekking. Dit verseker jou teen brand-, water- en stormskade aan die permanente strukture van jou huis en herstelwerk aan geisers, elektriese bedrading of vensters. Die meeste polisse het ook aanspreeklikheidsversekering as iemand per ongeluk op jou eiendom beseer…

’A-NEE-A! Hoekom doen jy dit aan my? Jou verraaier! Ek en jy was dan altyd getroue oefenbuddies en gesond eet was ons leuse. Ek het immers ’n fortuin bestee aan allerlei verfermingsrome en skommeldrankies. Juis om jou jonk te hou. Jy kom beslis nie jou end van die deal na nie.” Brenda krimp ineen voor die gewraakte spieëlbeeld en wonder meteens wie die vreemde vrou met die karikatuuragtige figuur is wat so treurig na haar staar. “’n Spieël jok nie,” hoor sy haar man se goedige gespot in haar agterkop. Dis seker waar, maar spieëls in klerewinkels se oorbeligte aantrekhokkies skreeu die naakte waarheid luidkeels uit. “Somer was dalk altyd jou gunstelingseisoen, maar jou lyf se rakleeftyd het nou verval, Mevrou. Jou soort figuur verkies die winter. Dan kan jy…

NO. 2376 As jy vashaak, kan jy gerus ander lesers se raad vra op ons Facebookblad met die naam Huisgenoot Blokraaie. WEN ’N GESKENKPAK MET TANGLED TREE-WYN PLUS KOM IN AANMERKING VIR DIE MAANDELIKSE TREKKING VAN R1 000. VRAAG: Watter skryfbehoefte-item is ter sprake? Die wenner ontvang ’n geskenkpak met Tangled Tree-wyn ter waarde van R500. Die immergewilde Tangled Tree Sauvignon Blanc spog met rojale koejawel-en lemmetjiegeure. Tangled Tree se ekovriendelike reeks sluit nou ook ’n 3-literkartonverpakking in. Beskikbaar by Spar en Pick n Pay of aanlyn by vanloveren.co.za. NEEM SO DEEL Vul die blokraai korrek in, skryf die letters in die kleurblokke neer en gebruik dit om die antwoord op die vraag te ontrafel. SMS “HG”, gevolg deur jou antwoord, naam en dorp/stad na 36400. Net een SMS per…

NÁ WEKE van swaar reënval in dele van die land is die Vaaldam, een van Suid-Afrika se grootste damme, vir die eerste keer sedert 2017 weer heeltemal vol. Die nuus word verwelkom, want die dam vorm deel van die land se grootste waterstelsel, wat ook die Grootdraai-, Bloemhof-en Sterkfonteindamme insluit. Die stelsel is belangrik, want dit voorsien water aan miljoene mense wat in die provinsies Gauteng, Vrystaat, Noordwes en Mpumalanga woon. Die Vaaldam is ook een van 14 groot damme in Suid-Afrika wat vir ontspanningsaktiwiteite soos waterponie ry, hengel en seiljag vaar gewild is. Suid-Afrika staan as ’n waterskaarsland bekend, want waterhulpbronne is onder druk van wêreldwye druk en droogte, wat baie dele van die land verniel het. ’n Jaar gelede was die Vaaldam maar net sowat 60% vol, en…

Kyk mooi na jou tande! Het jy geweet? Gesonde tande help om jou hele lyf teen siektes te beskerm. Die woorde onder is horisontaal, vertikaal of skuins en vorentoe of agtertoe in die rooster versteek. Soek en omkring dit. Knip en plak en leer Wat moet jy doen om jou tande sterk te hou? Knip die antwoorde uit en plak dit op die regte plekke om uit te vind. Het jy geweet? Europa en die meeste Engelse lande het stories van ’n tandefeetjie. Maar ons weet dis eintlik die Tandemuis wat al die harde werk doen. Kitsvasvra 1 Wat is die hardste stof in die mens se liggaam? 2 Hoeveel melktande en hoeveel permanente tande het ons? 3 Noem twee dinge wat gaatjies voorkom en tandvleis gesond hou. Soek 15…

AANHANGERS van die Britse akteur Regé-Jean Page van Bridgerton-faam se harte het gebreek toe dit onlangs bekend word hy is inderdaad in ’n verhouding. Die Zimbabwies gebore akteur is onlangs gekiek in ’n omhelsing met die skrywer en deeltydse sokkerspeler Emily Brown (30) in ’n straat naby die huis wat hulle in die noorde van Londen deel. Die stomende dramareeks se aanhangers is veral teleurgesteld dat hul drome van ’n romanse agter die skerms tussen hom en sy medester Phoebe Dynevor (25) aan skerwe is. Baie reken juis dis die romantiese tonele tussen Regé-Jean en Phoebe wat die reeks so ’n wegholsukses gemaak het, iets wat selfs die 31-jarige akteur erken. “Ek dink als wat jy moet weet, is op kamera vasgevang. Dis hoekom ons dit so mooi vir julle…

ELF jaar gelede, op ’n wintersaand, het sy lewe onherroeplik verander. Die oomblik toe sy motor en dié van drie tieners laataand in 2010 by ’n kruising in Centurion teen mekaar gebots het, het meer as ’n dekade se hel vir die akteur Arno Marais begin. Nie net moes hy aanvanklik om sy eie lewe veg terwyl hy in ’n koma was weens ernstige kop- en inwendige beserings nie; hy moes ook daarna ’n aanklag van strafbare manslag trotseer omdat een van die tieners in die ongeluk dood is. Terwyl kykers hom die afgelope jare gereeld in oënskynlik sorgvrye rolle op die kassie gesien het – eers as die sepie Isidingo se stout seun Benjamin le Roux, meer onlangs as die sagmoedige boer Herman Mouton in die dramareeks Die boekklub,…

Die “teleurstellende” Oxford-AstraZeneca ■ Dit is ontwikkel deur die Brits-Sweedse farmaseutiese maatskappy AstraZeneca en die Universiteit van Oxford. ■ Dit het fase 3-kliniese proewe geslaag en is gereed vir algemene gebruik as lande se eie reguleringsowerhede dit goedkeur. ■ Dit is sowat 70% doeltreffend teen infeksie met die oorspronklike variant van die coronavirus, het ’n wêreldwye studie gewys. ■ ’n Studie in Suid-Afrika het gewys dit is slegs 22% doeltreffend om simptomatiese siekte (ligte tot matige covid-19) te voorkom wanneer die Suid-Afrikaanse variant van die coronavirus ter sprake is. Dit terwyl daar na sowat 60% gemik is. Kliniese data oor moontlike beskerming teen ernstiger siekte is nog nie beskikbaar nie. ■ Markprys: $4 per dosis (R58). ■ Vereis twee dosisse. ■ Bergingstemperatuur: standaardyskas. Johnson & Johnson, Suid-Afrika se nuwe voorkeurentstof…

TOSKAANSE PANZANELLA (TAMATIE-BROODSLAAI) Dié vars en vullende tamatie-broodslaai is ideaal vir ’n somermaaltyd op die stoep. GENOEG VIR 4 MENSE BEREIDING: 15 MIN. GAARMAAK: 7-10 MIN. GEROOSTERDE BROOD ½ ciabattabrood, in growwe stukke gebreek30 ml (2 e) olyfolie’n knippie seesout TAMATIESLAAI 500 g gemengde tamaties, gesny soos verkies500 g groot, ferm tamaties, in stukke gesny1 klein rooi-ui, geskil en in skyfies gesny20 g vars basilieblare SOUS 125 ml (½ k) goeie olyfolie60 ml (¼ k) rooiwynasyn1-2 knoffelhuisies, fyngekap’n paar takkies vars pietersielie, fyngekapsap van1 suurlemoen sout en vars gemaalde swartpeper Voorverhit die oond tot 200 °C. Hou ’n groot bakplaat byderhand. 1 Geroosterde brood Versprei die stukke ciabatta op die bakplaat. Drup die olie oor en geur met die sout. Meng deur en versprei die broodstukke in ’n enkellaag. Rooster…

DIE afgelope jaar met sy inperking en meer tyd tuis asook die stres van die pandemie het druk op selfs die sterkste liefdesverhoudings geplaas. En wanneer die frustrasies en spanning opbou, vlieg romanse sommer eerste by die venster uit. Hoe kan jy in dié stresvolle tyd die intiemste aspek van jou verhouding weer woema gee? Die geheim is ’n seksdieet, meen Christine DeLozier, ’n seksuele gesondheidsterapeut. “En ek bedoel nie net om sjokolade en aarbeie op interessante maniere te gebruik nie, maar iets veel wetenskapliker as dit,” sê sy. “Die feit is, wat ons eet, beïnvloed ons vermoë om goeie seks te hê direk.” Natuurlik sal ’n hand vol okkerneute of ’n groenslaai vir middagete jou nie net skielik in die bui sit nie, maar die regte kos kan volgens…

AANBIEDER Gerda Engelbrecht is een van Huisgenoot se gereelde blokraai-opstellers. WANNEER Ons volgende kuier is op 25 Februarie. TYD 20:00 GERDA ENGELBRECHT WAT IS DIT? Blokraai Regstreeks is ’n aanlyn speletjiesprogram waar jy ander blokraaigeesdriftiges ontmoet, saam-saam kopkrap oor leidrade en lekker pryse wen. HOE WERK DIT? Deelname is gratis, maar jy moet met ’n e-posadres registreer. Die skakel na die uitsending gaan na daardie e-posadres gestuur word. Gaan na bit.ly/blokraaifeb om jou plek te bespreek vir die Februarie-uitsending. Om 19:55 op 25 Februarie 2021 klik jy op die skakel en kry jy toegang tot die uitsending. Ons begin stiptelik om 20:00. ONTHOU Omdat jy die leidrade in ’n blokraai moet kan raaksien, werk ’n rekenaar beter as ’n selfoon. Die aanbieder gesels ’n bietjie met die groep, en daarna…

Nostalgiese musiekreis Enige musiekverslaafde wat in die middel tot laat 1970’s tieners was, sal onthou hoe die reusetreffers “Substitute” en “Save Me” oor en oor op garagepartytjies en in klubs en disko’s gespeel is. Die plaaslike vrouegroep Clout was op almal se lippe. En so natuurlik ook hul hoofsangeres, die uiters talentvolle Cindy Alter, met haar elektriese kitaar in die hand. As liedjieskrywer, sangeres en kitaarspeler in verskeie groepe het sy meer as 12 miljoen albums, solussewes en enkelsnitte wêreldwyd verkoop wat haar een van Suid-Afrika se grootste verkopers van alle tye maak. Nou is haar album Essential Collection: Last One Standing uitgereik. Die nuwe album Dit bevat 15 van haar gewildste liedjies uit haar musiekloopbaan wat oor 40 jaar strek, met treffers van haar dae in groepe soos onder…

WONDERMIDDEL Ek moet sê hierdie entstof teen covid-19 is wonderlik. Dit het skaars op die aanloopbaan geland, toe word die strande oopgestel, drankverkope word weer toegelaat en die aandklokreël versag. Dink net hoe goed dit gaan werk as ons eers daarmee ingespuit is! JOANIE DE GREEFF, STANDERTON GROOT SKOK Argeoloë het ’n 3 000 jaar oue mummie ontdek en wetenskaplikes het dit noukeurig begin ondersoek. Een reken toe hy het die oorsaak van die dood nagespoor. “Hy het weens ’n hartaanval gesterf,” kondig hy aan. “Wat laat jou so sê?” vra ’n kollega. “Ek het die bewys van ’n weddenskap in sy sak gekry. Daarop staan: ‘Vyfduisend sikkels op Goliat vir ’n wen.’” HESTER, NAMIBIË GROEN VINGERS V: Hoe sal jy weet dis ’n groepie jong mans wat ’n huis…

NO. 2122 As jy vashaak, kan jy gerus ander lesers se raad vra op ons Facebookblad met die naam Huisgenoot Blokraaie. WEN ’N GESKENKPAK MET FOUR COUSINS-WYN VRAAG: Watter hotel-of hospitaalwerker is ter sprake? Die wenner ontvang ’n geskenkpak met Four Cousins-wyn ter waarde van R500. Four Cousins, een van Suid-Afrika se mees geliefde handelsmerke, het onlangs hul reeks uitgebrei na ’n edelkultivarreeks wat onder meer Sauvignon Blanc, Merlot en Cabernet Sauvignon insluit. Dit is beskikbaar by Makro, Ultra of Spar of aanlyn by fourcousins.co.za. NEEM SO DEEL Vul die blokraai in en gebruik die letters in die kleurblokke om die antwoord op die vraag te ontsyfer. SMS “HG” gevolg deur jou antwoord, naam en dorp/stad na 36400. Net een SMS per deelnemer word toegelaat. Net mense binne SA se…

1> Watter nasionale park is naby Swellendam in die Wes-Kaap geleë? 2> Wat is die naam van die Springboklosskakel wie se skepdoel die oorwinning in die 1995-Wêreldbekereindstryd aan Suid-Afrika besorg het? 3> Watter Amerikaanse president is in 1963 dood ná ’n sluipmoordaanval in Dallas, Texas? 4> Aan water Suid-Amerikaanse land behoort hierdie vlag? 5> In watter deel van jou lyf ervaar jy pyn as jy karpaletonnelsindroom het? ANTWOORDE 1. Bontebok Nasionale Park 2. Joel Stransky. 3. John F. Kennedy. 4. Venezuela. 5. In jou hand/gewrig. Druk op ’n senuwee in die gewrig veroorsaak pyn en ’n dooie gevoel in jou hand. BRONNE TECHRADAR.COM, CAPETALK.CO.ZA, THEGUARDIAN.COM, NEWS24.COM, SCIENCE-MAG.ORG, CAPETALK.CO.ZA, EWN.CO.ZA, IOL.CO.ZA, NPR.ORG, BRITANNICA.COM, SMITH+SONIANMAG.COM; NEWS.SKY.COM; GOOD-THINGSGUY.COM…

DIT was ’n flou einde van ’n tragiese verhaal. ’n Paar maande gelede – meer as 13 jaar nadat die moord op die Britse student Meredith Kercher in ’n Italiaanse stad wêreldwyd opslae gemaak het – is die enigste mens wat nog daaraan skuldig bevind is – Rudy Guede (34) – stil-stil uit die gevangenis vrygelaat. Sy oorspronklike vonnis is van 30 jaar tot 16 verminder, en nou, ná 13 jaar, is hy vry. Maar die reaksie op sy vrylating in Desember was verbasend. Trouens, weinig daarvan het enigsins op Guede gefokus. “Moordenaar van Amanda Knox se kamermaat vrygelaat vir gemeenskapsdiens” het ’n opskrif in die New York Post gelui. Amanda, wat twee keer onskuldig bevind is aan die moord, was duidelik woedend. “Sy naam is Rudy Guede. Haar naam…

’NAANSKOULIKE seremonie voor die altaar kon daar nie wees nie weens die pandemie. Ook nie die ritmiese danse so eg aan troues in die Griekse kultuur of die baldadige breek van borde om die huwelik te vier nie. Nogtans was die akteur en musikant Emmanuel Castis in die wolke toe hy en sy bruid, Sharlene, onlangs in ’n intieme japtraptroue deur ’n amptelike huweliksbeampte getroud is. Ná die informele plegtigheid was daar ’n ete saam met hul naaste familie en vriende by Sharlene (37) se niggie se huis. “Trou is ’n viering van ons liefde, en ons het nie ’n massiewe affêre nodig om dit te vier nie,” vertel Emmanuel (45). Maar dit was net die begin van hul vreugde, want vier dae ná die troue is hul grootste geskenk…

TOE hy drie jaar gelede met ’n gebroke hart uit die Kaap na sy tuiste in Noordwes terugvlug, wou hy niks van die liefde weet nie. Maar Erik Holm sou nog leer: Die liefde laat hom nie voorskryf nie. “Dis maar daai ou rympie wat jy altyd hoor: Sodra jy ophou om daarna te soek, of selfs om jou teë te sit, kom dit na jou toe,” sê die akteur vandag. En dan neem hy sy meisie, die kunstenaar Colleen Jury-Zeffertt, se hand in syne. “Nou is ons storie ook een van daai tipiese romkomtipes.” Een wat die verhaal vertel van ’n bekende akteur vir wie liefdesgeluk ná ’n verbreekte verlowing soos ’n pynlike illusie lyk. Maar dan trek ’n kunstenaar met pienk rastalokke by ’n huurwoonstel op sy erf…

Die gesondheidsminister, Zweli Mkhize, sê dis nie noodwendig geld in die water nie. “Ons wetenskaplikes sal kyk hoe dit tog in Suid-Afrika gebruik kan word. Dit kan ook voor die vervaldatum – April – vir ander entstof uitgeruil word.” Dit kan moontlik ook aan ander lande verkoop word, sê hy. As Suid-Afrika eers gewag het vir die variant-proefresultate, sou ons verder agtergeraak het in die tou vir entstof, sê hy. Volgens wetenskaplikes is dit moontlik dat verdere kliniese data kan wys dit bied beskerming teen ernstiger siekte. Dan sal dit tog aangewend kan word. Volgens prof. Shabir Madhi van Wits het die aanvanklike AstraZeneca-toetsdata, toe die oorspronklike variant nog dominant was in SA, “geweldige potensiaal gewys om infeksie en ligte en matige siekte te voorkom. As die virus nie gemuteer…

Die Suid-Afrikaanse Biovac Institute met sy hoofkantoor in Kaapstad en bergingsfasiliteite in Johannesburg is aangestel om die eerste besending covid-19-entstof te berg en na gesondheidsorgwerkers te versprei. Biovac is in 2003 as ’n vennootskap tussen die privaat sektor en die staat gestig om laasgenoemde se entstofaankope en-verspreiding te behartig. Volgens Biovac het hulle die afgelope jare hoofsaaklik entstowwe ingevoer, verpak, getoets en verskaf. Hul eindelike doel is om entstowwe self te kan vervaardig. Meer as 15 miljoen dosisse entstof word jaarliks via hul verkoeling-en verskaffingsinfrastruktuur afgelewer om te verseker die gehalte van die entstowwe by die punt van gebruik is gewaarborg. Hulle is een van verskeie ondernemings wat genooi sal word om vir die tweede en derde fase van die regering se entstofverspreidingsprogram te tender.…

OP DIE skerm lyk hy vandag allermins na ’n rugbybreker. Sy dogtertjie trippel langs hom rond in haar balletrokkie en met ’n tiara op die kop, en sy baba lê knus in die waai van sy arm. Cheslin Kolbe is dalk beter bekend as die blitsvinnige Bokvleuel wat die land laat juig het met sy drie in die eindstryd van die Wêreldbeker-rugbytoernooi in 2019, maar hier by die huis is hy vandag net pa. En álles gaan oor die kinders. Die Springbok en sy vrou, Layla, het onlangs vir ’n tweede keer ouers geword toe hulle klein Mila Skye in November verwelkom het, en hulle pas nou daarby aan om ’n gesin van vier te wees in hul aangenome tuiste in Frankryk. Die inperking was eintlik vir hulle ’n bedekte…

STERK SKOUERS Span jou skouers in om hierdie herfs die koeler weer in styl te trotseer. Kies opvallende skouerversierings en pofmoue in gedempte sorbetkleure en oordadige olyfkleure om ’n modestelling vir alle geleenthede te skep. SOKKIES EN KOUSE Mooi toegewikkel! Dra jou somerhakke of plat skoene saam met sokkies en kouse in kant of wol vir ’n speelse maar konserwatiewe voorkoms. BYDERWETSE BLOKKE Die klassieke kubusvorm is weer hoogmode. Van kollegeklere tot kantoordrag – blokke, ruite en vierkante is groot nuus op straat en op die loopplank. BONKIGE TRUIE Ligte helderkleurige truie is dié seisoen ’n moet vir jou klerekas. Geribde, kabelof vliestruie is perfek vir die kouer weer en werk vir alle ouderdomme en style. STYLVOLLER SLENTERDRAG Die meeste van ons bly veilig tuis tydens die covid-19-pandemie en gemaklike…

VOEL UITGESLUIT BY TROUPLANNE V My jongste seun en sy verloofde is al byna ’n dekade lank saam en het nou besluit om te trou. Deur al die jare het sy my nooit baie goed behandel nie, al het ek haar as my kind se keuse aanvaar. Ek en my man word heeltemal by die troureëlings uitgesluit, maar is via die sosiale media uitgenooi. Ek voel ek moet liewers wegbly, want sy praat nie met ons nie. Maar wat van my seun? Help, asseblief. Anoniem op K A Jy het ’n gulde geleentheid om nou ’n nuwe verhoudig met haar en jou seun te begin opbou. Meer as tevore moet jy hulle as ’n paartjie sien en nie bloot as jou seun en jou skoondogter nie. ’n Skoonmoeder-enskoondogterverhouding is geen…

PUNTE A Almal D Dwelms G Geweld Gr Gruwel N Naaktheid O Ouerdiskresie S Seks T Taal V Vooroordeel Waaroor gaan dit? Gerard Butler speel ’n ingenieur, John Garrity, wat in Atlanta, Georgia, woon saam met sy vervreemde vrou, Allison (Morena Baccarin), en hul seun, Nathan (Roger Dale Floyd), ’n diabeet. Die egpaar se huisprobleme neem gou die agtersitplek in toe ’n onbekende komeet, genaamd Clark, uit die middel van nêrens kom en die Aarde tref. Kenners het aanvanklik gedink Clark gaan net stil-stil in die oseaan neerstort, maar hulle was verkeerd. Die komeet saai verwoesting en dreig om Atlanta te tref, waar die Garritys woon. John kry ’n vreemde teksboodskap op sy selfoon. Volgens dié boodskap is hy en sy gesin vir die regering se geheime ontruimingsprogram gekies. Lede…

KLEIN KOOK & GENIET Deur S.J.A. DE VILLIERS en EUNICE VAN DER BERG (Human & Rousseau, R245*) Op die omslag kan jy nie sien of dit ’n seun of meisie is wat die bord met smoothies vashou nie – wat wys dié boek, wie se ouma uit 1951 kom, beweeg saam met die tye. Klein kook & geniet, wat die eerste keer in 1982 verskyn het, beleef nou al sy sewende druk. Die resepte lyk só lekker, mense sonder kinders of kleinkinders sal dalk lus kry om ander se kleintjies te nooi om hulle te leer kook. By elke resep word aangedui watter gereedskap en bestanddele uitgehaal moet word, en elke stap word met kleurfoto’s verduidelik. Benewens happies wat kinders gou ná skool vir hulself kan maak, soos gebraaide kaasbroodjies…

Besoek ons webtuiste, huisgenoot.com, vir ’n daaglikse horoskoop. RAM 21 MRT – 19 APR Jy voel dalk vandeesweek sentimenteel oor ’n huidige of verlore liefde en dis ’n gepaste tyd om jou gevoelens daaroor uit te druk. Dan fokus jy ook dalk intens op ’n werkkwessie wat lyk of dit ’n sukses gaan wees. Om doelgerig te wees sal jou saak bevorder, veral as sommige kollegas ooremosioneel is tydens die volmaan op die 27ste. Doen egter jou bes om objektief te bly. GELUKKIGE NOMMERS 1, 33, 37, 8, 19, 2 BUL 20 APR – 20 MEI Venus, jou heersende planeet, beweeg die komende week in die vredeliewende en saggeaarde Visse-teken in, wat daarop dui dat jy nou meer deernis as gewoonlik het. Dit sal enige soort groepsituasie bevoordeel, of dit…

DIE Nasionale Verbruikerskommissie ondersoek bewerings dat sommige supermarkte met die prys van knoffel en gemmer knoei. Heelwat mense het die afgelope paar maande gekla dat dié twee produkte buitensporig duur geword het. Volgens die koerant The Witness het gemmer voor die coronakrisis sowat R70/kg gekos, terwyl dit nou min of meer R400 kos. Mense gebruik dit as ’n middel om hul immuunstelsel ’n hupstoot te gee – en sommige supermarkte word dus daarvan beskuldig dat hulle die prys opstoot omdat hulle weet meer mense koop dit nou. Volgens die Verbruikersbeskermingswet gebeur prysknoeiery wanneer daar ’n onregverdige of onredelike verhoging in ’n prys is wat niks te doen het met die feit dat dit nou duurder is om daardie produk of diens te verskaf nie. Die regering het ook spesiale bepalings…

Wat kan aanhangers van die tweede seisoen verwag? Dakota: Daar is mal waagtoertjies. Ek geniet dit baie. Ruby: Dis waar. Ons het hope pret en cool waagtoertjies. Ek is baie opgewonde vir aanhangers om dit te sien. Hoe is dit op die stel? Dakota: Ons het as ’n span soveel pret saam – voor én agter die skerms. Ruby: Ons lag altyd op die stel omdat die draaiboeke skreeusnaaks is, maar ons het ook ’n lekker tyd saam as groep. Dit voel asof ons ’n groot familie is. Hoe gereeld raak julle aan die giggel op die stel? Ruby: Dit gebeur gedurig. As ek daardie (medesterre se) glimlag sien, bars ek uit van die lag; daarom staar ons maar na mekaar se wenkbroue in ’n snaakse toneel. Dis hoe ons…

CHRISTHÉNUS VAN DER VIJVER (62), SENIOR STAATSAANKLAER ‘EK RAAK altyd vreeslik geïrriteerd as jy ’n skuldigbevinding kry en die opponent kom ná die tyd na my toe en wens my geluk. Moenie vir my geluk sê nie. Dit is nie ’n wedstryd nie. Reg en geregtigheid het net geskied. Dit gaan eerder oor die bevrediging wat jy kry as jy sien daar het reg en geregtigheid plaasgevind. Net so put jy soms bevrediging uit ’n onskuldigbevinding. Ek het al by twee gevalle in die hooggeregshof nie ’n aansoek vir ontslag teengestaan nie. Ek is ’n beampte van die hof: As ek sien die getuienis is onvoldoende, sal ek vir die hof sê die getuienis is onvoldoende. As ek ’n dossier lees en ek glo nie die getuie nie, dan vervolg…

DALK is dit die manier waarop sy haar oë rol, of daardie teatrale gesigsuitdrukkings terwyl die pittige sêgoed weerklink. Een ding staan vas: ’n borrelende rooikop het almal aan die skaterlag – selfs die boere met wie se soeke na liefde sy so genadeloos spot. Lisa van Rooyen, oftewel “Lisa met die Rooi Hare”, soos sy aanlyn bekend staan, het roem verwerf met haar spitsvondige reaksievideo’s op Boer soek ’n vrou. En nou is sy terug, slaggereed om weer die draak te steek met die 13de seisoen van die reeks, wat onlangs begin het. Vir haar is daar g’n heilige koeie nie wanneer sy met ’n glas wyn in die hand – “Want hoe dan anders?” – kwinkslae uitdeel oor van die groot of grappige oomblikke in die gewilde kykNET-reeks.…

I SHOULD be so lucky, lucky, lucky, lucky, I should be so lucky in love, het sy destyds in 1987 gesing. En ja, sy behoort te wees. Kylie Minogue is immers sexy, skatryk en suksesvol. Tog het sy nog nooit voor die kansel gedraai nie. Sy was al ’n paar keer verlief, maar nooit getroud nie. Aanhangers het onlangs gedink sy gaan trou toe die nuus bekend word sy is verloof aan Paul Solomons, die kreatiewe direkteur van die Britse uitgawe van die tydskrif GQ. Hulle het mekaar in 2018 ontmoet. ’n Foto van Kylie (52) wat oënskynlik ’n verlowingsfoto deel, het haar volgelinge in die sosiale media laat gons – maar toe verydel sy alle drome van ’n troudag. “Ons is almal mal oor die liefde, maar die gerugte…

LEAH Die sangeres en haar man, Hennie van Niekerk, het hul twee Jack Russells, Muggie en Lila, meer as sewe jaar gelede geërf toe Hennie se pa, Danie, oorlede is. “Ek was nie eintlik ’n hondemens nie, maar toe hulle die dag in ons huis instap, het ek hulle as my eie aanvaar. Hulle het my lewe verander en hulle is alles vir my,” sê Leah. “Muggie is 10 jaar oud en eintlik ’n mens, want sy kyk diep in jou siel, maar praat nie. Lila is agt en lyk steeds soos ’n pasgebore hondjie. Haar pels is net vel en hare, dis crazy.” TAMARYN GREEN Die voormalige Mej. Suid-Afrika het twee bostonterriërs, Biscuit (links) en Oreo (regs). “Oreo se swart-en-wit voorkoms het ons aan ’n Oreo-koekie laat dink,” vertel…

Rihanna het binne enkele jare die skuif gemaak van popster wat op trefferlyste boer tot sakemagnaat met ’n grimeer-, skoonheids- en modehandelsnaam wat miljoene werd is. Maar nou is haar moderyk iets van die verlede. Minder as twee jaar ná die bekendstelling van Fenty het Rihanna (33) dit gesluit. Dié handelsnaam – die eerste met ’n swart vrou aan die stuur – het op 1 Januarie hul Instagram-inskrywings gestaak en die e-handels-webtuiste sal einde Februarie of vroeg in Maart nie meer bestaan nie. Hoewel daar nie oor die besluit uitgebrei is nie, is dit geen geheim dat die uitdagings van die covid-19-pandemie ongekende druk op die modebedryf plaas nie. Die wêreldwye inperking het ook die Grammy-wenner in Los Angeles gehou – ver weg van ontwerp- en ontwikkelingsplanne in Parys en…

Trouklokke vir Hermione? Is dit die kiekie wat duisende Harry Potter-aanhangers en Hermione-verliefdes se harte gaan breek? Dit lyk of die Britse aktrise Emma Watson en haar kêrel, Leo Robinton, die volgende stap in hul verhouding geneem het. Emma (30) is onlangs gewaar met ’n ring aan dáárdie vinger op pad na ’n romantiese wegbreek in Mexiko saam met haar sakeman-kêrel. Die twee is sedert 2019 ’n paartjie. ’n Bron in die binnekring sê haar familie en vriende keur die verhouding goed en die twee wil later vanjaar afhaak. Dié twee mors nie tyd nie! Die aktrise Shailene Woodley en die Amerikaanse voetbalspeler Aaron Rodgers het nie gras onder hul voete laat groei nie. Ná ’n warrelwindromanse het die 37-jarige atleet by die onlangse NFL Honours-seremonie na Shailene as sy…