Innehållsförteckning för 29 Apr 2021 från Huisgenoot

1 ‘EK SOEK NOG STEEDS ’N MAATJIE’ Boer Kobus van Boer soek ’n vrou ontken dat hy nie ernstig daaroor was om liefde in dié maatsoekprogram te vind nie, ná kwaai kritiek van kykers Al probleem met Kobus is dat hy ná sy vrou se dood nog nie genees het nie. Hy soek sy vrou in ander vroue, en dis nie maklik nie. Die regte vrou vir hom sal nog op die regte tyd kom. Sterkte, Kobus. SUSAN Susan, ek moet heelhartig met jou saamstem. Ek verstaan nie hoekom mense nou skielik so lelik is met boer Kobus nie; dit is baie duidelik dat hy nog nie oor sy vorige vrou is nie. En dis mos sy goeie reg. BT ZIETSMAN BT Zietsman, ’n mens kom nooit regtig oor jou…

AS DIE liefde blom, kan niks dit keer nie, nie eens droogte, oorstromings, plae of ’n pandemie nie. Vir die liefde was dit duidelik ’n goeie oesjaar, want vyf van die top-10-boere in die afgelope 13de seisoen van Boer soek ’n vrou het hul droomvrou ontmoet. Maar hoe het die paartjies se liefdespad verloop sedert die kameras ná die verfilming van die kykNET-reeks ophou rol het en die laaste episode onlangs uitgesaai is? HG het gaan vasstel. NIEL (33) EN CHEREZE (29) Hulle het saam gekyk na die laaste episode van Boer soek ’n vrou hier in die plaashuis buite Prince Alfred Hamlet in die Warm Bokkeveld waar Niel in Januarie vanjaar kom nesskop het. En hulle kon nie anders as om ’n traan weg te pink toe hulle sien…

VERBEEL jou jy gaan hospitaal toe om te kraam en jy kom huis toe met ’n nuwe long. Die laaste ding wat Mbali Mbatha (27) voorsien het toe sy vir haar dogter se geboorte hospitaal toe is, was dat sy mediese geskiedenis sou maak. Sy het senuagtig gewag dat hulle haar in die saal instoot vir ’n keisersnee. Die feit dat sy pas van covid-19 herstel het, het die situasie senutergender gemaak. Maar die blydskapstrane was vlak toe haar dogtertjie haar opwagting maak En daar eindig Mbali se herinneringe. Die volgende wat sy onthou, is dat sy bygekom het – verward, want sy het nie die vertrek herken nie. Min het sy toe besef twee maande het verloop en in dié tyd het sy Afrika se eerste begunstigde in ’n…

TREND 1 Ski-modes Die trend Op soek na inspirasie vir jou wintervoorkoms? Jy hoef nie verder as ski-modes te soek nie. Of jy nou uitgaan of ’n broodnodige wegbreek tydens die covid-19-pandemie geniet, maak seker jy lyk op jou beste en bly snoesig in die winter se grootste trend. Modebewustes het wegbreekmodes deel van hul alledaagse styl gemaak. Rond jou wintervoorkoms af met pofbaadjies en donsige items om die ski-oordvoorkoms te kry. Dra dit so Kies monochrome kleurskemas en pofbaadjies vir ’n winterwegbreekvoorkoms. Kies items in sjerpa-pluisstof en leer, en dra dit saam met hemde, knooptruie en warm tops. Jy kan dit ook saam met ’n sweetpakbroek dra vir ’n ontspanne voorkoms, of saam met hemde en ligte lae soos hier vir ’n klassieke gevoel. TREND 2 Langmourokke met motiewe…

Dit kan moeilik wees om die regte woorde te vind wanneer iemand wat jy ken ’n miskraam gehad het. Jy is dalk bang jy sê die verkeerde ding en dink dan dit is beter om eerder niks te sê nie. As jy sukkel om die regte woorde te formuleer, is hier ’n paar wenke. Moenie dít sê nie ■ “Ten minste weet jy jy kan swanger raak.” ■ “Dit was nog nie ’n regte baba nie.” ■ “Dit het om ’n bepaalde rede gebeur.” ■ “Dis alles deel van God se plan.” ■ “Dit was net nie so bestem nie. ■ “Probeer weer – om nog ’n kind te hê sal die pyn ligter maak.” Doen eerder dít ■ Erken die verlies. Baie mense sê dit help as hul verlies…

PUNTE A Almal D Dwelms G Geweld Gr Gruwel N Naaktheid O Ouerdiskresie S Seks T Taal V Vooroordeel WAAROOR GAAN DIT? Hierdie stilweg verpletterende fliek wat tereg vir ses Oscars benoem is, gaan oor ’n 80-jarige man (Anthony Hopkins; die karakter is na hom genoem) wat alleen in Londen woon. Sy liefdevolle maar angstige dogter, Anne (Olivia Colman van die trefferreeks The Crown), verhuis na Parys en probeer hom oortuig dat hy weens sy verswakkende geestestoestand ’n versorger nodig het, maar Anthony weier. Met die aanpassing van sy eie gevierde Franstalige toneelstuk saai die regisseur Florian Zeller twyfel by kykers: Verloor Anthony werklik sy greep op die werklikheid of is iets onheilspellendes aan die gang? Maar namate gebeure vertroebel en onbekende mense in Anthony se huis verskyn, besef jy…

1 Skemerdans is Showmax se eerste oorspronklike Afrikaanse reeks. 2 Dit was ’n uitdaging om tydens die pandemie te skiet, sê Ephraim Gordon, ’n mederegisseur van die reeks. “Ons het die reeks geskryf met die oog op Club Galaxy, maar nie geweet of ons daar sou kon skiet nie. Toe covid-19 toeslaan, moes die klub sluit, wat die perfekte ruimte vir die wêreld van Skemerdans geskep het.” 3 Die reeks is meestal tussen skemer en sonop geskiet. 4 Club Galaxy, waar baie van die drama afspeel, is ’n ikoniese deel van Kaapstad se naglewe, sê die reeksskrywer, Amy Jephta. “Almal wat ek ken, het hul jeug in Galaxy deurgebring, of hul ouers het. My oupa het daar gejol. Dis ’n instelling.”…

ARENDSVLERKE VIR SIEBERT Deur ELSA WINCKLER (LUCA, R270) Wat was die impetus vir jou nuwe boek? Die uitgewer het my so twee jaar gelede genader met die idee om ’n storie oor verslawing te skryf. Dis so geheel en al buite my gemaksone, ek was nie seker of ek dit kon doen nie. Ons ken mense wat die pad stap met kinders wat met verdowingsmiddels deurmekaargeraak het en ek het net geweet dis ’n moeilike, nimmereindigende pad. Ek dink wat my veral gemotiveer het, was om vas te stel of daar tog omdraaikans is, of daar wel hoop is. Ek het geweet ek kon die boek nie uit die perspektief van die verslaafde skryf nie en het besluit om die ma se perspektief te gebruik. In die storie moet Katinka…

VERKUL Blondine 1: “My ou het my verneuk.” Blondine 2: “Nee! Watter een?” L. SAAYMAN, SABIE GOEIE REDE Werkgewer: “Hoekom het jy jou vorige werk verloor?” Aansoeker: “Om gesondheidsredes.” Werkgewer: “Wat was verkeerd?” Aansoeker: “My baas het siek geword vir my.” COLLEEN, NELSPRUIT GLADDE MOND My dogter wou ’n lening teen my testament maak. Sy het my daarvan probeer oortuig dat dit net ’n korttermynlening sal wees … WOLLIE, PRETORIA APRILGRAP Vir Gekkedag het ek my man se oogdruppels met wondergom vervang. Hy kan nou nog nie vir my kyk nie. HEIDI, SASOLBURG GOEIE TOETS V: Wat het Eva vir Adam gesê toe hy een aand laat by die huis kom? A: “Waar was jy? Kom hier dat ek jou ribbebene kan tel.” JEAN, KAAP PLATSAK Jakkie is ’n arm…

FOTOBLOKRAAI NO 2 131 As jy vashaak, kan jy gerus ander lesers se raad vra op ons Facebookblad met die naam Huisgenoot Blokraaie. WEN ’N GESKENKPAK VAN FOUR COUSINS VRAAG: WATTER EILANDGROEP IS TER SPRAKE? Die wenner ontvang ’n geskenkpak met Four Cousins-wyn ter waarde van R500. Four Cousins, een van Suid-Afrika se mees geliefde handelsmerke, het onlangs hul reeks uitgebrei na ’n edelkultivarreeks wat ’n Chardonnay met sitrus- en ligte vanieljegeure insluit. Dit is by Makro, Ultra Liquors en Spar of aanlyn by www.fourcousins.co.za beskikbaar. NEEM SO DEEL Vul die blokraai in en gebruik die letters in die kleurblokke om die antwoord op die vraag te ontsyfer. SMS “HG” gevolg deur jou antwoord, naam en dorp/stad na 36400. Net een SMS per deelnemer word toegelaat. Net mense binne SA…

VIR die meer as ’n miljard Moslems wêreldwyd is die maand Ramadaan heilig. Die maand verteenwoordig ’n tyd van opoffering, en Moslems wy hul tyd aan gebed en vas toe. Gesonde volwassenes en kinders ouer as 14 jaar vas van sonop tot sononder – dit beteken hulle eet of drink nie in hierdie tyd iets nie. Hulle eet dus niks gedurende die ure van die dag wanneer die son skyn nie. Uitsonderings word gemaak vir siek en bejaarde mense, asook swanger vroue en jong kinders. Ramadaan herdenk die maand waarin die Koran (die heilige boek vir Moslems) die eerste keer aan die profeet Mohammed, ’n leier en stigter van die Islamitiese geloof, geopenbaar is. Die heilige maand begin sodra die sekelmaan ná ’n nuwemaan gesien word en eindig 27 of…

HOW MANY WAYS CAN YOU SAY GOODBYE? Deur REFILOE MOAHLOLI Dié boek is perfek as jy ’n nuwe woord uit elk van ons land se 11 tale wil leer ken. Refiloe vertel ’n pragtige storie oor 11 vriende wat in ’n lugballon op pad huis toe is. Wanneer elkeen van hulle by hul huis stop, sê hulle tot siens in hul eie taal. Jy gaan leer dat tot siens nie die einde beteken nie, maar die begin van toekomstige ontmoetings en nuwe vriendskappe. Die boek het ook ’n unieke QR-kode wat jy kan scan as jy te moeg is om die boek te lees, dan kan jy luister hoe Refiloe die boek vir jou voorlees. WAT WERNER DOEN MET SY DRIE MILJOEN Deur TERTIUS JANSE VAN RENSBURG Werner en sy…

'DAR is ’n enorme spike in egskeidings. Vandat die lockdown verlede jaar Maart begin het, is daar is ’n rekordgetal egskeidings in die land. Ons was nog nóóit so besig nie. Gewoonlik is ons besig ná elke Desembervakansie. Dan vir die eerste drie maande van die jaar kry ons heelwat egskeidings wat deurkom. Maar toe gebeur die lockdown, en die probleme wat huwelike dalk voor die tyd gehad het, is nou skielik onder ’n vergrootglas gesit en het erger geword. Mense het van die huis af begin werk, die kinders gaan minder skool toe en paartjies sit saam vas in die huis. Een kliënt het anderdag vir my gesê dit voel soos om in ’n tronk te wees saam met ’n persoon wat sy nie kan verdra nie. Teen die…

HY HET altyd gespot dat hy vir sy troue “sommer ’n rugbyveld wil uitboek” en ’n spitbraai wil hou. En op Hugo Ludik en sy bruid, Danieka du Plessis, se groot dag het sy wens toe sowaar waar geword – wel, op 'n manier … “Alles was in die buitelug. Die seremonie en die onthaal is op ’n groot, oop gras-perk gehou. Ek het toe soortvan my rugbyveld gekry,” sê die sanger van Adamfaam met sy pragtige vrou met haar raafswart hare aan sy sy. “Ons is nie mense wat hou van vreeslike fancy gedoentes nie,” voeg Danieka by. “Dit was een van die beste en gelukkigste dae van my lewe.” Die pasgetroudes raak skoon bewoë toe hulle daarvan vertel. Die dag dat hul mooiste drome waar geword het, het…

JLO & A-ROD SE PAADJIES SKEI SOWAT ’n maand nadat die stories begin loop het dat hul verhouding verby is, het Jennifer Lopez en Alex Rodriguez dit oplaas bevestig. “Ons het besef ons is beter as vriende en ek sien uit om dit so te hou,” het die ekse in ’n verklaring aan The Today Show gesê. Maar ondanks die vriendelike trant van hul gesamentlike verklaring lyk dit tog of daar kwade gevoelens is. Kort ná hul aankondiging het die aktrise (51) gehou van ’n Instagram-plasing oor mense wat voorgee hulle gee om oor ander. Nou dink haar aanhangers sy sinspeel op haar eks … “Moenie haar laat dink jy gee om as jy nooit ’n duit oor haar omgegee het nie,” lui die aanhaling wat deur die skrywer Reuben Holmes…

EN DIE BAFTAWENNER IS … Anthony Hopkins – beste akteur vir The Father Frances McDormand – beste aktrise vir Nomadland Nomadland – beste rolprent Bukky Bakray – opkomende ster…

IN DIE 16 jaar van hul getroude lewe het hulle al meer sakke sout saam opgeëet as baie ander egpare in ’n leeftyd. “Kyk, as ek met myself getroud was, het ek myself lankal geskei,” laat hoor Denver Vraagom. Maar agter die akteur se lighartige woorde skuil ’n hartseer waarheid: Sy jare lange stryd teen alkoholisme het al groot druk op sy huwelik en gesinslewe geplaas. En dít terwyl sy vrou, die aktrise Ingrid Paulus, reeds haar hande vol gehad het as die ma van ’n dogter op die outismespektrum. Daarby het sy lank in stilte die skerp kritiek verduur wat haar dikwels as 7de Laan se Vanessa Meintjies aanlyn toegeslinger is. Maar nou is daardie donker dae iets van die verlede. Nie net het Ingrid verlede jaar die aanlyn…

EINDELIK kan Ayanna Williams weer krap waar dit jeuk. Dié vrou van Texas, Amerika, het ’n maand gelede nog sulke lang naels gehad dat sy bitter min met haar hande kon doen sonder dat haar kloue in die pad kom. Toe dit gesny is, was haar vingernaels gesamentlik ’n allemintige 7 m lank – lank genoeg om van vloer tot plafon oor twee verdiepings te strek. In 2017 is sy deur Guinness World Records as die mens met die langste naels aangewys. Sulke naels is nie net moeilik om mee saam te leef nie; dit het ook ’n hele affêre afgegee om dit gesny te kry. Allison Readlinger van Trinity Vista Dermatology in Fort Worth, Texas, moes ’n elektriese draaisnyer gebruik om dit te knip sonder om dit te breek.…

TREND 1 Blinkoog Lyk loopplankgereed met ’n skakering blink romerige oogskadu wat oor jou ooglede getik is. Wenke ■ Nadat jy oogs kadu oor die hele ooglid aangewend het, tik dit aan die binnehoeke van die oë om dit te verhelder. ■ Wend swart oogomlyner op jou wimperlyn aan om te verhoed dat jou oë verlep voorkom. ■ As jy strookwimpers moet dra, hoef jy nie oogomlyner aan te wend nie. Kies wimpers wat natuurlik lyk en nie jou oë oorweldig nie. ■ Ligter kleure soos bleekgoud en silwer werk beter op donker gelaatskleure, en skakerings van pienk en brons is geskikter vir ligter velle. ■ Hou jou wenkbroue se natuurlike voorkoms. As jy dit invul, doen dit liggies. Beproef dít TREND 2 Monochroom Grimering in soortgelyke skakerings verleen ’n…

AFWESIGE PA WIL VERGOED V Ek het in ’n buurt naby my kinders ingetrek. Ek is van hul ma geskei toe hulle tieners was oor ontrouheid aan my kant. Ek is bevrees ek is toe as die “slegte” ouer gebrandmerk. Ek het daarna weggetrek en weer getrou. Hulle kon ’n keuse maak oor waar hulle ná die egskeiding wou bly. Hulle het toe hul ma gekies. Hulle is nou groot. Een het verder gaan studeer en die ander een werk. Die een wil my nie sien nie, maar ek mag haar ten minste bel. Die ander een vermy my op ’n beleefde manier. Ek het gehoop dit sal beter gaan noudat ek geskei is. Hulle verwyt my oor baie dinge soos dat ek niks simpatie met hul siektes gehad het…

ONTMOET DIE FORTUNES DIE PATRIARG Die veteraanakteur Kevin Smith, wat onlangs as die prokureur Hamilton Wolfe in die telenovelle Arendsvlei te sien was, vertolk die rol van Glenn Fortune, die hoof van die Fortune- familie. Die hele gemeenskap respekteer en kyk op na Glenn, maar hy is ongelukkig nie wat hy voorgee nie. Sy huwelik van die afgelope 23 jaar is alsbehalwe volmaak, en sy donker dade spook al jare by hom. DIE WEDUWEE Die aktrise Ilse Klink, wat ook in Arendsvlei vir drama sorg as Dorothy Galant, speel Glenn se vrou, Shireen Fortune. Sy is ’n vegter en het saam met haar man die jazzklub uit niks gebou. DIE MATRIARG Die oud-7de Laner Vinette Ebrahim vertolk die rol van Mercia Fortune, die matriarg van die magtige Fortune-familie. Sy is…

20 APR – 20 MEI Moenie verbaas wees as jy vandeesweek oeserig voel nie, want die son en die planeet van verrassings, Uranus, ontmoet mekaar in jou teken. Jy is van nature ’n besonder bestendige en kalm mens; dus is daar geen rede om opgewonde of histeries te raak nie. As jy jou voorgeneem het om veranderings in jou loopbaan te maak, is dit dalk net die stukrag waarop jy gewag het. Ingrypende verandering is nie jou styl nie, maar oorwoë stappe is beslis. GELUKKIGE NOMMERS 4, 38, 10, 34, 11, 21 TWEELING 21 MEI – 20 JUN Wanneer jou planeet, Mercurius, eers vandeesweek jou teken binnegaan, simboliseer dit dat ’n tydperk van beperking tot ’n einde kom. Sien dit as ’n konsep en nie ’n werklike situasie nie en…

Klere-woordraaisel Die woorde onder is horisontaal, vertikaal of skuins en vorentoe of agtertoe in die rooster versteek. Soek en omkring dit. Soek ook ’n item wat sakemanne gewoonlik dra. Tel alles Wie pas by watter voertuig? Soek die sokkies se maats Knoop toe! Watter knoopprente pas by mekaar? WENK Jy kan die prente uitknip en dit dan rondskuif om te kyk watter by mekaar pas. Watter skaduwee pas? Kan jy sê watter werk elkeen doen? Watter item dra jy waar? ANTWOORDE Soek die sokkies se maats A-8, B-4, C-5, D-6, E-7, F-1, G-2, H-3. Knoop toe! 1-10, 2-6, 3-9, 4-14, 5-8, 7-16, 11-13, 12-15. Tel alles A-3, B-7, C-5. Wie pas by watter voertuig? A (boorman) - 4 (boormasjien), B (ruimtevaarder) -3 (vuurpyl), C (matroos) -1 (boot), D (huurmotorbestuurder) -2…

SOMMIGE mense sal dalk dink daar’s ’n slang in die gras by die 16-jarige Christon Kriel se ouerhuis op Bethlehem. En hulle is nie eintlik ver verkeerd nie … Dié Oos-Vrystaatse tiener is die trotse mensema van nie minder nie as 36 slange – en sy sê hulle is g’n niks grillerige gediertes nie – hulle is haar geliefde troeteldiere. Gelukkig behoort jy hulle darem nie letterlik in die gras raak te loop as jy die Kriels besoek nie: Hulle word veilig in hokke in ’n ou motorhuis aangehou. Tog wil-wil jy hoogtrap soos ’n reier op dié werf waar die koudbloediges koning is. Christon steur haar egter nie veel aan mense wat gril vir haar sissende, seilende kinders nie. Die reptiele, wat 29 luislange insluit, is haar passie en…

‘BINNELANDERS’-STER TROU Hulle moes verlede jaar twee keer hul troue uitstel. Maar nou is die Binnelanders-akteur David Konrad en Chantel Nilson eindelik man en vrou. En hy spog boonop met haar van! Die akteur heet nou David Konrad Nilson. Hul oorspronklike troudatum was in Maart 2020, maar toe word die inperking aangekondig – net drie dae voor hul bruilof. Ná ’n tweede uitstel tydens die inperking was die akteur verheug toe hul aanvanklike venue, God’s Gift Events buite Pretoria, ’n opening het vir 10 April. “Dis die datum waarop my ma en pa getrou het en my pa se verjaardag,” verduidelik David. Chantel het gestraal in ’n skepping deur Fynbos Bridal Boutique in Pretoria. “Ek het soos ’n prins in Frozen gevoel. Sy het pragtig gelyk en ek het lekker…

IN DIE dae ná haar man se dood is sy dikwels as stoïsyns beskryf. Koningin Elizabeth is ’n vrou wat die kuns vervolmaak het om haar emosies in bedwang te hou. Tog het die 95-jarige weduwee se gemoed so vol geskiet tydens die begrafnis van haar wederhelf van 73 jaar dat sy nie anders kon as om ’n traan weg te pink nie. Een troos vir haar is dat sy prins Philip se laaste wens vervul het – vir ’n begrafnis met min fieterjasies, maar met ’n duidelik militêre stempel vir dié eertydse vlootoffisier. Prins Philip het op Vrydag 9 April in die ouderdom van 99 in sy eie bed in Windsorkasteel gesterf – die plek waar hy self sy laaste asem wou uitblaas. “Philip was gereed,” het ’n bron…

HEILSAME BULGURSLAAI MET ROOIBOSVINAIGRETTE Rooibostee is heerlik geurig in ’n vinaigrette. Hierdie slaaisous kan boonop vir byna enige slaai gebruik word. Maak sommer ’n groot fles of bottel daarvan en bêre dit tot twee weke in die yskas. GENOEG VIR 4 MENSE AS ’N LIGTE MAALTYD BEREIDING: 15 MIN. GAARMAAK: 10-15 MIN. SLAAISOUS ◗ 125 ml (½ k) olyfolie◗ 60 ml (¼ k) sterk rooibostee, koud◗ 5 ml (1 t) sojasous◗ 5 ml (1 t) vars gemaalde swartpeper◗ 2,5 ml (½ t) droë ment◗ sap en fyngerasperde skil van 1 suurlemoen◗ sout (opsioneel) SLAAI ◗ 375 ml (1½ k) bulgur◗ 15 ml (1 e) olyfolie◗ 250 ml (1 k) gaar sorghum◗ 100 g pekanneute, gerooster en grofgekap◗ 125 ml (½ k) gekapte dadels◗ ’n groot hand vol babakruieof gemengde slaaiblare◗…

KREDIETKAARTE kan voordelig wees mits jy dit gedissiplineerd gebruik. Dit kan jou help om daardie positiewe kredietrekord te bou wat jy vir leningsaansoeke benodig en om onvoorsiene uitgawes te dek. Daar is ook ander voordele, soos geld terug op jou brandstofaankope. Banke se kredietkaartopsies verskil; maak seker jy kies die een wat jou die meeste waarde bied. Oorweeg hierdie vier dinge. 1 BELONINGS EN VOORDELE Stel vas wat en hoeveel jy kry, wat die beperkings is en of jy fooie daarvoor betaal. • Wat kry jy? Dit kan wissel van ’n persentasie op aankope in die vorm van byvoorbeeld punte, rande of afslag. As jy weet wat die randwaarde van belonings is, is dit makliker om te verstaan en gebruik. Belonings wat nie by jou leefstyl inpas nie, byvoorbeeld afslag…

NO 2 385 As jy vashaak, kan jy gerus ander lesers se raad vra op ons Facebookblad met die naam Huisgenoot Blokraaie. WEN ’N GESKENKPAK VAN TANGLED TREE PLUS KOM IN AANMERKING VIR DIE MAANDELIKSE TREKKING VAN R1 000. VRAAG: Watter soort papier is ter sprake? Hierdie week se prys word deur Van Loveren voorsien. Die wenner ontvang ’n geskenkpak met Tangled Tree-wyn ter waarde van R500. Tangled Tree het onlangs hul ekovriendelike reeks na ’n 3 L-kartonverpakking uitgebrei. Die gewilde shiraz het rojale speseryagtige rooibessiegeure en is ’n gehaltewyn uit die Van Loveren-kelder. Beskikbaar by Pick n Pay en Spar of aanlyn by www.vanloveren.co.za. NEEM SO DEEL Vul die blokraai korrek in, skryf die letters in die kleurblokke neer en gebruik dit om die antwoord op die vraag te ontrafel. SMS…

KLEIN-KLEIN AKTEUR “In gr. 5 het my ouma vir my ouers gesê om my na ’n dramavrou, Louise van Niekerk, te stuur om my te help om ’n bietjie meer uit my kas te klim. Die groepklasse het ’n skaam kind gehelp om ’n stem te ontwikkel sodat ander mense hom kan verstaan.” Christopher het so uit sy dop gekruip dat hy op 12 sy eerste fliekrol losgeslaan het – en dit in die rolprent Die ongelooflike avonture van Hanna Hoekom. “Om teenoor Anna-Mart van der Merwe en Gys de Villiers te speel … ’n mens kan nie anders as om verlief te raak op die medium nie.” GROOT GESIN Hy is een van agt kinders. “Ek is die tweede jongste. Ek het ’n ouer halfboetie en twee ouer halfsussies,…

EERS is Ahmad Muaddamani net ’n veraf stem oor my rekenaar se luidsprekers: ’n brose fluistering vanuit ’n versteekte kelderverdieping. Toe ek hom op 15 Oktober 2015 op Skype kontak, was dit al byna drie jaar dat hy laas uit Darayya weg was. Sy tuisdorp, minder as 8 km van die Siriese hoofstad, Damaskus, was ’n sarkofaag, omsingel en uitgehonger deur die regime. Hy was een van 12 000 oorlewendes. Hulle het maande lank onder vuurpyle, silinderbomme en selfs ’n chemiese wapenaanval deurgeloop. Sirië se president, Bashar al-Assad, het die dorp sedert November 2012 beleër. Soos talle ander het Ahmad se familie na die buurdorp gevlug. Hulle het hom gesmeek om saam te kom. Hy het geweier – dit was sy en sy generasie se revolusie. In 2011 was hy…

IN ’N stadium was dit vir hom ’n byna voltydse werk om aantreklik te lyk. Hy het gereeld pigmentasiebehandeling vir sy vel gekry, was pal by die tandarts om sy glimlag skitterend mooi te hou en het sy lyf so gebeitel dat hy later selfs ’n kookboek sonder sy hemp aan kon bemark. Hy moes immers as akteur en model tussen ’n klomp ander brekers uitstaan om werk te kry. “Dit is ’n baie mededingende bedryf: As jy by Kaapse oudisies vir ’n waspoeieradvertensie langs internasionale modelle sit, voel jy heeltyd jy moet maerder en sterker wees en ’n perfekte vel hê,” vertel die akteur Armand Aucamp. Dan erken hy: “Dit was ’n bietjie intens vir my.” Maar die laaste ruk het iets verander. Armand voel gemakliker in sy vlekvrye,…