Innehållsförteckning för 01 Apr 2021 från Huisgenoot

1 ‘MY LEWE IS PURE HEL MET DIÉ SWAAR LAS’ Talle lesers vertel hulle leef met dieselfde uitdagings as Rika Ward, die ma van Brakpan wat desperaat is om haar 44GG-borste te laat verklein Ek is ’n 40DD en gaan elke dag deur dieselfde hel. Ek kan nie ver loop nie, my rug voel of dit breek en kry al ’n knop agter my nek want my postuur is verkeerd. MARCELL Ek is in presies dieselfde situasie. Ek wil so graag met my jong kinders oefen en speel. Die mediese fondse het geen idee nie. Jou selfbeeld ly so erg soos jou lyf. CHRIZELL Ek is ’n 44DD en moet altyd my uniform drie groottes groter koop. Ek lyk soos ’n kersgeskenk. Die mediese fonds weier om vir ’n verkleining…

MEISIES TRUIE EN LANGMOUTOPS Voeg ’n bietjie kleur by jou kinders se klerekas en hou hulle warm met hierdie funky bodrag in helder kleure. Dit is gerieflik en gemaklik en kan binne en buite gedra word. BROEKE Van kardoesbroeke tot fluweelspanbroeke – dié prettige broeke is veelsydig en geskik vir enige geleentheid. BAADJIES EN JASSE Wikkel jou kind toe in oulike boklere. Eksperimenteer met patroon- en kleurblokkappietops en -baadjies vir ’n vars kinkel op die sportvoorkoms. BYKOMSTIGHEDE Hierdie oulike wollerige en blink bykomstighede laat ’n uitrusting modieus lyk en hou jou kinders warm in die kouer weer. SAKKE Voeg ’n sak by jou kind se voorkoms as hulle saam met jou winkel toe gaan. Hulle kan hul handsaniteerder en ’n ekstra masker daarin hou. SKOENE Laat jou kind die winter…

WANNEER laas het jy behoorlik jou gesig bekyk? Wanneer jou 30’s en 40’s eers verby is, kan dit ’n ontstellende ervaring wees. En as jy in jou menopouse is en alles van veltoon en plooidiepte tot die toestand van jou lippe bekyk, raak jy dalk sommer emosioneel oor al die tekens van veroudering. Dit gebeur te gereeld dat vroue die tekens sien, paniekerig raak en botoks, vullers en hormoonvervangingsterapie kies. Maar dit is nie noodwendig die enigste oplossing nie. Jou gesig is ’n uitstekende maatstaf vir jou algemene gesondheid. As jou gesig oud en moeg lyk, is dit heel waarskynlik omdat jou middeljarige lyf ook so voel. Min vroue kry in hul middel 40’s die regte voedingstowwe in, en dit is dikwels deel van die probleem. Sedert die middel van…

PUNTE A Almal D Dwelms G Geweld Gr Gruwel N Naaktheid O Ouerdiskresie S Seks T Taal V Vooroordeel NUWE REEKS Die akteur Gerald Steyn maak opgang in die vermaakbedryf en is tans te sien as Max Reese in die sielkundige rillerreeks Dam op Showmax. “Ek speel die jongste van twee broers op ’n klein plaasdorp. Max is ’n boer wie se varke besig is om weens ’n droogte te vrek. Hy bevind hom in desperate tye en doen desperate dinge om die droogte te keer,” vertel Gerald (31). Hulle het Oktober verlede jaar begin skiet aan die reeks, wat op Bedford in die Oos-Kaap afspeel. “Dit was my eerste keer op dié dorpie, en die hele rolverdeling het saam in ’n hotel gebly.” Hy en Laudo Liebenberg van Die…

HAAI-VRIENDELIK Wanneer ek by die see gaan vakansie hou, handhaaf ek altyd ’n goeie verstandhouding met die haaie. Hulle kom nie op die strand uit nie en ek gaan nie in die water in nie. JOHAN H, GONUBIE NET BETYDS Die chirurg lyk verlig toe hy by die operasieteater uitstap. ’n Verpleegster wat verbystap, sê: “Die operasie is seker net betyds gedoen, nie waar nie?” “Beslis,” antwoord die dokter. “As ons ’n dag langer gewag het, was hy gesond.” LOUISE NOETH ROWWE LANDING ’n Geïrriteerde vlugkelner op ’n stamperige vlug: “Almal moet hulle asseblief in hul sitplekke vasgordel terwyl Kaptein Kangaroe die vliegtuig probeer land.” HESTER, NAMIBIË DAAI GLAS Mense wat redeneer of die glas half vol of half leeg is, kyk die belangrikste ding mis: Die glas is hervulbaar.…

NO. 2 127 As jy vashaak, kan jy gerus ander lesers se raad vra op ons Facebookblad met die naam Huisgenoot Blokraaie. WEN ’N GESKENKPAK VAN PLUSH VRAAG: WATTER SOORT SPANMAAT IS TER SPRAKE? Twee lesers wen elk ’n geskenkpak van Plush ter waarde van R250. Met Plush se skoonmaakprodukte kan jy jou huis sonder ’n druppel water skoon hou. Beproef Plush se waterlose skoonmaakprodukte vandag en geniet die silwerskoon, geurige resultate van elke vee, spuit, skrop of vlekbehandeling. Vir nog inligting besoek www.plush.co.za, @PlushSA (facebook), @Plush_ZA (twitter) en @plush_southafrica (Instagram). NEEM SO DEEL Vul die blokraai in en gebruik die letters in die kleurblokke om die antwoord op die vraag te ontsyfer. SMS “HG” gevolg deur jou antwoord, naam en dorp/stad na 36400. Net een SMS per deelnemer word…

1 Watter planeet is die eerste een wat met ’n teleskoop ontdek is? 2 Waar kom die naam Soweto vandaan? 3 Wie is bekend vir die dagboek wat sy gehou het terwyl sy in Amsterdam vir die Nazi’s weggekruip het? 4 Watter dier se vingerafdrukke lyk nes ’n mens s’n? 5 Wat word donderstormwolke genoem? ANTWOORDE 1. Uranus 2. South Western Townships 3. Anne Frank 4. Koalas 5. Cumulonimbuswolke BRONNE PARENTS.COM, BBC.COM, TIMESLIVE.CO.ZA, IOL.CO.ZA, THEGUARDIAN.COM, DOGONEWS.COM, RUNNERSWORLD.COM, BRITANNICA.COM, SAHISTORY.ORG.ZA, NEWSFORKIDS.NET, APNEWS.COM, ALJAZEERA.COM…

LOUIS COSSA (26) @LOUISCOSSA 168 000 FOLLOWERS 1,6 MILJOEN LIKES Louis van Soshanguve in Pretoria het ’n nasionale diploma in misdaadondersoek en werk op die oomblik vir sy familie se konstruksiemaatskappy terwyl hy werk soek in sy veld. Hoe hanteer jy negatiewe kommentaar op TikTok? “Ek bly positief op TikTok en vermy konflik. Ek probeer om nie te emosioneel op die platform te raak nie. Wanneer ek dus met negatiwiteit te doen het, gebruik ek die platform se blokfunksie om negatiewe mense te blok. Ek hou net dié mense wat net so positief soos ek is.” BRANDON VALJALO (22) @BRANDONVALJALO 15 600 FOLLOWERS 303 000 LIKES Brandon is ’n professionele skaatsplankryer van Johannesburg. Hy is deel van Suid-Afrika se Olimpiese skaatsplankspan en is tans besig om aanlyn bemarking te swot.…

NET ’n lepel vol kasterolie en jy is weer so reg soos ’n roer, lui die boereraat. Hoewel die olie niks lekker proe nie, is dit een van die eerste dinge waarna baie oumas reik as jy maagpyn het nadat jy te veel van hul lekker suikerkoekies geëet het. Grootmense gee dit soms vir kinders vir kwale, maar jy moet dit egter nie sommer self drink nie. Kom ons kyk waar dié towerolie vandaan kom. HABITAT EN VERSPREIDING Die kasterolieplant, wat inheems aan tropiese Afrika is, groei dwarsdeur die warmer gebiede van die wêreld en word hoofsaaklik in Indië, Brasilië en China verbou, veral as bron van kasterolie. Dis ook volop langs slote, waterlope, vloedvlaktes en langs paaie, ook in Suid-Afrika. ONVOLWASSE VRUG Die vrugte is trosse bolvormige en doringrige…

Sharon Stone se nuwe outobiografie, The Beauty of Living Twice, beloof om sappige leesstof te wees. In ’n uittreksel wat pas uitgereik is, skryf die aktrise sy is geflous om haar onderklere uit te trek vir die stomende ondervragingstoneel in die 1992-rillerfliek, Basic Instinct. “Daar is aan my gesê: ‘Ons kan niks sien nie.’ Ek het net nodig dat jy jou broekie uittrek, want die wit weerkaats die lig sodat ons weet jy het ’n broekie aan’,” skryf sy. Sy het ook vertel hoe sy daardie toneel die eerste keer gesien het in ’n vertrek “gevul met prokureurs en agente, waarvan die meeste niks met die projek te doen gehad het nie”. Volgens Sharon (63) het sy “na die projeksiekamer gegaan, die regisseur Paul Verhoeven deur die gesig geklap, na…

Meadow Walker, die dogter van die akteur Paul Walker wat in 2013 in ’n motorongeluk dood is, maak opgang in die modebedryf. Nadat sy vroeër vanjaar ’n kontrak met DNA Model Management onderteken het, het die model onlangs haar loopplankdebuut vir Givenchy by die Paryse Modeweek gemaak. Die 22-jarige skoonheid het ’n foto gedeel van haar op die loopplank – en lede van die Fast and Furious-rolverdeling was omtrent trots. Paul se silwerdoekvrou, die aktrise Jordana Brewster, het gereageer met ’n mic-drop-emoji – wat beteken sy is báie beïndruk. En Game of Thrones se Nathalie Emmanuel, wat in die laaste drie F&Fflieks ’n hoofrol vertolk het, skryf: “So trots op en opgewonde vir jou, engel!” Dis duidelik dat haar pa se voormalige medesterre hulle oor haar ontferm. ’n Paar maande…

DIT is die laaste ding wat ’n mens sou verwag in die kraamsaal waar ’n baba pas gebore is. Absolute stilte. Die Kaapse egpaar Ashlea en Paul Myson wag gespanne om hul nuwe dogtertjie die eerste keer te hoor skree, ’n aanduiding dat sy fris en gesond is. Maar klein Stella is stil. Genadiglik is sy gesond gebore, stel die dokter haar ouers gerus. Sy lyk heeltemal wakker. Maar die dogtertjie is tjoepstil. Is haar keel dalk gekneus omdat die naelstring te styf om haar nek gedraai was, wonder iemand. Die dokter loer, maar dit lyk nie so nie. Ma en pa gaan huis toe met hul nuwe baba, en alles verloop soos dit moet met ’n pasgebore baba in die huis. Maar die dae gaan verby en die stilte…

OUPA JOL MET ANDER VROUE VEk wil net weet wat staan my te doen. Ek en my man is al langer as twee dekades getroud en het pragtige kinders en ’n kleinkind. Hy jol nou al so lank as wat ons getroud is met ander vroue. A, SMS ANie alle verkullers is dieselfde nie. Party sal ’n vriendskap aanknoop wat ’n affair word, en later erken dit was ’n fout en dit beëindig. Maar gewoonteverkullers kan jare en selfs dekades lank ’n rits affairs hê sonder om opreg daaroor jammer te wees of te erken hulle het ’n fout gemaak. Hulle is bewustelik of onbewustelik daarop uit om hul huweliksmaats te verkul. Soos met enige ontrouheid is daar geen regverdiging of verskoning daarvoor nie. Dit lei tot ondenkbare lyding vir…

Besoek ons webtuiste, huisgenoot.com, vir ’n daaglikse horoskoop. BUL 20 APR – 20 MEI Dit is tyd dat jy jou ’n bietjie van die wêreld onttrek om jou batterye te kan herlaai. Dit sal ’n uitstekende tyd wees om met ’n droomdagboek of iets soortgelyks te begin om meer in voeling te kom met jou onderbewuste. Slaapterapie is dalk net wat die dokter vir jou aanbeveel, al beteken dit meer pajamadae as gewoonlik. Daar is niks waarvan ’n tipiese Bul meer hou as om op die rusbank te lê nie. GELUKKIGE NOMMERS 18, 48, 30, 32, 41, 3 TWEELING 21 MEI – 20 JUN Jou heersende planeet, Mercurius, beweeg die dinamiese maar ongeduldige Ram binne. Dit dui daarop dat jy dalk impulsiewer as gewoonlik sal voel. Bespreek jou idees en…

IE Verenigde Nasies (VN), die organisasie wat bestaan uit amper al die lande van die wêreld wat saam probeer besluite neem vir almal se beswil, het onlangs onthul dat die hoeveelheid kosafval op die aarde aansienlik meer is as wat ’n mens sou verwag. Dis ’n lang manier om te sê mense mors kos. Die VN-verslag skat die wêreld mors omtrent 1 miljard ton kos per jaar. Hulle sê dis amper 20% van al die kos wat per jaar op aarde vervaardig word. Dit sluit kos in wat deur privaat huishoudings, restaurante en winkels weggegooi word en net op ’n ashoop lê en vrot. Soms is dit ook kos wat verval het – dis veral ’n probleem in arm lande waar mense nie altyd yskaste het om kos langer vars…

JUSTIN BIEBER HET HAAR ONTDEK Madison (22) het beroemd geraak nadat die Biebs ’n YouTube-video van haar op sy Twitterblad gedeel het waarin sy Etta James se treffer “At Last” sing. Die video het viral gegaan en nou is dié New Yorkse meisie ’n superster. SY STAAN OP TEEN BOELIES Sy’t onlangs op Twitter gesê dit maak haar gevoelens seer wanneer mense lelike goed van haar op TikTok skryf. “Dink asseblief voor jy praat,” skryf Madison, wat al jare lank ’n stryd met haar geestesgesondheid het. “Dis hartseer om te sien hoe party mense hulle in die sosiale media gedra. Dit is so aggressief en harteloos en dis iets waaraan ek nooit gewoond sal raak nie.” Lees in ons raad-afdeling hoe om boelies op TikTok vas te vat. SY’S ’N…

1. Jy besluit watter kommentaar jy wil sien Met die nuwe Filter All Comments- funksie kan jy besluit watter kommentaar by jou video’s wys. So kan jy besluit wat jy wil hê ander mense moet sien en boelies uitsluit. 2. Dink voor jy iets sê TikTok wil jong mense op die app aanmoedig om mekaar met respek te behandel. ’n Nuwe boodskap flits deesdae op jou skerm en vra jou om weer te dink voor jy lelike kommentaar op iemand se video’s wil skryf. Dit herinner TikTokkers aan die app se reëls en gee jou die kans om jou kommentaar te verander voor jy dit deel. 3. Ken die feite voor jy iets deel Heelwat video’s wat aanlyn opduik, bevat verkeerde inligting, van enigiets soos die covid-19-inentings tot rassekwessies. TikTok…

Gekkedag Die woorde onder is horisontaal, vertikaal of skuins en vorentoe of agtertoe in die rooster versteek. Soek en omkring dit. Verbind die kolle Kry die ballon Gekkedag val op die eerste dag van April. Dit is tradisie om op hierdie dag poetse te bak, soos om vir ’n vriend te sê sy veters is los of hom iets lafs te laat doen. Soek 10 verskille Knip en plak Knip die stukke uit en skuif dit rond sodat dit soos die hanswors hier onder lyk. Plak dit dan net so op ’n stuk papier vas. Soek twee eenderse hansworse Tel die balle Vul die antwoorde hier in Watter skaduwee pas by wie? ANTWOORDE Watter skaduwee pas by wie? 1-C, 2-H, 3-E, 4-G, 5-F, 6-B, 7-A, 8-D.…

PULANE SEKEPE “Ek is maar ’n cheapie!” bieg dié aanbieder van die geldsakeprogram Geldhelde op VIA. “Die duurste ding wat ek gekoop het met my eerste salaris, was ’n sonbril.” MINKI VAN DER WESTHUIZEN Dié TV-aanbieder en model het meer as 20 jaar gelede haar eerste salaris verdien en kan nie meer onthou watter luukse item sy gekoop het nie. Toe Minki in 2016 die aanbieder van die maatsoekreeks Boer soek ’n vrou geword het, het dié ma van drie besluit om haarself te bederf. “Met my eerste Boer soek ’n vrou-salaris het ek ’n houtkas vir ons huis gekoop.” MARGUERITE VAN EEDEN Die aktrise het in 2016, kort nadat sy die fliek Vaselinetjie geskiet het, haar eerste salaris gebruik om ’n kunswerk van die aktrise Greteli Fincham van Alles…

Hoekom word die oorplanting gedoen? Beenmurgoorplantings – oftewel stamsel-oorplantings soos dit vandag bekendstaan – kan deurslaggewend wees vir die oor-lewing van ’n lyer aan akute miëloïede leukemie, soos Theuns Jordaan. Dié soort kanker ontwikkel in die bloedvormende selle van die beenmurg en laat “ongesonde witbloedselle” vorm wat al die ander bloedselle verdring, verduidelik prof. Michael Herbst, ’n gesondheidspesialis verbonde aan die Kankervereniging van Suid-Afrika. “’n Stamseloorplanting maak dit potensieel moontlik vir die beenmurg van die pasiënt om gesonde witbloedselle te vervaardig.” Maar wat presies is beenmurg? “Dis die sponsagtige weefsel in ’n mens se beenstruktuur wat stamselle produseer,” sê Michael. “Stamselle groei en ontwikkel eindelik tot een van drie soorte bloedselle – witbloedselle wat die liggaam teen infeksies beskerm, rooibloedselle wat die liggaam van suurstof voorsien en plaatjies wat bloed…

KITS-GEMARINEERDE OLYWE GENOEG VIR 6-8 MENSE AS ’N HAPPIE BEREIDING: 10 MIN. MARINEER: OORNAG OF 2-3 DAE Dreineer 400 g olywe en pak in ’n fles of glasbak. Sny 2 wiele fetakaas in blokkies en voeg by die olywe. Skil en kneus 6 knoffelhuisies en voeg saam met ’n paar takkies vars tiemie, 15 ml (1 e) droë origanum, die skil van 1 suurlemoen en 125 ml (½ k) olyfolie by die olyfmengsel. Meng liggies, seël goed en laat minstens oornag of 2-3 dae in die yskas marineer. SPINASIE-DOLMADES LEWER ONGEVEER 8-10 DOLMADES BEREIDING: 20 MIN. GAARMAAK: 30 MIN. VULSEL ◗ 30 ml (2 e) olyfolie◗ 2 rooi-uie, fyngekap◗ 2 knoffelhuisies, fyngekap◗ 375 ml (1½ k) langkorrelrys, afgespoel◗ ’n knippie sout◗ sap en gerasperde skil van 1 suurlemoen◗ 15 ml…

JY HET dalk jou inkomste verloor weens die pandemie, maar jy het darem nog ’n bietjie spaargeld. As jy dit tog net drasties kan vermeerder … Wees ekstra versigtig as dié beskrywing jou pas, want jy is lokaas vir swendelaars. Hulle weet maar alte goed: Desperate mense val makliker vir vals geldmaakstories. In hierdie moeilike ekonomiese tye weens die coronaviruskrisis gedy piramideskemas soos ’n virus. Hier is vyf gevaarligte wat kan aandui jy het moontlik met ’n piramideskema te make. Doen dan eers behoorlik jou navorsing. 1 ‘HOE MEER LEDE JY WERF, HOE GROTER JOU INKOMSTE’ ■ Die skema verkoop produkte, maar jy kan selde genoeg daaruit maak. Om meer te verdien, moet jy nuwe lede werf en ook kommissie verdien op wat hulle verkoop. Oor die algemeen moet jy…

MEISIE OP DIE STRAND ABEL KNOBEL ’n Sielvolle enkelsnit in ’n poëtiese storievertellingstyl. Ná sy deelname aan die eerste seisoen van die talentsoekreeks The Voice SA in 2016 het Abel ’n kontrak losgeslaan om ses maande lank in hotelle in Spanje op te tree. Op sy 25ste verjaardag, in September daardie jaar, sit Abel eensaam en hartseer op ’n strand met sy kitaar. Hy is op soek na ontvlugting en worstel met die emosies van verlange na sy familie en vriende. Hy wou net terugkom huis toe, maar sy werkkontrak het hom vir eers in Spanje gehou. Dis toe dat hy die meisie op die strand ’n ent verder opmerk, sê hy. “Ek het haar in die verte sien sit en kyk na die horison, en daardie prentjie het my…

NO. 2381 As jy vashaak, kan jy gerus ander lesers se raad vra op ons Facebookblad met die naam Huisgenoot Blokraaie. WEN ’N GESKENKPAK VAN SOiL PLUS KOM IN AANMERKING VIR DIE MAANDELIKSE TREKKING VAN R1 000. VRAAG: Watter musiekinstrument is ter sprake? Hierdie week wen een leser ’n aromaterapiegeskenkpak van SOiL ter waarde van R500. SOiL se vlugtige olies is hoogs gekonsentreerde, geurige ekstrakte van plante. Om die aromatiese olies te verkry word die blare, blomme, vrugte of wortels stoomgedistilleer of koudgepers. SOiL se vlugtige olies is 100% suiwer en organies gesertifiseer. Besoek www.soil.co.za vir ’n gids oor waarvoor die olies help. Die olies kan op SOiL se webtuiste bestel word. NEEM SO DEEL Vul die blokraai korrek in, skryf die letters in die kleurblokke neer en gebruik dit om…

Dié Amerikaanse danseres, aktrise, sangeres en YouTube-ster is in 2020 as een van die tydskrif Time se 100 invloedrykste mense aangewys. Maar hoe goed ken jy dié 17-jarige voormalige Dance Moms-superster met die kenmerkende strikke in haar lang blonde hare? Toets jou kennis! 1 SAAM MET WATTER STER SE DOGTER HET JOJO IN 2019 ’N YOUTUBE-VIDEO GEMAAK WAT TOT NOU TOE AL MEER AS 43 MILJOEN KEER GEKYK IS? A: Kylie Jenner se dogter, Stormi Webster B: Kim Kardashian se dogter North West C: Cardi B se dogter, Kulture Kiari Cephus 2 WATTER AMERIKAANSE RAPPER WAS ONLANGS IN DIE MOEILIKHEID OOR HY JOJO SE NAAM OP ’N SLEGTE MANIER IN EEN VAN SY LIEDJIES GEBRUIK HET? A: DaBaby B: Travis Scott C: Drake 3 WAT IS JOJO SE BYNAAM? A:…

MET oorgroot tasse, blink skoolskoene en vrolike haarlinte het graadeentjies in Februarie landwyd vir hul eerste dag in die “grootskool” aangemeld. Weens die covid-19-pandemie was die haasbekkies se maskers natuurlik ook byderhand, maar dit het nie gekeer dat hulle hul skoolloopbaan met moed aandurf nie. Om dié mylpaal te vier, het Huisgenoot in samewerking met Ackermans ’n fotokompetisie gehou. Honderde inskrywings het ingestroom, en daarna kon lesers na hartelus aanlyn vir hul gunstelinge stem – en hulle hét, want meer as 210 000 stemme is eindelik in die My Graadeentjie-kompetisie uitgebring. Die eerste prys is ’n kontantbewys ter waarde van R6 000 van Freedom Stationery. Van die ander pryse het Pritt-geskenkpakke en Toughees-skoolskoene ingesluit. Tien gelukkige lesers wat vir hul gunstelinggraadeens gestem het, stap ook elkeen met ’n R1 000-koopbewys…

IS DAAR enigsins ’n bekende wat hul voete platter op die aarde het as Jennifer Garner Geen glansryke uitrustings vir haar wanneer sy sommer net gaan inkopies doen nie. Sy gaan gereeld kerk toe, is ’n toegewyde ma, ondersteun haar familie wanneer hulle haar nodig het – en nou het sy ruiterlik erken dat haar figuur ná die geboorte van drie kinders nog nooit weer dieselfde was nie. “Ek kan baie hard werk en baie fiks wees, en ek sal steeds lyk soos ’n vrou wat drie babas gehad het; dit sal altyd so wees,” het Jennifer (48) in ’n podsending, Happy Mum, Happy Baby, aan die aanbieder Giovanna Fletcher gesê. “Daar is party merkwaardige vroue wie se lyf eenvoudig na daardie slanke heupe en plat magie terugkeer, al het…

‘Dit het my goed laat voel wanneer vreemdelinge dink ek is ’n seun’– ELLIOT PAGE SO VERTEL Elliot Page in ’n emosionele onderhoud met Time Magazine oor sy besluit om sy transgender-identiteit te onthul. Die ster van die reeks Umbrella Academy vertel hoe hy as kind soos ’n seuntjie gevoel het. “Ek wou ’n seun wees,” sê hy. Op 10 het hy sy eerste professionele rol gekry as ’n meisie in die televisiereeks Pit Pony. Namate sy sukses toegeneem het danksy Hard Candy in 2005 en Juno in 2007, was daar skielik tydskrifvoorblaaie en rooitapytverskynings. “Ek het nooit myself herken nie. Ek kon ’n lang ruk nie eens na ’n foto van myself kyk nie,” sê hy. Die coronakrisis was ’n keerpunt en het hom gedwing om selfondersoek te doen.…

Micheál Richardson het maar pas ’n tiener geword toe sy ma, Natasha Richardson, meer as ’n dekade gelede oorlede is. Onlangs het Micheál, die seun van die veteraanakteur Liam Neeson (68), sy hartseer oor die verlies van sy ma gedeel. Natasha (45) is oorlede weens bloeding op die brein nadat sy gedurende ’n skivakansie in Quebec, Kanada, geval en haar kop gestamp het. “Dit was so skielik,” het Micheál aan The Times gesê. “So ’n fratsongeluk mors met jou kop, of jy nou in die noodlot glo of nie. Dit kan jou verward maak; daarom klou jy net aan die herinneringe vas. “Ek was kleintyd ’n mamma-seseuntjie en sy was my beste vriendin.” “Soos haar lag, haar energie in enige vertrek of haar kookkuns. “Ek wens ek kon net ’n…