Innehållsförteckning för 04 Mar 2021 från Huisgenoot

1 ‘SOMS RAAK ’N MENS BAIE HARTSEER’ Die akteur Hennie Jacobs het sy gesin ’n jaar laas gesien omdat hy nou in Nieu-Seeland woon en sy vrou en dogters weens die pandemie in Pretoria gestrand is Ja, dieselfde het met ons gebeur. My man is nie bekend nie, so ons sien nie opskrifte daaroor nie. Dit gebeur met baie mense. Daar’s oral kinders in SA sonder ’n ouer. TAMMY Ja, dieselfde het met ons gebeur. My man is nie bekend nie, so ons sien nie opskrifte daaroor nie. Dit gebeur met baie mense. Daar’s oral kinders in SA sonder ’n ouer. TAMMY Ons ouens in die kunste moes ongelooflike opofferings maak, en steeds maak. Ons moes die onbekende betree. Een van die dae is ons gevestig in ons nuwe normaal. DELYCIA Ek…

Dit is nie ongewoon dat kinders soms seksuele mishandeling ontken nadat hulle reeds in ’n hof daaroor getuig het nie, sê prof. Christiaan Bezuidenhout, ’n kriminoloog van die Universiteit van Pretoria. “Hulle besef dan dié persoon is tronk toe gestuur as gevolg van hulle. En al het die misdaad gebeur, is dit steeds hul familielid en die persoon is uit hul lewe verwyder,” verduidelik hy. Veral as die gebeure traumaties was, kan hulle dit uit hul gedagtes blok – ’n toestand bekend as tydelike amnesie. “Dit is regtig moontlik om te glo dit het nooit gebeur nie, al het dit.” ’n Tweede moontlikheid is dat die kind eers op ’n latere ouderdom besef hulle was beïnvloedbaar en het iemand onskuldig tronk toe gestuur. Kinders is beïnvloedbaar omdat hulle gesagsfigure “gelukkig”…

JARE lank was haar vriendelike glimlag soos ’n masker wat sy in die openbaar gedra het, maar daaragter was verdriet versteek. Dit was lank asof seerkry die definisie van haar lewe was, sê die aktrise Kim Cloete. Daar was haar moeilike grootwordjare, die moord op haar destydse verloofde, die 7de Laan-akteur Randall de Jager, asook ’n mislukte huwelik en verbreekte verlowing. Voor die kameras was sy nog altyd borrelend, maar eers toe Kim (41) en die akteur Murray Todd (47) laat in 2016 begin uitgaan het, was dit asof die donker onweerswolke oor haar lewe eindelik begin wegtrek het. Maar net toe sy weer kon glimlag, het ’n “allesvernietigende” miskraam haar vroeg in 2018 getref. “Ek wil net nie soos ’n janniejammergat klink nie, want die waarheid is dat ek…

Dr. Marianne Duvenage, ’n dermatoloog van Pretoria, stel voor mense besoek as tiener ’n dermatoloog sodat hul moesies bekyk kan word. “Velkanker is nie altyd ooglopend nie,” sê sy. Sy stel voor jy besoek ’n dokter wanneer merke aan jou vel of moesies se vorm met tyd verander, die merk oneweredige buitelyne het, die diameter meer as 6 mm is en die moesie asimmetries is. Maar dit dui nie noodwendig op kanker nie. Sy sê wanneer jy ’n seertjie het wat nie gesond word nie, moet jy dadelik jou dokter gaan sien. “Melanoomkanker kan jou jou lewe kos, en die ander soort velkankers soos ’n karsinoom kan groot skade aan jou weefsel aanrig.” Sy sê dokters weet nog nie veel oor wat velkanker veroorsaak nie, maar sonskade en genetika speel…

DIS een van die vele mediese gonswoorde wat jy deesdae hoor: teenliggaampies. En almal wil dit hê. Want sodra jy ’n virus gehad het, ontwikkel jy teenliggaampies – die onsigbare “soldaatjies” wat in jou liggaam rondbeweeg en vir ’n ruk teen die infeksie baklei. Maar is dit werklik beskerming teen nog aanslae deur die coronavirus? En kan dit jou ook beskerm teen die nuwe variant? Hoe weet jy of jy teenliggaampies het, en hoe werk dié verdedigingstelsel van jou liggaam? WAT IS TEENLIGGAAMPIES? Teenliggaampies is proteïene wat immunoglobuliene of Igs genoem word. Dit word deur die liggaam vervaardig as verdediging teen ’n infeksie, verduidelik dr. Vidya Lalloo, ’n spesialis in noodgeneeskunde by die Steve Biko Akademiese Hospitaal. “Daar is vyf klasse teenliggaampies, maar as ons oor immuniteit praat, verwys ons…

A Almal D Dwelms G Geweld Gr Gruwel N Naaktheid O Ouerdiskresie S Seks T Taal V Vooroordeel VRA DIE TV-DOK Die dokter Darren Green (43) is geen vreemdeling wat die kollig betref nie. Die boorling van Pietermaritzburg kuier weekdae op die kassie as die aanbieder van Tussen ons: Medies. Darren se pad na die kassie het in 2002 begin toe hy aan die eerste seisoen van Idols deelgeneem het. Dit het hom ’n voet in die deur gegee. “Ná Idols het ek gasverskynings in die aktualiteitsprogram Top Billing gemaak.” Hy was ook deel van die radiostasie KFM se ontbytspan, was agt jaar lank op die kassie ’n mediese kenner op die ontbytprogram Expresso en het hul insetsel “Doctor’s Orders” aangebied. Sedertdien het hy ook as mediese kenner in die…

BIERTJIES CORNÉ PRETORIUS, DIE HEUWELS FANTASTIES & AMPIE Corné het sy loopbaan verlede jaar met die uitreiking van sommer drie enkelsnitte afgeskop. Musiekliefhebbers was dadelik gaande oor hom, want al drie was radiotreffers, terwyl die musiekvideo’s van dié snitte reeds gesamentlik sowat 128 000 trefslae ingeoes het. Nou is Corné se eerste kortspeler, Biertjies, hier. Dit bevat sy vorige drie treffers, “Vuur en vlam”, “Vergewe my” en “Halfvol”, asook sy nuwe liedjie, “Biertjies”. Op dié snit deel hy die ateljee met Die Heuwels Fantasties en Ampie. Dit is lighartig, plesierig en prettig. Miskien net die regte partytjiedoepa ná ’n rowwe 2020 en ’n troostelose Januariemaand ná strenger inperkingsmaatreëls einde Desember weer ingestel is. Dié is intussen verslap en nou mag daai biertjies wettig in jou yskas staan! “Daar is tans…

DOL DEFINISIE V: Wat is ’n komitee? A: Dit is ’n groep onwilliges, gekies uit die ongeskiktes om die onnodige te doen. LOUISE NOETH DILEMMA Vroue het dikwels twee groot probleme: ■ Hulle het niks om aan te trek nie. ■ Hulle het nie genoeg plek vir al hul klere nie. L. SAAYMAN, SABIE LAASTE KEER Betta: “Hoe het jy dit reggekry dat Kallie nie meer so laat saans huis toe kom nie?” Sannie: “Toe hy die laaste keer laat was, het ek in die donker gevra: ‘Is dit jy, Gert?’” KASOEPIE NET IN SKOTLAND Koos gaan Skotland toe om sy familiebande te gaan navors. Diep ingedagte stap hy een middag deur ’n begraafplaas. Hy lees die woorde op ’n grafsteen: “Hier lê Donald, ’n dapper man en ook ’n…

NO. 2 123 As jy vashaak, kan jy gerus ander lesers se raad vra op ons Facebookblad met die naam Huisgenoot Blokraaie. WEN ’N GESKENKPAK VAN PLUSH VRAAG: WATTER HERHALENDE REEKS IS TER SPRAKE? Hierdie week se prys, ’n geskenkpak met skoonmaakmiddels ter waarde van R500, word voorsien deur Plush. Plush se skoonmaakmiddels lewer die beste resultate in ’n rekordtyd sodat jy tyd het om te doen wat jy regtig wil! Gebruik Plush se produkte vir houtmeubels, badkamers, oppervlakke en vensters en speel gou klaar met huiswerk. Dan kan jy iets lekkers doen! NEEM SO DEEL Vul die blokraai in en gebruik die letters in die kleurblokke om die antwoord op die vraag te ontsyfer. SMS “HG” gevolg deur jou antwoord, naam en dorp/stad na 36400. Net een SMS per…

NIKE se nuwe Go Fly-Ease-tekkies is ontwerp met mense met spesiale behoeftes in gedagte. Dié eerste volkome outomatiese tekkies ter wêreld is deur ’n jong man met die naam Matthew Walzer geïnspireer. Matthew ly aan serebrale verlamming, ’n toestand wat sy bewegingsvermoë, handvaardigheid (sien Woord van die Week), balans en postuur aantas. In 2012, toe hy 16 was, het Matthew die bekende tekkievervaardiger genader oor sy stryd om sy veters vas te maak. “My droom is om na die universiteit van my keuse te gaan sonder om my daaroor hoef te bekommer dat iemand elke dag my skoene kom vasmaak,” het hy geskryf. In antwoord het Nike jare daaraan bestee om ’n skoen wat maklik sou aan-en afglip vir mense met gestremdhede te ontwikkel. Matthew was deel van die proses…

‘EK STAAN twee keer per week halfses op en gaan na een van die reservate in Pretoria om voëls te gaan kyk voor ek moet begin werk. Toe ons nog op kantoor was, het ek tydens my middagetenstyd gaan voëls kyk. Daar was swerfvalke wat op die dak oorkant ons gebou nes gemaak het. Een dag per naweek gaan kyk ek ook voëls, en elke vakansie word rondom voëlkyk beplan. Ek word nooit moeg daarvoor nie. Elke keer sien ek iets anders en word weer opgewonde oor wat ek gesien het. Nou die dag het ek vir die eerste keer ná 20 jaar gesien hoe ’n diederikwyfie ’n vink se eier steel en eet. My verkyker is altyd by my. My verloofde sal spot dat ek nie hoor wat sý…

DIS die dorpie waar reuse van alle soorte opskiet: Ons eie Hollywoodster Arnold Vosloo, ons Wêreldbeker-rugbyafrigter Rassie Erasmus en die weergalose Boksenter Danie Gerber. Soos jy dié Oos-Kaapse dorpie met die R75 van Port Elizabeth se kant nader, ry jy boonop verby Zwide, waar ons Springbokaanvoerder Siya Kolisi grootgeword het. Net 18 km verder is jy daar: Despatch, die tuiste van legendes. Ook die hart van Suid-Afrika se motorbedryf, waar talle Volkswagens gebore word. Maar dié beskeie dorpie is ook danksy ’n ander soort reus beroemd… “Ons is die derde huis op die hoek; ry net tot jy die kaktusse sien. Jy kan dit nie miskyk nie,” word ons verseker toe ons vir aanwysings bel. En inderdaad, omtrent nog ’n kilometer verder gewaar ons al die plante waar hulle in…

ELANA AFRIKA-BREDENKAMP Die TV-en radioster het by ’n sakementor geleer om ’n uur voor die res van die huis wakker te word. Dit gee haar tyd vir ekstra takies. “Ons roetine is redelik ingestel aangesien ons klein kinders het,” vertel Elana, wat twee dogtertjies, Esther Beth (5) en Annabelle (4), het. “Ek berei ’n gesonde ontbyt vir die gesin voor en my man, Ian Bredenkamp, maak die koffie.” Daarna lees sy ’n boek om die dag aan die gang te kry. “Ek noem dit ‘conclusions’ en gebruik dit dikwels as motivering op my radioprogram,” vertel Elana. Sy en Ian trek die dogtertjies saam aan. “Dis nooit chaoties in ons huis nie, maar lekker raserig.” Hierna neem Ian hul kleingoed skool toe terwyl Elana afsit kantoor toe. “Om 08:15 doen ek…

HARRY Styles en Olivia Wilde is smoorverlief en kan dit glo nie verduur om van mekaar weg te wees nie. Nadat die tweede fliek waarvan sy die regisseur is, Don’t Worry Darling, onlangs klaar geskiet is, het hulle saamsaam Londen toe gevlieg. “Harry en Olivia geniet dit om te reis en het baie gemaklik daarmee geraak om tyd saam deur te bring,” vertel ’n bron. “Hulle is selde weg van mekaar en dit het sin gemaak om saam Londen toe te gaan.” Daar is hulle met hul geliefdes herenig. Jason Sudeikis, Olivia se eksverloofde en die pa van haar kinders, Otis (6) en Daisy (4), werk in die Britse hoofstad aan sy reeks Ted Lasso, en die kinders is by hom. “Olivia sal meestal tyd saam met haar kinders deurbring,…

Aanhangers hou dalk van hul dolverliefde inskrywings, maar nie almal ondersteun Kourtney Kardashian en Travis Barker se verhouding nie. Enkele ure nadat die paartjie hul verhouding amptelik op Instagram aangekondig het, het die Blink-182-tromspeler se eksvrou, Shanna Moakler (45), die like-knoppie gekliek by ’n opmerking wat lui: “Travis het behoorlik afgegradeer.” Die voormalige skoonheidskoningin het later ’n ander deuntjie gesing en vir ’n fotograaf gesê sy is gelukkig vir haar eks se onthalwe. “Hy’s my vriend en medeouer; ek wil hê hy moet gelukkig wees,” het sy gesê. Shanna se reaksie op Travis se romanse met Kourtney (41) is verbasend aangesien hulle mekaar reeds lank ken. Die 45-jarige Travis is jarelange bure van die ster van Keeping Up with the Kardashians. En toe hy en Shanna nog ’n paartjie was, was…

Nadat gerugte maande lank die rondte gedoen het dat hul huwelik op die rotse is, het Kim Kardashian West en Kanye West nou ’n skeisaak aanhangig gemaak. Dit volg ná ’n stormagtige ses maande vir die sosialemediapersoonlikheid en die rapper waarin hul huweliksprobleme in die openbaar uitgelap is. Kanye het vir nog omstredenheid gesorg toe hy verlede jaar ’n kandidaat in die Amerikaanse presidentsverkiesing wou wees. Met ’n gesamentlike nettowaarde van R30,5 miljard is daar heelwat om oor tou te trek, maar wat is alles in dié skeisaak op die spel? Nettowaarde R18,8 miljard KANYE WEST Kanye is die rykste van die twee, en die kroonjuweel in sy fortuin is Yeezy, die skoenhandelsmerk wat vir sy Adidas-tekkies bekend is. Die rapper kry sowat 11% van Yeezy se jaarlikse opbrengs, wat in…

DIE vrou in die video se groen oë lyk glasig, maar haar donker oogskadu, rooi lipstiffie en blosser is foutloos aangewend. Sy kyk eers strak na die kamera op haar foon en begin dan stamelend praat: “Môre, mense… Um, ek los net ’n video om te sê baie dankie vir al julle omgee, julle liefde, julle sonskyn wat julle in my lewe veroorsaak… of gegee het… in hierdie tyd.” Sy begin snik toe sy vertel sy is op pad Rustenburg toe om haar seun daar te gaan haal. “Dit maak baie seer,” sê sy. “Ek as ma voel ek het nou weer nog ’n kind wat ek gefaal het – ek het klaar my dogter gefaal met haar dood…” Huilend sluit Zwanet Kühn af: “Ek weet nie of my petrol…

AS DIE karakters Woelag in Arendsvlei en Frankie in Suidooster het hy dikwels kykers warm onder die kraag gehad met sy knoeiery en moleste. Maar agter die kameras en weg van die stel was hy die teenoorgestelde: ’n geliefde gesinsmens, altyd gereed met ’n grappie of ’n helpende hand. Op die jong ouderdom van 33 was die lewe vol belofte vir die akteur Ceagan Arendse. Maar agter sy opgewekte uiterlike het hy teen ’n donkerte in sy gemoed geveg. En Ceagan se dood op die vooraand van Valentynsdag het sy geliefdes verpletter en verslae gelaat. “Hy was die ongelooflikste, pragtigste en liefdevolste siel wat jy ooit in jou lewe sal ken,” vertel sy bedroefde vrou, Ziggy (47), aan Huisgenoot uit hul huis in Bloubergstrand. “Hy was mooi van binne en…

SOMS stap die Springbokagtsteman en Blou Bul-kaptein niksvermoedend met sy twee jong seuns in ’n winkelwaentjie deur ’n inkopiesentrum. En as hy weer hoor, fluister ’n stemmetjie uit die waentjie vir ’n verbyganger: “Dis Duane Vermeulen!” Die reus van ’n man skud sy kop verleë en glimlag skeef. “Ja, ’n mens raak dan nogal vinnig bloedrooi voor mense. Maar nou ja, dit is maar hoe kinders is, jy weet, die eerlikheid wat daar is.” Ouboet Anru (7) verstaan al beter as klein Zian (4) wat hul pa se beroep as beroepsrugbyspeler behels, maar hulle albei weet waar en vir watter spanne hy uitdraf en hulle is sommer baie trots op hul pa. “Hulle hou van rugby en sal dit saam met hul tjommies by die skool speel. Maar Anru is…

Armand Aucamp se eerste kookboek, Armand kook kaal, was ’n wegholsukses en is vier keer herdruk. In sy jongste resepteboek tower hy 50 nuwe resepte op. THAISE VISKOEKIES Jy kan dié viskoekies in kleiner patties berei vir ’n partytjie-of kosblikhappie, of in groter porsies vir ’n maaltyd bo-op ’n krakerige slaai. Jy kan dit selfs saam met ’n gebakte eier vir ontbyt voorsit. LEWER 6-8 VISKOEKIES BEREIDING: 10 MIN. GAARMAAK: 25 MIN. VISKOEKIES 400 g stokvisfilette30 ml (2 e) Thaise rooikerriepasta2 eiers15 ml (1 e) sojasous60 ml (¼ k) koljanderblare2 sprietuie, fyngekap8 groenboontjies, gekap125 ml (½ k) amandelmeel60 ml (¼ k) klapperolie SOUS 45 ml (3 e) suurroom sap van 1 lemmetjie5 ml (1 t) vis-of sojasous2,5 ml (½ t) gemmer, fyngerasper’n hand vol koljanderblare, gekap VIR VOORSIT wortels, in dun…

Ek was ’n bietjie angstig daaroor om ’n tuisafskilfering aan te pak. Gekwalifiseerde skoonheidsdeskundiges word immers daarvoor betaal om dit in salonne uit te voer, en jy hoor stories van rooi vel en ongemak agterna. Watter verwoesting sou ek as ’n amateur met ’n selfdoenpoging saai? WAT EK GEDOEN HET Ek het Derca BioSculptivate AT-Resurface Peel beproef, wat na bewering diep lyne en plooie verbeter, porieë oopmaak, bevogtig, met letsels help, lyne glad maak en kollageen en elastisiteit in nekweefsel verbeter. Duidelik sou ek nie kitsresultate sien nie, en oor die kollageen moes ek hul woord aanvaar, maar ek het besluit om dit te toets. Dit was veel eenvoudiger as wat ek verwag het, amper soos ’n gesigbehandeling met ’n bietjie towerkuns. Ek het 10 ml (2 t) wit poeier…

As jy ’n persoonlike probleem het, skryf gerus aan Liewe Elize, Posbus 1802, Kaapstad 8000 of elize@huisgenoot.com. Of SMS LIEWE ELIZE gevolg deur jou vraag na 36489. Elke SMS kos R1. PORNO-SLAAF BETREK VROU V My man kyk al vir die afgelope paar jaar pornografie. Dan moet ek reg wees wanneer hy dit klaar gekyk het om saam te speel. Wat moet ek doen? M op O A Geen verhoudingsmaat het die reg om te verwag dat sy maat ’n porno-ster moet wees nie. Dit is die onrealistiese verwagtings van iemand wat nie werklik in intimiteit in ’n verhouding belangstel nie. Vervullende seks gaan oor realistiese verwagtings in die slaapkamer; oor hoe mense in die werklikheid lyk en waartoe hulle bereid is om in te stem. ’n Verhoudingsmaat wat pornografie…

WAAROOR GAAN DIT? Die Ballers-ster John David Washington is in dié drama te sien as Malcolm Elliott, ’n regisseur, wat ná die première van sy eerste fliek huis toe gaan om sy groot aand saam met sy meisie, Marie (Zendaya), verder te vier. Maar sy is glad nie gelukkig oor hoe die aand verloop nie. Die paartjie bevind hulle in die grootste rusie van hul verhouding. Marie is ongelukkig omdat sy voel hy het haar lewe as inspirasie gebruik vir sy fliek – ’n drama oor ’n vrou wat ’n dwelmstryd voer. In sy toespraak by die première het hy haar boonop nie eens bedank nie, en dit laat haar rooi sien. Hoewel die fliek baie rustig en met groot opgewondenheid ná Malcolm se groot aand begin, raak dinge gou…

LEEF LIG Deur JACO STRYDOM (R200) “Suid-Afrika is nie arm aan die boodskap van die evangelie nie. Jy kan die meeste mense in die nag wakker maak en hulle sal jou vertel dat Christene glo Jesus het vir ons sonde gesterf. Daar is ’n kerk om elke hoek en draai. Christenmusiek, teologiese boeke, Jesus-plakkate, -plakkers, -pette, -T-hemde en -skoenveters verkoop goed. There’s money in Jesus. Maar die Christengetuienis is arm aan die uitlewing van die mees basiese dinge waaroor Jesus die heel meeste gepraat het. Dis nie dat hierdie mees basiese dinge heeltemal ontbreek nie; dis net dat dit dikwels eerder af en toe geleef word en dat dit uitsonderings is. “Gewoontes gaan oor dit wat ons gereeld doen, die meeste van die tyd, al kry ons dit soms verkeerd.”…

Besoek ons webtuiste, huisgenoot.com, vir ’n daaglikse horoskoop. RAM 21 MRT – 19 APR Met dié dat jou heersende planeet, Mars, vandeesweek by die spraaksame Tweeling inbeweeg, dra jou idees waarskynlik veel meer gewig as waarvoor jy jouself gewoonlik erkenning gee. Dit is boonop ’n gunstige week om by gemeenskapsprojekte of maatskaplike bewustheidsgroepe betrokke te raak of binne ’n nuwe vriendekring deel te neem. Dit sal jou heel waarskynlik opbeur, dankbaar maak en laat voel jy is nou op ’n goeie plek. GELUKKIGE NOMMERS 29, 42, 28, 21, 20, 32 BUL 20 APR – 20 MEI Jou lewensmaat of eggenoot is moontlik die dryfkrag agter jou begeerte om jou verdienstevermoë te verbeter. Beskou dit eerder as aansporing as beheer en jy sal graag saamstem en daartoe instem. Die goeie nuus…

Handvaardigheid is die vermoë om bewegings met die klein spiere in jou hande te maak om voorwerpe vas te hou en verskeie take knap en maklik uit te voer. Dit stel ons byvoorbeeld in staat om ’n pen op te tel om ’n sin te skryf of om ons veters vas te hou sodat ons dit kan vasbind. IN SYFERS 116 700 Dit is die prys in rand (£ 5 800) van wat die “lelikste langmoutop ter wêreld” genoem word. Dié vreemde skepping deur die modehuis Louis Vuitton is met 14 wolpoppe en speelgoed – onder meer ’n padda, panda en muis – bedek. 41 Op 41 jaar is Rhino die oudste lewende renoster-iguana ter wêreld. Rhino is in Februarie 1980 by die Taronga-dieretuin in Sydney, Australië, gebore en woon…

1) Watter land is die enigste ter wêreld met drie hoofstede? 2) Watter sportgeleentheid het Suid-Afrika in 2010 aangebied? 3) Watter vasteland is die tuiste van die Amasone-reënwoud? 4) In watter stad kan jy die Akropolis vind? 5) Watter naam word gegee aan ’n dier wat net plante vreet? ANTWOORDE 1. Suid-Afrika (Pretoria, Bloemfontein en Kaapstad) 2. Fifa se Wêreldbekersokkertoernooi 3. Suid-Amerika 4. Athene, Griekeland 5. Herbivoor BRONNE BBC.COM; NYTIMES.COM; LIVE-SCIENCE.COM; NEWS.SKY.COM; FORBES.COM; EXPRESS.CO.UK; DAILYMAVERICK.CO.ZA; BUSINESSINSIDER.CO.ZA; STATSSA.GOV.ZA; SAHISTORY.ORG.ZA; NEWS.NIKE.COM; VOX.COM…

KOM ons wees eerlik: Dis nie net boeiende kykstof, goeie toneelspel of die gevaarlike coronavirus daarbuite wat ons voor die TV vasgenael hou nie. Nee, dis ook – en veral – daardie hoogs aantreklike akteurs in Showmax en Netflix se trefferreekse waarvan ons nie genoeg kan kry nie. Met hul dromerige oë, sterk kakebene en lenige lywe laat hulle die kwik gevaarlik hoog styg. Hierdie is tans ’n paar van die sexyste manne in stroomland… REGÉ-JEAN PAGE (31) REEKS: BRIDGERTON Regé-Jean wat verskyn as Simon Basset, die enigmatiese hertog van Hastings, in Netflix se jongste trefferreeks Bridgerton, is nou loshande een van die begeerlikste mans op die kassie. Hy het voorheen sy lyf prokureur gehou in die regsdramareeks For the People, maar dis met sy Bridgerton-rol dat hy kykers laat swymel. Daarin…

Ellen DeGeneres het vertel hoe haar vrou, Portia de Rossi, vir haar ’n steunpilaar was toe ’n herrie oor die Ellen DeGeneres Show verlede jaar losgebars het. Sy was in Julie 2020 in ’n skandaal toe verskeie voormalige werknemers anoniem die vervaardigers daarvan beskuldig het dat hulle ’n “toksiese werkomgewing” skep. “Dit het my hart gebreek. Ek sou dit nie sonder haar kon deurmaak nie,” het die 63-jarige aanbieder onlangs aan die tydskrif People gesê. “Dit was ’n aaklige tyd in my lewe en sy was ’n rots. Sy het my aan die gang gehou en gehelp om dinge vir my in perspektief te hou.” In die onderhoud vertel Portia ook van hul ontmoeting in 2001 agter die verhoog by ’n konsert. Al het sy gedink die komediant was “die…

Demi Lovato speel deesdae oop kaarte oor haar duiwels. In ’n vierdelige YouTube-dokumentêr getiteld Demi Lovato: Dancing with the Devil, deel die sangeres vir die eerste keer besonderhede oor die ernstige dwelmoordosis wat haar by die dood laat omdraai het. In die voorprent sê Demi (28) sy het drie beroertes en ’n hartaanval gehad en dokters het vir haar familie gesê sy het “nog vyf of 10 minute oor om te leef”. Die voorval in 2018 het die sangeres met fisieke beperkings gelaat wat haar vandag nog raak. “Ek het breinskade opgedoen en leef vandag nog met die gevolge daarvan,” het sy in ’n onderhoud vroeër vandeesmaand gesê. “Ek bestuur nie, want ek het blinde kolle in my visie. Ek het vir ’n lang ruk gesukkel om te lees. Dit was…

15 April 2009 ’n Mediese ondersoek word op Megan Raaths (toe 8) uitgevoer, en ’n onafhanklike dokter teken haar bevindings op ’n J88-beseringsvorm vir die polisie aan. September 2010 Haar pa, Willem Abram (Abrie) Raaths (toe 35), staan in die streekhof in Pretoria tereg op aanklagte van verkragting van ’n minderjarige en seksuele aanranding. Hy word in November 2011 skuldig bevind op vier verkragtingsaanklagte en twee van seksuele aanranding. 18 Februarie 2012 Megan (toe 11) lê ’n verklaring by die Hercules-polisiekantoor in Pretoria af dat haar pa haar nie verkrag het nie. Haar tante, Willemien Palm, verklaar onder eed dat Megan dieselfde bekentenis aan haar gemaak het. In haar verklaring sê Megan sy het vroeër oor haar pa gejok, “want die dokter het vir my gesê dat ek in die…

HY HET nog altyd gevoel hy kan enigiets hanteer wat na sy kant toe kom. “’n Ewige optimis” is hoe die veteraankomediant Pieter-Dirk Uys homself gereeld beskryf het. Sy leuse: “Berei jou voor op die ergste en hoop op die beste.” En dit was ’n leuse wat baie goed gewerk het… tot die covid-19-pandemie die wêreld getref het. Skielik het alles verander. Evita se Perron, sy geliefde teater en restaurant op die Weskusdorpie Darling, het maande lank onheilspellend leeg gestaan. Boonop moes die 220 optredes wat vir verlede jaar beplan was almal afgestel word. Dit kon hy nog aanvaar, maar wat werklik sy hart gebreek het, was toe die rekenings aanhou ophoop en hy geen ander keuse gehad het as om die Perron se 10 personeellede af te lê nie.…

JARE gelede is ek met twee seertjies aan my regterwang en hand dokter toe nadat dit smetterig geraak het. Die dokter het dit sommer daar in die spreekkamer verwyder, en ek is huis toe met ’n paar stekies. Ek was toe 57 jaar oud. In 2003 het ek bewus geword van ’n velverskynsel aan my voorkop en 12 jaar lank het ek my nie daaraan gesteur nie Toe breek 2015 aan. Dit was ’n paar dae nadat ek by ’n vlooimark was waar ek ’n uitstalling gehad het. Die son was fel. Selfs toe ek in my motor gaan sit om uit die hitte te kom, het die son my deur die ruite bygekom. Ek het dié dag ’n seertjie aan die linkerkant van my bolip opgemerk. Ek het my…

Werner Wessels (33) WERNER_WESSELS Dié stilis en kreatiewe direkteur van Mej. Suid-Afrika het al met skoonheidskoninginne soos die voormalige Mej. Wêreld Rolene Strauss en ons huidige Mej. Heelal, Zozibini Tunzi, gewerk. Hoe het jy in die modebedryf begin? Nadat ek my B.A.-graad in kommersiële mode aan die modeskool Lisof in Pretoria voltooi het, het ek saam met my beste vriendin van hoërskool, Melinda Bam, aan haar reis na Mej. SA begin werk. Ons het altyd die droom gehad dat sy eendag vir Mej. SA sou inskryf, en toe die tyd reg was in 2011 het ek gesê ek sou haar help, want ek het ’n belangstelling in skoonheidskompetisies gehad en pas my graad in mode voltooi. Ek het nooit eens geweet ek kon ’n loopbaan in skoonheidskompetisies hê nie, maar…

KRY DIT HIER DE WAAL ART 021-790-9120; FANTASTICK 012-667-3109; HOPE VOL HOOP 083-703-5512; ROBIN SPRONG 021-447-9842 HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE. INKOPIETYD…

AS JOU geldsake knyp, is dit dalk ’n goeie idee om jou motor vir ’n goedkoper model in te ruil. Maak net seker jy kry die beste aanbod vir jou voertuig, want dit kan verskil van handelaar tot handelaar. En kies ’n nuwe motor waarvan die herverkoop-en inruilwaarde in die lang duur goed sal wees. Hier is vyf dinge om te weet voor jy begin onderhandel. 1 WAT BEÏNVLOED DIE INRUILWAARDE? Die ouderdom/jaarmodel van jou motor, algemene toestand, kilometerlesing, herstel-en onderhoudsgeskiedenis is alles bepalend. Hoe laer die kilometers en hoe beter die toestand, hoe beter die inruilwaarde. Jou voertuig se fabrikaat en klas is ook belangrik. Die aanlyn waardeerder True Price se jongste statistieke wys die topvyfvoertuie met die beste herverkoopwaarde is die Volkswagen Tiguan, Kia Picanto, Volkswagen Polo Vivo, Volkswagen…

DAAR was ’n tyd toe Bernard my beste vriend was. Deesdae is ek nie meer so seker nie. Deesdae is ek nie meer so seker van enige van my ou vriende nie. Is hulle almal jaloers? Dis vandat ek vir Louise Fortuin gevang het dat al die mense wat vir my vroeër so spesiaal was my vreemd aankyk. Asof ek ’n siekte het. Laas nag in die kroeg het ek besluit om Bernard trompop te loop met my vermoedens. “Bernard, het jy iets teen my verhouding met Louise?” Hy het hiernatoe gekyk en daarnatoe gekyk. Hy het sy keel skoongemaak. Hy het ’n slukkie bier gevat en byna verstik daaraan. Toe kyk hy my skielik reguit in die oë en sê in ’n onheilspellende stem: “Ja. Ek het.” Ek het…

NO. 2 377 As jy vashaak, kan jy gerus ander lesers se raad vra op ons Facebookblad met die naam Huisgenoot Blokraaie. WEN ’N GESKENKPAK VAN CLERE PLUS KOM IN AANMERKING VIR DIE MAANDELIKSE TREKKING VAN R1 000. VRAAG: WATTER HELDER KWARTS OF GESLYPTE GLAS IS TER SPRAKE? Clere voorsien hierdie week se prys ter waarde van R1 000. Dit bevat Clerevelsorgprodukte en ’n skouersak. Clere bied bevogtigers met vier unieke formules spesiaal vir die verskillende behoeftes van elke vel, en dit is beskikbaar in ’n verskeidenheid verruklike geure. Met Clere is velsorg lekker en bekostigbaar! NEEM SO DEEL Vul die blokraai korrek in, skryf die letters in die kleurblokke neer en gebruik dit om die antwoord op die vraag te ontrafel. SMS “HG” gevolg deur jou antwoord, naam en dorp/stad…

HY HET altyd geweier om met die regte naam na sy bekendste rolprent te verwys. Vir Christopher Plummer was dit The Sound of Mucus of S&M – ’n onderlangse verwysing na sadomasochisme. In sy outobiografie van 600 bladsye het hy net ’n kort hoofstuk aan die immergroen gunsteling afgestaan – dit het in 1966 vyf Oscars gewen, maar nie een vir hom nie. Die hoofstuk begin met ’n aanhaling: “Om The Sound of Music te kyk is soos om met ’n Hallmark-kaartjie doodgeslaan te word.” Die akteur, wat onlangs in die ouderdom van 91 oorlede is, het Captain Von Trapp gespeel, die wewenaar-pa van sewe kinders wat ’n voormalige non as hul goewernante aanstel en dan op haar verlief raak. Julie Andrews was in die hoofrol as Maria, en al…

WANNEER die jong makadamiaboer van Mpumalanga teen Vr ydagmiddae klaar gewerk het en sy pelle in Pretoria te veel mis, maak hy blitsvinnig ’n plan. Dan klim hy in sy Cirrus SR22-vliegtuig wat op die Nelspruit-lughawe vir hom staan en wag – en sluit binne 50 minute by hulle aan vir ’n ronde gholf of ’n kuier. Om so te kan vlieg is vir boer Déan (29), een van die deelnemers aan die nuwe seisoen van die kykNET-maatsoekreeks Boer soek ’n vrou, meer as net ’n vervoermiddel. “Toe ek die eerste keer in ’n vliegtuig klim, het ek besef: Jissie, hierdie is my passie. Dit was vir my ongelooflik, daardie gevoel van vryheid. Daar is niks wat oor jou pad gaan kom wat jou gaan laat struikel of briek of…