Innehållsförteckning för 13 May 2021 från Huisgenoot

1 HOEKOM SKEI SO BAIE NÁ DIE INPERKING? In Hierdie Lewe van 29 April gesels ’n egskeidingsprokureur, Bertus Preller, oor die rekordgetal egskeidings in die land en wat hy oor huwelike geleer het Dis gewoon ongesond vir paartjies in enige verhouding om maande lank 24/7 in mekaar se gesig vas te kyk. Ons het almal tyd weg van mekaar nodig, al is dit net die paar uur wat ons elke dag by die werk is. ZUBAYDA Ek geniet dit vreeslik om my man by my te hê. Ons is deur die inperking sonder enige rusies en is net liewer vir mekaar. Ek werk van die huis af, manlief werk nou tot eenuur smiddags, en dis heerlik wanneer hy tuiskom. CINDY Moet nou asseblief nie vir covid die skuld gee omdat…

PORTUGESE SPOGHOENDER Die Portugese kén van speserye! Vir dié resep maak ons ons eie speserymengsel om die hoender te geur. Die lugbraaier verseker dat die hoender sappig bly en die velletjie bros. GENOEG VIR 6-8 MENSE BEREIDING: 10 MIN. MARINEER: OORNAG GAARMAAK: 35-40 MIN. SPESERYMENGSEL 10 ml (2 t) elk komyn-en koljandersaadjies5 ml (1 t) elk gerookte paprika en gewone paprika5 ml (1 t) elk vars gemaalde peper en seesout15 ml (1 e) bruinsuiker BOTTERMENGSEL 125 g sagte botter fyngerasperde skil van1 suurlemoen2 rooi brandrissies, fyngekap (opsioneel)’n hand vol pietersielie, fyngekap5 ml (1 t) vars of droë tiemie HOENDER 1 heel hoender2 knoffelhuisies, fyngedruk5 ml (1 t) seesout’n hand vol vars tiemie of roosmaryn (opsioneel) AARTAPPELS 30 ml (2 e) olyfolie4-6 aartappels, in kwarte gesnygrowwe seesout AFRONDING 1 rooi-ui, in…

Stuur voorstelle vir onderwerpe en versoeke om inligting na geldsake@ huisgenoot.com. Ons kan dalk jou vrae in dié rubriek beantwoord, maar sal nie persoonlik reageer nie. DAAR’S darem ook goeie ekonomiese nuus te midde van die covid-19-pandemie: Die huismark gedy danksy die laagste rentekoers in 50 jaar. Veral eerste kopers gee egter dikwels te min aandag aan die fyner besonderhede van hul koopaanbod. Onthou, op langtermyn kan dit jou finansies beinvloed. Hier is vier dinge wat jy moet weet. 1 WAT IS ’N KOOPAANBOD WERKLIK? Baie mense dink ’n koopaanbod is bloot ’n aanduiding dat jy belangstel, maar dis in die werklikheid ’n bindende kontrak. En wanneer jy dit eers onderteken het, kan jy dit nie sommer verander nie. Daarom is dit uiters belangrik dat die kontrak ’n vervaldatum het.…

OP DIE GROOTSKERM MORTAL KOMBAT Aksie. Met Lewis Tan, Jessica McNamee en Josh Lawson. Regie: Simon McQuoid. 16TG. WAAROOR GAAN DIT? Amper 30 jaar nadat Mortal Kombat die speletjieslandskap vir altyd verander het, kom ’n nuwe fliek wat op dié einste bloedige videospeletjie gegrond is. Aanhangers kan hulle regmaak, want baie van die karakters wat jy uit die videospeletjie ken, is nou op die silwerdoek te sien. Die fliek begin in die 17de eeu in Japan. Sub-Zero (Joe Taslim) en ’n spul Lin Kuei-sluipmoordenaars val Hanzo Hasashi (Hiroyuki Sanada) en sy gesin aan, en sy vrou en seun word vermoor. Hierna spring die fliek na die toekoms waar die Outworld al nege van die 10 toernooie in Mortal Kombat gewen het. As hulle nog een wen, sal dit die einde…

Deur LUCY BELL, vertaal deur FANIE VILJOEN (Human & Rousseau, R189 by takealot.com) Hier is feite wat die hare op ’n mens se kop laat regop staan: ■ 100 000 seediere en omtrent 1 miljoen seevoëls sterf elke jaar omdat hulle in plastiek verstrengel geraak het. ■ Die weggooidoeke wat jy as baba gedra het, sal langer as jy bestaan. ■ Mense koop wêreldwyd meer as ’n miljoen bottels water elke minuut van die dag. ■ Daar word jaarliks omtrent 500 miljard wegneemkoffiekoppies wêreldwyd vervaardig. Elke koppie neem 50 jaar om af te breek. Die nuus oor hoe dit met ons planeet gaan – baie sleg, want kyk net na al die oorstromings en brande en ys wat smelt by die pole en wat nie alles nie – maak ’n…

BUL 20 APR – 20 MEI Stabiliteit beteken vir jou die wêreld, en dit lyk of ’n naby verhouding nou ’n punt bereik het waar jy kan ontspan en vertrou dat sake op koers is. Gevolglik kan jy dit bekostig om meer tyd aan droom en dink oor jou toekomsbegeertes en -wense te bestee – al beteken dit dalk jy dagdroom net. Kragte saamsnoer met ander mense is vir die onmiddellike toekoms gunstig, hetsy in ’n belangstellingsgroep of vriendekring. GELUKKIGE NOMMERS 16, 24, 33, 37, 19, 34 TWEELING 21 MEI – 20 JUN Jy kan ’n verandering in jou lot verwag wat werkgeleenthede betref met dié dat die gelukkige Jupiter hom vandeesweek in jou loopbaanhoroskoop tuismaak. Jy het ’n paar maande om dit in jou guns te laat tel, probeer…

1> Watter soogdier het die langste lewensduur op aarde? 2> In watter jaar het die Titanic gesink? 3> Wat is die naam van Harry Potter se uil? 4> Watter fliek het onlangs die Oscar vir beste animasierolprent gewen? 5> Hoe lank terug het dinosourusse uitgesterf? ANTWOORDE 1. Die baardwalvis – die oudste bekende baardwalvis was minstens 211 jaar oud! 2. 1912 3. Hedwig 4. Soul 5. Sowat 65 miljoen jaar gelede BRONNE HISTORY.COM, NATGEOKIDS.COM, EDITION. CNN.COM, LIVESCIENCE.COM, BBC.COM, DW.COM, GOODNEWSNETWORK.ORG, SCIENCETIMES.COM, SCIENCEDAILY.COM, JPOST.COM, VOCABULARY.COM, NEWSFORKIDS.NET…

As jy verlede jaar ’n pofbaadjie aangeskaf het, kan jy dit gerus weer afstof, want dis vanjaar steeds in die mode. Jy kan geld bespaar deur dit weer vir die koue weer in te span. Dis veelsydig en kan op verskeie maniere gedra word. Dra dit oor ’n oulike trui en rond dit af met ’n denimromp, kouse en stewels. As jou styl meer ontspanne is, kan jy ’n sjiek sweetpak met ’n pofbaadjie en tekkies afrond. ’n Klassieke trui is ’n moet-hê vir die bibberweer. Dit hou jou lekker warm en sal ook seker maak jy lyk stylvol, maak nie saak hoe jy dit dra nie. Kies ’n noupypsweetpakbroek saam met ’n trui en gooi ’n gilet daaroor om jou pelle te wys net hoe cool jou styl nou…

JANETTA BASSON (35), KAASMAKER VAN BLOEMFONTEIN ‘MELKBOERDERY is in my bloed. Sowat 65 jaar gelede het my oupa Otto Conradie die melkery begin. My pa, Jan (65), het daarmee grootgeword. Dit het uiteindelik ook oorgespoel na my, my suster, Maralize, en my broer, ook Otto. Ons het almal hier op die plaas buite Bloemfontein grootgeword. Ek en my gesin bly vandag nog hier. Ek was nooit by die boerdery betrokke tot voor ek begin kaas maak het nie. Dis maar my pa se ding. Dit was een aand in 2017 toe dit my tref dat ek netsowel kan kaas maak want ons het mos die melk. Dit was ná ek tydens aandete ’n blok kaas opgetel en besef het hoe duur kaas regtig is. Daarby is ek van kleins af…

NÁ ’N roemryke loopbaan van meer as ses dekades waarin hy met twee Oscars bekroon en vir nog ses benoem is, sou ’n mens dink Robert De Niro kan op 77 agteroor sit en ontspan. Of as hy wel na ’n rolprentstel terugkeer dit vir ’n droomrol sal wees waarvoor hy eenvoudig nie kan nee sê nie. Pleks daarvan is die veteraanakteur besiger as ooit – en nie omdat hy wil nie, maar omdat hy moet. Hy moet “elke projek aanvaar wat opduik”, sê sy prokureur, Caroline Krauss, wat hom in sy skeisaak verteenwoordig – en dit om vir sy vervreemde vrou, Grace Hightower (66), se voorliefde vir ontwerpersklere en diamante te kan opdok. Die twee, wie se stormagtige huwelik van 21 jaar eindelik in 2018 finaal in duie gestort…

NUWE HAARSTYL Die aktrise Rolanda Marais spog met ’n nuwe haarstyl. “Mal oor my mullet,” vertel sy. GLANSPAARTJIE Die Suidooster-aktrise Vashti Prins en die Arendsvlei-ster Jarrid Geduld is een van ons gunstelingpaartjies. Dié twee koer gereeld vir mekaar in die sosiale media en deel ook foto’s op Instagram van hul avonture. “My minnaar, ek is lief vir jou,” skryf Vashti by hierdie foto. TOT SIENS Die aktrise Desiré Gardner het onlangs ná byna vyf jaar van die kykNET-sepie Suidooster afskeid geneem. “Dis met dankbaarheid en ’n knop in die keel dat ek Carmen vir eers groet. Ek sal altyd my tyd en familie by Suidooster koester en met my hele siel mis,” skryf sy.…

HY IS ná sy lang, seer reis hier op aarde binnekort op pad hemel toe. Dit weet sy ouers. En al is hul hart bitter seer, maak die ouers van Reef Carneson, oftewel “Baby Reef ” soos die dapper Johannesburgse vegtertjie destyds aan die wêreld bekend geword het, gereed om hul lieflingkind te groet. Kort voor Huisgenoot se druktyd was die Carneson-gesin in die stad Newcastle upon Tyne in Engeland – waarheen hul-le in Februarie verhuis het in hul soveelste skuif om hul kind (nou 12) te probeer red – besig met die hartverskeurende taak om afskeid te neem van hom. Want die bittere werklikheid is dat sy stryd teen kanker klaarblyklik byna verby is. Uit Engeland vertel sy ma, Lydia, die gesin is gebroke. Sy en haar man, Ryan…

KLASSIEKE KOMBINASIE Swart-en-wit is tydloos en die perfekte estetika om hierdie seisoen jou grys hare mee te aksentueer. Span verskillende teksture en patrone in die kleurkombinasie in om ’n kragtige stylstelling te maak. MENG EN PAS DIT HIERMEE AARDSE PATRONE Komplementeer jou haarkleur met items in grys en bruin skakerings. Kies ’n subtiele patroon vir andersheid. Dink herfskleure en eksotiese en prettige patrone soos vere, blomme en Asteekse ont-werpe. MENG EN PAS DIT HIERMEE HELDER IN WIT Benut jou grys hare ten volle deur dit die uitstaan-element van ’n wit voorkoms te maak. Dra kraakwit items saam met bonkige militêre stewels en goue bykomstighede vir ’n Grieks geïnspireerde wit-op-wit-kombinasie wat vir enige geleentheid geskik is. MENG EN PAS DIT HIERMEE KLEUR WAT TEL Skakeer jou grys hare naatloos by jou…

A Almal D Dwelms G Geweld Gr Gruwel N Naaktheid O Ouerdiskresie S Seks T Taal V Vooroordeel KASSIEKONINGIN In die 12 seisoene wat sy Penny in die gewilde sitkom The Big Bang Theory gespeel het, was Kaley Cuoco een van die hoogs betaalde akteurs op die kassie. Nou kuier die Amerikaanse aktrise weer in ons sitkamers – dié keer in die donker komediedramareeks The Flight Attendant. Kaley (35) vertolk die rol van Cassie Bowden, ’n lugwaardin wat dikwels diep in die bottel kyk. Sy ontmoet ’n sexy vreemdeling (Michiel Huisman) op ’n vlug. Ná ’n aandjie uit word sy wakker in die verkeerde hotel en bed, met ’n lyk langs haar. Sy het boonop geen idee wat gebeur het nie. Wat volg, is ’n kat-en-muis-speletjie met die FBI. Die…

LOS DEON GROOT ’n Kuier-en dansliedjie gedoop in Deon se unieke uitbundige styl. Die kitare praat hard in ’n tipiese rockgenre met ondertone van bluegrass. Die liedjie gaan oor twee mense wat net ’n aand van kuier en dans wil geniet. Hierdie enkelsnit volg op sy 2019-treffer, “Wyn”, wat meer as 800 000 kyke op YouTube gekry het. KAN NIE MEER WAG FRANCOIS JACOBS Liefhebbers van langarm-sokkiemusiek sal dié sanger se derde enkelsnit baie geniet, veral as jy iemand die hof wil maak en op die ritme van die musiek wil draai en swaai. Die liedjie gaan juis daaroor om daardie persoon se hart te wen; om met alles binne jou te baklei om daardie iemand te oortuig dat julle vir mekaar bedoel is. DANKIE HERMAN KLEINHANS Dit is ’n…

NO. 2 387 As jy vashaak, kan jy gerus ander lesers se raad vra op ons Facebookblad met die naam Huisgenoot Blokraaie. WEN ’N GESKENKPAK VAN NIVEA PLUS KOM IN AANMERKING VIR DIE MAANDELIKSE TREKKING VAN R1 000. VRAAG: WATTER SPANSPORT IS TER SPRAKE? Die wenner ontvang ’n geskenkpak ter waarde van R500 van Nivea. Ontdek die ideale gesigreinigingsroetine met Nivea se nuwe Rose Carereeks met organiese rooswater. Die Nivea Rose Care-reeks is geskik vir alle velsoorte. Nivea Rose Care verwyder grimering en reinig die vel sodat dit heeldag gehidreer en verfris bly. NEEM SO DEEL Vul die blokraai korrek in, skryf die letters in die kleurblokke neer en gebruik dit om die antwoord op die vraag te ontrafel. SMS “HG” gevolg deur jou antwoord, naam en dorp/stad na 36400. Net…

Die Wieg van die Mensdom Hierdie belangrike prehistoriese terrein lê noordwes van Johannesburg. Dit is so ’n belangrike terrein danksy die reusagtige aantal fossiele wat al hier opgegrawe is. Die eerste volwasse Australopithecus is in 1936 hier gekry, en die oudste Oldowaanse gereedskap is ook hier opgegrawe. Die Wieg van die Mensdom is ’n Wêrelderfenisgebied. Blombosgrot Blombosgrot is in die Wes-Kaap geleë naby die dorp Heidelberg. Die grot toon menslike habitasie van tussen 100 000 en 70 000 jaar gelede. Daarna was die grot lank nie bewoon nie, tot moderne mense weer sowat 2 000 jaar gelede daar ingetrek het. Hierdie grot word steeds bestudeer omdat dit soveel inligting oor menslike gedrag bevat. Pinnacle Point Hierdie grot naby die see op Mosselbaai was een van die vroegste plekke waar mense…

HOE OM DIT TE SÊ: ha-bie-TAA-sie Wanneer jy in die natuurwetenskappe van blyplek praat, bedoel jy meer as net die plek. Jy bedoel die hele omgewing, wat die weersomstandighede, plantegroei, dierelewe en baie ander faktore insluit. In die argeologie is daar ’n groot verskil tussen ’n grot waarin mense een keer skuiling gesoek het en een wat aan mense habitasie gebied het. SYFERS 25 miljoen Dis die bedrag in rand ($1,8 miljoen) wat by ’n onlangse veiling betaal is vir ’n paar tekkies, Nike Air Yeezy 1s, wat die rapper Kanye West gedra het. Die swart leertekkies, wat Kanye tydens sy Grammy-optrede in 2008 gedra het, is die eerste paar wat vir meer as ’n miljoen dollar opgeveil is. 40 000 Frankryk beplan om hul burgers ongeveer R40 000 te…

Dié sanger ryg die een treffer ná die ander in DANKIE, DRAKE Giveon (26) se stem kan in twee groot treffers gehoor word – “Heartbreak Anniversary”, wat mense op TikTok laat dans, en Justin Bieber se no. 1-treffer “Peaches”. Maar dis eintlik danksy Drake dat Giveon vandag ’n groot musiekster is. Hy was verlede jaar te hoor in dié rapper se liedjie “ Chicago Freestyle”. Giveon is mal oor Drake. “Ek luister heeltyd na sy musiek,” sê hy. GOUE BARITONSTEM Die sanger se regte naam is Giveon Dezmann Evans. Hy het in Long Beach, Kalifornië, saam met twee broers grootgeword. Hulle is deur ’n enkelma grootgemaak. “My ma het Sondae die huis skoongemaak met musiek op die agtergrond. Dit het my liefde vir musiek laat groei, want dit het my…

1. ………………. van Steven Universe 2. ………………. van We Bare Bears 3. ………………. van Regular Show 4. …………………. van The Amazing World of Gumball 5. ………………….. van Adventure Time 6. ……………….. van Teen Titans Go! ANTWOORDE: 1. Garnet 2. Ice Bear 3. Rigby 4. Darwin 5. Princess Bubblegum 6. Robin…

Die aktrise Lea Vivier is ewe tuis agter die kospotte as voor die televisiekameras. “Om te kook moet altyd ’n sosiale aktiwiteit wees. Ek hou van kosmaak saam met en vir ander mense,” vertel die aktrise, wat nou in die nuwe SABC 2-reeks Die sentrum te sien is. Wanneer Lea onthaal sit sy ’n feesmaal vir haar gaste voor, maar wanneer sy alleen is, is sy gelukkig met ’n sny rogroosterbrood met grondboontjiebotter. 5 bestanddele waarmee jy elke dag kosmaak? Olyfolie, groen groente (soos broccoli en murgpampoen), Spaanse gerookte paprika, grondboontjiebotter en piesang. 4 mense, dood of lewend: Wie sal jy vir ete wil nooi? Nelson Mandela, my twee susters en beste vriendinne, Trix en Meije Vivier, en Meryl Streep. 3 mense wat jy in die sosiale media volg en met wie…

FLORIDA LATIN MUSIC AWARDS NEW YORK POSE S3-PREMIÈRE…

MET sy satynstem en romantiese lirieke het hy vir hom ’n plek oopgesing in die ruim harte van liefhebbers van Afrikaanse musiek – veral dié wat met nostalgie terugdink aan wyle Bles Bridges met sy liefdesliedere en arms vol rooi rose Gerrie Pretorius het bekend geword as die sjarmante sanger wat soos sy ontslape held dikwels ook rooi rose uitdeel terwyl hy tussen die gehoor rondloop en Bles se treffers sing. Maar nou het ook Gerrie se sangstem stil geraak – en waarskynlik vir goed. Terwyl ’n motorongeluk Bles in 2000 van sy bewonderaars weggeruk het, het paniekaanvalle ’n einde gemaak aan die musiekloopbaan van die gewilde donkerkopaanbieder van die kykNET-reeks Leef jou reis. “Dit was so drie jaar terug dat ek my selfvertroue op die verhoog verloor het,” erken…

As jy ’n persoonlike probleem het, skryf gerus aan Liewe Elize, Posbus 1802, Kaapstad 8000 of elize@huisgenoot.com. Of SMS LIEWE ELIZE gevolg deur jou vraag na 36489. Elke SMS kos R1. HOE HELP EK SUS VAN OU WEGKOM? V My sussie is nou al ’n hele paar jaar lank in ’n verhouding met iemand wat glad nie goed is vir haar nie. Sy onttrek haar aan ons as huisgesin. Hy mishandel haar, maar sy wil nie luister nie. Ek het al hoeveel keer probeer praat. Ek is met ’n wonderlike man getroud en wil dieselfde vir haar hê. Die kêrel kom glad nie by ons ouerhuis kuier nie. Sy is altyd by hom. Dit voel of ek nie meer ’n suster het nie. Los ek haar om haar eie kop…

SKERWE Deur SALLY PARTRIDGE, vertaal deur ZELDA BEZUIDENHOUT (Lapa-uitgewers, R150 by loot.co.za) Demi word 17, en sy nooi haar vyf beste vriende na ’n musiekfees in die Cederberge. Hul “partytjie van die dekade” word egter ’n nagmerrie toe sy in ’n meer verdrink. Een van haar vriende is die skuldige. Damian is haar besitlike ou: “Demi was nie my eerste meisie nie, maar sy was die enigste een wat saak gemaak het. Sy het my verstaan. ’n Regte vuurwerkie en met haar kinderlike gegiggel en haar punkstyl het sy dit reggekry om deur my hardegatgeit te breek. “Die snaaksste van alles is dat ek voorheen nooit eens na meisies soos sy – die borrelende tipe – gekyk het nie. Sy het my verander. “Ek was nie meer die stil, bedonnerde…

WAARSÊER Blondine: “ ’n Waarsêer het vir my gesê ek gaan in ’n ongeluk sterf.” Vriendin: “Maar dis vreeslik! Glo jy haar?” Blondine: “Ja, maar sy het gesê ek hoef nie bekommerd te wees nie. Dit sal eers aan die einde van my lewe gebeur.” KUIKEN HEUNINGKWAS Die pierewaaier draai die sjarmekrane oop en sê vir ’n meisie: “Jy is die oulikste en vriendelikste meisie wat ek al ooit ontmoet het.” Sy laat haar nie so maklik vang nie en sê reguit: “Ag, man, dit is duidelik dat jy my net wil vlei.” Toe antwoord hy: “Sjoe, en dan is jy nog slim ook!” JEAN, KAAP TOPPOSISIE V: Wat noem jy die aap wat die hoogste in die boom sit? A: Die takbestuurder. KUIKEN REG GERAAI! ’n Ou sit in…

NO 2 133 As jy vashaak, kan jy gerus ander lesers se raad vra op ons Facebookblad met die naam Huisgenoot Blokraaie. WEN ’N GESKENKPAK VAN BRAMLEY VRAAG: WATTER SOORT VOERTUIG IS TER SPRAKE? Die wenner ontvang ’n geskenkpak van Bramley. Hul weefseloliereeks is in ’n verskeidenheid soorte beskikbaar: Magnolia, Cocoa Heaven, Pink Blossom, Lavender en Herbal Camphor. Bramley het onlangs ook ’n Afrika-versameling by hul produkreeks gevoeg en bied gehalte wat jy kan vertrou. Bramley-produkte is landwyd by PEP beskikbaar. Besoek www.bramleycosmetics.co.za of /bramleycosmetics op Facebook of Instagram vir nog inligting. KODERAAI DIE ANTWOORDE VIR AL HIERDIE RAAISELS IS OP DIE WENNERS-EN-OPLOSSINGSBLADSYE. Vandeesweek se leidraad is ’n Suid-Afrikaanse akteur se naam. Sy van is Sandilands, maar jy moet sy naam in die grys blokkies onder die foto invul. As…

12 MEI 1820 FLORENCE NIGHTINGALE SIEN DIE LIG Florence Nightingale was ’n Engelse verpleegster wat bekend geword het vir haar idees oor moderne gesondheidsorg en sanitasie en haar harde werk gedurende die Krimoorlog van 1853-’56. Brittanje, Frankryk en Turkye was gewikkel in ’n oorlog teen die Russiese Ryk. In die tyd waarin sy grootgeword het – die Victoriaanse Era in Brittanje – is daar nie van vroue verwag om te werk nie… Of liewer: Daar is nie verwag dat hulle amptelike loopbane het nie. Hulle het natuurlik hard gewerk, maar tuis wanneer hulle vir hul man en kinders moes sorg. Florence het egter ander planne gehad. Sy was godsdienstig en het gevoel asof God van haar verwag om iets belangrikers te doen: om mense wat swaarkry te help. In daardie…

BOEK FLIPPIE WORD ’N VLIEG FANIE VILJOEN Daar is niks erger as ’n vlieg wat om jou zoem terwyl jy eet of met iets doenig is nie. Vlieë is die pits en nie almal is lief vir dié insek wat so lastig kan wees nie. Nou verbeel jou jy was ’n vlieg! Jip, dit klink aaklig, maar dit is presies wat met Flippie gebeur. Die arme ou ruil sowaar plekke om met ’n vlieg. En die vlieg is ewe skielik ’n mens. Kry jouself reg vir ’n superjiggie reis! PODCAST STORY PIRATES SPOTIFY & ITUNES Dié podcast het verlede jaar ’n iHeartRadio- en ’n Webby-prys gewen. Hierin lees, sing en voer sterre die stories op wat deur kinders geskryf is. En die beste is dat dié jong skrywers dan ook…

EK HET tou opgegooi. Geen hoeveelheid wilskrag was genoeg nie. Elke keer dat ek by die rekenaar gaan sit, het ek gou opgestaan met die leë Word-dokument as ’n skandelike bewys van my gebrek aan fokus. Party dae het ek nie eens my lessenaar gehaal nie. Dit het gevoel asof my gedagtes op plaknotas neergeskryf is, honderde notas wat in ’n reusewindtonnel warrel. Ek was ook in die windtonnel, verwoed besig om na elke stukkie papier te gryp. Ek was veronderstel om ’n skrywer te wees. Maar ek was ’n skrywer wat nie geskryf het nie. Pleks daarvan het ek in die bed gelê, verlam deur verveling en wanhoop. Ek het myself wysgemaak hierdie geestelike afsluiting was weens die inperking. Dit was November 2020 en ’n tweede golf covid-19 was…

Die Instagrammodel Sydney Chase (23) beweer in ’n onlangse episode van die podcast No Jumper sy het in Januarie vanjaar intiem verkeer met Khloé Kardashian se kêrel, die basketbalspeler Tristan Thompson (30). Dit is nie die eerste keer dat die sportman daarvan beskuldig word dat hy die 36-jarige ma van sy kind verkul het nie. Tristan en Khloé is in Augustus 2016 die eerste keer aan mekaar verbind en het haar swangerskap ’n jaar later aangekondig. Maar net voor die geboorte van hul dogter, True, het die Amerikaanse nuuswebtuiste TMZ kringtelevisie-videomateriaal uitgereik waarop ’n man wat skynbaar Tristan is ’n ander vrou soen. Ten spyte van die kritiek van aanhangers het Khloé Tristan weer in haar lewe toegelaat en beweer sy doen dit vir True (nou drie jaar oud). Maar…