Innehållsförteckning för 17 Jun 2021 från Huisgenoot

1 ‘EN DIE WENNER IS… FRANCOIS VAN COKE!’ “Vat hom, hy’s pap tyres!” het die rocker se hoek geskree tydens sy vertoonboksgeveg teen die oud-Bok Derick Hougaard. En toe maak hy so Wat ek dink oor die geveg tussen hierdie twee manne: Derick se lyfhoue pleks van Francois se kophoue maak beslis van Derick die beter spanspeler. Ek salueer jou, Derick Hougaard! SANET Ek het dan gedink Derick het sulke kwaai issues ná hy uitgetree het uit rugby. En nou “boks” hy. Francois het seker maar opsetlik “amper” raak geslaan. Net so vir die wis en die onwis… ANDRÉ Twee mans doen ’n liefdadigheidsboksgeveg, en mense kryt die een of albei uit? Ons mensdom wil ook altyd iets slegs in iets moois sien. Ek is trots op julle albei, Francois…

MUSIEK was hul lewe en passie, maar ook hul brood en botter – tot daardie kwade dag toe die covid-19-pandemie die land tref en konsertsale se deure toeslaan en kunstefeeste van die kalender verdwyn. Wat nou?” Dít was die vraag vir selfs die bekendste name in die Afrikaanse musiekbedryf terwyl die rekeninge opgehoop en die spaarvarkie ál leër geword het. Vir talle was die antwoord om uit te spring en ander talente in te span – selfs talente wat hulle voorheen nie eens geweet het hulle het nie. Soos Corlea Botha wat nou as hare-en grimeerkunstenaar werk en Juan Boucher wat videoredigering doen. Volgens ’n verslag deur die South African Cultural Observatory, getiteld “Impact Analysis: Live Music and Its Venues and the South African Economy During Covid-19”, het meer as…

REËNBOOGPEPERLAMSTJOPS MET OOR-DIE-BRAAIRATATOUILLE Swartpeper word nie net gebruik om ’n gereg skerper te maak nie; dit dra ook by tot ’n algehele warm geur. As dit met die effens vrugtiger geur van pienkpeperkorrels gepaardgaan, is dit heerlik oor lamstjoppies. GENOEG VIR 4 MENSE BEREIDING: 15 MIN. GAARMAAK: 20 MIN. RATATOUILLE ◗ 2 rooi-uie, in kwarte gesny◗ 4 preie, skoongemaak en in stokkies gesny◗ 1 groen soetrissie, ontpit en in kwarte gesny◗ 1 rooi soetrissie, ontpit en in kwarte gesny◗ 4 murgpampoentjies, in stokkies gesny◗ 30 ml (2 e) olyfolie◗ sout en vars gemaalde peper◗ 1 x 410 g-blik heel tamaties in tamatiesous◗ 5 ml (1 t) suiker TJOPS ◗ 4 lamstjops◗ 30 ml (2 e) olyfolie◗ 30 ml (2 e) pienkpeperkorrels◗ 15 ml (1 e) vars gemaalde swartpeper◗ 20 ml…

WEN Jy kan nou aanlyn by Sheet Street (sheetstreet.com) koop. Ons gee twee Sheet Streetkoopbewyse ter waarde van R2 500 weg. SMS jou naam en die woord ONLINE na 35407*. Die kompetisie sluit op 24 Junie. KRY DIT HIER @HOME 0860-834-834; DECOFURN 087-740-1800; DESIGN STORE 082-940-9200; FAITHFUL TO NATURE 021-785-3268; HUMBLE SAFFA 0860-022-002; MR PRICE HOME 0800-212-535; MUNGO 087-135-5988; NATIVE DÉCOR NATIVEDECOR.CO.ZA; NETFLORIST 087-135-0005; SHEET STREET SHEETSTREET.COM; THE LIGHTING WAREHOUSE 011-201-2600; WOOLWORTHS 0860-022-002; YUPPIECHEF 0861-702-4969 HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

MAN KRAAK ‘SY PRINSES’ AF V Ek is aan ’n man verloof wat my afkraak, maar die volgende dag sê hy hy het niks daarmee bedoel nie. Ons is nou uitmekaar omdat hy goed in my woonstel beskadig het. Hy doen allerhande verkeerde dinge en gee altyd voor asof ek die oorsaak van sy optrede is. Wanneer ons uitmekaar is, het hy kortstondige verhoudings met ander vroue. Wanneer ons terug by mekaar is, beskuldig hy my dat ek hom verkul. Hy sal byvoorbeeld die aand uithaak, en die volgende dag mag ek glad nie daaroor praat of kwaad wees nie. Wanneer hy nie in ’n bui is nie, behandel hy my soos ’n prinses. Maar ek is altyd op my senuwees. U op N A Wanneer ’n mens emosioneel mishandel…

1 Beskryf jouself in vier woorde. Ontvanklik, gemaklik, sensitief en onbeweeglik. 2 Wat is die raad wat jy bly is jy geïgnoreer het? As jy nie ’n vaste werk het nie, dan sal jy nêrens kom nie, want ’n mens kom nêrens as jy nie ’n maandelikse salaris het nie. 3 Met watter musikant sal jy graag wil saamwerk? Met die sangeres Jodi Jantjies. 4 Wat sal jou droomonderhoud wees? Dit sal met Katlego Maboe wees, want hy is ’n aanbieder na wie ek opsien. Hy is veelsydig en toegewyd. 5 Indien jy nie ’n aanbieder of rapper geword het nie, wat sou jy wees? ’n Kruiedokter en alchemis.…

Aksie. Ná ’n uitbreek van zombies in Las Vegas word die stad van die res van Amerika afgesny. Die regering beplan om al die zombies met ’n kernbom uit te wis. Die huursoldaat Scott Ward (Dave Bautista) het sy vrou verloor en praat skaars met sy dogter, Kate (Ella Purnell). Die skatryk casinobaas Bly Tanaka (Hiroyuki Sanada) nader Scott dan om in die kwarantynsone in te breek en $200 miljoen uit ’n kluis in sy casino te steel. Scott en sy span het net 32 uur voor ’n kernbom op die stad neerstort. As hy slaag, word hulle $50 miljoen betaal. Dan sluit sy dogter by die span aan. Gaan hulle zombie-kos word? Army of the Dead is ’n mengsel tussen ’n apokaliptiese gruwelprent en ’n Ocean’s Eleven-styl misdaadfliek. Veral…

VERHALE VAN HOOP: SÓ HELP JY JOU GELIEFDE EN JOUSELF Deur PIETER VAN ZYL (Lapa Uitgewers, R295) “Ek het een nag om 04:23 in my woonstel in Seepunt gesit en die verwoesting rondom my verslae gadegeslaan. My lewensmaat wat met bipolariteit saamleef, het in ’n maniese fase alles stukkend gegooi. Ek het toe gewens ek het ’n boek of een of ander betroubare riglyne gehad om die regte dinge te doen om die situasie vir ons albei te ontlont.” So antwoord Pieter van Zyl toe ek hom vra waarom hy Verhale van hoop geskryf het. “Ek glo die boek se verhale en raad kan mense in moeilike situasies help met praktiese raad. En die grootste doelwit is om bewustheid en begrip te skep. Vrees skep haat of onverdraagsaamheid. As die…

WOESTE WOORDEBOEK Kampeer: Wanneer jy ’n fortuin daaraan bestee om vir ’n paar dae soos ’n hawelose te leef. LOUISE NOETH AANLYN PYN V: Wat is ’n elektroniese egskeiding? A: Dit is wanneer iemand jou op Facebook blok. DENISE, PRETORIA WEES GEWAARSKU Gert is ’n landmeter en moet op ’n dag na ’n eiendom gaan. By die hek is daar waarskuwingsborde: “Oortreders sal vervolg word”, “Privaat eiendom”, “Geen toegang” en “Pas op vir die hond”. Hy waag dit om in te gaan en tot sy verbasing is die eienaar uiters vriendelik. Toe Gert gereed maak om te vertrek, sê die man: “Kom kuier wanneer jy weer in die omgewing is. Ek kry maar min besoekers.” LOUISE NOETH ERG, ERGER … Sy: “Wat is erger as ’n gebroke hart?” Hy: “Het…

Bespreek jou plek GRATIS! 1 JULIE OM 20:00 AANBIEDER Gerda Engelbrecht is een van Huisgenoot se gereelde blokraaiopstellers. WANNEER Ons volgende kuier is op 1 Julie 2021. TYD 20:00 WAT IS DIT? Blokraai Regstreeks is ’n aanlyn speletjiesprogram waar jy ander blokraaigeesdriftiges ontmoet, saam-saam oor leidrade kopkrap en lekker pryse wen. GERDA ENGELBRECHT HOE WERK DIT? Deelname is gratis, maar jy moet met ’n e-posadres registreer. Die skakel na die uitsending sal na daardie e-posadres gestuur word. Ons volgende kuier is op 1 Julie. Gaan na www.crowdcast.io/e/huisgenoot_blokraai_julie om jou plek te registreer. Om 19:55 op 1 Julie klik jy op die skakel en kry jy toegang tot die uitsending. Ons begin stiptelik om 20:00. ONTHOU Omdat jy leidrade in ’n blokraai moet kan raaksien, werk ’n rekenaar beter as ’n…

AANHANGERS het gedink Matthew Perry het eindelik sy groot liefde ontmoet toe hy aan Molly Hurwitz verloof geraak het, maar nou is hy weer enkellopend. Die 51-jarige Friends-akteur en die 29-jarige talentbestuurder het in 2018 begin uitgaan en sewe maande gelede hul verlowing aangekondig. “Gelukkig is ek op die oomblik saam met die wonderlikste vrou op aarde,” het Matthew toe gesê. Maar nou is dit alles verby. “Soms werk dinge net nie uit nie en dis een van daardie dinge,” het Matthew aan People gesê. “Ek wens Molly net die beste toe.” Nuus oor die verbrokkeling van hul verhouding volg net ’n paar weke nadat hy uitgevang is dat hy op Raya, ’n maatsoek-app vir bekendes, met ’n 19-jarige meisie flankeer het. Kate Haralson (nou 20) het in April ’n…

DEFTIGE DRAG IDRIS ELBA (48) Die Britse akteur kan altyd deur ’n ring getrek word. Beproef sy gemaklike styl in donker kleure en klassieke kombinasies. WENK Lyk stylvol in klassieke warm skakerings soos sjokolade, vlootblou en olyf. Dis perfek vir jou winterklerekas ONTSPANNE STRAATSTYL DAVID BECKHAM (46) Niemand doen dit soos Becks nie! Die gewese Engelse sokkerster is een van die besgeklede manlike sterre. Die sokkerklub-eienaar lyk altyd sportief en sjiek in straat-en informele drag. ONTSPANNE WENK Rond ’n klassieke of ontspanne voorkoms af met ’n bril. STRAATSTYL ORLANDO BLOOM (44) Die Lord of the Rings-akteur en pa van twee het ’n koel preppie-styl wat sy status as stylikoon uit eie reg bevestig. Orlando maak altyd ’n modestelling – of hy nou die deftige of ontspanne roete kies. ONTSPANNE WENK…

BELEGGINGS kan wissel van effektetrusts en eiendom tot stokvels. Wat vir jou werk, hang natuurlik van jou persoonlike omstandighede af, maar formele spaarplanne is nie altyd vir almal nie. Ons het drie glansmense en twee finansieskenners oor hul gunstelingplanne uitgevra. BOUWER BOSCH MUSIKANT Met Straatligkinders was ek nog baie jonk, en toe ons ná ses jaar van toer ’n break vat, besef ek dat ek niks betekenisvols met my inkomste daaruit gemaak het nie. Dit was ’n duur les, want toe’s ek platsak. Dit het ’n rukkie geneem om te besef watter belegging musiek vir my is. Deesdae kom baie van jou inkomste met stroming op You-Tube, Facebook en TikTok. Elke liedjie is soos ’n klein eiendom: Wanneer mense daarna luister, betaal hulle huurgeld. Dié geld bou op, en jy…

WAAROOR GAAN DIT? Dié misdaaddrama is op ’n ware verhaal gegrond. In 1994 word ’n jong meisie, Ntombizonke Bapai (Hlubi Mboya), en nog ander vir mensehandel ontvoer. Hulle word na ’n mynkamp van die Nasionale Party se voormalige kabinetsminister FJ Nolte (Deon Lotz) geneem waar hulle misbruik en mishandel word. Hulle word verkoop en van hulle beland by ’n bordeel waar die mishandeling voortduur. Die fliek stap ’n pad met die seer en jare lange wrokke wat Ntombizonke van kindsbeen af koester. Sy bevind haar jare later in die polisiemag as ’n forensiese wetenskaplike, maar agter haar kalm persoonlikheid skuil onopgeloste trauma. Sy ontwikkel ’n buitengewone band met ’n speurder, Jodie Snyman (Erica Wessels), wat ’n rits mensehandelsake ondersoek. Baie van die ondersoeke loop uit op ’n doodloopstraat, maar daar…

■ Bel. Reik uit. Jy is beslis nie alleen nie. Elke ervaring is uniek, maar daar is miljoene mense wat deur dieselfde gaan as jy. Daar is beslis ’n kollega, vriend of familielid wat jy enige tyd van die dag of nag kan bel. ■ Begin ’n WhatsApp-groep. Jy is net so sterk soos jou ondersteuningsnetwerk. ■ As jy nie voel jy het sulke mense in jou lewe nie, is die beste beginpunt Sadag se Cipla-noodlyn (0800-456-789) wat 24 uur per dag beman word. Hulle sal jou dan na ’n steungroep in jou gebied verwys of jou help om een te begin. ■ As jy jou lewe wil beëindig, moet jy so gou moontlik in ’n privaat of staatshospitaal opgeneem word. Sadag het ook ’n selfmoordkrisislyn: 0800-567-567.…

TWEELING 21 MEI – 20 JUNIE Jy kan ’n sug van verligting slaak sodra jou regerende planeet, Mercurius, vorentoe in jou eie teken beweeg. As jy die afgelope ruk misverstaan of – nog erger – verkeerd aangehaal is, sal jy ’n kans kry om duidelikheid aan die situasie te verleen. Sake, geld en werk het almal die potensiaal om suksesvol te wees, mits jy ’n sekere mate van kreatiwiteit na die proses bring. Sorg vir betowering met jou slag vir humor en woorde. GELUKKIGE NOMMERS 28, 3, 47, 13, 48, 24 KREEF 21 JUN – 21 JUL Dis ’n goeie week om vergifnis te beoefen – vir jouself, vir ander wat jou moontlik leed aangedoen het en van oortuigings wat dalk aan jou opgedwing is. Dit beteken nie dat jy…

> FOTOBLOKRAAI NO 2 138 As jy vashaak, kan jy gerus ander lesers se raad vra op ons Facebookblad met die naam Huisgenoot Blokraaie. WEN ’N GESKENKPAK VAN CATRICE VRAAG: WATTER SOORT MATERIAAL IS TER SPRAKE? Hierdie week wen een leser ’n geskenkpak van Catrice ter waarde van R500. Catrice is aan die voorpunt van die nuutste grimeertrends en bied ’n groot reeks kleurkeuses met moderne sowel as klassieke skakerings en luukse teksture. Stel Catrice se Clean Beauty-reeks, gemaak van natuurlike bestanddele, op die proef of ervaar die voordele van Catrice se luukse velserums. Catrice-produkte is beskikbaar by Dis-Chem, Takealot, Zando, Superbalist en House of Cosmetics. NEEM SO DEEL Vul die blokraai in en gebruik die letters in die kleurblokke om die antwoord op die vraag te ontsyfer. SMS “HG”…

1 In watter land is die eerste geval van covid-19 buite China aangemeld? 2 Waar of onwaar: Duitsland is ’n buurland van Pole. (Onder is die Brandenburgse Poort.) 3 Fuchsia is ’n skakering van watter kleur? 4 Waar in die wêreld sal jy die Petronastorings kry? 5 Met watter beer is Christopher Robin vriende? ANTWOORDE 1. Thailand. 2. Waar. 3. Pienk. 4. Kuala Lumpur, Maleisië. 5. Winnie-the-Pooh. BRONNEBBC.COM, EWN.CO.ZA, GQ-MAGAZINE.COM, NYTIMES.COM, CAPETOWNETC.COM, BUSINESSINSIDER.CO.ZA, ECOWATCH.COM, NEWSFORKIDS.NET, THEGUARDIAN.COM, KIDSNEWS.COM.AU, REUTERS.COM, BBC.CO.UK, TIMESLIVE.CO.ZA, SPACE.COM…

BILLY CLAASEN (48), PLAASSEUN EN STUDENT ‘DIT was ’n paar bruin skoene. ’n Paar gewone bruin skoene wat my skoonsuster se broer op skool gedra het. Dit was my eerste paar skoene. Daarna – toe ek in Vredendal by my ma se familie gaan bly het vir hoërskool – het my oom in 1989 vir my my eerste paar skoolskoene gekoop. Ek was 16 jaar oud. Dit was my eerste nuwe paar skoene. Ek het nog nooit voor dit geweet hoe nuwe goed aan jou liggaam voel nie. My skoolbroeke en hemde was als vir my geleen. Ek het dit net aanvaar asof dit van ’n winkel af kom. Ek het nooit my ma gevra wie het dit vir my gegee nie. Ek is in 1972 gebore en ons het…

Een van die bekende stemme wat in die Turkse telenovelles gehoor word, is dié van die akteur Denver Vraagom. In Dokter Ali, ’n nuwe reeks wat binnekort uitgesaai word, speel hy ’n dokter. “Met oorklanking doen jou stem basies jou hele werk. Dis heerlik en sielsvervullend, want jy moet die karakter se stem inkleur,” vertel die akteur wat al sedert 1990 oorklankingswerk doen. Boonop het die werk baie akteurs van ’n inkomste voorsien toe die vermaakbedryf hard getref is deur die pandemie en inperking. “Stemoorklanking het my lewe gered tydens die inperking,” sê Denver. “Ek kon my kar vol diesel maak.” Ook die Suidooster-aktrise Gerwen Simon, wat Dilara in die telenovelle Deur dik en dun speel, sê die oorklankingswerk het haar “verskriklik baie gehelp” toe covid-19 verlede jaar uitbreek. Dit…

Die eertydse tienersensasie het in 2010 haar eie lewe probeer neem nadat sy jare lank teen dwelmverslawing en depressie geworstel het wat deur die hoëdrukwêreld van topklastennis teweeggebring is. “Dit is asof ’n demoon jou oorneem. Jy voel net daar’s geen uitweg uit die ruimte waarin jy is nie,” sê sy. “Wanneer jy net so uitgeput en moeg is, dink jy: ‘Ek wil nou van die aarde af verdwyn; ek voel walglik binne. Ek kan nie eens my eie vel verdra nie, en ek wil net uitkom.’ ” Jennifer (45) lei tans ’n afgesonderde, eenvoudige lewe in ’n woonstel in Miami. Benewens ’n twiet af en toe sê sy selde enigiets oor die sport wat haar ryk en beroemd gemaak het.…

DIE TV-AANBIEDER JANEZ VERMEIREN EN SY PA, JAN 3 lewenslesse wat jou pa jou geleer het ■ Hy’t my geleer om altyd nuuskierig te wees, vrae te stel, te lees en leer. Dit het my op my reise geweldig laat groei. ■ Hy het my oorlaai met liefde in my grootwordjare, en dit het my geleer hoe belangrik dit is om tyd saam met my drie kinders deur te bring. ■ Hy het my die waarde van ervarings en avonture bo materiële dinge geleer. My pa het altyd al sy geld gebruik om ons lewe te verryk deur reise en avonture. 2 goed wat julle in gemeen het ■ Ons liefde vir reis en avontuur. ■ Ons hou ook van ’n goeie samesweringsteorie. 1 Vadersdaggeskenk wat uitstaan ■ Die belangrikste…

KRY DIT HIER ABERCROMBIE & FITCH FOSCHINIFORBEAUTY.CO.ZA; AFRICOLOGY AFRICOLOGYSPA.COM; ALL FOR MEN TAKEALOT.COM; BAOCARE FAITHFUL-TO-NATURE.CO.ZA; BIOMEDICAL EMPORIUM BIOMEDICALEMPORIUM.COM; BEAUCIENCE TAKEALOT.COM; BVLGARI FOSCHINIFORBEAUTY.CO.ZA; CLARINS CLARINS.CO.ZA; DERMALOGICA DERMALOGICA.CO.ZA; EARTHSAP FAITHFUL-TO-NATURE.CO.ZA; FINO 0860-254-257 (CLICKS); GOLD SERIES 0860-254-257 (CLICKS); HAPPY LOOK HAPPYLOOK.CO.ZA; SOIL SOIL.CO.ZA; IS CLINICAL ISCLINICALSKINCARE.CO.ZA; JACK BLACK COSMETOLOGY.CO.ZA; L’ORÉAL 011-286-0700; PHILIPP PLEIN FOSCHINIFORBEAUTY.CO.ZA; SIMPLY BEE FAITHFUL-TO-NATURE.CO.ZA; THE BLUEBEARDS TAKEALOT.COM; TYPO COTTONON.COM; URBAN MEN TAKEALOT.COM; WAHL GAME.CO.ZA; WATERPIK TAKEALOT.CO.ZA; WINTERGREEN TAKEALOT.COM HOEWEL ONS ALLES IN ONS VERMOË DOEN OM KORREKTE PRYSE TE VERSKAF; KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE. Ons keuses SAKPAS-MINDER AS R150 DUURDER - MINDER AS R600 PREMIUM - MEER AS R600…

Geen enkele terapie is wêreldwyd as standaardbehandeling vir RBS goedgekeur nie, sê Irshaad. Verskillende medisynes word wêreldwyd voorgeskryf, waaronder dopamienagoniste, bensodiasepiene, opioïede, spierverslappers, levodopa en medisynes wat vir parkinsonsiekte gebruik word (hoewel in laer dosisse). Dis nie altyd nodig om voorskrifmedikasie vir die toestand te drink nie, veral as die simptome minder ernstig is. In ligte gevalle kan jy eerder met leefstylaanpassings begin, soos om meer te oefen, jou bene te laat masseer en dit in water te week. As jou RBS verband hou met ’n onderliggende siektetoestand, moet jy eers daardie toestand behandel. “In die geval van ’n ystertekort kan ysteraanvullings byvoorbeeld die simptome laat weggaan. Die oorsaak van RBS moet eers ondersoek word en indien moontlik doeltreffend behandel word,” som Maurits dit op. “Nog algemene raad wat simptome…

PUNTE A Almal D Dwelms G Geweld Gr Gruwel N Naaktheid O Ouerdiskresie S Seks T Taal V Vooroordeel Pasella word Woensdae om 19:30 op SABC2 uitgesaai. GESOUTE AANBIEDER Ons het dié boorling van Worcester in die Wes-Kaap in 2018 leer ken as een van die aanbieders van die joernaalprogram Pasella. Sedertdien het Rumacques Gelderbloem (35) ook al as veldaanbieder in die aktualiteitsprogram Klop! gesig gewys. Hy kuier nou weer in ons sitkamers vir die 28ste seisoen van Pasella. Hy was nog altyd ’n groot aanhanger van die reeks en het as kind opgesien na Paul Rothmann, wat die afgelope 22 jaar ’n aanbieder van die program is. Sy heel eerste onderhoud vir Pasella was met die Suidooster-aktrise Jill Levenberg. Rumacques wou nog altyd ’n aanbieder wees. “Om met mense…

In Billie Holiday se skoene Dié skokkende maar roerende biografiese prent volg die lewe van die ikoniese Amerikaanse jazz-en swingsangeres Billie Holiday, wat die wêreld laat regop sit het met haar liedjie “Strange Fruit”. Billie is as Eleanora Fagan gebore. In die fliek stap die kyker die pad saam met Billie deur haar moeilike grootwordjare en haar pad na roem. Tydens haar loopbaan word sy die teiken van ’n ondersoek deur die federale narkotikaburo. Die ondersoek word gelei deur die federale agent Jimmy Fletcher (Trevante Rhodes) wat eindelik verlief raak op dieselfde vrou wat hy agter tralies moet sit. Billie Holiday-aanhangers kry ’n kykie in haar traumatiese lewe en uitdagende pad na roem. Is dit goed? Die beeldskone sangeres Andra Day, wat verantwoordelik is vir die treffer “Rise Up”, se…

NO 2 392 As jy vashaak, kan jy gerus ander lesers se raad vra op ons Facebookblad met die naam Huisgenoot Blokraaie. WEN ’N GESKENKPAK VAN PLUSH PLUS KOM IN AANMERKING VIR DIE MAANDELIKSE TREKKING VAN R1 000. VRAAG: Watter hulpmiddel vir lugvaarders is ter sprake? Twee lesers wen elk ’n geskenkpak van Plush ter waarde van R250. Met Plush se skoonmaakprodukte kan jy jou huis sonder ’n druppel water skoonmaak. Beproef Plush se waterlose skoonmaakprodukte vandag en geniet die silwerskoon, geurige resultate van elke vee, spuit, skrop of vlekverwydering. Elke druppel tel en wat regtig saak maak is hoe skoon jou huis is. Vir nog inligting besoek www.plush.co.za, @PlushSA (facebook), @Plush_ZA (twitter) en @plush_southafrica (Instagram). NEEM SO DEEL Vul die blokraai korrek in, skryf die letters in die kleurblokke…

Wat is dit? Dit is ’n reeks video’s wat dien as ekstra lesse oor jou skoolwerk en bykomende studiehulp. Elke video bestaan uit ’n kort les. Dit behandel en verduidelik van die belangrike gedeeltes van die kurrikulum en moontlike vrae in die matriekeksamen. Watter vakke word behandel? • Wiskunde• Rekeningkunde• Besigheidstudies• Lewenswetenskappe• Fisiese Wetenskappe• Wiskundige Geletterdheid• Geografie• Geskiedenis• Afrikaans Huistaal• Engels Eerste Addisionele Taal Waar kry jy dit?* Besoek Huisgenoot se webtuiste by www.huisgenoot.com, klik op HG Junior en dan op 100 matriekvrae om die video’s te kyk. * Huisgenoot.com is deel van Netwerk24. Toegang tot die video’s is beperk tot Netwerk24-intekenare of diegene wat geregistreer is vir die 30-dae-gratis-aanbod. Intekenare betaal slegs R99 per maand. Besoek www.netwerk24.com of laai die app in jou app-winkel af.…

OP Jeugdag word die opofferings en nalatenskap gedenk van die jong mense wat in 1976 in Soweto in opstand gekom het teen die apartheidsbeleid van daardie tyd. Hulle het gewys jong mense kan hul stem laat hoor – en hul stem dan ook laat geld. Dit herinner ons die jeug hét ’n sê in die toekoms en dat jong mense die wêreld kan beïnvloed en kan help om dinge beter te maak. Ons het by ’n paar talentvolle jong mense, wat nou self ’n verskil in ander se lewe maak, gaan hoor hoekom dié dag 45 jaar later steeds so belangrik is. JEZELLE CATHERINE KRITZINGER (19) Dié tiener van Springs in Gauteng is ’n influencer wat daagliks haar 1,5 miljoen followers op haar TikTok-profiel – @jezelle.x – motiveer. Wat beteken…

DIS stikdonker en snerpend koud, maar tienduisende drawwers staan skouer teen skouer en wag op die oomblik waarvoor hulle so hard gewerk het. In sitkamers landwyd sit gesinne met bekers stomende koffie met ewe veel afwagting voor die televisie. Die opgewondenheid styg wanneer die hoendervelklanke van “Chariots of Fire” oor die atlete spoel. Dan kraai die hoenderhaan en met ’n gejuig begin die see van mense deur die strate stroom Dis die begin van nog ’n Comrades-marathon, Suid-Afrika se weergalose sportskouspel wat vanjaar ’n eeu oud is. Dis 90 km van bloed, sweet en trane, ongelooflike drama en heldedade. Een jaar afdraand van Pietermaritzburg na Durban; die volgende jaar opdraand. Teen moordende bulte soos Polly Shortts en Cowies Hill word atlete gebreek en legendes gebore. Wally Hayward, Bruce Fordyce, Frith…

DIT was ’n troue soos die Britte byna 200 jaar laas beleef het. Tog was daar op die groot dag geen opgewonde skare wat langs die strate saamdrom om die bruidspaar te sien verbyry nie. Op Saterdag 29 Mei was Londenaars trouens salig onbewus van die geheime troue in die Westminsterkatedraal. Om halftwee is lede van die publiek selfs gevra om die indrukwekkende ou gebou te verlaat. Kort daarna het ’n swart limousine stilgehou en ’n jong, blonde vrou in ’n ivoorkleurige rok van netsy het uitgeklim. En toe sy later aan die arm van haar bruidegom uitstap, was sy amptelik Brittanje se premiersvrou. Boris Johnson (56) is die eerste Britse premier in die afgelope byna 200 jaar wat tydens sy ampstermyn trou. Hy is ook die eerste wat by…

Die Kaapse komediant het ’n nuwe komedievertoning, Loitering at the City Hall, saam met die platejoggie Chad Chitter op die planke en bedryf sy eie klerereeks waarop pittige sêgoed van sy verhoogkarakters pryk. Marc verklap wat hy tydens die inperking geleer het. 1 Hoe was dit om tydens die inperking te werk? Dit was nogal ’n skuif om aanlyn te moet beweeg. Ons moes aanvanklik met geen gehoor skiet nie, wat baie vreemd was. 2 Hoe voel jy oor die steun wat jy in dié moeilike tyd gekry het? My aanhangers was lojaal en ek kan hulle nie genoeg bedank dat hulle daar was vir my wanneer ek ’n nuwe vertoning aangebied het nie. Hulle het my gedra. 3 Noem een ding wat jy wens jy voor die inperking geweet…